مغترب-طبيب/ صيدلى/ تمريض اتفضل معانا

[نرمين عبد العزيز]

يا د حازم انا لقيت حضرتك مجاوب على العضوة بنت المدينة انها ممكن تقدم فى امتحان الهيئة ولو مش معاها عقد وهى على كفالة زوجها وان الامتحان مالوش دعوة بالحصول على وظيفة وبعدين لقيت فى رد تانى بتقول لازم عقد للتقديم فى الهيئة اى كلام هو اللى اتبعة؟ولك كل الشكر

[hazzabgohar]

اولا السلام عليكم كلكم ويا رب يجعلها سنه طيبه علي الجميع ثانيا انا اعرف دكتوره عامه ودخلت الامتحان وبعد ما نجحت عملت الترخيص واشتغلت يعني دخلت الامتحان وخلصت كل شي قبل ما تشتغل وبكره ان شاالله هجيب لكم الخبر اليقين منها انتظروني

[hazemtara]

السلام عليكم إخوانى

فينكم من زمان؟ وفينك يا د.حازم وفين مشاركاتك الدسمة

ولا عندكم اكتئاب من الى حاصل فى غزة مثلى

والله أنا موجود بأستمرار وبحاول بقدر ما استطيع انى ادخل واكتب كل الى اعرفة عن وزارة الصحة السعودية.

طبعا موضوع غزة دة مسبب لكل الناس اكتأب شديد لأنة وضح لمل الناس مدى ضعف المسلمين وهوانهم وانة للاسف ملناش وزن ولا قيمة فى وسط العالم الحالى ( عالم القوة وحسبى الله ونعم الوكيل ).

اللهم انصر اخواننا فى غزة وانتقم من اليهود وخذهم أخذ عزيز مقتدر

أمين يا رب العالمين.

كان عندى سؤال ؟؟

حضرتك ذكرت يا دكتور حازم إن الراتب بيتحدد بحجات بس ماذكرتش بدل الندرة

هو فعلا بدل الندرة هيتلغى من الوزارة زى ما سمعت ولا إيه؟؟؟؟

وإيه هى التخصصات الى بتاخذ بدل الندرة؟

وجزاكم الله خيرا

صدر قرار بدل الندرة سنة 1427هـ وطبق على فئات كثيرة من الأطباء واستفادوا منة ودى بعض الامثلة على التخصصات الى استفادت منة لحد ما اتكلم على القرار بالتفصيل فى المداخلات القادمة.

بعض التخصصات الى استفادة مثل :

جراحة الاطفال .

جراحة المخ والاعصاب.

جراحة الاوعية الدموية.

جراحة العظام .

جراحة النف والاذن.

العناية المركزة.

عناية القلب .

عناية الاطفال.

طبعا انا ذكرت دى امثلة والقانون بالتفصيل جاى ان شاء الله.

لكن فعلا هذا القانون صدر بعدة قرار سنة 1428هـ الغاة لان فى الفئات النادرة ناس استفادة وناس لم تستفيد ودة كان سبب لارتفاع معدل الاستقالات فى الوزارة .

لان مثلا تجد أخصائى تخدير بيخد 15000 ريال وزميلة طبيب الاطفال مش محصل 6000 ريال ففية ناس كثيرة استقالت واهذا الوزارة تداركت الموضوع بسرعة وصدر قرار الالغاء مباشرة تبعى المداخلات القادمة سوف اشرح القانونين دول بالتفصيل لان هم الى عليهم الدور مع القانون الخاص ببدل العدوة.

:)

[hazemtara]

السلام عليكم طب انا عايزة اسال انا ماعنديش عقد عمل وعايزة اقدم فى الهيئة علشان بس الامتحان اعمل اية وفى ناس قالوا ان الامتحان مش لازم عقد ولكن العقد علشان الترخيص فهل الكلام دة صحيح؟طب وعايزة اعرف هما بياخدوا صورة البسبور لية؟؟

اختى الفاضلة نرمين .

ربنا يكرمك يا رب وتجدى عمل وتنجحى فى الهيئة.

امين.

انا ذكرت قبل كدة الاوراق الى مدير الهيئة عندى هنا طلبها منى لما رحت اقدم لزوجتى على الاختبار .

1-وكان منها عقد عمل موثق. أو خطاب تعرف من جهة عملك.

2-صورة الجواز مختوم صورة طبق الاصل.

3-صورة الاقامة مختومة صورة طبق الاصل.

خدى بالك من رقم (1)

انا شخصيا جبت من مكان خاص هنا عقد عمل لزوجتى ووثقتة, ودة حل لى المشكلة.

فية ناس راحت تانية راحت دورت على عمل, ولما وجدت عمل , جابوا منة خطاب موجة للهيئة بالسماح ليهم لدخول الامتحان.

خلاصة الكلام الموضوع دة فية قانون بيطبق بس بالتفاهم مع مدير فرع الهيئة عندك ممكن كل حاجة لها حل. يعنى لازم تمرى على مدير الهيئة عندك وتشفية هو عاوز اية بدون انتى ما تفتحى معاه شفية هو هيقول اية, وا1ا ذكر حاجة مكلكعة او عقبة تبدئى تحولى تتناقشى معاة ممكن يتغاضى عنها ويسعدك.

بالتوفيق ان شاء الله :)

[hazemtara]

اولا السلام عليكم كلكم ويا رب يجعلها سنه طيبه علي الجميع ثانيا انا اعرف دكتوره عامه ودخلت الامتحان وبعد ما نجحت عملت الترخيص واشتغلت يعني دخلت الامتحان وخلصت كل شي قبل ما تشتغل وبكره ان شاالله هجيب لكم الخبر اليقين منها انتظروني

وعليكم السلام ورحمة الله وبركاتة

انا ذكرت من قبل فى مداخلاتى ان الهيئة شرط أساسى للحصول على العمل.

يعنى بدون رخصة الهيئة صعب جدا تلاقى عمل فى الحكومة.

ممكن القطاع الخاص لو محتاج يتغاضى عن الرخصة لحد حضرتك ما تدخلى الاختبار.

لكن الحكومة لا لا لا :) ( المقصود بالحكومة هنا وزارة الصحة والحرس الوطنى وقوى الامن والهئة الملكية و مستشفيات الجيش السعودى).

[نرمين عبد العزيز]

طب معلش يا د حازم انا هتقل عليى حضرتك هو لازم اجيب عقد عمل من مكان اكون فعلا هاشتغل فية بعد الترخيص ولا فية اماكن لو عندك فكرة ممكن تدينى عقد صورى كدة وكدة بس لدخول الامتحان ولو كان بفلوس ارجوك لو سمحت تفيدنى انا فى جدة؟؟؟؟؟؟؟؟؟؟؟؟؟؟؟؟؟يعنى هل ممكن اروح مستوصفات معينة تظبطلى عقد او خطاب؟

وحاجة تانية طب هو انالازم اقابل مدير الهيئة يعنى ماينفعش اسلم الورق وخلاص للموظف ولو الوظف ماسالنيش عن العقد مافتحش معاة الموضوع ولا حضرتك رايك اية؟جزاك اللة كل الخير

[نرمين عبد العزيز]

يا جماعة انتو فيييييييييين انا محتاجة انكم تردوا عليا بسرعة انا محبطة جدا ردوا عليا جزاكم اللة خير :rolleyes:

[hazemtara]

طب معلش يا د حازم انا هتقل عليى حضرتك هو لازم اجيب عقد عمل من مكان اكون فعلا هاشتغل فية بعد الترخيص ولا فية اماكن لو عندك فكرة ممكن تدينى عقد صورى كدة وكدة بس لدخول الامتحان ولو كان بفلوس ارجوك لو سمحت تفيدنى انا فى جدة؟؟؟؟؟؟؟؟؟؟؟؟؟؟؟؟؟يعنى هل ممكن اروح مستوصفات معينة تظبطلى عقد او خطاب؟

وحاجة تانية طب هو انالازم اقابل مدير الهيئة يعنى ماينفعش اسلم الورق وخلاص للموظف ولو الوظف ماسالنيش عن العقد مافتحش معاة الموضوع ولا حضرتك رايك اية؟جزاك اللة كل الخير

أختى نرمين لكى منى كل التحية والسلام وان شاء الله ربنا يكرمك قريبا بأذن الله.

أنا حضرتك ها أشرح لكى الى حصل معاية أنا شخصيا علشان تفهمى الموضوع ماشى الزاى.

أنا شغال فى الصحة فى المنطقة الى انا فيها وزوجتى جائت مرافقة معى هى والاولاد.

دورت كثيرا على عمل لها, طبعا بدأت فى الحكومة ( يعنى وزارة الصحة , الحرس , قوى الامن) ثم القطاع الخاص.

الردود الى سمعتها:

الحكومة ( الصحة , الحرس , قوى الامن) لازم تجيب يا دكتور تسجيل فى الهيئة وشهادة نجاحها فى الهيئة

طبعا المقصود لزوجتى.

لية يا جماعة الخير

يرد مدير المكان ويقول لانة دة أحد الشروط الاساسية للعمل عندنا.

كدة تمام --------------- الكلام دة فى الحكومة.

القطاع الخاص بيختلف ردهم على حسب الحاجة ( القطاع الخاص هنا بما ان زوجتى صيدلانية فكانت فرصتها فقط فى المعاهد الصحية الخاصة الى هية وظيفة تدريس يعنى).

ودول معظم ردهم ---------------- ممكن تيجى تشتغل وبعدين تروح تمتحن الهيئة ----مفيش مشكلة----------- وفيهم واحد قال لى مش ضرورى اصلا بالنسبة لينا الهيئة اصلا.

اذا الموضوع بيختلف من الحكومة والقطاع الخاص.

اما انا حليت اللغز دة ازاى ----------- فكلمت واحد من معارفى اتصل بمدير وصاحب أحد الاماكن الخاصة أعطانى عقد عمل رسمى من عندة زى الى بيعطية لاى متعاقد(بس طبعا دة فقط لمساعدتى على اجتياز موضوع الهيئة يعنى بأسلوبك عقد عمل صورى لمجرد ان مدير الهيئ يشوفة) .

ثم سجلت بية لزوجتى فى الامتحان ومشى الموضوع.

انا حكيت لكى علشان تفهمى الى حصل معاية انا شخصيا, لكن رأئى ان دة موش قاعدة كل القوانين فى السعودية مش بى تطبق كحد السيف ---------------لا.

انا ارى ان حضرتك تروحى لفرع الهيئة عندك ( للموظف المختص وتسألية اية المطلوب وتعملى نفسك مش عارفة حاجة خالص, وشوفية راح يطلب منك اية ممكن ما يطلبش موضوع العقد دة من اساسة. بالتالى ممكن يسمح لكى بالتسجيل فى الهيئة وهو دة مربط الفرس .

المرحلة الجاية حضرتك انسى الشغل تماما ركزى بس انك ازاى تسجلى فى الهيئة و تنجحى فىامتحان الهيئة .

وصضقنى مجرد ما تنجحى فى الهيئة 100% ها تلاقى شغل بسهولة.

خلاصة الكلام روحى الهيئة عندك فى جدة وحاولى تسجلى وحاولى تدخلى اقرب امتحان وانا متابعك لو احتجتى لشيئ أن تحت أمرك

[hazemtara]

يا جماعة انتو فيييييييييين انا محتاجة انكم تردوا عليا بسرعة انا محبطة جدا ردوا عليا جزاكم اللة خير

والله ما نسينك بس اعزرينى التصلات كثيرة على الخاص وفى المحاورات بصفة عامة فممكن الواحد يتأخر شوية على ما يرد.

التمسى لنا العزر.

بالمناسبة أنا زوجتى اشتغلت فى مكان تانى خاص ليس لة اى علاقة بالمكان الى جبت منة عقد لها أصلا.

ربنا يوفقك.

[hazemtara]

تعميم هام و سرى للغاية

التعميم الخاص ببدل الندرة

سعادة مدير عام الشؤن الصحية بمنطقة:

الرياض / مكة المكرمة /(جدة)

المدينة المنورة / القصيم / الشرقية/حائل

تبوك / الباحة/ الحدود الشمالية

جازان / نجران / الجوف / عسير ـــــــــــــــــــــــــــــــــــــــــــــــــــــــــــ المحترمين

سعادة المشرف العام على مجمع الرياض الطبى______________________المحترم

سعادة مدير الشؤن الصحية بالعاصمة المقدسة --------------------------------المحترم

سعادة مدير الشؤن الصحية بمحافظة : جدة/ الطائف / حفر الباطن /

الاحساء/ بيشة / القريات ___________________________المحترمين

السلام عليكم ورحمة الله وبركاتة

نظرا لما تواجهة الوزارة من صعوبات كثيرة تتمثل فى تعذر اشغال كافة وظائفها الطبية والطبية المساعدة عن طريق التعاقد لعدم منافسة الرواتب المعروضة عليهم بموجب لائحة توظيف غير السعودين ولوجود منافسة عالمية متزايدة لاستقطاب هذة العمالة بالاضافة الى كثرة الاستقالات وعدم رغبة المتعاقدين ممن هم على رأس العمل فى تجديد عقودهم لنفس السبب وبعد العرض عن هذا الموضوع للجهة المختصة تمت الموافقة على منح زيادات استثنائية لمن سيتم التعاقد مهم أو من ممن هم على رأس العمل وفقا للتخصصات المبينة بالجداول المرفقة مع مراعاة التخصصات التى أقر لها زيادات استثنائية سابقة كطبيبات النساء والةلادة والتى سبق منحنهن زيادات استثنائية وهى( بكالوريوس + دبلوم 20% زيادة , وماجستير 25 %, دكتوراة 50% ) مع الاخذ بالافضل لهن وعدم جواز الجمع بين الزاياداتين فى أن واحد , على ان يعمل بهذة الزيادات لمن هم على رأس العمل اعتبارا من تاريخ تجديد عقودهم القادمة كلا فى ميعادة.

نأمل أن يحظى هذا الموضوع باهتمامك الشخصى وأن يتم تطبيقة بطريقة دقيقة وبسرية تامة وعدم التصريح عن ذالك لأى وسيلة من وسائل الاعلام والتنبية على كافة المختصين لديكم بذالك للأهمية القصوى.

مع أطيب تحياتى؛؛؛؛؛؛؛؛؛؛

وكيل الوزارة للشؤن التنفيذية

د/ منصور بن ناصر الحواسى

26/4/1427هـ

[student]

الحقيقة يل باشا

انا من رايي نعينك المستشار الثقافي لمحاورات المصريين في السعودية :lol:

ايه ..ده

دنا زي مكون قاعد مع خبير قانوني

مساء الفل....

ومتابعين ياباشا

[wmh]

السلام عليكم

جزاكم الله خيراً يا د حازم على هذا الجهد المشكور

كانت لى مداخلة فى موضوع امتحان الهيئة السعودية للتخصصات الصحية

على حد علمى أنه من مرت عليه خمس سنوات بعد حصوله على الدكتوراه أو الزمالة ثم تقدم للهيئة يتم تصنيفه ولكن يعفى من الإمتحان

تحياتى...............................

[hazemtara]

الحقيقة يل باشا

انا من رايي نعينك المستشار الثقافي لمحاورات المصريين في السعودية :lol:

ايه ..ده

دنا زي مكون قاعد مع خبير قانوني

مساء الفل....

ومتابعين ياباشا

شكرا لك أخى الفاضل دة من كرم أخلاقك بس والله .

انا فقط احاول بقدر ما استطيع ان اسلعد الزملاء فى الى أعرفة لان ما شاء الله الى بيكتبوا عن كندا كتير ومعلوماتهم أحسن منى.

لكن بفضل الله لان موجود هنا فى السعودية من فترة واعمل فى الحكومة والقررات دى تهمنى أنا وزملائى فى العمل ولهذا احنا متابعين القرارات الرسمية ( الملكية والوزارية منها ) لانها تهمنى بصفة شخصية لان هنا الموظف السعودى اذا ما كنتش واقف عغلى راسة مش راح تأخد حقك وممكن يضيع عليك فلوس كتر جدا.

فما بالك لو انت واقف على راسة ومعاك التعميم , طبعا مش بيقدر يكح معاك .

علشان كدة كتير منهم مش بيحبوا المصرين وبيقلوا دائما اننا بنعمل مشاكل .

مع العلم والله احنا بس عايزين حقنا .

مش اكثر.

وبعدين التقيل جاى لسة ( القررات دة كلها الى تاريخ 1427هـ يعنى 2007 م) لسة فية تعديلات طازة السنة دى.

بس لازم الترتيب علشان الناس تفهم, مع مراعة انى ممكن اتكلم المداخلات الجاية عن الفنين شوية علشان مش يزعلوا.

وطبعا الاطباء أكيد لسة لهم قرارات كثيرة wst::

[hazemtara]

السلام عليكم

جزاكم الله خيراً يا د حازم على هذا الجهد المشكور

كانت لى مداخلة فى موضوع امتحان الهيئة السعودية للتخصصات الصحية

على حد علمى أنه من مرت عليه خمس سنوات بعد حصوله على الدكتوراه أو الزمالة ثم تقدم للهيئة يتم تصنيفه ولكن يعفى من الإمتحان

تحياتى...............................

شكرا جزيلا wmh وان شاء الله تكون استفدت

أما بالنسبة لان الاستشارى الى مر علية 5 سنوات يعفى من الامتحان دى انا مش متأكد منها بس أوعدك ها سئل وارد عليك :lol:

[hazemtara]

السلام عليكم

جزاكم الله خيراً يا د حازم على هذا الجهد المشكور

كانت لى مداخلة فى موضوع امتحان الهيئة السعودية للتخصصات الصحية

على حد علمى أنه من مرت عليه خمس سنوات بعد حصوله على الدكتوراه أو الزمالة ثم تقدم للهيئة يتم تصنيفه ولكن يعفى من الإمتحان

تحياتى...............................

شكرا جزيلا wmh وان شاء الله تكون استفدت

أما بالنسبة لان الاستشارى الى مر علية 5 سنوات يعفى من الامتحان دى انا مش متأكد منها بس أوعدك ها سئل وارد عليك :lol:

[hazemtara]

تابع قانون الزيادة الاستثنائية المعتمدة لغير السعودين فى التخصصات الصحية النادرة اعتبارا من 18/4/1427هـ استنادا على المادة 14 من لائحة توظيف غير السعودين فى الوظائف العامة فى المملكة العربية السعودية.

(أ) التخصصات النادرة

التخصصات النادرة مجموعهم 19 وهى :

1- الامراض العصبية ( باطنية),

الاستشارى (80% نامية) (60%متقدمة).

الاخصائى (70%ن) (50% م)

2- علم المناعة,

الاستشارى (80% ن) (60%م)

الاخصائى (70% ن) (50%م)

3- الطب الشرعى,

الاستشارى (80% ن) (60% م)

الاخصائى (70% ن) ( 50% م)

4- الاورام ,

الاستشارى (80% ن) (60% م)

الاخصائى (70% ن) (50%م)

5-جراحة الفم ووجة وفكين ,

الاستشارى (80% ن) (80% م)

الاخصائى (70% ن) (70% م)

6- تقويم الاسنان ,

الاستشارى ( 80% ن) (80% م)

الاخصائى (70% ن) (70% م)

7- اشعة علاجية وتشخيصية,

الاستشارى (80% ن) (80% م)

الاخصائى (70% ن) ( 70% م)

8 -جراحة الاطفال,

الاستشارى ( 80% ن) ( 70% م)

الاخصائى (60% ن) ( 50% م)

9- الامراض النفسية والعصبية,

الاستشارى ( 70%ن) (40% م)

الاخصائى ( 60% ن) ( 30% م)

10- أمراض التخاطب,

الاستشارى (70% ن) (40%م)

الاخصائى ( 60% ن) (30% م)

11- طب الطوارئ,

الاستشارى (80%ن) (60% م)

الاخصائى (70% ن) (50% م)

12-تخصص بنك الدم,

الاستشارى (80% ن) (60% م)

الاخصائى (70% ن) ( 50% م)

13- أمراض العقم,

الاستشارى ( 80% ن) (60% م)

الاخصائى (70% ن) ( 50% م)

14- طب الاسرة والمجتمع ,

الاستشارى ( 70% ن) (40% م)

الاخصائى (60%ن) (30% م)

15- تشريح أنسجة,

الاستشارى (80% ن) (60% م)

الاخصائى (70% ن) ( 50% م)

16- جراحة الصدر,

الاستشارى ( 80% ن) ( 70% م)

الاخصائى (70% ن) (50% م)

17- صيدلى اكلينيكى ,

(60% نامية ) (50% متقدمة)

18-أخصائى تمريض ,

(50% نامية ) ( 40% م)

19- مهندس أجهزة طبية ,

(80% ن) (70% م).

تابع غدا ان شاء الله :lol: wst::

[نرمين عبد العزيز]

جزاك اللة خير يا د حازم وربنا يوفقك ولو احتجت حاجة هاكلمك

[ترنيم]

ماشاء الله عليك يا د.حازم

جزاك الله كل خير

كمل ..........كلنا متابعين :P :sad: :lol: :sad: :yahoo: :lol: :P

[hazemtara]

السلام عليكم

جزاكم الله خيراً يا د حازم على هذا الجهد المشكور

كانت لى مداخلة فى موضوع امتحان الهيئة السعودية للتخصصات الصحية

على حد علمى أنه من مرت عليه خمس سنوات بعد حصوله على الدكتوراه أو الزمالة ثم تقدم للهيئة يتم تصنيفه ولكن يعفى من الإمتحان

تحياتى...............................

حبيبى الفاضل wmh

السلام عليكم ورحمة الله

سألت لك اليوم الاخوة الاستشارين عندى فى المستشفى ....... وكان ردهم

لازم نوضح حاجتين مهمين جدا قبل الكلام عن اعفاء أحد الفئات من عدمة.

أولا:

متطلبات الحصول على تصنيف الهيئة السعودية للتخصصات الصحية:

أ)التسجيل فى الهيئة ( ودة معناة انهم يقبلوا ملفك للتسجيل فى الهيئة, يعنى يقبلوا الورق )

ب)اجتياز الاختبار او الامتحان.

ثانيا :

نوعية التعاقد

التعاقد فى الحكومة :

1- اذا كان التعاقد من مصر لازم كل الناس تدخل مقابلة فى مصر وهذة المقابلة بتكون شفهية وكل الناس لازم تدخلها( التمرض, الفنين, الاطباء, الاخصائين, الاستشارين, أطباء الاسنان).

هذة المقابلة تغنى عن دخول الامتحان فى السعودية.......................

يعنى حضرتك تعفى من الفقرة (ب) وبيكون مطلوب منك فقط الفقرة (أ) يعنى التسجيل فقط.

يعنى حضرتك بعد ما توصل بالسلامة للسعودية تذهب للهيئة وتحضر شهاداتك وصورة للشهادات وتدفع الشيك الخاص بالتسجيل.......... بس.

2-اذا كان التعاقد من السعودية( يعنى لو حضرتك كنت مرافق مثلا للزوجة هيكون مطلوب منك الفقرتين (أ) و ( ب) يعنى هتسجل وهتدخل الاختبار الى هيكون نظرى مش شفهى زى لو انت كنت جاى من مصر.

التعاقد فى القطاع الخاص:

طبعا مفيش مقابلة فى مصر يعنى حضرتك لازم ومطلوب منك الفقرتين (أ) و( ب) اى كان تخصصك أو اى كان وظيفتك.

ويستثنى من ذلك الاستشارين الحاصلين على الشهادات الاجنبية مثل البورد الامريكى أو الزمالة البريطانية أو الكندية...... بعد مرور 5 سنوات على حصولة على الدرجة.

يتبع ان شاء الله :blink:

[hazemtara]

جزاك اللة خير يا د حازم وربنا يوفقك ولو احتجت حاجة هاكلمك

وجزاك الله بمثل ما دعوتى لى.

انا تحت أمرك :blink: