قصتي مع كندا

[wagdy demian]

دكتور هشام /

شكرا لتحليلك الجميل و المبسط عن العلاقة بين كندا و أمريكا

لي أستفسار: حضرتك قلت انة لازم جواز السفر لكي نسافر من كندا لأمريكا فهل أيضا لازم تأشيرة سفر ؟ وما الوضع في حالة المقيمين في كندا قبل ما يحصلوا علي الجواز الكندي فهل دخولهم أمريكا سهل ولا معقد مثل من مصر ؟ وما هي الأجرائات المتبعة لو عندك فكرة عن الموضوع دة

شكرا لتعبك و لمساعدتك

[precanadian]

ايه أهم المشكلات اللى بيواجهها المجتمع الكندي وبيحاول يحلها؟

يمكن من أكتر المشاكل اللي بتواجه كندا و ليها تأثير علينا كلنا هي مشكلة الهجرة و المهاجرين

كندا دولة مهاجرين زيها زي دول العالم الجديد ..... فلسفة الهجرة الكندية بتختلف إختلاف جذري عن بقية الدول .....الولايات المتحدة و أوروبا مثلا

الدول ديه بتسعي لتصبح بوتقة ...بمعني إن المراد من المهاجرين يدوبوا في نسيج واحد .....نفس نظرية المعدة للراحل جمال حمدان في وصف مصر ..... مصر في وقت من الأوقات كانت محط رحال لمهاجرين كتير جم و دابو في النسيج المصري و بقي صعب تفرق ما بين الثقافات المختلفة أو الأجناس المختلفة

كندا بقي مش كده خالص .... كندا بتفخر إن المهاجرين يقدروا يحتفظوا بشخصيتهم و ثقافتهم و عاداتهم ..... جزء لا يتجزء من الثقافة الكندية هو تعدد الثقافات ....multiculturalism و مدعاة لفخر كل الكنديين

المشكلة بقي إن فيه ناس بيسيئوا استخدام الحكاية ديه مما يهدد نجاح النموذج الكندي في التعايش ما بين الثقافات

الحكاية ديه بتدفع الحكومة الكندية إلي مراجعة قوانين الهجرة الكندية لمعالجة القصور اللي بيخلي أعضاء من عصابات المخدرات من أمريكا الجنوبية أو محتالين من شرق أوروبا و المكسيك أو ارهابيين من الشرق الاوسط ينتهي بهم الحال كتهديد مباشر لكندا من داخلها

المعضلة ازاي الحكومة توازن ما بين سياسة فتح باب الهجرة و السماح بتعدد الثقافات و ما بين اجبار الكل علي احترام قيم و قوانين البلد و ديه مشكلة من أكبر المشاكل اللي بتواجه كندا

و لنا عودة باذن الله

اتفق مع حضرتك في تميز كندا عن دول المهجر بال multiculturism وان ذلك ميزه لنا لكن يري بعض الناس ان كندا حتي الان لم تستطيع ان تكون لها culture زي امريكا ما عملت يعني امريكا وثقافتها اثرت في العالم في اللبس والمأكل واصيح للشعب عادات وتقاليد .؟عكس كندا لم تستطيع عمل شئ يميزها

الحاجه التانيه ارتباط المهاجرين بامريكا اقوي بكثير من ارتباط مهاجري كندا لكندا وقد يكون ده سببه multiculturism and mosiacism ]

ايه رايك يا دكتور

ولك تحياتي

تم تعديل 9 أغسطس 2009 بواسطة precanadian

[د هشام ابراهيم]

تسجيل متابعة باهتمام واستمتاع شديدين يا دكتور هشام

ماكنتش أعرف ان مواهب حضرتك بتمتد للتحليلات السياسية والاقتصادية كمان

الف شكر لوقتك وتنويهاتك الجميلة

أخجلتم تواضعنا يا دكتور .... يا باشا العفو احنا غلابة جدا و ما لناش مواهب خالص ...مجرد ملاحظات

متابعة حضرتك بتسعدني حقا ..... حضرتك شخصية محترمة جدا و أنا فعلا أتمني توصل لكندا بسلامة الله و تضيف للجالية المصرية هنا :blink:

[kaplan]

تسجيل متابعه بأعجاب لتحلبلات حضرتك يادكتور

حاجه كده على جنب : ليه دايما الامريكان بيحبوا يتريقوا على كندا والكندين

اشهر حاجه البرد وكده

بس شفت على يوتيوب انهم كمان بيقولوا على الكنديين انهم بيشربوا syrup

قصدهم ايه يادكترة

[د هشام ابراهيم]

معلش يا دكتور هشام

استفسار كمان

واضح ان كندا ليبراليين ومحافظين

وطبيعي ان الليبراليين أكثر اشتراكية من المحافظين نسبيا

لكن هوة فيه يسار بشكل صريح فى كندا؟

ووجودهم قد ايه ؟

وياترى مؤثرين ولا لأ؟

بصراحة اللى خلاني أسأل صديقة كندية من الفيس بوك بتنتمى لليسار الكندي

فكنت عايز اعرف من حضرتك أوضاع اليسار فى كندا

وشكرا لتعبك ووقتك

اللبراليين و المحافظين أكبر حزبين في كندا ...انما البلد تموج بالاحزاب من أقصي اليمين لاقصي اليسار ..... فيه احزاب فيدرالية يعني موجودة علي مستوي الدولة كلها و فيه احزاب خاصة بالمقاطعة بس .... يعني مثلا حزب في وينيبج أو غيرها و ما لوش دعوة بأي مقاطعة تانية

كندا في المجمل فيها غالبية ليبرالية يسارية .... الحزب الليبرالي يعتبر يسار وسط ....زي ما المحافظين يمين وسط (يعني الأغلبية العظمي في كندا وسط سواء يمين شوية أو يسار شوية و ديه ميزة في رأيي )

اليسار الصريح موجود ....أكبر أحزابه هو الحزب الديمقراطي الجديد ..... الدايرة التابع ليها شقتي في تورنتو ممثلتها زعيمة من زعماء الحزب ده و زوجة رئيسه الحالي و بقالها عضوة برلمان كذا دورة ورا بعض

اليسار الصريح مكانه دائما في صفوف المعارضة ....من ساعة ما تولي المحافظين الحكم أهميته زادت لانه عادة بياخد صف اللبراليين أمام المحافظين و عليه حكومة هاربر كانت مهددة و ما زالت بسحب الثقة لو الحزبين صوتوا ضدها .... ده بيخليهم علي طراطيف صوابعهم و هما بيقدموا قانون أو قرار .... نوع من توازن القوي

علي يسار دول كمان فيه كذا حزب شيوعي ..... شيوعيين رسمي .... منهم اللي شيوعي اشتراكي علي خفيف لحد ماركسيين و لينينيين و ماويين كمان ....انما مش مؤثرين

أونتاريو بالذات يسارية بطبعها و معقل لليبراليين ....مقاطعات الوسط يمينية بطبعها و معقل للمحافظين

كويبك بقي انفصاليين بس برضه الكتلة الكوبيكية مايلة لليسار و كمان الليبراليين أغلبية حاليا هناك

يعني أكبر مقاطعتين في كندا شمال يا باشا :blink:

[د هشام ابراهيم]

دكتور هشام /

شكرا لتحليلك الجميل و المبسط عن العلاقة بين كندا و أمريكا

لي أستفسار: حضرتك قلت انة لازم جواز السفر لكي نسافر من كندا لأمريكا فهل أيضا لازم تأشيرة سفر ؟ وما الوضع في حالة المقيمين في كندا قبل ما يحصلوا علي الجواز الكندي فهل دخولهم أمريكا سهل ولا معقد مثل من مصر ؟ وما هي الأجرائات المتبعة لو عندك فكرة عن الموضوع دة

شكرا لتعبك و لمساعدتك

العفو يا سيدي الفاضل شاكر لحضرتك ذوقك الجم

حاليا مش مطلوب تأشيرة للعبور لامريكا سواء للحاملين الجنسية أو المهاجرين الجدد ..... علي الحدود إنت و حظك بقي .... الافراد من أصول شرق أوسطية عادة بيتأخروا في العبور علشان الأجراءات الأمنية و التحريات و بتاع و ما بتفرقش معاهم ديانة ... ليا صديق عزيز جدا نايب عظم مصري مسيحي و كل مرة يوقفوه كام ساعة و غلب يقولهم إن إسم العائلة جرجس و مالوش دعوة بالقاعدة و لا غيرها ما فيش فايدة

أنا صراحة ما فكرتش حتي أجرب أعدي انما ناس كتير قوي أعرفهم عملوها من غير مشاكل ...مصريين و باكستانيين تحديدا

تحياتي يا باشا

[د هشام ابراهيم]

اتفق مع حضرتك في تميز كندا عن دول المهجر بال multiculturism وان ذلك ميزه لنا لكن يري بعض الناس ان كندا حتي الان لم تستطيع ان تكون لها culture زي امريكا ما عملت يعني امريكا وثقافتها اثرت في العالم في اللبس والمأكل واصيح للشعب عادات وتقاليد .؟عكس كندا لم تستطيع عمل شئ يميزها

الحاجه التانيه ارتباط المهاجرين بامريكا اقوي بكثير من ارتباط مهاجري كندا لكندا وقد يكون ده سببه multiculturism and mosiacism ]

ايه رايك يا دكتور

ولك تحياتي

صديقي العزيز ... من الظلم مقارنة أمريكا بكندا ....كندا مش قوة عظمي و لا ليها ميول توسعية و لا ميل للهيمنة العالمية و لا خطط للغزو الثقافي و لا ليها آلة إعلامية جبارة زاي هوليوود ..... تأثير كندا علي العالم بينبع من تقديس كندا للتعايش السلمي و محاولاتها لحفظ السلام تحت مظلة الامم المتحدة ...غير انها من أكبر الداعيين للحفاظ علي البيئة ....ده تراث كندا العالمي و لو إن حكومة هاربر مش محافظة جدا عليه

التقافة الكندية موجودة و ملموسة و ليها خصائصها اللي بتميزها عن غيرها و بالذات الأمريكية .... مش منتشرة زي أمريكا للاسباب اللي قلتها مش أكتر

و مختلف كمان مع حكاية ارتباط المهاجرين بدولتهم الجديدة .... أكيد فيه ناس بيهاجروا و في نيتهم المغادرة أول ما ياخدوا الباسبور و دول صعب نحسبهم علي المهاجرين اللي جايين يستقروا و يقعدوا ..... ارتباط دول بكندا و احساسهم بالانتماء لا يقل إن لم يزيد عن مثيله في أي دولة تانية حتي أمريكا .... بالعكس أنا شخصيا شايف إن تعدد الثقافات بيساعد علي الأحساس بالانتماء .....وجهة نظر

تحياتي يا صديقي العزيز

[د هشام ابراهيم]

تسجيل متابعه بأعجاب لتحلبلات حضرتك يادكتور

حاجه كده على جنب : ليه دايما الامريكان بيحبوا يتريقوا على كندا والكندين

اشهر حاجه البرد وكده

بس شفت على يوتيوب انهم كمان بيقولوا على الكنديين انهم بيشربوا syrup

قصدهم ايه يادكترة

دكتورنا العزيز ....يا باشا الله يخليك ...كلك ذوق ... هما الأمريكان ما سابوش حد ما أتريقوش عليه من أول اليابان شرقا لحد هاواي غربا و من القطب للقطب كمان ..... كندا طبعا جار قريب و نابها من الحب جانب .... عادة الأمريكان بيتريقوا علي الكنديين انهم مؤدبين زيادة عن اللزوم يعني كلمات من فضلك و أسف علي لسانهم علي طول (باعتبار لامريكان غجر يعني ) و بيتريقوا علي البرد و التلج و علي حاجات تانية ..... ال-syrup مقصود بيه غالبا ال-maple syrup واحد من أشهر المنتجات الكندية ....طعمه زي العسل الأبيض كده و بيبقى خطير علي البانكيك و الوافل

قبل ما أنسي الكنديين كمان بيتريقوا علي الامريكان و أغلب التريقة مصدرها السياسة الامريكية

[حسام يوسف]

والله يا دكتور هشام انا من بتوع الفك المتدلى من دلوقتى بسبب حديث حضرتك الشيق الوافى ده

لينيين وشيوعيين فى كندا؟

يانهار

بس حلو أو ى حتة يسار الوسط

والأحلى ان البلد كلها يا يمين وسط يايسار وسط

يارب كندا

[moheltohamy]

دكتور هشام /

شكرا لتحليلك الجميل و المبسط عن العلاقة بين كندا و أمريكا

لي أستفسار: حضرتك قلت انة لازم جواز السفر لكي نسافر من كندا لأمريكا فهل أيضا لازم تأشيرة سفر ؟ وما الوضع في حالة المقيمين في كندا قبل ما يحصلوا علي الجواز الكندي فهل دخولهم أمريكا سهل ولا معقد مثل من مصر ؟ وما هي الأجرائات المتبعة لو عندك فكرة عن الموضوع دة

شكرا لتعبك و لمساعدتك

العفو يا سيدي الفاضل شاكر لحضرتك ذوقك الجم

حاليا مش مطلوب تأشيرة للعبور لامريكا سواء للحاملين الجنسية أو المهاجرين الجدد ..... علي الحدود إنت و حظك بقي .... الافراد من أصول شرق أوسطية عادة بيتأخروا في العبور علشان الأجراءات الأمنية و التحريات و بتاع و ما بتفرقش معاهم ديانة ... ليا صديق عزيز جدا نايب عظم مصري مسيحي و كل مرة يوقفوه كام ساعة و غلب يقولهم إن إسم العائلة جرجس و مالوش دعوة بالقاعدة و لا غيرها ما فيش فايدة wst::

أنا صراحة ما فكرتش حتي أجرب أعدي انما ناس كتير قوي أعرفهم عملوها من غير مشاكل ...مصريين و باكستانيين تحديدا

تحياتي يا باشا

شيكو حبيبي...

أتمنى الليلة تكون زي ما بتقول ، والدنيا لسّه خضرا بالشكل ده. بس انا كنت قريت فعلاً إنو ابتداءً من مش عارف إمتى لازم المسافرين جواً يستعملوا الباسبور كإثبات شخصية عند العبور من كندا لأمريكا ، وإن المسافرين براً لسّه الموضوع ما اتطبّقش عليهم.

جت هند حاولت تلعب اللعبة دي ، وتحقق حلمها بالشوبنج من نيو يورك ، وحاولت تستغل وظيفتها في شركة كندية مالتي ناشونالية ، وليهم فرع في أمريكا ، بإنها تقدّم على فيزة عمل لأمريكا ، وراحت على السفارة الأمريكية في كندا (مش فاكر المدينة) ، وبعد ما اتلطعت شويّة ، تلاقي واحدة زنجية أو هندية جوّه السفارة بتنده عليها ، الباسبور المصري رقم كذا هند تعالي ، وتروحلهم يدّولها الباسبور ، ونظام موش عاوزين النهارده!

خللي بالك ، كاتبين ع الويبسايت إنك لازم تجيب فيزا لو انتا م اللي ينطبق عليهم الشروط... وسابوها عايمة!

لكن لو العملية لوز زي ما بتقول... ندّيها طلعة ع الحدود الأجازة اللي جاية ، وربنا يسترها :ninja:

[wagdy demian]

د. تهامي /

حضرتك قلت أن المدام قدمت علي فيزا عمل ولم تحصل عليها فلماذا لم تقدم علي فيزا سياحة ؟ أعتقد انها أسهل لآن فيزا عمل لها شروط معينة

بالنسبة لي لابد أن أحصل علي فيزا مسبقا لأني لابد أن أستقل الطيارة لأن أخي يعيش في لوس أنجلس وانا سوف أكون في تورونتو أن شاء اللة. أن قد حصلت علي الفيزا من قبل وكانت مدتها خمس سنوات و سافرت بالفعل وألن هي منتهية فهل تعتقد أن فرص ححصولي عليها من هناك سهلة

وشكرا لحضرتك ولدكتور هشام

[د هشام ابراهيم]

والله يا دكتور هشام انا من بتوع الفك المتدلى من دلوقتى بسبب حديث حضرتك الشيق الوافى ده

لينيين وشيوعيين فى كندا؟

يانهار

بس حلو أو ى حتة يسار الوسط

والأحلى ان البلد كلها يا يمين وسط يايسار وسط

يارب كندا

مرحبا بيك يا دكتورنا الغالي ...نيابة عن فريق الفك المتدلي أحب أقولك إن مكانك محجوز في الفريق يا باشا ..... في انتظارك تشرفنا :blush2:

[د هشام ابراهيم]

شيكو حبيبي...

أتمنى الليلة تكون زي ما بتقول ، والدنيا لسّه خضرا بالشكل ده. بس انا كنت قريت فعلاً إنو ابتداءً من مش عارف إمتى لازم المسافرين جواً يستعملوا الباسبور كإثبات شخصية عند العبور من كندا لأمريكا ، وإن المسافرين براً لسّه الموضوع ما اتطبّقش عليهم.

............

لكن لو العملية لوز زي ما بتقول... ندّيها طلعة ع الحدود الأجازة اللي جاية ، وربنا يسترها :lol:

هل هلالك شهر مبارك ...تاوك ما افتكرت تيجي علي القهوة يا كابتشين ...معلهش حسابك معايا لما اشوفك يا أخضر :lol:

لو كنت أعرف إن سيرة أمريكا شيكا بيكا هي اللي حتجبيك كنت جبتها من زمان ...بص يا سيدي كل الكلام اللي قلته ده كان قبل يونيو ٢٠٠٩ ...من أول يونيو كل حاجة اتغيرت و متهيألي لحد النهارده ما حدش عارف اتغيرت ازاي .....علي العموم الحدود ساعة زمن من سانت كاثرين ...أبقي جرب و قولنا wst::

تصدق بالله يا تي سعادتك واحشني فعلا :blush2:

[newcomer]

ازاى الحال يا دكتور؟؟!!!

تسجبل متابعة للموضع المتجدد دائما :lol:

(بالرغم من استقالتى من جمعية الجين اكسرز المحترمة :blush2:)

كل سنة و حضرتك و الدكتورة بخير و صحة

[MinaAziz]

د. تهامي /

حضرتك قلت أن المدام قدمت علي فيزا عمل ولم تحصل عليها فلماذا لم تقدم علي فيزا سياحة ؟ أعتقد انها أسهل لآن فيزا عمل لها شروط معينة

بالنسبة لي لابد أن أحصل علي فيزا مسبقا لأني لابد أن أستقل الطيارة لأن أخي يعيش في لوس أنجلس وانا سوف أكون في تورونتو أن شاء اللة. أن قد حصلت علي الفيزا من قبل وكانت مدتها خمس سنوات و سافرت بالفعل وألن هي منتهية فهل تعتقد أن فرص ححصولي عليها من هناك سهلة

وشكرا لحضرتك ولدكتور هشام

بعد اذن د.تهامي و د.هشام. اظن لازم فيزا ويتهيالي ممكن حضرتك تاخدها من مصر بسهولة بعد اخذ فيزا كندا.

"

Permanent residents (aka landed immigrants) of Canada must have a nonimmigrant visa unless the permanent resident is a national of a country that participates in the Visa Waiver Program (VWP), meets the VWP requirements, and is seeking to enter the U.S. for 90 days or less under that program.

"

http://travel.state.gov/visa/temp/without/without_1260.html

"

Beginning March 17, 2003, ALL landed immigrants in Canada (including those individuals from a British Commonwealth country) seeking to enter the United States as non-immigrants must possess a valid passport and non-immigrant visa in order to enter.

"

https://www.nvars.com/Production/userhome.aspx

بالمناسبة المعاه Green Card في امريكا مش محتاج فيزا لكندا

[د هشام ابراهيم]

ازاى الحال يا دكتور؟؟!!!

تسجبل متابعة للموضع المتجدد دائما :lol:

(بالرغم من استقالتى من جمعية الجين اكسرز المحترمة :blush2:)

كل سنة و حضرتك و الدكتورة بخير و صحة

و حضرتك و الأسرة الكريمة بالف خير :lol:

استقالة حضرتك مش مقبولة .... سعادتك من المؤسسين للجمعية و حتفضلي عضوة للابد .....

الظروف و الشروط و القوانين كل ديه بتتغير انما الامل لازم يفضل موجود ..... تحياتي يا سيدتي الفاضلة

[د هشام ابراهيم]

بعد اذن د.تهامي و د.هشام. اظن لازم فيزا ويتهيالي ممكن حضرتك تاخدها من مصر بسهولة بعد اخذ فيزا كندا.

"

Permanent residents (aka landed immigrants) of Canada must have a nonimmigrant visa unless the permanent resident is a national of a country that participates in the Visa Waiver Program (VWP), meets the VWP requirements, and is seeking to enter the U.S. for 90 days or less under that program.

"

http://travel.state.gov/visa/temp/without/without_1260.html

"

Beginning March 17, 2003, ALL landed immigrants in Canada (including those individuals from a British Commonwealth country) seeking to enter the United States as non-immigrants must possess a valid passport and non-immigrant visa in order to enter.

"

https://www.nvars.com/Production/userhome.aspx

بالمناسبة المعاه Green Card في امريكا مش محتاج فيزا لكندا

شكرا جزيلا يا سيدي الفاضل ...اضافة مهمة و مفيدة ...يا ريت تكمل جميلك و توافينا لو في أي تغيير لحاملي البي آر كارد من أول يونيو ٢٠٠٩

تحياتي يا أفندم

[MinaAziz]

بعد اذن د.تهامي و د.هشام. اظن لازم فيزا ويتهيالي ممكن حضرتك تاخدها من مصر بسهولة بعد اخذ فيزا كندا.

"

Permanent residents (aka landed immigrants) of Canada must have a nonimmigrant visa unless the permanent resident is a national of a country that participates in the Visa Waiver Program (VWP), meets the VWP requirements, and is seeking to enter the U.S. for 90 days or less under that program.

"

http://travel.state.gov/visa/temp/without/without_1260.html

"

Beginning March 17, 2003, ALL landed immigrants in Canada (including those individuals from a British Commonwealth country) seeking to enter the United States as non-immigrants must possess a valid passport and non-immigrant visa in order to enter.

"

https://www.nvars.com/Production/userhome.aspx

بالمناسبة المعاه Green Card في امريكا مش محتاج فيزا لكندا

شكرا جزيلا يا سيدي الفاضل ...اضافة مهمة و مفيدة ...يا ريت تكمل جميلك و توافينا لو في أي تغيير لحاملي البي آر كارد من أول يونيو ٢٠٠٩

تحياتي يا أفندم

شكرا يا دكتور هشام لذوق حضرتك.

الحقيقة معنديش فكرة عن هذا التغيير.

[د هشام ابراهيم]

شكرا يا دكتور هشام لذوق حضرتك.

الحقيقة معنديش فكرة عن هذا التغيير.

و لا يهم حضرتك يا باشا ....دكتور تهامي حيشرف في كندا بعد كام يوم و باذن الله نجرب فيه

تحياتي يا أفندم :rolleyes:

[AL MUHAGER]

تسجيل متابعة وإعجاب و إحترام يا دكتورنا الغالي...