قصتي مع كندا

[precanadian]

يا نهار أبيض ....يعني الواحد ينشغل شويتين في مطحنة النيابة يرجع يلاقي القهوة مهجورة خالص كده :blink: .....فين أيام زمان لما الزبون كان مخلص للقهوة بتاعته :blink: ...لا سؤال و لا استفسار و لا حتي طمنا يا عم النايب ..... بس برضه معلهش ..نواصل الارسال لعل و عسي الزباين ترجع تاني

ياباشا سايبينك في المطحنه ومش عايزين يكون عليك عبء النيابه والمنتدى وخصوصا اني متوقع انك هتكون مشغول الكام شهر الاول

عاوز اعرف الدوام كام ساعه في النيابه وبتعرف تروح البيت امتى ؟

تحياتي لك وعودا احمد يا حبيب هارتي

تم تعديل 17 يوليو 2009 بواسطة precanadian

[د هشام ابراهيم]

حمدالله على السلامة..

حبيت أكون أول المرحبين..ما أحنا بلديات بقى :blink:

السبب ياسيدى إن القهوة إتهجرت ...إن القهاوى رطرطت فى السوق

نفس الشىء أدركته فى القهوة بتاعتى

معلهش يا دكتور دة حال الدنيا

تحياتى

سوسورانى

005 باشا ......الله يخليكي و يسلمك يا دوك .....شكلك كده عندك حق فعلا .....علي العموم احنا بنعمل اللي علينا و الباقي علي ربنا (وش يوسف وهبي و هو بيمثل دكتور ) :blink:

[د هشام ابراهيم]

ياباشا سايبينك في المطحنه ومش عايزين يكون عليك عبء النيابه والمنتدى وخصوصا اني متوقع انك هتكون مشغول الكام شهر الاول

عاوز اعرف الدوام كام ساعه في النيابه وبتعرف تروح البيت امتى ؟

تحياتي لك وعودا احمد يا حبيب هارتي

صديقي العزيز :blink: ...بص يا سيدي اليوم العادي باصحي علي ٥ و ربع صباحا .....باكون في باركنج المستشفي علي ٦ و ربع السواقة حوالي ٢٠ دقيقة بس فيه ١٥ دقيقة مشي من الباركنج لجناح العمليات

ابتدي أحضر للتخدير في حجرة العمليات حسب الحالة ....كل يوم فيه teaching الصبح من ٧ لسبعة و نص باحضره و بعدين أكمل التحضير بتاع الأوضة ....اليوم بيخلص علي أربعة خمسة و بعدين فيها حوالي ربع ساعة مشي للباركنج و ٣٥ ٤٠ دقيقة سواقة ......أرجع لشقة تورنتو أذاكر شوية و أحضر حاجات بكره و أنام علي ١٠ بالكتير

النبتشيات لا إما أيام الأسبوع العادية بتبقى من ٤ العصر لتاني يوم ....لا إما الويك اند من ٧ و نص لسبعة و نص سواء صبح أو ليل

النبطشيات بتبقى حسب عدد النواب و حسب التوزيع بتاع الجدول ....يعني مثلا أخر أسبوع في يوليو عندي الأربع ليل و بعدين الجمعة ليل و بعدين الأحد الصبح و بعدين الاتنين ليل ...ديه أسوأ مجموعة نبتشيات و بتتكرر مرة كل شهرين مثلا

[د هشام ابراهيم]

نواصل الأرسال ...خواطر حوالين صني بروك

- من الحاجات اللي تفرح إن فيه مصلي داخل المستشفي ....الظهر كل يوم بيقام جماعة الساعة ١٬٣٠ ......و كمان الجمعة بتقام فيه

المصلي موجود في جناح مستقل وسط كنيسة و معبد يهودي ...الكنيسة الأكبر حجما يليها المعبد ثم المصلي ...... المصلي أكتر واحد في التلاتة فيه ناس بتتردد عليه

- المباديء العامة للرعاية الصحية اللي كانت موجودة في المستشفي السابق هي هي موجودة في الحالي ...التأكيد علي خصوصية المرضي أمر في غاية الأهمية .....الاختلاف بيبقى في القشور انما الجوهر ثابت

- من الحاجات اللي كنت خايف منها ازاي الناس حتتعامل معايا باعتبار إن موقعي في hierarchy قل .....الصراحة الناس كلها لحد دلوقتي محترمة جدا و مقدرين وضعي جدا .....فيهم حتي اللي تخطي مجرد الاحترام ليبدي اعجابه بالمثابرة و الصمود علي حد تعبيرهم .....مش حاضحك عليكم الدفعة المعنوية ديه كانت الواحد فعلا محتاجها

- برنامج النيابة فيه اهتمام كبير بالدراسة و الأمتحانات ......دروس و مجموعات و محاضرات و امتحانات دورية و امتحانات محاكاة إلخ .... بحاول أقارن ده بنيابتي في مصر .......

- في وسط الجدل الدائر في أمريكا حوالين نظام الرعاية الصحية و محاولة البعض المستميتة لتخويف الناس من النظام الكندي (يعني الدولة هي اللي بتدفع مصاريف الرعاية الصحية .....أدارة اوباما بتحاول تخلي الحكومة تتحمل جزء كبير من مصاريف الرعاية الصحية ......المحافظين معترضين و عايزين يبعدوا الدولة تماما و يسيبوا الموضوع في ايدين شركات التأمين ) بصفتي موجود في داخل المنظومة الطبية أكيد النظام الكندي أحسن من الأمريكاني بمراحل ....اللهم إلا لو كنت مليونير و مش فارقة معاك الفلوس ..ساعتها الأمريكاني أحسن في حاجات و مش أحسن في حاجات تانية انما كانسان في الطبقات الفوق المتوسطة فالاقل إلي أن نصل للفقراء فالنظام الامريكاني في أخر الديل مش بس مقارنة بالكندي ...بأي نظام طبي في أي دولة من السبع الكبار

[kaplan]

دكتوووووووورهشام

نورت قهوتك يادكتور

احنا ماهجرناش القهوة ولاحاجه بس انا عارف اول فترة ف النيابه صعبه قوى ومتعبه مش عايزين نشتتك يادكتور

ربنا يعديلك النيابه على خير ويوفقك ونشوفك chief resident قد الدنيا

نورت قهوتك من جديد

بس معقوله فى طرقه اطول من طرقه القصر العينى!!!!

[د هشام ابراهيم]

نورت قهوتك من جديد

بس معقوله فى طرقه اطول من طرقه القصر العينى!!!!

الله يخليك يا باشا ده نورك

شفت بعيني يا دكترة ما حدش قاللي .....الظاهر مكتوب علي العبد لله أي نيابة تبقى في مستشفي طول طرقتها أكتر من كيلو و إلا ما ينفعش

[Shehab]

نواصل الأرسال ...خواطر حوالين صني بروك

دكتورنا العزيز ....واحشنى جداً .....و متابع و فى انتظار باقى الارسال

- برنامج النيابة فيه اهتمام كبير بالدراسة و الأمتحانات ......دروس و مجموعات و محاضرات و امتحانات دورية و امتحانات محاكاة إلخ .... بحاول أقارن ده بنيابتي في مصر .......

بيستهيئلى....قصدى أعتقد با دكترة بعد الفترة اللى قضتها فى البلد الطاهر ده...انك عملت مقارنات بما فيه الكفاية.....كفاية مقارنات لحد كده يا دكترة ....ما فيش داعى تعذب نفسك

- في وسط الجدل الدائر في أمريكا حوالين نظام الرعاية الصحية و محاولة البعض المستميتة لتخويف الناس من النظام الكندي (يعني الدولة هي اللي بتدفع مصاريف الرعاية الصحية .....أدارة اوباما بتحاول تخلي الحكومة تتحمل جزء كبير من مصاريف الرعاية الصحية ......المحافظين معترضين و عايزين يبعدوا الدولة تماما و يسيبوا الموضوع في ايدين شركات التأمين ) بصفتي موجود في داخل المنظومة الطبية أكيد النظام الكندي أحسن من الأمريكاني بمراحل ....اللهم إلا لو كنت مليونير و مش فارقة معاك الفلوس ..ساعتها الأمريكاني أحسن في حاجات و مش أحسن في حاجات تانية انما كانسان في الطبقات الفوق المتوسطة فالاقل إلي أن نصل للفقراء فالنظام الامريكاني في أخر الديل مش بس مقارنة بالكندي ...بأي نظام طبي في أي دولة من السبع الكبار

بمناسبة الكلام عن التأمين الصحى....كان فيه فيلم عامله الطاهر الشريف مايكل مور عن التأمين الصحى فى امريكا...و بيقارن بينه وبين التأمين الصحى فى دول كتير ...و على اختلاف تطور الدول ديه و تقدمها...يعنى من فرنسا و انجلترا .....و حتى كوبا.......و طبعا اتعرض لمقارنة النظام الامريكى بالكندى و كل ما يتعلق بالموضوع ....اللى منه مهاجمة السياسيين الامريكان للنظام ده و محاولة اظهاره للناس بانه فاشل .....و أن كل المواطنيين بينتظروا فيه لفترات طويلة لتلقى العلاج .....مش عارف اذا كنت شفته الفيلم ده و لأ .....بس الصراحة لما شفته اتحسرت جامد

"Sicko" Michael Moore

رابط لجزء من الفيلم

[د هشام ابراهيم]

دكتورنا العزيز ....واحشنى جداً .....و متابع و فى انتظار باقى الارسال

صديقي العزيز عاش من شافك يا باشا :rolleyes:

مش عارف أبطل المقارنات ديه ..... نفسي أبطل علشان أستريح إنما الواحد برضه بتصعب عليه نفسه .....حنعمل إيه بقي

فيلم مايكل مور شفته في السينما و من كتر ما عاجبني اشتريته علي DVD ....أحلي حتى لما جاب الست اللي بتشتكي من النظام الكندي و قالها طيب تبدلي و تاخدي الامريكاني قالت له لا طبعا :lol:

تحياتي يا باشا و باذن الله اشوفك قريب

[somayasaleh]

يا صباح الفل يا دكتورنا العزيز :lol:

القهوة منورة بحضرتك يا باشا :rolleyes:

متابعين اخر اليوميات الكندية والمقارنات المختلفة طبعا.........جين اكس بقي :blink:

بالمناسبة من الوايس مان اللي قال الكلام الغريب اللي في التوقيع ده.......سوري يعني .....ده جبان مان مش وايس خالص

ربنا يوفقك في النيابة وتخلصها علي خير ان شاء الله bv:- :D

[precanadian]

ياباشا سايبينك في المطحنه ومش عايزين يكون عليك عبء النيابه والمنتدى وخصوصا اني متوقع انك هتكون مشغول الكام شهر الاول

عاوز اعرف الدوام كام ساعه في النيابه وبتعرف تروح البيت امتى ؟

تحياتي لك وعودا احمد يا حبيب هارتي

صديقي العزيز :roseop: ...بص يا سيدي اليوم العادي باصحي علي ٥ و ربع صباحا .....باكون في باركنج المستشفي علي ٦ و ربع السواقة حوالي ٢٠ دقيقة بس فيه ١٥ دقيقة مشي من الباركنج لجناح العمليات

ابتدي أحضر للتخدير في حجرة العمليات حسب الحالة ....كل يوم فيه teaching الصبح من ٧ لسبعة و نص باحضره و بعدين أكمل التحضير بتاع الأوضة ....اليوم بيخلص علي أربعة خمسة و بعدين فيها حوالي ربع ساعة مشي للباركنج و ٣٥ ٤٠ دقيقة سواقة ......أرجع لشقة تورنتو أذاكر شوية و أحضر حاجات بكره و أنام علي ١٠ بالكتير

النبتشيات لا إما أيام الأسبوع العادية بتبقى من ٤ العصر لتاني يوم ....لا إما الويك اند من ٧ و نص لسبعة و نص سواء صبح أو ليل

النبطشيات بتبقى حسب عدد النواب و حسب التوزيع بتاع الجدول ....يعني مثلا أخر أسبوع في يوليو عندي الأربع ليل و بعدين الجمعة ليل و بعدين الأحد الصبح و بعدين الاتنين ليل ...ديه أسوأ مجموعة نبتشيات و بتتكرر مرة كل شهرين مثلا

احلى حاجه يا دكتور انك بتنام بدري وبتصحي بدري

يومي تقريبا زيك لكن باصحى 7 لكن باكون ضابط المنبه على 7 وسبعه وربع علشان لو طفيته ونمت تاني :lol: :lol:

بانزل من البيت ثمانيه الا خمسه وجري باروح امضي 8 او بعديها بكام دقيقه وده لان سكني في كمبوند المستشفي ويمتد يومي حتي خمسه الا عشره وبنمضي بالبصمه الالكترونيه المشكله اني بارجع هلكان ومبعرفش اقاوم النوم فبنام لقبل العشاء بشويه علشان اصحي اصلي العشاء واروح القسم اذاكر حتي 11 او 12 علي منام فيها واحده او اتنين من الارق واقوم تاني يوم هلكان وهكذا ارهاق طول الاسبوع ولو عندي مناوبه بكون اون كول عن طريق البيجر لتاني يوم :blink: :blink:

اول ماشتغلت في مصر في اول كام شهر من النيابه قبل ماخذ تفرغ واروح الجامعه فزيتور كنت بداوم يوم واحد في الاسبوع لان كل زميل بيشيل اليله يوم وباقي الاسبوع ملكك .... كانت ايام :lol: :lol:

[precanadian]

نواصل الأرسال ...خواطر حوالين صني بروك

- من الحاجات اللي تفرح إن فيه مصلي داخل المستشفي ....الظهر كل يوم بيقام جماعة الساعة ١٬٣٠ ......و كمان الجمعة بتقام فيه

المصلي موجود في جناح مستقل وسط كنيسة و معبد يهودي ...الكنيسة الأكبر حجما يليها المعبد ثم المصلي ...... المصلي أكتر واحد في التلاتة فيه ناس بتتردد عليه

- المباديء العامة للرعاية الصحية اللي كانت موجودة في المستشفي السابق هي هي موجودة في الحالي ...التأكيد علي خصوصية المرضي أمر في غاية الأهمية .....الاختلاف بيبقى في القشور انما الجوهر ثابت

- من الحاجات اللي كنت خايف منها ازاي الناس حتتعامل معايا باعتبار إن موقعي في hierarchy قل .....الصراحة الناس كلها لحد دلوقتي محترمة جدا و مقدرين وضعي جدا .....فيهم حتي اللي تخطي مجرد الاحترام ليبدي اعجابه بالمثابرة و الصمود علي حد تعبيرهم .....مش حاضحك عليكم الدفعة المعنوية ديه كانت الواحد فعلا محتاجها - برنامج النيابة فيه اهتمام كبير بالدراسة و الأمتحانات ......دروس و مجموعات و محاضرات و امتحانات دورية و امتحانات محاكاة إلخ .... بحاول أقارن ده بنيابتي في مصر .......

- في وسط الجدل الدائر في أمريكا حوالين نظام الرعاية الصحية و محاولة البعض المستميتة لتخويف الناس من النظام الكندي (يعني الدولة هي اللي بتدفع مصاريف الرعاية الصحية .....أدارة اوباما بتحاول تخلي الحكومة تتحمل جزء كبير من مصاريف الرعاية الصحية ......المحافظين معترضين و عايزين يبعدوا الدولة تماما و يسيبوا الموضوع في ايدين شركات التأمين ) بصفتي موجود في داخل المنظومة الطبية أكيد النظام الكندي أحسن من الأمريكاني بمراحل ....اللهم إلا لو كنت مليونير و مش فارقة معاك الفلوس ..ساعتها الأمريكاني أحسن في حاجات و مش أحسن في حاجات تانية انما كانسان في الطبقات الفوق المتوسطة فالاقل إلي أن نصل للفقراء فالنظام الامريكاني في أخر الديل مش بس مقارنة بالكندي ...بأي نظام طبي في أي دولة من السبع الكبار

عمار يا كندا

وتاكد يا دكتور انه لولا انك مثابر و صبور مكنتش قدرت تكون علي الطريق الان

صدقني اسهل حاجه ان الواحد يلم شنطته ويعود والعائد المادي لاستشاري زيك في مصر او في الخليج مغري جدا واسهل من الي انت بتعمله الان لكن البحث عن مجتمع به لمسات انسانيه يستحق هذا التعب حتي علي الاقل علشان ننقل الايجابيات دي لمجتمعنا..... تحياتي لك

[mohamedadel]

يا نهار أبيض ....يعني الواحد ينشغل شويتين في مطحنة النيابة يرجع يلاقي القهوة مهجورة خالص كده :blink: .....فين أيام زمان لما الزبون كان مخلص للقهوة بتاعته :lol: ...لا سؤال و لا استفسار و لا حتي طمنا يا عم النايب ..... بس برضه معلهش ..نواصل الارسال لعل و عسي الزباين ترجع تاني

والله يادكتور منقدرش على زعلك ابدا

اليومين دول طالع عيني في تجهيز وعمل استعدادات رحلة الاندينج في خلاال اليومين القادمين بإذن الله ... دعواتك لنا يا دكتره :blink:

[د هشام ابراهيم]

يا صباح الفل يا دكتورنا العزيز :lol:

القهوة منورة بحضرتك يا باشا

متابعين اخر اليوميات الكندية والمقارنات المختلفة طبعا.........جين اكس بقي :sad:

بالمناسبة من الوايس مان اللي قال الكلام الغريب اللي في التوقيع ده.......سوري يعني .....ده جبان مان مش وايس خالص

ربنا يوفقك في النيابة وتخلصها علي خير ان شاء الله :happy: :blink:

صباح الانوار يا باشمهندس .....يا أفندم الله يخليكي و فعلا محتاج الدعاء ...ربنا ييسر الامور B)

يا باشا ما هو جبان مان ده لو ما سابش السفينة حيبقى غرقان مان أو فطسان مان مش كده و لا إيه :happy:

يا أفندم سعادتك و الدكتور غاليين علينا جدا ...خلاص نغير التوقيع ...هو كان ضروريات مرحلة مش أكتر :happy:

[د هشام ابراهيم]

اول ماشتغلت في مصر في اول كام شهر من النيابه قبل ماخذ تفرغ واروح الجامعه فزيتور كنت بداوم يوم واحد في الاسبوع لان كل زميل بيشيل اليله يوم وباقي الاسبوع ملكك .... كانت ايام :lol: :lol:

....................................

صدقني اسهل حاجه ان الواحد يلم شنطته ويعود والعائد المادي لاستشاري زيك في مصر او في الخليج مغري جدا واسهل من الي انت بتعمله الان لكن البحث عن مجتمع به لمسات انسانيه يستحق هذا التعب حتي علي الاقل علشان ننقل الايجابيات دي لمجتمعنا

تعب هي الحياة يا صديقي العزيز

يالا شد حيلك بقي و تعال كندا إنت كمان :wub:

أكيد العيشة في مصر أو الخليج كانت أسهل بس الفكرة كلها ...طب و بعدين .....لو بصيت لقدام حتلاقي إن الواحد نفسه يتعب شوية دلوقتي علشان يستريح بعدين ....ربنا يكرمنا جميعا

[د هشام ابراهيم]

والله يادكتور منقدرش على زعلك ابدا :lol:

اليومين دول طالع عيني في تجهيز وعمل استعدادات رحلة الاندينج في خلاال اليومين القادمين بإذن الله ... دعواتك لنا يا دكتره :lol:

يا باشا أبدا ما فيش زعل و لا حاجة ......ربنا يكرمك و و يعينك و يوفقك و ييسر لك الامر كله :wub:

[د هشام ابراهيم]

خاطرة علي الماشي :lol:

علي قد ما البدايات الجديدة صعبة علي قد ما بتديلك فرصة تتجنب الأخطاء اللي عملتها في البدايات اللي قبل كده .......لو تقدر و لو تدرك و لو تنفذ

[SoSo R]

مش عارفة ليه حاسة و الله أعلم إن الخاطرة دى تخصنى :lol:

مش كدة ولا إيه؟؟؟ :lol:

تحياتى

سوسورانى

[meyo]

السلام عليكم يا دكتور ويارب يوفقك

انامقيمة جديدة في كلجاري وعملت الhealth card واستلمته لي والاسرة

بس لسة مش عارفة ازاي يكون لنا فاميلي دكتور وهل اقدر اذهب الى اي عيادة خاصة في اي وقت وهل فيه رسوم تدفع في العيادات الخاصة

انا اسفة طولت على حضرتك

[د هشام ابراهيم]

مش عارفة ليه حاسة و الله أعلم إن الخاطرة دى تخصنى wst::

مش كدة ولا إيه؟؟؟

تحياتى

سوسورانى

احساسك في محله يا دوك :lol: ...

أكيد تخصك طبعا و تخص كل واحد ناوي أو فعلا ابتدي بداية جديدة

[د هشام ابراهيم]

السلام عليكم يا دكتور ويارب يوفقك

انامقيمة جديدة في كلجاري وعملت الhealth card واستلمته لي والاسرة

بس لسة مش عارفة ازاي يكون لنا فاميلي دكتور وهل اقدر اذهب الى اي عيادة خاصة في اي وقت وهل فيه رسوم تدفع في العيادات الخاصة

انا اسفة طولت على حضرتك

و عليكم السلام و رحمة الله و بركاته

يا أفندم العفو و شاكر لحضرتك دعائك الكريم

النظام في أونتاريو انك بتدوري علي دكتور عائلة ...family doctor و بتابعي معاه ..... الحكومة اللي بتدفع .....طبيب العائلة ده هو (أو هي) المسئول عن متابعة الحالة الصحية و الوقاية من الأمراض و أتباع نهج حياة صحي و علاج أي أمراض عن طريق وصف أدوية أو التحويل لاخصائي أو لمستشفي اذا لزم الامر ....رزقنا الله جميعا الصحة و السعادة

في حالة عدم توفر طبيب عائلة أو لو لواحد أتزنق في روشتة في الويك اند أو يوم اجازة بس ما تستدعيش طواريء المستشفي فممكن الواحد يروح ل walk in clinic ...من غير ميعاد و من غير الزام بمتابعة من نفس الطبيب

ألبرتا المفروض فيها نفس الكلام لان قانون الصحة الفيدرالي ملزم لكل المقاطعات

الرابطين دول ممكن يساعدوا حضرتك في اختيار طبيب عائلة في ألبرتا ....الرابط التاني بيتيح لحضرتك البحث عن طبيب عائلة مع تحديد اذا كنت تفضلي طبيب أو طبيبة و كمان لغتهم جنب الانجليزي يعني ممكن تجيبي دكتور أو دكتورة بيتكلم عربي ..... كمان ممكن تعرفي مؤهلاته و بلد التخرج ......

Ministry of health - Alberta

College of physicians search portal