مغترب-طبيب/ صيدلى/ تمريض اتفضل معانا

[hazemtara]

الأخوة الزملاء dentogabalo ،mama nonaغريب الخبر ،

شكرأ جزيلاً لكم على تشجيعى على الإستمرار والكتابة فى هذا المنتدى الجميل وإن شاء الله أجيب لكم كل حديث وجديد

بالمناسبة قرار زيادة الرواتب تم إعتمادة من وزير الصحة وسيتم العمل بة فى أول السنة إن شاء الله ،،حيث تم توزيع النشرة الخاصة به على جميع المُديريات هذا الشهر.

[herohero]

]

وقرار معالية رقم 5/أ/28 وتاريخ 12/4/1428هـ بشأن إستثناء المُستقطبين للعمل من الدول المُتقدمة (أمريكا الشمالية , أوروبا الغربية ، أستراليا ، نيوزلندا ، وماليزيا) .

سؤال بسيط هو اطباء ماليزيا بيعتبروا من الدول المتقدمة ????

[غريب الخبر]

[

]

وقرار معالية رقم 5/أ/28 وتاريخ 12/4/1428هـ بشأن إستثناء المُستقطبين للعمل من الدول المُتقدمة (أمريكا الشمالية , أوروبا الغربية ، أستراليا ، نيوزلندا ، وماليزيا)

سؤال بسيط هو اطباء ماليزيا بيعتبروا من الدول المتقدمة ????

اكيد يا هيرو . هو انت مسمعتش عن ماليزيا قبل كده ولاايه ؟ :sad:

[YaserK]

الأخوة الزملاء dentogabalo ،mama nonaغريب الخبر ،

شكرأ جزيلاً لكم على تشجيعى على الإستمرار والكتابة فى هذا المنتدى الجميل وإن شاء الله أجيب لكم كل حديث وجديد

بالمناسبة قرار زيادة الرواتب تم إعتمادة من وزير الصحة وسيتم العمل بة فى أول السنة إن شاء الله ،،حيث تم توزيع النشرة الخاصة به على جميع المُديريات هذا الشهر.

لو ممكن حد ينزل نسخة من قرار زيادة الرواتب اللي اعتمده الوزير..

وسؤال كمان, هل الزيادة هتكون مع تجديد العقد ولا لكل اللي على رأس العمل ابتداء من السنة الجديدة؟

تم تعديل 7 نوفمبر 2009 بواسطة YaserK

[icehell]

دكتور حازم:

كيفك :D

في دكتور زميلنا جاه توزيعه في حتة وحشة جدا تسمى الضب تبعد 450 ك جنوب جدة

بقاله 4 شهور وخلاص عاوز يقدم استقالته لانهم اجبروا بالاقامة بالمستشفى وراح عليه بدل السكن والانتقال بالاضافة انو حظوا المنيل اخد التذاكر قبلنا ب20 يوم فامنزلشي في الزيادات الاخيرة بالاضافة لمشجارات العمل!

فالو ماقبلتشي الاستقالة تنصحه يعمل ايه؟

طاب لو غاب 15 يوم حايتفصل ويبقى عليه غرامة؟

[طبيبة مستجدة]

السلام عليكم ورحمة اللة وبركاتة

انا يا جماعة جاي لي عقد داخلى من غير فيزاولا حاجة ولا حتى امتحان الهيئة وعايزة احط الشروط دى فية (طبيب عام) هل ينفع احط الشروط دى ولا دة حلم وماينفعش

1-العقد سنة واحدة قابلة للتجديد

2-يشتطرط نقل الكفالة

3-الاجازة شهر اغسطس من كل عام

4-اجازة 15 يوم مخصومة من الاجر والنسبة

5-توفير بدل سكن قريباو وسيلة انتقال فى السكن البعيد

وهل ينفع اخد الاجازة السنوية بعد 7 اشهر بس من كتابة العقد؟

ايهم يتم الاول كتابة العقد ام البدء فى اجراءات الكفالة واخد البسبور؟

بعد كتابة العقد ازاي اوثقة هنا فى السعودية المفروض اية الخطوات بالظبط؟

ارجوكم الاجابة عن جميع الاربع اسئلة لانى فى حيرة شديدة وخلافات مع زوجى علشان بنود العقد وجزاكم اللة خيرا مقدما

[drosama]

السلام عليكم

1- يشترط لنقل الكفالة حصولك على كارت الهيئة السعودية يعنى تسجيل +تصنيف

2-جميع الشروط التى ترغبين فى وضعها قابلة للتفاوض والموضوع يعتمد على العرض والطلب ومين محتاج اكثر ومين ممكن يتنازل عن شروطه او جزء منها

3-العقود تكتب اولا ثم مباشرة العمل وعادة تعطى فرصة تتراوح من شهر الى ثلاثة شهور كفترة تجربة (القانون 3 شهور)بعدها يصبح العقد ملزم لكلا الطرفين

4- الاجازة الرسمية السنوية لا تقل عن 21 يوم بحكم القانون بل ممكن تزيد وهى فى المتوسط شهر سنويا مدفوع الاجر

5-موعد بداية الاجازة وبعد كام شهر هى نقط قابلة للتفاوض كما سبق

6-توفير سكن او بدل سكن مناسب مع توفير مواصلات

7- لا تتعجلى ابدا فى نقل الكفالة

8- توثيق العقد يتم على اكثر من مستوى ويعتمد ذلك على الهدف الذى ترغبين فى التوثيق من اجله لذلك ارجو توضيح الهدف حتى يمكن توضيح طريقة التوثيق ومستواه

9- يفضل العقد السنوى قابل للتجديد

*******سؤال واحد فقط لكى اذا انت على كفالة زوجك اخبرينا لان فيه امور مهمة جدا تعتمد على ذلك*******

[طبيبة مستجدة]

السلام عليكم ورحمة اللة

انا فعلا على كفالة زوجى هل هناك مشكلة؟؟؟؟؟؟؟؟

انا معلش بسال عن انى عايزة اخد اجازة 15 يوم زيادة عن الاجازة السنوية ولكن هذة ال15 يوم على حسابى انا فقط

واود ان اسال لازم اى حاجة نتفق عليها تتكتب فى العقد حتى شهر الاجازة او وجود وسيلة انتقال ولا دة تشكيك زيادة عن اللزوم فى صاحب العمل وممكن لا يوافق؟

الف شكر على الاهتمام والاجابة السريعة وهذا منتظر من موقعكم المحترم

[طبيبة مستجدة]

كمان انا عايزة اوثق العقد علشان لو حصل مشكلة الاقى فى جهة تعترف بية يعنى ماحدش يقولى دة كان لازم يتوثق من الحتة الفلانية وانتى معملتيش كدة يعنى الحجج اللى اكيد حضرتكو عارفينها لما يحبوا يزوغوا من اى شروط عليهم يعنى عايزة اى مكان وكل مكان لازم اوثق منة العقد حتى اعلى مستوى ومعلش كمان توثيق العقد لازم يكون الكفيل معايا ولا بعد ان يمضى العقد باخدة منة واروح انا اوثقة وهل فية صيغة معينة يتكتب بيها العقد ولا ممكن على الكمبيوتر وورد وخلاص ويمضى علية الطرفان ارجو الاجابة عن كل هذا؟

[drosama]

**هل حصلت على كارت الهيئة السعودية للتخصات الطبية ام لا لانه لا يمكن نقل كفالتك الا بعد حصولك عليه

**الاجازة كما سبق بالتفاوض

**كل شىء تتفقى علية اكنبية بوضوح فى العقد

**المرة الوحيدة النى يمكنك فيها التشكيك فى كفيلك هى لحة كتابة العقود بعد ذلك من الصعب شطب او اضافة اى بند او التشكيك

**يكفيكى توثيق من الغرفة التجارية بمعنى مصادقة الغرفة التجارية على صحة التوقيع (دون النظر لمحتوى العقد)

**صيغ العقود كثيرة وكل مكان هتتعاقدى معاه هتلاقى عندة صيغة خاصة بيه المهم تضعى الاضافات كلها فى العقد وتكتب فى اصل العقد ولا تضاف باليد

**

[طبيبة مستجدة]

السلام عليكم

هو التامين الطبى زى الولادة والباطنة والاسنان وكدة بقى اجبارى على الكفيل ولا لازم يتكتب فى العقد ويتفق علية؟

الكفيل اللى اعرفة بيقول انة عندة فيزا ميعادها خلص بس ممكن يجددها ويستخدمها تانى هل الكلام دة صحيح ولا بيقول كدة وبس؟مع العلم ان الفيزا ميعادها خلص من شهر 10 اللى فات

[drosama]

التأمين الطبى اجبارى على الكفيل ولكن فيه تلاعبات كتيرة تعتمد على خبرة كفيلك وعدد العمالة التى تحت كفالته

http://www.cchi.gov.sa/rules/Pages/CCHIInro.aspx

ده رابط مجلس الضمان

وطبعا يفضل كتابة اى شىء فى العقد من نقط الخلاف حتى لوكان القانون ينص عليها ونقط الخلاف التى تتعرضين لها فى علاقة العمل العادية هى نقط ليست كثيرة

**اذا كان عنده فيزا يقدر يجددها ويستقدم عليها لكن المشكلة التى تقابلهم هى ان هذا الموضوع يستهلك وقت كتير جدا منهم على عكس التعاقد الداخلى يكتب عقد اليوم ويباشر عمله فورا

*******بالمناسبة هو عليه التأمين الطبى وهذا يشمل مصاريف الولادة والعلاج *******

سؤال ///لو وصلت انك سوف تنقلى كفالة فيجب ان تعلمى ان مصاريف ورسوم نقل الكفالة تقع على الكفيل //

ده ما يخص عمل المرأه فى قانون العمل///////

أحكام خاصة بتشغيل النساء

مادة (108): تتحمل المنشأة مصاريف الفحص الطبي ونفقات العلاج والولادة .

مادة (109): للمرأة العاملة الحق في إجازة وضع لمدة الأسابيع الأربعة السابقة على التاريخ المنتظر لولادتها ، والأسابيع الستة التالية للوضع ويحدد التاريخ المرجح للولادة بواسطة الجهة الطبية المعتمدة لدى المنشأة أو بشهادة طبية مصدقة من جهة صحية ولا تقبل شهادات أطباء خارجيين ، ولا يجوز تشغيل المرأة العاملة خلال الأسابيع الستة التالية لولادتها .

مادة (110): يكون الأجر الذي يدفع للعاملات أثناء غيابهن بإجازة الوضع كالآتي :

أ‌) العاملة التي أمضت أقل من سنة في خدمة المنشأة لها الحق في إجازة وضع بدون أجر .

ب‌) العاملة التي أمضت سنة فأكثر في خدمة المنشأة لها الحق في إجازة وضع بنصف الأجر .

ج) العاملة التي أمضت ثلاث سنوات فأكثر يوم بدء الإجازة في خدمة المنشأة لها الحق في إجازة وضع بأجر كامل .

والعاملة التي استفادت من إجازة وضع أجر كامل لا يحق لها المطالبة بأجر الإجازة السنوية العادية عن نفس السنة ، ويدفع لها نصف أجر الإجازة السنوية إذا كانت قد استفادت في تلك السنة من إجازة وضع بنصف الأجر .

مادة (111): على العاملة في الشهور الأولى للحمل أن تبادر بإخطار المنشأة لإجراء الفحص الطبي الدوري عليها وتقرير العلاج اللازم وتحديد التاريخ المرجح للولادة .

مادة (112): تراعي المنشأة في تحديد فترة الإرضاع رغبة وظروف العاملة ما أمكن ذلك ، وعلى العاملة التقيد بالجدول المنظم لذلك .

مادة (113): تعد المنشأة أماكن لراحة العاملات بمعزل عن الرجال وعلى النساء العاملات العاملات ضرورة الاحتشام في الملبس والمظهر والتقيد بالعادات والتقاليد المرعية المرعية في البلاد .

مادة (114): لا يجوز في حال من الأحوال اختلاط النساء بالرجال في أماكن العمل و و ما يتبعه من مرافق وغيرها .

********

[طبيبة مستجدة]

مش عارفة اشكر حضرتك ازاى على مساعدة حضرتك وانا هاكتب كل حاجة فى العقد لو تم ان شاء اللة حتى مواعيد الوام ومكان العمل ولو ابتدى يرفض الاضافات دى يبقة نيتة مش سليمة ولا اية؟ولا ممكن يقول انى بتشرط وممكن يجيب مكانى الف؟على فكرة المدير مصرىىىىىىى

[drosama]

اعملى جس نبض/////// إتأخرى عليه فى الرد وشوفى رد فعله اذا اتصل كتير عليكى (بغض النظر عن كلامه او اقوالة فى الإتصال) يبقى محتاجلك واتكلمى معاه ان الاضافات من منطلق انك واحدة ست وخايفة واول تجربة عمل لكى ألخ......حتى لا تكسبى عدائه لكى

مع تمنياتى لكى بالتوفيق

[طبيبة مستجدة]

جزاك اللة خيييييييييييييييييييير

[mama nona]

الاخت طبيبة مستجدة

خدى الامور بهدوء

اولا واخيرا لازم تلتزمى بفترة التجربة ال هى 3 شهور الاولى من العمل والتزمى فيها الصمت فى المكان بحيث تكونى متفرجة فقط للاحداث

بعدها هتكونى كونتى فكرة كاملة عن المكان وصاحب العمل والزملاء والدخل والحاجات دى

اكيد طبعا لازم تكتبى كل حاجة فالعقد زى النسبة والبدلات والسكن والتوصيل وتذاكر الطيران والاجازة السنوية والتأمين الطبى ومكان العمل

لهم اسالبيهم الملتوية ال يقدرو بيها يحسسوكى انك اخدتى كل ال طلبتيه فالعقد خدى العقد الاول وسياسة المكان فالبيت وادرسيهم

اكيد لو مش معاكى كارنيه الهيئة مش هينقلك كفالة

فيه مؤسسات بيكون ليها سياسة انتى مش هتقدرى تغيرى فيها اى بند وفى الحالة دى التنازل بيكون من طرفك لو كنتى حاسة انك محتاجة تشتغلى فالمكان ده

نقل الكفالة لو لأول مرة بتكون على الكفيل وكذلك وتجديد الاقامة

فى اغلب الاحيان بالنسبة للتعاقد الداخلى انه بيكون عقدك SINGLEوفى الحالة دى مبيغطيش لا الحمل ولا الولادة

فلو عقدك كده وناوية يكون حمل وولادة لازم تتفقى من الاول على كده وتكتبيها فالعقد

ممكن يقولك تستحقى الطيران بعد اولسنة تعاقد فى حالة تجديد العقد يعنى لو مجددتيش ملكيش تذكرة

كون المدير مصرىاو اى جنسية تانية متفرقش معاكى كتيرلانه بيعمل لصالح صاحب العمل فأكيد هيحاول يخلى كل حاجة لصالح صاحب العمل

انتى ممكن تديله خطاب التنازل عن الكفالة وجواز السفر

ومش هيعرف ينقل كفالتك الا لما تسلميه اقامتك واقامة زوجك

خدى الامور بهدوء لان لو حاسين انك مستعجلة عليهم يثبتو عرضهم ومتقدريش تتفاوضى على حاجة

والاهم انه تسألى على المكان شغال ولا لأ

بيعطو رواتبهم بانتظام ولا لأ

الشغل كتير الاهم انه تلاقى مكان يريحك

على فكرة انا اشتغلت سنتين فى مستشفى بدون نقل كفالة لانى لقيت كل ال بينقلخلاص لا بيقدر ياخد خروج نهائى ولا بيعطواله نقل كفالة

فضلت اماطل فالاجراءات واعطل الاوراق وكنت عارفه انهم محتاجين

ولما خلصت تعاقدى دورت على غيرهم

مع تمنياتى بالتوفيق

[طبيبة مستجدة]

جزاكى اللة خيير دكتورة ماما نونا بس هو اية الفائدة اللى بتعو د على الكفيل لما يعمل عقد داخلى عن انة يجيب استقدام يعنى هيوفر اية فى الاستقدام دة

[hazemtara]

سؤال بسيط هو اطباء ماليزيا بيعتبروا من الدول المتقدمة ????

نعم ماليزيا من دول العالم الأول.

وسؤال كمان, هل الزيادة هتكون مع تجديد العقد ولا لكل اللي على رأس العمل ابتداء من السنة الجديدة؟

زيادة الرواتب إبتدأ من أول السنة الهجرية الجديدة يعنى من أول سنة 1430هـ.

لكل المُتعاقدين الجُدد أو من هم على رأس العمل وجاء ميعاد تجديد عقدة ،،يعنى مع تجديد العقد.

يعنى أنا عقدى مثالً فى شهر 6 الجاى ولهذا الزيادة بتاعتى فى ستة الجاى وهكذا.

لكن لمن هم مصنفون فقط.

[hazemtara]

هنا سوف أوضح نقاط هامة شعرت أن كثير من السادة الزملاء والزميلات يسؤلون فيها كثيرة ولا يعرفون لها إجابة واضحة:

1- جميع المُتعاقدين الجُدد وأى وظيفة تمس بأى شكل للطب ( يعنى أطباء إستشاريون - أخصائى -طبيب عام أو مقيم أو أسنان أو صيدلى أو تمريض أو فنيون أو مساعدون صحيون أو قابلات أو مهندسى صيانة الأجهزة الطبية) ،، وأى مهنة متعلقة بالطب من قريب أو بعيد عليهم التسجيل وإجتياز إختبارالتصنيف لدى الهيئة السعودية للتخصصات الصحية.

2-المقصود بالمُتعاقد الجديد هو أى شخص يعمل جديد فى السعودية ولم يحصل على تسجيل ولم يجتز إمتحان التصنيف لدى الهيئة السعودية للتخصصات الصحية سواء هذا الشخص يا دوب واصل السعودية الأن أو لمدة تقل عن سنة ولم يُجدد عقدة لسنة ثانية ،،، هذة الفئة من الجُدد عليهم إختبار تصنيف وتسجيل.

3-إذاً كل الجُدد سواء عقد حكومى أو خاص ،، وسواء عقد داخلى أو خارجى ،،،يلزمهم تسجيل وإجتياز إختبار التصنيف.

4- الزملاء القُدامى من القطاع الخاص هم بالفعل مسجلون وإجتازوا إختبار التصنيف ،،يعنى معندهمش مشكلة خالص.

5- السادة القُدامى فى الحكومة مثلى،،،،، يلزمهم إعادة التسجيل وليس عليهم إجتياز إختبار التصنيف ويُكتفى لتصنيفهم بخطاب من جهة عملهم ليتم تصنيفهم بناءاً على هذا الخطاب ،، ولكن هذا التصنيف صالح فقط للعمل على هذة الوظيفة فقط طالما أنت داخل السعودية؟؟؟؟

يعنى مثلاً أنا كمثال لطبيب مُتعاقد من فترة فى السعودية سوف أُصنف الأن على مسؤلية مقر عملى الأن ولكن لو إستقالت ونزلت مصر وفكرت أتعاقد مرة أخرى فى السعودية فسوف أدخل إختبار التصنيف من جديد حيث أن تصنيفى الأن صالح فقط لتعاقدى الحالى فقط.

6- لن تُصرف أى زيادة فى الرواتب الجديدة بدون تصنيف جديد.

7- الجديد بقى اليوم أن فرع الهيئة عندى أرسل لنا فى المُديرية يمنع أى شخص لة علاقة بالطب من تجديد الإقامة أو الحصول على فيزا للسفر بدون التسجيل والتصنيف؟؟؟؟!!!!!

8-المُتعاقدين القُدامى عليهم دفع رسوم التصنيف والتسجيل فقط كما شرحت من قبل.

بالتوفيق.

[hazemtara]

سؤال بسيط هو اطباء ماليزيا بيعتبروا من الدول المتقدمة ????

نعم ماليزيا من دول العالم الأول.

وسؤال كمان, هل الزيادة هتكون مع تجديد العقد ولا لكل اللي على رأس العمل ابتداء من السنة الجديدة؟

زيادة الرواتب إبتدأ من أول السنة الهجرية الجديدة يعنى من أول سنة 1430هـ.

لكل المُتعاقدين الجُدد أو من هم على رأس العمل وجاء ميعاد تجديد عقدة ،،يعنى مع تجديد العقد.

يعنى أنا عقدى مثالً فى شهر 6 الجاى ولهذا الزيادة بتاعتى فى ستة الجاى وهكذا.

لكن لمن هم مصنفون فقط.

أسف من أول 1431هـ