ياترى سعيد فى حياتك...فضفض

[redwany]

يارى حضرتك سعيد فى حياتك

لو الاجابه بنعم يتبعها بعض الاسئله؟

سعيد ليه؟

وايه هو المقياس اللى استندت عليه علشان تقول انك سعيد؟

ايه الحاجات اللى خلتك سعيد؟

وايه اللى ناقصك علشان تكون اكثر سعاده؟

ولو السؤال ان حضرتك غير سعيد

ليه مش سعيد؟

ايه المقياس اللى استندت عليه انك غير سعيد؟

ايه الحاجات اللى خلتك مش سعيد؟

ياترى انت شايف كل الناس اسعد منك؟ لو كانت الاجابه بنعم ياترى انت بتحسدهم؟ ياترى انت عارف سبب سعادتهم؟ طيب لو شايف سبب سعادتهم ليه ماتعملشى زيهم؟

تعال فضفض وقول

[redwany]

ايه كل المحاورين خايفين يتكلموا فى الموضوع؟

انا عارف ان السؤال صعب

البعض ممكن يقول مش عارف انا سعيد ام لا وانا منهم

البعض الاخر هيخاف يقعد يسأل نفسه السؤال ده لانه هيدخل نفسه فى دائره مش هيقدر يطلع منها

انا هابدأ بنفسى

انا بصراحه مش عارف انا سعيد ام لا ...ممكن اكون سعيد لانى باشوف ناس اشقى منى ...طيب هل الناس اللى انا شايفهم اشقى منى هما فعلا اقل سعاده ؟ مش عارف

ممكن اكون مش سعيد لانى باشوف ناس اسعد منى

هل فعلا نقدر نحط تعريف محدد للسعاده ام الموضوع نسبى

[a m ghazi]

الاخ الفاضل redwany

هو فعلا سؤال صعب بس حضرتك اللي صعبت علينا السؤال

لانك بتسأل عن السعاده المطلقه

ولا يوجد ما هو كامل او بشكل مطلق في هذه الحياه سيدي الفاضل

وانما هي مساله نسبيه وكل حسب زاويته الخاصه او منظوره الخاص

فليس كل ما يسعدني هو بالضروره مصدر سعادتك والعكس صحيح

منا من يسعد بالمال

ومنا من يسعد الصحه

ومنا من يسعد بالاهل

الخ الخ الخ

واعتقد ان سعاده وشقاء الفرد منا هي بيده

فقد خلقنا الله درجات فوق بعضنا البعض ولم يغلق هذه الدرجات علينا

فعلي الفرد ان يقنع بما هو فيه وان يحاول الرفع من وضعه ولكن باعمال العقل والمنطق

تقبل تحياتي

احمد غازي

[alsaher]

هو بالفعل مقياس السعادة مختلف

وزي ما قلت حضرتك أخ رضواني

أنت ممكن تسأل نفسك السؤالين وتجاوب على الإتنين

بالنسبة ليه لو قلت لك سعيد يبقى بأكدب عليك

أنا ببلد وأهلي نصهم ببلد والنص التاني ببلد

مستقبل مجهول يمكن يكون ببلد ما لوش دعوة بالبلدان التلاتة :rolleyes:

غربة من بدري من عمر 17 سنة

يعني أهو زي ما بيقولو دنيا ولازم نعيشها بحلوها ومرها

وبرضو لما بأبص على ناس مرضى وناس يتامى وناس مش لاقية تاكل

وناس بتعرق طول النهار علشان تلاقي لقمة بالليل

وناس واقفة بتتخانق على طابور العيش

وناس مصابة بسرطان الدم وناس وناس وناس ,,,,,

بأقول الحمد لله على نعمته

تحياتي