قصتي مع كندا

[د هشام ابراهيم]

نفسى نتقابل انا وانت مدام زيزى ومدام هند وكل المدامات الجما اللى انضمولنا حديثا ...ونروح الاماكن دى يبقى لنا فيها زكريات جميله ....ونصورلهم الاكل برده..ايوه عشان نبقى عملنا اللى علينا عشان فى اليوم ده مش ح نطبخ :wub:

ربنا يقدم البعيد يا دوك و ما تخافيش حضرتك لو مش عايزين تطبخوا خالص ...مطاعم تورنتو قدها و قدود :ninja:

[د هشام ابراهيم]

مش بس كده... بس الواحد حس انه مضحوك عليه, و راضى بعيشة المفروض ميرضاش بيها

و الرفاهية اللى الواحد شافها هناك...

حقيقي .... بس برضه الناس اللي برة بتتعب جامد علشان تقدر تستمتع بالرفاهية ....ما يغركش البلاي ستاشين اللي في المطار العيشة بره ما فيهاش هزار لازم تعب و مجهود ....الجميل إن التعب ليه مقابل مش مجرد حرث في بحر

[د هشام ابراهيم]

ياه تتصلو بمكه علشان تعرفو مكان الافغانى

يبقى لكم حق تاكلو 3 وجبات اكيد مكلتوش من يومين

والف سلامه على رجلك يا دوك بس غريبه لما تمنها 4000 فى مصر يبقى كان المفروض ياخدو عليها جمرك

بس قوللى انت خلعتها ليه بعد اسبوعين...... اوعى تكون اتزنقت فى الفلوس

دكتور ايهاب هو سعادتك مش ملاحظ إن تعليقاتك تقيلة شويتين ...عموما يا سيدي كتر خيرك احنا ناس مش لاقيين ناكل و كمان بنشحت بالجبيرة بتاعتي ..ألف شكر يا دوك

[myusername]

حقيقي .... بس برضه الناس اللي برة بتتعب جامد علشان تقدر تستمتع بالرفاهية ....ما يغركش البلاي ستاشين اللي في المطار العيشة بره ما فيهاش هزار لازم تعب و مجهود ....الجميل إن التعب ليه مقابل مش مجرد حرث في بحر

و يمكن هو ده سبب ان فيه ناس كتير فشلت فى كندا... لانهم عايزين يروحوا يلاقوا شغل على طول و ياخدو فلوس كتير بدون مقابل...

و طبعا فى الاخر تلاقيهم بيلعنوا اليوم اللى راحوا فيه كندا

كندا عايزة ناس تبنيها و عندها استعداد تشتغل و تدرس فى نفس الوقت... مش عايزين ناس تستهلك المميزات التعليمية و الصحية بتاعتهم و خلاص

سبب حبى لكندا انى قريت كتاب لمفيد فوزى و انا صغير, الكتاب اسمه كندا حلم المهاجرين , و اعتقد انه الفه فى اوائل التمانينات.

[ehabtaher]

ياه تتصلو بمكه علشان تعرفو مكان الافغانى

يبقى لكم حق تاكلو 3 وجبات اكيد مكلتوش من يومين

والف سلامه على رجلك يا دوك بس غريبه لما تمنها 4000 فى مصر يبقى كان المفروض ياخدو عليها جمرك

بس قوللى انت خلعتها ليه بعد اسبوعين...... اوعى تكون اتزنقت فى الفلوس

دكتور ايهاب هو سعادتك مش ملاحظ إن تعليقاتك تقيلة شويتين ...عموما يا سيدي كتر خيرك احنا ناس مش لاقيين ناكل و كمان بنشحت بالجبيرة بتاعتي ..ألف شكر يا دوك

طيب يا سيدى انا اسف مكانش قصدى بس ساعات القافيه بتحكم وعموما شكلك حساس شويه مش حاتكلم معاك تانى فى موضوع الفلوس ده بس انا كنت عايز اهدى النفوس بس

[safaalabana]

:rolleyes:

بروفيسور هشام ...حضرتك فى مستشفى ايست يورك ..انا مهتمه ب يورك سيتى علشان الجامعه اللى فيها ....هل صحيح ان نصف جرايم القتل بتاعة تورنتو بتحصل فى يورك لوحدها !!!وانها بقت اصعب من سكاربورو فى الجريمه ؟؟وشكرا مقدما

[safaalabana]

:rolleyes:

بروفيسور هشام ...حضرتك فى مستشفى ايست يورك ..انا مهتمه ب يورك سيتى علشان الجامعه اللى فيها ....هل صحيح ان نصف جرايم القتل بتاعة تورنتو بتحصل فى يورك لوحدها !!!وانها بقت اصعب من سكاربورو فى الجريمه ؟؟وشكرا مقدما

[طبيبة مصرية]

دكتور هشام

الف الف سلامة على حضرتك...........

بس الجبيرة او الاير كاست دى شكلها شيك فعلا يعنى انا شخصيا ممكن البسها عادى كده واتمنظر بيها :rolleyes: وطلعت كمان ب4000 الاف جنيه ده انا ليا حق يعجبنى شكلها بقى :lol:

شكلى هنضم لجروب الدروب جوز وعلى فكرة انفع لانى جين اكسر زيكم...........

شفت صورة صغنتوتة لحضرتك على الفيس بوك بس منور ولله فى الصورة يا دوك :D ............

اصل انا كنت افتكرت من كلام زوجى ان له زميلة معاه فى قسم النفسية هنا فى الكويت وانها هاجرت كندا من سنة قلت اروح اتفرج على البروفايل والصور بتاعتها يمكن الاقى حاجة من ريحة كندا اصل انتوا بصراحة حببتونى اوى فى البلد دى :D .............

وفعلا لقيت كتييييييييييييير صور فى السنو وصور فى المولات وصور لاولادها فى الملاعب تجنن وحتى منهم صورة فى تيم هورتونز..........

ولقيت بقى صورة جمييييييييييلة مكتوب عليهاCHEPA 2009 وفيها تقريبا كل صور النواب اللى اتقبلوا فى 2009

وفعلا افتكرت ان حضرتك ذكرت ان من ضمن النيابات واحدة نفسية وحصلت عليها طبيبة مصرية مش انا طبعا دى هى :D

شفت الدنيا صغيرة ازاى!!!!

فى انتظار انطباعات سيادتك عن رحلة مصر والله يكون فى عونك فى زحمة ميدان الرماية ده لان انا شغلى فى كلية طب الفيوم وذكرياتى مع شارع الهرم وميدان الرماية مالهاش اخر وخاصة الحتة الخنقة دى على ما تخلص لفة الميدان وتاخد طريق الفيوم ولما تعرف سيادتك انى من سكان مدينة نصر فلك ان تتخيل انى بروح الشغل فى 3 ساعات يعنى بوصل هلكانة اصلا وعلشان كده خدتها من قصيرها وقدمت على اجازة مرافقة زوج .........

[اسكندرانيةكنداوية]

نفسى نتقابل انا وانت مدام زيزى ومدام هند وكل المدامات الجما اللى انضمولنا حديثا ...ونروح الاماكن دى يبقى لنا فيها زكريات جميله ....ونصورلهم الاكل برده..ايوه عشان نبقى عملنا اللى علينا عشان فى اليوم ده مش ح نطبخ ;)

ربنا يقدم البعيد يا دوك و ما تخافيش حضرتك لو مش عايزين تطبخوا خالص ...مطاعم تورنتو قدها و قدود :)

أيوة يا د/صفاء أنا أول واحدة أشجع الإضراب عن الطبخ و يكون من ضمن أجندة جمعية النساء المتوحشات يوم قومى نتقابل فيه ونقضى يوم ظريف بدون طبخ

[اسكندرانيةكنداوية]

ألف سلامة يا د/هشام صحيح متأخرة لكن أناجديدة و لسة مازلت أتجول فى المنتدى حبيت أسجل متابعة وأشكرك وفى إنتظار خواطر رحلة مصر :)

[EmanRasmy]

الله يسلم حضرتك و كل سنة و حضرتك و الجميع في أتم صحة و سعادة و رضا

الصراحة يا سيدتي الفاضلة الوحيد اللي ما خادش صور يوميها هو العبد لله ..... الكنج ايهاب و الزعيم الشامي و المعلم الزناتي كلهم صوروا يا باشا و ما حدش بعتلي أنا شخصيا الصور .....شكلي طلعت مالي الصورة زي كل مرة :lol:

بالنسبة لملخص القمة بقي فشكلي حاسيبها للباشمهندس زناتي في التوبيك الجديد بتاعه

آآآآه ... خدوا الصور و مدكنييييييييين!! ... و بعدين حضرتك دايما مالي مش بس الصور لأ المنتدى كله .. بالبشاشه و خفة الظل و الإخلاص في الإجابه عن كل استفسار ... ربنا يكرمك و يوفقك دايما يا رب... و مستنيين التوبيك بتاع أستاذنا الكبير أوي زناتي باشا :D ... ربنا يكرمكوا كلكوا .... بالمناسبه الكاست ده فعلا فظيع و استايل قوي ... شكله أحلى بكتير من الجبس الملون اللي (قال إيه) كااااااااان عاجبني .. تقوم بالسلامه ان شاء الله.... و يا رب بقى حضرتك تفضى شويه من الon calls وتقول لنا لنا أخبار مصر معاك إيه :P

ربنا يعينكوا في البرد اللي انتوا فيه cld:

[mohamed mongy]

دكتور هشام حبيب الملايين..........

انا كنت دخلت زي ما قلت على الclinical fellowships ولاقيت الكلام ده:

License Requirements:

Foreign applicants may apply. The Ontario College of Physicians and Surgeons will generally grant a full clinical educational license to applicants with recognized specialty certification in their home country. Those applicants whose medical school was not taught in English will now no longer be required to take the TOFEL and TSE examination. However, there will be a 4-6 week pre-fellowship evaluation period during which the candidate's ability will be assessed before a final educational license can be granted. Completion of a North American residency also will make licensing fairly straightforward. Certificate of completion of the Fellowship will be issued when the training time, research and other commitments are completed.

هل ده معناه ان انا لازم يكون معايا ماستر او دكتوراة علشان يقبلوني ولا ايه........

لان الكلام ده بينسف الموضوع من اوله لان انا معايا خبرة بس وجزء اول FRCS ......

وانا كنت فاهم من كلام حضرتك انه مش لازم اي شهادة تخصص ولا ايه

[alsaher]

عزيزي دكتور هشام

أنا مقصر مع حضرتك

أولا ألف سلامه على رجل حضرتك

ويارب تقوم بالسلامة وترجع أحسن من الأول

وتانيا نورت مصر

مش عارف حضرتك في مصر ولا رجعت خلاص

عموما خالص تحياتي لحضرتك

[kaplaan]

doctoooooooor

a5barak eh?

tamenna 3aleek?

yatara reglag 3amla eh delwa2ty?

[SoSo R]

أنتوا بتتصوروا جنب الأكل؟!!

يعنى لما حد منكم يجوع أو نفسه تهفه على الأفغانى...يبص ع الصورة

وكل دة رز؟؟؟؟

وجبة تالتة إيه...إنتوا بتهرجوا

دى وجبة من دول تتقسم على فردين...مش كل واحد وجبة وتقسموا التالتة

يلا بالهنا والشفا

وجبة إيه اللي تتقسم علي اتنين يا دوك ..... ما هو علشان كده بردانة علي طول حتي لما الحرارة كانت ١٠ و ١٥ wst::

لا يا باشا الصورة مش علشان الذكريات الحمد لله يا باشا الأمن الغذائي مستتب جدا بس أخوكي كابتن تي صمم يصور علشان يقول إن الأكل الحلال و الشهي موجود مش زاي ما ناس تانية كانت بتقول ( قصدي أهدي نفوس يا معلم زناتي )

ده غير طبعا إن تومي فضحي و ما يبتبلش في بقه فولة ...بس صراحة إنسان مش موجود زيه في طيبته و نقائه

طيب بجد ...من كام يوم جبت وجبة شبه دى ...بس المشويات أقل شوية وكلتها أنا والبنتين...وكفت وتمام التمام...وكنا شبعانين

يبقى ممكن تتقسم على تلاتة كمان مش بس إتنين :h!!!h:

شايف الحتة اللى أنا ملوناها دى :waving:

حاسة إنى محتاجة أنزل طقم كمانجات :lol:

ويلكوم تو تورنتو...ربنا يخليكم لبعض :old:

بهزر خليك فريش أنت فى رحلة wst:: ...

تحياتى

سوسورانى

[somayasaleh]

كان يا مكان يا سادة يا كرام عبد لله غلبان أسمه الدكتور هشام

كان مهاجر بلاد الهدوء و الوئام بس لازم ينزل مصر كل كام شهر بالتمام علشان يشوف أهله و أهل المدام

عادي أغلب المغتربين بيبتدوا قصة اجازتهم كده

اللي مش عادي ان الأجازة ديه كانت بعد سنة كاملة من أخر نزولة لمصر ...من ساعة ما جيت كندا و أنا بانزل كل 6 - 9 شهور ..... ظروف شخصية و مهنية طولت غيابي المرة ديه و فعلا كنت خايف من الأجازة ديه مش عارف ليه ...حاسس إن أحساسي ببلدي حيتغير ....حبي لمصر امتداد لحبي و احترامي لذاتي .... مهما حصل فيها أو في شئت أم أبيت أنا مصري ..... و ركن أساسي من أركان اعتزازي بنفسي و كرامتي مستمد من اعتزازي بهويتي ...كلام كبير قوي مش وقته انما باحاول انقل لكم أحاسيسي المرتبكة قبل ما أسافر ....المهم اللي حصل يومين قبل السفر و أثر علي اجازتي كلها ما كانش ليه دعوة بكل كده ......

أنا كنت مسافر الجمعة من تورنتو ...يوم التلات اللي قبل السفر خطفت رجلي لحد سانت كاثرين أجيب شنطة من شنط المدام ....و أنا نازل بيها علي السلم تعثرت و خدت كام سلمة و نزلت بكل تقلي و تقل الشنطة علي قدمي الشمال

حد يقولي يا كابتن لطيف ده أكيد بسبب الشنطة انما الحقيقة ده عيب في مفصل القدم عندي ...الحقيقة القدمين فيهم اصابات قديمة من أيام الرياضة و بتاع ....العبد لله كان بيلعب رياضات كتير قوي قبل المدعوقة كلية الطب .... الباسكت و التنس بالذات بوظوا الانكلين بتوعي و الصراحة كمان أنا من يومي لا باحب الدكاترة و لا باحب أروحلهم و لا باحب اشتكي و ده برضه اللي حصل المرة ديه لحد يوم الخميس ليلة السفر لما رجلي بقيت قد البالونة رغم المحاولات المستميتة للتطنيش ...... سعادتكم بقيت مش عارف أنزل من السرير أصلا .....السفر الجمعة و الشنط كالعادة ما تحضرتش

الصراحة ما كانش فيه حلول كتير ما دامت القدم ورمت قوي كده يبقى أكيد فيها كسر مش مجرد أوتار و أربطة ينفع معاها الطناش خصوصا إني ما بقيتش عارف أحط رجلي علي الأرض أصلا ...طيب يالا بينا علي الطواريء .... شقتي في تورنتو علي بعد دقائق من أكبر مستشفيات في تورنتو ..نقيت واحدة و اتكلنا علي الله و رحنا

وصلت و عديت ال-triage و أتكشف علي و أتعملي أشعة و أتكتبلي ادوية و أتوصفلي الجبيرة الهوائية ديه إلي في الصورة تحت و استلمتها و لبستها في أقل من ساعة ...قال بيقولك الناس بتتأخر في الأستقبال قال ....بس الحقيقة عمرها ما حصلت مع حد قبل كده ...ربك لما يريد

المشكلة بقي اني لما رجعت شقتي راسي و ألف سيف ما البسش البتاعة ديه .....حتتعبني في السفر و المطارات ..لا مش حالبسها .....بجد المدام ديه ليها الجنة ...ربنا يخليها و يكرمها يا رب ...قولوا أمين :waving:

المهم ما أطولش عليكم اللي جبرني ألبس الجبيرة إن ما مفيش جزمة عرفت أدخل فيها رجلي المتورمة ببشاعة ....لا أسافر بشبشب بقي لا أسافر بالآير كاست .....الحقيقة انها ما ضايقتنيش خالص بالعكس ريحت رجلي جدا في السفر و ساعدت علي الالتئام السريع .....و عسي أن تكرهوا شيئا ..سبحان الله

العيب الوحيد انها كانت محجمة حركتي ....طبعا السبب الأساسي القدم المكسورة انما برضه ساهمت في تحديد اقامتي في مصر لحد كبير .....انما الحقيقة برضه مش ده اللي ضايقني في مصر خالص :h!!!h:

الف مليون سلامة عليك يا دكتور هشام

المؤمن دايما متصاب....ماما دائما كانت بتقول كده......

ربنا يجعل الاصابة ده في ميزان حسناتك ان شاء الله

[Ahmed Osman]

دكتور/ هشام

تحياتي لك وألف سلامة

القهوة بتاعتك وصلت للصفحة التالتة و بتشاور عقلها للرابعة

متغبش علينا الله يخليك و خلينا نرجع زي زمان ، أيام السرد الجميل للأحداث و التحليلات و الخواطر و الأراء المحترمة.

تحياتي من أبوظبي لغااااااااية سانت كاترين :lol: .

[Mercedes]

السلام عليكم و رحمة الله و بركاته

ازيكم يا جماعة و أخباركم ايه

ان شالله تكونوا بخير

أنا بس حبيت أعدى أرمى التماسى على الناس الحلوين اللى عالكراسى عشان تعرفوا أننى متابع كل حاجة و كل كلمة كبيرة و صغيرة بتتقال فى القهوة هنا .

تقعدوا بالعافية

أخوكم / MERCEDES S430

[Mercedes]

السلام عليكم

أنا كنت معدى , قلت أهدى و أحدفلكم اللينك ده عشان تضحكوا شويه :lol:

http://www.youtube.com/watch_popup?v=lA3QIrkp-3c#t=30

و الله العظيم أما مصايب

بيقولوا أن سعد الحريرى كان كويس و متين فى اللغة العربية على أساس أن والده - رفيق الحريرى - كان مدرس لغة عربية هنا فى السعودية , بس بعد ما والده أخد الجنسية السعودية , مستواه نزل فى كل المواد و بالذات اللغة العربية , يا ترى ليييييييييييه؟؟؟

و بعدين أنا بصراحة بعترف أن الجمواعة اللبنانيين دول ناس Pioneer فى كل نواحى الحياة , يا جماعة دول عندهم رئييييييييييييييييييس الوزرا مزدوج الجنسية

قال و احنا كنا زعلانيين عشان كان عندنا شوية أعضاء فى مجلس الشعب مزدوجى الجنسية

عمار يا مصر , والله احنا فى نعمة

بس ربنا يزيح عننا ؟؟؟؟؟؟؟؟؟؟ اللى كاتم على نفسنا , و هى ان شاء الله هتحلو

أخوكم / مرسيدس

[د هشام ابراهيم]

يمكن هو ده سبب ان فيه ناس كتير فشلت فى كندا... لانهم عايزين يروحوا يلاقوا شغل على طول و ياخدو فلوس كتير بدون مقابل...

و طبعا فى الاخر تلاقيهم بيلعنوا اليوم اللى راحوا فيه كندا

كندا عايزة ناس تبنيها و عندها استعداد تشتغل و تدرس فى نفس الوقت... مش عايزين ناس تستهلك المميزات التعليمية و الصحية بتاعتهم و خلاص

سبب حبى لكندا انى قريت كتاب لمفيد فوزى و انا صغير, الكتاب اسمه كندا حلم المهاجرين , و اعتقد انه الفه فى اوائل التمانينات.

كلام خلاصة الصراحة .....تحياتي يا باشا :angry:

صراحة ما أعرفش الكتاب اللي حضرتك أشرت إليه و بصراحة أكبر المواطن مفيد فوزي ده لا أطيقه بس أخيرا طلع له فايدة أهو