مغترب-طبيب/ صيدلى/ تمريض اتفضل معانا

[superzok]

عندي سؤال لدكاترتنا اللي شغاله في الخليج

هل شهادات المعادله ( basic qualification ( من غير نيابة او بورد

يعني مثلا ال USMLE من غير نيابة

او غيرها زي ال PLAB او ال AMC

لها اي قيمة للعمل في الخليج

* شخص بيحضر اي معادله من المعادلات دي مخصوص علشان يشتغل بيها ( هل لها قيمة حقيقيه مقابل الوقت والجهد والفلوس اللي حتدفع عليها )

او على الاقل واحد عايز ياخد سكة الخليج لو ربنا موفقهوش في النيابات بتاعه المعادلات دي كسكه احتياطيه وطريق بديل

[hazemtara]

عندي سؤال لدكاترتنا اللي شغاله في الخليج

هل شهادات المعادله ( basic qualification ( من غير نيابة او بورد

يعني مثلا ال USMLE من غير نيابة

او غيرها زي ال PLAB او ال AMC

لها اي قيمة للعمل في الخليج

* شخص بيحضر اي معادله من المعادلات دي مخصوص علشان يشتغل بيها ( هل لها قيمة حقيقيه مقابل الوقت والجهد والفلوس اللي حتدفع عليها )

او على الاقل واحد عايز ياخد سكة الخليج لو ربنا موفقهوش في النيابات بتاعه المعادلات دي كسكه احتياطيه وطريق بديل

هذة الشهادات لا تفيدك فى الخليج سواء فى زيادة الراتب أو الحصول على وظيفة أحسن.

الشهادات التى تفيدك مثل البورد الأمريكى أو الكندى أو الزمالة البريطانية هذا على سبيل المثال وليس للحصر.

[hazemtara]

شكرا دكتور حازم

انا معروض عليا 11 والسكن بس الاجازة 30 يوم و9 ساعات عمل فى اليوم وطبعا فى الخاص مش هتكون فى الزيادة الجديدة مش كدة

وجزاك الله خيرا عنا

العرض دة مش مُغرى قوى ولكنة مُش سيئ أيضاً ،،الموضوع يتوقف عليكى لقبول أو رفض العرض.

طبعاً الخاص لا يخضع لهذة الزيادات حيث أنها خاصة فقط بالعاملين فى وزارة الصحة السعودية.

[hazemtara]

شكرا شكرا شكرا ليك يا دكتور حازم

انا ان شاء الله ناوي اخد الامتحان تبع برومتريك خلال الفترة اللي جاية واحتمال اروح لمكتبهم اللي بشارع مصدق ان شاء الله

عشان اعرف اذا كانو بيلزموني اكون ماخد امتياز والا لا قبل الامتحان ؟؟

وانا لما حاجي اتصنف حتصنف ايه يا دكتور ؟؟

طبيب مقيم ؟؟ والا ايه ؟؟

انا بعرف وزي ما قلتلي زمان لازم اكون مخلص على الاقل سنة خبرة !! قبل ما اخد اي تصنيف

حاجة اخيرة ,,, برومتريك هو الوحيد اللي بيعمل الامتحان والا في احد غيره زي السفارة السعودية او الملحقية الثقافية السعودية ؟؟

يسلمو لجهودك والله يعطيك الف عافية

وان شاء الله مصر تفوز بكره :closedeyes:

أهلاً جوكاز/

الإمتحان فى برومتريك بس خارج المملكك

سوف تُصنف طبيب عام ،لأن التصنيف كطبيب مُقيم لازم يكون معاك دبلوم أو ماستر بدون خبرة أو مع وجود الخبرة.

والتصنيف أخصائى يكون معاك ماستر + الخبرة ضرورية.

[dodietman]

السلام عليكم دكتور حازم ...ماشاء الله مجهود يذكر فيشكر

لييا كام سؤال كده ع القد :mellow:

* انت تخليت عن مشروع الهجره والا ايه؟...وهل السعوديه خيار مناسب كفتره للعمل وتحويش قرشين والعوده لمصر من غير هجره ووجع دماغ؟ :closedeyes:

* كام ممكن يكون طبيب عام مصرى حاصل على الجزء الأول (فقط :blush2: )من الزماله البريطانيه وهل فرصته فى ايجاد عقد مقبوله؟

* هل مرتبات الاطباء فى الامارات اعلى من السعوديه وبمقدار كام؟

فى النهايه ...ربنا يوفقك يا Pediatrician ياكبير :blink:

[ارام]

الساده الزملاء الافاضل اود ان اسال عن مستشفى الحمادي بالرياض من حيث كل شئ المرتب حسن التعامل السكن سمعة المستشفى؟زوجي طبيب تخدير ماجستير2005 اي معاه اربع سنين خبرة اتنين منهم في السعودية المهم كم هو المرتب المناسب له حيث اننا المفروض فيه مقابلة له مع المدير خلال يومين ؟وانا صيدلانية دفعة 2003 معي ست سنين خبرة في الصيدليات وخمسة في مستشفيات التامين الصحي كم هو المرتب المناسب لي ايضا ؟عذرا على كثرة الاسئلة لكن ثقتي بسعة صدركم كبيره ارجو سرعة الرد ان امكن

[hazemtara]

اخوتى الاطباء فى السعودية انا طبيبة اخصائىة تخدير ماجستير مايو 2005 ومعروض علياعمل فى جدة فى مستشفى تابع لكلية ابن سينا الاهلية بجدة مع السكن فما هو الراتب المناسب لمن مثلى وهل يعرف احد اى اخبار عن ادارة هذا المستشفى ولو عايزة اسئلت امتحان الهيئة تخدير اجبها منين

أهلاً أريج/

ردى عليكى ليس لة علاقة بعملك فى كلية إبن سينا الى حضرتك بتتكلمى عنها ،،حيث أنى لا أعرف عنها شيئ ،،لكن لو حضرتك شغالة معاية هنا فى الحكومة ومعاكى هذة الخبرات هيكون راتبك الأن فى حدود 11500 ريال سعودى ،،وإن شاء الله مع الزيادات الجديدة المُقررة فى بداية العام هيكون راتبك حوالى 14000 ريال مع توافر السكن العائلى وتذاكر الطيران وأجازة سنوية مدفوعة الأجر 45 يوم.

الساده الزملاء الافاضل اود ان اسال عن مستشفى الحمادي بالرياض من حيث كل شئ المرتب حسن التعامل السكن سمعة المستشفى؟زوجي طبيب تخدير ماجستير2005 اي معاه اربع سنين خبرة اتنين منهم في السعودية المهم كم هو المرتب المناسب له حيث اننا المفروض فيه مقابلة له مع المدير خلال يومين ؟وانا صيدلانية دفعة 2003 معي ست سنين خبرة في الصيدليات وخمسة في مستشفيات التامين الصحي كم هو المرتب المناسب لي ايضا ؟عذرا على كثرة الاسئلة لكن ثقتي بسعة صدركم كبيره ارجو سرعة الرد ان امكن

أهلاً أرام/

سُعداء بوجودك بيننا وطرحك أى أسئلة إن شاء الله نُحاول جميعاً الإجابة عليها ومُساعدتك أنت وأى زميل أو زميلة ،،لكن أستحلفكى بالله تخدى لفة سريعة فى المُنتدى لأنى أظن أن مُعظم الأسئلة التى تخطر ببالك تمت الإجابة عليها أكثر من مرة ،،،،شوفى أنا يا دوب الصفحة السابقة مُباشرة رديت على نفس السؤال تقريباً لأريج.

لكن شوفى وعلى السريع:

حدود راتب زوجك من 11000 إلى 14000 ريال على حسب التفاوض مع الكفيل.

راتبك يتراوح ما بين 3500 إلى 4500 ريال تقريباً .

طبعاً ما ذكرتة أراقم تقريبية لتوضيح الصورة فقط وهذا فى وزارة الصحة

أما القطاع الخاص فليس لة قاعدة مُحددة حيث من الممكن أن يُعرض عليك راتب أعلى من ذلك أو أقل ،،لكنى هنا أوضح لكى الأراقم لتكون لكى دليلاً للإسترشاد بها عند توقيع العقد.

لكى من السلام

[غريب الخبر]

عيد سعيد على كل المغتربين .

وكل سنة وانتم بالف صحة وسلامة .

smk:

[drosama]

كل عام وانتم بخير عيد سعيد علينا جميعا

وفقنا الله واياكم لصالح الاعمال وعظيم الاجر

[mama nona]

عيد سعيد عليكم وعلينا ان شاء الله

[icehell]

Happy Eid Adha Mubark

[EEMEY]

عيد سعيد مبارك عليكم وعلينا ان شاء الله

[hazemtara]

كل عام وأنتم بخير

عيد مُبارك عليكم وعلى كل المسلمون.

حازم

[ارام]

ادام الله خيرك د حازم وجزاك الله عنا كل خيرا ان شاء الله وكل عاموانتم جميعا بخير وسعادة ان شاء المولي تعالى

[hazemtara]

السلام عليكم دكتور حازم ...ماشاء الله مجهود يذكر فيشكر :lol:

لييا كام سؤال كده ع القد

شكراً يا فندم وتحت أمرك فى الإجابة على أى سؤال

* انت تخليت عن مشروع الهجره والا ايه؟...وهل السعوديه خيار مناسب كفتره للعمل وتحويش قرشين والعوده لمصر من غير هجره ووجع دماغ؟

أنا لم أتخلى عن الهجرة لكندا أو إلى غيرها من دول العالم المُتحضر (دول العالم الأول) ،،لكن فقط تعديل فى أولويات الحياة لأن أظن أن قرار الهجرة مُش سهل ولهذا لازم تضع كل الضمانات لنجاحة لأنى أظن أن الفشل فى قرار الهجرة قد تكون عواقبة كارثية لو لم تأخذ كل سُبل الحيطة والحذر من كل شيئ بقدر ما تستطيع بالإضافة لأننى مُقتنع تماماً أنة من الأفضل لى ولأسرتى على مستواى الشخصى أن أجتاز أكبر قدر من الإمتحانات هنا قبل السفر ،وأيضاً أفضل أن أسافر مع الأسرة كلنا لعمل landing ثم تعود الأسرة لمصر وأظل أنا فى كندا لحين ترتيب كل شيئ على سنجة عشرة بحيث العيال لما تيجى لا يكون هناك أى إحتمالات للمُغامرة فى تعليم الأولاد أو لحين البحث عن عمل أو لحين النجاح فى الإمتحانات وخلافة من المشاكل التى ستواجهنى هناك،،حيث أنة من عادتى فى كل شيئ أن أذهب أنا الأول لأجرب فى نفسى وأرى التجربة عن قرب وأختبرها من كل جوانبها ثم أدعوا الأولاد بعد ذلك للحضور بعدى.

أيضاً من ضمن الخطط التى وضعتها لنجاح الهجرة أن أعمل قرشين حلوين هنا وأعمل بيهم مصلحة صغيرة فى مصر يستطيع منها الأولاد الحياة بدون الضغط عليك فى كندا أو أى بلد سأهاجر لها يعنى من نوع ال family support حتى فى حال غيابك عنهم لمدة قد تصل مثلاً لسنة وهذا الموضوع ليس بهين.

طبعاً قرارى فى الهجرة أصلاً لن أستفيد أنا منة بقدر ما هو فائدة لأبنائى ،،هم الطرف الأكبر المستفيد من خوض هذة التجربة ،،من حيث التعليم والصحة والحياة فى مُجتمع راقى يحترم الأخر.

***السعودية مكان مُناسب لعمل قرشين حلوين لأتفق معك فى هذا الكلام لكن الفلوس بتروح وتيجى والى حوشتة النهاردة ممكن يروح فى يوم بالإضافة لأن السعودية مش مكان جيد لتعليم الأولاد ولا حتى للرعاية الصحية الجيدة،،،،إذاً بالنسبة لى السعودية دى محطة ترانزيت يعنى ولازم أتركها حتى لو تركتها من أجل العودة لمصر هذا أيضاً خيار ليس بسيئ.

* كام ممكن يكون طبيب عام مصرى حاصل على الجزء الأول (فقط :) )من الزماله البريطانيه وهل فرصته فى ايجاد عقد مقبوله؟

السعودية لا تعترف إلا بالشهادات الى حضرتك حصلت عليها فعلياً يعنى الجزء الأول ماجستير أو زمالة كلة ليس لة قيمة ولن يرفع من راتبك فى شيئ ولن يُعطيك إمتياز عن غيرك حيث أن أخر مُؤهل حضرتك حاصل علية ومعاك شهادة بكدة هو البكالوريوس المصرى وهو دة الى سيتم التعاقد معك على أساسة .

* هل مرتبات الاطباء فى الامارات اعلى من السعوديه وبمقدار كام؟

فى النهايه ...ربنا يوفقك يا Pediatrician ياكبير :wub:

عُقود الإمارات أفضل طبعاً من السعودية بكثيروالحياة هناك أفضل بكثير من السعودية لكن الحصول على عمل هناك ليس سهل مثل السعودية والمعيشة هناك أغلى من السعودية.

بصفة عامة ممكن نقسم دول الخليج إلى 3 مجموعات من الأعلى راتب للأقل راتب وهى :

1- الإمارات والكويت.

2- قطر والبحرين.

3- السعودية وعُمان.

المجموعة 1 هى أعلى الرواتب والمجموعة 3 هى أقل الرواتب.

لكن الفروق بين المجموعة 2 و3 مثلاً مُش كبير جداً ولكن الفارق بين 1 و3 كبير يستحق المغامرة.

[icehell]

اعلان من النقابه

عن التعاقد مع وزاره الصحه السعوديه

**********************************

والأوراق المطلوبه للتقديم فى لجنة التعليم الطبى المستمر فى النقابه هى

1. ملىء عدد 2 استماره توظيف باللجنه (مجانا)

2. صور جميع الدرجات العلميه

3. صور شهادات الخبره (عام - خاص - حكومى)

4. صوره من السيره الذاتيه

5. صورة بطاقة الرقم القومى

6. ملف بلاستيك لحفظ الأوراق

تقدم الطلبات بلجنة التعليم الطبى المستمر يوميا من الساعه 9 صباحا حتى 3 عصرا

***********************************

للمزيد من المعلومات

الرجاء التوجه الى مقر النقابه - لجنه التعليم الطبى المستمر

[hazemtara]

اعلان من النقابه

عن التعاقد مع وزاره الصحه السعوديه

**********************************

والأوراق المطلوبه للتقديم فى لجنة التعليم الطبى المستمر فى النقابه هى

1. ملىء عدد 2 استماره توظيف باللجنه (مجانا)

2. صور جميع الدرجات العلميه

3. صور شهادات الخبره (عام - خاص - حكومى)

4. صوره من السيره الذاتيه

5. صورة بطاقة الرقم القومى

6. ملف بلاستيك لحفظ الأوراق

تقدم الطلبات بلجنة التعليم الطبى المستمر يوميا من الساعه 9 صباحا حتى 3 عصرا

***********************************

للمزيد من المعلومات

الرجاء التوجه الى مقر النقابه - لجنه التعليم الطبى المستمر

تقصد بالنقابة يعنى النقابة العامة لأطباء مصر ولا نقابة أخرى فرعية.

[icehell]

الاعلان دا جالي من جروب طبية

[doctorphysician]

سلام عليكم موضوع رائع

كل عام والجميع بالف صحه

انا طبيبه بنك دم فى مصر وجيت الامارات مع زوجى العين وبصراحه مش عارفه اعمل ايه بنك الدم هنا نظامه ازاى بالزات انى مش معايا ماستر وسالت قالو البنك تبع المعامل وطبعا انا مليش فى المعامل انا بنك دم بس طبيب مقيم لو حد يعرف يفيدنى يا ريت :sad:

[doctorphysician]

سلام عليكم موضوع رائع

كل عام والجميع بالف صحه

انا طبيبه بنك دم فى مصر وجيت الامارات مع زوجى العين وبصراحه مش عارفه اعمل ايه بنك الدم هنا نظامه ازاى بالزات انى مش معايا ماستر وسالت قالو البنك تبع المعامل وطبعا انا مليش فى المعامل انا بنك دم بس طبيب مقيم لو حد يعرف يفيدنى يا ريت :sad: