قصتي مع كندا

[Shehab]

هو ده برده اللى توقعته....يا دكتورنا ....الاحساس بالذنب ناشىء عن شعور بالتقصير ناحية

البلد و أنك شايف انك كان ليك دور و لو بسيط مفروض تشارك بيه بشكل أو باخر فى أخراجها

من الانحدار اللى ماشية فيه....بس يظل الجانب الأخر للمشكلة أنك بتحاول و للأسف شايف

أنك بتحرت فى البحر!!!! وأنه مافيش فايدة.....و بالتالى أخلع باللى فاضلى اقبل ما العملية تتدهور اكتر من كده!!

و ساعات الموضوع..بيقلب بتلاقى نفسك عايز تهرب ....لأنك من كتر معايشتك للمنظومة اللى حوليك هاتتحول!!

مش لازم يكون تحول كامل ....ممكن يكون جزءى...بس برده مش هاينفع ..

ما أنت ماكنتش بتحارب الحاجات ديه فى اللى حوليك عشان ترجع دلوقتى تعملها!!

و بعدين التحول ده هيتم غصب عنك فى محاولة منك لمعايشة و التكيف مع ما حولك!!

لأنك لو ما تحولتش ما فيش غير أنك يا تفقد الاحساس ....يا تجنن!!!

و تظل المعضلة قائمة.....أستنى و أحاول و أعمل الى عليه عشان ما اكنش مقصر...

( من منطلق من مافيش تغيير بيجى بالساهل....و أن لو كله هرب مين اللى هيشيل اليلة)

ولا الحق نفسى و أخلع قبل ما يجرى لى حاجة(من منطلق ان اللى بعمله مابيجبش و لا هايجيب نتيجة) ؟؟؟؟

أرجو انى اكون قدرت اوصلك اللى بقوله

معلش يا دكترة طولت عليك بس فعلاً الموضوع ده محيرنى من زمان و مش قادر اوصل لأجابة أقتنع بيها

بس بصراحة ان عن نفسى شايف لو جت لى فرصة مناسبة هاروح للحل التانى.

تحياتى ليك يا باشا......و أتمنى أشوفك لما توصل بالسلامة :blush2:

تم تعديل 20 أكتوبر 2009 بواسطة Shehab

[د هشام ابراهيم]

هو ده بالظبط اللي باقوله يا صديقي العزيز سعادتك أكنك بتتكلم نيابة عني ...و عن ناس كتير برضه في نفس الحالة ديه ...

مش باقولك "it's complicated " :)

[د هشام ابراهيم]

..... أنا مصري الهوية و الأصل و ده مش حيتغير مهما حصل ...... حتي لو ربنا أراد و استمريت في كندا و جبت أولاد و أحفاد برضه حيفضلوا مصريين كذا جيل إلي ما شاء الله لحد ما يدوبوا تماما في بلاد الغربة لو ربنا أراد و ممكن قوي عمرهم ما يدوبوا و يفضلوا كنديين مصريين

يبقى كوني مصري ده مش اختيار و مصير قدري حتمي شئت أم أبيت ..... زيد بقي علي كده إن مصر تتحب ....و ما تحبهاش ليها و هي ما هي ...... :wub:

clp:: :egyflag: :)

يا أفندم الله يخلي حضرتك ...بس هي الأفعال لا الأقوال .....اللي حضرتك بتعمليه مع أولادك أقيم كتير من كلمتين يتقالوا أو يتكتبوا ..... يخلوا الأمل موجود ....يوما ما

[newcomer]

...بس هي الأفعال لا الأقوال .....اللي حضرتك بتعمليه مع أولادك أقيم كتير من كلمتين يتقالوا أو يتكتبوا ..... يخلوا الأمل موجود ....يوما ما

لا يا دكتور هختلف مع حضرتك

الافعال + الاقوال .....انطلاقا من " الكلمة الطيبة صدقة"

لما بقرأ او بسمع كلام زى اللى حضرتك بتقوله

بيدينى دفعه للى هاعمله و باعمله لولادى

مش باحس انى لوحدى....او انى لازم اقول الكلام ده فى السر

ساعات لما بسمع كلام عكس اللى حضرتك بتقوله

( بالرغم انه مش هيغير قناعاتى و لا افكارى)

بيكأبنى و يحسسنى انه لو انا مش موجودة فى الدنيا

ولادى مش هيسمعوا الكلام ده تانى....

او يمكن يفكروا ان احنا - انا و بابهم - اللى مش طبيعيين

....يا دكتور هشام....ده انا من كام يوم كنت بتناقش مع حد

و فى الاخر قلت كلمتين شبه اللى حضرتك قلتهم ....

كان الرد - و كان بيحاول يكون فى منتهى التهذيب-.....

معلش...اصل حضرتك وطنية حبتين و شايفه الدنيا من زاويه مختلفة !!!!"

و كأنى جايه من كوكب تانى :)

حضرتك عرفت ليه مبسوطه؟؟!! علشان بلاقى ناس من نفس كوكبى

[د هشام ابراهيم]

سعادة المدير العام و المتابع الأكرم .....حتي في ديه برضه حضرتك سباقة .. ما شاء الله يعني :) ...أنا بطلت أناقش خلاص .....أسوأ مرحلة هي مرحلة " ما فيش فايدة "

[newcomer]

...... أنا نازل السبت الجاي باذن الله :)

تروح و تيجى بألف سلامة يا دكتور

إن شاء الله اجازة سعيدة لحضرتك و للدكتورة

و اكيد هيبقى الوقت ضيق ان حضرتك تشارك فى المحاورات

معلش ...مش هنسجل غياب

بس لما حضرتك ترجع بالسلامة....تبقى تعوض الغياب!!

[safaalabana]

صديقي العزيز .....عارف لما البطل في الأفلام الامريكاني يرد و يقول "it's complicated" كرد علي استفسار بخصوص العلاقات الشخصية بين الأفراد ....أهو ده بالظبط ردي علي علاقتي بمصر ..... أنا مصري الهوية و الأصل و ده مش حيتغير مهما حصل ...... حتي لو ربنا أراد و استمريت في كندا و جبت أولاد و أحفاد برضه حيفضلوا مصريين كذا جيل إلي ما شاء الله لحد ما يدوبوا تماما في بلاد الغربة لو ربنا أراد و ممكن قوي عمرهم ما يدوبوا و يفضلوا كنديين مصريين

يبقى كوني مصري ده مش اختيار و مصير قدري حتمي شئت أم أبيت ..... زيد بقي علي كده إن مصر تتحب ....و ما تحبهاش ليها و هي ما هي ...... مش حاغني بقي و أقول أسطوانات و اكليشيهات بس بجد بلد ما فيش و لا حيبقى زيها

نيجي بقي للمشكلة .....عصر الاضمحلال اللي احنا غارزين فيه ده و اللي يتحمل مسئوليته كاملة الشعب المصري كله يعني أنا و سعادتك و بقية أعضاء المنتدي من المصريين في الداخل و الخارج و كل فرد من أفراد الشعب المصري ..... احنا المصريين السبب في اللي احنا فيه لا حكومة و لا رئيس و لا غيره ...احنا

أنا شخصيا ما عنديش استعداد أعمل أي حاجة لاخراج مصر من عصر الاضمحلال ده ....مش لاني ما حاولتش ....لا حاولت و فشلت فشل ذريع و بعت القضية كلها و هاجرت و الحكاية ديه معلمة في ضميري ....عندي احساس بالذنب ناحية النقطة ديه و ادراك اني مسئول بصورة أو باخري عن حالة البلد ...إن شاء الله 1/ 80 مليون .....برضه مسئول

لما سعادتك بقي تيجي بلد زاي كندا و تلاقي البلد اللي مش منتمي ليها بأي حاجة بتعاملك أحسن من بلدك و أهلها بيعاملوك أحسن من أهلك مش حتقدر تقاوم أحاسيس حب و انتماء للبلد الجديدة و الأحاسيس ديه حتبتدي تاخد مساحة كانت محجوزة في قلبك لبلدك الأصلية و تزود الضغط علي ضميرك الغارق أصلا في احساسه بالذنب

معلهش دوشتك بس ده اللي جوايا و سعادتك اللي سألت :) ...... أنا نازل السبت الجاي باذن الله يا باشا :egyflag:

بروفيسور هشام ....كلام منطقى ولكن به. الكثير من جلد النفس والدات ...

لكن مادا نستطيع ان نفعل امام هدا الطوفان من الفساد وغياب الضمائر ...فكما أبحر نوح /عليه السلام ) واضطر الى ترك ابنه ..وهو موقف ليس بهين...اقول اننا اخترنا الابحار بعيدا تاركين الوطن ...حتى تستوى سفينته على الجودى .......وحتى ينحسر الطوفان ( الدى قد يشهده الاحفاد)....سنبحر الى ارض الله الواسعه...وعسى الله ان يغفر لنا ...

ومصر تلك الام الحنون ...ستسامحنا فهى لا ترضى لأولادها ان يموتوا غرقى ..بل هى تريد ان يحيا كل منهم ويموت وهو شامخ كالاشجار التى تموت واقفه ..فهون عليك يا سيدى

 

[somayasaleh]

أنا شخصيا ما عنديش استعداد أعمل أي حاجة لاخراج مصر من عصر الاضمحلال ده ....مش لاني ما حاولتش ....لا حاولت و فشلت فشل ذريع و بعت القضية كلها و هاجرت و الحكاية ديه معلمة في ضميري ....عندي احساس بالذنب ناحية النقطة ديه و ادراك اني مسئول بصورة أو باخري عن حالة البلد ...إن شاء الله 1/ 80 مليون .....برضه مسئول

لما سعادتك بقي تيجي بلد زاي كندا و تلاقي البلد اللي مش منتمي ليها بأي حاجة بتعاملك أحسن من بلدك و أهلها بيعاملوك أحسن من أهلك مش حتقدر تقاوم أحاسيس حب و انتماء للبلد الجديدة و الأحاسيس ديه حتبتدي تاخد مساحة كانت محجوزة في قلبك لبلدك الأصلية و تزود الضغط علي ضميرك الغارق أصلا في احساسه بالذنب

معلهش دوشتك بس ده اللي جوايا و سعادتك اللي سألت :egyflag: ...... أنا نازل السبت الجاي باذن الله يا باشا clp::

اه ه ه ه ه ه ه يا دكتور هشام......كلامك جه علي الجرح

عارف حضرتك ده نفس الكلا م اللي حصل معانا ....لما الدكتور رجع من اليابان ....كان عنده احلام كبيرة انه يغير من الحالة المزرية اللي وصلت لها مستشفي ابو الريش للاطفال

وانه يطبق اللي تعلمه هناك.......بس للاسف الشديد .....وجد منظومة الفساد ممتدة زي الاخطبوط من اول الفراشيين حتي اعلي ادارة

لم يمكث اكتر من سنة وطفش علي الخليج ....لدرجة انه تنازل علي انه ستف جامعة....وقدم استقالته....مش علشان المادة ...زي اغلب الناس لما بيسافروا.....لا والله...

علشان لم يستحمل كمية السرقة والتسيب والاهمال اللي كان بيؤدي بحياة المرضي امام عينه وهو مش عارف يعمل لهم حاجة

عيني عينك ومش قادر يعمل حاجة......كله بيسرق من اول الممرضين....الي اعلي المناصب....كل واحد وطريقته.....

وعلي رأي المثل....اذا كان رب البيت بالدف ضاربا....فشيمة اهل البيت كلهم الرقص

بصراحة....فيه طبعا ناس كتير افاضل ( مش الكل حراميه ومهملين)....بس للاسف الاغلبية فاسدة

ده طبعا غير الاهمال والتسيب والمحسوبية اللي عيني عينك.....الخ

المصريين اكتر ناس بتحب بلدها... وبتعشق ترابها...بس الوطن شيء واللي كاتمين علي نفسنا شيئ اخر

علي رأي برايز ده منظومة............... :)

توصل بالف سلامة المهروسة يا دكتور

تم تعديل 20 أكتوبر 2009 بواسطة somayasaleh

[moheltohamy]

عم الحاج...

طيب مش تعبرني بماسيدج حتى من أم 50 سنت! أعرف من التوبيك كده زي الغُرب ، ولا كأننا واكلين عيش وزبدة واستيك وشاربين الشوربة الإيطالي العك إياها مع بعض؟! wst::

ع العموم... بعثت لك ع الخاص خبر حلو هيعجبك... ومفاجأة حلوة للمنتدى ، بس نخلّي تفاصيلها بعدين angl::

وتعليقاً على كلامك اللي يبعث على تنهدات كتير من بتاعة لولا... فلي عودة hpc:!:

[Mido]

انا متابع جيد للموضوعات هنا بس المشاركة كانت قليلة

انا اؤيد الكلام ده 100%

انا كنت عايش فى دبى لمدة سبع سنين و كل سنة لما انزل اجازة بحس انا الحياة حلوة و كويسة فى مصر , بس ده طبعا علشان كنت فى زيارة قصيرة لمصر و مش واخد بالى ان الانهيار بيزيد مش بيقل

من 6 شهور فقدت وظيفتى فى دبى , قلت خلاص كفاية كدة غربة و ارجع مصر و اعيش فى وسط اهلى و اصحابى. و قلت انا بقالى 7 سنين مسافر و اكيد مصر تقدمت كتير عن ما سفرت فى 2003 و لكن طبعا اكتشفت ان فعلا كل حاجة بقت صعبة جدا هنا و تحرق الدم فى الطرق و السواقة و الاخلاق و الذوق و عدم قيام الناس بعملهم بضمير و خصوصا رجال المرور

انا كنت مقدم على الهجرة من دبى فى 2007 و مكنتش مهتم قوى بموضوع الهجرة قلت تيجى وقت ما تيجى, بس لما رجعت مصر قلت يا رب الهجرة تيجى بسرعة و بالفعل استلمت التأشيرات الاسبوع الماضى

[precanadian]

صديقي العزيز .....عارف لما البطل في الأفلام الامريكاني يرد و يقول "it's complicated" كرد علي استفسار بخصوص العلاقات الشخصية بين الأفراد ....أهو ده بالظبط ردي علي علاقتي بمصر ..... أنا مصري الهوية و الأصل و ده مش حيتغير مهما حصل ...... حتي لو ربنا أراد و استمريت في كندا و جبت أولاد و أحفاد برضه حيفضلوا مصريين كذا جيل إلي ما شاء الله لحد ما يدوبوا تماما في بلاد الغربة لو ربنا أراد و ممكن قوي عمرهم ما يدوبوا و يفضلوا كنديين مصريين

يبقى كوني مصري ده مش اختيار و مصير قدري حتمي شئت أم أبيت ..... زيد بقي علي كده إن مصر تتحب ....و ما تحبهاش ليها و هي ما هي ...... مش حاغني بقي و أقول أسطوانات و اكليشيهات بس بجد بلد ما فيش و لا حيبقى زيها

نيجي بقي للمشكلة .....عصر الاضمحلال اللي احنا غارزين فيه ده و اللي يتحمل مسئوليته كاملة الشعب المصري كله يعني أنا و سعادتك و بقية أعضاء المنتدي من المصريين في الداخل و الخارج و كل فرد من أفراد الشعب المصري ..... احنا المصريين السبب في اللي احنا فيه لا حكومة و لا رئيس و لا غيره ...احنا

أنا شخصيا ما عنديش استعداد أعمل أي حاجة لاخراج مصر من عصر الاضمحلال ده ....مش لاني ما حاولتش ....لا حاولت و فشلت فشل ذريع و بعت القضية كلها و هاجرت و الحكاية ديه معلمة في ضميري ....عندي احساس بالذنب ناحية النقطة ديه و ادراك اني مسئول بصورة أو باخري عن حالة البلد ...إن شاء الله ١/ ٨٠ مليون .....برضه مسئول

لما سعادتك بقي تيجي بلد زاي كندا و تلاقي البلد اللي مش منتمي ليها بأي حاجة بتعاملك أحسن من بلدك و أهلها بيعاملوك أحسن من أهلك مش حتقدر تقاوم أحاسيس حب و انتماء للبلد الجديدة و الأحاسيس ديه حتبتدي تاخد مساحة كانت محجوزة في قلبك لبلدك الأصلية و تزود الضغط علي ضميرك الغارق أصلا في احساسه بالذنب

معلهش دوشتك بس ده اللي جوايا و سعادتك اللي سألت :wub: ...... أنا نازل السبت الجاي باذن الله يا باشا :blink:

دكتورنا الغالي

اعلن اني غير مسئول عن ما ال له حال البلد ولا اشترك في ذلك لاني الان 18 عام خارج مصر والباقي داخلها.

التغير محتاج ناس تضحي ياما بحريتها او بدمها

خال امي احدهم حبس 25 عام سجن سياسي لانه اخوان

اخواته من 5-7 لانهم اخواته

انا مش مستعد اضحي بحريتي او بدمي لان غيري ضحي وراح في الفاضي الا ان يكون جازاه الله علي ذلك الجنه

ورغم ذلك احب مصر واهل مصر واتمني ان يظل اولادي واحفاد احفادي مصريين

[precanadian]

عم الحاج...

طيب مش تعبرني بماسيدج حتى من أم 50 سنت! أعرف من التوبيك كده زي الغُرب ، ولا كأننا واكلين عيش وزبدة واستيك وشاربين الشوربة الإيطالي العك إياها مع بعض؟! :sad:

ع العموم... بعثت لك ع الخاص خبر حلو هيعجبك... ومفاجأة حلوة للمنتدى ، بس نخلّي تفاصيلها بعدين :blink:

وتعليقاً على كلامك اللي يبعث على تنهدات كتير من بتاعة لولا... فلي عودة :wub:

حبيب قلبي يا تومي ...الف حمد لله علي سلامه وصلك المهروسه

ايه الحكايه؟؟ عايز لما اوصل بيرسون الدولي تكون مستنيني .... او حتي ابعت لي السواق بتاعك الفلبني بلاش الباكستاني لحسن مجنون :blush2::

تم تعديل 20 أكتوبر 2009 بواسطة precanadian

[dcfarouk]

شكا يا دكتور هشام علي المجهود الجبار اللي انت عامله

وجزاك الله خير

انا عاوز اقول قصتين عن التسيب والاهمال في الجامعه ده فضلا العنجهيه الكذابه بتاعه دكاتره الجامعه في الاسكندريه اللي هي والله علي الفاضي

قصتين الاولي في قسم العنايه

طفل في قسم العنايه في مستشفي الميري عنده حوالي 8 سنوات دخل المستشفي عشان كان في حادث وعنده نزيف في المخ المهم الولد اتحجز كام يوم في العنايه والولد ابتدي يتحسن واحده واحده ووالدته سالت الدكتور زميلنا اللي هو بيتدرب هنا قالها الولد الحمد لله بيتحسن المهم هو مشي من المستشفي الساعه 8 بالليل رجع الصبح لقي الولد علي جهاز التنفس الصناعي و ومخه مات

سأل عن السبب اكتشف ان الولد اثناء تسليم النوباتشيات رجع وحصله اسبيريشن ودخل في هيبوكسيا شديده

فين التمريض وفين الدكاتره

في حد في الدنيا يموت باسبيريشن في قسم العنايه

المهم ولا اي حاجه حصلت

الولد مات ولا حد سأل عليه

فين العنجهيه بتاعه دكاتره الجامعه اللي همه بيديروا علي احسن تقدير طابونه عيش مش قسم عنايه

قصه تانيه من قسم الجراحه

طبعا احنا عارفين ان استئصال المراره بالمنظار بتتعمل من اكتر من 12 سنه او اكتر بكتر بس بالنسبه لدكاتره الجامعه بتوع اسكندريه ده باب اختراع نادر وسر عسكري

القصه انا واحنا في الامتياز حصل ان دكتور فلان في قسم الجراحه دخل معاه واحد نايب في العمليات وعلمه شويه حجات علي شغل المنظار في استئصال المراره ولما طلع من العمليات سمعنا زميله الدكتور الاستاذ (اللي مفروض دوره بيعلم ) وهو بيلومه انه دخل معاه واحد يعلمه

وقاله بالحرف( هو السوق ناقص )

والله عنده حق لو هو شغال بقال او بتاع فول يخاف علي السوق

ونسي انه مدرس في الجامعه

في ناس كتير ممكن تنتقضني عشان كلامي ده

بس بجد جامعه اسكندريه مهزله

ده طبعا مش عاوز احكي علي زمايلي اللي في قسم القلب ازاي بيحلموا انهم يدخلوا يتفرجوا علي شكل عيان القسطره

وازاي الاحتكار في الاسكندريه لحساب تلات اربع دكاتره

انا كنت زمان بقول اكيد العمليات اللي مش بيعملها غير تلاته اربعه مش محتاجه غير واحد موهوب مفيش زيه

طلعت الحقيقه غير كده احنا عاملين من الحبه قبه وواقفين عند حجات غيرنا عدوها من زمان وبالنسبه ليهم هباله

اللي ممشي المستشفي في جامعه الاسكندريه النواب اللي المفروض انهم تحت التمرين ومش مصرح لسه ليهم بالممارسه الفعليه

وقلما من اساتذه لما يكشف او يتابع حاله في المستشفي الا لم تكون اصلا برايفت والبيه مدخلها المستشفي عشان يستغل سلطته ويحجزها في المستشفي المجاني والبيه قابض منها

الواحد كره كل حاجه حواليه

من اول قسم الشرطه اللي مفيش ورقه بتخلص فيه الا لما تدفع فلوس يمين وشمال

ولا من المرور

ولا من تاخير المرتبات

تخيلوا احنا بنقبض حوافر شهر سته دلوقت

انا الحمد لله مش متجوز

امال لو اتجوزت هعمل ايه

الطب في مصر كارثه

تم تعديل 21 أكتوبر 2009 بواسطة dcfarouk

[د هشام ابراهيم]

تروح و تيجى بألف سلامة يا دكتور

إن شاء الله اجازة سعيدة لحضرتك و للدكتورة

و اكيد هيبقى الوقت ضيق ان حضرتك تشارك فى المحاورات

معلش ...مش هنسجل غياب

بس لما حضرتك ترجع بالسلامة....تبقى تعوض الغياب!!

الله يسلم حضرتك يا سيدتي الفاضلة :wub:

الحقيقة أنا فعلا في مصر تقريبا ما بادخلش علي النت خالص و لو حصل بيبقى تخاطيف وسط الأحداث و مجريات الأمور ngh:

[د هشام ابراهيم]

بروفيسور هشام ....كلام منطقى ولكن به. الكثير من جلد النفس والدات ...

لكن مادا نستطيع ان نفعل امام هدا الطوفان من الفساد وغياب الضمائر ...فكما أبحر نوح /عليه السلام ) واضطر الى ترك ابنه ..وهو موقف ليس بهين...اقول اننا اخترنا الابحار بعيدا تاركين الوطن ...حتى تستوى سفينته على الجودى .......وحتى ينحسر الطوفان ( الدى قد يشهده الاحفاد)....سنبحر الى ارض الله الواسعه...وعسى الله ان يغفر لنا ...

ومصر تلك الام الحنون ...ستسامحنا فهى لا ترضى لأولادها ان يموتوا غرقى ..بل هى تريد ان يحيا كل منهم ويموت وهو شامخ كالاشجار التى تموت واقفه ..فهون عليك يا سيدى

 

عند حضرتك حق بس ما باليد حيلة

كلامك يا دكتورة رغم إنه موجع انما في الصميم و صحيح تماما

تحياتي و تقديري يا باشا

[د هشام ابراهيم]

اه ه ه ه ه ه ه يا دكتور هشام......كلامك جه علي الجرح

عارف حضرتك ده نفس الكلا م اللي حصل معانا ....لما الدكتور رجع من اليابان ....كان عنده احلام كبيرة انه يغير من الحالة المزرية اللي وصلت لها مستشفي ابو الريش للاطفال

وانه يطبق اللي تعلمه هناك.......بس للاسف الشديد .....وجد منظومة الفساد ممتدة زي الاخطبوط من اول الفراشيين حتي اعلي ادارة

لم يمكث اكتر من سنة وطفش علي الخليج ....لدرجة انه تنازل علي انه ستف جامعة....وقدم استقالته....مش علشان المادة ...زي اغلب الناس لما بيسافروا.....لا والله...

علشان لم يستحمل كمية السرقة والتسيب والاهمال اللي كان بيؤدي بحياة المرضي امام عينه وهو مش عارف يعمل لهم حاجة

عيني عينك ومش قادر يعمل حاجة......كله بيسرق من اول الممرضين....الي اعلي المناصب....كل واحد وطريقته.....

وعلي رأي المثل....اذا كان رب البيت بالدف ضاربا....فشيمة اهل البيت كلهم الرقص

بصراحة....فيه طبعا ناس كتير افاضل ( مش الكل حراميه ومهملين)....بس للاسف الاغلبية فاسدة

ده طبعا غير الاهمال والتسيب والمحسوبية اللي عيني عينك.....الخ

المصريين اكتر ناس بتحب بلدها... وبتعشق ترابها...بس الوطن شيء واللي كاتمين علي نفسنا شيئ اخر

علي رأي برايز ده منظومة............... ngh:

توصل بالف سلامة المهروسة يا دكتور

أبو الريش ديه مالها .....هي صحيح نموذج متفرد انما ما أختلفتش في مضمونها عن بقية البلد ....كتير بيتهيألي اننا كمصريين قطعنا شوط كبير في الطريق المهبب اللي احنا ماشيين فيه و إن الحل الوحيد هو النسف التام و البداية من جديد .....برضه اختيار مفجع ....ربنا يستر علي البلد ديه

الله يسلم حضرتك يا باشمهندس و تحياتي و تقديري و دعواتي لحضرتك و الدكتور و الأسرة الكريمة :wub:

[د هشام ابراهيم]

عم الحاج...

طيب مش تعبرني بماسيدج حتى من أم 50 سنت! أعرف من التوبيك كده زي الغُرب ، ولا كأننا واكلين عيش وزبدة واستيك وشاربين الشوربة الإيطالي العك إياها مع بعض؟! :blink:

ع العموم... بعثت لك ع الخاص خبر حلو هيعجبك... ومفاجأة حلوة للمنتدى ، بس نخلّي تفاصيلها بعدين :blush2:

وتعليقاً على كلامك اللي يبعث على تنهدات كتير من بتاعة لولا... فلي عودة :wub:

صباح الألزايمر ....أنا فاكر اني قلتلك .... احتمال كبير أبقي ما قلتلكش

أنت بتقول انك ما تعرفش و احتمال كبير إني قلتلك و سعادتك نسيت

هو ما فيش حل غير اننا ننضم لاتحاد فيه حد راسي و عاقل زي دكتور الشامي كده علشان احنا الاتنين في السليم :lol:

من جهة مفاجأة فهي مهولة ...ربنا يسهل يا كابتشين

في انتظار عودتك .....سنة سنتين تلاتة خد راحتك يا عم الأخضر ngh:

[د هشام ابراهيم]

انا متابع جيد للموضوعات هنا بس المشاركة كانت قليلة

انا اؤيد الكلام ده 100%

انا كنت عايش فى دبى لمدة سبع سنين و كل سنة لما انزل اجازة بحس انا الحياة حلوة و كويسة فى مصر , بس ده طبعا علشان كنت فى زيارة قصيرة لمصر و مش واخد بالى ان الانهيار بيزيد مش بيقل

من 6 شهور فقدت وظيفتى فى دبى , قلت خلاص كفاية كدة غربة و ارجع مصر و اعيش فى وسط اهلى و اصحابى. و قلت انا بقالى 7 سنين مسافر و اكيد مصر تقدمت كتير عن ما سفرت فى 2003 و لكن طبعا اكتشفت ان فعلا كل حاجة بقت صعبة جدا هنا و تحرق الدم فى الطرق و السواقة و الاخلاق و الذوق و عدم قيام الناس بعملهم بضمير و خصوصا رجال المرور

انا كنت مقدم على الهجرة من دبى فى 2007 و مكنتش مهتم قوى بموضوع الهجرة قلت تيجى وقت ما تيجى, بس لما رجعت مصر قلت يا رب الهجرة تيجى بسرعة و بالفعل استلمت التأشيرات الاسبوع الماضى

أهلا و سهلا بحضرتك و ألف مبروك علي التأشيرة ربنا يقدم لحضرتك الخير بفضله

صدق أو لا تصدق حضرتك ... المرور في شوارع القاهرة أكيد سبب من أسباب ضيق الواحد من البلد و اللي بيحصل فيها ..... اختصارا الشارع المصري ما هو إلا انعكاس لغياب قيم الدين و القانون و الأخلاق عن البلد كلها

[dcfarouk]

موقف حصل النهارده بيوضح مدي الانحطاط الاخلاقي اللي وصلنا ليه

كلام حضرتك صح مصر

صدق أو لا تصدق حضرتك ... المرور في شوارع القاهرة أكيد سبب من أسباب ضيق الواحد من البلد

اتغيرت مصر اوي مبقتش تنفع للادميين

وحضرتك موضوع المواصلات كفايه يخليك تتطفش من البلد لانها استخدام يومي الصبح وبالليل انت ممكن بتشوف سواقين الميكروباص حواليك في الشارع مده اكتر من اهلك في البيت كل يوم

انا والله كل يوم برجع دمي محروق من اللي بشوفه في الشارع من قله ادب ومعاكسات وعدم احترام الاخرين وبلطجه من السواقين والشرطه

اخرها امبارح وده موقف حصل اكتر من مره بس انا كان رد فعلي مختلف عن كل مره واضح ان فاض بيه الكيل

حصل قدامي ان واحده ست كبيره حوالي 50 سنه بتركب ميكروباص والست يادوب دجل جوه الميكروباص ورجل في الشارع واحد من شويه البلطجيه بتوع الميكروباص نده الظابط جاي راح السواق طالع باقصي سرعه والست في الوضع ده

الست اتقلبت لورا في الشارع

شوفت اخلاق المصري بقت ازاي

والمشهد ده مش حاله فرديه لاني شفته كزا مره

الغريب اني مستحملتش والراجل بعد كام متر وقف لانه طلع انذار كاذب المهم انا لقيت نفسي عمال ازعق فيه والراجل يقول معلش وانا نازل عليه زعيق وسبحان الله اللي سكته وكلامه كله بيعتذر مش عارف ليه المتوقع كان ضربني بحاجه بس ربنا ستر

في مرض ماشي بين المصريين اخطر من انفلونزا الخنازير وللاسف بقي وباء والمصيبه احنا ساكتين

[د هشام ابراهيم]

دكتورنا الغالي

اعلن اني غير مسئول عن ما ال له حال البلد ولا اشترك في ذلك لاني الان 18 عام خارج مصر والباقي داخلها.

التغير محتاج ناس تضحي ياما بحريتها او بدمها

خال امي احدهم حبس 25 عام سجن سياسي لانه اخوان

اخواته من 5-7 لانهم اخواته

انا مش مستعد اضحي بحريتي او بدمي لان غيري ضحي وراح في الفاضي الا ان يكون جازاه الله علي ذلك الجنه

ورغم ذلك احب مصر واهل مصر واتمني ان يظل اولادي واحفاد احفادي مصريين

صديقي العزيز دكتور GK :rolleyes:

جزء مني رافض لتعليقك و مختلف و معترض و جزء متفهم و متضامن و موافق ...... متهيألي الحيرة في التعامل مع أحوال بلدنا الام مش أنا لوحدي اللي فيها

لك وحشة يا دوك ما تغبش كتير كده :rolleyes: