قصتي مع كندا

[د هشام ابراهيم]

طيب يا سيدى انا اسف مكانش قصدى بس ساعات القافيه بتحكم وعموما شكلك حساس شويه مش حاتكلم معاك تانى فى موضوع الفلوس ده بس انا كنت عايز اهدى النفوس بس

حصل خير يا دوك

[د هشام ابراهيم]

بروفيسور هشام ...حضرتك فى مستشفى ايست يورك ..انا مهتمه ب يورك سيتى علشان الجامعه اللى فيها ....هل صحيح ان نصف جرايم القتل بتاعة تورنتو بتحصل فى يورك لوحدها !!!وانها بقت اصعب من سكاربورو فى الجريمه ؟؟وشكرا مقدما

دكتورتنا الفاضلة صفاء باشا

أنا حاليا في Toronto East General Hospital و هي فعلا في ايست يورك ...ايست يورك منطقة قديمة في تورنتو و مستواها الأقتصادي و الأجتماعي أقل كتير من أماكن تانية

York Univesity ليها كامبس في سكاربورو و واحد تاني في نورث يورك يعني بعاد أصلا عن ايست يورك

الصراحة ما عنديش أرقام واضحة لمقارنة معدلات الجريمة في كل منطقة في تورنتو بس اللي متأكد منه ١٠٠ في ال-١٠٠ هو

١- معدلات الجريمة في تورنتو من أقل المعدلات في أمريكا الشمالية كلها

٢- معدلات الجريمة في تورنتو أقل في غرب شارع يانج عن شرق شارع يانج

بصي حضرتك الفقرة ديه

Crime in Toronto has been relatively low; the low crime rate in Toronto has resulted in the city having a reputation as one of the safer cities in North America. For instance, in 2007, the homicide rate for Toronto was 3.1 per 100,000 people, compared to Atlanta (19.7), Boston (10.3), Los Angeles (10.0), New York City (6.3), Vancouver (3.1), and Montreal (2.6). Toronto's robbery rate also ranks low, with 207.1 robberies per 100,000 people, compared to Los Angeles (348.5), Vancouver (266.2), New York City (265.9), and Montreal (235.3)

تحياتي و احترامي يا سيدتي الفاضلة :angry:

[د هشام ابراهيم]

دكتور هشام

الف الف سلامة على حضرتك...........

بس الجبيرة او الاير كاست دى شكلها شيك فعلا يعنى انا شخصيا ممكن البسها عادى كده واتمنظر بيها :angry: وطلعت كمان ب4000 الاف جنيه ده انا ليا حق يعجبنى شكلها بقى :lol: :lol: :lol:

شكلى هنضم لجروب الدروب جوز وعلى فكرة انفع لانى جين اكسر زيكم...........

شفت صورة صغنتوتة لحضرتك على الفيس بوك بس منور ولله فى الصورة يا دوك :lol: ............

اصل انا كنت افتكرت من كلام زوجى ان له زميلة معاه فى قسم النفسية هنا فى الكويت وانها هاجرت كندا من سنة قلت اروح اتفرج على البروفايل والصور بتاعتها يمكن الاقى حاجة من ريحة كندا اصل انتوا بصراحة حببتونى اوى فى البلد دى :lol: .............

وفعلا لقيت كتييييييييييييير صور فى السنو وصور فى المولات وصور لاولادها فى الملاعب تجنن وحتى منهم صورة فى تيم هورتونز..........

ولقيت بقى صورة جمييييييييييلة مكتوب عليهاCHEPA 2009 وفيها تقريبا كل صور النواب اللى اتقبلوا فى 2009

وفعلا افتكرت ان حضرتك ذكرت ان من ضمن النيابات واحدة نفسية وحصلت عليها طبيبة مصرية مش انا طبعا دى هى :D

شفت الدنيا صغيرة ازاى!!!!

فى انتظار انطباعات سيادتك عن رحلة مصر والله يكون فى عونك فى زحمة ميدان الرماية ده لان انا شغلى فى كلية طب الفيوم وذكرياتى مع شارع الهرم وميدان الرماية مالهاش اخر وخاصة الحتة الخنقة دى على ما تخلص لفة الميدان وتاخد طريق الفيوم ولما تعرف سيادتك انى من سكان مدينة نصر فلك ان تتخيل انى بروح الشغل فى 3 ساعات يعنى بوصل هلكانة اصلا وعلشان كده خدتها من قصيرها وقدمت على اجازة مرافقة زوج .........

الله يسلم حضرتك و يصلح لك الأمر كله أهلا و سهلا بحضرتك في نادي الدروب جوز و في جمعية الاجيبشان كانيديان جين أكسرز

الحقيقة حكاية ال-٤٠٠٠ جنيه ديه كانت علي مسئولية أستشاري جراحة عظام و لم أتأكد منها صراحة و لو اني ما أستبعدهاش ...الأسعار في مصر بقيت غير طبيعية

فعلا الدنيا صغيرة ....الحق دكتورة م مثال للكفاح و المثابرة و التضحية و الجدعنة كمان و الواحد اتشرف بمعرفتها أثناء دورة الاعداد بتاعة CEHPEA

المرور في القاهرة كله غير محتمل ....هما عملوا تعديلات غريبة في المرور في ميدان الرماية خلت الدنيا أحسن شوية و لو انها كلها حلول مؤقتة

أنا أسف علي التأخير في سرد الخواطر المصرية ....

تحياتي و احترامي يا دكتورة

[د هشام ابراهيم]

:angry: ألف سلامة يا د/هشام صحيح متأخرة لكن أناجديدة و لسة مازلت أتجول فى المنتدى حبيت أسجل متابعة وأشكرك وفى إنتظار خواطر رحلة مصر :lol:

الله يسلم حضرتك و أهلا و سهلا بحضرتك في المنتدي و باذن الله أواصل كتابة خواطر اجازة مصر

[د هشام ابراهيم]

آآآآه ... خدوا الصور و مدكنييييييييين!! ... و بعدين حضرتك دايما مالي مش بس الصور لأ المنتدى كله .. بالبشاشه و خفة الظل و الإخلاص في الإجابه عن كل استفسار ... ربنا يكرمك و يوفقك دايما يا رب... و مستنيين التوبيك بتاع أستاذنا الكبير أوي زناتي باشا :angry: ... ربنا يكرمكوا كلكوا .... بالمناسبه الكاست ده فعلا فظيع و استايل قوي ... شكله أحلى بكتير من الجبس الملون اللي (قال إيه) كااااااااان عاجبني .. تقوم بالسلامه ان شاء الله.... و يا رب بقى حضرتك تفضى شويه من الon calls وتقول لنا لنا أخبار مصر معاك إيه :lol:

ربنا يعينكوا في البرد اللي انتوا فيه :lol:

يا أفندم كتر ألف خيرك شاكر لحضرتك ذوقك و أدبك الجم

طب تخيلي حضرتك لحد النهارده ما حدش نزل الصور و لا بعتها حتي

و كمان المعلم Z نزل الصور في التوبيك بتاعه و طنش صور المقابلة

باعتباري بقالي ٤ سنين هنا فالحق يتقال البرد السنة ديه محتمل جدا لحد دلوقتي ..... الله يكون في عون 005 طبعا أول شتا في كندا بيبقى أكيد صعب شوية مهما كان

الحق يتقال الأير كاست فعال جدا و كمان أسهل بمراحل من الجبس العادي و من الدايناكاست كمان سواء في الحركة أو التعامل اليومي معاه

[د هشام ابراهيم]

دكتور هشام حبيب الملايين..........

انا كنت دخلت زي ما قلت على الclinical fellowships ولاقيت الكلام ده:

License Requirements:

Foreign applicants may apply. The Ontario College of Physicians and Surgeons will generally grant a full clinical educational license to applicants with recognized specialty certification in their home country. Those applicants whose medical school was not taught in English will now no longer be required to take the TOFEL and TSE examination. However, there will be a 4-6 week pre-fellowship evaluation period during which the candidate's ability will be assessed before a final educational license can be granted. Completion of a North American residency also will make licensing fairly straightforward. Certificate of completion of the Fellowship will be issued when the training time, research and other commitments are completed.

هل ده معناه ان انا لازم يكون معايا ماستر او دكتوراة علشان يقبلوني ولا ايه........

لان الكلام ده بينسف الموضوع من اوله لان انا معايا خبرة بس وجزء اول FRCS ......

وانا كنت فاهم من كلام حضرتك انه مش لازم اي شهادة تخصص ولا ايه

عفوا يا دكتور أنا قلت مش لازم دكتوراه .....انما لازم شهادة تخصص ما .....الفيلوشيب بتعتبر تدريب متقدم ما بعد النيابة ....من غير تخصص يبقى حضرتك GP و ما ينفعش تقدم علي كلينيكال فيلوشيب

حاول في الريسيرش فيلوشيب .... زي ما قلت قبل كده التقديم ليها شروطه أسهل ...عائدها أقل لكنه كافي جدا و أفردت مميزاتها كلها سابقا في التوبيك ده بالذات

[د هشام ابراهيم]

عزيزي دكتور هشام

أنا مقصر مع حضرتك

أولا ألف سلامه على رجل حضرتك

ويارب تقوم بالسلامة وترجع أحسن من الأول

وتانيا نورت مصر

مش عارف حضرتك في مصر ولا رجعت خلاص

عموما خالص تحياتي لحضرتك

عاش من شافك يا دكتور ......الله يكون في العون يا صديقي مقدر الظروف يا باشا .....الحمد لله كله تمام ....اجازة مصر كانت اسبوعين بالعدد

ما تحرمناش من مشاركاتك بقي :angry: :lol:

[د هشام ابراهيم]

doctoooooooor

a5barak eh?

tamenna 3aleek?

yatara reglag 3amla eh delwa2ty?

سفيرنا العزيز :angry:

كله تمام الحمد لله ...... زكة خفيفة في القدم غالبا لاني قلعت الاير كاست بدري بدري ...مش باقولك أسوأ مرضي هما الدكاترة :lol:

الروتاشين الحالية ديه تقيلة شويتين في النبتشيات بتاعتها ...ربنا يعديها علي خير

[safaalabana]

بروفيسور هشام ...حضرتك فى مستشفى ايست يورك ..انا مهتمه ب يورك سيتى علشان الجامعه اللى فيها ....هل صحيح ان نصف جرايم القتل بتاعة تورنتو بتحصل فى يورك لوحدها !!!وانها بقت اصعب من سكاربورو فى الجريمه ؟؟وشكرا مقدما

دكتورتنا الفاضلة صفاء باشا

أنا حاليا في Toronto East General Hospital و هي فعلا في ايست يورك ...ايست يورك منطقة قديمة في تورنتو و مستواها الأقتصادي و الأجتماعي أقل كتير من أماكن تانية

York Univesity ليها كامبس في سكاربورو و واحد تاني في نورث يورك يعني بعاد أصلا عن ايست يورك

الصراحة ما عنديش أرقام واضحة لمقارنة معدلات الجريمة في كل منطقة في تورنتو بس اللي متأكد منه ١٠٠ في ال-١٠٠ هو

١- معدلات الجريمة في تورنتو من أقل المعدلات في أمريكا الشمالية كلها

٢- معدلات الجريمة في تورنتو أقل في غرب شارع يانج عن شرق شارع يانج

بصي حضرتك الفقرة ديه

Crime in Toronto has been relatively low; the low crime rate in Toronto has resulted in the city having a reputation as one of the safer cities in North America. For instance, in 2007, the homicide rate for Toronto was 3.1 per 100,000 people, compared to Atlanta (19.7), Boston (10.3), Los Angeles (10.0), New York City (6.3), Vancouver (3.1), and Montreal (2.6). Toronto's robbery rate also ranks low, with 207.1 robberies per 100,000 people, compared to Los Angeles (348.5), Vancouver (266.2), New York City (265.9), and Montreal (235.3)

تحياتي و احترامي يا سيدتي الفاضلة :lol:

شكرا جزيلا بروفيسوز هشام :D

[د هشام ابراهيم]

طيب بجد ...من كام يوم جبت وجبة شبه دى ...بس المشويات أقل شوية وكلتها أنا والبنتين...وكفت وتمام التمام...وكنا شبعانين

يبقى ممكن تتقسم على تلاتة كمان مش بس إتنين :blush2:

شايف الحتة اللى أنا ملوناها دى :lol:

حاسة إنى محتاجة أنزل طقم كمانجات smk:

ويلكوم تو تورنتو...ربنا يخليكم لبعض :lol:

بهزر خليك فريش أنت فى رحلة :D ...

من جهة رحلة فهي فعلا رحلة يا دوك :lol:

كمنجات مين يا سيد يا محترم ...قولي رزع حلل علي جيتار كهربائي علي كونتر باص :blink: .....

قال واجبة واحدة انتم التلاتة قال ..... و مش عايزة العيال يجيلهم تانترام :ninja:

عمك تومي بيحضر مفاجأة و شكله حيفتح قهوته تاني بعد ما عشش فيها العنكبوت :rolleyes:

[د هشام ابراهيم]

الف مليون سلامة عليك يا دكتور هشام

المؤمن دايما متصاب....ماما دائما كانت بتقول كده......

ربنا يجعل الاصابة ده في ميزان حسناتك ان شاء الله

الله يسلم حضرتك يا باشمهندسة و يكرمك و يتقبل منك :rolleyes:

[د هشام ابراهيم]

دكتور/ هشام

تحياتي لك وألف سلامة

القهوة بتاعتك وصلت للصفحة التالتة و بتشاور عقلها للرابعة

متغبش علينا الله يخليك و خلينا نرجع زي زمان ، أيام السرد الجميل للأحداث و التحليلات و الخواطر و الأراء المحترمة.

تحياتي من أبوظبي لغااااااااية سانت كاترين :rolleyes: .

الله يسلمك يا سيدي الفاضل

هو فعلا أنا مقصر في التوبيك ده ...ربنا يسهل و يعدي الروتاشين ديه علي خير .... شاكر لحضرتك كريم ثنائك :blush2:

[د هشام ابراهيم]

السلام عليكم و رحمة الله و بركاته

ازيكم يا جماعة و أخباركم ايه

ان شالله تكونوا بخير

أنا بس حبيت أعدى أرمى التماسى على الناس الحلوين اللى عالكراسى عشان تعرفوا أننى متابع كل حاجة و كل كلمة كبيرة و صغيرة بتتقال فى القهوة هنا .

تقعدوا بالعافية

أخوكم / MERCEDES S430

السلام عليكم

أنا كنت معدى , قلت أهدى و أحدفلكم اللينك ده عشان تضحكوا شويه :rolleyes:

http://www.youtube.com/watch_popup?v=lA3QIrkp-3c#t=30

و الله العظيم أما مصايب :lol:

بيقولوا أن سعد الحريرى كان كويس و متين فى اللغة العربية على أساس أن والده - رفيق الحريرى - كان مدرس لغة عربية هنا فى السعودية , بس بعد ما والده أخد الجنسية السعودية , مستواه نزل فى كل المواد و بالذات اللغة العربية , يا ترى ليييييييييييه؟؟؟ :blink:

و بعدين أنا بصراحة بعترف أن الجمواعة اللبنانيين دول ناس Pioneer :lol: فى كل نواحى الحياة , يا جماعة دول عندهم رئييييييييييييييييييس الوزرا مزدوج الجنسية

قال و احنا كنا زعلانيين عشان كان عندنا شوية أعضاء فى مجلس الشعب مزدوجى الجنسية

عمار يا مصر , والله احنا فى نعمة

بس ربنا يزيح عننا ؟؟؟؟؟؟؟؟؟؟ اللى كاتم على نفسنا , و هى ان شاء الله هتحلو

أخوكم / مرسيدس

أصيل يا AMG باشا و فيك الخير يا أفندم :ninja:

الأخ سعد ده حاجة من تلاتة ..

- لا عمره ما دخل مدارس عربي

- لا إما مبلبع حاجة و دماغه باظت

- لا إما الموقف كان مهيب فطلع بالصورة الفضيحة ديه

كله كوم و الراجل الوقور اللي بيقوله بتهكم تحب حد يقرا الخطاب بدالك يا دولة الرئيس :blush2:

[د هشام ابراهيم]

شكرا جزيلا بروفيسوز هشام :rolleyes:

يا فندم العفو و عذرا اني ما عرفتش أرد علي سؤال حضرتك بالتفصيل :blush2:

[أحمد سيف]

و بعدين أنا بصراحة بعترف أن الجمواعة اللبنانيين دول ناس Pioneer فى كل نواحى الحياة , يا جماعة دول عندهم رئييييييييييييييييييس الوزرا مزدوج الجنسية

قال و احنا كنا زعلانيين عشان كان عندنا شوية أعضاء فى مجلس الشعب مزدوجى الجنسية

يا سيدي الفاضل الدكتور أحمد نظيف رئيس وزراء مصر يحمل جنسية كندية

وجمال مبارك الرئيس المرتقب - إذا لم تحدث معجزة - معه جنسية بريطانية من ناحية جدته الويلزية

شخصيا مش شايف مشكلة كبيرة أن يكون لدينا رئيس مزدوج الجنسية ... ما احنا من زمن سقوط الدولة الفرعونية بيحكمنا أجانب ... المهم أن يكون من يحكم مصر كفؤا ومخلصا ورحيما بالشعب .

[د هشام ابراهيم]

طبعا كل حكاية رجلي المكسورة ديه كانت مقدمة لرحلتي لمصر ...عقلي الباطن بيبرر الملاحظات الناقدة اللي جاية ...يمكن .... بس أنا حاسيب الحكم ليكم ليا حق انقد و لا لأ

التوجس و الخيفة و الريبة بدوا كالعادة من مطار شارل ديجول .....طيارة القاهرة تقدر تعرفها من وسط ألف طيارة من غير ما تتعب نفسك و تدور علي يفط ........دايما كومبليه و دايما المسافرين المنتظرين في المطار بيتكلموا في الموبايل بصوت عالي لدرجة انك ما ينفعش ما تتابعش المناقشة ..... و لازم العيال يكونوا بيزنوا ...نفسي أعرف السبب إن أطفالنا فلذات أكبادنا ما بيبطلوش زن و الصوت اللي بنقول عليه أويئ.....أكيد عارفينه ...الموضوع أكيد جيني بحت ...أطفال بلاد الفرنجة لا بيزنوا و لا بيأوائوا

المهم ركبت الطيارة و اصارحكم القول أول ما دخلنا مجال مصر عنيا ابتديت تدمع .... شحنة شجن علي حب علي اشتياق و وسط مخاوفي من الزيارة اكتشفت إني ما خدتش بالي من حقيقة مهمة جدا : مصر فعلا وحشتني

أقدر أتوقع برضه... آخر مصر معاك توحشك الشوية من باب الطيارة لطابور الجوازات... ويمكن - لو محظوظ شوية - تكمّل الوحشة معاك شوية لغاية خارج المطار ؛ لغاية ما تاخد صلاح سالم أو الأوتوستراد...

وشكراً على كده بقى :blush2:

سيبك يا تومي يا أخويا ...الكبير كبير برضه ...بس توقعك مش مظبوط قوي ...... أحاسيس الحنين و الاشتياق و الكلام دهوت انقشع مع التاتش داون بتاع عجلات الطيارة سعادتك :rolleyes:

نفسي أفهم ليه عبده المهم بيفتح الموبايل النوكيا أول ما الطيارة تلمس الأرض ...خلاص يعني مش قادر يستني الكام دقيقة دول .....و طبعا رنة المسج بتاعة نوكيا الشهيرة تتوالي الواحدة تلو الأخري ممزوجة بصوت فك الحزام مع إن الأشارة بتاعة الحزام قدام كل واحد منورة قد كدهوت سمفونية متتالية تقريبا بعدد المصريين اللي علي الطائرة

حد يقولي يا سلام يا كابتين لطيف إنت محبكها قوي ....يمكن .... المشكلة إن سعادتك لما بتسافر كتير ...مش بس كندا .... و تقارن سلوكيات الشعوب ......حاجات صغيرة زي كده بتقولك الكتير و الكتير و بتبتدي تاخد بالك منها مع انك في ألاول لا إما مش شايفها لا إما شايفها و متعايش .....العين الناقدة ديه أو في الحالة بتاعة الطيارة الأذن الناقدة بتيجي لما بتقارن ولاد بلدك ببقية الناس .... من ثقافتنا المعاصرة كمصريين عدم الألتزام ....لا بقواعد و لا باداب و لا بقوانين ....ده بالعكس كل ما علي قدرك و زادت فهلوتك كل ما كنت بتكسر القانون و تضرب بالتعليمات عرض الحائط .....من أول الموبايل علي الطائرة مرورا بالمرور و حتي نظام الحكم و حقوق المواطنة .....

نكمل خواطر مصر و رزقنا علي الله ...أنا عارف إن المعلم Z ما بيجيش القهوة ديه فحاخد راحتي في النقد بقي

ماشي ما فيش مشكلة كبر دماغك يا عم هشام و خللي الناس تتكلم في الموبايلات براحتها

طب و الهرجلة و الفوضي و السباق علي النزول من الطيارة و مفيش مانع من كوع هنا أو زغد هناك ...... قلنا كبر دماغك ...إنت نسيت و لا كندا غيرتك .....كندا اااه يا حبيبتي يا كندا

المهم شحنة مشاعر جياشة نستني كل التلكيك ده أول ما خرجت من باب الطيارة ....... و حكاية سلالم الطيارة اللي بتنزلك لارض المطار عدل بلا سلم متحرك بلا نفق بلا تيوب بلا بتاع ....ما فيهاش حاجة يعني بتحصل و بعديها الاوتوبيس اللي بينقلك من الطيارة للمطار و السواق بتاعه شكله متعين كوسة لا إما رجليه تقيلة شوية علي الفرامل ...برضه مش مهم بتحصل في أحسن المطارات

انما اللي ما بيحصلش فرد الأمن اللي مستني علي باب المطار أول ما بتنزل من رحلة الاوتوبيس و الباشا فاتح اللاسلكي مع رئيسه اللي بيهزر معاه سيادته و كل من موجود سامع ألفاظه و صوته الغير محترم

اااه شكلك كده مش حتجيبها البر و نازل انتقادات انتقادات و لا كأنك مولود في التوب كابي يا عم انت ( ده أنا في حوار داخلي )

قعدت أقنع نفسي باني مزودها و عيني كل شوية تلقط غلطة جوه المطار ..سواء بني آدمين و لا تصميم و لا سلوكيات و لا نظافة و لا عدم نظام ..إلخ ...لحد ما أيقنت إن لعنة الغراب الأبيض نزلت علي من آلهة الأغريق (استغفر الله العظيم ) ...لحد فعلا ما قابلت أول مصيبة في مصر و ما ينفعش معاها أي تبرير

[د هشام ابراهيم]

يا سيدي الفاضل الدكتور أحمد نظيف رئيس وزراء مصر يحمل جنسية كندية

وجمال مبارك الرئيس المرتقب - إذا لم تحدث معجزة - معه جنسية بريطانية من ناحية جدته الويلزية

شخصيا مش شايف مشكلة كبيرة أن يكون لدينا رئيس مزدوج الجنسية ... ما احنا من زمن سقوط الدولة الفرعونية بيحكمنا أجانب ... المهم أن يكون من يحكم مصر كفؤا ومخلصا ورحيما بالشعب .

ما كنتش واخد بالي من حكاية أحمد نظيف ديه ....منور يا صديقي العزيز :rolleyes: ....

أعتقد كمان الأسر ٢٧ إلي ٣٠ من الأسر الفرعونية برضه ما كانوش مصريين علي حد ذاكرتي المتواضعة يعني :blush2:

[myusername]

يا سيدي الفاضل الدكتور أحمد نظيف رئيس وزراء مصر يحمل جنسية كندية

وجمال مبارك الرئيس المرتقب - إذا لم تحدث معجزة - معه جنسية بريطانية من ناحية جدته الويلزية

السلام عليكم...

حضرتك متأكد من المعلومات دى؟

انا عملت بحث سريع... و لقيت ان فيه ناس كاتبين انه كندى... و قايلين عليه: ابن مونتريال البار!!

المصيبة... انى لقيت كمان ليستة بالوزرا المصريين اللى معاهم جنسيات اجنبية.. و اتصدمت ان كلهم معاهم جنسيات تانية... :rolleyes:

أحمد نظيف رئيس الوزراء >>> كندى

سامح فهمى وزير البترول >>> بريطانى

رشيد محمد رشيد وزير الصناعة و التجارة الخارجية >>>> بريطانى. (حتى انت يا بروتوس)

أحمد المغربى وزير السياحة >>>> سعودى.

يوسف بطرس غالى وزير المالية >>>>> أمريكى.

فاروق حسنى وزير الثقافة >>>>> فرنسى.

حسن خضر وزير التموين >>>> كندى

و غير ليستة كبيرة بناس مشهورة فى مجلس الشعب... زى ابو العنين و احمد عز!

انا بجد مصدوم... :blush2: مصدوم صدمة اكبر من الصدمة الحضارية اللى حصلت لى فى اوروبا... :ninja:

لو الكلام ده حقيقى و مش مرسل.. يبقى عليه العوض, و الناس دى معاها جنسيات تانية عشان تخلع وقت اللزوم - و قال بيهاجموا البرادعى قال.

ملحوظة: معذرة للدكتور هشام عن هذه المداخلة الجانبية... بس انا فعلا مصدوم.

[myusername]

قعدت أقنع نفسي باني مزودها و عيني كل شوية تلقط غلطة جوه المطار ..سواء بني آدمين و لا تصميم و لا سلوكيات و لا نظافة و لا عدم نظام ..إلخ ...لحد ما أيقنت إن لعنة الغراب الأبيض نزلت علي من آلهة الأغريق (استغفر الله العظيم ) ...لحد فعلا ما قابلت أول مصيبة في مصر و ما ينفعش معاها أي تبرير

خير اللهم اجعله خير؟ ايه اللى حصل؟

بمناسبة المطار... و انا رايح برشلونة... كنت مستنى الطيارة.. و أخرونا نص ساعة عشان مفيش اتوبيس.. :rolleyes: و بيقولوها عينى عينك كده ان مفيش اتوبيس يوصل الناس.. :blush2:

[somayasaleh]

يا صباح الخير علي دكتورنا العزيز :phar:

انا ساحبة اول كرسي اهو ...وقاعدة كلي آذان صاغية وعيون قارئة :partytime:

يلا بقي يا دكتور ما تتاخرش علينا ادخل بباقي رحلة المحروسه :egyflag:

متابعيين لحضرتك......اسلوب تشويق ولا احسن من كده...ما شاء الله....في الانتظار pps:

تم تعديل 23 ديسمبر 2009 بواسطة somayasaleh