قصتي مع كندا

[newcomer]

العفو يا أخي الفاضل ما فيش تعب و لا حاجة

الحقيقة أنا ما أعرفش اذا كان شراء عقار ليه علاقة بال PR card بس ممكن أسأل لحضرتك و لو إن الحاجات ديه بالذات يفضل سؤال السفارة عنها منعا للقيل و القال

بالنسبة لتملك العقارات زي ما تفضل الأخ Torontotruk الموضوع متاح لحاملي البطاقة أو الجنسية عن طريق الرهن العقاري و عن طريق التقسيط و الفائدة ممكن تكون ثابتة أو متغيرة و سنوات القسط أو الرهن ممكن توصل لعشرين سنة أو أكتر

مرسى على الرد يا دكتور .....

انا بسال مش علشان الشراء فى حد ذاتة....... انا بسال على اساس ان دة يكون مخرج من تعقيدات الليست الجديدة ....... فى مكاتب خاصه بالهجرة بتعمل اعلان .... ادفع 120 الف دولار كندى و احصل على الاقامة ........ بس الفلوس دى خلاص ذهبت الى غير رجعة :wub: ..... علشان كده لما سمعت انى اقدر اشترى ...... حتى لو خسرت فى ثمنه شويه لما اجى ابيعة ...... مش هاخسر ال 120 كلهم ( عارف حضرتك طبعا نصاحة المصريين :blush2: )

يعنى ..... باب جانبى ( بلاش خلفى ) للهجرة

[ايهاب سالم]

عندي واحدة سودة نفس اللي في الصورة دي تشارجر ار تي مسميها : خناقة علشان و شها اللي تحس انه بيجر شكل ( بفتح الشين و الكاف )

اسمها الحكي المتداول في السوق american muscles

تخيل يا باشمهندس ايهاب بعد ما اشترتها اكتشفت ان بلد الصنع كندا و هما فعلا ابدعوا في قوة هذه السيارة .... ده هي احد الاسباب اللي مخلياني عايز اهاجر كندا :wub: :D :blush2:

بأموت فيها يا مديح

و انا ماشي من قطر كانت لسه نازله و لو مكنتش ماشي كنت جبت واحده

بس في كندا كان لازم أجيب فان ..

عشان عندي تلات عيال ما شاء الله

يا دوب تاخدهم بعجلهم و لعبهم

بقيت بأسوق ميكروباظ يا بشر

[ايهاب سالم]

معلش دكتور هشام هاتعب حضرتك و اسالك لو عنك معلومات بخصوص شراء العقارات و الهجرة............ فى حد قاللى انى ممكن اخد ال P R لو باشترى عقار و قالى انه مش لازم ادفعة كلة كاش ..... يعنى 20% و الباقى على وقت...... اظن 10 سنين.......فهل حضرتك سمعت فيه حاجة كدة؟؟؟ حد من المصريين او العرب اللى حضرتك بتعرفهم عمل كده او سمع عن الحكاية دى؟؟؟؟؟

للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

[newcomer]

[للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

مرسى لردك يا باشمهندس .....حضرتك تقصد ال 800 الف دولار الى بودعهم فى البنك هناك و اخدهم بعد 5 سنين من غير اى ارباح ؟؟؟

[newcomer]

د. هشام..... م. ايهاب .... الفاضلة ام ريهام

هو بس علشان الانجليزى مش مبين النوع :D

لكن انا نيوكمرة يعنى اختكم مش اخوكم ..... :blush2: :wub: ::

تم تعديل 3 ديسمبر 2008 بواسطة newcomer

[om reham]

عفوا لك كل التحيه والتوفيق وعيد مبروك

[ايهاب سالم]

مرسى لردك يا باشمهندس .....حضرتك تقصد ال 800 الف دولار الى بودعهم فى البنك هناك و اخدهم بعد 5 سنين من غير اى ارباح ؟؟؟

نعم

بس الموضوع كبير

عندهم نوعين ... هجرة مستثمر أو رجل اعمال

و التفاصيل كثيره

هنا

[newcomer]

عفوا لك كل التحيه والتوفيق وعيد مبروك

ده هزار يا ام ريهام ...... مافيش عفوا و لا حاجة :blush2:

عيد سعيد عليكى و علينا يا رب.

[د هشام ابراهيم]

نيجي لمصاريف المعيشة في تورنتو .... طبعا تورنتو هي أغلي مدينة في كندا في كل الأحصائيات في كل المجالات فاي حتة تانية المصاريف حتبقى أقل ... بس ساعات و في وظائف معينة الدخل كمان بيبقى أقل

أكبر جزء في المصاريف هو السكن سواء ايجار أو رهن أو قسط .... طبعا يفضل الأول الأيجار لحد ما الأمور توضح ... أنا عن نفسي مأجر من يوليو ٢٠٠٥ الحقيقة لو رجع بي الزمن كنت يمكن أخد قرار مختلف انما ظروفي إن كل سنة بابقي أملي اني اجتاز أمتحان و أخش السيستم لكن ما كانش فيه توفيق

زميل لي من جامعة القاهرة ... مدرس بالجامعة برضه بس أصغر مني بسنة هاجر من مصر بقاله سنة و نصف ... ده بقى قرر إنه يقتني بيت بنظام الرهن العقاري بعد ٦ شهور من وصوله و فعلا عمل كده

الفكرة إن الأيجار فلوس رايحة لكن الاقتناء كل مليم ....قصدي سنت بتدفعه بيقعد في تمن البيت ...

نرجع لمرجوعنا ايجار شقة في وسط تورنتو حجرة نوم واحدة و رسبشن ممكن يكون في متوسط ١٥٠٠ دولار في الشهر ... تطلع أو تنزل حسب المكان و امكانيات العمارة و موقعها من الخدمات .... مترو ..مراكز تسوق ...إلخ .... كل ما بعدت عن وسط البلد الرقم ده في الأغلب الأعم بينزل

الحجرة الأضافية ممكن تزود الأيجار ٣٠٠ ٤٠٠ دولار .... أغلب الناس الجديدة اللي عندها أطفال بتفضل تبعد شوية عن وسط البلد لكذا سبب

أولا الأيجار أقل .... بتمن ايجار شقة في وسط تورونتو ممكن تأجر شقة أكبر أو حتي بيت

ثانيا الضواحي أفضل لتربية الأطفال .... المدارس أحسن و نوعية الناس اللي ساكنة أحسن و المناظر المؤذية اللي ممكن تبقى في الشارع أقل كتير

طبعا تبرز مشكلة المواصلات لذلك يفضل لو حتسكن بعيد عن وسط البلد تبقى قريب على قد ما تقدر من محطة مترو ... و ده موجود بكثرة الحقيقة و فيه عمارات كتير متوصلة بانفاق تحت الأرض توصلك لمحطة المترو مباشرة من غير ما تطلع للشارع ( في الشتا ديه ميزة كبيرة )

ما دام جينا للمواصلات نجيب بقية تفاصيلها ... زاي ما قلت قبل كده مقارنة بمدن تانية كتير زاي باريس مثلا مواصلات تورنتو محتاجة تطوير ... انما هي مش بطالة ... فيه شبكة مترو و اوتوبيس و ترام (street car) و اسعارها معقولة جدا و مواعيدها مظبوطة ..... يوم ما بيحصل مشكلة بسبب الجو أو أي عطل أو اضراب أو أي سبب الموضوع بيبقى متذاع على الراديو و التلفزيون و التأخير عن الشغل بيبقى متوقع و ما حدش بيلومك عليه

بالنسبة لاقتناء سيارة خاصة سعر السيارات أرخص من مثيلاتهم في مصر مثلا ... انما المصاريف الدورية كتير ... صيانة و تأمين و مصاريف ركن خصوصا في وسط البلد إلخ .... أغلب الوقت مش حتحتاج العربية غير في الويك اند علشان التسوق .... أنا قضيت أول كام شهر من غير سواقة خالص و كانت ماشية بعد كده سنة و شوية بأجر عربية في الويك اند اللي محتاج فيه عربية و دمتم

على ذكر التسوق تورنتو من أكبر المراكز الاقتصادية في العالم و كمان مليانة أسواق متعددة و منها كتير ليها طبيعى اثنية ... يعني ممكن قوي تلاقي مطعم تركي جنبه معرض سجاد ايراني جنبه بقال طلياني جنبه عطار صيني و هكذا .... مراكز التسوق العملاقة موجودة بكثرة طبعا و فيه منها كتير مصمم برضه انك ما تخرجش للشارع من محطة المترو

مصاريف الأكل و اللبس و ما شابه لا تقارن بمصاريف السكن ... لو قلنا انك حتصرف نصف مرتبك على السكن و النص على الباقي يبقى الدنيا أخر رحرحة .... مثلا حتأجر شقة ب-١٥٠٠ دولار و تصرف أنت و مراتك ١٥٠٠ كمان يبقى أنت كده عايش كويس أوي .... كل طفل طبعا بييجي بمصاريفه الأضافية .... مستريح ٥٠٠ دولار لكل طفل أكتر أو أقل حسب التساهيل ... مرتب نايب التخدير في سنة أولي نيابة ٤٥ ألف دولار في ألسنة .... غير التسهيلات و الخصومات اللي بياخدها تبع الجامعة و اتحاد النواب و ما يوازي نقابة الأطباء (CMA)

طبعا المصاريف ديه تقربية و مش ملزمة و الناس بتختلف في طريقة صرفها انما أكيد الأطباء من أعلي الدخول في كندا و مرتب نايب حتي كافي كبداية

محلات الجزارة و البقالة و مطاعم الأكل الحلال موجودة .... عادة بتنقسم لقسمين ... محلات مملوكة لعرب أو لغير عرب ... باكستان و هنود و افغان الخ .....الحاجات الرفيعة اللي ساعات بتفرق مع الواحد موجودة برضه ...أنا حكاية الجبنة الرومي ديه كانت عاملة لي أزمة لحد ما لقيتها ....

أكبر منطقتين فيهم نسبة عرب هما ميسيسوجا و سكاربورو ... طبيعى قوي تلاقي يفط المحلات مكتوبة بالعربي و الناس اللي فيها ما بيتكلموش غير عربي

و للحديث بقية

[newcomer]

مرسى لردك يا باشمهندس .....حضرتك تقصد ال 800 الف دولار الى بودعهم فى البنك هناك و اخدهم بعد 5 سنين من غير اى ارباح ؟؟؟

نعم

بس الموضوع كبير

عندهم نوعين ... هجرة مستثمر أو رجل اعمال

و التفاصيل كثيره

هنا

مرسى لمساعدتك و لوقتك يا باشمهندس .... انا كنت شفت اللينك ده فى بداية دراستى للموضوع ..... فاهقراه تانى و اشوف بقى..... شكلها لا مفر من الاستعانة بمحامى متخصص ... ..... عكس نصيحة الدكتور المتعاون جدا ..... د. قناوى ... ربنا يجازيه كل خير

[ايهاب سالم]

إستكمالا لموضوع العقار

كان زمان ممكن تشتري بيت في كندا بدون مقدم و تقسيط حتى 40 سنه

بعد اللي حصل في أمريكا الحكومه عدلت القانون من شهور و رفعت الحد الادنى للمقدم إلى 5 % و التقسيط بحد اقصى على 35 سنه

لكن ده مش معناه إن أي حد ممكن يمتلك بيت ب 5 % مقدم فقط

موافقة البنك و تحديد الحد الادنى للمقدم و الحد الأقصى لمدة التمويل يعود لعوامل كثيره مثل دخل المشتري و طبيعة وظيفته و مدى إستقراره فيها و تاريخه الإئتماني

عموما أنا أشتريت بيت جديد بفضل الله

و ناوي أسرد التجربه بالتفصيل في قهوتي الجديده اللي ناوي أفتتحها قريبا

إشمعنى دكاترة المنتدى فاتحين قهاوي :blush2:

[newcomer]

بعيدا عن الاسئلة الجانبية .......

كمل سعادتك

متابعييين مستمتعيييييين

[د هشام ابراهيم]

الأخت الفاضلة newcomer أرجو أن يكون الأخوة قد قاموا بالرد على أستفساراتك كلها ...و عذرا على اللبس .... اللي ما يعرفك يجهلك فعلا .... كل سنة و حضرتك طيبة أنا كمان لا أحبذ الأستعانة بمحام و لكن لا علم لي بتفاصيل قواعد الهجرة الجديدة ....يمكن فعلا كما يقولون لا بد مما ليس منه بد

[jessika]

جميل يا دكتور هشام وضحتلنا امور كتير؟ بس يعنى اية كل طفل بييجى بمصاريفة 500 دولا ؟ تقصد كل طفل بيصرف 500 دولا بالشهر ولا بياحد معونة 500 دولا

[د هشام ابراهيم]

إستكمالا لموضوع العقار

كان زمان ممكن تشتري بيت في كندا بدون مقدم و تقسيط حتى 40 سنه

بعد اللي حصل في أمريكا الحكومه عدلت القانون من شهور و رفعت الحد الادنى للمقدم إلى 5 % و التقسيط بحد اقصى على 35 سنه

لكن ده مش معناه إن أي حد ممكن يمتلك بيت ب 5 % مقدم فقط

موافقة البنك و تحديد الحد الادنى للمقدم و الحد الأقصى لمدة التمويل يعود لعوامل كثيره مثل دخل المشتري و طبيعة وظيفته و مدى إستقراره فيها و تاريخه الإئتماني

عموما أنا أشتريت بيت جديد بفضل الله

و ناوي أسرد التجربه بالتفصيل في قهوتي الجديده اللي ناوي أفتتحها قريبا

إشمعنى دكاترة المنتدى فاتحين قهاوي :blush2:

أنوي بس يا باشا و احنا كلنا نيجي لحضرتك ... و ألف شكر على ردودك القيمة على جميع الأخوة و الأخوات

[شاب مصري]

د. هشام..... م. ايهاب .... الفاضلة ام ريهام

هو بس علشان الانجليزى مش مبين النوع :blink:

لكن انا نيوكمرة :wub: يعنى اختكم مش اخوكم ..... ::

newcomer=القمر الجديد

على رأي د.الشامي

:lol:

[bent misr]

الف شكر لك يا د / هشام على المعلومات القيمه

والمفيده التي تمدنا بها و جعلها الله في ميزان حسناتك

يوم لا ينفع مال و لا بنون الا من أتى الله بقلب سليم

وكل سنه وانت والاسره بألف خير و سلام

[newcomer]

الأخت الفاضلة newcomer أرجو أن يكون الأخوة قد قاموا بالرد على أستفساراتك كلها ..

ربنا يكرمهم كلهم

.و عذرا على اللبس .... اللي ما يعرفك يجهلك فعلا .... كل سنة و حضرتك طيبة

و حضرتك و الناس كلهم بالف صحة و خير

أنا كمان لا أحبذ الأستعانة بمحام و لكن لا علم لي بتفاصيل قواعد الهجرة الجديدة ....يمكن فعلا كما يقولون لا بد مما ليس منه بد

ربنا يهدينا جميعا للى فيه الخير

[newcomer]

د. هشام..... م. ايهاب .... الفاضلة ام ريهام

هو بس علشان الانجليزى مش مبين النوع :wub:

لكن انا نيوكمرة :wub: يعنى اختكم مش اخوكم ..... :blink: ::

newcomer=القمر الجديد

على رأي د.الشامي

:lol:

ربنا يستر و ماحدش يقولى قمر بالستر و بفكركم يا جماعة انى كنت معتمدة على ترجمة انيس عبيد انها الوافدة الجديدة............. بس الظاهر انها كانت ترجمة حرفية :lol: و الظاهر برضة ان دى الترجمة الطبية :lol: ........... على كل حال ....... مرسى :lol:

ملحوظة : الصورة الاولانية كانت ماشية مع الشباب ......... لكن دى .............ز شباب ناضج حبتيين wst::

[شاب مصري]

د. هشام..... م. ايهاب .... الفاضلة ام ريهام

هو بس علشان الانجليزى مش مبين النوع :wub:

لكن انا نيوكمرة :lol: يعنى اختكم مش اخوكم ..... :blink: ::

newcomer=القمر الجديد

على رأي د.الشامي

::

ربنا يستر و ماحدش يقولى قمر بالستر و بفكركم يا جماعة انى كنت معتمدة على ترجمة انيس عبيد انها الوافدة الجديدة............. بس الظاهر انها كانت ترجمة حرفية :lol: و الظاهر برضة ان دى الترجمة الطبية :lol: ........... على كل حال ....... مرسى :lol:

ملحوظة : الصورة الاولانية كانت ماشية مع الشباب ......... لكن دى .............ز شباب ناضج حبتيين :wub:

كانت صورة محمد حماقي

ودا المعلم جيفارا

بس نضج ايه بس اتعدينا مرحلة النضج خلاص عجزنا دلوقت 21 سنة وهوبااا السنين بتجري