قصتي مع كندا

[حسام يوسف]

أكتر واحد وحشنى فى المحاورات كلها

بروفيسور هشام

حمد الله ع السلامة

وبخصوص خاطرتك الأخيرة

همة دول الخلايجة

عمل المرأة حرام

عشان همة اللى يسودوا

الفن المصري وحش وأساء لمصر

عشان تحتل روتانا والوليد الفن العربي كله

لحد ما ييجي اليوم اللى مطربة مصرية زي أنغام تغني حليجي

وتتغنى بحبها للعنزة وحبيبها البعيجان بن قحطان وآخر مغامراته الصحراوية مع اليربوع (الشرز)

معلش لو كان كلامى قوي شوية

أصلي لسة فاطر

اقعدوا بالعافية يا جماعة

تم تعديل 10 سبتمبر 2009 بواسطة حسام يوسف

[د هشام ابراهيم]

له يخليك يا دكتورنا العزيز كلك ذوق يا باشا n2&(

صوما مقبولا باذن الله .....

عارف يا صديقي العزيز أنا لي رأي في موضوع إن كل دولة بتسعي انها تبقى أحسن من غيرها ......صراحة أنا مش شايف إنه غلط ....الغلط علي الدولة اللي بتتنازل طواعية عن مكانتها و قيمتها و تسيب غيرها يفرض تفوقه ......سيان بقي الدولة ديه عربية و لا غربية .....العيب مش فيهم العيب فينا

[حسام يوسف]

له يخليك يا دكتورنا العزيز كلك ذوق يا باشا n2&( n2&(

صوما مقبولا باذن الله .....

عارف يا صديقي العزيز أنا لي رأي في موضوع إن كل دولة بتسعي انها تبقى أحسن من غيرها ......صراحة أنا مش شايف إنه غلط ....الغلط علي الدولة اللي بتتنازل طواعية عن مكانتها و قيمتها و تسيب غيرها يفرض تفوقه ......سيان بقي الدولة ديه عربية و لا غربية .....العيب مش فيهم العيب فينا

:blink:

[walidfh]

كل عام وانت بخير يا دكتور هشام بمناسبة رمضان وبمناسبة دخول العشر الأواخر وربنا يجعلنا جميعا من المقبولين إن شاء الله

كلام سعادتك صحيح وشوف مثلا ما كتب بالأمس في الأخبار من ضرب طبيب مصري اخصائي قلب في مستشفى المبارك في الكويت داخل غرفة الرعاية المركزه من قبل

اشقاء كويتين وهو بيعالج امهم وفي نفس الوقت خبر ضرب طبيب مصري اخر اخصائي امراض صدر في بلد اسمها التثليث في السعودية وهنا تم ضربه بالرصاص من قبل

واحد سعودي وهو يرقد حاليا في حالة حرجة

للأسف ما عدش لينا سعر خالص والبركة في اللي رخصونا ولا نقول غير حسبنا الله ونعم الوكيل

http://saveegyptfront.org/news/?c=170&a=23806

[Mercedes]

السلام عليكم و رحمة الله و بركاته

هذا هو الموقف المتوقع من هؤلاء الأشقياء العرب و بالذات الأشقياء الكوايتة , يعنى هتتوقع ايه من ناس ذى دول , لو التاريخ يرجع لورا 19 سنة - أيام حرب الخليج - لما العراق دخلت الكويت , ايه الكوايتة و أولاد عمهم السعوديين عملوه- بالذات اللى فى المنطقة الشرقية - , هربوا الى مصر و الى سائر البلاد العربية و راحوا جريوا على الأمريكان عشان ييجوا يحرروا الكويت و يحموا السعودية لحسن صدام يخشها , عمرك شوفت كدة فى الدنيا , فى واحد راجل يسيب بلده للمحتل و يجرى الا اذا كان ........ و بعدين شاطرين يعيبوا على المصريين , لأ و ألف لأ , المصريين دول لما اسرائيل احتلت سيناء , أخدوا من قوت ولادهم عشان يعملوا جيش و يحرروا أرضهم لأنهم ايييييييه !!!!!!!!!!................. رجالة

هما الاتنين الدكاترة دول لو كانوا أمريكان , كان حد من ال........ دول يقدر يعمل معاهم كدة , أكيد لأ , بس اللى هم بيعملوه مع المصريين ده عشان عندهم احساس بالنقص لأنهم مايقدروش يعملوا كدة مع أى حد تانى لأنه كان هيقلب الدنيا عليهم و يوريهم النجوم فى عز الظهر الأحمر , أنا بحكم عملى هنا فى مملكة الانسانية قصدى مملكة العنصرية , وجدت أن الخلايجة ( جمع خليجى ) بيعتبروا أنه ذى ما ربنا فوق فى السما فأن أمريكا تحت فى الأرض - و لله المثل الأعلى , تعالى الله عما يصفون علوا كبيرا - عندما كنت أتحدث مع بعض أصدقائى من السعوديين , كنت أجد عندهم تساؤل واحد , هو ازاى المصرى اللى مش لاقى ياكل و لا يشرب فى بلده و عنده أزمة فى كل حاجة حتى رغيف العيش و أنبوبة البوتاجاز بيقدر يصير طبيب و مهندس و ياسلام لو المصرى كان واحد ذائع الصيت و سمعته ذى الطبل , تلاقى كتير منهم يطيق العمى و لا يطيقهوش .

بس العيب مش عليهم , العيب على الديكتاتور اللى ماسك البلد و مش عاوز يسيبها ذى ماتكون العزبة اللى وارثها عن أبوه و اللى بسببه أصبحنا رخاص و مالناش سعر , ربنايزيح عننا البلاء ده .

أخوكم الصريح / مرسيدس

[د هشام ابراهيم]

الأخوة الفاضل وليد باشا و مرسيدس باشا

أولا كل سنة و حضراتكم طيبين و ربنا يعيد علينا الأيام الكريمة ديه باليمن و البركات و رضا ربنا

كلامكم صراحة أصابني بالاكتئاب مش بسببكم حاشا لله لكن بسبب تدهور مكانة الانسان المصري داخل بلده أساسا و كنتيجة طبيعية خارجها ....كلمة سمعتها و أنا في نقاش عنيف مع طبيب سعودي هنا في كندا .....السعوديين اللي قابلتهم هنا نوعين بالنسبة لنظرتهم لمصر ...نوع و الحق يقال أغلبية ....يعشق مصر و المصريين و نوع ينتمي له اخينا ده يكره مصر من غير سبب واضح ..... اخينا ده كان بيقول ليه مستنيين الناس تحترمكم و تعملكم حساب و حكومتكم نفسها مش عملالكم حساب .....ما فيش مرة قابلت الأخ ده غير ما دار بينا نقاش من النوع ده و عادة كان النقاش ينتهي لما العرق الصعيدي يشتغل و احتد عليه و أديله من المنقي خيار :rolleyes:

[hazemtara]

بناء علي توجيهات عليا ..كلاكيت تاني مرة بتصرف wst::

عودة للخواطر أو السناكس السريعة اللي ما بتعجبش الكابتن الاخضر :rolleyes:

المستشفي اللي شغال فيها اليومين دول مليانة نواب عرب ....لحد هنا و عادي .....السعودية و الامارات بالذات ليهم نواب كتير هنا مبعوثين رسميين للتدريب و الدراسة و الحصول علي البورد الكندي علي أن يعودوا لبلادهم بعد كده ( و علشان كده أنا متوقع تقدم ملحوظ في المستوي الطبي لدول الخليج عما قريب )

اللي لافت نظري قوي إن نسبة لا بأس بها من النواب دول طبيبات و في تخصصات زي جراحة مخ و أعصاب و جراحة تجميل و جراحة أورام ....غير النساء و الولادة و التخدير و غيرهم

التساؤل المرأة في الخليج جراحة مخ و أعصاب متعلمة في كندا و في مصر دعاوي عودة المرأة للبيت علي أشدها .....مش غريبة شوية !!

سورى يا دكتور هشام أختلف مع حضرتك فى موضوع أن المرأة الخليجية دعوات التحرر لها أفضل بينما دعوات عودة المرأة المصرية للبيت على أشدها.

والأسباب:

سوف أتحدث عن السعودية التى أقيم بها الأن:

1-البنت السعودية لا يُسمح لها بالزواج خارج القبيلة فى أكثر من 90% من مناطق المملكة بإستثناء المدن الكبرى مثل جدة والرياض مثلاً

2- ممنوع زواج البنت السعودية خارج السعودية يعنى لو البنت وجت مسلم مصرى ومحترم وكويس تمنعها الأعراف والتقاليد والقبيلة والدولة من الزواج به وتسمع كل يوم وتقرأ فى الصحف عن عشرات البنات التى طفشت مع رجل أجنبى للتمكن من الزواج بة بعيداص عن أهلها وقبيلتها.

3-كل من أعرفهم من الإستشاريات السعوديات متزوجات من أقارب لهم وعلى وجة التحديد إبن العم وهى تعمل وتتقاضى راتب لا يقل عن 25000 ريال على أقل تقدير بينما كل أزواجهم الى هم أبناء عمهم غير عاملين وجالسين فى البيت ولما تتكلم معاهم يقولوا لك هو فية أمامنا غير كدة وإحنا إتبغددنا يعنى ،،، والى ربنا يكرمها وتتجوز واحد عسكرى فى المرور ولا حرس الحدود مثلاً ودة مُؤهلة يدوب ثانوية عامة وراتبة لا يزيد عن 7000 ريال تقول لك دة أنا كدة أحسن واحدة فى دفعتى؟؟؟؟؟؟؟ :blink: .

4-فى السعودية بنتك مهما حصلت على مجموع فى الثانوية العامة مش مسموح لها غير كليات ( التمريض- الطب - الصيدلة - الأسنان - المعلمات وبعض الكليات النظرية الأخرى البسيطة) تمنع من دخول كليات زى الزراعة والهندسةوالبطرى وغيرها من الكليات بدعو عدم الصلاحية لهذة الدراسة.

5- كثيراً من الممرضات السعوديات الى شغالين معاية هنا حاصلات على مجموع يُؤهلن لدخول كلية الطب ولم يستطعن لأسباب كثير منها

*رفض ولى أمرها لدخولها الطب أو الصيدلة وإذا رفض ولى الأمر لا تستطيع دخول الكلية وحتى لو كان مجموعها يسمح.

*كثيراً من الأهل ينظرون للمرأة على أنها مخلوق لا يجب أن تثق بة لأنها فى أى وقت سوف تسنح لها الظروف للإنحراف فلن تتردد ؟؟؟؟!!! يعنى مخلوق يُعامل بنظرة دنيوية.

6-أعرف كثيراً من الحالات التى يرفض فيها الأب زواج بناتة لأنة يأخذ رواتبهم لينفق منها على نفسة ونزواتة.

7- أعرف كثيراً من التمريض التى يتفق والدها مع العريس المتقدم لها على إقتسام راتبها فيفتى فيفتى للزوج النصف والأب النصفويكتب هذا فى وثيقة الزواج.

8- أعرف كثيراً من الممرضات السعوديات والائى جلسن فى بيوتهن لأنهم لا يتحصلن على هللة واحدة من الراتب ويأخذة الزوج كلة ويذهب ليتزوج عليها ولا يُنفق عليها ولا على أولادها.

أظن أن حال المرأة المصرية يسبق السعودية بما لا يقل عن 30 سنة على الأقل.

[hazemtara]

الأخوة الفاضل وليد باشا و مرسيدس باشا

أولا كل سنة و حضراتكم طيبين و ربنا يعيد علينا الأيام الكريمة ديه باليمن و البركات و رضا ربنا

كلامكم صراحة أصابني بالاكتئاب مش بسببكم حاشا لله لكن بسبب تدهور مكانة الانسان المصري داخل بلده أساسا و كنتيجة طبيعية خارجها ....كلمة سمعتها و أنا في نقاش عنيف مع طبيب سعودي هنا في كندا .....السعوديين اللي قابلتهم هنا نوعين بالنسبة لنظرتهم لمصر ...نوع و الحق يقال أغلبية ....يعشق مصر و المصريين و نوع ينتمي له اخينا ده يكره مصر من غير سبب واضح ..... اخينا ده كان بيقول ليه مستنيين الناس تحترمكم و تعملكم حساب و حكومتكم نفسها مش عملالكم حساب .....ما فيش مرة قابلت الأخ ده غير ما دار بينا نقاش من النوع ده و عادة كان النقاش ينتهي لما العرق الصعيدي يشتغل و احتد عليه و أديله من المنقي خيار :rolleyes:

دكتور هشام /

السلام عليكم أولاً

حضرتك تعبت من مجرد مناقشة مع واحد بيتناقش معاك عن حال بلدك الأم وأنت الأن فى بلدك ( كندا) يعنى حضرتك صاحب بيت وهو مفروض أجنبى عن البلد وبيتكلم معاك بهذا الشكل ،فما بالك لو أن هذا الشخص فى بلدة ولة كامل السلطات عليك وحاسس إنك وكل المصرين جاين تسروقوهم هنا فى بلدهم.

حضرتك ممكن تكون محظوظ لأنة دة طبيب وممكن يكون إستشارى يعنى المفروض بيقهم ،،،فما بالك لو كان يدوب مُؤهلة ثانوية عامة أو فنى تمريض ويتحكم فى كل المستشفى من إستشارين وأساتذة جامعات وأخصائين وغيرة ويتعمد التنطيط عليك أمام الناس وبقلة ذوق وهو يعرف تماماً أنة بجرة قلم ممن ينهى عقدك وتترحل على بلدك بدون أدنى حقوق،،،،تقول إية.

تقول إية لما كثيرا منهم أول ما يعرفوا أنك مصرى يقول لك وفى وجهك المصرين حرامية ( إحنا للأسف مشهورين بكدة فى معظم الخليج ).

حضرتك لو عاوز أحكى لك من هذة القصص ما يكفى كتب وكتب ،،لكن ليس هذا هو موضوعنا.

لك منى السلام

حازم

[د هشام ابراهيم]

دكتورنا العزيز حازم باشا الصراحة كتير من تفاصيل مشاركة حضرتك ما كنتش أعرفه و إن كان تصوري دائما إن وضع المرأة في عالمنا العربي و بالذات الخليج فيه اجحاف و ظلم بين .... و كان تصوري برضه إن مصر سابقة العالم العربي في النقطة ديه لكن مؤخرا وضع مصر الطليعي في المنطقة في تراجع مستمر مش بس في نقطة حقوق المرأة أو وضعها في المجتمع ...في كل المجالات تقريبا و ملاحظتي الأخيرة ديه عن الطبيبات العربيات (اللي الصراحة كلهن نموذج مشرف للمرأة العربية ) مش أكتر من استغراب إن وضع المرأة الخليجية في تحسن بينما وضع المرأة المصرية في تأخر

تحياتي يا باشا

[د هشام ابراهيم]

دكتور هشام /

السلام عليكم أولاً

حضرتك تعبت من مجرد مناقشة مع واحد بيتناقش معاك عن حال بلدك الأم وأنت الأن فى بلدك ( كندا) يعنى حضرتك صاحب بيت وهو مفروض أجنبى عن البلد وبيتكلم معاك بهذا الشكل ،فما بالك لو أن هذا الشخص فى بلدة ولة كامل السلطات عليك وحاسس إنك وكل المصرين جاين تسروقوهم هنا فى بلدهم.

حضرتك ممكن تكون محظوظ لأنة دة طبيب وممكن يكون إستشارى يعنى المفروض بيقهم ،،،فما بالك لو كان يدوب مُؤهلة ثانوية عامة أو فنى تمريض ويتحكم فى كل المستشفى من إستشارين وأساتذة جامعات وأخصائين وغيرة ويتعمد التنطيط عليك أمام الناس وبقلة ذوق وهو يعرف تماماً أنة بجرة قلم ممن ينهى عقدك وتترحل على بلدك بدون أدنى حقوق،،،،تقول إية.

تقول إية لما كثيرا منهم أول ما يعرفوا أنك مصرى يقول لك وفى وجهك المصرين حرامية ( إحنا للأسف مشهورين بكدة فى معظم الخليج ).

حضرتك لو عاوز أحكى لك من هذة القصص ما يكفى كتب وكتب ،،لكن ليس هذا هو موضوعنا.

لك منى السلام

حازم

للاسف الشديد يا سيدي الفاضل وضع العمالة المصرية في الخليج لا يرضي أحد و وزارة الخارجية بتاعتنا أخر من يتدخل للمساعدة أو النصرة ...الكلام ده علي كل الفئات و منهم الأطباء ...كفاية الخسف بمرتبات الأطباء المصريين اللي شغال بقاله كذا سنة ...و غيره و غيره

الحكاوي كتير و بتوصل لكندا زاي ما كانت بتوصل لمصر و صراحة مش عارف الحل إيه ..... أكيد الحكومة المصرية ليها دور انما احنا برضه كمصريين علينا مسئولية لا يستهان بها في الوضع المتردي ده

[د هشام ابراهيم]

النهارده الصراحة أنا فرحان و راضي

صليت الجمعة في جامع النور في سانت كاثرين لاول مرة في رمضان السنة ديه .... الامام الخطيب من الجيل الثاني من المهاجرين ...شاب في مقتبل العمر و وجهه زي لهجة خطابه تفيض بالسماحة و الايمان الحق ...موضوع الخطبة كان علي فضل العشر الاواخر و ازاي نتنهز فرصة الأيام المفترجة ديه ...... الاشارة الوحيدة لسبتمبر ٢٠٠١ كان لما دعا الخطيب المصلين انهم يزوروا جيرانهم في عيد الفطر و يديلهم هدية بسيطة .... علبة كوكيز ... سلة فواكه و أخبارهم إنه بمناسبة عيد الفطر ...رأي الخطيب و أنا موافق عليه إن الحاجات الشخصية البسيطة اللي زاي ديه ممكن تغير من الفكرة السيئة عن الأسلام و المسلمين اللي موجودة في الغرب بسبب ١١ سبتمبر و غيرها من الأحداث

الحاجة الوحيدة اللي ضايقتني كان بعض سلوكيات الجيل الأول من المهاجرين بعد الصلاة ...... ما فيش فايدة الأمل في الجيل القادم بقي

كالعادة بعد الصلاة كان فيه إعلان عن أنشطة الجامع .... مائدة رحمن يومية ....جمع لزكاة عيد الفطر .... عشاء و احتفال يوم العيد ..... ندوات دينية ....مواعيد صلاة التهجد ...... غير الأنشطة المستمرة طول السنة من تعليم لغة عربية و حفظ قرأن

نسيت أقول إن ساحات الركن حوالين الجامع كانت كلها مليانة علي الأخر و اضطريت ...سعيدا اني أركن علي بعد شارعين

[Shehab]

النهارده الصراحة أنا فرحان و راضي

يا رب دايماً فرحان وراضى ...يا دوك...مفقتدينك بشدة!!

الا انت جاى امتى يا دكترة؟؟

[hazemtara]

النهارده الصراحة أنا فرحان و راضي

صليت الجمعة في جامع النور في سانت كاثرين لاول مرة في رمضان السنة ديه .... الامام الخطيب من الجيل الثاني من المهاجرين ...شاب في مقتبل العمر و وجهه زي لهجة خطابه تفيض بالسماحة و الايمان الحق ...موضوع الخطبة كان علي فضل العشر الاواخر و ازاي نتنهز فرصة الأيام المفترجة ديه ...... الاشارة الوحيدة لسبتمبر ٢٠٠١ كان لما دعا الخطيب المصلين انهم يزوروا جيرانهم في عيد الفطر و يديلهم هدية بسيطة .... علبة كوكيز ... سلة فواكه و أخبارهم إنه بمناسبة عيد الفطر ...رأي الخطيب و أنا موافق عليه إن الحاجات الشخصية البسيطة اللي زاي ديه ممكن تغير من الفكرة السيئة عن الأسلام و المسلمين اللي موجودة في الغرب بسبب ١١ سبتمبر و غيرها من الأحداث

الحاجة الوحيدة اللي ضايقتني كان بعض سلوكيات الجيل الأول من المهاجرين بعد الصلاة ...... ما فيش فايدة الأمل في الجيل القادم بقي

كالعادة بعد الصلاة كان فيه إعلان عن أنشطة الجامع .... مائدة رحمن يومية ....جمع لزكاة عيد الفطر .... عشاء و احتفال يوم العيد ..... ندوات دينية ....مواعيد صلاة التهجد ...... غير الأنشطة المستمرة طول السنة من تعليم لغة عربية و حفظ قرأن

نسيت أقول إن ساحات الركن حوالين الجامع كانت كلها مليانة علي الأخر و اضطريت ...سعيدا اني أركن علي بعد شارعين

أُمال فين الصور يا دُوك

:wub:

[حسام يوسف]

أغلبية السعوديين يحبون مصر؟

دي ديبلوماسية يا دكتور هشام؟

[د هشام ابراهيم]

يا رب دايماً فرحان وراضى ...يا دوك...مفقتدينك بشدة!!

الا انت جاى امتى يا دكترة؟؟

:) :)

صديقي العزيز باذن الله علي أخر أكتوبر و لمدة اسبوعين و اعمل حسابك بقي نتقابل باذن الرحمن

[د هشام ابراهيم]

أُمال فين الصور يا دُوك

:)

ما خدتش صور المرة ديه يا دكترة

و بعدين يا باشا المنتدي كله خلاص عارف شكل الجوامع اللي باصلي فيها و الحمد لله .....

ربنا يكتبلي أصلي في مدينة جديدة و ننزل صور جامعها باذن الله :)

[mkassem]

السلام عليكم و رحمة اللة يا د. هشام

انا بقالي 3 ايام مش بعمل حاجة غير قراءة الموضوع بتاعك

بجد انت شخص بيخاليني احس بالفخر عشان مصريين زي بعض

الي اخدت بالي منة في المنتدى ان الناس دايما خايفة من السفر

انا بقى عندي الحل

يا جماعة في كتاب اسمة Who Moved my cheese لكاتب اسمة Dr. Spencer Johnson

مجمل الكتاب ان الانسان مخير مش مسير يعني من حقة يختار كل حاجة

و دة اللي بيخلينا عايزين نهاجر عشان مصر مبقتش بلدنا

دي بلد ناس تانية

على فكرة انا مهندس و شغال في اكبر شركة بترول على مستوى العالم و الحمدللة وظيفة Senior و باخد مرتب صعب اخدة في كندا كمان في الأول بس انا واثق انها حتبقى بلدي بجد و بعدين حتى لو مش بلدي هو يعني قاعد في بلدي قوي ماهيا بردو مش بلدي

انتو عارفين والله العظيم انا الضرائب الي بتتاخد مني كل شهر قد مرتب 2 ضباط

شوف بقى لمل اروح المرور عشان ادفع بردو المعاملة بتبقى عاملة ازاي و لو ظابط تاني جي بردو بيقبض مرتبة من الضرايب الي بدفعها حيتعمل معاه اية

طيب اقولوكو حاجة تانية اهو على الي الواحد فية داة انا لو الناس كانت مش بتكعبليني بردو عشان مليش واسطة كان زماني حاجة تانية خالص

عموما يعني

اقرو الكتاب و اعرفوا ان من رحمة ربنا بينا ان لسه في مابنا ناس عندها حل انها تسيب البلد

عشان لو ماكنش في حل و كانت مصر مقفولة على الكل كان زمان بلدنا دي ولعت

[د هشام ابراهيم]

أغلبية السعوديين يحبون مصر؟

دي ديبلوماسية يا دكتور هشام؟

صديقي العزيز يمكن ما وضحتش كلامي كويس أنا قصدي أغلب الاطباء و الطبيبات السعوديين اللي قابلتهم في المستشفيتين اللي اشتغلت فيهم لحد دلوقتي في تورنتو ..... محدد يعني يا باشا مش علي العموم خالص ....قدام الأخ المشار إليه فيه ٨ أو أكتر بيحبوا مصر و المصريين و ما شفتش منهم إلا كل خير الصراحة .....٨ لواحد أغلبية أهو :)

[د هشام ابراهيم]

السلام عليكم و رحمة اللة يا د. هشام

انا بقالي 3 ايام مش بعمل حاجة غير قراءة الموضوع بتاعك

بجد انت شخص بيخاليني احس بالفخر عشان مصريين زي بعض

الي اخدت بالي منة في المنتدى ان الناس دايما خايفة من السفر

انا بقى عندي الحل

يا جماعة في كتاب اسمة Who Moved my cheese لكاتب اسمة Dr. Spencer Johnson

مجمل الكتاب ان الانسان مخير مش مسير يعني من حقة يختار كل حاجة

...................

و عليكم السلام و رحمة الله و بركاته يا باشمهندس

أهلا و سهلا بحضرتك و متابعتك للموضوع تشرفني و تسعدني.....شاكر لحضرتك كلمات المديح :)

حادور علي الكتاب لان حكاية الأنسان مسير و لا مخير ديه شغلت ناس كتير علي مر الأزمنة و أنا منهم .......اللي أقدر أقوله لحضرتك علي قد اقتناعي الشخصي الأنسان بصورة عامة لا مسير و لا مخير ......وسط ما بين الاتنين

تحياتي يا باشمهندس و بالتوفيق باذن الرحمن

[mkassem]

د. هشام ياريت لو تبعتلي ال MSN او Facebook بتاعك على الخاص