قصتي مع كندا

[د هشام ابراهيم]

المصيبة... انى لقيت كمان ليستة بالوزرا المصريين اللى معاهم جنسيات اجنبية.. و اتصدمت ان كلهم معاهم جنسيات تانية... :partytime:

أحمد نظيف رئيس الوزراء >>> كندى

سامح فهمى وزير البترول >>> بريطانى

رشيد محمد رشيد وزير الصناعة و التجارة الخارجية >>>> بريطانى. (حتى انت يا بروتوس)

أحمد المغربى وزير السياحة >>>> سعودى.

يوسف بطرس غالى وزير المالية >>>>> أمريكى.

فاروق حسنى وزير الثقافة >>>>> فرنسى.

حسن خضر وزير التموين >>>> كندى

و غير ليستة كبيرة بناس مشهورة فى مجلس الشعب... زى ابو العنين و احمد عز!

انا بجد مصدوم... :egyflag: مصدوم صدمة اكبر من الصدمة الحضارية اللى حصلت لى فى اوروبا... :phar:

لو الكلام ده حقيقى و مش مرسل.. يبقى عليه العوض, و الناس دى معاها جنسيات تانية عشان تخلع وقت اللزوم - و قال بيهاجموا البرادعى قال.

ملحوظة: معذرة للدكتور هشام عن هذه المداخلة الجانبية... بس انا فعلا مصدوم.

!!!!!

بالعكس يا باشا ...سعادتك وفرت علي بحث كنت حاعمله كتر ألف خيرك ...

كل دول مزدوجي الجنسية ....مش غريبة شوية

[د هشام ابراهيم]

يا صباح الخير علي دكتورنا العزيز :phar:

انا ساحبة اول كرسي اهو ...وقاعدة كلي آذان صاغية وعيون قارئة :partytime:

يلا بقي يا دكتور ما تتاخرش علينا ادخل بباقي رحلة المحروسه :egyflag:

متابعيين لحضرتك......اسلوب تشويق ولا احسن من كده...ما شاء الله....في الانتظار pps:

و أنا ما أقدرش أتأخر علي حضرتك أبدا يا سيدتي الفاضلة :phar: pps:

[myusername]

انا بصراحة مستغرب و مش مصدق...

بس انا طول عمرى اسمع ان ولادهم معاهم جنسيات تانية... و بيولدوهم فى امريكا عشان ياخدوا الجنسية اوتوماتيك... حتى ابن لوسى الرقاصة - فتحى - هياخد الجنسية قريبة... لان لازم يستنزا 5 سنين تقريبا بعد الولادة على ما ياخدوا الجنسية.

لكن ماكنتش اعرف ان هما نفسهم معاهم جنسيات تانية... بس وزير الثكافة معروف انه فرنسى.

[د هشام ابراهيم]

خير اللهم اجعله خير؟ ايه اللى حصل؟

أنا خرجت من بوابة المطار من هنا و ألاقي دموع بتنهمر من عينيا ...

أصيل يا إتش وحشك أهلك و ناسك ....

هما واحشوني صحيح انما الدموع ديه من السحابة السودة ....يا نهار أسود ...حرفيا

سحابة إيه ديه بقيت عاملة زاي الماتريكس متواجدة في كل حتة و علي كل المستويات ...ازاي كل مرة أنزل مصر تبقى أسود من اللي قابليها ....دموع دموع دموع و حرقان في العينين و بقيت مش شايف قدامي وسط ضحكات و لمزات الصحبة المطارية .....ده باينه سايح و لا إيه ده

كل اللي كنت بافكر فيه هو الله يكون في عون مرضي الحساسية و الربو ...مش متخيل بيعملوا إيه وقت السحابة السودة ... اللي فهمت انها بقيت موجودة طول السنة بس بتزيد في الخريف ...فصل الخريف ده كان الفصل المفضل ليا في مصر ....أهو ضاع أهو و حسبي الله و نعم الوكيل في كل اللي كان السبب

بس برضه السحابة السودة ديه ترف مرفهين المصيبة الاكبر بقي كانت بعد كده :partytime:

[د هشام ابراهيم]

انا بصراحة مستغرب و مش مصدق...

أنا مستغرب بس مصدق

[Ahmed Osman]

أنا مش مستغرب و مصدق

[Mercedes]

السلام عليكم و رحمة الله و بركاته

ازيكم يا جماعة و أخباركم ايه

ان شالله تكونوا بخير

أنا بس حبيت أعدى أرمى التماسى على الناس الحلوين اللى عالكراسى عشان تعرفوا أننى متابع كل حاجة و كل كلمة كبيرة و صغيرة بتتقال فى القهوة هنا .

تقعدوا بالعافية

أخوكم / MERCEDES S430

السلام عليكم

أنا كنت معدى , قلت أهدى و أحدفلكم اللينك ده عشان تضحكوا شويه :phar:

http://www.youtube.com/watch_popup?v=lA3QIrkp-3c#t=30

و الله العظيم أما مصايب :)

بيقولوا أن سعد الحريرى كان كويس و متين فى اللغة العربية على أساس أن والده - رفيق الحريرى - كان مدرس لغة عربية هنا فى السعودية , بس بعد ما والده أخد الجنسية السعودية , مستواه نزل فى كل المواد و بالذات اللغة العربية , يا ترى ليييييييييييه؟؟؟ :king:

و بعدين أنا بصراحة بعترف أن الجمواعة اللبنانيين دول ناس Pioneer stnd:: فى كل نواحى الحياة , يا جماعة دول عندهم رئييييييييييييييييييس الوزرا مزدوج الجنسية

قال و احنا كنا زعلانيين عشان كان عندنا شوية أعضاء فى مجلس الشعب مزدوجى الجنسية

عمار يا مصر , والله احنا فى نعمة

بس ربنا يزيح عننا ؟؟؟؟؟؟؟؟؟؟ اللى كاتم على نفسنا , و هى ان شاء الله هتحلو

أخوكم / مرسيدس

أصيل يا AMG باشا و فيك الخير يا أفندم pps:

الأخ سعد ده حاجة من تلاتة ..

- لا عمره ما دخل مدارس عربي

- لا إما مبلبع حاجة و دماغه باظت

- لا إما الموقف كان مهيب فطلع بالصورة الفضيحة ديه

كله كوم و الراجل الوقور اللي بيقوله بتهكم تحب حد يقرا الخطاب بدالك يا دولة الرئيس pps:

السلام عليكم و رحمة الله و بركاته :partytime:

الراجل الوقور المحترم المتربى ابن المدارس اللى كان قاعد و بيقول لسعد الحريرى أنه لو محتاج حد يكمل عنه , أنا سألت عنه صديق سورى من أصل لبنانى , فقال لى أن ده اسمه نبيه برى :egyflag: , و دى كانت أول مرة أشوف فيها نبيه برى وجها لوجه عيانا بينا جهارا نهارا بعد ماكنت بسمع عنه بس , بس شكله كدة كان مبسوط فى سعد الحريرى و شمتان فيه لأن أنا سمعت أنع شيعى متعصب .

و لما سألت عن عدد الجنسيات اللى مع سعد الحريرى , قالولى أن المعلن هى الجنسية اللبنانية و الفرنسية و السعودية , أصل الظاهر أن ده تقليد ماشى عندهم فى العيلة :phar: من أيام السيد الوالد الله يرحمه .

المهم أنا سمعت عن تفاصيل علاقة رفيق الحريرى بالملك فهد و العائلة المالكة فى السعودية و هى دى اللى نطرته النطرة السودة دى من مدرس لغة عربية ولا رياضيات و لا مانا عارف ايه , لراجل - بسم الله ما شاء الله - بيلعب بالفلوس لعب .

المهم ربنا يقدم مافيه الخير و يعينا على مساعدة الغير

MERCEDES S430

[Mercedes]

و بعدين أنا بصراحة بعترف أن الجمواعة اللبنانيين دول ناس Pioneer فى كل نواحى الحياة , يا جماعة دول عندهم رئييييييييييييييييييس الوزرا مزدوج الجنسية

قال و احنا كنا زعلانيين عشان كان عندنا شوية أعضاء فى مجلس الشعب مزدوجى الجنسية

يا سيدي الفاضل الدكتور أحمد نظيف رئيس وزراء مصر يحمل جنسية كندية

وجمال مبارك الرئيس المرتقب - إذا لم تحدث معجزة - معه جنسية بريطانية من ناحية جدته الويلزية

شخصيا مش شايف مشكلة كبيرة أن يكون لدينا رئيس مزدوج الجنسية ... ما احنا من زمن سقوط الدولة الفرعونية بيحكمنا أجانب ... المهم أن يكون من يحكم مصر كفؤا ومخلصا ورحيما بالشعب .

السلام عليكم و رحمة الله و بركاته

أنا على فكرة ماعنديش أى مانع من أن الواحد يكون عنده جنسية واحدة أو عشر جنسيات و مش معترض أنه يكون عنده ولاء و انتماء لجهة معينة واحدة أو لعدة جهات فى آن واحد , لأن كل واحد حر . :partytime:

لكن اللى أنا معترض عليه , أن الشخص ده يتعين فى منصب يتطلب أولا و أخيرا الولاء الشديد و الاخلاص الشديد للبلد اللى متعين فيها وزير أو خلافه و المناصب دى لا تحتمل أى نوع من التهاون فى الموضوع لأن عدم وجود هذه الصفة يعنى مصايب زرقة و بلاوى سودة , ده طبعا بالاضافة الى لزوم توفر الخبرة فى الوزير ده , يعنى مايكونشى لسه جاى يتعلم شغل الوزارة و المهام المطلوبة منه بعد أما يقعد على الكرسى اللى تحت القبة و يحط الكولونيا بتاع المطار - مع الاعتذار للفنان وحيد سيف - حاجة غريبة و الله . :egyflag:

و بعدين وزير سياحة سعودى ايه اللى جا يبينه pps: .

ده الحاجة الوحيدة اللى مش فى السعودية هى السياحة و بعدين من شطارتهم و نظافة مخهم أوى :phar: جايين يتعينوا عندا وزرا , دول ناسكلهم على بعض كدة من ستين سنة ماكانشى ليهم وجود :phar: , الله يرحم ( هللة يا حاج ) و لا ( تبغى سيارة - تبغى سيارة ) .

يالله , خيير

ربنا ييسر اللى فيه الصالح لكل المسلمين عامة و المصريين خاصة

MERCEDES S430

[goodfaith]

د/ هشام احب اقول لحضرتك ان رحلتي من مطار الاسكندرية لمطار تورنتو من 3 سنوات تقريبا الشيء الوحيد اللي كان متعب ومهين فيها هو الجزء الخاص بمطار الاسكندرية

بمجرد دخولي الطيارة انتهى كل شيء ممكن يضايق او يحرق الدم

متابعين الحلقات الشيقة واجمل ما فيها ان في ختام كل حلقة تشويق لما يلي

[SoSo R]

قال واجبة واحدة انتم التلاتة قال ..... و مش عايزة العيال يجيلهم تانترام :blink:

عمك تومي بيحضر مفاجأة و شكله حيفتح قهوته تاني بعد ما عشش فيها العنكبوت :blush2:

أنا لسه شايفة أنك رديت عليا دلوقتى...الظاهر هانضم لشلتكم بتاع الدماغ البايظة

أنا فاكرة إنى بصيت بسرعة ع الردود ولقيتك مارديتش...قلت عادى بتحصل فى أحسن العائلات :lol:

قولى بأه ...إيه الشىء اللى هيجي للعيال؟!! :blink:

قريتها 60 مرة ومافهمتش

وتوهامى هيعمل إيه ...حاجة بخصوص المطاعم يعنى؟؟

أصله ماشى فى البلاد سواح...ومابيردش على حد...

بيكتب فى كل المواضيع إلا موضوعه :blink:

أنا قلت بس أمسى ...

وأقولك على خبر..

النهاردة رحت الأفغانى...

إيه الروعة دى :lol:

رووووووووووووعة...وكمان كان زحمة قوى...وحسيت إنى طلعت من كندا...

الناس صوتها عالى جدا...

واحدة بتنادى على جوزها...يا سمييييييييييير

كل اللى بيفهموا عربى عرفوا عيلة سمير ودينا مراته :lol:

طبعا ماهو لازم يرد عليها :lol: بنفس تون الصوت...

وأخدت صور للوجبات برضه وهانزلها عندى...إشمعنا إنتوا!!!

بس حسيت الناس بتضحك عليا..

بصور الأكل مش العيال..

والظريف إنى لقيت فرع ليه فى ميساساجا بدل ما أضطر أروح آخر الدنيا

وآدى الموقع بتاعه

http://www.bamiyankabob.com

بس الصوص ماطلعش حراق للدرجة...يعنى ممكن يحتمل..

اللى مش محتمل بأه طلب كدة إسمه تشيبلى عامل زى الأستيك...ناااااااااااااااار

أنا حسيت بالدخان طلع من ودانى...

والبنات داقوه بس..

وعينك ماتشوف إلا النور :lol:

تحياتى

سوسورانى

[goodfaith]

قال واجبة واحدة انتم التلاتة قال ..... و مش عايزة العيال يجيلهم تانترام :blink:

عمك تومي بيحضر مفاجأة و شكله حيفتح قهوته تاني بعد ما عشش فيها العنكبوت :blush2:

أنا لسه شايفة أنك رديت عليا دلوقتى...الظاهر هانضم لشلتكم بتاع الدماغ البايظة

أنا فاكرة إنى بصيت بسرعة ع الردود ولقيتك مارديتش...قلت عادى بتحصل فى أحسن العائلات :lol:

قولى بأه ...إيه الشىء اللى هيجي للعيال؟!! :blink:

قريتها 60 مرة ومافهمتش

وتوهامى هيعمل إيه ...حاجة بخصوص المطاعم يعنى؟؟

أصله ماشى فى البلاد سواح...ومابيردش على حد...

بيكتب فى كل المواضيع إلا موضوعه :blink:

أنا قلت بس أمسى ...

وأقولك على خبر..

النهاردة رحت الأفغانى...

إيه الروعة دى :lol:

رووووووووووووعة...وكمان كان زحمة قوى...وحسيت إنى طلعت من كندا...

الناس صوتها عالى جدا...

واحدة بتنادى على جوزها...يا سمييييييييييير

كل اللى بيفهموا عربى عرفوا عيلة سمير ودينا مراته :lol:

طبعا ماهو لازم يرد عليها :lol: بنفس تون الصوت...

وأخدت صور للوجبات برضه وهانزلها عندى...إشمعنا إنتوا!!!

بس حسيت الناس بتضحك عليا..

بصور الأكل مش العيال..

والظريف إنى لقيت فرع ليه فى ميساساجا بدل ما أضطر أروح آخر الدنيا

وآدى الموقع بتاعه

http://www.bamiyankabob.com

بس الصوص ماطلعش حراق للدرجة...يعنى ممكن يحتمل..

اللى مش محتمل بأه طلب كدة إسمه تشيبلى عامل زى الأستيك...ناااااااااااااااار

أنا حسيت بالدخان طلع من ودانى...

والبنات داقوه بس..

وعينك ماتشوف إلا النور :lol:

تحياتى

سوسورانى

النهاردة كنت لسه باقول لجوزي فين ايام تورنتو فاكر باميان وايامه لاننا بقالنا 5 شهور في اوتاوا مش عارفين ناكل اكلة عدلة برا البيت

يا رب نرجع تورنتو على خير ويعود زمن الفن الجميل

تم تعديل 25 ديسمبر 2009 بواسطة goodfaith

[bent misr]

ايه الجمال ده يا دكتور هشام

والله كنا مفتقدينك و مفتقدين أسلوبك الجميل و المميز

بس بجد زعلتني واضح ان السلبيات الي شوفتها في مصر

الحبيبه أثرت فيك فعلا wst::

اذا كنت أنا نفسي الي عايشه فيها بقيت بنفر من كل حاجه

حواليه بجد حاولت كتير أصلح حاجات بس كل مره كنت بحس

ان أنا الي فيه حاجه غلط و كل الي حواليه بيقولولي انت مثاليه

زياده عن اللزوم بس و الله أبدا أنا بس نفسي كل حاجه تمشي

صح حاسه لو كل واحد بدأ بنفسه البلد دي حالها

هينصلح بس في النهايه بصطدم بأرض الواقع وبلائي ان

مافيش فايده

[goodfaith]

السلام عليكم

بعد جهد جهيد وصلت للصفحة 100 في الرحلة التاريخية للدكتور هشام على الاراضي الكندية بس بعدها حسيت ان جالي حول وعته وبقيت مش قادرة حاسة هيغم عليا وهتجي لي حالة ولادة مبكرة ده من السهر وطول فترة القعدة على الموضوع احاول اني اخلصة وبعدين افتكرت كلمة سوسوراني ان ده مستحيل يعني موضوع بقاله شهور والواحد قال عايز يخلصة في ليلة

على فكرة انا ولدت في تورنتو كنت 35 اسبوع وكانت تجربة جميلة بالرغم من كده دايما الست بيكون عندها حالة قلق وخوف من الولادة ... ربنا يستر المرة دي وبحاول افتكر اسم المستشفى بس بجد مش فاكرة العيال بتاكل الدماغ والواحد باين عليه كبر خلاص

بالنسبة لقصتك مع كندا فهي عن جدارة تستحق تتكتب في قائمة من أروع ما قرأت خصوصا اللمسات الانسانية والتأملات الي بتشاركنا فيها ورحلك كفاحك لحد ما وصلت الحمد لله لانك تمارس مهنتك وتستقر في حياتك وطبعا انا كنت قريت اخر كام صفحة من الموضوع ومن الاول لحد صفحة 100 وان شاء الله لي عودة لاستكمال الموضوع

[Tarek Abdellatif]

الأخ الفاضل دكتور هشام،

أنا من المتابعين الصامتين لموضوعك الشيق.

تحية من القلب لهذه المشاركات التي يستأنس بها من هم في رحلة الهجرة و البحث عن ........... ربما الحرية، الآدمية، أو ربما البحث عن الذات. :wub:

تسجيل متابعة و في إنتظار عودتك. ;)

[مازن أطرش]

ايه ..يا جماعة ..بخش موقع قصتي مع كندا ...بلاقس سعد الحريري ..ونبيه بري ...حسيت نفسي خربطت بالعنوان ..احنا بموقع محاورات المصريين باب كندا ولا باب لبنان ...!!! سيبكم يا عم من دول وخلونا بالمفيد ..

[the world]

دكتور هشام

اولا كل سنة و حضرتك طيب اتمنى لك سنه سعيده مليئه بالتوفيق والنجاح ان شاء الله .

عفوا عندى سؤال فى تضارب فى الآراء قوى حول تطعيم H1N1

فى مصر فارجوا من سيادتك رأيك الطبى وايضا ماقيل عنه فى كندا وهل فعلا يسبب اعراض جانبيه على المدى الطويل بالنسبه للاطفال وللكبار؟

شكرا واسف للازعاج

[د هشام ابراهيم]

أنا مش مستغرب و مصدق

wst::

ما هي ديه المشكلة .....فقدان الثقة في كل شيء في البلد ....للاسف أنا كمان وصلت للمرحلة ديه و لو إن فيه حاجات برضه لسه بتدهشني

[د هشام ابراهيم]

السلام عليكم و رحمة الله و بركاته wst::

الراجل الوقور المحترم المتربى ابن المدارس اللى كان قاعد و بيقول لسعد الحريرى أنه لو محتاج حد يكمل عنه , أنا سألت عنه صديق سورى من أصل لبنانى , فقال لى أن ده اسمه نبيه برى :lol: , و دى كانت أول مرة أشوف فيها نبيه برى وجها لوجه عيانا بينا جهارا نهارا بعد ماكنت بسمع عنه بس , بس شكله كدة كان مبسوط فى سعد الحريرى و شمتان فيه لأن أنا سمعت أنع شيعى متعصب .

و لما سألت عن عدد الجنسيات اللى مع سعد الحريرى , قالولى أن المعلن هى الجنسية اللبنانية و الفرنسية و السعودية , أصل الظاهر أن ده تقليد ماشى عندهم فى العيلة :lol: من أيام السيد الوالد الله يرحمه .

المهم أنا سمعت عن تفاصيل علاقة رفيق الحريرى بالملك فهد و العائلة المالكة فى السعودية و هى دى اللى نطرته النطرة السودة دى من مدرس لغة عربية ولا رياضيات و لا مانا عارف ايه , لراجل - بسم الله ما شاء الله - بيلعب بالفلوس لعب .

المهم ربنا يقدم مافيه الخير و يعينا على مساعدة الغير

MERCEDES S430

نبيه بري ده حكايته حكاية أصلا ......ART أمريكا بتذيع نشرة أخبار LBC الساعة تسعة قبل المسلسل العربي ...ساعات باشوفها و طبعا بتبقى متركزة علي الشأن اللبناني

ما علينا ....مش حنقدر نقول حاجة علي لبنان و لا سوريا و لا و لا لحد ما نشوف إيه اللي حيحصل في مصر .....ربنا يستر

[myusername]

يا دكتور.. حضرتك محكيتش شفت ايه بالظبط.. غير السحابة السودة.

حضرتك نسيتنا ولا ايه؟

[د هشام ابراهيم]

د/ هشام احب اقول لحضرتك ان رحلتي من مطار الاسكندرية لمطار تورنتو من 3 سنوات تقريبا الشيء الوحيد اللي كان متعب ومهين فيها هو الجزء الخاص بمطار الاسكندرية

بمجرد دخولي الطيارة انتهى كل شيء ممكن يضايق او يحرق الدم

متابعين الحلقات الشيقة واجمل ما فيها ان في ختام كل حلقة تشويق لما يلي wst::

سبحان الله مطارات المحروسة اللي جربتهم في حياتي كلها فيهم مشكلة ...القاهرة ....شرم الشيخ ....الأقصر ..... كلهم دعاية سيئة للبلد ....أول ما تري و آخر ما تري = انطباع سييء

تحياتي يا أفندم و متابعتك تشرفني