مغترب-طبيب/ صيدلى/ تمريض اتفضل معانا

[hazemtara]

أنا اشتغلت فى الجنوب فى مستشفى أبها الخاص عن طريق شركة تدعى الجزيرة العربية بالمهندسين وكانت مستشفى سيئه جدا وعند العوده وسؤالى عن الشركه اكتشفت أنها شركه نصابه وان صاحبتها الأصليه تدعى ناديه كانت فاتحه شركه تانيه ولما القوى العامله قفلتها لتعدد الشكاوى ضدها راحت فتحت شركة الجزيرة العربية باسم واحد تانى اسمه عبده لكنها صاحبتها تحت الترابيزه هى الامر الناهى فى كل حاجه وطبعا فى الورق صاحبنا التانى هو صاحب الشركة طبعا ربنا كرم ونفدت من المستشفى بعد شهر وطبعا ما اخدتش ولا مليم وجيت اشتكيت الشركه فى القوى العامله وبعدها مباحث الاموال العامه وبعدها نيابة الاموال العامه لحد ما وصلنا لتحويل صاحب الشركة الى محكمة جنوب القاهرة بتهمة ارتكاب جنحه وطبعا بدأ شغل المحامين وفى النت اتعرفت على اطباء كتير فى موقع www.egymedicine.net قسم الوظائف الطبية والشركه نصبت عليهم بس للأسف تقول للواحد فيه تعالى اشتكى معايا يبدأ يتردد ويفضل انه يتنيه قاعد فى بيته المهم لما وصلت المطار والسواق السعودى بيوصلنى قال لى ليه ما سألتش كويس عن المستشفى قبل ماتيجى قلت له لم أجد أحد لاسأله عليها ولما وصلت لقسم شئون الموظفين وجدت احد الموظفين بيقول للتانى فيه 20 موظف نزلوا اجازه ومارجعوش تانى هنعمل ايه معاهم قلت شكلها كده بداية القصيدة كفر ووجدتهم بينزلوا امر ان اى واحد ينزل اجازه لازم يسيب مرتب 3 شهور علشان طبعا يرجع تانى واول حاجه قالوها لى ان اول يوم عمل هو تالت يوم لوصولى لان يوم الوصول ويوم عمل الفحوصات واستلام السكن لا يحسب وتانى حاجه لقيتهم عايزين منى 5000 ريال الاقامه والترخيص وحاجات تانيه وطبعا ساعتها بأه دخلت فيهم شمال لان الحاجات دى اتفقت عليها فى مصر واتفقت ان كل حاجه علهم لانى استشارى حتى لو هاروح هناك اشتغل اخصائى اول فده موش معناه انى اتنازل من اول يوم . المرة القادمه سنكمل الحكايه لو حضراتكم شفتم ان الموضوع يستاهل الحكايه مع اطيب تمنياتى و تحياتى

نُتابعك بإهتمام بالغ يا دكتور يا ريت تُكمل لنا الحكاية

[jukass]

لك مني كل احترام وكل تقدير يا دكتور حازم wst:: :pasha:

انته اول واحد يحكي معايا ويقولي كلام مشجع من شهرين ونص :blush2:

ودي الحاجة اللي اتعودتها منك ,,, عمرك ما كسفتني وعمرك ما احرجت احد لانك ذذووووووووووووووق بكل كلمة حكيتها

بشكر ردك ليا واللي اكثر من رائع ومطمئن ,, والله اني كنت بستنى احد بالدنيا يحكيلي كلمة تطمني

والحمدلله بعد كلامك بدات اتطمن وارتاح

حاجة تانية ...

انا اعتذر على اسلوبي بالكلام اللي حكيته عن دولتي فلسطين وعن روحي مصر وما راح افسر اي كلام باي طريقة لانه كله كلام غلط وانا اعتذر لكل الزملاء ولاستاذي دكتور حازم شخصيا

فاضلي سؤال عن سنوات الخبرة تبعت الـ MRCS ,,

متى حكون استشاري بعد الـ MRCS ؟؟ هل بعد 5 ولا بعد 8 سنين شغل

يعني اخلص 3 سنين واصير ننائب اول وبعدها اخلص كمان 5 سنين واعادل درجة الاستشاري السعودي يعني 8 سنين صوح والا مش صوح ؟

واثناء فترة لما اكون نائب اول بقبض راتبي او انه تم التعاقد معايا على راتب نائب اول الين لما اخلص 5 سنين منائب اول وبعدها بيتم التعاقد معايا على اني استشاري ؟؟

والا بيعملو امتحااااااااااااااااان ؟؟ << هنا السؤال

وضل هنا بالاخر احكيلك انه رنا يوفقك ويسهل امورك وامورنا معاك بالسعودية

الله يوفق الجميع

[YaserK]

ايه رايك في فلوس الحليب اللي ممكن نكتبه والمناديب يدفعوا :blush2:

الدكاترة الباكستنيين والبنغال هما اللي بيكتبوا حليب ويقبضوا مبالغ تصل ل 5000 ريال \الشهر بس الدكاترة المصريين مابيعملوش كده

على حد علمي دخول مندوبين ألبان الأطفال للمستشفيات الحكومية ممنوع حسب النظام, وأي طبيب بيتورط في الموضوع بيشحوروه, يعني Take Care

[icehell]

ايه رايك في فلوس الحليب اللي ممكن نكتبه والمناديب يدفعوا bxg::

الدكاترة الباكستنيين والبنغال هما اللي بيكتبوا حليب ويقبضوا مبالغ تصل ل 5000 ريال \الشهر بس الدكاترة المصريين مابيعملوش كده

على حد علمي دخول مندوبين ألبان الأطفال للمستشفيات الحكومية ممنوع حسب النظام, وأي طبيب بيتورط في الموضوع بيشحوروه, يعني Take Care

لا ماتخافشي كل الناس عارفة لانو اصلا هما موش لاقيين دكاترة زاي البكاستنيين والهنود والبنجال يستحملوا الشغل القاسي بتاعهم يعني يحمدوا ربهم اني في دكاترة تستحمل تشوف 100 طفل في ال 8ساعات دوام

والدكاترة الاسيويين دول بقالهم 13و18و10 سنين انما المصري والسوري مابيكاملوش سنتين ويهربوا من المستشفى الهباب اللي انا فيها

انا بطرد السعوديين واتخانق واشتم ويروحوا يشتكوا للمدير والمديرية ومافيش حاجة بتحصل عارف ليه

عشان المستشفى بتاعاتنا تعتبر عقاب في حد ذاتها من كتر المراجعيين اللي بيترددوا عليها

ليك انك تتخيل اني بزوغ من الشغل قدامهم والبالطوا وسخ على طول وماعملتش ختم........مطهاهم في عيشتهم وبرضوا موش مستغنيين عني!!!!

شوفتوا السعودية جميلة ازاي والناس طيبين اوي :blush2:

[hazemtara]

لك مني كل احترام وكل تقدير يا دكتور حازم :lol: :lol: :lol:

انته اول واحد يحكي معايا ويقولي كلام مشجع من شهرين ونص smk:

ودي الحاجة اللي اتعودتها منك ,,, عمرك ما كسفتني وعمرك ما احرجت احد لانك ذذووووووووووووووق بكل كلمة حكيتها

بشكر ردك ليا واللي اكثر من رائع ومطمئن ,, والله اني كنت بستنى احد بالدنيا يحكيلي كلمة تطمني

والحمدلله بعد كلامك بدات اتطمن وارتاح

حاجة تانية ...

انا اعتذر على اسلوبي بالكلام اللي حكيته عن دولتي فلسطين وعن روحي مصر وما راح افسر اي كلام باي طريقة لانه كله كلام غلط وانا اعتذر لكل الزملاء ولاستاذي دكتور حازم شخصيا

فاضلي سؤال عن سنوات الخبرة تبعت الـ MRCS ,,

متى حكون استشاري بعد الـ MRCS ؟؟ هل بعد 5 ولا بعد 8 سنين شغل

يعني اخلص 3 سنين واصير ننائب اول وبعدها اخلص كمان 5 سنين واعادل درجة الاستشاري السعودي يعني 8 سنين صوح والا مش صوح ؟

واثناء فترة لما اكون نائب اول بقبض راتبي او انه تم التعاقد معايا على راتب نائب اول الين لما اخلص 5 سنين منائب اول وبعدها بيتم التعاقد معايا على اني استشاري ؟؟

والا بيعملو امتحااااااااااااااااان ؟؟ << هنا السؤال

وضل هنا بالاخر احكيلك انه رنا يوفقك ويسهل امورك وامورنا معاك بالسعودية

الله يوفق الجميع

أهلاً جوكاز

فى حياة كل شخص منا تواريخ وشهادات بالغة الأهمية وتلاحقك حتى الممات وهى:

1- شهادة ميلادك وبلد الميلاد منذ ميلادتك السعيدة وسوف تُسأل فى كل مكان عن شهادة الميلاد وبلد المولد.

2-بطاقة الهوية ورقمها.

3-جواز السفر ورقمة وبلد المصدر.

4-شهادة البكالوريوس وتقديرك فى البكالوريوس ،،طبعاً هذة الشهادة هى الضيف الجديد الذى سوف تُسأل عنة حتى مماتك

5-شهادة الإختصاص والتقدير والبلد الذى حصلت على هذة الشهادة منها.

أنا لا أقصد بذلك التعداد لمجرد التعداد أو لسرد الشهادات وخلاص ولكن لأوضح لك أهمية شهادة البكالوريوس منذ الأن فى مكان سوف تذهب إلية سوف يُطلب منك شهادة التخرج والتقدير.

كذلك بعد حصولك بإذن الله على الإختصاص سوف تُسأل فى أى مكان عن شهادة الإختصاص والتقدير وبلد الحصول عليها وكذلك تاريخ الحصول عليها .

ما يعنينى هنا هو على سبيل المثال تاريخ الحصول على البكالوريوس من بعدها مباشرة سوف نبدأ نعد لك أى يوم عمل يصبح خبرة لك.

بعد حصولك على الإختصاص مُباشرة نبدأ فى العد لك حيث أن أى يوم عمل لك بعد الحصول على الإختصاص هو خبرة على طريق أن تصبح إستشارى.

يعنى لو حضرتك مثلاً حاصل على MRCS فى 2010م إحسب بعدها 3 سنوات لتصبح نائب أول ،،،ثم 5 من تاريخ المُؤهل لتصبح إستشارى يعنى فى 2015م مع مُلاحظة أن الإستشارى دة درجات يعنى إستشارى ثالث ،،ثم ثانى ثم أول والفاصل بين كل منهم سنتين.

يعنى فى 2019م سوف تكون إستشارى أول.

المشوار طويل جداً يا أنس لكن لا تبتأس أهم خطوة فية صدقنى هى البداية الصحيحة لو بدأت صح سوف تُكمل صح ولو بدأت خطئ سوف تُعانى،،،يعنى أولا تبدأ بإختيار التخصص الصح الذى يُناسب قُدراتك وطموحاتك وفى نفس الوقت الذى تستطيع أن تُكمل فية دون عناء أو مشقة أو تشعر بأنك دخلت لتخصص لم تكون ترغبة أو تهواة مع مُلاحظة أن كل تخصصات الطب مُمتازة بس لو إجتهدت وكُنت مُميز فيها.

لك منى السلام والتحية

[hazemtara]

على حد علمي دخول مندوبين ألبان الأطفال للمستشفيات الحكومية ممنوع حسب النظام, وأي طبيب بيتورط في الموضوع بيشحوروه, يعني Take Care

مُختفى أنت خالص يا ياسر ودُخولك على القد،،،يا رب يكون المانع خير.

دخول أى مندوب لأى شركة أدوية ممنوع وليس فقط مندوب شركة الألبان ،،وأى مندوب لازم يحصل على إذن من المُدير الأول.

لا ماتخافشي كل الناس عارفة لانو اصلا هما موش لاقيين دكاترة زاي البكاستنيين والهنود والبنجال يستحملوا الشغل القاسي بتاعهم يعني يحمدوا ربهم اني في دكاترة تستحمل تشوف 100 طفل في ال 8ساعات دوام

والدكاترة الاسيويين دول بقالهم 13و18و10 سنين انما المصري والسوري مابيكاملوش سنتين ويهربوا من المستشفى الهباب اللي انا فيها

انا بطرد السعوديين واتخانق واشتم ويروحوا يشتكوا للمدير والمديرية ومافيش حاجة بتحصل عارف ليه

عشان المستشفى بتاعاتنا تعتبر عقاب في حد ذاتها من كتر المراجعيين اللي بيترددوا عليها

ليك انك تتخيل اني بزوغ من الشغل قدامهم والبالطوا وسخ على طول وماعملتش ختم........مطهاهم في عيشتهم وبرضوا موش مستغنيين عني!!!!

شوفتوا السعودية جميلة ازاي والناس طيبين اوي :lol:

يا حبيبى حافظ على أكل عيشك فى البلد دى وزى ما قُلت لك من قبل نخلى السعودية هى البوابة التى ننطلق منها لبلد أفضل ووظيفة أحسن ،،لأنى أظن أن العودة لمصر الأن قرار غير صحيح ولهذا خليك حسن السُمعة والسيرة فى مكانك إلى أن تحصل على مكان أفضل.

لك منى السلام

حازم

[icehell]

موش عارف اوصافلك الوضع كام هو سئ بالمستشفى

كل الدكاترة في تبوك مقيمين واخصائيين بياخدو يومين اجازة الا احنا

دا غير الجدول الاسبوعي يوم صبح يوم ضهر يوم باليل ممكن اروح انام 8 ساعات وارجع عادي خالص

اتكلمنا كتير مع المدير والمديرية بلا فائدة

دا غير غلاسة المراجعين يقطع وصفات لل 5 عيال وهما ماعندهومشي حاجة غير ممكن زكمة

الناس كابسة عليك ال8ساعات موش مديينك فرصة تدخل الحمام ولا تشربلك كباية شاي

تخيل مرة جايت مالقيتشي ولا ممرضة في المستشفى ولا طوارئ ولا اندور ولا اوبسرفاشن حاجة جميلة خالص وطبعا اللي عاوز ياخد ابرة او بخار بنحوله المستشفيات التانية وفي الاخر ولا حاد كلمهم ولافي حاجة حصلت ليه !!!!!!!!عشان تمريض سعودي

وياما عاملوها حتى في قسم النساء بيغيبوا ويسيبوا بناتهم تنزف في بوست اوبراتف

وطبعا لو اجنبي مثلا رايح يشرب شاي 5 دقائق وزميلو مغطيه !!!!لا طبعا لازم يتشد ويتادب

تخيل اذان المغرب يادن في رمضان يخش عليك واحد في العيادة وانت لسه بتحط اللقمة الاولى في بوقك ........تحسبو جاي عشان كونفلشن لالالالا طبعا

يقولقك الواد اكلت ضعيفة ولا الي يجيبلك 5 6 ويقولك شايكلي على العيال دي

وغيرو وغيرو كتير

والموظفين اللي يضيعولك ورق التقديم بتاع بدل التجهيز وتتفاجا انو ماراحشي الشئون الصحية وغيرو وغيرو

لغاية ماالواحد اتحرقت اعصابه وعاوز اي فرصة اتخانق فيه

عرفت ليه انا كده!

[jukass]

الف شكر ليك يا دكتور حازم

ان شاء الله انا حاطط وجهتي في سكة الجراحة العامة او جراحة العظام لو ربنا اراد لينا التوفيق والسداد بالشغل والوظيفة

شكرا لانه الامور واضحة ومافيش اوضح من هيك

بانتظار كل القرارات الجديدة من حضرتك ومسجلين المتاعبة من قبل من سجل

:lol:

[غريب الخبر]

كل سنة والكل طيبيبن وبخير .

اول يوم النهارده فى السنة الهجرية .والجميل انه يوم الجمعة اللى هيبقى بردو اول السنة الميلادية ان شاء الله .

اتمنى حظ موفق للجميع خلال هذا العام مع خالص دعائى للكل بتحقيق كل ما يتمناه والتوفيق فى كل ما يخطط او يسعى اليه .

دمتم بود.

[rewsha]

كل سنه وحضراتكم بخير

كل سنه وحضرتك طيب يا د/حازم ....ودايما كده تزودنا بالمعلومات المفيده والاْراء الجيده

وربنا يجعلها سنه احلى من السنه اللي فاتت على الجميع والكل يحقق ما يتمناه فيها:lol:

[mama nona]

كل سنة وحضراتكم جميعا بخير

وعام سعيد عالجميع ان شاء الله

هنعمل انهارده رز بلبن بالقرفة والمكسرات عشان السنة الجديدة

اتفضلو معانا ..............

:lol: :lol: :lol: :lol: :lol:

[icehell]

الدكتور احمد رفعت مشكورا قام بجمع اسئلة امتحانات الهيئة للتخصصات الطبية موجودة بالينك دا /?ea5zxj1nztn

ودا رابط الموضوع الاصلي في طب مصر

وكل سنة وانتم طيبين جميعا

[superzok]

السلام عليكم ورحمة الله وبركاته

عندي كام سؤال كده عن السعودية

بالنسبة للمصريين ( او الاجانب زي ما بيقولو ) هل من حقهم ان يقدموا على برنامج النيابات عندهم ولا الموضوع ده مقتصر على السعوديين بس

ونفس الكلام بالنسبة للبورد

انا بسال الناس اللي عايشه هناك ومعاشره الواقع ده

هل فعلا ( عمليا ) ينفع الوحد يلتحق بالبورد السعودي في اي من تخصصاته

[mama nona]

السلام عليكم ورحمة الله وبركاته

عندي كام سؤال كده عن السعودية

بالنسبة للمصريين ( او الاجانب زي ما بيقولو ) هل من حقهم ان يقدموا على برنامج النيابات عندهم ولا الموضوع ده مقتصر على السعوديين بس

ونفس الكلام بالنسبة للبورد

انا بسال الناس اللي عايشه هناك ومعاشره الواقع ده

هل فعلا ( عمليا ) ينفع الوحد يلتحق بالبورد السعودي في اي من تخصصاته

الاخ الفاضل

طبعا للاجانب الحق فى التقديم للبورد السعودى ولكن الاولوية للسعودين

من شروط الالتحاق بالبورد السعودى :

اجتياز اختبار اسمه selection وده عبارة عن mcqsاختيارى حالات كتير فى كل التخصصات حوالى 100 سؤال

بعد اجتياز الاختبار ده بيتعمل انترفيو من قبل لجنه من استشاريين فالتخصص ال حضرتك عاوزه فى الهيئة السعودية

وبعدين بيعطوك اسماء المستشفيات ال ممكن تقدم فيها

وحضرتك تروح لكل مستشفى وتقدم اوراقك

وده يعتبر بمثابة وظيفة ليك فالمستشفى دى

يعنى هتاخد راتب وممكن يكون راتب اقل من العاملين على نفس الدرجة الوظيفية فنفس المستشفى والسبب فى كده انك بتكون فالبروجرام

ده بيحصل معاك ومع السعوديىن

ووقت الاختيار لو عدد المتقدمين اكتر من الاماكن المتاحة

بتكون الاولوية فالحالة دى للسعوديين

وطبعا فالمدن الكبيرة زى الرياض وجدة بيكون عدد السعوديين المتقدمين كبير جدا

وفى حاله انه ربنا كرمك واتفبلت فالبورد السعودى خلاص بتدفع فى السنة حوالى 9 الاف ريال لمدة 5 سنوات

وعلشان تاخد البورد العربى مثلا وحضرتك فى السعودية لازم تدخل البورد السعودى الاول (شرط)

اتمنى اكون افدتك

[jukass]

السلام عليكم ورحمة الله وبركاته

عندي كام سؤال كده عن السعودية

بالنسبة للمصريين ( او الاجانب زي ما بيقولو ) هل من حقهم ان يقدموا على برنامج النيابات عندهم ولا الموضوع ده مقتصر على السعوديين بس

ونفس الكلام بالنسبة للبورد

انا بسال الناس اللي عايشه هناك ومعاشره الواقع ده

هل فعلا ( عمليا ) ينفع الوحد يلتحق بالبورد السعودي في اي من تخصصاته

الاخ الفاضل

طبعا للاجانب الحق فى التقديم للبورد السعودى ولكن الاولوية للسعودين

من شروط الالتحاق بالبورد السعودى :

اجتياز اختبار اسمه selection وده عبارة عن mcqsاختيارى حالات كتير فى كل التخصصات حوالى 100 سؤال

بعد اجتياز الاختبار ده بيتعمل انترفيو من قبل لجنه من استشاريين فالتخصص ال حضرتك عاوزه فى الهيئة السعودية

وبعدين بيعطوك اسماء المستشفيات ال ممكن تقدم فيها

وحضرتك تروح لكل مستشفى وتقدم اوراقك

وده يعتبر بمثابة وظيفة ليك فالمستشفى دى

يعنى هتاخد راتب وممكن يكون راتب اقل من العاملين على نفس الدرجة الوظيفية فنفس المستشفى والسبب فى كده انك بتكون فالبروجرام

ده بيحصل معاك ومع السعوديىن

ووقت الاختيار لو عدد المتقدمين اكتر من الاماكن المتاحة

بتكون الاولوية فالحالة دى للسعوديين

وطبعا فالمدن الكبيرة زى الرياض وجدة بيكون عدد السعوديين المتقدمين كبير جدا

وفى حاله انه ربنا كرمك واتفبلت فالبورد السعودى خلاص بتدفع فى السنة حوالى 9 الاف ريال لمدة 5 سنوات

وعلشان تاخد البورد العربى مثلا وحضرتك فى السعودية لازم تدخل البورد السعودى الاول (شرط)

اتمنى اكون افدتك

شكرا يا ماما نونا

تسجيل متابعة وتقدير وشكرا ليكي يا دكتور

ممكن بس اعرف مواعيد التقديم متى بتكون

وهل بيكون في اولوية للي معاهم سنة خبرة عن اللي متخرج حديثا ؟؟

ربنا يوفق الجميع

[superzok]

شكرا mama nona على الرد

[doctorphysician]

كل سنة وانتم جميعا طيبين يا جماعه وكل المصريين فى كل مكان والعالم الاسلامى بخير وصحه ويا رب السنه الجديده دى نحقق فيها كل امانينا وهوا ليه مفيش اى طبيب مصرى فى الامارات هنا ليه كله السعوديه !! بالمناسبه البلد بجد ما شاء الله حلوة وفرق شاسع عن مصر للاسف وتحس انك للاسف عاوز تعيش ع طول فيها ولو تقدر تجيب اهلك يبقى ميت فل ...وبالمناسبه الدكاتره هنا مش زى اللى فى مصر مش شاطرين مش فاهمين تحسن انهن مش professional بس مستوى الخدمة عااااااااااااالى جدا ودكاتره الممارسين العام اللى يا ريت ابقى منهم قريب بعد ما كنت عامله انى متخصصه وحركات ...عاملين زى الوزرا فمصر هههههههه الفلوس ما شاء الله ..انا مش بقر انا بحسد بس هههه عقبالنا جميعا يا رب لما ربنا يرزقنا ويرزقنا الصحه الدائمة ويبعد عنا شر الحسد والحاسدين ...اسفه للتطويل

[hazemtara]

موش عارف اوصافلك الوضع كام هو سئ بالمستشفى

كل الدكاترة في تبوك مقيمين واخصائيين بياخدو يومين اجازة الا احنا

دا غير الجدول الاسبوعي يوم صبح يوم ضهر يوم باليل ممكن اروح انام 8 ساعات وارجع عادي خالص

اتكلمنا كتير مع المدير والمديرية بلا فائدة

دا غير غلاسة المراجعين يقطع وصفات لل 5 عيال وهما ماعندهومشي حاجة غير ممكن زكمة

الناس كابسة عليك ال8ساعات موش مديينك فرصة تدخل الحمام ولا تشربلك كباية شاي

تخيل مرة جايت مالقيتشي ولا ممرضة في المستشفى ولا طوارئ ولا اندور ولا اوبسرفاشن حاجة جميلة خالص وطبعا اللي عاوز ياخد ابرة او بخار بنحوله المستشفيات التانية وفي الاخر ولا حاد كلمهم ولافي حاجة حصلت ليه !!!!!!!!عشان تمريض سعودي

وياما عاملوها حتى في قسم النساء بيغيبوا ويسيبوا بناتهم تنزف في بوست اوبراتف

وطبعا لو اجنبي مثلا رايح يشرب شاي 5 دقائق وزميلو مغطيه !!!!لا طبعا لازم يتشد ويتادب

تخيل اذان المغرب يادن في رمضان يخش عليك واحد في العيادة وانت لسه بتحط اللقمة الاولى في بوقك ........تحسبو جاي عشان كونفلشن لالالالا طبعا

يقولقك الواد اكلت ضعيفة ولا الي يجيبلك 5 6 ويقولك شايكلي على العيال دي

وغيرو وغيرو كتير

والموظفين اللي يضيعولك ورق التقديم بتاع بدل التجهيز وتتفاجا انو ماراحشي الشئون الصحية وغيرو وغيرو

لغاية ماالواحد اتحرقت اعصابه وعاوز اي فرصة اتخانق فيه

عرفت ليه انا كده!

حبيبى هذة طبيعة شعب وعادات وسُلوكيات تربوا عليها وعاشت عليها وماتت عليها أجيال وأجيال من السعودين وهذة طبيعة مُعظم أهل الجزيرة العربية ولا أنا ولا أنت ولا مِئات مثلى ومثلك نستطيع تغير طِباع وعادات هذا الشعب ولا بعد عشرات السنين ،،،، وأنت الى فى الأخر راح تتعب ولن تُغير من الوضع شيئ،،كل السعودين كدة فى كل السعودية ،بل فية أماكن ممكن تكون أسوء من كدة بكثير.

هذة المرحلة مُعظمنا مر بها ولازم حضرتك لا تقف عندها .

[hazemtara]

الف شكر ليك يا دكتور حازم

ان شاء الله انا حاطط وجهتي في سكة الجراحة العامة او جراحة العظام لو ربنا اراد لينا التوفيق والسداد بالشغل والوظيفة

شكرا لانه الامور واضحة ومافيش اوضح من هيك

بانتظار كل القرارات الجديدة من حضرتك ومسجلين المتاعبة من قبل من سجل

كل عام وأنت بخير يا جوكاز وشوف القرار الى نازل دة بعد شوية وقولى رأيك إية.

كل سنة والكل طيبيبن وبخير .

اول يوم النهارده فى السنة الهجرية .والجميل انه يوم الجمعة اللى هيبقى بردو اول السنة الميلادية ان شاء الله .

اتمنى حظ موفق للجميع خلال هذا العام مع خالص دعائى للكل بتحقيق كل ما يتمناه والتوفيق فى كل ما يخطط او يسعى اليه .

دمتم بود.

وكل عام وأنت بخير وكل العالم بخير إن شاء الله.

كل سنه وحضراتكم بخير

كل سنه وحضرتك طيب يا د/حازم ....ودايما كده تزودنا بالمعلومات المفيده والاْراء الجيده

وربنا يجعلها سنه احلى من السنه اللي فاتت على الجميع والكل يحقق ما يتمناه فيها :flr1:

كل سنة وحضرتك والأسرة بخير وسلام وإن شاء الله تكونى مبسوطة فى الرياض ،،،أخبار العروض عندكم إية دلوقت ،،أظن كل يوم عرض فى مكان جديد وبأسعار مُغرية ،،بس الواحد عندك عاوز لة 10 مُرتبات علشان يشترى كل حاجة؟؟؟!!!!!

كل سنة وحضراتكم جميعا بخير

وعام سعيد عالجميع ان شاء الله

هنعمل انهارده رز بلبن بالقرفة والمكسرات عشان السنة الجديدة

اتفضلو معانا ..............

:happy: :happy: :blink: wst::

كل سنة وحضرتك بخير وسلام ماما نونا

[hazemtara]

وصلنى اليوم قرار وزارة الصحة السعودية المُوجه إلى مُديريات الشؤن الصحية فى جميع مناطق المملكة والمُتضمن ألية وكيفية تنفيذ قار معالى وزير الخدمة المدنية الساق الإشارة إلية الخاص بتعديل وزيادة رواتب الأطباء فى وزراة الصحة السعودية والفئات المُستحقة وغير المُستحقة ونسب الزيادة وتاريخ البدأ فى الزيادة والتعديلات الخاصة بها كُلاً على حسب وضعة الوظفى ودرجتة.

تاريخ صُدور القرار من وزارة الصحة 26/11/1430هـ،،وتاريخ وصولة للمُديرية عندى للتنفيذ 25 /12/1430هـ.

أرجو الفائدة للجميع والله المُوفق.

حازم