قصتي مع كندا

[د هشام ابراهيم]

يا تري ممكن اعرف من حضرتك يا دكتور هشام اخبار اخصائين العلاج الطبيعي ايه

يعني واخدين وضعهم ولا زي مصر

وياتري امكانيه ايجاد عمل طبعا بعد المعادله عامله ازاي

وطبعا لو هتقل عليك لو تقدر تسألي حد تعلرفه عن المعادله سهله ولا مكلكعه زي الطب والهندسه

وياتري الاحسن ابدأ فيها من قبل الهجره يعني من بره كندا ولا استني لما ربنا يكرمنا بالفيزا

من قال لا أعلم فقد أفتي ..الصراحة يا دكتورة طبيعة عملي كطبيب تخدير بيخليني أغلب الأوقات في حجرة العمليات و ما ليش احتكاك مباشر باخصائيين العلاج الطبيعي .....لو تيسر مرة ممكن أسأل لحضرتك ...بالتوفيق إن شاء الله

[د هشام ابراهيم]

هذه اول مشاركة لى فى هذا المنتدى وهذا الموضوع الجميل الشيق الممتع

اولا : الف سلامة للدكتور هشام وادعو المولى عز وجل ان يتمم لحضرتك الشفاء واحب انا ابدى اعجابى بموضوع حضرتك ولغتة وافكاره

ثانيا :اتمنى من حضرتك ان تتقبل مشاركاتى .

علي العين و الراس يا سيدي الفاضل ...أهلا و سهلا بحضرتك و بمشاركاتك ....شاكر لك مديحك و دعائك الكريم :rolleyes:

[د هشام ابراهيم]

ياااااه يا دكتور هشام مش عايزه أقولك قد ايه

مشتاقه أعرف قصتك في مصر و بأسلوبك الروائي الجميل

ده لأني جوايا حاجات كتير حاسه اني هجد لها مبررات

لما أسمع تعليقك انت شخصيا :rolleyes:

و موضوع الأطفال ده بقى حدث و لا حرج فعلا

أكيد الموضوع ده وراثي :blink:

ده احنا عيالنا مش زانانين بس :)

دول حضرتك مجانين :wub: :lol:

الله يخلي حضرتك و يكرمك يا رب :lol:

عارفة سعادتك المشكلة إن المسافة ما بين المغترب و و وطنه بتزيد من الطرفين ...المغترب بيبعد و الوطن الأم باهله و ناسه بيبعدوا .... جزء من الابتعاد بسبب التغيير و جزء منه لوم و عدم رضا ...من الطرفين برضه

حكاية الأطفال ديه عايزة دراسة ..... أنا الصراحة باندهش من أطفال الفرنجة ...سلام داخلي و خارجي و تحسي انهم مظبوطين علي درجة "مبسوط " mfb:

[د هشام ابراهيم]

دكتور هشام .........

مساء الفل................

انا عايز اسألك في حاجة

انا دكتور رمد لو فرضنا ان ما جاليش ال ماتشينج من اول مرة

ايه هيا فرص الشغل في ال clinical fellowships وهل لازم تكون في الرمد بس ولا ينفع اي تخصص

وايه هي ال reserch jobs دي و ازاي الواحد يدور عليها لان انا معايا مراتي واتنين اطفال صغيرين ومش معقول هاروح هناك من غير اي

صورة واضحة للشغل......

يعني من الاخر الواحد ماينفعش يقعد عاطل ولا ايه ..........

انا عارف اني تقلت عليك بس انا عايز نصيحتك الشخصية من خلال خبرتك لو سمحت

ولك جزيل الشكر.............

مساء النور يا دكتور ....بص سعادتك ما فيش أي ضمانات ....مشروع الهجرة كله يحتوي علي كمية لا بأس بها من المخاطرة .....ما فيش حاجة لا تضمن النجاح و لا تضمن الحصول علي عمل في نفس مجالك التخصصي ...رمد أو غير رمد

يمكن أنا ما وضحتش النقط ديه علشان كده بتسأل فيها كتير قوي ...حاضر مرة تانية : الفيلوشيب تخضع لمبدأ التنافس ما بين الطلبات المقدمة .....الماتشينج مش شرط يجيب التخصص المطلوب ...الرمد بالذات صعب شوية ..... كل حاجة موجودة علي النت دلوقتي مش محتاجة غير مجهود بسيط في البحث ..... قدم في كذا مكان و تابع مع الكل طلب التقديم ...و من الأول و الأخر توفيق ربنا

[myusername]

السلام عليكم,

اسجل اعجابى و متابعتى... و عايز اعرف حصل ايه لما نزلت مصر :blink:

انا كنت فى اوروبا من شهرين, و بصراحة حصلت لى صدمة ثقافية و حضارية و نضافية و كل حاجة... و لما رجعت اتخنقت من مصر و العيشة و اللى عايشينها ههههههههههههه.. بس انا كنت هناك سياحة يعنى.

[Shehab]

دكتورنا العزيز ...كيفك يا رب تكون بخير ....و رجلك تكون خفت!!!

معلش يا باشا مقصريين معاك بس الظروف بقى

تحياتى يا باشا

[CAPHCYMO]

ألف سلامة يا دكتور ابراهيم و بلاش صربعة على السلم الله يخليك :lol: . يا رب تكون الجبيرة اتفكت في مصر لأن حرام الجبيرة الشيك دي تمشي في الشوارع المصرية. صحيح ما طلبوش عليها جمرك وانته داخل، أنا ما استبعدش أي حاجة من بتوع الجمارك، ناس بتوع أصول وبيحافظوا على أموال الدولة من اللي زينا

[moheltohamy]

ألف سلامة يا دكتور ابراهيم و بلاش صربعة على السلم الله يخليك :blink: . يا رب تكون الجبيرة اتفكت في مصر لأن حرام الجبيرة الشيك دي تمشي في الشوارع المصرية. صحيح ما طلبوش عليها جمرك وانته داخل، أنا ما استبعدش أي حاجة من بتوع الجمارك، ناس بتوع أصول وبيحافظوا على أموال الدولة من اللي زينا :blink:

لأ لأ لأ يا د. كافسيمو...

الشهادة لله... الناس دول زي الفل! أنا رايح جاي عليهم لما قرفتهم مرة كل شهرين أقل واجب ، ولا مرة واحدة حد فيهم كلّمني!

المرة الوحيدة اللي طلبوا أفتح الشنط ...

لما سألني فيه إيه في الشنطة دي ، وقلتله... زتون :ninja:

ياما كان نفسي يقوللي هتدفع عليه جمرك wst::

[moheltohamy]

ملحوظة مهمة : أخوك يا دكتور تهامي لسه مستني عنوان المطعم الأفغاني :D

بص يا دكتورنا...

هتبدأ من إجلنتون مع دون ميلز (Eglinton Ave E & Don Mills) ، وهتكمّل جنوباً مع دون ميلز لغايت شارع Overlea Blvd (بتاع 1200 متر) ، وتدخل يمين (يعني West) في أوفرليي بتاع 500 متر ، وقبل ما توصل Thorncliff ؛ هتلاقي مطعم الأفغاني على إيدك اليمين وأصاده ع الناحية التانية (على إيدك الشمال يعني) بنك RBC...

ولمّا تلقى مقلة لب... i*:

بالمناسبة صحيح... الراجل ده إسمه Bamiyan Kabob (خد تليفونه بالمرة... 4164297514)... الوجبة يا معلّم بتلعب في حوالي الـ 10 دولار... ممكن تضربلك 3 وجبات انتا والمدام (وتهافهافو الوجبة التالتة) ، والعيش بتاعه ده لعب كبييير! ما تنساش تجرّبُه. كل وادعيلي :ninja:

وعلى فكرة... لو كمّلت أدّام شويّة في أوفرليي (500 متر كمان) هتلاقي جامع (Islamic Society of Toronto) ، وده اللي كنا واقفين عنده لما وصلنا الخبر إيّاه بتاع حتت السدر! wst::

قبل ما انسى... إتأكّد إنك طفيت البوتاجاز قبل ما تروح لُه! bv:-

أحب أقول خبر سريع كده ع الماشي...

بعد مرور أكتر من سنة... كان هشام سألني على عنوان مطعم الأفغاني ، وأتصل بالواد ديبو أسأله عليه! والواد ديبو يقوللي بتكلّمني وانا في الحج وقدّام الكعبة عشان تسألني فين عنوان الأفغاني... cld:

أخيراً نجحت وقابلت هشام يوم الأربع اللي فات ده ، ورحنا أكلنا في مطعم Bamiyan Kabob الأفغاني الأستاذ...

وآدي الدليل...

طبعاً الصوص الأبيض ده Ranch dressing ، والأحمر ده الله لا يورّيكم... سبايسي بقلة أدب! بس طعمه في الأكل فظييييييع :blink:

كل مرة ما باتعلّمش... أطلب دايماً وجبة تالتة نهافهاف فيها أنا وديبو (نـ share يعني :blink: ) ، وبرضه وجبة واحدة بتجيبنا الأرض!

وبرضه ، عارف اللي هيجرالي مع الصوص المقندل ده ، وبرضه أدوس فيه ، والنتيجة... زغطة ، وعينيّا تدمّع ، وبهدلة! وهشام برضه... بعد ما سمع نصيحتي وداقه... كان بيعيّط هوّه كمان على كتفي (Special Occasion بقى وكده!) f((:

آل زناتي اللي بيقول مطاعم تورونتو وحشة... فاكر الاستيك بتاع الخُبَر يا زناتي؟! wst::

[SoSo R]

أنتوا بتتصوروا جنب الأكل؟!! :blink:

يعنى لما حد منكم يجوع أو نفسه تهفه على الأفغانى...يبص ع الصورة

وكل دة رز؟؟؟؟

وجبة تالتة إيه...إنتوا بتهرجوا

دى وجبة من دول تتقسم على فردين...مش كل واحد وجبة وتقسموا التالتة wst::

يلا بالهنا والشفا :ninja:

نداء لصافى...

لما تزورونى هاتى لى معاكى وجبة مع الرانش صوص وبلاش الشطة...ودايت كوك لو سمحتى :blink:

وكله بثوابه...والجمعية وكدة...وأنتى فاهمة cld:

تحياتى

سوسورانى

[bent misr]

اييييه ده يا تهامي يا أخويا يعني انت في كندا بجد :ninja:

طب دي سوسو عندها حق بقى في موضوع التقلبات

الجويه دي :happy:

بس معلش الوجبه التالته دي ماكانلهاش لازمه بصراحه

و يا ترى كالتوها :sad:

لأ بجد بالهنا و الشفا :wub: wst::

معلش يا دكتور هشام كان لازم أعلق على الموضوع ده :closedeyes:

تم تعديل 12 ديسمبر 2009 بواسطة bent misr

[safaalabana]

أنتوا بتتصوروا جنب الأكل؟!!

يعنى لما حد منكم يجوع أو نفسه تهفه على الأفغانى...يبص ع الصورة

وكل دة رز؟؟؟؟

وجبة تالتة إيه...إنتوا بتهرجوا

دى وجبة من دول تتقسم على فردين...مش كل واحد وجبة وتقسموا التالتة :happy:

يلا بالهنا والشفا :

نداء لصافى...

لما تزورونى هاتى لى معاكى وجبة مع الرانش صوص وبلاش الشطة...ودايت كوك لو سمحتى :closedeyes:

وكله بثوابه...والجمعية وكدة...وأنتى فاهمة

تحياتى

سوسورانى

لسه بقول عاوزه اكتب العنوان ده واخد رقم التليفون ...لقيتك يا سوسو يا حبيبتى بتعملى لى code :ninja:

,وده بيتعمل فى المستشفيات لما بيبقى فى حاله emergency يعنى تعالو يادكاتره بسرعه ويا نلحق المريض لا ما نلحقهوش ...اه والله ياسوسو نفسى نتقابل انا وانت مدام زيزى ومدام هند وكل المدامات الجما اللى انضمولنا حديثا ...ونروح الاماكن دى يبقى لنا فيها زكريات جميله ....ونصورلهم الاكل برده..ايوه عشان نبقى عملنا اللى علينا عشان فى اليوم ده مش ح نطبخ :sad:

[د هشام ابراهيم]

السلام عليكم,

اسجل اعجابى و متابعتى... و عايز اعرف حصل ايه لما نزلت مصر :ninja:

انا كنت فى اوروبا من شهرين, و بصراحة حصلت لى صدمة ثقافية و حضارية و نضافية و كل حاجة... و لما رجعت اتخنقت من مصر و العيشة و اللى عايشينها ههههههههههههه.. بس انا كنت هناك سياحة يعنى.

و عليكم السلام و رحمة الله و بركاته ..أهلا و سهلا بحضرتك ...عارف سعادتك رحلة لاوروبا برضه كانت عامل محفز لي في قصة الهجرة ديه كلها ...العين الناقدة اللي بتاخد بالها من حاجات كتير كان الواحد متعايش معاها قبل كده و ساكت ...شاكر لحضرتك المتابعة و الأطراء

[د هشام ابراهيم]

دكتورنا العزيز ...كيفك يا رب تكون بخير ....و رجلك تكون خفت!!! :ninja:

معلش يا باشا مقصريين معاك بس الظروف بقى

تحياتى يا باشا

حبيب هارتي و الله يا شهوب ...عاش من شافك يا صاحبي ...عارف و مقدر طبعا بس بجد بافرح لما بتنور أي قهوة من بتوع العبد لله :wub:

[د هشام ابراهيم]

ألف سلامة يا دكتور ابراهيم و بلاش صربعة على السلم الله يخليك :) . يا رب تكون الجبيرة اتفكت في مصر لأن حرام الجبيرة الشيك دي تمشي في الشوارع المصرية. صحيح ما طلبوش عليها جمرك وانته داخل، أنا ما استبعدش أي حاجة من بتوع الجمارك، ناس بتوع أصول وبيحافظوا على أموال الدولة من اللي زينا :)

عمار يا مصر :ninja: ...الأير كاست موجودة في مصر يا باشا بس تمنها فوق ال-٤٠٠٠ جنيه علي مسئولية استشاري جراح عظام في مستشفي من اللي كنت باشتغل فيهم رحت ازور الناس هناك فقابلته و قالي الحكاية ديه

الطف تعليق سمعته .....هي ديه بتطلع نور يا دكتور :wub:

[د هشام ابراهيم]

من جهة أستاذ فهو أستاذ ...ربك لما يريد بقي ...بقالي سنة باسأل علي المطعم ده و يطلع أصلا 5 دقايق من محلات اقبال اللي كنت باجيب منها اللحمة و البقالة و الخضار قبل ما اكتشف سكاربورو .........اييه أيام :ninja:

و كمان طلع بتاع ١٠ دقايق من المستشفي اللي أنا فيها دلوقتي في ايست يورك ...مقدر و مكتوب يا تهامي يا أخويا :wub:

[myusername]

السلام عليكم,

اسجل اعجابى و متابعتى... و عايز اعرف حصل ايه لما نزلت مصر :ninja:

انا كنت فى اوروبا من شهرين, و بصراحة حصلت لى صدمة ثقافية و حضارية و نضافية و كل حاجة... و لما رجعت اتخنقت من مصر و العيشة و اللى عايشينها ههههههههههههه.. بس انا كنت هناك سياحة يعنى.

و عليكم السلام و رحمة الله و بركاته ..أهلا و سهلا بحضرتك ...عارف سعادتك رحلة لاوروبا برضه كانت عامل محفز لي في قصة الهجرة ديه كلها ...العين الناقدة اللي بتاخد بالها من حاجات كتير كان الواحد متعايش معاها قبل كده و ساكت ...شاكر لحضرتك المتابعة و الأطراء

مش بس كده... بس الواحد حس انه مضحوك عليه, و راضى بعيشة المفروض ميرضاش بيها

و الرفاهية اللى الواحد شافها هناك...

دى صورة فيديو جيم فى مطار شارل ديجول فى باريس... اتصدمت لما لقيته, و قعدت العب شوية لغاية اما الطيارة جت... طبعا مجانى

تم تعديل 12 ديسمبر 2009 بواسطة myusername

[د هشام ابراهيم]

أنتوا بتتصوروا جنب الأكل؟!! :wub:

يعنى لما حد منكم يجوع أو نفسه تهفه على الأفغانى...يبص ع الصورة

وكل دة رز؟؟؟؟

وجبة تالتة إيه...إنتوا بتهرجوا

دى وجبة من دول تتقسم على فردين...مش كل واحد وجبة وتقسموا التالتة :)

يلا بالهنا والشفا :ninja:

وجبة إيه اللي تتقسم علي اتنين يا دوك ..... ما هو علشان كده بردانة علي طول حتي لما الحرارة كانت ١٠ و ١٥ ;)

لا يا باشا الصورة مش علشان الذكريات الحمد لله يا باشا الأمن الغذائي مستتب جدا بس أخوكي كابتن تي صمم يصور علشان يقول إن الأكل الحلال و الشهي موجود مش زاي ما ناس تانية كانت بتقول ( قصدي أهدي نفوس يا معلم زناتي :) )

ده غير طبعا إن تومي فضحي و ما يبتبلش في بقه فولة ...بس صراحة إنسان مش موجود زيه في طيبته و نقائه :wub:

[ehabtaher]

ياه تتصلو بمكه علشان تعرفو مكان الافغانى

يبقى لكم حق تاكلو 3 وجبات اكيد مكلتوش من يومين

والف سلامه على رجلك يا دوك بس غريبه لما تمنها 4000 فى مصر يبقى كان المفروض ياخدو عليها جمرك

بس قوللى انت خلعتها ليه بعد اسبوعين...... اوعى تكون اتزنقت فى الفلوس

[د هشام ابراهيم]

بس معلش الوجبه التالته دي ماكانلهاش لازمه بصراحه :wub:

و يا ترى كالتوها :)

لأ بجد بالهنا و الشفا :wub: ;)

معلش يا دكتور هشام كان لازم أعلق على الموضوع ده :ninja:

ده مغلبني و الله يا باشا ...... و مغلب الواد ديبو و كنج هوبا كمان ....كل ما نروح في حتة يطلب آكل زيادة ...يهديك يرضيك ما فيش فايدة و طبعا في الاخر ما بيعرفش يكملها و يحتاس .... لا إما يقعد يبلبع ليترات من الكولا علشان يعرف ياكل ......

معلهش يا تومي يا أخويا بقي من نفسي مرة أبقي فضحي :)