قصتي مع كندا

[د هشام ابراهيم]

الف الف الف شكر لحضرتك دكتور هشام علي المعلومات الغزيرة والمفيدة ده

جعله الله في ميزان حسناتك

انا متابعة جيدة للتوبكات بتاعة حضرتك....بس ما بحبش ادخل واكتب علشان تسلسل الاحداث ما يضعش....وخاصة اني لا اضيف اي جديد في المشاركة

مثل باقي الاعضاء الافاضل...لكن انا بنسخ كل كتابات حضرتك عندي علي اللاب توب علشان استفيد بالمعلومات ديه كلها....تسلم ايدك :)

وكل عام وحضرتك والمدام بالف خير بمناسبة شهر رمضان...وكذلك كل المسلمين في كل انحاء العالم....اعاده الله علي الجميع باليمن والبركة والخير

يا أفندم العفو ...خير حضرتك سابق و صفحات المنتدي تشهد bv:- wst:: ..

كفاية موضوع الدكتور قناوي و مجهود حضرتك الوافر مع الفاضلين د قناوي و باشمهندس زناتي و موضوع حضرتك بتاع الخبرات السابقة :sad:

كل سنة و حضرتك و الاسرة الكريمة بالف خير و سعادة و صحة و باذن الله نفطر كلنا مع بعض عما قريب

[د هشام ابراهيم]

بروفيسور هشام...كل رمضان وانت وزوجتك الجميله بخير وسعاده...اسال الله العلى القدير ان يبلغنا واياكم ليلة القدر وان يحقق لكم فيها اغلى امانيكم

سؤال يعنى كده الافضل نبعد عن تورونتو والا اماكن فيها بس ؟

آمين يا رب العالمين .....كل سنة و حضرتك بالف خير و صحة و سعادة ....تخيلي حضرتك كل ما أشوف حكاية بروفيسور ديه روحي المعدنية بترتفع جدا ....طبعا ما احنا رجعنا نواب تاني

شوفي حضرتك ...زي أي حاجة في الدنيا كل موضوع ليه ايجابياته و سلبياته و الأختيار عادة بيبقى شخصي بحت بعد مقارنة الجوانب كلها و تطبيقها علي الحالة الشخصية .....و بعدين تيجي سر من أسرار الحياة ما يطلق عليه ال-compromise .... في حدود طبعا

بالنسبة لي أنا جربت الحياة في تورنتو و الحياة في مدينة أهدي ..... لو حاختار اختيار مطلق حاختار المدينة الاهدي ....ادعيلي ربنا يسهلي و أخلص النيابة و استقر في سانت كاثرين

تورنتو فيها مميزات كتير جدا و بصراحة شديدة أنا باحبها جدا و ارشحها لأي حد حيبتدي في كندا ....حكاية الجريمة العنيفة ديه في مناطق معينة في تورنتو معروفة بالاسم .....قاعدة عامة بالذات مع وجود أطفال ......Go west

غرب شارع يانج علي قد ما تقدري و يفضل الضواحي .... ميسسوجا .... أوكفيل مثلا ....العيب ساعتها هو المواصلات ....و هنا ييجي دور سر الحياة ....compromise

[د هشام ابراهيم]

نيجي مشكلة شائكة بتهم كندا كلها

دور كندا في أفغانستان..... تاريخيا كندا اكتسبت سمعة عالمية طيبة جدا من دورها تحت مظلة الأمم المتحدة في قوات حفظ السلام في بلاد و مناطق شتي ....بالاضافة إلي المعونات و الاغاثات للبلاد المنكوبة ....و كمان دور قوي في الحفاظ علي الأرض و البيئة

كون كندا داعية للسلام من باب الخير البحت بالذات مقارنة بامريكا شيكا بيكا اللي ما بتحطش مناخيرها في موضوع إلا لو راجع عليها بمنفعة ما خلي سمعة كندا قوية بمكان اللي بيه السياح الأمريكان في أوروبا بيدعوا انهم كنديين علشان الناس تعاملهم كويس ( سمعة أمريكا في الأرض حتي في أوروبا )

حكومة هاربر مش محافظة علي التراث ده زي ما قولنا قبل كده و سياسة هاربر الموالية لبوش و عصابته دخلت كندا في المستنقع الأفغاني ....قوات كندا اللي هناك مهامها قتالية لاول مرة و مش مرحب بيها من فصيل كبير من الأفغان (طالبان و مواليهم ) زاد الطين بلة إن طالبان استهدفت القوات الكندية لمدة طويلة و اوقعت بيها خسائر في الارواح مؤلمة .....طالبان اكتشفت إن مهاجمة القوات الكندية اللي عتادها أقل من الأمريكية أسهل و ما وقفهومش إلا التصعيد الامريكي الاخير في الأعمال العسكرية

من أكتر المناظر المؤثرة وصول جثمان جندي كندي المطار و استقبال الناس ليه .....عايز أقول إن الناس بتصطف علي جانبي الطريق من المطار إلي المثوي الأخير للجندي حاملين الأعلام الكندية و الورود لتحية الجثمان

الكنديين ضد الحرب عامة و اغلبهم ضد حرب أفغانستان خاصة بس واقعين ما بين رفض الحرب و اجلال افراد الجيش ...بالنسبة ليهم قرار الذهاب لافغانستان كان قرار سياسي أتاخد في المكاتب المكيفة في أوتاوا انما أفراد الجيش اللي هناك بيأدوا واجبهم اللي بيمليه عليه وظيفتهم و أوامر قيادتهم و ساعات يفقدوا حياتهم لمجرد أداء الواجب ده و ما يستاهلوش انا نصب الغضب عليهم بسبب القرار السياسي ...بالعكس يستاهلوا الأحترام و التبجيل المناسبين

شعار support our troops هو الغالب

أخر كلام حكومة هاربر بتدرس مد فترة المهام في أفغانستان و المعارضة مستنية القرار الأخراني علشان تعلن موقفها ...لحد ما يبان إيه الأتجاه تبقى أفغانستان من أكبر مشاكل كندا حاليا

[حسام يوسف]

لو ممكن توضيح أكتر لنقطة ان لو واحد بيبتدي

فياريت يبتدي بتورنتو

وكل سنة وحضرتك طيب يا دكتور هشام

[د هشام ابراهيم]

لو ممكن توضيح أكتر لنقطة ان لو واحد بيبتدي

فياريت يبتدي بتورنتو

وكل سنة وحضرتك طيب يا دكتور هشام

و حضرتك بالف خير و صحة يا دكتورنا :roseop:

تورنتو مدينة user friendly ...... أكتر مدينة كندية في عدد السكان و أكبر مركز اقتصادي في كندا .... أكبر الشركات و البنوك و المستشفيات و الجامعات .....أكتر فرص شغل حتي المؤقت ..... سوق ضخم لو حتي ناوي تبيع و تشتري أو تمارس العمل الحر ....أكبر جالية عربية و اسلامية ..... مراكز التسوق و دور العبادة سواء جوامع أو كنائس ارثوذكسية قبطية ..... أسهل مواصلات و سكن و حياة اجتماعية نشيطة .....سينما و مطاعم و متنزهات و مهرجانات و مسارح إلخ إلخ

و كمان مدينة لطيفة ....مش أحلي من مدن كتير انما أنا شخصية باحبها جدا

في الأول ده المطلوب بس لأن البني آدم طماع حتحتاج بعد شوية تشتري بيت بدل ما تأجر شقة و حياة أهدي لانك زهقت من الصخب و فرص الشغل حتبقى أسهل أول ما تخلص معادلاتك باذن الله يعني بدل ما بتدور علي أي شغل حتبتدي تنقي :)

ساعتها الواحد يجرب يعيش في حتة تانية أهدي خصوصا لو فيه أطفال أو الأطفال ابتدوا يكبروا

بس يا سيدي أدي القصة .....قصتي مع تورنتو يعني :lol:

[حسام يوسف]

لو ممكن توضيح أكتر لنقطة ان لو واحد بيبتدي

فياريت يبتدي بتورنتو

وكل سنة وحضرتك طيب يا دكتور هشام

و حضرتك بالف خير و صحة يا دكتورنا :roseop:

تورنتو مدينة user friendly ...... أكتر مدينة كندية في عدد السكان و أكبر مركز اقتصادي في كندا .... أكبر الشركات و البنوك و المستشفيات و الجامعات .....أكتر فرص شغل حتي المؤقت ..... سوق ضخم لو حتي ناوي تبيع و تشتري أو تمارس العمل الحر ....أكبر جالية عربية و اسلامية ..... مراكز التسوق و دور العبادة سواء جوامع أو كنائس ارثوذكسية قبطية ..... أسهل مواصلات و سكن و حياة اجتماعية نشيطة .....سينما و مطاعم و متنزهات و مهرجانات و مسارح إلخ إلخ

و كمان مدينة لطيفة ....مش أحلي من مدن كتير انما أنا شخصية باحبها جدا

في الأول ده المطلوب بس لأن البني آدم طماع حتحتاج بعد شوية تشتري بيت بدل ما تأجر شقة و حياة أهدي لانك زهقت من الصخب و فرص الشغل حتبقى أسهل أول ما تخلص معادلاتك باذن الله يعني بدل ما بتدور علي أي شغل حتبتدي تنقي :)

ساعتها الواحد يجرب يعيش في حتة تانية أهدي خصوصا لو فيه أطفال أو الأطفال ابتدوا يكبروا

بس يا سيدي أدي القصة .....قصتي مع تورنتو يعني :lol:

انا أكيد متفهم انها الأنسب للعمل

لكن مش هية أغلى من باقى المدن الكندية ؟والواحد فى الأول مش عارف هيشتغل امتى وبالتالى المصروفات فى البداية تبقى كبيرة شوية؟

وتحياتى لحضرتك

[د هشام ابراهيم]

انا أكيد متفهم انها الأنسب للعمل

لكن مش هية أغلى من باقى المدن الكندية ؟والواحد فى الأول مش عارف هيشتغل امتى وبالتالى المصروفات فى البداية تبقى كبيرة شوية؟

وتحياتى لحضرتك

صح تورنتو في المطلق أغلي من مدن كتير لكن أغلي في إيه .....أسعار البيوت و الشقق ( في حالة الشراء ) ...التأمين علي العربيات ....مصاريف الركن ...... حاجات زي ديه .....الفروق في أسعار الضروريات مش جامدة ...إيجار و أكل و مواصلات و تسوق .....ده غير إن فيه اختيارات كتير و بدائل أكتر ....يعني من كتر المتاح في المعروض ممكن في الاخر تصرف أقل من مدينة تانية

المهاجر الجديد حيبقى محتاج إيه

١- يلاقي شغل

٢- يعادل شهادته

٣- يأجر شقة علي قد ميزانيته

٤- يلاقي مكان يصلي فيه و دروس دينية

٥- مكان يشتري منه احتياجاته بسعر رخيص (معلهش بقي يا دكتورنا الموضوع ده في اوله تفاصيل كتير عن التسوق في تورنتو بالتفصيل و الروابط )

٦ - مكان يلاقي الحاجات اللي ممكن يتوحم عليها في الغربة (الجبنة الرومي مثلا )

٧ - مدارس للاطفال قريبة من السكن

٨ - مواصلات سهلة

و غيره و غيره ...مش تعصب لتورنتو بس ما فيش مدينة تقدر تنافس تورنتو حبيبتي ....... علي الأقل في التمن نقط اللي فوق

طبعا كل واحد مختلف عن التاني و ممكن قوي نختلف خصوصا لو قدمت مدينة تانية ميزة قوية ..... فرصة عمل جاهزة أو وجود أقارب أو اصدقاء مقربين ممكن يساعدوا ......

[حسام يوسف]

الله يكرمك يا دكتور هشام زي ما بتنورنا دايما بنصايحك الجميلة دي

الف الف شكر لحضرتك

[د هشام ابراهيم]

سعادتك تؤمر يا دكتورنا ...نسيت أقولك إن ليا مصلحة شخصية إن سعادتك تيجي تورونتو

[حسام يوسف]

سعادتك تؤمر يا دكتورنا ...نسيت أقولك إن ليا مصلحة شخصية إن سعادتك تيجي تورونتو :lol:

والله العظيم

والله العظيم

والله العظيم

أنا أتمنى أساهم فى أى حاجة حضرتك تطلبها منى

لم أتشرف بالمعرفة المباشرة مع حضرتك

لكنى أكن كل حب واحترام لشخصكم الكريم

أؤمرنى أمر يا دكتور هشام

[د هشام ابراهيم]

الامر لله يا صديقي العزيز .... القلوب عند بعضها يا باشا ...... مصلحتي الشخصية في إن حضرتك تشرف تورنتو بوجودك الغالي اني أتعرف علي شخصية محترمة زي حضرتك

تحياتي يا باشا و تمنياتي المخلصة بدوام التوفيق

تم تعديل 20 أغسطس 2009 بواسطة د هشام ابراهيم

[AL MUHAGER]

دكتور هشام.... كل سنة وحضرتك و الأسرة والإخوة المسلمين بخير بمناسبة شهر رمضان الكريم....

دكتورنا الكبير... اسمح لي استفسر مع حضرتك عن موضوع ان تورونتو افضل بداية للمهاجر..

أولا الأرزاق بتاعة ربنا وكل واحد حسب سعيه و إجتهاده هيلاقي و قبل كل شيء توفيق ربنا ...

يعني مثلا طبيب لسه خريج جديد ( زي زوجتي ) - حسب مافهمت - مش هاينفع يبتدي في تورنتو لان المنافسة صعبة جدا جدا...

وكمان واحد زي حالاتي مهندس معماري - حسب مافهمت برضو - ان فرص العمل في مقاطعات تانية اسهل و المقصود بأسهل لواحد معندوش خبرة كندي وكمان فيه فرص أكتر...

ارجو التصحيح لو كلامي فيه اي خطأ...

ولو حضرتك في مكاني كنت هاتتصرف ازاي...؟؟؟

تقعد في مقاطعة فيها خدمات كويسة وجو كويس إلى حد ما ... لكن فرصك اقل و المتطلبات لمعادلة شهادتنا اصعب و اكثر تعقيد ؟؟؟

ولا تبتدي في مقاطعة الجو فيها ساقع شويتين تلاتة والخدمات فيها اقل لكن متطلبات المعادلة و الشغل اقل وممكن تلاقي فرص شغل احسن كبداية..؟؟

مرة تانية كل سنة وحضرتك بألف خير... وكل رمضان وانت طيب.. والفطار السنة الجاية يكون عند حضرتك.

[Spanish Eyes]

دكتور هشام

رمضان كريم وينعاد عليك وعلى اسرتك بالخير والسعادة، كعادتك متألق دائما سرد رائع واسلوب شيق ومعلومات قيمة، اشكرك على وقتك ومجهودك.

تقبل تحياتي

[precanadian]

كل عام و انت بخير يا دكتور هشام ...... وجميع المسلمين بمناسبه شهر رمضان

تم تعديل 20 أغسطس 2009 بواسطة precanadian

[bent misr]

كل سنه و انت طيب يا د / هشام و المدام بخير و سلام

و رمضان كريم عليكم يا رب

و على كل أعضاء المنتدى الكرام

[Nassarlink]

الامر لله يا صديقي العزيز .... القلوب عند بعضها يا باشا ...... مصلحتي الشخصية في إن حضرتك تشرف تورنتو بوجودك الغالي اني أتعرف علي شخصية محترمة زي حضرتك

تحياتي يا باشا و تمنياتي المخلصة بدوام التوفيق

حقيقي تورونتو هتكسب كتير بوجود د حسام فيها

لكن كيبيك ساعتها هتخسر اكتر واكتر

وانت ميرضيكش كيبيك تخسر

وكل سنه و انت طيب يا د هشام

نصّار

[حسام يوسف]

انا كنت بسأل بس يا عم نصار

انا من محبى الفراكفونية

يعنى الكيبيك

يعنى جو تيم

يعنى البامبلموس والكوكنكومبر والفورماج

وسمعنى أحلى سلام لسانت لوران

[Nassarlink]

انا كنت بسأل بس يا عم نصار

انا من محبى الفراكفونية

يعنى الكيبيك

يعنى جو تيم

يعنى البامبلموس والكوكنكومبر والفورماج

وسمعنى أحلى سلام لسانت لوران

ياباشا اسأل براحتك

انا بس حبيت اعرفك الي هيحصل لكيبيك من غيرك

مشربتش من سان لورانها

نصّار

[د هشام ابراهيم]

دكتور هشام.... كل سنة وحضرتك و الأسرة والإخوة المسلمين بخير بمناسبة شهر رمضان الكريم....

دكتورنا الكبير... اسمح لي استفسر مع حضرتك عن موضوع ان تورونتو افضل بداية للمهاجر..

أولا الأرزاق بتاعة ربنا وكل واحد حسب سعيه و إجتهاده هيلاقي و قبل كل شيء توفيق ربنا ...

يعني مثلا طبيب لسه خريج جديد ( زي زوجتي ) - حسب مافهمت - مش هاينفع يبتدي في تورنتو لان المنافسة صعبة جدا جدا...

وكمان واحد زي حالاتي مهندس معماري - حسب مافهمت برضو - ان فرص العمل في مقاطعات تانية اسهل و المقصود بأسهل لواحد معندوش خبرة كندي وكمان فيه فرص أكتر...

ارجو التصحيح لو كلامي فيه اي خطأ...

ولو حضرتك في مكاني كنت هاتتصرف ازاي...؟؟؟

تقعد في مقاطعة فيها خدمات كويسة وجو كويس إلى حد ما ... لكن فرصك اقل و المتطلبات لمعادلة شهادتنا اصعب و اكثر تعقيد ؟؟؟

ولا تبتدي في مقاطعة الجو فيها ساقع شويتين تلاتة والخدمات فيها اقل لكن متطلبات المعادلة و الشغل اقل وممكن تلاقي فرص شغل احسن كبداية..؟؟

مرة تانية كل سنة وحضرتك بألف خير... وكل رمضان وانت طيب.. والفطار السنة الجاية يكون عند حضرتك.

و حضرتك بالف خير و صحة يا باشمهندس

بص يا سيدي الفاضل طبعا موافق حضرتك إن الأمر كله في ايدين ربنا كل اللي علينا ناخد بالاسباب و نسيب الباقي علي الله

أكيد لو توفر عمل و أسباب أخري في أي مدينة حتبقى المدينة ديه الأنسب زي ما قلت قبل كده

انما في المطلق و عامة تورنتو أسهل للمهاجر الجديد

لو الدكتورة حتبتدي نيابة جامعة تورنتو فيها نيابات أكتر من أي جامعة تانية ..... توفيق ربنا العامل الاساسي طبعا ....نيابات زيادة و متقدمين زيادة و لا نيابات أقل و متقدمين أقل .....الله أعلم

فرص الشغل في أي مهنة أكتر في تورنتو اللهم إلا المهن المرتبطة بالجغرافيا ..... مهندس بترول مثلا أو عامل منجم فحم ...ملهمش مكان إنما كل المهن التاني الفرص أكتر في تورنتو ...أكيد نسبة و تناسب و عامل التوفيق مهم

أنا لو مكان حضرتك ابتدي أدور علي شغل من قبل ما أجي و ده فعلا اللي عملته ...لما دورت علي شغل ابتديت أدور في تورنتو و ربنا وفقني الحمد لله ...لو ما كنتش لقيت في تورنتو كنت حادور في مكان تاني و تالت و رابع انما أنا كنت حاطت الأولوية ليها

كالعادة رأيي مش معناه اني الوحيد اللي صح او إنه ملزم أو إنه اللي ينفع معايا ينفع مع غيري .....الدنيا فيها ألوان ياما

تحياتي و احترامي يا باشمهندس و أخلص الدعاوي لحضرتك و المدام بالتوفيق و النجاح باذن الله

[د هشام ابراهيم]

دكتور هشام

رمضان كريم وينعاد عليك وعلى اسرتك بالخير والسعادة، كعادتك متألق دائما سرد رائع واسلوب شيق ومعلومات قيمة، اشكرك على وقتك ومجهودك.

تقبل تحياتي

الله اكرم يا سيدتي الفاضلة

شكرا جزيلا علي كلمات الأطراء الرقيقة ...كلك ذوق يا أفندم

لكي بمثل ما دعيتي و أكثر بفضل الله