قصتي مع كندا

[Mercedes]

السلام عليكم يا دكتور هشام يا غالى

أخبارك ايه يا باشا , احنا مش متعودين منك على الغيبة الطويلة دى , لعل المانع يكون خير ان شاء الله

اصل انا لما دخلت لقيت التوبيك الممتاز ده اتحدف للصفحة التانية فى الباب بتاع هجرة كندا و بصراحة أنا متعود أن التوبيك دة دايما فى مقدمة الصفحة الأولى , فقلت أدخل و اتلكك على اى حاجة و أعمل مداخلة refresh هنا عشان يرجع تانى فى الصفحة الأولى ,

و احنا عاوزين نعرف أخبارك و نقرأ مداخلاتك و نطمن عليك و ر بنا يقدم لك مافيه الخير .

بالنسبة للعربية الكرايسلر ليبارون , أنا كنت شوفت واحدة بس هنا فى مصر لونها شامبين, بس حالتها ماكانتشى لقطة أوي و بصراحةمافكرتش أسأل صاحبها عن السعر أو ان كات بينيعها ولا لأ , لحسن يكون ماهيصدق أنه لقى زبون , يقوم يمسك فى .

ربنا يطمنا عليك و يكرمك ان شالله

أخوك مرسيدس ( S 430 )

[د هشام ابراهيم]

كلام رائع وجميل ،من الواضح أنة أى شيئ فى كندا يكسب حتى الخريف منظرة أكثر من رائع ،،،بعد ما شوفت حبة الصور الى منزلهم التهامى اليوم حسيت أد إية إحنا مش عايشين لا فى مصر ولا فى الخليج :rolleyes: .

تحياتى يا دكتور هشام

الله يخليك يا دكتورنا الفاضل ....الحقيقة كتير الصور ما بتنقلش الجمال كله ...حتي لو بالحجم الطبيعي :happy: و توب أوف ذا لاين كاميرا و مصور محترف فنان زي كابتن تي

[د هشام ابراهيم]

د / هشام كلامك جميل جدا :rolleyes:

بجد انت بتوصف الخريف و هو فعلا من أجمل فصول

السنه ( بس ده لو كان خريف بجد ) و خليت الواحد

يحس انه شايفه معاك هناك في كندا smk:

بجد الخواطر بتاعتك جميله جدا و معبره و أنا حاسه

بيك أوي لما شعورك خانك في هذه اللحظات الساحره

و عملت مقارنه بين كندا و مصر :happy: بس ما تلومش

نفسك خالص ( بتحصل في أحسن العائلات ) جمله كنا بنقولها

أيام الكليه :lol:

متابعين يا فندم بكل شوق بس ياريت صورتين حلوين كده

للخريف بالحجم الطبيعي زي اللي منزلهم تهامي في التوبيك

بتاعه wst::

الحقيقة أنا حبي للخريف ابتدي من مصر ....خريف الاسكندرية تحديدا و أقل منه سنة خريف القاهرة ......بس الحقيقة جمال الخريف بره مصر أكتر ..... باريس لا يعلي عليها ... شيزوكا في اليابان القريبة جدا من جبل فوجي الشهير ....و أكيد منطقة نياجارا حاليا دول أكتر ٣ أماكن رحتهم أو عشت فيهم وقت الخريف و اعجبت بيهم

بالنسبة للصور بقي فيا باشا أنا غلبان و ماليش في الحرفيات العالية ديه زي ما قلت قبل كده منهجي في التصوير كالاتي : أمسك أي كاميرا متوفرة .... وجهها للمنظر المطلوب ...و خد الصورة و زي ما تتطلع .... ايزو و شاتر سبيد و بتاع بقي ما ليش فيه :hi:

[د هشام ابراهيم]

معلهش ...معلهش

أنا كنت معدية من هنا ...و استوقفتنى هذه الكلمات

خير اللهم اجعله خير....برد خفيف...ياراااجل

و شوية مطر

واللى حصل إمبارح دة كان تحت بند شوية ....

اللى أنا فيها بلد تانية :happy:

واضح الثيرموستات عندى بايظ أو عندك و عند تهامى باااااااااااااااااااااايظ

حرااام عليكم بأه :rolleyes:

تحياتى

سوسورانى

الحقيقة هو المشكلة في ترموستاتك يا دكترة ...مش بايظ و لا حاجة بس محتاج ريسيتنج علي كندا .....بعد أول شتا حافكرك لما حتقولي يا سلام الدنيا بقيت دفا و الحرارة بقت صفر و الحمد لله

بعدين سعادتك سايبة العربية و ماشية من غير لا شمسية و لا أي هدوم واتر بروف و مش عايزة تغرقي من المطر ....طب ازاي ؟ :lol:

[د هشام ابراهيم]

السلام عليكم يا دكتور هشام يا غالى

أخبارك ايه يا باشا , احنا مش متعودين منك على الغيبة الطويلة دى , لعل المانع يكون خير ان شاء الله

اصل انا لما دخلت لقيت التوبيك الممتاز ده اتحدف للصفحة التانية فى الباب بتاع هجرة كندا و بصراحة أنا متعود أن التوبيك دة دايما فى مقدمة الصفحة الأولى , فقلت أدخل و اتلكك على اى حاجة و أعمل مداخلة refresh هنا عشان يرجع تانى فى الصفحة الأولى ,

و احنا عاوزين نعرف أخبارك و نقرأ مداخلاتك و نطمن عليك و ر بنا يقدم لك مافيه الخير .

بالنسبة للعربية الكرايسلر ليبارون , أنا كنت شوفت واحدة بس هنا فى مصر لونها شامبين, بس حالتها ماكانتشى لقطة أوي و بصراحةمافكرتش أسأل صاحبها عن السعر أو ان كات بينيعها ولا لأ , لحسن يكون ماهيصدق أنه لقى زبون , يقوم يمسك فى .

ربنا يطمنا عليك و يكرمك ان شالله

أخوك مرسيدس ( S 430 )

أصيل يا صديقي العزيز ...هو ده العشم برضه ده سعادتك مش S430 ده كده S600 AMG

امتناني و تقديري يا باشا :rolleyes:

[Mercedes]

السلام عليكم و رحمة الله و بركاته

يا باشا ربنا يكرمك و يكرم أصلك , شوف يا باشا , ولاد الأصول طول عمرهم ولاد اصول

ألا فى صحيح عربية مرسيدس اس كلاس موتورها أكبر من AMG 600 S اللى موتورها 6000 CC , التانية اللى بقولك عليها دى موتورها 10000 (عشرة الاف ) CC , رمزهها S 000

أنا بسأل بس على أساس أن سيادتك بتحب السيارات اللى قوة مواتيرها جبارة

و ربنا يديم المعروف يا باشا

أخوك مرسيدس

[د هشام ابراهيم]

و عليكم السلام و رحمة الله و بركاته ..... أكدب عليك يا باشا لو قلتلك اني أعرف الصاروخ الأرضي اللي بتقول عليه ده ....أنا كل اللي أعرفه إن فيه ناس مجانين غاويين تعديلات علي العربيات بيوصلوا لهورس باور عالي جدا ..أكتر من كده منكم نستفيد يا أفندم :lol: :sad:

[hazemtara]

و عليكم السلام و رحمة الله و بركاته ..... أكدب عليك يا باشا لو قلتلك اني أعرف الصاروخ الأرضي اللي بتقول عليه ده ....أنا كل اللي أعرفه إن فيه ناس مجانين غاويين تعديلات علي العربيات بيوصلوا لهورس باور عالي جدا ..أكتر من كده منكم نستفيد يا أفندم wst::

الموضوع بيحصل كتير جداً فى الإمارات بكثرة حيث توجد وِرش كثيرة لتعديل كُل حاجة فى العربية من حيث الشكل والتصميم من الداخل والخارج والكهرباء والإنارة وكذلك المحرك من حيث التحكم فى عدد دورات المحرك والسى سى وكُل ما تتخيلة لدرجة إنك لو شُفت العربية قبل وبعد ما تخرج من الورشة صعب جداً تعرفها،،والظريف كمان أنة الهوس دة لة زى مهرجان بيستعرضوا فية هذا الهوس وهذة التعديلات الخُرافية ،،،،لدرجة إنك ممكن عربية مرسيدس تلاقيها معدتش موجود منها غير العلامة وبس.

وعجبى على الدماغ الفاضى والرايق wst::

[newcomer]

بعد ما شفت كام حلقة من برنامج " خواطر" لأحمد الشقيرى

كانت بتعرض فى رمضان فى اكتر من قناة

و مصورة فى اليابان

لو حضرتك ما شفتش الحلقات.....هى عبارة عن خواطر

او مقارنات بين الأخلاق و "التدين الفعلى" فى اليابان و العالم العربى

افتكرت كلام و ملاحظات حضرتك عن اليابان و قلت

بجد الله يكون فى العون يا دكتور

اكيد الصدمة الحضارية كانت جامدة

ده حقيقى شىء لا يصدقه عقل.......(وش شويكار )wst::

ايه الادب و الاخلاق و الضمير و التفانى.......و.....و......ايه ده؟؟؟

.عموما.....ننتهز هذه الفرصة و نطالب سيادتكم بتوبيك جديد

"يوميات نائب فى اليابان"

فى انتظار حكاوى سعادتك بالنكهه المصرية

[د هشام ابراهيم]

الموضوع بيحصل كتير جداً فى الإمارات بكثرة حيث توجد وِرش كثيرة لتعديل كُل حاجة فى العربية من حيث الشكل والتصميم من الداخل والخارج والكهرباء والإنارة وكذلك المحرك من حيث التحكم فى عدد دورات المحرك والسى سى وكُل ما تتخيلة لدرجة إنك لو شُفت العربية قبل وبعد ما تخرج من الورشة صعب جداً تعرفها،،والظريف كمان أنة الهوس دة لة زى مهرجان بيستعرضوا فية هذا الهوس وهذة التعديلات الخُرافية ،،،،لدرجة إنك ممكن عربية مرسيدس تلاقيها معدتش موجود منها غير العلامة وبس.

وعجبى على الدماغ الفاضى والرايق :D

في أمريكا -و كندا بصورة أقل- الموضوع موجود و فيه برضه شركات و ورش متخصصة فيه ...ده فيه برامج تليفزيونية متخصصة في الموضوع ده كمان ....يجيبوا العربية من الأول خالص و بعدين مراحل التعديل كلها ... الجديد بقي إن الحمي ديه وصلت مصر و فيه "cult" أصلا لتعديل العربيات مش مجرد هواية يعني

[د هشام ابراهيم]

بعد ما شفت كام حلقة من برنامج " خواطر" لأحمد الشقيرى

كانت بتعرض فى رمضان فى اكتر من قناة

و مصورة فى اليابان

لو حضرتك ما شفتش الحلقات.....هى عبارة عن خواطر

او مقارنات بين الأخلاق و "التدين الفعلى" فى اليابان و العالم العربى

افتكرت كلام و ملاحظات حضرتك عن اليابان و قلت

بجد الله يكون فى العون يا دكتور

اكيد الصدمة الحضارية كانت جامدة

ده حقيقى شىء لا يصدقه عقل.......(وش شويكار ):lol:

ايه الادب و الاخلاق و الضمير و التفانى.......و.....و......ايه ده؟؟؟

.عموما.....ننتهز هذه الفرصة و نطالب سيادتكم بتوبيك جديد

"يوميات نائب فى اليابان"

فى انتظار حكاوى سعادتك بالنكهه المصرية :D

سعادة المدير العام و المتابع الأكرم ...أولا عودا حميدا يا سيدتي الفاضلة و فعلا صفحات المنتدي كلها أفتقدت مشاركاتك القيمة ...خير مثال للوسطية و الاعتدال و العقلانية ...جزاك الله كل خير يا باشا

قهوة جديدة ...... امم نفكر فيها يا باشا .....هي الصراحة اليابان تستاهل و الصدمة كانت جامدة ما فيش كلام ....المشكلة انهم ما لهمش دعوة بحد ...يعني لا شرقيين و لا غربيين و لا أسيويين ...صنف فريد من البشر

أكثر ما أذهلني أن أخلاقهم السوبر بشرية مش نابعة من دين ... دينهم بسيط لدرجة مخجلة ...... ما تقدريش ما تقارنيش مع ناس أصحاب دين غاية في الرقي و العمق و تصرفاتهم هي اللي مخجلة

تحياتي و تقديري و احترامي :lol:

[newcomer]

سعادة المدير العام و المتابع الأكرم ...أولا عودا حميدا يا سيدتي الفاضلة و فعلا صفحات المنتدي كلها أفتقدت مشاركاتك القيمة ...خير مثال للوسطية و الاعتدال و العقلانية ...جزاك الله كل خير يا باشا

:lol: :lol: :) :wub: mfb:

يا خبر يا دكتور ....speechless

و لك بمثل ما دعوت لى و اكثر......امين

قهوة جديدة ...... امم نفكر فيها يا باشا .....هي الصراحة اليابان تستاهل و الصدمة كانت جامدة ما فيش كلام ....المشكلة انهم ما لهمش دعوة بحد ...يعني لا شرقيين و لا غربيين و لا أسيويين ...صنف فريد من البشر

ده بالظبط اللى كان بيقوله مقدم البرنامج

" كوكب اليابان" !!!!!!!!!!!!!!!!

أكثر ما أذهلني أن أخلاقهم السوبر بشرية مش نابعة من دين ... دينهم بسيط لدرجة مخجلة ...... ما تقدريش ما تقارنيش مع ناس أصحاب دين غاية في الرقي و العمق و تصرفاتهم هي اللي مخجلة

استعير كلام حضرتك.....و اقول : فى الجون !!

وصف مختصر و دقيق .....للاسف للخجل!!

بس خلينا نفكر يا دكتور هم اصحاب الدين العظيم دول فاهمين دينهم بجد؟؟؟؟

و لا للاسف كتير منهم وارثينه بدون تقدير للنعمة اللى عندهم؟؟

بس ان شاء الله اكيد فى تغيير هايحصل

و ساعتها هنكون مسلمين صح سلوك و مظهر

و هنكون زى ما ربنا وصف امة المسلمين ....

‏{‏كنتم خير أمةٍ أخرجت للناس تأمرون بالمعروف وتنهون عن المنكر‏}

انا مش عارفة موقع البرنامج....بس فيه جروب على الفيس بوك

محمل ال28 حلقة

http://www.facebook.com/home.php#/group.php?gid=142771501357

ياريت لما تقدر حضرتك تشوفهم ....تعقب لنا عليهم

:D

باشكر حضرتك تانى على حسن ظنك بى

[somayasaleh]

دكتورنا العزيز حازم ...أكيد الربيع فصل جميل ...بالذات بره مصر بس الخريف جماله من نوع تاني مش مجرد جمال مرئي ..... جمال روحاني و مش عايز أقول صوفي .....منظر السماء الرمادية و السحب المتدرجة في درجات اللون و من وراها الشمس متغطية كانها بستارة ......لسعة برد خفيفة في الجو و شوية مطر ....ضيف علي ده اوراق الشجر و هي بتغير لونها و طوفان درجات من الأخضر و الأصفر و الأحمر و البرتقالي تنتاغم مع الصورة كلها ....

إيه رايك بقي :lol:

فالكون كريست باشا نورت التوبيك يا أفندم و أبادل تحيتك و دعواتك الطيبة بمثلها :wub:

دكتور هشام......ما شاء الله علي حضرتك....ايه الشعر ده كله :P

بصراحة مش لاقية كلام اوصف به حضرتك......ذوق،،، اخلاق....ثقافة.....ضمير حي......حب مساعدة الاخرين....احساس مرهف......بسم الله ما شاء الله عليك

تصوير ولا اروع من كده.....انا برضه من عشاق الخريف جدا لدرجة مرضية :P ... وبقعد بالساعات اتامل في السماء والسحب والاشجار والمطر في سعادة بالغة.......

بصراحة يا دكتور انا متابعة جيدة جدا لكل توبيكاتك....بس مش بحب ادخل واقول اي كلام مالهوش لازمة ...علشان الموضوع الاساسي ما يتوهش.....

.بس مقدرتش امسك نفسي عن الكتابة لما قريت وصف حضرتك المرهف للخريف،،،، ولقتني بفتكر اغنية علي الحجار لما الشتا يدق البييبان......

http://www.youtube.com/watch?v=I8LtvXqgPvY

[icehearted girl]

السلام عليكوووووووووووووووووووووووووووووووووووو

د.هشام ازي حضرتك

احدثك من وراء الجدار الفاصل من الكتب فوق مكتبي

وحشني جدا اني اقرا ur life details daily

بس تتعوض لما اخلص

اهئ اهئ

المفروض حضرتك تسيبك من كندا والكلام دا وتيجي تذاكرلي شوية ^_^

[د هشام ابراهيم]

بس خلينا نفكر يا دكتور هم اصحاب الدين العظيم دول فاهمين دينهم بجد؟؟؟؟

و لا للاسف كتير منهم وارثينه بدون تقدير للنعمة اللى عندهم؟؟

بس ان شاء الله اكيد فى تغيير هايحصل

و ساعتها هنكون مسلمين صح سلوك و مظهر

و هنكون زى ما ربنا وصف امة المسلمين ....

‏{‏كنتم خير أمةٍ أخرجت للناس تأمرون بالمعروف وتنهون عن المنكر‏}

انا مش عارفة موقع البرنامج....بس فيه جروب على الفيس بوك

محمل ال28 حلقة

http://www.facebook.com/home.php#/group.php?gid=142771501357

ياريت لما تقدر حضرتك تشوفهم ....تعقب لنا عليهم

باشكر حضرتك تانى على حسن ظنك بى bv:-

يا أفندم العفو

معاكي حق في نقطة إننا أكيد ما نعرفش ديننا كويس و علشان ما حدش يزعل نقول نسبة كبيرة منا مش الكل .....بس المشكلة - زي ما قلت قبل كده - أكبر خطر علي الاسلام بقي من جواه من المتأسلمين اللي واخدين الدين قشور سطحية و تفكير ضحل و مفرغينه من قيمه السامية و فكره العميق ....للاسف الشديد

باذن الله أشوف الحلقات علي الرابط و لو ربنا أراد أحاول اعقب عليها

جزيل الشكر و الامتنان يا سعادة المدير العام

[د هشام ابراهيم]

دكتور هشام......ما شاء الله علي حضرتك....ايه الشعر ده كله bv:-

بصراحة مش لاقية كلام اوصف به حضرتك......ذوق،،، اخلاق....ثقافة.....ضمير حي......حب مساعدة الاخرين....احساس مرهف......بسم الله ما شاء الله عليك

تصوير ولا اروع من كده.....انا برضه من عشاق الخريف جدا لدرجة مرضية :wub: ... وبقعد بالساعات اتامل في السماء والسحب والاشجار والمطر في سعادة بالغة.......

بصراحة يا دكتور انا متابعة جيدة جدا لكل توبيكاتك....بس مش بحب ادخل واقول اي كلام مالهوش لازمة ...علشان الموضوع الاساسي ما يتوهش.....

.بس مقدرتش امسك نفسي عن الكتابة لما قريت وصف حضرتك المرهف للخريف،،،، ولقتني بفتكر اغنية علي الحجار لما الشتا يدق البييبان......

http://www.youtube.com/watch?v=I8LtvXqgPvY

أخجلتم تواضعنا يا باشمهندس .....بس كده أنا مفروض اعتزل الكتابة في المنتدي بقي .....quit when you are at the top يعني ......

بس بجد أنا مدين لحضرتك و لجميع الاعضاء المتابعين بكرم أخلاقكم و كلماتكم الطيبة في حق شخصي الضعيف

من وصف حضرتك أكيد حتنبسطي في كندا باذن الرحمن ..... من أقوي النقط الأيجابية لكندا الطبيعة الساحرة

من أحلي أغاني الحجار فعلا .....اختيار موفق يا سيدتي الفاضلة

[د هشام ابراهيم]

السلام عليكوووووووووووووووووووووووووووووووووووو

د.هشام ازي حضرتك

احدثك من وراء الجدار الفاصل من الكتب فوق مكتبي

وحشني جدا اني اقرا ur life details daily

بس تتعوض لما اخلص

اهئ اهئ

المفروض حضرتك تسيبك من كندا والكلام دا وتيجي تذاكرلي شوية ^_^

هو أمتحان البكالوريوس لسه في ديسمبر ؟

عارفة يا دوك ليلة أمتحان الباطنة الورقة الاولي الجدار المكتبي ده بيمتد ليشمل تلال و جبال حوالين المكتب كمان .....ليلة في العمر لا تنسي ...... باذن الله ربنا يخففها عليكي و بالنجاح و التوفيق يا أفندم

متابعة حضرتك تشرفني يا باشا و إن شاء الله تخلصي الامتحانات علي خير و تنالي كل ما تتمنين bv:-

[Shehab]

دكتورنا العزيز ...أخبارك أيه ؟؟...يارب تكون بخير

معلش هاتعبك معايا....ترجع عجلة ورا...قصدى صفحة ورا لحد المشاركة ديه :blink:

ابتديت أحب كندا .... يا راجل و إنت كل ده ما كنتش بتحبها .....الحقيقة اللي فات كان اعجاب و انبهار و رضا انما الموضوع كبر و شكله أتحول لحب ..... مشكلتي الوحيدة اني حاسس بالذنب ناحية مصر .....حاسس إن مشاعري ناحية كندا ممكن تجور علي مشاعري ناحية مصر ...عايزين الحق أنا فعلا خايف من اجازتي الجاية ديه

ليه الأحساس بالذنب؟؟علشان حسيت ان حب كنكا ممكن يجور ع حب المهروسة؟؟

و لا لسبب آخر ؟؟....معلش أنا عارف أن انا سئيل بس أستحملنى شوية!!

و بعدين أيه النظام أحنا فى نص أكتوبر أهوه و مشوفنكاش لحد دلوقتى ؟؟

غيرت رأيك و لا أيه؟؟؟....عموماً لو غيرته يبقى أحسن....أنت عارف رأيى فى الموضوع من زمان!!!

[د هشام ابراهيم]

صديقي العزيز .....عارف لما البطل في الأفلام الامريكاني يرد و يقول "it's complicated" كرد علي استفسار بخصوص العلاقات الشخصية بين الأفراد ....أهو ده بالظبط ردي علي علاقتي بمصر ..... أنا مصري الهوية و الأصل و ده مش حيتغير مهما حصل ...... حتي لو ربنا أراد و استمريت في كندا و جبت أولاد و أحفاد برضه حيفضلوا مصريين كذا جيل إلي ما شاء الله لحد ما يدوبوا تماما في بلاد الغربة لو ربنا أراد و ممكن قوي عمرهم ما يدوبوا و يفضلوا كنديين مصريين

يبقى كوني مصري ده مش اختيار و مصير قدري حتمي شئت أم أبيت ..... زيد بقي علي كده إن مصر تتحب ....و ما تحبهاش ليها و هي ما هي ...... مش حاغني بقي و أقول أسطوانات و اكليشيهات بس بجد بلد ما فيش و لا حيبقى زيها

نيجي بقي للمشكلة .....عصر الاضمحلال اللي احنا غارزين فيه ده و اللي يتحمل مسئوليته كاملة الشعب المصري كله يعني أنا و سعادتك و بقية أعضاء المنتدي من المصريين في الداخل و الخارج و كل فرد من أفراد الشعب المصري ..... احنا المصريين السبب في اللي احنا فيه لا حكومة و لا رئيس و لا غيره ...احنا

أنا شخصيا ما عنديش استعداد أعمل أي حاجة لاخراج مصر من عصر الاضمحلال ده ....مش لاني ما حاولتش ....لا حاولت و فشلت فشل ذريع و بعت القضية كلها و هاجرت و الحكاية ديه معلمة في ضميري ....عندي احساس بالذنب ناحية النقطة ديه و ادراك اني مسئول بصورة أو باخري عن حالة البلد ...إن شاء الله ١/ ٨٠ مليون .....برضه مسئول

لما سعادتك بقي تيجي بلد زاي كندا و تلاقي البلد اللي مش منتمي ليها بأي حاجة بتعاملك أحسن من بلدك و أهلها بيعاملوك أحسن من أهلك مش حتقدر تقاوم أحاسيس حب و انتماء للبلد الجديدة و الأحاسيس ديه حتبتدي تاخد مساحة كانت محجوزة في قلبك لبلدك الأصلية و تزود الضغط علي ضميرك الغارق أصلا في احساسه بالذنب

معلهش دوشتك بس ده اللي جوايا و سعادتك اللي سألت :blush2: ...... أنا نازل السبت الجاي باذن الله يا باشا

[newcomer]

..... أنا مصري الهوية و الأصل و ده مش حيتغير مهما حصل ...... حتي لو ربنا أراد و استمريت في كندا و جبت أولاد و أحفاد برضه حيفضلوا مصريين كذا جيل إلي ما شاء الله لحد ما يدوبوا تماما في بلاد الغربة لو ربنا أراد و ممكن قوي عمرهم ما يدوبوا و يفضلوا كنديين مصريين

يبقى كوني مصري ده مش اختيار و مصير قدري حتمي شئت أم أبيت ..... زيد بقي علي كده إن مصر تتحب ....و ما تحبهاش ليها و هي ما هي ...... :blink:

:blush2: