قصتي مع كندا

[د هشام ابراهيم]

اشكرك على ردك يا بروفيسور هشام . بالظبط زى حضرتك ما قلت هى تجربه وان شاء الله تنجح ان شاء الله ربنا مش ح يخزلنى

عارفه والله انها سكه صعبه بس دايما المخاطره الكبيره ممكن تجيب نجاحات كبيره ..انا استعديت على قد ما قدرت فاضل توفيق ربنا

وانا مستعده اتحمل علشان مستقبل الاولاد ان شالله حتى اشتغل فى اقصى القطب الشمالى فى منطقة الدب القطبى

مش معقول مافيش شغل هناك بالمناسبه يادوكتور انا اشتغلت عنايه مركزه حديثى ولاده ودى مافيش عليها اقبال من السعوديين ادعيلى الاقى فيها مكان وتحياتى لك يا سيدى الفاضل ويارب يزيدك من نجاح الى نجاح

ربنا معاكي يا دكتورة و يقدم اللي فيه الخير .....الواحد يعمل اللي عليه و الأول و الأخر توفيق ربنا

لو قابلة تطلعي للشمال يبقى عليكي و علي الفاميلي ميدسن ...أسهل و أقصر طريقة

[د هشام ابراهيم]

مساء الفل ..

وبعدين فى الليلة دى اللى مش عايزة تخلص

انا عندى مدارس بكرة وعايزة انام...

شكلك نبطشى للصبح...ومقضى الليلة...

بص هرد بنفس ردك...

احنا فعلا فى رحلة

وهابقى فريش اكتر من كدة يا دكتور هاروح فين؟!!

مساء الفل و صباح الفل يا دوك

أينعم نبطشي في كندا الوردية قوي لما خلاص مش قادر

متهيألي الرحلة الجاية أستراليا بس مش عايز اطلعها

[د هشام ابراهيم]

انا بدعى من كل قلبى ان ربنا يمد فى عمره سنة كمان عالاقل.. اكون رتبت نفسى و خلعت بلا رجعة

قادر علي كل شيء

[د هشام ابراهيم]

السلام عليكم ..

فى الحقيقة يا د.هشام دى أول مداخلة وأسمحلى أعلن كامل تقديرى وأحترامى لحضرتك لو تسمحلى أعتقد أن الباشمهندس زناتى يريد تثبيت فكرة الإنتماء يعنى نكون زى الشجرة الى أصلها ثابت وفرعها فى السماء يعنى بردة ثبت جذورك فى الأرض كويس أعرف تاريخك تمسك بدينك وبعد كده روح ماكان ماأنت عاوز عشان لقدر الله لو قابلتنا عاصفة ماتقتلعناش من جذورنا ( ده لو أنا فاهمة صح طبعا ) . بس برده أنا متفقة مع حضرتك تماما فى نقطة أن لو حكوماتنا دى بره مش هيسمحهولها بالإستمرار أكيد وعلى رآى المثل قال يا فرعون ايه فرعنك وكملو أنتو .........مش ربنا قال ( إن الله لا يغير ما بقوم حتى يغيروا ما بأنفسهم ) .الوضع بقى صعب أوى أوى وأحنا لاقدرين نستحمل ولا قدرين نغير عشان كده بنحاول نهرب وياريت تدعولنا محاولة الهرب تتم بسلام

و عليكم السلام و رحمة الله و بركاته

أهلا و سهلا بحضرتك ...كلامك كله صح ١٠٠ في ال-١٠٠ ...بالنسبة للباشمهندس زناتي فانا سكتم بكتم زي ما وعدت د الشامي

[د هشام ابراهيم]

كبيرة الأثافي و سبب رئيسي للهجرة ...... المرور

تخيلوا لما المرور يطفش الواحد من البلد كلها ......انما الحقيقة سلوكيات الشارع المصري مش مشكلة مرورية .....ديه مشكلة متشعبة جدا و فيها كل البلاوي اللي بنعاني منها .....غياب القانون و السلوكيات الدينية الصحيحة و القيم الأصيلة للمصريين منعكسة بصورة بشعة في الشارع ...في كل دقيقة و كل ثانية

أنا بقالي سنة و نصف لما بانزل مصر باستعمال عربية مؤجرة بالسائق و بعت عربيتي في مصر أصلا ...لكن ما تقدرش ما تحسش برضه بعدم الامان ....احساس فظيع و إنت حاسس إن كل اللي حواليك بيهددوا سلامتك الشخصية ..... بصورة أو باخري .... خصوصا لو علي طريق سريع ...إن شا الله الدائري .....و احساس أفظع لانك عارف إن لو حصلت مشكلة و لا حادثة إنت في السليم ....ده حتي لو عربية الاسعاف وصلت ليك و وصلتك مهازل الخدمة الطبية كافية لاكمال دائرة المصيبة

يا عم إنت مزودها قوي ما أنت نفسك كنت بتسوق هنا و عايش و متعايش و ما فيش أي مشكلة إيه اللي حصل يعني

اللي حصل إن الواحد أتعود علي العكس ...أتعود إنه يحس بالامان مش بس في الشارع لا في كل حتة اللي بيه دلوقتي مجرد ركوب العربية في مصر بقي تهديد لسلامة الواحد

ديه كانت أفكاري لما عماد قالي أرجع لحضرتك أمتي يا دكتور بلهجته الصعيدية الجميلة .....أهو عماد ده كان نقطة تفاؤل في زيارة القاهرة الأخيرة و يستاهل مشاركة لوحده

ما علينا ...نكمل حدوتة مصرية

زي ما قلنا أنا بقالي سنة و نص تقريبا ما باسوقش في مصر ....ردود أفعال القيادة في القاهرة مختلفة تماما عن أي مكان في العالم و منهم كندا ...لا أسوق في كندا لا أسوق في مصر ما ينفعش الاتنين ...اخترت كندا طبعا .....ما يمنعش إن كل حينة و فينة أخد عربية من الموجودين في العيلة و أسوقها حلاوة روح .....عربيتي أنا شخصيا بعتها

كان بقالي كذا مرة باتعامل مع شركة كبيرة لتأجير العربيات ...اسمهم جامد في السوق ...و أتبسطت لما لقيت ليهم صفحة علي النيت .....مش شغالة قوي انما يعني مش لازم ننهب ...ثقافة النت في مصر ما لهاش دعوة خالص بكندا اللي تقريبا كل حاجة فيها بتخلص من علي النت

المهم كلمتهم بالتليفون من كندا و كانوا صراحة هايلين و ايجار العربية تم و أنا لسه في تورنتو و من أول يوم في القاهرة لاخر يوم كانوا تماما التمام ......من علي التليفون طلبت سواق هادي لان الموضوع مش ناقص حرقة دم و فعلا بعتولي سواق إبن حلال و هادي جدا و مؤدب و ما لوش حس .......نزلت بعد كده مرتين و كل مرة اتعامل معاهم و اطلب نفس السواق و كل حاجة تمام لحد آخر مرة ...باكلمهم و باطلب نفس السواق ذي عادتي و أفاجأ بلهجة جافة و مختلفة عن كل مرة .....الواحد متعود لما تبقي زبون في حتي بيبقى ليك معاملة خاصة انما مصر العكس كل ما التاجر حس انك مضمون كل ما المعاملة بقيت أوحش .....المهم حاولت معاهم أسبوع ...أو خمس ايام بالظبط و ما قدرتش أكمل .....الحجة إن ولي عهد السعودية واخد حاجة و ستين عربية بسواقيهم فلا العربية اللي أنا عايزها موجودة و لا السواق ....غلبت أفهمهم إن ما دام حيبعتوا سواق كده كده فخلي السواق اللي أنا عايزه معايا و خلي السواق التاني للحاشية الملكية اللي الله أعلم بحقيقتها و دول راسهم و ألف سيف لا و بعتولي سواق زهقني في حياتي لحد ما انهيت التعاقد و حلفت ما أنا راجع ليهم تاني أبدا

ملحوظة جانبية تراءت للعبد لله ...زمان كان الناس بتنبهر بناس مختلفة ...يعني لو افترضنا إن الموقف ده حصل زمان ...مجرد افتراض يعني كان الموظف قالي لا السواق مع القوات الأنجليزية علشان يهتني يعني .....و بعديها بشوية في الزمن الأفتراضي برضه كان قالي السواق مع الملك فاروق في رحلة ....بعديها الخبراء السوفييت أو الالمان بعديها السفير الأمريكي ...دلوقتي احنا في زمن ولي العهد السعودي ....ما علينا

كان لازم أدور علي بديل و بسرعة و المرة ديه من غير نت و الحمد لله ربنا هداني لعماد الشاب الصعيدي الجدع اللي قصته عجبتني جدا

[moheltohamy]

كان لازم أدور علي بديل و بسرعة و المرة ديه من غير نت و الحمد لله ربنا هداني لعماد الشاب الصعيدي الجدع اللي قصته عجبتني جدا

يادي عماد الصاسبينس اللي موعودين بيه من ييجي شهر! ده شكله هينافس موضوع الشوبنج يا عم الحاج...

متابعيييييييييييين...

أو ، الموضة الجديدة...

سكتم بكتم

[Shehab]

كان لازم أدور علي بديل و بسرعة و المرة ديه من غير نت و الحمد لله ربنا هداني لعماد الشاب الصعيدي الجدع اللي قصته عجبتني جدا

يادي عماد الصاسبينس اللي موعودين بيه من ييجي شهر! ده شكله هينافس موضوع الشوبنج يا عم الحاج...

متابعيييييييييييين...

أو ، الموضة الجديدة...

سكتم بكتم

أمسك ...........قفشتك يا دكترة .....وقعت بلسانك و أعترفت أنه suspense اهوه..سبوبة يعنى

ارحم الزباين و اطلق سراح الموضوع ربنا يكرمك

و أنت يا دكتور هشام ايه و بعدين معاك....أنا بدأت اكره الواد ده ع فكرة من قبل ما تتكلم عليه!!

[EmanRasmy]

مادام موضه .... يبقى أنا كمان سكتم بكتم ...........!!!

[د هشام ابراهيم]

يادي عماد الصاسبينس اللي موعودين بيه من ييجي شهر! ده شكله هينافس موضوع الشوبنج يا عم الحاج...

متابعيييييييييييين...

أو ، الموضة الجديدة...

سكتم بكتم

يا دكتور هشام ايه و بعدين معاك....أنا بدأت اكره الواد ده ع فكرة من قبل ما تتكلم عليه!!

مادام موضه .... يبقى أنا كمان سكتم بكتم ...........!!!

حاضر قصة عماد جاهزة أهيه .....

تومي إنت بالذات تيجي علي جنب و ما تكلمش خالص لغاية ما الملحمة الأغريقية بتاعة الشوبنج تنزل

شهاب باشا ...منور يا صديقي ....أقرا القصة و قولي رأيك في عماد gt:

دكتورة إيمان باشا لا حضرتك ...سكتم بكتم ديه بس عن الجدال انما الحوار مستمر باذن الرحمن

[د هشام ابراهيم]

ماشي بناء علي رغبة الجماهير ..قصة الفتي عماد gt:

عماد شاب صعيدي في مقتبل العمر ...أبوه من سوهاج و "هاجر " القاهرة من قبل ما عماد يتولد .....استقر في الزمالك في شغلانة بسيطة و جاب عماد و اخواته .....كلهم إتعلموا و حاصلين علي مؤهلات متوسطة

عماد لما اتخرج ما كنش لاقي شغل بالمؤهل بتاعه و برضه كان صعب يشتغل زي أبوه .....كان قدامه حاجة من اتنين لا يشتري تأشيرة للخليج زي كتير من ولاد عمه ما عملوا ...رغم إن كتير منهم انتهي بهم الحال بتأشيرة مضروبة أو كويسة بس الشغل وحش أو الكفيل مفتري أو أو ....كلنا عارفين أوضاع العمالة المصرية في الخليج .....لكن ده ما وقفش تيار شباب الصعيد اللي طالع للخليج

لا إما يستمر في مصر و يشوف طريقة .....عماد قرر يستمر في مصر .....قاللي مرة أنا عندي استعداد اتبهدل في بلدي في شغل و لا أروح بره بلدي و حد يدوس لي علي طرف ......صعيدي أصلي

مرة سألته ما فكرتش تروح الخليج خالص ...قعد يحكيلي علي قصص لابناء بلده ...قريته يعني .... راحوا الخليج و فشلوا في تحقيق أي حاجة و رجعوا مصر أسوأ ما سابوها ......قالي برضه إنه مش حيستحمل أي معاملة أو كلمة كده و لا كده من الكفيل ....صراحة الواد كان متعقد من القصص اللي حصلت مع قرايبه

المهم عماد عمل إيه .....دبر فلوس يبتدى بيهم مشروع ...... بسأل عماد مرة ما كانش صعب تجمع فلوس علشان تبتدي بيهم ..... قالي انهم تقريبا نفس المبلغ اللي شباب القرية بتاعته جمعوه علشان التأشيرة أو عقد عمل مضروب يسافروا بيه الخليج .. و ابتسم ابتسامة خبيثة كده و هو بيقولي لو الواحد صمم علي حاجة مش حيغلب يا دكتور

عماد اشتري عربية بالقسط و اشتغل عليها سواق بالاجرة ..... العربية لانسر أوتوماتيك و مكيفة و الزبون المستهدف إما معارف والده المزنوقين في مشوار أو حد زي حالاتي يأجر عربية بسواق أسبوع أو اسبوعين

ربنا وفقه و الموضوع مشي كويس ....بقي محتاج عربية تانية علشان يلاحق علي الطلبيات .....أخوه عمل زيه و اشتري عربية النترا برضه أوتوماتيك و مكيفة و بقوا الاتنين يكملوا بعض .....و أنا طالع المطار و أنا راجع كندا احتجت عربية تانية تطلع المطار و ركبت مع عبد الله أخوه .....نسخة كاربونية من عماد .....رجالة فيهم كل حلاوة و شهامة و جدعنة المصريين الأصليين ....الصعايدة الطيبين ...أدب و أخلاق و احترام و ذوق و طيبة و كرم بس وقت الحاجة وحوش ياكلوا اللي يدوس ليهم علي طرف ..... فين الناس ديه

قبل ما أمشي لقيت نفسي باحضن عماد و عبد الله و أنا بوصيهم علي بعض ....خللي بالكم من بعض يا رجالة و ربنا يوفقكم ...مش عايزين حاجة من كندا ....عماد ابتسم ابتسامته المصرية الجميلة و قالي حاجة واحدة بس يا دكتور .... ازاي الواحد يطلع رخصة قيادة كندي علشان يشتغل سواق في كندا

اااه نسيت أقول ...إبن عم عماد عجبته الفكرة و راح اشتري هو كمان عربية بالقسط ....لما عماد و عبد الله بيتزنقوا قوي بيحولوا الطلبات عليه

[ehabtaher]

والله فكره حلوه الواحد يشترى عربيه للى راجعين من مطار تورونتو وفى نفس الوقت يقعد يذاكر المعادله

[precanadian]

قبل ما أمشي لقيت نفسي باحضن عماد و عبد الله و أنا بوصيهم علي بعض ....خللي بالكم من بعض يا رجالة و ربنا يوفقكم ...مش عايزين حاجة من كندا ....عماد ابتسم ابتسامته المصرية الجميلة و قالي حاجة واحدة بس يا دكتور .... ازاي الواحد يطلع رخصة قيادة كندي علشان يشتغل سواق في كندا

سبحان الله يا دكتور هشام طموح الانسان لا يتوقف .

ودائما الانسان بيبحث عن نجاح اكبر حتي لو كان الانسان بسيط

غريزه انسانيه لولاها مكنتش الارض عمرت .

احيانا باتسائل ايه الي يخلي مستثمر ناجح في مصر يروح يستثمر في الامارات او العراق او الجزائر او اوربا . مهو بيكسب في بلده ومعاه فلوس مش هيعرف يصرفها .لكن الطموح الانساني والمنافسه عوامل دفع ايجابيه

[Bustami]

دكتور هشام , قصصك مميزة بس عندي سؤال , العربيات بتعت عماد وعبدالله لونها رصاصي والالنترا اسود

اصلي تعاملت مع نفس الشخصيات المذكورة سنه 2006

دي تبقى صدفة عجيبة !!!

على العموم لو عندك تلفوناتهم ياريت تبعتها لنا

تم تعديل 7 يناير 2010 بواسطة albostamy

[adamdec]

و انا ياريت برده نمر تليفوناتهم لما بسافر القاهرة ساعات بتزنق فى عربية

[د هشام ابراهيم]

والله فكره حلوه الواحد يشترى عربيه للى راجعين من مطار تورونتو وفى نفس الوقت يقعد يذاكر المعادله

هو ده المطلوب يا دكتور .....كل واحد يفكر حيعمل إيه علشان مستقبله ...و ينفذ و ربنا معاه

[د هشام ابراهيم]

سبحان الله يا دكتور هشام طموح الانسان لا يتوقف .

ودائما الانسان بيبحث عن نجاح اكبر حتي لو كان الانسان بسيط

غريزه انسانيه لولاها مكنتش الارض عمرت .

احيانا باتسائل ايه الي يخلي مستثمر ناجح في مصر يروح يستثمر في الامارات او العراق او الجزائر او اوربا . مهو بيكسب في بلده ومعاه فلوس مش هيعرف يصرفها .لكن الطموح الانساني والمنافسه عوامل دفع ايجابيه

حقيقي بس مش الكل عندهم نفس الطموح و كتير قوي ما بيسمحوش لنفسهم حتي الحلم

الجزء المهم كمان إن ما فيش نجاح من خير مخاطرة ....المخاطرة محسوبة برضه انما فيه نسبة لا بأس بها لاحتمال الفشل

منور يا صديقي العزيز

[د هشام ابراهيم]

دكتور هشام , قصصك مميزة بس عندي سؤال , العربيات بتعت عماد وعبدالله لونها رصاصي والالنترا اسود

اصلي تعاملت مع نفس الشخصيات المذكورة سنه 2006

دي تبقى صدفة عجيبة !!!

على العموم لو عندك تلفوناتهم ياريت تبعتها لنا

و انا ياريت برده نمر تليفوناتهم لما بسافر القاهرة ساعات بتزنق فى عربية

هما فعلا :waf:

نمرة التليفون حابعتها علي الخاص في أقرب فرصة باذن الله

تحياتي :roseop:

[د هشام ابراهيم]

نرجع مرجوعنا ....خواطر الأجازة ....

يمكن السبب الحقيقي اني باحكي علي مشاعري في مصر في الأجازة الأخيرة ديه هو تغيير في طريقة تفكيري فيما يخص الهجرة لكندا ...التغيير مش في كندا ..التغيير في مصر ....يعني من ساعة ما جيت كندا و من قبل ما أجي و أنا تفكيري كله حاقعد في كندا شوية شويتين و بعدين أرجع مصر استقر هناك إلي أن يقضي الله أمرا كان مفعولا ...عايزين الصراحة اليقين ده ما بقاش عندي ....

يعني أنا دلوقتي فعلا مش عارف أنا عايز أقعد في كندا قد إيه و حارجع لمصر لو ربنا أراد امتي ..... الحكاية مش حكاية مرور و سحابة سودة و غيره .....مصر بتتغير تغييرات جذرية زي ما أنا كمان باتغير و المسافة ما بين الواقع و التوقع بتزيد كل شوية

ميزة من ميزات حكاية السواق انك تاخد وقت لنفسك مع نفسك و إنت بتبص حواليك ......حاجات ما كنتش بتشوفها قبل كده علشان عنيك في وسط راسك و إنت سايق و خايف تتأخر علي ميعادك فمش مركز في اللي حواليك

في الأخر طلعت بتأملات في أحوال الشارع المصري و ملحوظات علي اللقاءات مع الاهل و الأصحاب .......

[د هشام ابراهيم]

يحكي أن في الأساطير الاغريقية القديمة حكاية لعنة الغراب الأبيض .....اختصارا غراب أسود ما عجبوش حاله ...راح للالهة (استغفر الله العظيم ) و طلب يحولوه حمامة بيضاء ..... راحوا قالبينه غراب أبيض عقاب ليه علي عدم الرضا ..... راح للحمام فلفظوه ...لا شكلك حمام و لا صوتك حمام أبعد عننا .......رجع للغربان طردوه .......لا شكلك غراب و لا لونك مننا ....و فضل علي طول غير منتمي ....ديه كانت لعنة الغراب الأبيض ....اللي ليه في الأساطير الاغريقية فيه لعنات كانت أسوأ من كده كتير ......الغلبان سيزيف مثلا :blush2:

[د هشام ابراهيم]

أول ملاحظة تاخد بالك منها و أنت في الشارع ...هي الناس جرالها إيه ...الناس في الشارع عليها سهم الله ...متجهمة جدا و مكفهرة جدا و عندها استعداد طبيعي للخناق علي أهون سبب ...قليل قوي لما تلاقي حد بيبتسم في الشارع ....لا كبار و لا صغيرين

معاملات بقي حدث و لا حرج و مش حاتكلم كتير علشان ما حدش يزعل

الصوت عالي جدا و الالفاظ البذيئة حتخترق ودنك مهما عملت و كله كوم و الأغاني و المزيكا اللي بتتسمع كوم .....ده رزع الحلل أهون

اللبس ...إيه ده .... و كله كوم و الجينز المقيح ده كوم ...شباب البلد كلهم لابسينه ......و الحجاب الشعبي ده إيه ...صراحة مش لاقي ليه وصف ...أصله مش زي إسلامي و ما لوش دعوة خالص بالزي اللي بنقول عليه حجاب ....و بعدين ليه الايشارب الملون جدا المزركش جدا بيغطي الدقن ....أصل الدقن عورة ....... يا سلااااام ..... البودي و البنطلون الجينز أوكيه لكن الدقن حاشا و كلا

سيبكم من كل ده .....قشور و رفاهيات .... حاول تقضي مصلحة أو حتي تشتري حاجة ....انسي يا عمرو ....... بتروح مشوار علشان تقضيه بينتج عنه ٣ ٤ مشاوير بداله ....يعني تروح تقدم ورقة في أدارة ما ...يتطلب منك علي طول ٣ مشاوير علشان تقدم الورقة ......تجيب شهادة من حتة و طلب من حتة تانية و تقدم استمارة في حتة تالتة ....المصيبة بقي لما يطلع لدول كمان مشاوير ...ساعات كنت بانسي هو المشوار ده كان علشان إيه أصلا

الشراء بقي و الخروج تجربة سيئة و لازم تطلع في الأخر متضايق ....طب الواحد يقعد في البيت مثلا ما يتحركش ....أعرف شباب زي الورد في اعمار صغيرة أصلا ....ما بيحبوش يخرجوا و بيفضلوا القعاد في البيت علشان الخروج بهدلة و قلة قيمة ..... يا بني ده سن الخروج و التنطيط يبص لي باستغراب ....هو إنت مش من هنا و لا إيه