عااااااااجل جمارك التلفيزيوناتLCD

[ترنيم]

إخوانى :صباح الفل

حد يعرف حاجة عن جمارك التلفيزيوناتLCD لما نحب ننزلها مصر

ولكم جزيل الشكر

[Melhakim]

انا سألت واحد صاحبى اخوه شغال فى الجمرك قاللى البوصه بـــ 500 جنيه وبيدفع 50% فقط والله اعلى واعلم

الا لو فى حد معرفة فى الجمرك ممكن يدفع 3000 مثلا

[ترنيم]

جزاكم الله خيرا على الرد بس كده تبقى جماركه غالية قوى

يبقى الواحد لو عايز يشتريه يشترى من مصر أرخص.............. ولا إيه؟

[Melhakim]

طيب ممكن الماركه وكام بوصه

[ترنيم]

سونى 37 أو 40 بوصة

[Melhakim]

شوفى يا ستى اخر معلومى لسه واصله حالا من مصر وبالتحديدا مطار القاهرة

سونى 40 بوصه

البوصه ب 150 جنيه يبقى 40 × 150 جنيه = 6000 جنيه وبعد الخصومات والذى منه يبقى 4000 جنيه بس كده

[ترنيم]

جزاكم الله خيرا على هذه المعلومات القيمة

وعشان تكمل جميلك ما تعرفش ثمن التليفزيون ده فى مصر كام علما بأنه صناعة ماليزى

[Melhakim]

لا والله للاسف معرفش

[ترنيم]

على العموم جزاك الله كلللللللللل خير

[ابن الصعيد]

انا دفعت بعد كل الخصومات المحتملة 2600جنية جمارك سوني 32 بوصة ماليزي

وتمنة في مصر اقل مما دفعت 400 جنية

نصيحة اشتري من مصر

[سكر]

بالمناسبة فى خصومات ضخمة جدا على LCD

فى اكسترا النهاردة وبكرة والشراء بالضرب

التخفضات وصلت لحد 50 % على تمن الجهاز حاجة جامدة جدا

[هشام عبد العزيز]

بالفعل الشراء من مصر افضل

على الاقل علشان الصيانة

[هشام عبد العزيز]

بالفعل الشراء من مصر افضل

على الاقل علشان الصيانة

[ترنيم]

جزاكم الله خيرا يا إخوانى

والله الواحد لما بيشوف ما شاء الله التعاون ده بيقول الحمد لله لسه المصريين بخييييييير

[essamalshaaer]

محدش يستعجل ..... ده كان خبر قبل الأزمة المالية العالمية تخيلوا دلوقتي ممكن يوصل سعره كام

مع الخبر .............تحياتي ..

------------------------------------------------------

أسعار تليفزيونات الLCD قد تنخفض بنهاية العام الحالي

17th أكتوبر, 2008

من أهم الفوائد العائدة من متابعة الوسط التقني بشكل وثيق و البقاء على إطلاع بما يستجد فيه هو أن تستطيع اتخاذ قرار شراء السلعة الإلكترونية المناسبة في الوقت المناسب. و يبدو أن الشهور القليلة المتبقية من العام الحالي قد تشهد تغييرات كبيرة في أسعار تليفزيونات الLCD بما يجعل إنتظارها خيارا جيدا لمن لا يبدو في عجلة من أمره.

فقد أفاد محللون في السوق الأمريكي في تقرير نشر أخيرا أن أسعار أجهزة التليفزيون الLCD من المرجح أن تنخفض بمعدلات كبيرة خلال موسم العطلات القادم, أو بشكل أوضح خلال الشهرين القادمين, الى الدرجة التي قد يصل معها سعر تليفزيون LCD افتراضي بقياس 32 إنش يبلغ سعره حاليا 600-700$ الى سعر 350$ فقط و أنها هذة الأسعار الجديدة ستبقى في حالة ثبات لمدة عام قادم.

هذة التوقعات تبدو مثيرة للإهتمام لأكثر من سبب, فمن جانب يبدو هذا الإنخفاض كبيرا للغاية حيث قد تنخفض الأسعار الى النصف تقريبا أو ربما بدرجات متفاوتة و لكنها تبدو بأي حال ذات قيمة حقيقية. النقطة الأخرى هي أننا ربما ننظر لهذا التقرير بتمعن لسبب بسيط هو أن التقنية ظهرت في الأسواق منذ فترة طويلة و لم نشهد أي انخفاض كبير في أسعار هذة الأجهزة ما يعني أن خطوة مماثلة تبدو بالفعل واردة وفقا لاقتصاديات الإنتاج و أوضاع السوق. الخطوة دون شك في حال حدوثها ستعطي لهذا السوق دفعة أخرى الى الأمام كما أنها ستسهم بشكل كبير في دفع مبيعات المستويات الأعلى من تليفزيونات الLCD ذات القدرات العالية و التقنيات الأحدث.

[عاشق الترحال]

عاوز أنصحكم نصيحه بصفتى شغال فى مجال lcd و plasma

التخفيضات اللي كانت موجوده فى اكسترا كانت عالموديلات القديمه وكانوا عاوزين يخلصوا المخزون القديم وعلشان كده عملوا عليه تخفيضات عاليه علشان الزباين تشتري وعلى سبيل المثال الشاشه 32 باناسونيك كان ثمنها 1999 ريال بس دي موديل قديم والموديل الجديد منها سعره تقريبا 2700 ريال

بس اللى عاوز يشتري نصيحه يتنتظر للعام القادم علشان الموديلات الجديده ووقتها الأسعار الموجوده دي مش هتبقى بالشكل ده ولو حد يفتكر السنه اللى فاتت كانت الأسعار ضعف أسعار اليومين دول وهيا دي حال التكنولوجيا الجديد بينسف القديم وزي ماانتم شايفين الدنيا كل يوم في جديد .

وعل حد علمي الموديلات اللى نازله جديد هتبقى فيها إمكانيات التشغيل (( بالبلوتوث )) يعنى لو عندك موبايل فيه بلوتوث تقدر تعرض من فيلم عالشاشه وكمان هيبقى فيها فتحات لتشغيل الآى بود وحبة (( حبشتكنات )) الشركات عاملاها علشان تقلب الزبون فى الفلوس اللى في جيبه . وطبعا المواصفات ((FULL HD )) وفيه يو إس بي , نسبة تباين أعلي وشغل على كيف كيفك .

وبالنسبه لموضوع الجمارك كل الأخوه المصريين اللى بيجوا عندي علشان يشتروا بيسألوني عالجمارك وبعضهم قال لي أنها في حدود 80 جنيه أو 100 للبوصه الواحده وده على حد كلامهم

يعنى 32 بوصة على كلامهم يبقى في حدود 3200 جنيه بالإضافة لسعره الأصلى نقول 3000 جنيه أو 3500 جنيه يبقى في الحالة دي أشتري من مصر وأريح دماغي من الشيل والحط و أكون محتفظ بضمان الوكيل تحت إيدي .

أما إن كان حد نزل ولقى الجمارك فعلا أقل من كده بفرق سعر يستاهل فيتوكل على الله ويشيل من هنا . وعالعموم إن شاء الله وأنا نازل يوم الخميس اللى جاي هسأل لكم بالتحديد فى الجمارك البوصه بكام وأقولكم

[Abu Reem]

ياريت اخي عاشق الترحال لو تقول اخر اخبار اسعار جمارك ال lcd في مصر

يعني مثال سامسوونج 6 40 بوصة يكون الجمرك كام أو سعر الجمر على البوصة كام

والمعلومة الاهم فعلا هي كم يساوي نفس الجهاز الان في مصر ،

ياريت لو حد عنده معلومة يقول لنا

[HDarwish]

الإسبوع اللي فات

إبن عمي جيه من الكويت ومعاه LCD سوني 32 بوصة ودفع جمارك 1200 جنيه

وكان المفروض إنه مش هيدفع حاجه بس المشكلة إنه كان لسه مسافر من شهر بس

زي ما حصل معايا وأنا جايب هوم ثييتر من الكويت برضه إتجمركت عليه 430 جنيه وكان المفروض إني أدفع 750 جنيه بس مع كلمة مني على كلمة منهم وصلنا ل 430 جنيه ونفس ابن عمي ده كان نازل قبلي ب نفس الجهاز وما اتجمركش عليه ولا مليم لإنه كان ساعتها مسافر بئالة سنتين ما نزلش

هذا والله أعلم

[kitkat]

لسه راجع من كارفور عامل عروض جامدة

samsung s5 b530

37 بوصة

ب 4999 جنيه

sony 40s 550

ب 5999 جنيه

وفيه عروض أجمد علي فيليبس وكايرا الصيني

[mohsen]

جولدى منزلها ارخص من هنا وتقدر تجيب 40 او 50 بوصة براحتك بدل مخاطرة النقل