قصتي مع كندا

[د هشام ابراهيم]

كل عام و انت بخير يا دكتور هشام ...... وجميع المسلمين بمناسبه شهر رمضان

و أنت بخير يا صديقي العزيز ....دايما سباق بالخير يا دوك

تقبل الله منا جميعا

[د هشام ابراهيم]

كل سنه و انت طيب يا د / هشام و المدام بخير و سلام

و رمضان كريم عليكم يا رب

و على كل أعضاء المنتدى الكرام

الله اكرم يا سيدتي الفاضلة ....أحلي دعا الصراحة

امتناني و احترامي يا باشا

[د هشام ابراهيم]

حقيقي تورونتو هتكسب كتير بوجود د حسام فيها

لكن كيبيك ساعتها هتخسر اكتر واكتر

وانت ميرضيكش كيبيك تخسر

وكل سنه و انت طيب يا د هشام

نصّار

سعادتك عايز الحق ...كيبيك تخسر و أنا اكسب :wub:.....

يا رب يا مسيو نصار تيجو كلكم تورنتو و ساعتها بقي تسقط كيبيك براحتها يعني

لو ربك ما ارادش يبقى نجيلكوا كيبيك زيارة و أمرنا لله

[د هشام ابراهيم]

انا كنت بسأل بس يا عم نصار

انا من محبى الفراكفونية

يعنى الكيبيك

يعنى جو تيم

يعنى البامبلموس والكوكنكومبر والفورماج

وسمعنى أحلى سلام لسانت لوران

:roseop:

ماشي يا دوك ربنا يسعد سعيد بسعيدة يا باشا

برضه في انتظارك اهلاوي تورنتاوي :wub:

[kaplan]

doctor hesham

happy ramadan

:unsure:

where are you

tamenna 3aleek

sorry i don't have arabic keyboard

[د هشام ابراهيم]

doctor hesham

happy ramadan

where are you

tamenna 3aleek

sorry i don't have arabic keyboard

الله يخليك يا دكترة كل سنة و إنت بالف خير و صحة :happy: .....

ربنا يوفقك يا باشا ....ما دام الكيبورد العربي مش متوافر يبقى خير :sad:

علي فكرة أنا برضه ما عنديش كيبورد عربي ....ربنا يكرم yamli

[د هشام ابراهيم]

مشكلة تانية من المشاكل ...الرعاية الصحية

الخدمة الصحية في كندا من الأفضل علي العالم و مثار حسد العديد خاصة الخمسين مليون مواطن أمريكي الغير مؤمن عليهم و الملايين التانيين اللي تأمنهم مش حيغطي مرض متقدم أو طاريء شديد

ده مش معناه انها ما فيهاش عيوب أو إن الناس راضيين عنها تماما زاي أي حاجة في الدنيا ..الكمال لله وحده

طب إيه المشاكل .... الرعاية الصحية زاي ما عارفين بتدفع مصاريفها الحكومة و مواردها أساسا من الضرايب .... ده معناه ان كل المواطنين سواء و ان الأولوية بتبقى للحالة الطبية ...بمعني ان المريض المتأثر أكثر حيبقى دوره الاول ..... مثال جراح عظم و حاجز حالة تغيير مفصل لمريض ...لو جه مريض في حادثة و عنده كسر مفتوح في الساق حيبقى أبدي من تغيير المفصل و حياخد مكانه ..... اللي عمل المشكلة ان عدد الدكاترة قليلين بالنسبة لعدد السكان مما أوجد كام عرض للمشكلة

- قوائم انتظار للعمليات الغير الطارئة زاي تغيير المفصل

- ساعات انتظار طويلة في استقبال المستشفيات لو الحالة مش مستعجلة .....جزع أو مغص مثلا

- صعوبة في الحصول علي طبيب عائلة قريب من السكن

- صعوبة الحصول علي سرير في جناح خاص في المستشفيات و صعوبة الأنتظار لايام طويلة في المستشفي بعد العمليات

طب إيه السبب ورا قلة عدد الدكاترة .... أولا الكنديين مش شايفين في الاغلب ان دراسة الطب مستاهلة الصعوبات كلها ..دراسة صعبة و مكلفة جدا و العائد المالي مقابل متطلبات المهنة ما يبررش نمط الحياة بعد الوظيفة و وظائف تانية كتير ممكن تجيب نفس العائد بس بطريقة أسهل

تلاقي عدد كبير من طلبة الطب من الجيل الثاني من المهاجرين اللي أهلهم نفسهم يشوفوهم دكاترة

ضيف علي كده ان الجهات القائمة علي شئون الطب مش عايزة عدد الدكاترة يزيد علشان ما يأثرش علي مكانة الأطباء في قمة الهرم الأجتماعي و لا علي عائدهم المادي و عليه عدد الطلبة المقبولين في كليات الطب قليل إلي حد كبير و النيابات المتوفرة بعد الدراسة مش كتير برضه في تخصصات كتير ..... طب العائلة هو الفرع الأكثر علي الأطلاق ......

كمان عدد لا بأس به من الأطباء بينتهي بهم الحال في الولايات المتحدة أو الخليج بمرتبات خرافية

الحكومة بقالها كذا سنة بتحاول تحل المشكلة .....عدد الطلبة المقبولين زاد ....عدد النيابات في المجمل زاد ....عدد الأطباء المهاجرين الغير كنديين المقبولين في النظام الطبي زاد (أعلي رقم في تاريخ كندا كله ) .....طبعا الدخول في السيستم مش سهل ...علي يدكم أهو ..... أساسا علشان ضمان ان الأطباء دول علي المستوي المطلوب و برضه علشان العدالة المطلقة ...لو الطريق أدام الاطباء الأجانب أسهل من طريق الأطباء الكنديين يبقى ظلم بين ..... أكيد النظام مش كامل انما بيتحسن

نتيجة لكل المحاولات الوضع اتحسن كتير ..... الأرقام المعلنة في أونتاريو ان قوائم الأنتظار قلت و متوسط الوقت المقضي في الأنتظار في استقبال المستشفيات قل ..... فرصة الحصول علي طبيب عائلة بقي أكبر كتير و وزارة الصحة مخصصة خط ساخن لمساعدة كل من مش لاقي طبيب ..... حكاية أسرة المستشفيات ديه لسه مشكلة ..... الحكومة كمان عملت برامج كتير لمساعدة المريض لما يخرج للبيت من المستشفي بما فيها زيارات منزلية من تمريض و علاج طبيعي و اخصائيين اجتماعيين و تغذية و غيره

السؤال اللي بيتسأل دايما هل الرعاية الصحية الحكومية أحسن و لا الخاصة أحسن ..... ملخص الأجابة لو معاك فلوس ...و فلوس كتير قوي قوي لو الحالة متقدمة ...يبقى الخاص أحسن ...غير كده الحكومي برغم كل مشاكله أحسن

[Nassarlink]

د هشام

كده الصوره وضحت عن موضوع التامين الصحي

طب بالنسبه لموضوع الدواء الي قال عليه د تهامي

انه بيجي بخلع الضرس

يعني التامين الحكومي بيغطي تكاليف الدواء ولا لا

نصّار

[kaplan]

doctor hesham

happy ramadan

:)

where are you

tamenna 3aleek

sorry i don't have arabic keyboard

الله يخليك يا دكترة كل سنة و إنت بالف خير و صحة wst:: .....

ربنا يوفقك يا باشا ....ما دام الكيبورد العربي مش متوافر يبقى خير :P

علي فكرة أنا برضه ما عنديش كيبورد عربي ....ربنا يكرم yamli

7abeeby ya doctooooooooooor

ana 7abeet a3arafak

3ala fekra el far2 shasssssssssssssssssssssssssss3 ya dr

msh fe el teb we bas la2 kol 7aga we awelha el akhla2

really amazed

[hazemtara]

كل سنة وأنت طيب يا دكتور هشام

رمضان كريم ، أعادة الله عليك وعلى الأهل والأحباب بكل خير وسعادة

حازم

[qenawy]

دكتور هشام كل عام وانت بخير وانت نموذج ومثل اعلي لشباب كتير

الفين وربعمائة مشاركة كلها تفاؤل ومودة

ونعم الرجال الصراحة

[حسام يوسف]

نقدر حجم مشاغلك يا دكتور هشام

وربنا يعينك

لكن بجد وحشتنا

تم تعديل 29 أغسطس 2009 بواسطة حسام يوسف

[Nassarlink]

بعد اذنك يا دكتور هشام انا سالت راديو كندا الدولي عن التامين الصحي في كندا

وكتر خيرهم كان ردهم انه رغم كون التامين الصحي في كندا من افضل النظم التامينيه في العالم

إلا انه هناك بعض القصور

و من ضمنه التاخير في العلاج حسب خطورة الحاله

و اليك الرد علي ملف MP3

[د هشام ابراهيم]

د هشام

كده الصوره وضحت عن موضوع التامين الصحي

طب بالنسبه لموضوع الدواء الي قال عليه د تهامي

انه بيجي بخلع الضرس

يعني التامين الحكومي بيغطي تكاليف الدواء ولا لا

نصّار

مسيو نصار ..الأدوية لو جوه المستشفي بتبقى مجاني و متغطية بالتأمين الحكومي ....الأدوية في الروشتات مش متغطية .... أغلب الوظائف بتوفر تغطية تأمينية للادوية ديه ...... الأدوية اللي من علي الرف مش متغطية بأي نوع علي حد علمي

[د هشام ابراهيم]

7abeeby ya doctooooooooooor

ana 7abeet a3arafak

3ala fekra el far2 shasssssssssssssssssssssssssss3 ya dr

msh fe el teb we bas la2 kol 7aga we awelha el akhla2

really amazed

للاسف الشديد يا عزيزي الدنيا كلها بتقفز قفزات مهولة للامام و احنا محلك سر في أحسن الاحوال ....ربنا يصلح لك أمورك كلها و يعينك و يوفقك .....والينا بالاخبار أول باول بقي يا دوك

[د هشام ابراهيم]

كل سنة وأنت طيب يا دكتور هشام

رمضان كريم ، أعادة الله عليك وعلى الأهل والأحباب بكل خير وسعادة

حازم

الله اكرم يا دكتورنا الفاضل ..... لك بمثل دعائك الكريم و أكثر بفضل الله

بقالك كتير مختفي يا باشا ...عودا حميدا

[د هشام ابراهيم]

دكتور هشام كل عام وانت بخير وانت نموذج ومثل اعلي لشباب كتير

الفين وربعمائة مشاركة كلها تفاؤل ومودة

ونعم الرجال الصراحة

العفو يا دكتورنا .....ربنا يخلي حضرتك علي كلماتك الغالية و أدبك و ذوقك ..... لك مني كل تقدير و احترام و دعاء خالص بالتوفيق في كندا باذن الرحمن

[د هشام ابراهيم]

نقدر حجم مشاغلك يا دكتور هشام

وربنا يعينك

لكن بجد وحشتنا

يا أفندم لا أوحش الله منك أبدا .....بجد كلمات حضرتك و د قناوي أسعدتني و أثرت في إلي حد كبير ....جزاكما الله كل خير و أدام المعروف بيننا جميعا :blink: :wub:

[د هشام ابراهيم]

بعد اذنك يا دكتور هشام انا سالت راديو كندا الدولي عن التامين الصحي في كندا

وكتر خيرهم كان ردهم انه رغم كون التامين الصحي في كندا من افضل النظم التامينيه في العالم

إلا انه هناك بعض القصور

و من ضمنه التاخير في العلاج حسب خطورة الحاله

و اليك الرد علي ملف MP3

مسيو نصار ...صراحة الرابط مش شغال معايا انما علي العموم يبدو من كلام حضرتك إن رد الناس مطابق لكلامي ...أوعي يكونوا بيستقوا معلوماتهم من المنتدي

تحياتي يا باشا

[د هشام ابراهيم]

بناء علي توجيهات عليا ..كلاكيت تاني مرة بتصرف

عودة للخواطر أو السناكس السريعة اللي ما بتعجبش الكابتن الاخضر n2&(

المستشفي اللي شغال فيها اليومين دول مليانة نواب عرب ....لحد هنا و عادي .....السعودية و الامارات بالذات ليهم نواب كتير هنا مبعوثين رسميين للتدريب و الدراسة و الحصول علي البورد الكندي علي أن يعودوا لبلادهم بعد كده ( و علشان كده أنا متوقع تقدم ملحوظ في المستوي الطبي لدول الخليج عما قريب )

اللي لافت نظري قوي إن نسبة لا بأس بها من النواب دول طبيبات و في تخصصات زي جراحة مخ و أعصاب و جراحة تجميل و جراحة أورام ....غير النساء و الولادة و التخدير و غيرهم

التساؤل المرأة في الخليج جراحة مخ و أعصاب متعلمة في كندا و في مصر دعاوي عودة المرأة للبيت علي أشدها .....مش غريبة شوية !!