قصتي مع كندا

[د هشام ابراهيم]

أنا لسه شايفة أنك رديت عليا دلوقتى...الظاهر هانضم لشلتكم بتاع الدماغ البايظة :lol:

أنا فاكرة إنى بصيت بسرعة ع الردود ولقيتك مارديتش...قلت عادى بتحصل فى أحسن العائلات wst::

قولى بأه ...إيه الشىء اللى هيجي للعيال؟!! wst::

قريتها 60 مرة ومافهمتش

وتوهامى هيعمل إيه ...حاجة بخصوص المطاعم يعنى؟؟

أصله ماشى فى البلاد سواح...ومابيردش على حد...

بيكتب فى كل المواضيع إلا موضوعه :lol:

أنا قلت بس أمسى ...

وأقولك على خبر..

النهاردة رحت الأفغانى...

إيه الروعة دى wst::

رووووووووووووعة...وكمان كان زحمة قوى...وحسيت إنى طلعت من كندا...

الناس صوتها عالى جدا...

واحدة بتنادى على جوزها...يا سمييييييييييير

كل اللى بيفهموا عربى عرفوا عيلة سمير ودينا مراته wst::

طبعا ماهو لازم يرد عليها ;) بنفس تون الصوت...

وأخدت صور للوجبات برضه وهانزلها عندى...إشمعنا إنتوا!!!

بس حسيت الناس بتضحك عليا..

بصور الأكل مش العيال..

والظريف إنى لقيت فرع ليه فى ميساساجا بدل ما أضطر أروح آخر الدنيا

وآدى الموقع بتاعه

http://www.bamiyankabob.com

بس الصوص ماطلعش حراق للدرجة...يعنى ممكن يحتمل..

اللى مش محتمل بأه طلب كدة إسمه تشيبلى عامل زى الأستيك...ناااااااااااااااار

أنا حسيت بالدخان طلع من ودانى...

والبنات داقوه بس..

وعينك ماتشوف إلا النور :sad:

تحياتى

سوسورانى

من الحاجات اللي باحرص عليها جدا أني أرد علي كل مشاركة و بترتيبها ....ساعات باتأخر في الرد علي بال ما أوصل لكل مشاركة لكن صعب أفوت أي مشاركة من غير رد و مش معقول ما أردش علي 005 بالذات كمان

سعادتك رحتي أمتي أنا خدت المدام و رحت فرع ميساساجا (فينك يا هوبا ) من كام يوم ....أكبر من فرع ايست يورك انما نفس جودة الأكل و نفس إحساس انك قاعدة في كشري التحرير wst::

العبد لله أصلا ما لوش في أي صوص سبايسي أو مشطشط ....بتاتا مهما كانت درجته ......mildest of mild ده اللي باقوله لاي حد يسأل عن درجة السبايسس في أكلي

بصي يا ستي تانترام = Tantrum هي نوبة الغضب و العصيان اللي بتيجي للاطفال ....و يبقوا رافضين يسمعوا الكلام و يدبدبوا في الارض إلخ إلخ

مستنيين سعادتك تنزلي بحلقة الأكل و تومي ينزل بحلقة التحنيط ...قصدي الشوبنج :D

[د هشام ابراهيم]

ايه الجمال ده يا دكتور هشام

والله كنا مفتقدينك و مفتقدين أسلوبك الجميل و المميز

بس بجد زعلتني واضح ان السلبيات الي شوفتها في مصر

الحبيبه أثرت فيك فعلا :lol:

اذا كنت أنا نفسي الي عايشه فيها بقيت بنفر من كل حاجه

حواليه بجد حاولت كتير أصلح حاجات بس كل مره كنت بحس

ان أنا الي فيه حاجه غلط و كل الي حواليه بيقولولي انت مثاليه

زياده عن اللزوم بس و الله أبدا أنا بس نفسي كل حاجه تمشي

صح wst:: حاسه لو كل واحد بدأ بنفسه البلد دي حالها

هينصلح بس في النهايه بصطدم بأرض الواقع وبلائي ان

مافيش فايده :lol:

يا أفندم العفو و الله يخلي حضرتك

عايزة الحق أنا ما كنتش عايز اكتب خالص عن مصر .....جزء كبير كان بسبب احباطي لدرجة أعادة التفكير كلية في الأستقرار في مصر يوما ما

أنا للاسف في مرحلة ما فيش فايدة ديه بقالي شوية حلوين ....

تحياتي يا سيدتي الفاضلة

[د هشام ابراهيم]

السلام عليكم

بعد جهد جهيد وصلت للصفحة 100 في الرحلة التاريخية للدكتور هشام على الاراضي الكندية بس بعدها حسيت ان جالي حول وعته وبقيت مش قادرة حاسة هيغم عليا وهتجي لي حالة ولادة مبكرة ده من السهر وطول فترة القعدة على الموضوع احاول اني اخلصة وبعدين افتكرت كلمة سوسوراني ان ده مستحيل يعني موضوع بقاله شهور والواحد قال عايز يخلصة في ليلة

على فكرة انا ولدت في تورنتو كنت 35 اسبوع وكانت تجربة جميلة بالرغم من كده دايما الست بيكون عندها حالة قلق وخوف من الولادة ... ربنا يستر المرة دي وبحاول افتكر اسم المستشفى بس بجد مش فاكرة العيال بتاكل الدماغ والواحد باين عليه كبر خلاص

بالنسبة لقصتك مع كندا فهي عن جدارة تستحق تتكتب في قائمة من أروع ما قرأت خصوصا اللمسات الانسانية والتأملات الي بتشاركنا فيها ورحلك كفاحك لحد ما وصلت الحمد لله لانك تمارس مهنتك وتستقر في حياتك وطبعا انا كنت قريت اخر كام صفحة من الموضوع ومن الاول لحد صفحة 100 وان شاء الله لي عودة لاستكمال الموضوع

و عليكم السلام و رحمة الله و بركاته

يا أفندم الله يخليكي ...جزيل الشكر لحضرتك علي المتابعة و الأطراء و كلمات المديح الرقيقة و يا رب بقية الموضوع يبقي عند حسن ظن حضرتك wst::

الله يكون في العون طبعا ....عارفة حضرتك كتير بنقول إن أفضل تجربة طبية هي اللي ما تفتكرهاش ....بمعني ما حصلش فيها أي حاجة سلبية

دعوات حضرتك بقي رحلة المعادلة تخلص علي خير و الواحد يستقر في بلد بدل ما الواحد سواح علي ال- QEW

:lol:

[SoSo R]

من الحاجات اللي باحرص عليها جدا أني أرد علي كل مشاركة و بترتيبها ....ساعات باتأخر في الرد علي بال ما أوصل لكل مشاركة لكن صعب أفوت أي مشاركة من غير رد و مش معقول ما أردش علي 005 بالذات كمان

سعادتك رحتي أمتي أنا خدت المدام و رحت فرع ميساساجا (فينك يا هوبا ) من كام يوم ....أكبر من فرع ايست يورك انما نفس جودة الأكل و نفس إحساس انك قاعدة في كشري التحرير wst::

العبد لله أصلا ما لوش في أي صوص سبايسي أو مشطشط ....بتاتا مهما كانت درجته ......mildest of mild ده اللي باقوله لاي حد يسأل عن درجة السبايسس في أكلي

بصي يا ستي تانترام = Tantrum هي نوبة الغضب و العصيان اللي بتيجي للاطفال ....و يبقوا رافضين يسمعوا الكلام و يدبدبوا في الارض إلخ إلخ

مستنيين سعادتك تنزلي بحلقة الأكل و تومي ينزل بحلقة التحنيط ...قصدي الشوبنج wst::

ماهو طول ما أنت متمسك بيملى بتاعك دة ...هتفضل تتأخر فى الردود wst::

يعنى شوف كام واحد من أصدقاء المنتدى...رايحين جايين من الشرق الأوسط...ماطلبتش ليه كىبورد عربى...ولا حتى ستيكرز حتى..

طيب ما أنت نفسك كنت فى مصر...ما عملتش كدة ليه...يعنى سهلها على نفسك شوية :lol:

أنا كنت هناك فى التاريخ اللى كاتبه فيه المداخلة...وأكيد كنت هاعرفك لو شفتك..

بس موضوع كشرى التحرير دة صحيح 100%

مش قلتلك دينا وسمير :lol:

تحياتى

سوسورانى

[safaalabana]

wst::

من الحاجات اللي باحرص عليها جدا أني أرد علي كل مشاركة و بترتيبها ....ساعات باتأخر في الرد علي بال ما أوصل لكل مشاركة لكن صعب أفوت أي مشاركة من غير رد و مش معقول ما أردش علي 005 بالذات كمان

سعادتك رحتي أمتي أنا خدت المدام و رحت فرع ميساساجا (فينك يا هوبا ) من كام يوم ....أكبر من فرع ايست يورك انما نفس جودة الأكل و نفس إحساس انك قاعدة في كشري التحرير

العبد لله أصلا ما لوش في أي صوص سبايسي أو مشطشط ....بتاتا مهما كانت درجته ......mildest of mild ده اللي باقوله لاي حد يسأل عن درجة السبايسس في أكلي

بصي يا ستي تانترام = Tantrum هي نوبة الغضب و العصيان اللي بتيجي للاطفال ....و يبقوا رافضين يسمعوا الكلام و يدبدبوا في الارض إلخ إلخ

مستنيين سعادتك تنزلي بحلقة الأكل و تومي ينزل بحلقة التحنيط ...قصدي الشوبنج wst::

ماهو طول ما أنت متمسك بيملى بتاعك دة ...هتفضل تتأخر فى الردود cld:

يعنى شوف كام واحد من أصدقاء المنتدى...رايحين جايين من الشرق الأوسط...ماطلبتش ليه كىبورد عربى...ولا حتى ستيكرز حتى..

طيب ما أنت نفسك كنت فى مصر...ما عملتش كدة ليه...يعنى سهلها على نفسك شوية :waving:

أنا كنت هناك فى التاريخ اللى كاتبه فيه المداخلة...وأكيد كنت هاعرفك لو شفتك..

بس موضوع كشرى التحرير دة صحيح 100%

مش قلتلك دينا وسمير :lol:

تحياتى

سوسورانى

النداء الاخير اللى عايز اى حاجه من هنا يقول ..اكرر اى حاجه ....بس ياريت متكونش تقيله لحسن ادفعه فرق الوزن :D

[somayasaleh]

دكتور هشام

كل سنة وحضرتك طيب... والسنة الجديدة تكون حققت كل اللي تتمناها....واولها المعادلة ان شاء الله

فين بقي بقية الخواطر في رحلة مصر المهروسة.....اقصد المحروسة

[د هشام ابراهيم]

الأخ الفاضل دكتور هشام،

أنا من المتابعين الصامتين لموضوعك الشيق.

تحية من القلب لهذه المشاركات التي يستأنس بها من هم في رحلة الهجرة و البحث عن ........... ربما الحرية، الآدمية، أو ربما البحث عن الذات. :ninja:

تسجيل متابعة و في إنتظار عودتك. :ninja:

يا أفندم الله يخليك متابعة حضرتك حتي لو صامتة تسعدني و تشرفني و أسعد أكتر بمشاركات حضرتك

[د هشام ابراهيم]

ايه ..يا جماعة ..بخش موقع قصتي مع كندا ...بلاقس سعد الحريري ..ونبيه بري ...حسيت نفسي خربطت بالعنوان ..احنا بموقع محاورات المصريين باب كندا ولا باب لبنان ...!!! سيبكم يا عم من دول وخلونا بالمفيد ..

حاضر يا باشا .....حنركز في كندا .....

مش حاقولك ما هو كل الكافيهات التانية ما شاء الله فاتحة موضوعات علي كل لون ....ده أنا لسه راجع من قهوة المعلم Z و كافيه 005 و الدنيا هناك إييييه ......زغاريد و ذهب الليل و نكت و الغاز و هيصة و زمبليطة في الصالون

انما عندك حق ...وعد مني شخصيا علي قد ما نقدر نحاول نركز في القهوة ديه علي أمور كندا أساسا

تحياتي يا باشا

[د هشام ابراهيم]

دكتور هشام

اولا كل سنة و حضرتك طيب اتمنى لك سنه سعيده مليئه بالتوفيق والنجاح ان شاء الله .

عفوا عندى سؤال فى تضارب فى الآراء قوى حول تطعيم H1N1

فى مصر فارجوا من سيادتك رأيك الطبى وايضا ماقيل عنه فى كندا وهل فعلا يسبب اعراض جانبيه على المدى الطويل بالنسبه للاطفال وللكبار؟

شكرا واسف للازعاج

ما هي ديه المشكلة يا سيدي الفاضل ...التطعيم جديد تماما و لم يتم تجربته قبل نزوله .....منظمة الصحة العالمية و من خلفها الجهات المعنية بالصحة في دول العالم ضغطت علي شركات الأدوية للحصول علي التطعيم باسرع ما يمكن و دون اجراء اختبارات سلامة كافية .....بالمقابل شركات الأدوية اشترطت عدم تحميلها أي مسئولية قانونية أو مادية في حالة حدوث أي مشاكل بسبب التطعيم علي المدي البعيد

في نفس الوقت ابتدوا يجروا الأختبارات اللازمة انما نتايجها مش حتبان قبل وقت طويل ( ١٢ شهر علي حسب ما فهمت)

الوضع الان كالاتي

- جهات عديدة أكدت علي أمان استخدام التطعيم و منها الجهات المعنية في الولايات المتحدة و كندا

- شركات الأدوية لا تستطيع اقرار سلامة التطعيم قبل انتهاء الأختبارات

- الناس منقسمة حوالين ياخدوا التطعيم و لا لأ ......كندا ما فيهاش حالة الهوس اللي موجودة في مصر ...يمكن لانهم متعودين علي موسم الانفلونزا اللي بيحصل كل سنة باختلاف مسمياته

- باراك اوباما ظهر علي شاشة التلفزيون و هو و مراته و بناته بياخدوا التطعيم علشان يطمن الناس ......ده طمن ناس و أثار ريبة ناس تانية

- وسط الأطباء شايفين إن التطعيم ضروري للفئات العرضة للخطر .....مرضي انخفاض المناعة ..كبار السن ......الاطفال ....العاملين في الوسط الطبي ..إلخ

- من الاخر القرار بيبقى شخصي بحت و كل واحد حيتحمل تبعاته

[ehabtaher]

ايه ..يا جماعة ..بخش موقع قصتي مع كندا ...بلاقس سعد الحريري ..ونبيه بري ...حسيت نفسي خربطت بالعنوان ..احنا بموقع محاورات المصريين باب كندا ولا باب لبنان ...!!! سيبكم يا عم من دول وخلونا بالمفيد ..

حاضر يا باشا .....حنركز في كندا .....

مش حاقولك ما هو كل الكافيهات التانية ما شاء الله فاتحة موضوعات علي كل لون ....ده أنا لسه راجع من قهوة المعلم Z و كافيه 005 و الدنيا هناك إييييه ......زغاريد و ذهب الليل و نكت و الغاز و هيصة و زمبليطة في الصالون

انما عندك حق ...وعد مني شخصيا علي قد ما نقدر نحاول نركز في القهوة ديه علي أمور كندا أساسا

تحياتي يا باشا

طيب

ايه رايك بقى انا حاهيص هنا كمان

والا الدخول بالكرافت

انا عايز حد يكلمنى بقى

[ehabtaher]

[د هشام ابراهيم]

يا دكتور.. حضرتك محكيتش شفت ايه بالظبط.. غير السحابة السودة.

حضرتك نسيتنا ولا ايه؟

لا يا باشا ما نسيتش و لا حاجة بس متأخر شوية في الرد علي السادة الحضور

[د هشام ابراهيم]

ماهو طول ما أنت متمسك بيملى بتاعك دة ...هتفضل تتأخر فى الردود :lol:

يعنى شوف كام واحد من أصدقاء المنتدى...رايحين جايين من الشرق الأوسط...ماطلبتش ليه كىبورد عربى...ولا حتى ستيكرز حتى..

طيب ما أنت نفسك كنت فى مصر...ما عملتش كدة ليه...يعنى سهلها على نفسك شوية :ninja:

أنا كنت هناك فى التاريخ اللى كاتبه فيه المداخلة...وأكيد كنت هاعرفك لو شفتك..

بس موضوع كشرى التحرير دة صحيح 100%

مش قلتلك دينا وسمير :ninja:

تحياتى

سوسورانى

بدل الأستيكر اتنين و بدل الكيبورد اتنين منهم واحد Foldable ......بس أنا عندي اعتراف ...أصل ...أصل....أصل .....الكتابة ب yamli بقيت أسرع من الكتابة بالكيبورد العربي .....من كتر ما أستخدمته بقي أسهل بالنسبة لي من التايبينج العادي

المشكلة يا 005 في الوقت ....ما بين نبتشيات ٢٤ ساعة كل ٣ أيام و الرحلات المكوكية علي ال-QEW ما بين تورنتو و سانت كاثرين غير تفاصيل الحياة التانية يعني :lol: .....عارفة كمان اللي مزود الصعوبة المستشفي اللي أنا فيه دلوقتي ما فيهوش wifi ....أو بصورة أدق ال-wifi مقفول و security enabled ..... أستحملوني بقي لحد أخر فبراير و ربنا يستر :lol:

[ehabtaher]

وعلشان الاكتئاب من التلج فى موسكو او كندا

[د هشام ابراهيم]

النداء الاخير اللى عايز اى حاجه من هنا يقول ..اكرر اى حاجه ....بس ياريت متكونش تقيله لحسن ادفعه فرق الوزن :ninja:

أصيلة و كلك كرم و ذوق يا دكتورة

توصلي بالسلامة باذن الرحمن :ninja:

حضرتك شفتي حكاية القيود الجديدة علي الوزن المسموح و لا لسه ....فيه تفاصيل كتير في توبيك الباشمهندس زناتي

[د هشام ابراهيم]

دكتور هشام

كل سنة وحضرتك طيب... والسنة الجديدة تكون حققت كل اللي تتمناها....واولها المعادلة ان شاء الله

فين بقي بقية الخواطر في رحلة مصر المهروسة.....اقصد المحروسة :ninja:

و حضرتك و الأسرة الكريمة بالف خير و صحة و سعادة يا باشمهندس ....طول عمرك سباقة بالخير يا أفندم

تحياتي و احترامي :ninja:

بقية الخواطر جاية إن شاء الله

[د هشام ابراهيم]

طيب

ايه رايك بقى انا حاهيص هنا كمان

والا الدخول بالكرافت

انا عايز حد يكلمنى بقى :ninja:

يا دكتور ايهاب لسه بنقول حنركز في كندا و ما فيش داعي للتشتيت ..... و لسه بنقول احنا المصريين كده غاويين نبقي خالف تعرف

مش لازم يبقى الدخول بالكرافت يا سيدي ممكن تاكسيدو و بابيون :ninja:....

السلايد شو جميل ما فيش شك انما ياريت حضرتك تشارك بحاجة ليها علاقة بالتيمة و المحتوي و خلي الصور في توبيك خاص بيها

ما تزعلش مني و مستني مشاركاتك اللي في صلب الموضوع مش مجرد ديكور

خد الوردة ديه بقي

[د هشام ابراهيم]

طبعا كل حكاية رجلي المكسورة ديه كانت مقدمة لرحلتي لمصر ...عقلي الباطن بيبرر الملاحظات الناقدة اللي جاية ...يمكن .... بس أنا حاسيب الحكم ليكم ليا حق انقد و لا لأ

التوجس و الخيفة و الريبة بدوا كالعادة من مطار شارل ديجول .....طيارة القاهرة تقدر تعرفها من وسط ألف طيارة من غير ما تتعب نفسك و تدور علي يفط ........دايما كومبليه و دايما المسافرين المنتظرين في المطار بيتكلموا في الموبايل بصوت عالي لدرجة انك ما ينفعش ما تتابعش المناقشة ..... و لازم العيال يكونوا بيزنوا ...نفسي أعرف السبب إن أطفالنا فلذات أكبادنا ما بيبطلوش زن و الصوت اللي بنقول عليه أويئ.....أكيد عارفينه ...الموضوع أكيد جيني بحت ...أطفال بلاد الفرنجة لا بيزنوا و لا بيأوائوا

المهم ركبت الطيارة و اصارحكم القول أول ما دخلنا مجال مصر عنيا ابتديت تدمع .... شحنة شجن علي حب علي اشتياق و وسط مخاوفي من الزيارة اكتشفت إني ما خدتش بالي من حقيقة مهمة جدا : مصر فعلا وحشتني

----------------------------------------------

أحاسيس الحنين و الاشتياق و الكلام دهوت انقشع مع التاتش داون بتاع عجلات الطيارة سعادتك

نفسي أفهم ليه عبده المهم بيفتح الموبايل النوكيا أول ما الطيارة تلمس الأرض ...خلاص يعني مش قادر يستني الكام دقيقة دول .....و طبعا رنة المسج بتاعة نوكيا الشهيرة تتوالي الواحدة تلو الأخري ممزوجة بصوت فك الحزام مع إن الأشارة بتاعة الحزام قدام كل واحد منورة قد كدهوت سمفونية متتالية تقريبا بعدد المصريين اللي علي الطائرة

حد يقولي يا سلام يا كابتين لطيف إنت محبكها قوي ....يمكن .... المشكلة إن سعادتك لما بتسافر كتير ...مش بس كندا .... و تقارن سلوكيات الشعوب ......حاجات صغيرة زي كده بتقولك الكتير و الكتير و بتبتدي تاخد بالك منها مع انك في ألاول لا إما مش شايفها لا إما شايفها و متعايش .....العين الناقدة ديه أو في الحالة بتاعة الطيارة الأذن الناقدة بتيجي لما بتقارن ولاد بلدك ببقية الناس .... من ثقافتنا المعاصرة كمصريين عدم الألتزام ....لا بقواعد و لا باداب و لا بقوانين ....ده بالعكس كل ما علي قدرك و زادت فهلوتك كل ما كنت بتكسر القانون و تضرب بالتعليمات عرض الحائط .....من أول الموبايل علي الطائرة مرورا بالمرور و حتي نظام الحكم و حقوق المواطنة ....

------------------------------------------------

نكمل خواطر مصر و رزقنا علي الله ...أنا عارف إن المعلم Z ما بيجيش القهوة ديه فحاخد راحتي في النقد بقي

ماشي ما فيش مشكلة كبر دماغك يا عم هشام و خللي الناس تتكلم في الموبايلات براحتها

طب و الهرجلة و الفوضي و السباق علي النزول من الطيارة و مفيش مانع من كوع هنا أو زغد هناك ...... قلنا كبر دماغك ...إنت نسيت و لا كندا غيرتك .....كندا اااه يا حبيبتي يا كندا

المهم شحنة مشاعر جياشة نستني كل التلكيك ده أول ما خرجت من باب الطيارة ....... و حكاية سلالم الطيارة اللي بتنزلك لارض المطار عدل بلا سلم متحرك بلا نفق بلا تيوب بلا بتاع ....ما فيهاش حاجة يعني بتحصل و بعديها الاوتوبيس اللي بينقلك من الطيارة للمطار و السواق بتاعه شكله متعين كوسة لا إما رجليه تقيلة شوية علي الفرامل ...برضه مش مهم بتحصل في أحسن المطارات

انما اللي ما بيحصلش فرد الأمن اللي مستني علي باب المطار أول ما بتنزل من رحلة الاوتوبيس و الباشا فاتح اللاسلكي مع رئيسه اللي بيهزر معاه سيادته و كل من موجود سامع ألفاظه و صوته الغير محترم

اااه شكلك كده مش حتجيبها البر و نازل انتقادات انتقادات و لا كأنك مولود في التوب كابي يا عم انت ( ده أنا في حوار داخلي )

قعدت أقنع نفسي باني مزودها و عيني كل شوية تلقط غلطة جوه المطار ..سواء بني آدمين و لا تصميم و لا سلوكيات و لا نظافة و لا عدم نظام ..إلخ ...لحد ما أيقنت إن لعنة الغراب الأبيض نزلت علي من آلهة الأغريق (استغفر الله العظيم ) ...لحد فعلا ما قابلت أول مصيبة في مصر و ما ينفعش معاها أي تبرير

----------------------------------------

أنا خرجت من بوابة المطار من هنا و ألاقي دموع بتنهمر من عينيا ...

أصيل يا إتش وحشك أهلك و ناسك ....

هما واحشوني صحيح انما الدموع ديه من السحابة السودة ....يا نهار أسود ...حرفيا

سحابة إيه ديه بقيت عاملة زاي الماتريكس متواجدة في كل حتة و علي كل المستويات ...ازاي كل مرة أنزل مصر تبقى أسود من اللي قابليها ....دموع دموع دموع و حرقان في العينين و بقيت مش شايف قدامي وسط ضحكات و لمزات الصحبة المطارية .....ده باينه سايح و لا إيه ده

كل اللي كنت بافكر فيه هو الله يكون في عون مرضي الحساسية و الربو ...مش متخيل بيعملوا إيه وقت السحابة السودة ... اللي فهمت انها بقيت موجودة طول السنة بس بتزيد في الخريف ...فصل الخريف ده كان الفصل المفضل ليا في مصر ....أهو ضاع أهو و حسبي الله و نعم الوكيل في كل اللي كان السبب

بس برضه السحابة السودة ديه ترف مرفهين المصيبة الاكبر بقي كانت بعد كده :ninja:

كبيرة الأثافي و سبب رئيسي للهجرة ...... المرور

تخيلوا لما المرور يطفش الواحد من البلد كلها ......انما الحقيقة سلوكيات الشارع المصري مش مشكلة مرورية .....ديه مشكلة متشعبة جدا و فيها كل البلاوي اللي بنعاني منها .....غياب القانون و السلوكيات الدينية الصحيحة و القيم الأصيلة للمصريين منعكسة بصورة بشعة في الشارع ...في كل دقيقة و كل ثانية

أنا بقالي سنة و نصف لما بانزل مصر باستعمال عربية مؤجرة بالسائق و بعت عربيتي في مصر أصلا ...لكن ما تقدرش ما تحسش برضه بعدم الامان ....احساس فظيع و إنت حاسس إن كل اللي حواليك بيهددوا سلامتك الشخصية ..... بصورة أو باخري .... خصوصا لو علي طريق سريع ...إن شا الله الدائري .....و احساس أفظع لانك عارف إن لو حصلت مشكلة و لا حادثة إنت في السليم ....ده حتي لو عربية الاسعاف وصلت ليك و وصلتك مهازل الخدمة الطبية كافية لاكمال دائرة المصيبة

يا عم إنت مزودها قوي ما أنت نفسك كنت بتسوق هنا و عايش و متعايش و ما فيش أي مشكلة إيه اللي حصل يعني

اللي حصل إن الواحد أتعود علي العكس ...أتعود إنه يحس بالامان مش بس في الشارع لا في كل حتة اللي بيه دلوقتي مجرد ركوب العربية في مصر بقي تهديد لسلامة الواحد

ديه كانت أفكاري لما عماد قالي أرجع لحضرتك أمتي يا دكتور بلهجته الصعيدية الجميلة .....أهو عماد ده كان نقطة تفاؤل في زيارة القاهرة الأخيرة و يستاهل مشاركة لوحده :ninja:

[ehabtaher]

طيب

ايه رايك بقى انا حاهيص هنا كمان

والا الدخول بالكرافت

انا عايز حد يكلمنى بقى :lol:

يا دكتور ايهاب لسه بنقول حنركز في كندا و ما فيش داعي للتشتيت ..... و لسه بنقول احنا المصريين كده غاويين نبقي خالف تعرف

مش لازم يبقى الدخول بالكرافت يا سيدي ممكن تاكسيدو و بابيون wst:: ....

السلايد شو جميل ما فيش شك انما ياريت حضرتك تشارك بحاجة ليها علاقة بالتيمة و المحتوي و خلي الصور في توبيك خاص بيها

ما تزعلش مني و مستني مشاركاتك اللي في صلب الموضوع مش مجرد ديكور

خد الوردة ديه بقي :lol:

يعنى اجيب حاجه على المرور فى مصر

[ehabtaher]

هو ايه اللى خلانا كلنا نفكر فى الهجره حتى لو ماشتغلناش فى مجال وظيفتنا او فى مجال دراستنا ونفكر بعد كل العمر ده ندرس من جديد او نشتغل اى شغلانه والسلام

طبعا احساس الامان اللى مجرد التفكير فيه بس بيخليك عايز تهاجر النهارده قبل بكره

يعنى اولادك فى مدارس وانت ليك عنايه صحيه ممتازه والشوارع امان ممتاز من ناحيه المرور

والبيوت امان ممتاز من ناحيه الدفاع المدنى

والبلد زراعى وما بيستوردش من بره القمح (امان كبير جدا) ان اكلك موجود مهما حصل فى العالم حواليك

والجو بارد يعنى لو حصل جلوبال ورم ولو حصل ذوبان فى الجليد كندا حتبقى جندا وبرضه نبقى مبسوطين فى الجو بتاعها

وديتها ايه احنا نذاكر تانى شويه ونتعب زياده شويه دلوقت ايه يعنى

احسن ما نتعب بعد ماعمرنا يبقى مش بتاع تعب والا بهدله