قصتي مع كندا

[ehabtaher]

و أنا ما أقدرش علي زعل حضرتك ..... الرابط ده من جوجل حيساعد علي فك شفرة التوقيع الروسي

Google language tools

عزيزي الدكتور هشام

شكرا على التوضيح ولكن اللينك الذي وضعته لا يعمل :sad:

المهم اني باستخدم Google Translate واعتقد ان اللينك اللي انت كاتبه هو نفسه

http://translate.google.com

انا كنت فاكر ان الكلام ده في اللغة اليونانية او اللاتينية وما جاش في بالي انه ممكن يكون روسي وعلشان كده ما كنتش عارف اترجمه

على كل حال ترجمته دلوقتي علشان لو حد حب يعرف معنى الكلمات وهي كما ذكرها موقع الـ Google Translate

بالأنجليزية

In general, you're just another brick in the wall

لكن بصراحه انا شايفك جدار كامل مش طوبه فى الجدار

يعنى كل للى بيقرأو التوبيك بتاعك حاسين انهم مسنودين على حيطه ومش مايله كمان

وربنا يعينك على افاده القارئين جميعا بجوار البشريه ممثله فى مرضى المستشفى اللى انت فيه حاليا

وبالعربية

في عام ، كنت للتو آخر لبنة في جدار

اظن الأنجليزي اوضح مش كده ويظهر ان اللغة العربية عاملالهم مشاكل في الترجمة wst::

وعيدك سعيد

[ehabtaher]

يارب انشاء الله تكون اجازه سعيده يا د هشام

بص ما تاخدش على كل اللى كتبته فى خضم قرائتى ل 150 صفحه فى التوبيك الرائع الخاص بك واللى خلانى يبقى عندى مستندات قويه للإقناع وخوصوصا للحكومه فى البيت والتى لا ترغب فى التفكير بالهجره اساسا على الرغم من رفضها لاوضاع مصر فى التعليم والصحه والمرافق والحكومه وخلافه

لان كل رد رديته وكل تعقيب كان فى صفحه من ال 150 يعنى

ولا انكر اننى من المؤيدين لفكره الهجره و من قرائتى لصفحاتك زاد التأييد لكندا بالذات وربنا يسهل ونعرف نروح هناك ونبقى نزورك انشاء الله

عارف احسن حاجه فى مصر ايه علشان بس ماحدش يقول ان كل حاجه فى مصر وحشه

ان مصر بتسمح بان المهاجر يحتفظ بالجنسيه المصريه (لان يمكن الاحتفاظ بالجنسيه المصريه ) يكون من العوامل المساعده للهجره من مصر

يعنى مثلا لما زوجتك تقول لك حانروح ونسيب اهلنا فى مصر ... ترد عليها ماحنا معانا الجنسيه المصريه ولو ماعجبناش الحال نرجع.

طبعا ماحدش بيرجع الا للشديد القوى

المهم مش عايزك تبطل كتابه فى خواطرك او رد على اسئله ولو كانت قديمه ومتكرره .. لان كل ما التوبيك بيكبر .. بيبقى الواحد مش عارف يروح صفحه كام علشان يشوف الرد السابق ...

وربنا يعطيك الصحه وطوله النفس والصبر على الرد على الاسئله ألمتكرره .. فى النهايه انت مدرس سابق و من صميم عملك انك تعيد وتزيد java script:add_smilie(":sad:","smid_163")

[hazemtara]

هى الصفحة كلها

ehabtaher

مفيش

د/هشام

خالص

<_<

[ehabtaher]

مش بقول قاعد اكلم نفسى

لكن بصراحه انا شايفك جدار كامل مش طوبه فى الجدار

يعنى كل للى بيقرأو التوبيك بتاعك حاسين انهم مسنودين على حيطه ومش مايله كمان

وربنا يعينك على افاده القارئين جميعا بجوار البشريه ممثله فى مرضى المستشفى اللى انت فيه حاليا

يارب الجدار يعرف اننا مسنودين عليه ويرد علينا

[eaglsson]

الدكتور العزيز هشام (صاحب القهوة)....اولا ربنا يجعله في ميزان حسناتك ... ويسهل لك طريقك زي ما بتساعد الناس.

اناطبيب مصري مقيم بالسعودية 35 ومعايا ماجستير عظام من 2006 وزوجتي اخصائية علاج طبيعي. ولسة معندناش اولاد

اعمل حاليا في مستشفى حكومي كبير في الرياض(ِaccredited from the canadian council on health services)

منذ 3 سنوات كطبيب مقيم عظام.

قدمت على الهجرة لكندا من يومين وان شاء الله هاخد بنصيحتك واحاول ادخل MCCEE في اول فرصه

علشان ماطولش عليك لانك بالتاكيد مشغول ليا شوية استفسارات:

ازاي قدرت تلاقي fellowship على النت. وهل بتاخد اجر ولا هما اللي بياخدوا فلوس؟

يا ترى ايه المواقع اللي ممكن تساعدني الاقي fellowship ليا ولزوجتي ان امكن ؟

ايه كانت شروطهم ليك علشان يقبلوك fellow.؟

هل لخبرتي في المستفى اللي باشتغل فيه في السعودية هاتفيدني في اي حاجة(اقصد انها معترف بيها من كندا)؟

اي مكان تنصحني بيه لو ربنا اراد وهاجرت فعلا بالنسبة لتخصصي او تخصص زوجتي؟

اتمنى تقبل صداقتي

ويجعلة عامر :rolleyes:

[د هشام ابراهيم]

د هشام ابراهيم

شكر وتقدير خاص لحضرتك على هذا التوبيك الاكثر من رائع والذى استفدت كثيرا بقراءة ما فيه من معلومات وتوضيحات وردود حضرتك على كل مداخلات الاعضاء واسئلتهم وتعليقاتهم ........جزاك الله خيرا على تخصيص جزء من وقتك الثمين لمنفعة الاخرين..........جعله الله فى ميزان حسناتك .........

عندما انتهيت من قراءة هذا التوبيك وجدت لسانى يردد كلمة يا خساااااااااااااااارة مرتين

المرة الاولى لانتهائى من قراءة التوبيك والذى كان ممتعا جدا بقدر ما هو مفيد وبخاصة الجزء الذى بدات حضرتك فيه بكتابة خواطرك الشخصية من خلال مواقف الحياة اليومية التى تتعرض لها ولقد اعاد هذا الجزء الى ذهنى ذكريات جميلة حيث تذكرت ايام بريد الجمعة لرحمة اللى عليه عبد الوهاب مطاوع وردوده على المشاكل وتحليلاته وخواطره الشخصية .........

اما المرة الثانية فقد صعب عليا حال بلدى الحبيب مصر عندما اكتشفت ان حضرتك وغيرك من الاعضاء الافاضل امثال دكتور الشامى ودكتور التهامى قرروا السفر والهجرة بمعنى ان اغلب الشخصيات المحترمة والمثقفة والمتعلمة للاسف بتقرر الهجرة وبتترك البلد وعلشان كده وجدت نفسى باقول يا خسارة يا مصر............

تمنياتى القلبية لحضرتك بالتوفيق فى النيابة وان تستطيع ان تحقق فى كندا ما صعب عليك تحقيقه فى مصر لظروف عديدة تفضلت حضرتك والاعضاء بشرحها وللاسف لا يوجد امل لتغيرها فى الوقت الحاضر ولا حتى مستقبلا ........ ولكن عزائى الوحيد هو ان حضرتك وغيرك من الاعضاء الافاضل سيساهمون بعلمهم واخلاقياتهم فى اعطاء انطباعات ايجابية عن مصر والمصريين فى بلاد المهجر .........وفقك الله فى كل خطواتك وتحياتى للاسرة الكريمة....

يا أفندم جزاك الله كل خير و شاكر لحضرتك كلماتك الطيبة و مديحك في شخص العبد لله

مع حضرتك ..... خروج المصريين خارج مصر شرقا أو غربا مش في صالح البلد .... الجزء التاني من اللوغارتم بقاء المصريين داخل مصر مش في صالح الناس ....نخليها بعض المصريين علشان ما نعممش ...... صراحة مش لاقي حل للمعضلة ديه

تحياتي يا أفندم متابعتك الكريمة تشرفني دوما

[د هشام ابراهيم]

دكتور هشام

مكنتش متخيل ان الدكتور هشام بنفسه ممكن يفتكرني

بجد احسبك علي خير ولا ازكي علي الله احدا

انت انسان واضح من ردودك انك مساعد للناس بطبعك وده احسن صفه واهم صفه عشان تكون طبيب

بجد انت هتكون طبيب كبير وهتوصل للي انت عاوزه كطبيب لان الصفه اللي عندك ديه مش في ناس كتير سواء مصريين او اجانب

يا أفندم العفو ....كتر ألف خيرك أدعيلنا بس يا دكتورنا ربنا يكملها علي خير و يصبرنا علي الطريق الطويل :lol:

[د هشام ابراهيم]

طيب ابه الي كان المفروض اعمله ومعملتوش وأدى لاحوال البلد النهار ده يا دكتور هشام؟

تحياتي يا ابو الذوق كله م انت يا باشا عارف المعمعه الي انا فيها وربنا يسهل ونسمع اخبار كويسه wst::

لو كان عندي اجابة علي السؤال كنت جاوبته لنفسي يا صديقي العزيز

ربنا معاك يا دوك و باذن الله خير :lol:

[Shehab]

حمد لله على السلامة يا دكترة :lol:

كندا نورت و مصر ضلمت !!

[د هشام ابراهيم]

السلام عليكم ورحمة الله

اساتذتى الافاضل . انا طالب فى السنة النهائية بكلية الطب يعنى فاضل على تخرجى حوالى شهرين ان شاء الله وانا حلم حياتى اشتغل فى research work وخصوصا فى مجال genetics وطبعا التخصص دة مش موجود فى مصر وانا كدة كدة ان شاء الله ناوى على السفر مش ناوى استقر فى مصر ياريت حد يدلنى ابدء ازاى وهل انى اشتغل فى مجال الهندسة الوراثية فى امريكا او كندا محتاج معادلة ؟ لانى سئلت كتييييييييير وللاسف محدش عارف حاجاة حتى فى مركز اميد ايست نفسهم مش عارفين لو محتاج معادلة هبدا يها على طوب ولو مش محتاج ياريت حد يحطنى بس على بداية الطريق ويقولى ابدء منين وجزاكم الله خيرا

دكتورنا الشاب جاوبتك علي الخاص ...ربنا معاك

[اسكندرية تانى]

اخى الكريم دكتور هشام

باكون سعيد جدا لما اشوفك هنا و بتفيدنا بمشاركاتك

باحس ان الدنيا لسه بخير  :lol:

ما تغيبش علينا

[د هشام ابراهيم]

طبيبة مصرية ،dcfarouk، precanadian , sayedmawadصباح الفُل دكتور هشام والزملاء

هو حضراتكم قلبتوها نكد لية كدة هو مصر ليس فيها أى شيئ كويس خالص؟؟؟؟؟!!!!!!!!! wst::

حازم

عارف يا دكتورنا سؤالك ده كان محور أحاديث مطولة و خناقات كمان طول اجازتي في مصر ....رأيي الشخصي حالة البلد مش بالسوء اللي احنا حاسينه و شايفينه .....و فيه ناس كتير متأقلمين و مبسوطين ..المشكلة في الاتي

- حالة البلد مش في تقدم ...... علي أحسن الفروض محلك سر ....الناس كلها من حوالينا فاتحة علي الرابع و حارقين (معلهش مجنون عربيات بقي )

- الناس ما عندهاش ثقة في بكره و اللي ممكن يحصل ...متهيألي ديه أكبر مشكلة .....غياب تصور واضح لمستقبل البلد السياسي و بالتالي كل حاجة تانية ( تراث شعبي مصري خالص ...مصير البلد كلها في يد فرعون )

- التردي في قيم و أخلاقيات و ثوابت المصريين لا تخطئه عين و ما فيش حل واضح

- منظومة الفساد و الفوضي بتعرض أي شخص لعواقب وخيمة في حالة حدوث أي أزمة من أي نوع

و .....

إححم أحسن أسكت لحسن تقول علي متشائم :lol:

[SoSo R]

حمدالله ع السلامة يا دكتور هشام...أرجو إنها تكون أجازة سعيدة

منتظرين عودة الخواطر اليومية...

هه عملت إيه بعد ما فضيت الشنط وخلصت الحكاوى عن مصر..هه...هه؟؟ :lol:

تحياتى

سوسورانى

[EmanRasmy]

دكتور هشام عايزه اشكرحضرتك قوي وكل الاساتذه الافاضل في منتدى كندا لاني متابعاكومن زمان قوي يمكن سنتين او اكتر واستفدت منكم كتير و من تجاربكم الجميله المليانه بالمفارقات المضحكه و الثريه في نفس الوقت .. انا و جوزي مقدمين على الهجره من سنتين و لسه الموضوع شكله مطول و احنا كمان قلنا اهو ورق و رميناه و تيجي الهجره وقت ما تيجي .. لحد ما بالصدفه شفت موضوعك يا دكتور هشام من اسبوع بس..مع اني متابعه منتدى كندا من زمان زي ما بقولكم.. المهم موضوعك ده حمسني جدا انا و جوزي و خصوصا خصوصا ان احنا الاتنين بتوع بنج يعني دكاترة تخدير بس معانا ماجيستير بس.. فقوم ايه رحنا مقدمين طلب هجره جديد علشان يبقى على النظام الجديد و يبقى الموضوع اسرع.. و المره دي قدمنا عن طريق مكتب can reach و ان شاء الله اخر الصيف الجاي نبقى في ميساساجا.. اشمعنى? عشان احنا بنشتغل دلوقتي في السعوديه و ناس كتير اصحابنا من كل الجنسيات مهاجرين.. فيه اللي مستني زينا و فيه اللي عمل لاندينج و رجع و ساب ولاده هناك.. المهم .. انا كنت بس عايزه اشكرك جدا و كمان دكتور تهامي و كل المصريين .. و اللي باسطني حقيقي ان الناس كلهم بيتكلموا باخلاص و حسيت فعلا ان كل واحد نفسه ينقل تجربته للناس عشان يفيدهم و ما يقعوش في نفس الاخطاء.. والدرجه العاليه دي من الامانه شئ نادر اليومين دول.. ربنا يوفقنا كلنا لما يحبه و يرضاه .. بس كنت عايزه اسالك يا دكتور.. هل فيه فرصه anesthesia fellowship بالنسبه لحد معاه ماجيسير بس? لاني قدمت لكذا مكان شهر ابريل اللي فات و كله اعتذر .. وكمان قدمت من يومين في وظيفة مساعد الطبيب قالوا انهم اكتفوا دلوقتي و اراجعهم بعد سنتين.. عموما انا نويت ان شاء الله اخد ال MCCQEE قبل السفر

[ehabtaher]

دكتور هشام عايزه اشكرحضرتك قوي وكل الاساتذه الافاضل في منتدى كندا لاني متابعاكومن زمان قوي يمكن سنتين او اكتر واستفدت منكم كتير و من تجاربكم الجميله المليانه بالمفارقات المضحكه و الثريه في نفس الوقت .. انا و جوزي مقدمين على الهجره من سنتين و لسه الموضوع شكله مطول و احنا كمان قلنا اهو ورق و رميناه و تيجي الهجره وقت ما تيجي .. لحد ما بالصدفه شفت موضوعك يا دكتور هشام من اسبوع بس..مع اني متابعه منتدى كندا من زمان زي ما بقولكم.. المهم موضوعك ده حمسني جدا انا و جوزي و خصوصا خصوصا ان احنا الاتنين بتوع بنج يعني دكاترة تخدير بس معانا ماجيستير بس.. فقوم ايه رحنا مقدمين طلب هجره جديد علشان يبقى على النظام الجديد و يبقى الموضوع اسرع.. و المره دي قدمنا عن طريق مكتب can reach و ان شاء الله اخر الصيف الجاي نبقى في ميساساجا.. اشمعنى? عشان احنا بنشتغل دلوقتي في السعوديه و ناس كتير اصحابنا من كل الجنسيات مهاجرين.. فيه اللي مستني زينا و فيه اللي عمل لاندينج و رجع و ساب ولاده هناك.. المهم .. انا كنت بس عايزه اشكرك جدا و كمان دكتور تهامي و كل المصريين .. و اللي باسطني حقيقي ان الناس كلهم بيتكلموا باخلاص و حسيت فعلا ان كل واحد نفسه ينقل تجربته للناس عشان يفيدهم و ما يقعوش في نفس الاخطاء.. والدرجه العاليه دي من الامانه شئ نادر اليومين دول.. ربنا يوفقنا كلنا لما يحبه و يرضاه .. بس كنت عايزه اسالك يا دكتور.. هل فيه فرصه anesthesia fellowship بالنسبه لحد معاه ماجيسير بس? لاني قدمت لكذا مكان شهر ابريل اللي فات و كله اعتذر .. وكمان قدمت من يومين في وظيفة مساعد الطبيب قالوا انهم اكتفوا دلوقتي و اراجعهم بعد سنتين.. عموما انا نويت ان شاء الله اخد ال MCCQEE قبل السفر

أحييك على اصرارك وكلنا زيك فى موضوع الهجره

mccee is a good option

لكن حتى تعمل اثناء الدراسه يمكنك الذهاب الى الصفحه 182 من موضوع د تهامى

هانداوفر لكندا

وانشاء الله خير ليك ولينا جميعا

ايهاب

[eaglsson]

عزيزي د. هشام عارف لنك مشغول وربنا يعينك ويمكن اكون تقلت عليك بس انا بجد محتاج رايك

على العموم انا مش مستعجل

وقت ما تفضى ياريت تجاوبني

[د هشام ابراهيم]

تحياتى للدكتور هشام

انا قعدت 3 ايام متواصلة بقراء الموضوع الشيق ده. و من كتر اعجابى بقيت كل يوم باليل ادى جوزى ملخص عن مغامراتك الجميلة و الشيقة.

:happy: keep it up ya doc

يا أفندم العفو و خالص تحياتي لحضرتك و لزوجك الكريم

[د هشام ابراهيم]

دكتور هشام

ازيك عامل ايه

واحشنى جدا.معلش مش عارف ارد عاى الموضوع العضويه القديمه فيها مشكله ومش تتفح الموقع معايا

انا بس حبيت ا سلم على جارى ف كندا

عاش من شافك يا دوك ..أخبارك إيه يا باشا طمنا ...عديت مرحلة الأنبهار و لا إيه :happy: wst::

[د هشام ابراهيم]

مش بقول قاعد اكلم نفسى

لكن بصراحه انا شايفك جدار كامل مش طوبه فى الجدار

يعنى كل للى بيقرأو التوبيك بتاعك حاسين انهم مسنودين على حيطه ومش مايله كمان

وربنا يعينك على افاده القارئين جميعا بجوار البشريه ممثله فى مرضى المستشفى اللى انت فيه حاليا

يارب الجدار يعرف اننا مسنودين عليه ويرد علينا

دكتور ايهاب ...مقدر تماما قلق حضرتك و شاكر لحضرتك متابعتك و إحيائك للتوبيك أثناء اجازة العبد لله (مش كده و لا إيه يا دكتور حازم:happy: ) الصراحة ما عنديش إجابة واضحة لاسئلتك زي ما قلتلك علي الخاص انما وعد أسأل لحضرتك في أقرب فرصة لعل و عسي ...تحياتي يا باشا

[د هشام ابراهيم]

[size="2"

ازاي قدرت تلاقي fellowship على النت. وهل بتاخد اجر ولا هما اللي بياخدوا فلوس؟

يا ترى ايه المواقع اللي ممكن تساعدني الاقي fellowship ليا ولزوجتي ان امكن ؟

ايه كانت شروطهم ليك علشان يقبلوك fellow.؟

هل لخبرتي في المستفى اللي باشتغل فيه في السعودية هاتفيدني في اي حاجة(اقصد انها معترف بيها من كندا)؟

اي مكان تنصحني بيه لو ربنا اراد وهاجرت فعلا بالنسبة لتخصصي او تخصص زوجتي؟

:happy:

تصدق و تؤمن بالله يا دوك اسئلة حضرتك كلها جاوبت عليها قبل كده و بالتفصيل ....أنا مدرك إن الموضوع كبر و تشعب و كتير علي الواحد يقراه كله علشان يطلع بالمعلومات انما أكيد حضرتك موافقني إنه صعب علي الواحد كمان يعيد و يعيد في نفس الأسطوانة و لا إيه

بص سعادتك ال-fellowship جت عن طريق جوجل لا أكتر و لا أقل ...... fellowship عظم في تورنتو من غير فلوس ...في فانكوفر بفلوس ....... خبرة السعودية بتضيف لل-CV و بس ........ أحسن مكان اللي تلاقي فيه فرصة عمل ..... لو اختيار مطلق اختار أوتاوا

للتفاصيل الدقيقة بقي أستمسح سعادتك عذرا و تقرا إن شا الله مشاركاتي أنا بس في التوبيك ...... بالتوفيق يا باشا