قصتي مع كندا

[meyo]

الف شكر على رد حضرتك وان شاء الله يكون في ميزان حسناتك

[osama ismael]

السلام عليكم دكتور هشام .. ربنا يعينك على المجهود الجبار ده :ninja:

حضرتك انا دلوقتى ناوى ان شاء الله احضر البورد الالمانى (facharzt) فى جراحة العظام و بعدها اهاجر على كندا ( طبعا بعد نيل شهادة قوية ان لم تكن الاقوى فى مجالها )

ما مدى التساهل من كندا لنيل العمل هناك ؟ اقصد العمل دون معادلة ..

و هل بعد الشهادة (Facharzt) يجب عمل فترة نيابة للعمل كأخصائى ام ان قوة الشهادة تكفل ذلك ؟ وهل قوة الشهادة له عامل فى اختيار النيابة (اقصد طبعا الخوف من الدخول فى نيابة شىء اخر) ؟

وفى حالة ان المعادلة الزامية

ما المقصود بال fast tracking ؟ وهل يجب برده عمل المعادلة كاملة ؟؟

هل الحصول على fellowship المؤقت وقتها سيكون سهل (لحين اتمام المعادلة) ؟

تم تعديل 24 يوليو 2009 بواسطة osama ismael

[Shehab]

صديقي العزيز عاش من شافك يا باشا

مش عارف أبطل المقارنات ديه ..... نفسي أبطل علشان أستريح إنما الواحد برضه بتصعب عليه نفسه .....حنعمل إيه بقي

فيلم مايكل مور شفته في السينما و من كتر ما عاجبني اشتريته علي DVD ....أحلي حتى لما جاب الست اللي بتشتكي من النظام الكندي و قالها طيب تبدلي و تاخدي الامريكاني قالت له لا طبعا :lol:

تحياتي يا باشا و باذن الله اشوفك قريب

معلش يا باشا اتأخرت فى الرد عليك....

يسمع منك ربنا يا دوك و أشوفك قريب ....يااااااه....شوف الوقت بيجرى ازاى تخيل انه فات تقريباً سنة...او بالظبط 11 شهر

تحس انه الموضوع كان لسه الاسبوع اللى فات و معداش الوقت ده كله...كل سنة و انت طيب يا دكترة و عقبال رمضان اللى جاى.....بس المرة ديه مش هينفع تبقى قعدة فى السريع كده...عايزين قعدة تمام

و لو انى هارجع افكرك باول رد ليه ....خليك عندك و نجيلك احنا عشان ما تتعبش نفسك!!! :unsure:

[د هشام ابراهيم]

الف شكر على رد حضرتك وان شاء الله يكون في ميزان حسناتك :unsure:

العفو يا سيدتي الفاضلة و ربنا يتقبل من الجميع

[د هشام ابراهيم]

السلام عليكم دكتور هشام .. ربنا يعينك على المجهود الجبار ده :unsure:

و عليكم السلام و رحمة الله و بركاته يا دكتور أسامة ...جزاك الله كل خير

ما مدى التساهل من كندا لنيل العمل هناك ؟ اقصد العمل دون معادلة ..

و هل بعد الشهادة (Facharzt) يجب عمل فترة نيابة للعمل كأخصائى ام ان قوة الشهادة تكفل ذلك ؟ وهل قوة الشهادة له عامل فى اختيار النيابة (اقصد طبعا الخوف من الدخول فى نيابة شىء اخر) ؟

ما فيش تساهل في المعادلة خالص ...لا مفر منها علي الاقل لحد دلوقتي

الشهادة الألمانية اضافة قوية لل-CV لا أكثر و لا أقل ما فيش شهادة قوية و شهادة ضعيفة

وفى حالة ان المعادلة الزامية

ما المقصود بال fast tracking ؟ وهل يجب برده عمل المعادلة كاملة ؟؟

هل الحصول على fellowship المؤقت وقتها سيكون سهل (لحين اتمام المعادلة) ؟

لا مفر من المعادلة ...تجيبها يمين تجيبها شمال لازم تعادل

الكلية الملكية الكندية ليها متطلبات علشان تسمح للمتقدم إنه يخش الأمتحان للحصول علي البورد ..... لو تدريبك مش معترف بيه حتحتاج تقضي فترة تدريب لحد ما تلبي المتطلبات ديه ...لو تدريبك معترف بيه يبقى الفترة ديه أقصر ....و حيعملولك fast-tracking

ال-fellowship خاضعة للعرض و الطلب ....يعني لو فيه مكان واحد بس متوفر و أتقدمله ناس كتير حتبقى المفاضلة علي أساس ال-CV

fellowship جراحة العظم في مستشفيات تورنتو من غير مرتب زاي ما قلت قبل كده ..... فانكوفر بتدي فلوس و صراحة ما أعرفش نظام بقية كندا

بالتوفيق يا دكتورنا الفاضل

[د هشام ابراهيم]

معلش يا باشا اتأخرت فى الرد عليك....

يسمع منك ربنا يا دوك و أشوفك قريب ....يااااااه....شوف الوقت بيجرى ازاى تخيل انه فات تقريباً سنة...او بالظبط 11 شهر

تحس انه الموضوع كان لسه الاسبوع اللى فات و معداش الوقت ده كله...كل سنة و انت طيب يا دكترة و عقبال رمضان اللى جاى.....بس المرة ديه مش هينفع تبقى قعدة فى السريع كده...عايزين قعدة تمام

و لو انى هارجع افكرك باول رد ليه ....خليك عندك و نجيلك احنا عشان ما تتعبش نفسك!!! :unsure:

صديقي العزيز جدا :lol:

أنا نازل مصر إن شاء الله علي أواخر أكتوبر لو ما جتش إنت كندا الاول يبقى لينا نصيب نتقابل في قاهرة المعز باذن الرحمن

[osama ismael]

شكرا جدا يا دكتور .. بس السؤال الاهم على الاطلاق .. بعد المعادلة ممكن الاقى نفسى فى نيابة شىء اخر ولا عامل انى متخصص هتخلينى فى نيابة التخصص نفس ؟ طبعا الخوف لما اكون قضيت 6 سنوات مثلا فى اوروبا اتخصص وبعد المعادلة الاقى نفسى فى نيابة طب اسرة

انا كنت لاحظت ان يوجد كذا مستوى للدخول فى النيابة بعد المعادلة بس مش فهمت اوى .. المفروض وقتها هكون فى المستوى الربع (المتخصصين) ؟ وهيكون فترة التدريب هو الشىء الفاصل ولا ملهاش علاقة

اخر سؤال :unsure: هل فى شهادات تخصص من بلاد معينة تعترف بها كندا ام ان ذللك له تقييم خاص ؟ الكلام دا علشان انا تقريبا لاحظت لينك فيه الشهادات المعترف بيها وكانت كلها استراليا وانجلترا فقط هل دا صحيح ؟

شكرا جزيلا يا دكتور و ربنا يوفقك للافضل دايما

[د هشام ابراهيم]

الدكتور الفاضل أسامة

- للاسف ما فيش أي ضامن إن شهادتك الألمانية باعتبار ما سيكون باذن الله ..ممكن تضمن ليك نيابة عظم ..... لو عايز تكمل في العظم كما هو بديهي يعني يبقى تقدم لل-CEHPEA و تخضع للتقييم و الأمتحان ....الشهادة حتبقى عامل مرجح انما مش عامل أساسي

- دراستك في أوروبا ما لهاش علاقة بالمستوي اللي ممكن تدخل فيه في النظام الكندي ... تحديد المستوي يعتمد علي أدائك في امتحانات ال CEHPEA أساسا بالاضافة إلي مقارنة طلبك بكل المتقدمين في نفس الوقت

- الشهادات المعترف بها بتختلف من تخصص لاخر ...صراحة ما عنديش فكرة عن العظم ..... بس أغلب الشهادات ديه بتبقى لاما من الولايات المتحدة أو من دول الكومنويلث زاي انجلترا و استراليا .....الشهادات ديه ما بتغنيش عن المعادلة بس بتختصر المسافة زاي ما قلنا قبل كده

الدورة التدريبية اللي حضرتها في مايو كان فيه ناس من الكلية الملكية و ال-CSPO و وزارة الصحة .....فيه اتجاه لتغيير الكثير من القوانين المتعلقة بالمعادلة و الأمتحانات بس لسه في طور الأعداد

بالتوفيق يا باشا

[د هشام ابراهيم]

خير اللهم اجعله خير جاني جواب جاف اللهجة ...بس برضه مهذب .... من الجامعة اني مش نشيط في تقييم أعضاء هيئة التدريس المشرفين علي العبد لله كنايب ..... مين فين ليه !! ....

قال إيه النواب اللي هم المرئوسين في الهيكل الوظيفي الطبي الجامعي لازم يقيموا أعضاء هيئة التدريس اللي هما الرؤساء في نفس الهيكل و التقييم ده طبعا بيتعمل علي النت و بعدين في أخر الفترة الدراسية بيتجمع مرة واحدة و يتبعت للجامعة من غير أي بيانات شخصية .....

الجامعة بقي بتوصل التقييم ده للاعضاء علشان يحسنوا من نفسهم و بتابع معاهم بعد كده كل فترة دراسية تشوف إتحسنوا و لا لأ ......لو ما أتحسنوش أو التقييم كان سيئ قوي من الأول بيأثر علي ترقياتهم و أمتيازتهم

صراحة كان الموضوع ده أتذكر في محاضرة إفتتاحية اتقالت أول السنة بس ما تصورتش إن الموضوع مهم كده :P

و طبعا برضه لا تعليق من عندي :lol:

[حسام يوسف]

خير اللهم اجعله خير جاني جواب جاف اللهجة ...بس برضه مهذب .... من الجامعة اني مش نشيط في تقييم أعضاء هيئة التدريس المشرفين علي العبد لله كنايب ..... مين فين ليه !! ....

قال إيه النواب اللي هم المرئوسين في الهيكل الوظيفي الطبي الجامعي لازم يقيموا أعضاء هيئة التدريس اللي هما الرؤساء في نفس الهيكل و التقييم ده طبعا بيتعمل علي النت و بعدين في أخر الفترة الدراسية بيتجمع مرة واحدة و يتبعت للجامعة من غير أي بيانات شخصية .....

الجامعة بقي بتوصل التقييم ده للاعضاء علشان يحسنوا من نفسهم و بتابع معاهم بعد كده كل فترة دراسية تشوف إتحسنوا و لا لأ ......لو ما أتحسنوش أو التقييم كان سيئ قوي من الأول بيأثر علي ترقياتهم و أمتيازتهم

صراحة كان الموضوع ده أتذكر في محاضرة إفتتاحية اتقالت أول السنة بس ما تصورتش إن الموضوع مهم كده :P

و طبعا برضه لا تعليق من عندي :lol:

هية بقت كدة؟

مين بيقيم مين؟

طيب دلوقتى يا دكتور هشام أعمل أنا ايه دلوقتى لو ما اتوفقتش فى قصة الهجرة بعد الكلام ده ;)

[wagdy demian]

د. هشام / بعد التحية

لدي أستفسار بخصوص التأمين الصحي فهل يغطي التأمين الحكومي العادي تقويم الأسنان للأطفال ؟

ولكم منا كل الشكر و التقدير لمجهودكم في خدمة المنتدي .

[د هشام ابراهيم]

هية بقت كدة؟

مين بيقيم مين؟

طيب دلوقتى يا دكتور هشام أعمل أنا ايه دلوقتى لو ما اتوفقتش فى قصة الهجرة بعد الكلام ده wst::

صديقي العزيز ...التقييم متبادل يا دكترة ...نظام هما التنين خلصوا علي بعض (وش الشاويش عبعال ) :lol:

موفق باذن الله يا دكتور .....تورنتو مستنياك

[د هشام ابراهيم]

د. هشام / بعد التحية

لدي أستفسار بخصوص التأمين الصحي فهل يغطي التأمين الحكومي العادي تقويم الأسنان للأطفال ؟

ولكم منا كل الشكر و التقدير لمجهودكم في خدمة المنتدي .

ألف شكر علي الأطراء يا سيدي الفاضل

للاسف ما عنديش اجابة علي السؤال ده ...عليك و علي الباشمهندس ايهاب سالم لو حد عنده اجابة يبقى هو ...... لا إما تتصل مباشرة بموقع OHIP سواء عن طريق البريد أو النت و تسألهم مباشرة

الرابط أهو يا أفندم

OHIP

[qenawy]

حمدالله على السلامة..

حبيت أكون أول المرحبين..ما أحنا بلديات بقى

السبب ياسيدى إن القهوة إتهجرت ...إن القهاوى رطرطت فى السوق

نفس الشىء أدركته فى القهوة بتاعتى

معلهش يا دكتور دة حال الدنيا

تحياتى

سوسورانى

بص يا دكتور هشام

شوفي يا دكتورة سوسو

فاكرة الليلة الكبيرة والعالم كتيرة

فاكرة القهوة اللي كان يرتادها ناس وما بترضاش تدفع ولا حد قال تعميرة ولا واحد شاي

اهو احنا دول بنقرا كويس قوي ليكي ول دكتور هشام

بس بلوشي

كلامكم يعجز اللسان عن مجاراته

يا الله يا بني يا مسعد حارة الترماي

[د هشام ابراهيم]

بص يا دكتور هشام

شوفي يا دكتورة سوسو

فاكرة الليلة الكبيرة والعالم كتيرة

فاكرة القهوة اللي كان يرتادها ناس وما بترضاش تدفع ولا حد قال تعميرة ولا واحد شاي

اهو احنا دول بنقرا كويس قوي ليكي ول دكتور هشام

بس بلوشي

كلامكم يعجز اللسان عن مجاراته

يا الله يا بني يا مسعد حارة الترماي

استني بس يا ريس حنتيرة

سعادتك أصلا سبب أساسي لفتح الموضوع ده من الأول خالص .... بل أكثر من هذا ...سبب أساسي اني استمريت فيه كمان ....اذا فلتتحمل مسئولياتك بقي يا سيد :lol:

يا باشا كتر ألف خيرك ...دايما أسرني بذوقك ...تحياتي يا أفندم

[د هشام ابراهيم]

مش عارف ليه كل ما باطول بعيد عن مصر بيبقى متهيألي اني لما أرجع حلاقي الناس اتغيرت للاحسن ....بالذات في سلوكيات القيادة و المرور .....أول ما حد يرجع من مصر أسأله عن الأخبار و كل مرة أتصدم ...... المدام لسه راجعة بقالها كام يوم و بتقولي إن الأمور بقيت أسوأ ....بصراحة مش عارف ازاي تبقى أسوأ من الأول

ما تتخيلوش حسرتي و أنا قاعد أقول للناس هنا يزوروا مصر و يقضوا فيها وقت جميل و ألاقي واحد بيسمع يقولي أنا زورت مصر و كانت حلوة جدا لكن .....

بعد لكن ديه أهم حاجة بتيجي هي المرور و أخلاقيات المرور .....بعديها الشحاتة و المعاكسات و النصب تحت أعين أفراد من البوليس و بلاوي تانية بتتقال .....فيه ناس بتبقى مجاملة و مؤدبة (الكنديين ) و فيه ناس بيشتكوا ببجاحة أو صراحة حسب استقبالك إنت ...آخرهم fellow جراحة أوكراني امبارح ....زار القاهرة هو و مراته من كام شهر و راح الهرم و المتحف و خان الخليلي و اتعرض لتجارب سيئة جدا .....حاولت أدافع و أبرر بس صراحة ما قدرتش أكمل ....ممكن نبرر حاجات كتير بس فيه حاجات مهما عملنا مش حنقدر نبررها ....ربنا يستر علي نايبة الجراحة بقي اللي نازلة القاهرة الأسبوع اللي جاي .....حابقي في نص هدومي لو رجعت بنفس التجارب بتاعة الأخ الاوكراني

[حسام يوسف]

مش عارف ليه كل ما باطول بعيد عن مصر بيبقى متهيألي اني لما أرجع حلاقي الناس اتغيرت للاحسن ....بالذات في سلوكيات القيادة و المرور .....أول ما حد يرجع من مصر أسأله عن الأخبار و كل مرة أتصدم ...... المدام لسه راجعة بقالها كام يوم و بتقولي إن الأمور بقيت أسوأ ....بصراحة مش عارف ازاي تبقى أسوأ من الأول

ما تتخيلوش حسرتي و أنا قاعد أقول للناس هنا يزوروا مصر و يقضوا فيها وقت جميل و ألاقي واحد بيسمع يقولي أنا زورت مصر و كانت حلوة جدا لكن .....

بعد لكن ديه أهم حاجة بتيجي هي المرور و أخلاقيات المرور .....بعديها الشحاتة و المعاكسات و النصب تحت أعين أفراد من البوليس و بلاوي تانية بتتقال .....فيه ناس بتبقى مجاملة و مؤدبة (الكنديين ) و فيه ناس بيشتكوا ببجاحة أو صراحة حسب استقبالك إنت ...آخرهم fellow جراحة أوكراني امبارح ....زار القاهرة هو و مراته من كام شهر و راح الهرم و المتحف و خان الخليلي و اتعرض لتجارب سيئة جدا .....حاولت أدافع و أبرر بس صراحة ما قدرتش أكمل ....ممكن نبرر حاجات كتير بس فيه حاجات مهما عملنا مش حنقدر نبررها ....ربنا يستر علي نايبة الجراحة بقي اللي نازلة القاهرة الأسبوع اللي جاي .....حابقي في نص هدومي لو رجعت بنفس التجارب بتاعة الأخ الاوكراني

يا دكتور هشام ابعت أى حد من طرفك أسوان بس

وشوف هنقوم بالواجب معاهم ولا لأ

صحيح اسوان حر شوية

لكنها أهدي بكتير من القاهرة ومشاكلها

مرة تانية أى حد من طرفك على عينينا وراسنا وهنشرفك باذن الله cr((:

[somayasaleh]

مش عارف ليه كل ما باطول بعيد عن مصر بيبقى متهيألي اني لما أرجع حلاقي الناس اتغيرت للاحسن ....بالذات في سلوكيات القيادة و المرور .....أول ما حد يرجع من مصر أسأله عن الأخبار و كل مرة أتصدم ...... المدام لسه راجعة بقالها كام يوم و بتقولي إن الأمور بقيت أسوأ ....بصراحة مش عارف ازاي تبقى أسوأ من الأول

ما تتخيلوش حسرتي و أنا قاعد أقول للناس هنا يزوروا مصر و يقضوا فيها وقت جميل و ألاقي واحد بيسمع يقولي أنا زورت مصر و كانت حلوة جدا لكن .....

بعد لكن ديه أهم حاجة بتيجي هي المرور و أخلاقيات المرور .....بعديها الشحاتة و المعاكسات و النصب تحت أعين أفراد من البوليس و بلاوي تانية بتتقال .....فيه ناس بتبقى مجاملة و مؤدبة (الكنديين ) و فيه ناس بيشتكوا ببجاحة أو صراحة حسب استقبالك إنت ...آخرهم fellow جراحة أوكراني امبارح ....زار القاهرة هو و مراته من كام شهر و راح الهرم و المتحف و خان الخليلي و اتعرض لتجارب سيئة جدا .....حاولت أدافع و أبرر بس صراحة ما قدرتش أكمل ....ممكن نبرر حاجات كتير بس فيه حاجات مهما عملنا مش حنقدر نبررها ....ربنا يستر علي نايبة الجراحة بقي اللي نازلة القاهرة الأسبوع اللي جاي .....حابقي في نص هدومي لو رجعت بنفس التجارب بتاعة الأخ الاوكراني

كلام المدام صح مائة في المائة

الوضع المروري في القاهرة حاليا لا يطاق

وكذلك الاخلاقيات اصبحت صعبة جدا جدا...والشحاته علي ودنه؟؟؟؟؟

اخرها وانا جاية علي الرياض الاسبوع الماضي....البنت الظابطة اللي بتفتش..... بتشحت؟؟؟؟

يعني الشيالين....ماشي ...العمال ....ماشي....بس بنت لابسة ملابس ظابطة امن..... وبتطلب فلوس كده عيني عينك....حاجة تكسف قوي؟؟؟؟

cr((: cr((:

حمد الله علي سلامة وصول المدام يا دكتور

[precanadian]

مش عارف ليه كل ما باطول بعيد عن مصر بيبقى متهيألي اني لما أرجع حلاقي الناس اتغيرت للاحسن ....بالذات في سلوكيات القيادة و المرور .....أول ما حد يرجع من مصر أسأله عن الأخبار و كل مرة أتصدم ...... المدام لسه راجعة بقالها كام يوم و بتقولي إن الأمور بقيت أسوأ ....بصراحة مش عارف ازاي تبقى أسوأ من الأول

ما تتخيلوش حسرتي و أنا قاعد أقول للناس هنا يزوروا مصر و يقضوا فيها وقت جميل و ألاقي واحد بيسمع يقولي أنا زورت مصر و كانت حلوة جدا لكن .....

بعد لكن ديه أهم حاجة بتيجي هي المرور و أخلاقيات المرور .....بعديها الشحاتة و المعاكسات و النصب تحت أعين أفراد من البوليس و بلاوي تانية بتتقال .....فيه ناس بتبقى مجاملة و مؤدبة (الكنديين ) و فيه ناس بيشتكوا ببجاحة أو صراحة حسب استقبالك إنت ...آخرهم fellow جراحة أوكراني امبارح ....زار القاهرة هو و مراته من كام شهر و راح الهرم و المتحف و خان الخليلي و اتعرض لتجارب سيئة جدا .....حاولت أدافع و أبرر بس صراحة ما قدرتش أكمل ....ممكن نبرر حاجات كتير بس فيه حاجات مهما عملنا مش حنقدر نبررها ....ربنا يستر علي نايبة الجراحة بقي اللي نازلة القاهرة الأسبوع اللي جاي .....حابقي في نص هدومي لو رجعت بنفس التجارب بتاعة الأخ الاوكراني

يا دكتور الخليجين الي هما في الخليج بيقولوا كميه الزباله والتسول زادت بطريقه غير عاديه وحنا بنتكلم عن اهل الصحراء يعني اهل كندا اكيد في صدمه

[moheltohamy]

واحد أغسطس .... واحد أغسطس

اتنين أغسطس ....اتنين أغسطس

تلاتة أغسطس ....تلاتة أغسطس

أربعة أغسطس ...أربعة أغسطس

يقول سكر ... أقول أكتر من السكر متين مرة...

بااااااسسسسس... الفرصة جاتلي... صعب أوي أضيّعها؟!

Je suis Mestanny bk: