قصتي مع كندا

[حسام يوسف]

يا جماعة أنا لما عرفت ان باشمهندس زناتى بورسعيدي

وأنا بحب البورسعيدية والله وكلهم كانوا زملا وأصدقاء فترة الكلية والدراسة

تفهمت جدا دفاعه عن اللى عايز يقعد فى مصر

البورسعيدية وأهالينا في خط القناة أكثر فئات الشعب المصري وطنية وحب وغيرة بانفعال على بلدهم سواء بلدهم اقليميا أو بلدهم مصر

وفى النهاية كل واحد ليه وجهة نظر وكلنا بنحترم بعض وان اختلفنا

[د هشام ابراهيم]

انت يا دكتور هشام عليك المحتوى

وانا عليا الديكور

ولو تعرف بس تقارن بين التعليم فى مصر او فى كليات مصر وفى كليات او مدارس كندا

تلاقى انهم بيخلطوا المحتوى بالديكور

علشان يجذبوا انظار الطفل اللى دايما ملول ومابيحبش المذاكره والحشو الزياده

واعتقد انك واخدها جد شويه

انا عارف ان ده كويس وبالطبع من الواضح ان ده منهجك اللى انت ماشى عليه

ولو تعرف اد ايه انا محترم سيادتك وبا قدرك بس انت محبكها فى المنتدى شويه

فى الاول والاخر هى معلومه توصلها ازاى هى دى الفكره توصلها مع ضحكه زى د سوسورانى او توصلها بالعاميه زى د تهامى

او توصلها بشويه اكشن زى د محمد الشامى او توصلها بجديه زى د هشام وجزاك الله عننا كل خير

فى المتدى هنا وفى توبيك الزناتى احد الاعضاء جاب سيره الاسر اللى هاجرت الى كندا 50 اسره صينيه بالتحديد وتابعوهم ووجدوا ان 16 % منهم بس اللى اشتغل فى مجاله الاصلى بعد 3 سنوات من الهجره

وفى قهوه الزناتى فيه نبره تفاؤل ان احساس الحكومه بوضع المهاجرين ممكن يغير حاجه فى السيستم ويدخلو سوق العمل فى مجالهم بسرعه عن الاول

انا مش حاسس بالتفاؤل ده

ويمكن علشان كده ممكن تلاقى نبره سخريه او هزار فى مداخلاتى

ممكن انت تؤكد الاحساس ده او تنفيه

ايه رأيك انت :P

</div>

ما حضرتك كنت ماشي كويس يا دكتور إيه بس اللي رجعك لحكاية الديكور ديه ....

سعادتك قلتها أهو ...كل توبيك و ليه طبع و ليه تيمة و ليه طريقة و شكل ...خلي التوبيك ده يحتفظ بشكله و اختلافه عن بقية التوبيكات ....احتمال اني محبكها بس ينفع أفضل محبكها ...ينفع نحافظ علي الشكل و التيمة و الطريقة اللي اختارها اللي ابتدا التوبيك و مصمم عليها

ما علينا بص يا سيدي ...حكاية الخمسين أسرة دول ما أعرفش عنها حاجة و لا أقدر أنفي أو أؤكد انما أقدر أقول رأيي

- خمسين أسرة صينية لا هي مقياس و لا هي قاعدة .....٥٠ عدد قليل و طباع الأسر الصنيية غير أي أسر تانية

- الأندماج في كندا مش سهل ...لا صعب و صعب جدا كمان .....الشغل عايز مجهود و وقت و عزيمة ...مش حنقدر يبقى مشروع الهجرة مش لينا ....للمرة المليون ما فيش حاجة ليها قيمة بتيجي بالساهل ...عايز حاجة يبقى تدفع تمنها ما فيش حاجة حتجيلك علي طبق فضة

- الدخول في السيستم الطبي من أصعب ما يمكن ....لكن مش مستحيل ....كل الناس اللي دخلت فيه دول مش خارقين و لا واصلين ...حاولت علي قد ما أقدر انقل تجربتي الشخصية في التوبيك ده ...بحلوها و مرها .....و بكل التفاصيل اللي أعرفها لو قصرت يبقى حقكوا علي

- الحكومة فعلا في سبيلها لتحسين السيستم شوية بس إيه تأثير ده علينا ...كعرب ...الله أعلم ...ممكن التغييرات ديه تصب في مصلحة الحاصلين علي شهادات من أمريكا و من إنجلترا أكتر من الشهادات العربية انما صراحة ما أعرفش تفاصيل أكتر من إلي قلتها

[د هشام ابراهيم]

اللاأنتماء ...فقد الهويه ...تفشى الفساد ...حالة الضياع العامة التى تمر بها مصر ...كل ده يا بروفيسور هشام وتلاقى نفسك لسه قلقان وانت رايح كندا لاول مره ...انا ربنا رزقنى باتنين اطباء زملاء محترمين واحد راح امريكا كتير وقرايبه كلهم كانوا هناك ورجعوا بسبب اولادهم وكل يوم الصبح يأكد عليه ويقولى انا قولتلك وانتى حره :D والتانى ساب ولاده فى كندا مع مامتهم وراجع يكمل شغل هنا وح يروح لولاده فى الاجازات هو دكتور شاطر جدا تقريبا استشارى ولكنه لم يجد شغل هناك لحد دلوقتى ...وراجع شاكك فى كل حاجه حتى انه شايف ان المنتدى بتاعنا ده لازم يكون حد بيدفعله عشان يحبب الناس فى كندا :o وان شخخصية سوسو رانى غير حقيقيه (سامحيه يا سوسو) قولتله لحد هنا ولالا لا .... :lol: ده جيجى مرات الزناتى قابلتها والا كمان جيجى شخصيه وهميه mfb: المهم ادعولى ربنا يقوينى لحسن انا خلاص :D

ربنا معاكي و يقويكي و يعينك و يلهمك ما فيه الخير كله :P

بصي يا سيدتي الفاضلة لا تجربة أمريكا مقياس و لا تجربة كندا مقياس ...كل تجربة و ليها خصوصيتها ...فايدة التجارب ديه نستفيد من غلطات اصحابها و نحاول ما نعملهاش و ربك المستعان

و حلوة حكاية كندا بتدفع للمنتدي ...يا ريت :lol:

الحسبة ببساطة ...... راضية عن حالك في المكان اللي انتي فيه ...مصر بقي أو الخليج أو أي مكان ...لو الاجابة آه يبقى خليكي مكانك

مش راضية يبقى حاجة من اتنين

- عندك استعداد تخاطري و تجربي في كندا لا صابت لا خابت ...يبقى اتكلي علي الله و هاجري و ربنا معاكي ....الدنيا صعبة في الاول ما فيش شك انما الهدف يستاهل

- ما فيش استعداد للمخاطرة يبقى الله يكون في عونك و يصلح لك الحال

[safaalabana]

اللاأنتماء ...فقد الهويه ...تفشى الفساد ...حالة الضياع العامة التى تمر بها مصر ...كل ده يا بروفيسور هشام وتلاقى نفسك لسه قلقان وانت رايح كندا لاول مره ...انا ربنا رزقنى باتنين اطباء زملاء محترمين واحد راح امريكا كتير وقرايبه كلهم كانوا هناك ورجعوا بسبب اولادهم وكل يوم الصبح يأكد عليه ويقولى انا قولتلك وانتى حره :D والتانى ساب ولاده فى كندا مع مامتهم وراجع يكمل شغل هنا وح يروح لولاده فى الاجازات هو دكتور شاطر جدا تقريبا استشارى ولكنه لم يجد شغل هناك لحد دلوقتى ...وراجع شاكك فى كل حاجه حتى انه شايف ان المنتدى بتاعنا ده لازم يكون حد بيدفعله عشان يحبب الناس فى كندا :o وان شخخصية سوسو رانى غير حقيقيه (سامحيه يا سوسو) قولتله لحد هنا ولالا لا .... :lol: ده جيجى مرات الزناتى قابلتها والا كمان جيجى شخصيه وهميه هم ادعولى ربنا يقوينى لحسن انا خلاص :D

ربنا معاكي و يقويكي و يعينك و يلهمك ما فيه الخير كله

بصي يا سيدتي الفاضلة لا تجربة أمريكا مقياس و لا تجربة كندا مقياس ...كل تجربة و ليها خصوصيتها ...فايدة التجارب ديه نستفيد من غلطات اصحابها و نحاول ما نعملهاش و ربك المستعان

و حلوة حكاية كندا بتدفع للمنتدي ...يا ريت :lol:

الحسبة ببساطة ...... راضية عن حالك في المكان اللي انتي فيه ...مصر بقي أو الخليج أو أي مكان ...لو الاجابة آه يبقى خليكي مكانك

مش راضية يبقى حاجة من اتنين

- عندك استعداد تخاطري و تجربي في كندا لا صابت لا خابت ...يبقى اتكلي علي الله و هاجري و ربنا معاكي ....الدنيا صعبة في الاول ما فيش شك انما الهدف يستاهل

- ما فيش استعداد للمخاطرة يبقى الله يكون في عونك و يصلح لك الحال

اشكرك على ردك يا بروفيسور هشام . بالظبط زى حضرتك ما قلت هى تجربه وان شاء الله تنجح ان شاء الله ربنا مش ح يخزلنى

عارفه والله انها سكه صعبه بس دايما المخاطره الكبيره ممكن تجيب نجاحات كبيره ..انا استعديت على قد ما قدرت فاضل توفيق ربنا

وانا مستعده اتحمل علشان مستقبل الاولاد ان شالله حتى اشتغل فى اقصى القطب الشمالى فى منطقة الدب القطبى

مش معقول مافيش شغل هناك :D mfb: بالمناسبه يادوكتور انا اشتغلت عنايه مركزه حديثى ولاده ودى مافيش عليها اقبال من السعوديين ادعيلى الاقى فيها مكان وتحياتى لك يا سيدى الفاضل ويارب يزيدك من نجاح الى نجاح :P

[د هشام ابراهيم]

دكتووور هشام أحييك من أرض الوطن :(

أنا شوفت كل إلي بتقول عليه و أنا راجع ...مش مكن يا دك حاجة مهزلة والله

مصر للطيران دي أسوأ شركة طيران . و إلي فيها موظفين حكومة مفيش أي إحترافية في التعامل مع الناس

و احنا المطار الوحيد في العالم كلو إلي لسة بيستخدم سلالم و اوتوبيسات حاجة شلل

و أول ما باب الطيارة اتفتح في ريحة دخان فظيعة في الجو و شبورة غريبة

الواحد كان مخنوووق إن راجع مصر من تاني

تحياتي يا دك

دكتورنا العزيز ...ألف حمد الله علي السلامة ...معلهش هي الصدمة الحضارية بتبقى جامدة شوية لما بتطول بره ...أنا فاكر بعد ٦ شهور في اليابان ما فقتش لما رجعت مصر إلا بعديها بكام أسبوع لما سواق تاكسي شتمني علشان وقفت في اشارة مرور حمرا :blink:

مستنيين تجربتك يا دكتور ..أكيد حتبقى مفيدة wst::

[د هشام ابراهيم]

أخبار النيابه معاك إيه يا دكتور ... ربنا يعينك ... أنا مش قادره أتخيل إزاي هاستحمل الذل بتاع النيابه ده تاني ... لسه مخلصاها من 4 سنين و ما صدقت .... :P

بس ممكن أسأل حضرتك سؤال سألته لناس كتيييييييير و كل واحد يقول إجابه شكل .... إيه هي الأوراق المطلوبه و المطلوب توثيقها للتقديم على الEE ؟

فيه ناس قالولي شهادة البكالوريوس بس ... و ناس تانيه قالوا و كمان الإمتياز و التقديرات ... و ناس قالوا إني لازم أبعت أصول الشهادات مش صور ... أنا بجد محتااااااااسه ع الآخر wst:: ....يا ريت تقولي آخر كلام ... عشان اللي هاتقوله هاعمله على طول إن شاء الله :blink:

ميرسي مقدما

أكدب عليكي يا دكتورة لو قلت إن الموضوع سهل علي الواحد لا جسمانيا و لا نفسيا بس الواحد مخليها علي الله و ربنا يستر

الحمد لله إن الدكتورة الفاضلة طبيبة مصرية ردت علي سؤال حضرتك

[د هشام ابراهيم]

بعد اذنك دكتور هشام اسمحلى ارد على سؤال دكتورة ايمان

الرابط ده لدكتور اسكندرية تانى جزاه الله خيرا فى كل اللى انتى عايزة تعرفيه عن امتحان الMCCEE (الاوراق المطلوبة وطريقة التقديم والرسوم و........)

بالتوفيق مقدما ان شاء الله........

http://www.egyptiantalks.org/invb/?showtopic=63597

دكتورنا الغالى دكتور هشام

كل عام وجضرتك بخير ويا رب السنة دى تبقى سنة سعيدة عليك وتحقق كل احلامك .......

الف شكر لحضرتك على عودة الخواطر الجميلة واسلوب السرد الراقى............

تسجيل اعجاب ومتابعة يا فندم

يا أفندم العفو و جزاك الله كل خير علي الرد ...نفسي موضوع د اسكندرية تاني يتثبت لاهميته لكن ليس كل ما يتمناه المرء

شاكر لحضرتك المتابعة و إن شاء الله أواصل سرد خواطر الأجازة و رزقي علي الله :)

[د هشام ابراهيم]

عزيزي د هيتش

الموضوع يا صديقي موش مجرد تبريرات

الموضوع اني ملاحظ انك ماعنتش بتشوف مصر والمصريين الا بعيون الانتقاد او بمعني اخر

ماعنتش تشوف الا السلبيات

وكان فجاة كل حاجة حلوة في مصر والمصريين ..هوبااا .. ديليت

ودة طبعا موش صح

احنا زي مافينا وحش فينا حلو ..والا كان ربنا فنانا من على الارض..ماحناش اسوأ شعوب الارض يا هيتش

لو لاحظت هتلاقي اخف الشعوب العربية ابتلائا هو المصريين

زمان ؟؟شعوب ابيدت عن اخرها وربنا اورث الارض لخلق اخرين لما عصت ربنا بعقاب سماوي مريع ...احنا ربنا غرق فرعون وجنوده بس وساب المصريين مع انهم كانوا بيعبدوا فرعون

وحاليا ربنا ابتلي المسلمين في العراق وافغانستان وفلسطين بالقتل والترويع وعدم الامان والفتن الكبري سنة شيعة ..واحنا ابتلانا بالمرض والفقر والغلا ودة صدقني ارحم كتير

والمثل اللي انا ضربته كررته كثير من افلام السينما العالمية ..في حالة الفوضي ..هاياكلوا بعض في الشوارع وكل الاخلاق والايتيكيت وهدوء الاعصاب اللي انت شايفة دة هايتقلب في ثانية وتبقي مجازر

التدهور اللي حصل في وسط المصريين دة ماحصلش مرة واحدة ولا هو طبع اصيل فينا يا صاحبي

دة احنا كان عندنا نظام ومجلس شعب وحكومة متتخبة بجد وعلم وجامعات واسفلت وعمارات واخلاق وادب وفن وذوق لما كانت كل شعوب المنطقة عايشة في خيم والطين

القاهرة كانت احلى بلاد الدنيا وقت لما الانجليز والفرنساويين اللي هما الاجداد المباشرين للاخوة الكنديين حاليا بيحتلونا عسكريا ويسرقوا خيرنا وحضارتنا ويوقفوا الحضارة الاسلامية بصفة عامة

وبعد كدة هاجروا على كندا وامريكا ودبحوا كل السكان الاصليين وقتلوهم وبعدين حاربوا بعض وعملوا معاهدات بينهم وبين بعض وبعدين حكموا الارض وعملوا دول استقدمت كل علماء الارض من كل مكان وبعدين رجعوا تااااني يضربوا فينا باسم الارهاب

ياااااااااارااااااجل دة تاريخ ؟؟..دة حاجة تقرف وتعر

عندهم عدل ونظام... وظلم وقتل واستغلال علينا احنا ...المبادئ لا تتجزأ يا صاحبي

اللي حصل فينا ماجاش مرة واحدة ..دة كان عامل زي السم البطئ على مدار سنين

استغلوا فينا الطيبة وطاعة ولي الامر ..واستغلوا فينا جهلنا بدينا وحبنا الحالي للراحة والكسل والاستغناء بالبشر والدنيا عن الله عز وجل

شعب اتحمل كتير لغاية ماخلاص فاض بيه ...المصريين النهاردة غير من 30 سنة فاتت ودة مؤكد ولو انه موش زمن في عمر الشعوب

لكن اللي مؤكد بجد ..اننا ممكن في لحظة واحدة نتغير تاني ونبقي احسن بلاد الارض والتاريخ هايعيد نفسه تاني زي ماحصلت كتير في تاريخ مصر بس انت ماتبصش تحت رجليك

شوف بلدك بالعينتين ..عين السلبية وعين الايجابية

زي بردة مالازم تبص لكندا بالاتنين موش كلها وردي يعني

ورغم اني باشوفها بالاتنين وعارف زيك تمام العيوب اللي فينا

الا ان مصر لازم تكون خارج المقارنة يا صاحبي

دي تحبها زي ماهيا كدة وتحب اهلها اللي هما اهلك وصحابك برده زي ماهمه كدة

لانك موش هتلاقي المدينة الفاضلة ولو حتى اشتريتها بفلوس

كندا حل يا صاحبي بس عمرها ماحتكون بديل حتى لو عشت عمرك ومت في كندا

وعجبا للي بيهللوا في كراهية مصر وووو والمدح في كندا حتى لو كانوا لسه ماروحاش اصلا

والله يا اخوانا انتوا مانتوش زي ابائنا اللي كانوا ابسط من البساطة

واغلب من الغلب

كانت بتتصرف للاسرة الواحدة فرخة في الشهر

والشاي من غير سكر علشان السكر كله كان رايح للجيش

ومعظم ليليهم من غير نور

وتقريبا ..مافيش مستقبل لاي حد

وماخدوش منها اي حاجة بمقاييس العالم المتطور

ويوم ماطلبت منهم دمهم ما اترددوش ولا قالوا ..لا ..يروح عبد الحكيم عامر وعبد الناصر يجيبوها زي ماضيعوها وضيعوا 30 الف شاب مصري من شبابنا ..دي بلد تقرف

بس ارجع اقول ..هانت ..غمه وهاتعدي يا صاحبي

ماتزعلش مني يا صاحبي ..دي وجهة نظر ..وانت ملك الحوارات ووجهات النظر

إنت تاني .....يا ظالمني أروح لمين

علشان تعرف انك ظالمني و بتحكم بسرعة إرجع شوية في القهوة ديه اللي شكلك عمرك ما دخلتها و أقرا أنا قلت إيه عن كندا و إيه عن مصر قبل ما تحكم و تصدر الحكم يا عم الحاج يا بتاع التذكرتين

لا كندا جنة ولا مصر نار انما حال مصر لا يسر و السبب مش الحكومة احنا ....الرهاب من الغرب ده ما فيش أسوأ منه غير الرهاب من الاسلام ....كل جانب مش شايف و لا فاهم التاني و فيه عناصر علي الجانبين بتزود الهوة

تاريخ بني بشر كله أسود ..... المجازر اللي حصلت لسكان أمريكا الشمالية الاصليين سبة و عار و فضيحة ... انما علي الجانب الاخر تاريخنا مش أبيض زي ما أنت فاكر .....ده فيه صفحات حالكة السواد كمان

نفسي أفهم أنا أمتي قلت إن كندا كل حاجة فيها وردي ديه ....أكونش باكتب و أنا نايم

زي ما قلتلك يا Z قبل كده أي مقارنة بين كندا و مصر في الوقت الحالي مش في صالح مصر بطل إنت مقارنة و احنا الاتنين نستريح

[د هشام ابراهيم]

كلام زياده عن كده يا زناتى حتحسسنا بالذنب ان احنا سايبين مصر ورايحين كندا

أهو ده اللي مجنني يا دكتور من صاحبك ده ....لو قاعد في مصر و متأقلم كان يبقى علي العين و الراس و نضرب تعظيم سلام ......لو قاعد في الخليج و مبسوط كنا قلنا عداه العيب و قزح و ربنا يباركله ...لو كان جه كندا و أتصدم أو ما عجبتوش كان يبقى عمل اللي عليه و وجهة نظره تتوافق مع تجربته الشخصية انما عمك Z مش فاهم له الصراحة

[د هشام ابراهيم]

,والله انا موش عارف انت بترد على كلامي ليه يا د ايهاب

الكلام موش موجه ليك اطلاقا ولا لغيرك ..دة انا باحاور د هشام في كام نقطة وباقوله وجهة نظري يعني الكلام اللي فيه موش كلام عام للمهاجرين ..لا ..دي وجهة نظر للدكتور هشام

ثانيا ودة الاهم جدا بأه

الكلام بتاعي ليس له اي علاقة بالهجرة ولا بكندا اطلاقا ...الكلام دة ممكن يتقال لواحد متضايق من مصر وهو في مصر وموش مهاجر اساسا

انا رايي في الهجرة قلته قبل كدة .وابسط دليل عليه ان انا كمان مهاجر يعني مقتنع بالموضوع في الفترة الحالية

يعني مالوش علاقة بمشروع الهجرة نفسة او بأن كندا وحشة والا حاجة ..الموضوع دفاع عن حالة مجتمعنا حاليا لا اكثر

امرك غريب يا Z يعني الراجل لسه قاعد أقوله شارك في الحوار و قول رأيك و بطل تحط صور ديكور و ما فيهاش حاجة لو رأيك كان مخالف علشان تثري الحوار تيجي سعادتك تقوله بتحاور في المحاورات ليه

معلهش يا دكتور ايهاب ...حقك علي أنا و كلامك كله صح استمر يا دكتور في المناقشة حضرتك كده تمام التمام

بص يا Z أنا فاهم وجهة نظرك بس لا متفهمها و لا مقتنع بيها ...احترامي يا باشمهندس

[د هشام ابراهيم]

طب اشمعنا انا من كل الناس اللى بتكتب فى المنتدى ...اللى حس انى مش حقيقية؟!!!!

حاجة غريبة قوى...يعنى انا باكتب بواقعية..مابقولش ماشربتش من بحيرتها ...ولا لعبت فى تلجها

طيب ماقلش ليه ان التهامى ولا الشامى...ولا اى حد من الناس بتوع المنتدى..مش حققيين!!!

وموضوع كندا التى رأيتها...مش حقيقى برضه

تحياتى

و بعدين يا دكتورة خليكي فريش امال ....ما هو أكيد سعادتك اللي قلتي إن الحياة في كندا وردية حيكون مين يعني

[SoSo R]

طب اشمعنا انا من كل الناس اللى بتكتب فى المنتدى ...اللى حس انى مش حقيقية؟!!!!

حاجة غريبة قوى...يعنى انا باكتب بواقعية..مابقولش ماشربتش من بحيرتها ...ولا لعبت فى تلجها

طيب ماقلش ليه ان التهامى ولا الشامى...ولا اى حد من الناس بتوع المنتدى..مش حققيين!!!

وموضوع كندا التى رأيتها...مش حقيقى برضه :)

تحياتى

و بعدين يا دكتورة خليكي فريش امال ....ما هو أكيد سعادتك اللي قلتي إن الحياة في كندا وردية حيكون مين يعني

مساء الفل ..

وبعدين فى الليلة دى اللى مش عايزة تخلص

انا عندى مدارس بكرة وعايزة انام...

شكلك نبطشى للصبح...ومقضى الليلة...

بص هرد بنفس ردك...

احنا فعلا فى رحلة

وهابقى فريش اكتر من كدة يا دكتور هاروح فين؟!!

سلام

[د هشام ابراهيم]

ربما ان الكلام يكون موجه لى انا كمان.. بما انى مخنوق من مصر..

بس تفتكر حضرتك بعد ما عينوا ابن زكى بدر وزير "للتربية و التعليم"... تفتكر مصر هتبقى عاملة ازاى؟

فيه قرار انا اخدته.. انى دايما هخلى على الباسبور بتاعى تأشيرة صالحة لاى بلد.. عشان اقدر اخرج فى اى وقت انا عايزه... يا عالم ايه اللى هيحصل فى 2010!!!

لو الوضع استمر على ما هو عليه... انا عايزك بس تشوف المهزلة اللى هتحصل لما مبارك يموت... و عشان كده انا بجد انصح كل الاخوة اللى فى مصر اللى معاهم فلوس, يحولوا نص فلوسهم عالاقل ليورو (بلاش دولار امريكى عشان متدحدر اليومين دول)... لانى متوقع ان فيه مسخرة هزلية هتحصل فى مصر لما مبارك يموت (يا رب تكون توقعاتى غلط)... صحيح ان احنا شعب سلمى و مسالم.. لكن حضرتك شفت المحلة حصل فيها ايه؟؟

انا هقول لحضرتك حاجة واحدة بس... ساعة لما حفيد الرئيس مات, و قالوا ان حالته النفسية تعبانة شوية... البورصةالمصرية كادت ان تنهار... و الاجانب خرجوا فلوس كتير من البلد يومها... تخيل؟ طبعا المعلومة دى انا بقولها لانى مضارب فى البورصة... يعنى مش بألف... و على فكرة كان نفس الاسبوع اللى اتحكم بالاعدام على هشام طلعت مصطفى, و برضه البورصة انهارت بسبب البيه.

بلد متوقفة على حياة شخص؟؟ انا مش هقول اكتر من كده!

عارف يا ماي باشا ...السيناريوهات المحتملة بعد وفاة الرئيس ربنا يطولنا في عمره يعني كانت من أكتر الأسباب اللي رعبتني في حياتي ....صراحة مش شايف انتقال سلس في السلطة إلا لو حصلت حاجة في حياته ....اليأس وصل بي اني ما بقيتش ممانع مشروع التوريث لو معناه البلد تفضل مستقرة و ناسها ما يتبهدلوش ....تخيل

[myusername]

ربما ان الكلام يكون موجه لى انا كمان.. بما انى مخنوق من مصر..

بس تفتكر حضرتك بعد ما عينوا ابن زكى بدر وزير "للتربية و التعليم"... تفتكر مصر هتبقى عاملة ازاى؟

فيه قرار انا اخدته.. انى دايما هخلى على الباسبور بتاعى تأشيرة صالحة لاى بلد.. عشان اقدر اخرج فى اى وقت انا عايزه... يا عالم ايه اللى هيحصل فى 2010!!!

لو الوضع استمر على ما هو عليه... انا عايزك بس تشوف المهزلة اللى هتحصل لما مبارك يموت... و عشان كده انا بجد انصح كل الاخوة اللى فى مصر اللى معاهم فلوس, يحولوا نص فلوسهم عالاقل ليورو (بلاش دولار امريكى عشان متدحدر اليومين دول)... لانى متوقع ان فيه مسخرة هزلية هتحصل فى مصر لما مبارك يموت (يا رب تكون توقعاتى غلط)... صحيح ان احنا شعب سلمى و مسالم.. لكن حضرتك شفت المحلة حصل فيها ايه؟؟

انا هقول لحضرتك حاجة واحدة بس... ساعة لما حفيد الرئيس مات, و قالوا ان حالته النفسية تعبانة شوية... البورصةالمصرية كادت ان تنهار... و الاجانب خرجوا فلوس كتير من البلد يومها... تخيل؟ طبعا المعلومة دى انا بقولها لانى مضارب فى البورصة... يعنى مش بألف... و على فكرة كان نفس الاسبوع اللى اتحكم بالاعدام على هشام طلعت مصطفى, و برضه البورصة انهارت بسبب البيه.

بلد متوقفة على حياة شخص؟؟ انا مش هقول اكتر من كده!

عارف يا ماي باشا ...السيناريوهات المحتملة بعد وفاة الرئيس ربنا يطولنا في عمره يعني كانت من أكتر الأسباب اللي رعبتني في حياتي ....صراحة مش شايف انتقال سلس في السلطة إلا لو حصلت حاجة في حياته ....اليأس وصل بي اني ما بقيتش ممانع مشروع التوريث لو معناه البلد تفضل مستقرة و ناسها ما يتبهدلوش ....تخيل

انا بدعى من كل قلبى ان ربنا يمد فى عمره سنة كمان عالاقل.. اكون رتبت نفسى و خلعت بلا رجعة

[resalah]

عزيزي د هيتش

الموضوع يا صديقي موش مجرد تبريرات

الموضوع اني ملاحظ انك ماعنتش بتشوف مصر والمصريين الا بعيون الانتقاد او بمعني اخر

ماعنتش تشوف الا السلبيات

وكان فجاة كل حاجة حلوة في مصر والمصريين ..هوبااا .. ديليت

ودة طبعا موش صح

احنا زي مافينا وحش فينا حلو ..والا كان ربنا فنانا من على الارض..ماحناش اسوأ شعوب الارض يا هيتش

لو لاحظت هتلاقي اخف الشعوب العربية ابتلائا هو المصريين

زمان ؟؟شعوب ابيدت عن اخرها وربنا اورث الارض لخلق اخرين لما عصت ربنا بعقاب سماوي مريع ...احنا ربنا غرق فرعون وجنوده بس وساب المصريين مع انهم كانوا بيعبدوا فرعون

وحاليا ربنا ابتلي المسلمين في العراق وافغانستان وفلسطين بالقتل والترويع وعدم الامان والفتن الكبري سنة شيعة ..واحنا ابتلانا بالمرض والفقر والغلا ودة صدقني ارحم كتير

والمثل اللي انا ضربته كررته كثير من افلام السينما العالمية ..في حالة الفوضي ..هاياكلوا بعض في الشوارع وكل الاخلاق والايتيكيت وهدوء الاعصاب اللي انت شايفة دة هايتقلب في ثانية وتبقي مجازر

التدهور اللي حصل في وسط المصريين دة ماحصلش مرة واحدة ولا هو طبع اصيل فينا يا صاحبي

دة احنا كان عندنا نظام ومجلس شعب وحكومة متتخبة بجد وعلم وجامعات واسفلت وعمارات واخلاق وادب وفن وذوق لما كانت كل شعوب المنطقة عايشة في خيم والطين

القاهرة كانت احلى بلاد الدنيا وقت لما الانجليز والفرنساويين اللي هما الاجداد المباشرين للاخوة الكنديين حاليا بيحتلونا عسكريا ويسرقوا خيرنا وحضارتنا ويوقفوا الحضارة الاسلامية بصفة عامة

وبعد كدة هاجروا على كندا وامريكا ودبحوا كل السكان الاصليين وقتلوهم وبعدين حاربوا بعض وعملوا معاهدات بينهم وبين بعض وبعدين حكموا الارض وعملوا دول استقدمت كل علماء الارض من كل مكان وبعدين رجعوا تااااني يضربوا فينا باسم الارهاب

ياااااااااارااااااجل دة تاريخ ؟؟..دة حاجة تقرف وتعر

عندهم عدل ونظام... وظلم وقتل واستغلال علينا احنا ...المبادئ لا تتجزأ يا صاحبي

اللي حصل فينا ماجاش مرة واحدة ..دة كان عامل زي السم البطئ على مدار سنين

استغلوا فينا الطيبة وطاعة ولي الامر ..واستغلوا فينا جهلنا بدينا وحبنا الحالي للراحة والكسل والاستغناء بالبشر والدنيا عن الله عز وجل

شعب اتحمل كتير لغاية ماخلاص فاض بيه ...المصريين النهاردة غير من 30 سنة فاتت ودة مؤكد ولو انه موش زمن في عمر الشعوب

لكن اللي مؤكد بجد ..اننا ممكن في لحظة واحدة نتغير تاني ونبقي احسن بلاد الارض والتاريخ هايعيد نفسه تاني زي ماحصلت كتير في تاريخ مصر بس انت ماتبصش تحت رجليك

شوف بلدك بالعينتين ..عين السلبية وعين الايجابية

زي بردة مالازم تبص لكندا بالاتنين موش كلها وردي يعني

ورغم اني باشوفها بالاتنين وعارف زيك تمام العيوب اللي فينا

الا ان مصر لازم تكون خارج المقارنة يا صاحبي

دي تحبها زي ماهيا كدة وتحب اهلها اللي هما اهلك وصحابك برده زي ماهمه كدة

لانك موش هتلاقي المدينة الفاضلة ولو حتى اشتريتها بفلوس

كندا حل يا صاحبي بس عمرها ماحتكون بديل حتى لو عشت عمرك ومت في كندا

وعجبا للي بيهللوا في كراهية مصر وووو والمدح في كندا حتى لو كانوا لسه ماروحاش اصلا

والله يا اخوانا انتوا مانتوش زي ابائنا اللي كانوا ابسط من البساطة

واغلب من الغلب

كانت بتتصرف للاسرة الواحدة فرخة في الشهر

والشاي من غير سكر علشان السكر كله كان رايح للجيش

ومعظم ليليهم من غير نور

وتقريبا ..مافيش مستقبل لاي حد

وماخدوش منها اي حاجة بمقاييس العالم المتطور

ويوم ماطلبت منهم دمهم ما اترددوش ولا قالوا ..لا ..يروح عبد الحكيم عامر وعبد الناصر يجيبوها زي ماضيعوها وضيعوا 30 الف شاب مصري من شبابنا ..دي بلد تقرف

بس ارجع اقول ..هانت ..غمه وهاتعدي يا صاحبي

ماتزعلش مني يا صاحبي ..دي وجهة نظر ..وانت ملك الحوارات ووجهات النظر

إنت تاني .....يا ظالمني أروح لمين

علشان تعرف انك ظالمني و بتحكم بسرعة إرجع شوية في القهوة ديه اللي شكلك عمرك ما دخلتها و أقرا أنا قلت إيه عن كندا و إيه عن مصر قبل ما تحكم و تصدر الحكم يا عم الحاج يا بتاع التذكرتين

لا كندا جنة ولا مصر نار انما حال مصر لا يسر و السبب مش الحكومة احنا ....الرهاب من الغرب ده ما فيش أسوأ منه غير الرهاب من الاسلام ....كل جانب مش شايف و لا فاهم التاني و فيه عناصر علي الجانبين بتزود الهوة

تاريخ بني بشر كله أسود ..... المجازر اللي حصلت لسكان أمريكا الشمالية الاصليين سبة و عار و فضيحة ... انما علي الجانب الاخر تاريخنا مش أبيض زي ما أنت فاكر .....ده فيه صفحات حالكة السواد كمان

نفسي أفهم أنا أمتي قلت إن كندا كل حاجة فيها وردي ديه ....أكونش باكتب و أنا نايم

زي ما قلتلك يا Z قبل كده أي مقارنة بين كندا و مصر في الوقت الحالي مش في صالح مصر بطل إنت مقارنة و احنا الاتنين نستريح

السلام عليكم ..

فى الحقيقة يا د.هشام دى أول مداخلة وأسمحلى أعلن كامل تقديرى وأحترامى لحضرتك لو تسمحلى أعتقد أن الباشمهندس زناتى يريد تثبيت فكرة الإنتماء يعنى نكون زى الشجرة الى أصلها ثابت وفرعها فى السماء يعنى بردة ثبت جذورك فى الأرض كويس أعرف تاريخك تمسك بدينك وبعد كده روح ماكان ماأنت عاوز عشان لقدر الله لو قابلتنا عاصفة ماتقتلعناش من جذورنا ( ده لو أنا فاهمة صح طبعا ) . بس برده أنا متفقة مع حضرتك تماما فى نقطة أن لو حكوماتنا دى بره مش هيسمحهولها بالإستمرار أكيد وعلى رآى المثل قال يا فرعون ايه فرعنك وكملو أنتو .........مش ربنا قال ( إن الله لا يغير ما بقوم حتى يغيروا ما بأنفسهم ) .الوضع بقى صعب أوى أوى وأحنا لاقدرين نستحمل ولا قدرين نغير عشان كده بنحاول نهرب وياريت تدعولنا محاولة الهرب تتم بسلام

[د هشام ابراهيم]

ابن زكي بدر مسك مالها ؟؟؟؟؟

لا خلاص

اللي عايز يشتم يشتم يا رجالة

انا استسلمت

أنا لسه واعد الدكتور الشامي اني سكتم بكتم ....لا تعليق علي زكي بدر جونيور

[د هشام ابراهيم]

ابن المربى الفاضل زكى بدر صاحب اللسان اللى مابتجيش عليه العيبه

.....

بايني أنا اللي حانزل بصور ديكور يا دكتور ايهاب

[د هشام ابراهيم]

تسلم يا بروف ...أيوة والله قيود جامده قوى على الوزن ...وللاسف سبق السيف العزل ..لكن لسه بقوللك والله العظيم حضرتك تؤمر بأى حاجه من الرياض لحضرتك او للدكتوره

يا أفندم العفو و توصلي بالسلامة و تنورينا إن شاء الله

[د هشام ابراهيم]

بعد إذنك يا دكتور تومي .... السحلب اللي بعتهولك برد ... و انت لسه مش راضي تحقق لنا أمنيتنا الأخيره....

أنا لقيت شوية معلومات من منتديات تانيه ... هانزلها تصبيره ...( مقبلات ) يعني لحد ما تنزل لنا الهبر اللي عندك....

مجهود مشكور يا دكتورة بس شكل حضرتك كان قصدك القهوة الاصلية بتاعة دكتور تومي

أدينا مستنيين الموضوع الشنيع المريع بتاع الشوبنج

[د هشام ابراهيم]

يا جماعة أنا لما عرفت ان باشمهندس زناتى بورسعيدي

وأنا بحب البورسعيدية والله وكلهم كانوا زملا وأصدقاء فترة الكلية والدراسة

تفهمت جدا دفاعه عن اللى عايز يقعد فى مصر

البورسعيدية وأهالينا في خط القناة أكثر فئات الشعب المصري وطنية وحب وغيرة بانفعال على بلدهم سواء بلدهم اقليميا أو بلدهم مصر

وفى النهاية كل واحد ليه وجهة نظر وكلنا بنحترم بعض وان اختلفنا

أنا برضه سكتم بكتم .....بس مختلف معاك علي حكاية البورسعايدة أكتر فئات الشعب وطنية ....يمكن لان بطبعي ما باحبش التعميم ...الكل فيه و فيه يا دكتورنا الفاضل