قصتي مع كندا

[kaplan]

حبيب الملايين دكتور هشام

واحشنا يادكتور

يارب تكون بخير

اخبار النيابه والمستشفى ايه؟

ياترى مفيش خواطر فى النيابه وللا ايه يادكتور

[safaalabana]

بروفيسور هشام تحياتى وقهوتك مانقدرش نبعد عنها ...كلام المدام صحيح مليون فى الميه بنحبك يا مصر بس يا الف خساره لا انت انت ولا الزمان هو الزمان المصيبه الكبيره ان اخلاق الناس بقت زفت ...شوف يا دكتور هشام انت امل كل الاطباء ...شد حىللك

وكلنا وراك

[د هشام ابراهيم]

يا دكتور هشام ابعت أى حد من طرفك أسوان بس

وشوف هنقوم بالواجب معاهم ولا لأ

صحيح اسوان حر شوية

لكنها أهدي بكتير من القاهرة ومشاكلها

مرة تانية أى حد من طرفك على عينينا وراسنا وهنشرفك باذن الله

الصراحة يا دوك اللي محتاج يروح أسوان هو العبد لله

ده حتي لما روحت الأقصر كان مؤتمر

بس حضرتك عندك حق ....أنا عادة باقول للناس انهم يقضوا أقل وقت ممكن في القاهرة ...علي قد الهرم و المتحف و بعديها علي أي مكان تاني ...شرم ..الغردقة ...الأسكندرية ....أسوان ....الأقصر .....أي مدينة غير القاهرة

تحياتي يا صديقي العزيز :lol:

[حسام يوسف]

ده حضرتك تنورنا يا دكتور

انوى بس حضرتك

فى أى وقت حضرتك تختاره أنا تحت أمرك وان شاء الله تقضي أجازة جميلة

[د هشام ابراهيم]

كلام المدام صح مائة في المائة

الوضع المروري في القاهرة حاليا لا يطاق

وكذلك الاخلاقيات اصبحت صعبة جدا جدا...والشحاته علي ودنه؟؟؟؟؟

اخرها وانا جاية علي الرياض الاسبوع الماضي....البنت الظابطة اللي بتفتش..... بتشحت؟؟؟؟

يعني الشيالين....ماشي ...العمال ....ماشي....بس بنت لابسة ملابس ظابطة امن..... وبتطلب فلوس كده عيني عينك....حاجة تكسف قوي؟؟؟؟

:phar: :rolleyes:

حمد الله علي سلامة وصول المدام يا دكتور

الله يسلم حضرتك يا باشمهندس .....شكرا جزيلا يا باشا

لا حول و لا قوة إلا بالله .....جزء من منظومة الفساد اللي وصلت لكل شبر في البلد ....... مش عارف ازاي الناس بتحلل لنفسها الرشوة المقنعة بالطريقة ديه

[د هشام ابراهيم]

يا دكتور الخليجين الي هما في الخليج بيقولوا كميه الزباله والتسول زادت بطريقه غير عاديه وحنا بنتكلم عن اهل الصحراء يعني اهل كندا اكيد في صدمه

أهل الخليج قفزوا قفزات واسعة في مجال التخطيط العمراني ...نظرة لدبي أو المنامة أو مسقط أو الدوحة أو الكويت كافية علشان نشوف التقدم في المجال ده .....للاسف احنا بنتدهور و من سيء لأسوأ .....و للاسف برضه التقدم العمراني في دول الخليج لم يصاحبه قدر مماثل من التقدم الأجتماعي أو السياسي

منور يا صديقي العزيز :phar:

[د هشام ابراهيم]

واحد أغسطس .... واحد أغسطس

اتنين أغسطس ....اتنين أغسطس

تلاتة أغسطس ....تلاتة أغسطس

أربعة أغسطس ...أربعة أغسطس

يقول سكر ... أقول أكتر من السكر متين مرة...

بااااااسسسسس... الفرصة جاتلي... صعب أوي أضيّعها؟! :phar:

Je suis Mestanny :happy:

:rolleyes:

تو إيه عسل يا مسيو تيه

ليك يوم قريب يا جميل علي سبتمبر :happy:

[حسام يوسف]

كان عندي استفسار يا دكتور هشام

معلش لو استفسار غريب شوية

ايه أهم المشكلات اللى بيواجهها المجتمع الكندي وبيحاول يحلها؟

وشكرا لوقت حضرتك

[د هشام ابراهيم]

حبيب الملايين دكتور هشام

واحشنا يادكتور

يارب تكون بخير

اخبار النيابه والمستشفى ايه؟

ياترى مفيش خواطر فى النيابه وللا ايه يادكتور

ربنا يخليك يا باشا ...كلك ذوق يا دكتورنا العزيز

أكيد فيه طبعا .....صحيح أغلبها طبية انما ما فيش مانع يبقى ليها اسقاطات اجتماعية ....كلام كبير قوي :sad:

حاقولك مثل ...من أكتر ما بيريح في المجتمعات الغربية زي كندا انهم أناس لا يبطنون ما لا يظهرون .....يعني ما فيش نفاق و لا ازدواجية معايير و لا double faces و لا ...و لا

طبعا علشان أكون منصف هما مش ملايكة يعني انما في النقطة ديه أكيد أحسن مننا ..... عندنا في الشرق الأوسط السعيد فيه أختلاف كبير ما بين المعلن و الواقع ....جزء منه ضحك علي النفس و جزء ضحك علي الأخرين ...انما المحصلة النهائية لا فيه صراحة و لا فيه شفافية و لا فيه استقامة في طريقة التفكير و لا توائم ما بين الكلام و ما بين السلوك

طبق ده بقي علي الطب ....في مصر احنا عارفين كويس قوي إن فيه فرق كبير ما بين اجابة الأمتحان و ما بين اللي حتعمله فعلا في الحياة الاكلنيكية ...في كندا المساحة ما بين اجابة الأمتحان و ما بين اللي حتعمله فعلا مش موجودة و لو وجدت بتبقى في أضيق الحدود

فيه fibreoptic bronchoscopy لل-difficult airway و فيه VQ scan لل-Pulmonary embolism و فيه و فيه

تحياتي يا باشا :closedeyes:

[د هشام ابراهيم]

بروفيسور هشام تحياتى وقهوتك مانقدرش نبعد عنها ...كلام المدام صحيح مليون فى الميه بنحبك يا مصر بس يا الف خساره لا انت انت ولا الزمان هو الزمان المصيبه الكبيره ان اخلاق الناس بقت زفت ...شوف يا دكتور هشام انت امل كل الاطباء ...شد حىللك

وكلنا وراك :closedeyes:

الله يخلي حضرتك يا دكتورة ....جزيل الشكر يا أفندم علي كلمات التشجيع ..... واحد حبيبي جدا دكتور أسنان كان ليه كلمة دايما يقولها : " الله يسامحك يا مصر لا قادرين نقعد فيكي و لا قادرين نبعد عنك "

[د هشام ابراهيم]

ده حضرتك تنورنا يا دكتور

انوى بس حضرتك

فى أى وقت حضرتك تختاره أنا تحت أمرك وان شاء الله تقضي أجازة جميلة

يا أفندم الله يخليك ربنا يسهل و أقدر أروح لاسوان ....الحقيقة اجازاتي في مصر بتبقى مشحونة جدا و ما باقدرش أروح في أي حتة

تحياتي يا صديقي العزيز :closedeyes:

[د هشام ابراهيم]

كان عندي استفسار يا دكتور هشام

معلش لو استفسار غريب شوية

ايه أهم المشكلات اللى بيواجهها المجتمع الكندي وبيحاول يحلها؟

وشكرا لوقت حضرتك

و نعم الزباين يا دكتور :happy: .....سؤال في الجول و حايديني فرصة أنزل مشاريب جديدة في القهوة

أنا صحيح خبرتي في كندا يا دوبك بتاع 4 سنين انما الواحد شاف فيهم كتير و اتعرض لمواقف و مناقشات كتير ...غير طبعا الخبرات المنقولة من الناس اللي بقالهم هنا أجيال

مبدئيا أكيد ما فيش موضوع واحد شاغل كل كندا كل الوقت ....الاهتمامات بتتغير من وقت للتاني و من مكان للتاني و من مجتمع ما للتاني و هكذا ....انما أكيد فيه مواضيع و اهتمامات بتشغل حيز كبير من الأهتمام لمدة طويلة لعدد كبير من الناس و ديه حتبقى محور مشاركاتي ......بالاشتراك مع الخواطر طبعا .....صراحة كانت تستاهل موضوع مستقل بس أنا ممنوع من فتح مواضيع جديدة bv:-

[ايهاب سالم]

واحد حبيبي جدا دكتور أسنان كان ليه كلمة دايما يقولها : " الله يسامحك يا مصر لا قادرين نقعد فيكي و لا قادرين نبعد عنك "

أنا متفق مع صاحبك في الجزء الأول فقط يا دوك

صباح الفل

[ايهاب سالم]

حاقولك مثل ...من أكتر ما بيريح في المجتمعات الغربية زي كندا انهم أناس لا يبطنون ما لا يظهرون .....يعني ما فيش نفاق و لا ازدواجية معايير و لا double faces و لا ...و لا

طبعا علشان أكون منصف هما مش ملايكة يعني انما في النقطة ديه أكيد أحسن مننا ..... عندنا في الشرق الأوسط السعيد فيه أختلاف كبير ما بين المعلن و الواقع ....جزء منه ضحك علي النفس و جزء ضحك علي الأخرين ...انما المحصلة النهائية لا فيه صراحة و لا فيه شفافية و لا فيه استقامة في طريقة التفكير و لا توائم ما بين الكلام و ما بين السلوك

:happy:

Well said

[د هشام ابراهيم]

أنا متفق مع صاحبك في الجزء الأول فقط يا دوك

صباح الفل

حاقولك مثل ...من أكتر ما بيريح في المجتمعات الغربية زي كندا انهم أناس لا يبطنون ما لا يظهرون .....يعني ما فيش نفاق و لا ازدواجية معايير و لا double faces و لا ...و لا

طبعا علشان أكون منصف هما مش ملايكة يعني انما في النقطة ديه أكيد أحسن مننا ..... عندنا في الشرق الأوسط السعيد فيه أختلاف كبير ما بين المعلن و الواقع ....جزء منه ضحك علي النفس و جزء ضحك علي الأخرين ...انما المحصلة النهائية لا فيه صراحة و لا فيه شفافية و لا فيه استقامة في طريقة التفكير و لا توائم ما بين الكلام و ما بين السلوك

Well said

حبيب هارتي يا هوبا و الله

واحشني جدا يا كنج ... صحيح لو كانت النيابة رجلا لقتلته ....إن شا الله بجرعة بنج زائدة :wub:

يا باشا احنا تلاميذك

[د هشام ابراهيم]

ايه أهم المشكلات اللى بيواجهها المجتمع الكندي وبيحاول يحلها؟

يمكن من أكتر المشاكل اللي بتواجه كندا و ليها تأثير علينا كلنا هي مشكلة الهجرة و المهاجرين

كندا دولة مهاجرين زيها زي دول العالم الجديد ..... فلسفة الهجرة الكندية بتختلف إختلاف جذري عن بقية الدول .....الولايات المتحدة و أوروبا مثلا

الدول ديه بتسعي لتصبح بوتقة ...بمعني إن المراد من المهاجرين يدوبوا في نسيج واحد .....نفس نظرية المعدة للراحل جمال حمدان في وصف مصر ..... مصر في وقت من الأوقات كانت محط رحال لمهاجرين كتير جم و دابو في النسيج المصري و بقي صعب تفرق ما بين الثقافات المختلفة أو الأجناس المختلفة

كندا بقي مش كده خالص .... كندا بتفخر إن المهاجرين يقدروا يحتفظوا بشخصيتهم و ثقافتهم و عاداتهم ..... جزء لا يتجزء من الثقافة الكندية هو تعدد الثقافات ....multiculturalism و مدعاة لفخر كل الكنديين

المشكلة بقي إن فيه ناس بيسيئوا استخدام الحكاية ديه مما يهدد نجاح النموذج الكندي في التعايش ما بين الثقافات

الحكاية ديه بتدفع الحكومة الكندية إلي مراجعة قوانين الهجرة الكندية لمعالجة القصور اللي بيخلي أعضاء من عصابات المخدرات من أمريكا الجنوبية أو محتالين من شرق أوروبا و المكسيك أو ارهابيين من الشرق الاوسط ينتهي بهم الحال كتهديد مباشر لكندا من داخلها

المعضلة ازاي الحكومة توازن ما بين سياسة فتح باب الهجرة و السماح بتعدد الثقافات و ما بين اجبار الكل علي احترام قيم و قوانين البلد و ديه مشكلة من أكبر المشاكل اللي بتواجه كندا

و لنا عودة باذن الله

[حسام يوسف]

الف الف شكر يا دكتور هشام على توضيح النقطة الهامة دي

وفى انتظار باقى التصورات عن أهم المشاكل والتحديات اللى بتواجهها كندا

[د هشام ابراهيم]

العفو يا دكتورنا العزيز ...الشكر موصول لحضرتك علي اتاحة الفرصة لي لابداء رأيي المتواضع في مواضيع مهمة زي دول

الحقيقة كنت حاتكلم عن الازمة الأقتصادية لكن ما ينفعش نتكلم فيها من غير الكلام عن مشكلة تانية

العلاقات مع الولايات المتحدة أو أمريكا اختصارا ....علاقات كندا مع أمريكا مشكلة للكنديين .....رغم الأشتراك مع الأمريكان في أوجه معينة مما يطلق عليها ثقافة أمريكا الشمالية ....North American culture خاصة بسبب اشتراك كندا مع أمريكا في حدود طويلة من الشرق للغرب ...... معظم المقاطعات الكندية ليها حدود مباشرة مع ولايات أمريكية و في كتير من الأحيان المسافة ما بين مدينة كندية و أخري أمريكية أقرب من المسافات ما بين المدن الكندية و بعضها

ملاحظتين جانبيين ....

- الولايات الشمالية المتاخمة لكندا زي نيويورك مثلا أكثر ليبرالية في المجمل من الولايات الجنوبية زي تكساس و العياذ بالله

- لحد وقت قريب كان الأنتقال ما بين أمريكا و كندا مش محتاج أكتر من رخصة القيادة أو أي إثبات شخصية لحد ما أمريكا قررت إنه لازم باسبور ....... أعرف ناس كتير كانوا بيقوموا بالتسوق الأسبوعي من أمريكا ...غير مواسم الأوكازيونات اللي بتشوف تدفق من الكنديين لامريكا للاستفادة من العروض الجبارة في أمريكا

برغم كل ده انما كندا مختلفة عن أمريكا أيما اختلاف زاي ما اتكلمنا عن فلسفة الهجرة مثلا .....و كمان التوجهات الاقتصادية و السياسية و نواحي زي دور الدولة في الرعاية الصحية و الأجتماعية و غيرهم و غيرهم

من الملاحظات الطريفة مثلا أتهام المحافظين في أمريكا لاوباما إنه عايز يقلب أمريكا تبقى كندا بسبب مشروعه لاصلاح الرعاية الصحية في أمريكا ....اوباما عايز الدولة يبقى ليها دور في الرعاية الصحية بدلا من تركها كلية في أيدي شركات التأمين الخاصة و ده عاجب ناس و مش عاجب ناس تانية

و علشان كده طبيعي العلاقات بتشوف تباين من وقت للتاني حسب الحزب الحاكم في كندا و أمريكا ......اللبراليين في كندا أقرب للديمقراطيين في أمريكا و محافظين كندا أقرب للجمهوريين في أمريكا

الأمريكان منقسمين مناصفة تقريبا ما بين الجمهوريين و الديمقراطيين .....الكنديين كانوا أكثر ميلا لليبراليين حتي وقت قريب .....فضائح متتالية للحزب الليبرالي أقصته عن السلطة و بقالنا كذا سنة تحت حكم هاربر .....محافظين

عادة كندا أكثر ليبرالية و أكثر إشتراكية من أمريكا ..... القافية تحكم ..قارن ما بين فرنسا و بريطانيا

بسبب كل ما قلت و كتير غيره فيه حساسية في العلاقات رغم كل التقارب و التفاهم ...... خوف الكنديين الأكبر من أمريكا مش حد تاني .....تعداد أمريكا قد كندا ١٠ مرات و القوة العسكرية الأمريكيية لا تخفي علي أحد ......المجانين في أمريكا كتير و منهم في مواقع سياسية فعالة ......الأرتباط الاقتصادي بين البلدين حيوي للاتنين انما حاليا لكندا أكتر ...... أمريكا بتتهم كندا بالتساهل في اجراءات الهجرة و أمن الحدود و إن ده ممكن يخلي الأرهابيين يوصلوا لامريكا أكتر و أسرع (أتهام لم تثبت صحته و اعتذروا عنه لكن اللي في النفوس في النفوس )

الملخص العلاقات مع أمريكا من أكبر مشكلات كندا ....و لنا عودة باذن الله

[حسام يوسف]

تسجيل متابعة باهتمام واستمتاع شديدين يا دكتور هشام

ماكنتش أعرف ان مواهب حضرتك بتمتد للتحليلات السياسية والاقتصادية كمان

الف شكر لوقتك وتنويهاتك الجميلة

[حسام يوسف]

معلش يا دكتور هشام

استفسار كمان

واضح ان كندا ليبراليين ومحافظين

وطبيعي ان الليبراليين أكثر اشتراكية من المحافظين نسبيا

لكن هوة فيه يسار بشكل صريح فى كندا؟

ووجودهم قد ايه ؟

وياترى مؤثرين ولا لأ؟

بصراحة اللى خلاني أسأل صديقة كندية من الفيس بوك بتنتمى لليسار الكندي

فكنت عايز اعرف من حضرتك أوضاع اليسار فى كندا

وشكرا لتعبك ووقتك :P

تم تعديل 8 أغسطس 2009 بواسطة حسام يوسف