قصتي مع كندا

[د هشام ابراهيم]

يا ترى اشتريت الكحك و لا مافيش عندكم :D

لو مافيش يبقى دا واجب علينا والله ماينفعش ناكله كده لوحدنا :lol:

بس بشرط الكحك علينا العيد ده و الخروف عليك العيد الجاي :)

Deal or No Deal

Deal يا باشا

الحقيقة اشترينا كحك و غريبة و بسكوت و بيتي فور .....ربنا يخلي لنا أرز ......صراحة بيتفوق علي نفسه الحاجة السنة ديه متميزة جدا و الحمد لله

انما ما يمنعش يا باشا خروف العيد الكبير علينا برضه و ربنا يخلي لينا الغدير ...... التجار اللبنانيين دول أجدع ناس الصراحة :old:

[د هشام ابراهيم]

بأشكر حضرتك جدا على النصيحة

و فعلا حضرتك عندك حق

في وضعي الحالي أي مخرج من هنا اهلا به

و حضرتك طمنتني انهم في كندا بيحترموا الخبرة الأمريكية و الشهادات الأمريكية

ربنا يسهل الأمور للجميع

لا شكر علي واجب يا سيدتي الفاضلة و باذن الله ربنا يوفق حضرتك و الأسرة الكريمة لما فيه الخير :lol:

[ELSHAMY]

أخى الحبيب النائب العام كبير الأطباء هشام

و لا حاجة.....أنا بس كنت معدى فقلت أصبح لأنك وحشتنى

الشامى

[Phizer]

كل سنه وانت طيب يا دكتور هشاام وببخير وسعاااااده ويا رب عيد سعيد عليكم جميعا

[EL SHABRAWY]

سيدتي الفاضلة

أولا جزاك الله كل خير علي حسن ظنك بشخصي الضعيف و ادعو الله أن أكون دائما عند حسن ظن الجميع

الصراحة موقف صعب ..... أنا زي حضرتك تمام كنت مستبعد أمريكا تماما من حساباتي ...يمكن علشان كده ما عنديش معلومات كفاية عنها أو عن تأثير أمريكا علي الطريق إلي كندا لكن ممكن أقول لحضرتك رأيي و ملاحظاتي في حدود معلوماتي و استسمح حضرتك عذرا لو مش كفاية لرد شافي

- صحيح أنا شايف إن كندا أحسن من أمريكا انما مش شرط اني أبقي علي حق تماما و كتير ممكن يبقالهم رأي مخالف ....بالعكس كتير من زملائي و أصدقائي اللي استقروا في أمريكا خصوصا في مستعمرتنا في كليفلاند كانوا بيعيبوا علي تفضيلي لكندا عن أمريكا ...و لله في خلقه شئون .....قصدي إن يمكن أمريكا مش بالسوء اللي أنا متصوره خاصة لو كندا مش متاحة ...... وجود أخ لحضرتك في مكان ما يدي للمكان ده ميزة عظمي و أفضلية لا يستهان بها

- لو مكان حضرتك أتوكل علي الله و أروح أمريكا ...إما استريح هناك و أقرر أكمل فيها أو ما استريحش و ابتدي أدور علي مكان تاني .... الحركة ما بين امريكا و كندا سهلة إلي حد كبير ....الخبرة الأمريكية و الشهادات الامريكية محترمة هنا إلي حد كبير و علي الأقل ممكن تسهل من عملية المعادلات حسب التخصص طبعا

- كلام أخو حضرتك سليم ...كندا في العموم تبدو الحياة فيها كقرية بالنسبة لامريكا ....البندر يعني :blink:

الحكاية ديه ممكن توافق ناس مش عايزين أضواء مبهرة و حياة سريعة و دائمة التغير ....... كندا أهدي من أمريكا عموما خاصة فيما يتعلق بطباع أهلها .....طبعا علي حساب ميزات البندر المتعددة قدام القرية :happy:

الملخص رأيي الشخصي بندر و لا قرية أحسن من الخليج ....مع كامل احترامي للجميع

تحياتي يا سيدتي الفاضلة :closedeyes:

بأشكر حضرتك جدا على النصيحة

و فعلا حضرتك عندك حق

في وضعي الحالي أي مخرج من هنا اهلا به

و حضرتك طمنتني انهم في كندا بيحترموا الخبرة الأمريكية و الشهادات الأمريكية

ربنا يسهل الأمور للجميع

تحياتي لحضرتك و لأسرتك الكريمة

و كل سنة وانتو طيبين

:rolleyes:

حضرتك فى حاجة مهمة لازم تحطيها فى الاعتبار ان استقدام الاخ او الاخت عن طريق الهجرة ياخذ حوالى 10 سنوات هنا فى امريكا

[walidfh]

و أنا ما أقدرش علي زعل حضرتك ..... الرابط ده من جوجل حيساعد علي فك شفرة التوقيع الروسي

Google language tools

عزيزي الدكتور هشام

شكرا على التوضيح ولكن اللينك الذي وضعته لا يعمل :closedeyes:

المهم اني باستخدم Google Translate واعتقد ان اللينك اللي انت كاتبه هو نفسه

http://translate.google.com

انا كنت فاكر ان الكلام ده في اللغة اليونانية او اللاتينية وما جاش في بالي انه ممكن يكون روسي وعلشان كده ما كنتش عارف اترجمه

على كل حال ترجمته دلوقتي علشان لو حد حب يعرف معنى الكلمات وهي كما ذكرها موقع الـ Google Translate

بالأنجليزية

In general, you're just another brick in the wall

وبالعربية

في عام ، كنت للتو آخر لبنة في جدار

اظن الأنجليزي اوضح مش كده ويظهر ان اللغة العربية عاملالهم مشاكل في الترجمة :rolleyes:

وعيدك سعيد

[عبير يونس]

حضرتك فى حاجة مهمة لازم تحطيها فى الاعتبار ان استقدام الاخ او الاخت عن طريق الهجرة ياخذ حوالى 10 سنوات هنا فى امريكا

أولا أشكر حضرتك على الرد

أنا طبعا عارفة ان الموضوع مش سهل

اللي اقترحه أخي ان انا حأروح زيارة

و أحاول أعدل و ضعي بفيزا دراسة

أو عمل إذا وجدت فرصة

هي محاولة للخروج من الوضع الحالي

و أرجو الله ألا أحتاج إليها

لأنني مازال عندي أمل في كندا

محدش عارف ايه المكتوب

أنا أريد و أنت تريد و الله يفعل ما يريد

تحياتي

:closedeyes:

[عبير يونس]

بالأنجليزية

In general, you're just another brick in the wall

وبالعربية

في عام ، كنت للتو آخر لبنة في جدار

اظن الأنجليزي اوضح مش كده ويظهر ان اللغة العربية عاملالهم مشاكل في الترجمة :happy:

وعيدك سعيد

اسمح لي حضرتك أقوم بالترجمة نيابة عن جوجل

:closedeyes:

الترجمة العربية:

عموما ، فأنت مجرد لبنة في الجدار

الترجمة العربية بالتحديد لا يمكن ترجمتها بمنأى عن العنصر البشري

فالترجمة الآلية دائما ما تكون غيرصحيحة بل و مضحكة في أغلب الأحيان

تحياتي

:rolleyes:

[د هشام ابراهيم]

أخى الحبيب النائب العام كبير الأطباء هشام

و لا حاجة.....أنا بس كنت معدى فقلت أصبح لأنك وحشتنى

الشامى

يا خبر أبيض .....دكتورنا الحبيب .... منورني و مشرفني يا باشا و لا أوحش الله منك أبدا

عذرا يا هيد كوتش أنا عارف اني مقصر بس دائما علي البال و علي الخاطر و دائما ما ادعي لحضرتك و للكتيبة الشامية كلها كمان

ربنا يخليك لينا يا زعيم

[د هشام ابراهيم]

كل سنه وانت طيب يا دكتور هشاام وببخير وسعاااااده ويا رب عيد سعيد عليكم جميعا

و حضرتك بالف خير و صحة و سعادة .... كلك ذوق يا باشا

[د هشام ابراهيم]

عزيزي الدكتور هشام

شكرا على التوضيح ولكن اللينك الذي وضعته لا يعمل :P

المهم اني باستخدم Google Translate واعتقد ان اللينك اللي انت كاتبه هو نفسه

http://translate.google.com

انا كنت فاكر ان الكلام ده في اللغة اليونانية او اللاتينية وما جاش في بالي انه ممكن يكون روسي وعلشان كده ما كنتش عارف اترجمه

على كل حال ترجمته دلوقتي علشان لو حد حب يعرف معنى الكلمات وهي كما ذكرها موقع الـ Google Translate

بالأنجليزية

In general, you're just another brick in the wall

وبالعربية

في عام ، كنت للتو آخر لبنة في جدار

اظن الأنجليزي اوضح مش كده ويظهر ان اللغة العربية عاملالهم مشاكل في الترجمة wst::

وعيدك سعيد

اسمح لي حضرتك أقوم بالترجمة نيابة عن جوجل

الترجمة العربية:

عموما ، فأنت مجرد لبنة في الجدار

الترجمة العربية بالتحديد لا يمكن ترجمتها بمنأى عن العنصر البشري

فالترجمة الآلية دائما ما تكون غيرصحيحة بل و مضحكة في أغلب الأحيان

تحياتي

:blink:

أولا ممتن لاهتمامكم و ذوقكم :blink: :blink: .....

الترجمة الأنجليزية و العربية صحيحة تماما .....

عفوا يا وليد باشا يبدو إن فيه مشكلة عندي في اللنكات ...هي فعلا كانت ل google translate

متفق مع حضرتك تماما يا مصرية متغربة باشا الترجمة الالية من غير مراجعة بشرية ناتجها غير مضمون علي الاطلاق

الجملة " All and all you are just another brick in the wall" من أغنية إسمها The Wall ل Pink Floyd و كانت موجودة أيضا في فيلم يحمل نفس الاسم

تحياتي و احترامي

[د هشام ابراهيم]

كام خاطرة علي السريع ..

- الايام ديه بدايات الخريف و انا أصلا من محبي الخريف و باعتبره أحلي فصل في السنة

لسه باندهش من تحولات الأشجار و النباتات و ألوان ورق الشجر كأني باشوفهم أول مرة ...مافيش حاجة تتقال غير سبحان الله

- ابتديت أحب كندا .... يا راجل و إنت كل ده ما كنتش بتحبها :closedeyes: .....الحقيقة اللي فات كان اعجاب و انبهار و رضا انما الموضوع كبر و شكله أتحول لحب ..... مشكلتي الوحيدة اني حاسس بالذنب ناحية مصر .....حاسس إن مشاعري ناحية كندا ممكن تجور علي مشاعري ناحية مصر ...عايزين الحق أنا فعلا خايف من اجازتي الجاية ديه

- نفسي أشوف اليوم اللي تختفي فيه كل المسكرات و المغيبات و الخمور و المخدرات .....من العالم كله .....و حطوا معاهم كمان السجاير و التدخين بكافة أنواعه ...... فاضل بس أسرد بقية مواصفات يوتوبيا

[عبير يونس]

كام خاطرة علي السريع ..

- الايام ديه بدايات الخريف و انا أصلا من محبي الخريف و باعتبره أحلي فصل في السنة

لسه باندهش من تحولات الأشجار و النباتات و ألوان ورق الشجر كأني باشوفهم أول مرة ...مافيش حاجة تتقال غير سبحان الله

أول مرة ألاقي حد بيحب الخريف زيي

لا الشهادة لله صاحبتي الانتيم برضه زيي بتحب الخريف

بس كل الناس بتستغرب من كده

و كلهم بيقولوا الربيع الربيع

أنا بقى نفسيتي بتبقى صعبة اوي في الربيع

و بتتحسن جدا في الخريف و كنت و لازلت بأموت في شهر نوفمبر بالتحديد

معرفش بحبه ليه بس بأحس أنه أحلى شهور السنة

- ابتديت أحب كندا .... يا راجل و إنت كل ده ما كنتش بتحبها :unsure: .....الحقيقة اللي فات كان اعجاب و انبهار و رضا انما الموضوع كبر و شكله أتحول لحب ..... مشكلتي الوحيدة اني حاسس بالذنب ناحية مصر .....حاسس إن مشاعري ناحية كندا ممكن تجور علي مشاعري ناحية مصر ...عايزين الحق أنا فعلا خايف من اجازتي الجاية ديه

عقبالي يارب لما أعيش الإحساس ده

بس أنا مش حأحس بالذنب و مصر مش حتوحشني

لأني شايلة مصر بحالها جوايا في أي مكان باروحه

- نفسي أشوف اليوم اللي تختفي فيه كل المسكرات و المغيبات و الخمور و المخدرات .....من العالم كله .....و حطوا معاهم كمان السجاير و التدخين بكافة أنواعه ...... فاضل بس أسرد بقية مواصفات يوتوبيا

طب ده حتى التدخين في كندا مقنن

و المدخنين لهم أماكنهم الخاصة على ما سمعت

أما باقي المغيبات دي فمستحيل تختفي

معلش بقى

ماهو الراحة الأبدية مش على الأرض يا سيدي الفاضل

:closedeyes:

[د هشام ابراهيم]

أول مرة ألاقي حد بيحب الخريف زيي

لا الشهادة لله صاحبتي الانتيم برضه زيي بتحب الخريف

بس كل الناس بتستغرب من كده

و كلهم بيقولوا الربيع الربيع

أنا بقى نفسيتي بتبقى صعبة اوي في الربيع

و بتتحسن جدا في الخريف و كنت و لازلت بأموت في شهر نوفمبر بالتحديد

معرفش بحبه ليه بس بأحس أنه أحلى شهور السنة

عقبالي يارب لما أعيش الإحساس ده

بس أنا مش حأحس بالذنب و مصر مش حتوحشني

لأني شايلة مصر بحالها جوايا في أي مكان باروحه

طب ده حتى التدخين في كندا مقنن

و المدخنين لهم أماكنهم الخاصة على ما سمعت :unsure:

أما باقي المغيبات دي فمستحيل تختفي

معلش بقى

ماهو الراحة الأبدية مش على الأرض يا سيدي الفاضل:closedeyes:

سيدتي الفاضلة مصرية متغربة

أنا صراحة ما حبتش الربيع غير لما استقريت في كندا .....حتي لما زرت كام دولة في الربيع قبل ما أجي كندا ما أثرش فيا

حاليا أسوء فصل بالنسبة لي هو الصيف

ربنا يقدم لحضرتك و الأسرة الكريمة الخير كله .....هي فعلا مشاعر صعبة التوفيق ما بين حب الوطن الام و حب بلد المهجر

التدخين في كندا و البلاد اللي بتاكل طحينة كلهم مقنن و محدد إلي أقصي حد لدرجة إنه فاضل بس يمنعوه كلية لولا الملامة ...مع حضرتك حق يمكن يكون الواحد واهم لو تصور إن الدنيا تبقى مثالية في كل حاجة بس من كتر البلاوي اللي الواحد بيشوفها من ورا الخمور و المخدرات و السجاير بيبقى نفسه يختفوا

تحياتي و تقديري يا أفندم

[hazemtara]

كام خاطرة علي السريع ..

- الايام ديه بدايات الخريف و انا أصلا من محبي الخريف و باعتبره أحلي فصل في السنة

لسه باندهش من تحولات الأشجار و النباتات و ألوان ورق الشجر كأني باشوفهم أول مرة ...مافيش حاجة تتقال غير سبحان الله

كلام جميل يا دكترة بس معقول بتحب الخريف أكثر من الربيع ،،أنا معظم الناس الى أعرفهم لا يختلفون على حب الربيع أكثر من أى فصل فى السنة لجمال الطبيعة والأزهار وإنتشار الخُضرة والبهجة فى كل مكان،،أما الخريف فمنظر تساقط الأوراق وتحول النباتات للون الأصفر وإستعداد كثير من الحيوانات الصغيرة والأسماك للدخول فى بيات شتوى بيكون هو دة المنظر الغالب على الخريف.

وبيفكرك دائما بنهاية كل ما هو حى خُصوصاً النباتات الموسمية والتى تنهى دورة حياتها بقدوم الخريف.

ابتديت أحب كندا .... يا راجل و إنت كل ده ما كنتش بتحبها :lol: .....الحقيقة اللي فات كان اعجاب و انبهار و رضا انما الموضوع كبر و شكله أتحول لحب ..... مشكلتي الوحيدة اني حاسس بالذنب ناحية مصر .....حاسس إن مشاعري ناحية كندا ممكن تجور علي مشاعري ناحية مصر ...عايزين الحق أنا فعلا خايف من اجازتي الجاية ديه

هذة هى المشكلة الأبدية للمهاجرين ،،أنة لا يستطيع أن يوفق بين حب وطنة وحب بلد المهجر مهما كانت بلاد المهجر جميلة وهو واخد حقة فيها تالت ومتلت ،،،لكن يبقى حب الوطن الأم لا يُنازعة حب أى مكان أخر.

يعنى يا دكتور هشام أظن وهذا رأى الخاص أن أى مهاجر وحضرتك منهم لو حدث تغير فى وضع كندا من حيث التقدم العلمى والتقنى أو المادى والسياسى ،،،يعنى بال البلدى لو تدحضرت الأمور فى كندا حبتين وأصبح بها شوية صغيرين من الفساد الموجود فى مصر ،،هل هتصبر أنت وأى مهاجر وتصر على البقاء بها؟؟؟؟

أشك طبعاً

- نفسي أشوف اليوم اللي تختفي فيه كل المسكرات و المغيبات و الخمور و المخدرات .....من العالم كله .....و حطوا معاهم كمان السجاير و التدخين بكافة أنواعه ...... فاضل بس أسرد بقية مواصفات يوتوبيا

يا رب يا دكتور هشام كل أشكال وألوان مُذهبات العقول دى،،لكن أظن أن عالم الفضيلة هذا لن يحدث لأن الله خلقنا على هذا الوضع ،،يعنى هذا من نواميس الكون ومن ثوابت الله فى مُلكة وجود الطالح والصالح.

[Falcon Crest]

على فكرة انا مهندس و شغال في اكبر شركة بترول على مستوى العالم و الحمدللة وظيفة Senior و باخد مرتب صعب اخدة في كندا كمان في الأول بس انا واثق انها حتبقى بلدي بجد و بعدين حتى لو مش بلدي هو يعني قاعد في بلدي قوي ماهيا بردو مش بلدي

انتو عارفين والله العظيم انا الضرائب الي بتتاخد مني كل شهر قد مرتب 2 ضباط

شوف بقى لمل اروح المرور عشان ادفع بردو المعاملة بتبقى عاملة ازاي و لو ظابط تاني جي بردو بيقبض مرتبة من الضرايب الي بدفعها حيتعمل معاه اية

طيب اقولوكو حاجة تانية اهو على الي الواحد فية داة انا لو الناس كانت مش بتكعبليني بردو عشان مليش واسطة كان زماني حاجة تانية خالص

عموما يعني

اقرو الكتاب و اعرفوا ان من رحمة ربنا بينا ان لسه في مابنا ناس عندها حل انها تسيب البلد

عشان لو ماكنش في حل و كانت مصر مقفولة على الكل كان زمان بلدنا دي ولعت

احنا كده زمل يا هندسه انا كمان مهندس في شركه من اكبر شركات العالم و انترناشونال ستاف كمان و كنت راضي بالبلد بس الفتره الاحيره الامور زادت عن حدها اوي و بقيت مش مستحمل اي حاجه

بس للاسف المدام عندي قلاقنه من الهجره بل مرعوبه و علي ذلك مستمرين في المحروسه الي ان يقدر الله امرا كان مفعولا

تجياتي ليك

و تحياتي للدكتور هشام و دعوات كتير جدا بالتفوق و النجاح

[د هشام ابراهيم]

دكتورنا العزيز حازم ...أكيد الربيع فصل جميل ...بالذات بره مصر بس الخريف جماله من نوع تاني مش مجرد جمال مرئي ..... جمال روحاني و مش عايز أقول صوفي .....منظر السماء الرمادية و السحب المتدرجة في درجات اللون و من وراها الشمس متغطية كانها بستارة ......لسعة برد خفيفة في الجو و شوية مطر ....ضيف علي ده اوراق الشجر و هي بتغير لونها و طوفان درجات من الأخضر و الأصفر و الأحمر و البرتقالي تنتاغم مع الصورة كلها ....

إيه رايك بقي :lol:

فالكون كريست باشا نورت التوبيك يا أفندم و أبادل تحيتك و دعواتك الطيبة بمثلها :blink:

[hazemtara]

دكتورنا العزيز حازم ...أكيد الربيع فصل جميل ...بالذات بره مصر بس الخريف جماله من نوع تاني مش مجرد جمال مرئي ..... جمال روحاني و مش عايز أقول صوفي .....منظر السماء الرمادية و السحب المتدرجة في درجات اللون و من وراها الشمس متغطية كانها بستارة ......لسعة برد خفيفة في الجو و شوية مطر ....ضيف علي ده اوراق الشجر و هي بتغير لونها و طوفان درجات من الأخضر و الأصفر و الأحمر و البرتقالي تنتاغم مع الصورة كلها ....

إيه رايك بقي wst::

فالكون كريست باشا نورت التوبيك يا أفندم و أبادل تحيتك و دعواتك الطيبة بمثلها :blink:

كلام رائع وجميل ،من الواضح أنة أى شيئ فى كندا يكسب حتى الخريف منظرة أكثر من رائع ،،،بعد ما شوفت حبة الصور الى منزلهم التهامى اليوم حسيت أد إية إحنا مش عايشين لا فى مصر ولا فى الخليج :lol: .

تحياتى يا دكتور هشام

[bent misr]

د / هشام كلامك جميل جدا wst::

بجد انت بتوصف الخريف و هو فعلا من أجمل فصول

السنه ( بس ده لو كان خريف بجد ) و خليت الواحد

يحس انه شايفه معاك هناك في كندا :sad:

بجد الخواطر بتاعتك جميله جدا و معبره و أنا حاسه

بيك أوي لما شعورك خانك في هذه اللحظات الساحره

و عملت مقارنه بين كندا و مصر :sad: بس ما تلومش

نفسك خالص ( بتحصل في أحسن العائلات ) جمله كنا بنقولها

أيام الكليه :D

متابعين يا فندم بكل شوق بس ياريت صورتين حلوين كده

للخريف بالحجم الطبيعي زي اللي منزلهم تهامي في التوبيك

بتاعه :lol:

[SoSo R]

لسعة برد خفيفة في الجو و شوية مطر

معلهش ...معلهش

أنا كنت معدية من هنا ...و استوقفتنى هذه الكلمات

خير اللهم اجعله خير....برد خفيف...ياراااجل

و شوية مطر

واللى حصل إمبارح دة كان تحت بند شوية ....

اللى أنا فيها بلد تانية :sad:

واضح الثيرموستات عندى بايظ أو عندك و عند تهامى باااااااااااااااااااااايظ

حرااام عليكم بأه wst::

تحياتى

سوسورانى