قصتي مع كندا

[ehabtaher]

انا عايز اعرف بقى

جبت الغراب الابيض ده منين

هو فيه فعلا غربان بيضاء ؟

الله يجازيك حتخلينى اسيب المذاكره

واقعد ادور فى الموسوعه على الغربان وفصائلها

هو انت بتذاكر من ورانا

انا ابتديت الدبلون النهاردة واشتريت العدة :lol:

خلي الطب ينفعك :lol:

الدبلون بتاعى ان شاء الله نمشى فيه لما نكون فى كندا ياعالم امتى

اذا كان الفايل نمبر لسه ما جاش لحد دلوقت وفات 3 شهور

وبعدين المذاكره للطبيب زى الماء والهواء

وانا ورايا محاضره بعد 3 ايام غصب عننى لازم اديها للجماعه بتوع المستشفى

يعنى لازم اذاكر كده كده

وبعدين يا صعيدى

انت ما تقلقش بس

جهز الورشه وان شاء الله حاضريين

انا شخصيا تخصصى حيبقى دقيق شويه

فى الفرامل

[moheltohamy]

يا هشام يا حبيبي من الواضح إن عيشتك في بلاد بني الأبيض بوّظت لك أخلاقك ، وخلّتك نسيت بلدك!

من أساسيات الحياة هنا يا عزيزي إنك تبعد تماماً عن حاجة اسمها السياسة... سياسة إيه وكلام فاضي إيه ، والمعضلة الحسابية مش لاقيين لها حل... إزاي مع أغلبية الناس... الأسرة تعيش بأقل من 300 جنيه في الشهر (أكل وشرب وسكن وميّه ونور وغاز ومواصلات وتليفونات ودروس خصوصية وعلاج ولبس) ، أو معاش راجل عجوز بيلعب حوالين الـ 100 جنيه ، يدفع منهم ميّه ونور وأكل وعلاج! لا جبت سيرة مواصلات ولا إتصالات ولا لبس! يا دوب يقعد على سريره لغاية ما يتكل على الله! حتى في دي المعادلة مش ماشية خالص ، ولا عارف بيحلّوها ازاي!

تيجي بسلامتك تقوللي مؤتمر ورئيس دولة؟!

عشان تعرف إنك بتتكلم من برج عاجي... دي آخر اهتمامات المواطن في مصر. أنا نفسي - والحمد لله - مش عايش بالـ 100 جنيه ولا بالـ 300 جنيه ، وآخر حاجة ممكن تشغل تفكيري مين اللي حاكم البلد... دي ثقافة بنعيشها وبتكبر معانا من صغرنا. إنتا اللي من عيشتك في مجتمع كندا البايظ بقيت بتقول كلام عجيب زيهم!

أمّا بقى للموقف اللي بتحكيه عن الأفندي اللي كان بيقنعك بمزايا المشروب اللي جابهولك بدل طلبك... إنتا ما بتسمعش الكلام ليه؟ الراجل أدرى بالمشروب الأحسن والأفيد ليك ، وعاوز يعمل معاك واجب ، وانتا كسفته! بالذمة مش حرام عليك؟! مين يعني اللي هيحاسب ع المشروب ده؟! مش تصحى كده للّون؟ :lol:

وانا اللي في إدمونتون قلت للويتَر لما سألني إيه أخبار الأكل يا فندم... الستيك حلو ، بس الاستاكوزا مش قد كده! ألاقيه يعتذرلي ، وشوية ومدير المطعم ييجي يسألني مالها الاستاكوزا؟ أقول له مالهاش ، بس دِلعة! ويعتذر لي هوّه كمان...

وفي الفاتورة ألاقيهم حذفوا الاستاكوزا من الحساب تماماً (كانت 35 دولار بس) ، وأقول للويتَر مفيش مشكلة خالص ، أنا مش عاوز أتسبب لك في أي أذى. وهوّه يقول لي مفيش أي أذى لأي حد خالص! لكن مفيش أي منطق إنك تحاسب على أكلة ما عجبتكش! :closedeyes:

عاشت كندا حرة مستقلة يا عم :lol:

[Mercedes]

عايزين الحقيقة ...كل اللي حكيته عن مصر كوم و اللي جاي ده كوم تاني ...يعني كان واضح من الأول اني خايف و متهيب الزيارة ديه بالذات (اللي متابع حيلاقي الكلام اتقال تصريحا مش تلميحا) ...جت حكاية رجلي المكسورة و كملت علي الاستعداد النفسي للزيارة ... و بعدين أكوام من السلبيات اللي ساعات الواحد كان حاسس إنه بيدور عليها بمنكاش و ده غلط طبعا ...بس أنا اعترفت ليكم بالحقيقة ....تفكيري كان يا تري فيه يوم حينفع أرجع فيه لمصر و استقر و لا لأ

الكليماكس بتاع الزيارة كان مؤتمر الحزب الوطني الديمقراطي ...من أجلك إنت ....ديه كانت الضربة القاضية لسؤال الغراب الأبيض....

إيه ده ؟

صراحة من قبل ما يبتدي المؤتمر و أنا قرفان منه ...إعلام موجه مغرض و تغطية فجة و وقف حال للبلد كلها علي الفاضي .....لما سمعت كلمة الريس ..أول ١٠ دقايق بس علشان أبقي صريح ....نفسي صعبت علي جدا و لقيت فعلا دموع في عينيا ...مش السحابة السودة المرة ديه ...دموع القهر و الحزن علي حالنا ...ده رئيس دولة .....الراجل مش قادر يقول كلمتين علي بعض و اجاباته علي الاسئلة اللي مفروض تلقائية ...بطيئة جدا و ميكانيكية جدا جدا .....إيه اللي يخلي راجل زي ده يشيل الهم ده كله ...يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي ٣٠ سنة أهو ...ما كفاية بقي .....بس كفاية ليه .... ما الناس قاعدة تهلل ليه أهو و ما فيش غيرك يا مبارك و احنا من غيرك و لا حاجة....

و بعدين ابتديت أسأل نفسي هي الناس ديه مصدقة اللي بيقولوه ده ....يعني دول عبط و لا بيستعبطوا ....

و بعدين سألت نفسي و إنت كان دورك إيه ...ده إنت حتي البطاقة الأنتخابية ما طلعتهاش .....و الحزب الوحيد اللي فكرت تنضم ليه و سحبت استمارة عضوية كان حزب الخضر ...ده قبل ما أعضاء الحزب يقعوا في بعض و يتخانقوا علي الشقة ...مقر الحزب يعني

طب و هو بقية الشعب المصري كله عمل إيه ...ليه بنلوم الراجل الكبارة و الحاشية المصونة اللي حواليه ..... مين ناوي يعمل حاجة ...ده حتي قوي المعارضة الرئيسية اذا صح التعبير حالهم لا يسر ...من أول الأخوان مرورا بكفاية و أيمن نور و شباب الفيسبوك

من أسباب قراري بالهجرة كان الخوف من السناريوهات المحتملة في حالة إنتقال السلطة لأي سبب كان ...كل السناريوهات كانت مخيفة و ما زالت ....... لو أقدر آخد اهلي و أصحابي و أحبابي و أسيب البلد كلها ...لكن مش نافع ...أهلي زيهم زي كتير في مصر شايفين الوضع مش بالسوء إلي أنا شايفه ...يمكن هما صح .......لكن اللي أقدر أقوله في الوقت الراهن أنا ما ليش عيش في البلد ديه

السلام عليكم و رحمة الله و بركاته

ازيك يا دكتور هشام يا غالى md2:

و ازى الناس السكر اللى فى المنتدى كلهم

ان شالله تكونوا كلكم بخير

انت بس ايه اللى خلاك تروح المؤتمرات دى ؟؟؟؟؟؟؟؟؟؟؟؟ wst::

و بعدين عجبتنى اوى الحتة بتاع ( يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي ٣٠ سنة ) , الواحد حاسس أن الريس مبارك, الله.......... بيته, عامل CV كويس , لو اتقدم بيه لرئاسه أى دولة فى المنطقة هيوافقوا عليه . :lol:

لنا تنزل يا باشا مصر المرة الجاية , ابقى انزل على مطار العين السخنة عالطول أو بورتو مارينا , هناك هتلاقى مصر بقى ليها شكل تانى خالص , هتحس أن الناس هناك كلهم مبسوطيييييييين و مرفهين و محش عنده مشاكل . smk:

ده رأيى , لأنى بصراحة م روحتش هناك قبل كدة خاااااااااااالص .

المخلص جدا / MERCEDES S430

[يوتوبيا]

عايزين الحقيقة ...كل اللي حكيته عن مصر كوم و اللي جاي ده كوم تاني ...يعني كان واضح من الأول اني خايف و متهيب الزيارة ديه بالذات (اللي متابع حيلاقي الكلام اتقال تصريحا مش تلميحا) ...جت حكاية رجلي المكسورة و كملت علي الاستعداد النفسي للزيارة ... و بعدين أكوام من السلبيات اللي ساعات الواحد كان حاسس إنه بيدور عليها بمنكاش و ده غلط طبعا ...بس أنا اعترفت ليكم بالحقيقة ....تفكيري كان يا تري فيه يوم حينفع أرجع فيه لمصر و استقر و لا لأ

الكليماكس بتاع الزيارة كان مؤتمر الحزب الوطني الديمقراطي ...من أجلك إنت ....ديه كانت الضربة القاضية لسؤال الغراب الأبيض....

إيه ده ؟

صراحة من قبل ما يبتدي المؤتمر و أنا قرفان منه ...إعلام موجه مغرض و تغطية فجة و وقف حال للبلد كلها علي الفاضي .....لما سمعت كلمة الريس ..أول ١٠ دقايق بس علشان أبقي صريح ....نفسي صعبت علي جدا و لقيت فعلا دموع في عينيا ...مش السحابة السودة المرة ديه ...دموع القهر و الحزن علي حالنا ...ده رئيس دولة .....الراجل مش قادر يقول كلمتين علي بعض و اجاباته علي الاسئلة اللي مفروض تلقائية ...بطيئة جدا و ميكانيكية جدا جدا .....إيه اللي يخلي راجل زي ده يشيل الهم ده كله ...يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي ٣٠ سنة أهو ...ما كفاية بقي .....بس كفاية ليه .... ما الناس قاعدة تهلل ليه أهو و ما فيش غيرك يا مبارك و احنا من غيرك و لا حاجة....

و بعدين ابتديت أسأل نفسي هي الناس ديه مصدقة اللي بيقولوه ده ....يعني دول عبط و لا بيستعبطوا ....

و بعدين سألت نفسي و إنت كان دورك إيه ...ده إنت حتي البطاقة الأنتخابية ما طلعتهاش .....و الحزب الوحيد اللي فكرت تنضم ليه و سحبت استمارة عضوية كان حزب الخضر ...ده قبل ما أعضاء الحزب يقعوا في بعض و يتخانقوا علي الشقة ...مقر الحزب يعني

طب و هو بقية الشعب المصري كله عمل إيه ...ليه بنلوم الراجل الكبارة و الحاشية المصونة اللي حواليه ..... مين ناوي يعمل حاجة ...ده حتي قوي المعارضة الرئيسية اذا صح التعبير حالهم لا يسر ...من أول الأخوان مرورا بكفاية و أيمن نور و شباب الفيسبوك

من أسباب قراري بالهجرة كان الخوف من السناريوهات المحتملة في حالة إنتقال السلطة لأي سبب كان ...كل السناريوهات كانت مخيفة و ما زالت ....... لو أقدر آخد اهلي و أصحابي و أحبابي و أسيب البلد كلها ...لكن مش نافع ...أهلي زيهم زي كتير في مصر شايفين الوضع مش بالسوء إلي أنا شايفه ...يمكن هما صح .......لكن اللي أقدر أقوله في الوقت الراهن أنا ما ليش عيش في البلد ديه

السلام عليكم و رحمة الله و بركاته :blush2:

ازيك يا دكتور هشام يا غالى :)

و ازى الناس السكر اللى فى المنتدى كلهم

ان شالله تكونوا كلكم بخير

انت بس ايه اللى خلاك تروح المؤتمرات دى ؟؟؟؟؟؟؟؟؟؟؟؟

و بعدين عجبتنى اوى الحتة بتاع ( يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي ٣٠ سنة ) , الواحد حاسس أن الريس مبارك, الله.......... بيته, عامل CV كويس , لو اتقدم بيه لرئاسه أى دولة فى المنطقة هيوافقوا عليه . :unsure:

لنا تنزل يا باشا مصر المرة الجاية , ابقى انزل على مطار العين السخنة عالطول أو بورتو مارينا , هناك هتلاقى مصر بقى ليها شكل تانى خالص , هتحس أن الناس هناك كلهم مبسوطيييييييين و مرفهين و محش عنده مشاكل . :lol:

ده رأيى , لأنى بصراحة م روحتش هناك قبل كدة خاااااااااااالص . :rolleyes:

المخلص جدا / MERCEDES S430

ههههههههههههههههههههههههههههههههه

عجبني موضوع السي في cv

[precanadian]

.دموع القهر و الحزن علي حالنا ...ده رئيس دولة .....الراجل مش قادر يقول كلمتين علي بعض و اجاباته علي الاسئلة اللي مفروض تلقائية ...بطيئة جدا و ميكانيكية جدا جدا .....إيه اللي يخلي راجل زي ده يشيل الهم ده كله ...يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي ٣٠ سنة أهو ...ما كفاية بقي .....بس كفاية ليه .... ما الناس قاعدة تهلل ليه أهو و ما فيش غيرك يا مبارك و احنا من غيرك و لا حاجة....

http://www.youtube.com/watch?v=54lCOkfs8tE

[MZohairy]

بنتي في الاجازه الطويله بتاعة الكريسماس قعدت تبعت في رسايل لصاحباتها في مصر و دبي من موبايل مامتها

و طبعا صاحباتها ردوا عليها كلهم

المهم الرسايل الرايح جاي دي اتكلفت في الفاتوره 42 دولار

راحت مراتي مكلمه روجرز و شرحتلهم الموضوع

راحوا لاغيين ال 42 دولار :happy:

[صعيدي من مونتريال]

بنتي في الاجازه الطويله بتاعة الكريسماس قعدت تبعت في رسايل لصاحباتها في مصر و دبي من موبايل مامتها

و طبعا صاحباتها ردوا عليها كلهم

المهم الرسايل الرايح جاي دي اتكلفت في الفاتوره 42 دولار

راحت مراتي مكلمه روجرز و شرحتلهم الموضوع

راحوا لاغيين ال 42 دولار :lol:

ياحلاوة ياولاد

طب لو مكالمات برضه ممكن يلغوها :happy:

[elpelasy]

وانا اللي في إدمونتون قلت للويتَر لما سألني إيه أخبار الأكل يا فندم... الستيك حلو ، بس الاستاكوزا مش قد كده! ألاقيه يعتذرلي ، وشوية ومدير المطعم ييجي يسألني مالها الاستاكوزا؟ أقول له مالهاش ، بس دِلعة! ويعتذر لي هوّه كمان...

وفي الفاتورة ألاقيهم حذفوا الاستاكوزا من الحساب تماماً (كانت 35 دولار بس) ، وأقول للويتَر مفيش مشكلة خالص ، أنا مش عاوز أتسبب لك في أي أذى. وهوّه يقول لي مفيش أي أذى لأي حد خالص! لكن مفيش أي منطق إنك تحاسب على أكلة ما عجبتكش! :happy:

عاشت كندا حرة مستقلة يا عم :lol:

والله يا باشا كن فى اسكندرية فى رمضان وحاجز فى مطعم XXXXX مشهور جدا ووصلت قبل المدفع ب 30 دقيقة

وتصدق مالقتش مكان لغاية لما المدفع ضرب ومشنا حته تانية

التحفنة كانت فى راجل حاجز دلفرى من قبل الفطار ب 7 ساعات كاملة وكان فى المطعم ساعة المدفع بيسأل على الاكل وكان ياعينى عازم ناس فى بيته

مش حتعرف اتخانئنا الذاى عشان ناخد مقدم الحجز اللى دافعينه قبليها باسبوع - وانت تقولى قاعدت واكلت - بالهنا والشفا - ورجعولك 35 دولار كمان

تعيش مطاعم كندا حرة مستقلة

[dcfarouk]

إقتباس(moheltohamy @ Jan 12 2010, 07:56 AM)

وانا اللي في إدمونتون قلت للويتَر لما سألني إيه أخبار الأكل يا فندم... الستيك حلو ، بس الاستاكوزا مش قد كده! ألاقيه يعتذرلي ، وشوية ومدير المطعم ييجي يسألني مالها الاستاكوزا؟ أقول له مالهاش ، بس دِلعة! ويعتذر لي هوّه كمان...

وفي الفاتورة ألاقيهم حذفوا الاستاكوزا من الحساب تماماً (كانت 35 دولار بس) ، وأقول للويتَر مفيش مشكلة خالص ، أنا مش عاوز أتسبب لك في أي أذى. وهوّه يقول لي مفيش أي أذى لأي حد خالص! لكن مفيش أي منطق إنك تحاسب على أكلة ما عجبتكش!

عاشت كندا حرة مستقلة يا عم

والله يا باشا كن فى اسكندرية فى رمضان وحاجز فى مطعم XXXXX مشهور جدا ووصلت قبل المدفع ب 30 دقيقة

وتصدق مالقتش مكان لغاية لما المدفع ضرب ومشنا حته تانية

التحفنة كانت فى راجل حاجز دلفرى من قبل الفطار ب 7 ساعات كاملة وكان فى المطعم ساعة المدفع بيسأل على الاكل وكان ياعينى عازم ناس فى بيته

مش حتعرف اتخانئنا الذاى عشان ناخد مقدم الحجز اللى دافعينه قبليها باسبوع - وانت تقولى قاعدت واكلت - بالهنا والشفا - ورجعولك 35 دولار كمان

تعيش مطاعم كندا حرة مستقلة

والله انا شايف الموضوع مش موضوع سياسه دوله

الموضوع في مصر هو استمرار لمسلسل الغباء وعدم القدره علي المنافسه سواء في السوق المحلي (بس ديه مشكله كبيره لانه كله بيمارس الغباء) او الدولي

دكتور تهامي لما المطعم لغي قيمه الفاتوره اكيد كان صاحب المحل مش مبسوط يعني بس هوه عنده بعد نظر لانه متاكد لما بعمل كده ان دكتور تهامي هيرجع تاني له وياكل كزا مره عنده بعد كده وده هيعوض ال ال 35 دولار بعد كده يعني انا واحد من الناس يشرفني اني اكل في مطعم بيقدر قيمه البني ادم اللي جايله ويحترم انه بيدفعله فلوس ويحرص انه يرجعله تاني

انا كنت مره في مطعم انا وصحابي وطلبت كزا طلب المهم الولد يادوب ساب الترابيزه روحنا نادهينه عشان نغير حجات في الطلبات فوجئت بالبيه بيقول مينفعش لانه عمل اوردر خلاص وكتبه ولو عاوز حاجه تانيه اطلب فوق الللي فات انا قلت يعني انت كتبته في البي بي سي

طبعا انا اسكندراني ومفتكرش مره سيبت حقي

صراحه انا غسلته

بس طبعا نفسيتي ومودي اتغير والقعده باظت

مسلسل الغباء مستمر في مصر

[Mercedes]

بنتي في الاجازه الطويله بتاعة الكريسماس قعدت تبعت في رسايل لصاحباتها في مصر و دبي من موبايل مامتها

و طبعا صاحباتها ردوا عليها كلهم

المهم الرسايل الرايح جاي دي اتكلفت في الفاتوره 42 دولار

راحت مراتي مكلمه روجرز و شرحتلهم الموضوع

راحوا لاغيين ال 42 دولار :P

السلام عليكم و رحمة الله و بركاته

أنا كنت بقرأ الكلام بتاع سيادتك و بصراحة الدمعة كانت هتفر من عينى بس انا حوشتها بالعافية لحسن تنزل على الكيبورد بتاع اللابتوب :lol: .

يعنى الشركة المحترمة بنت الناس اللى اسمها روجرز wst:: لما عرفت أن الرسايل كانت من باب المجاملات و توطيد الروابط الانسانية حول العالم , قامت لغت ال 42 دولار ؟؟؟

والله , عمار يا كندا , و ربنا يبارك فى كندا كمان و كمان و يجعلها من نصيبنا يا رب يا كريم :happy: .

دا أنت لو فى مصر كانت شركة موبينيل ( أم نبيل ) لغت الخط , و اذا اتصلت بالشركة , هيرودوا عليك و يقولولك , والله الخط اتلغى يا فندم و تم طرحه بالأسواق و ما عدش بتاعك يا حلاوة و لو مش عاجبك - لا سمح الله ولا حاجة - انزل لعم عبده البقال اللى تحت بيتك و اشترى خط موبينيل جديد و خلاص , و بعد ما تشترى بكام شهر تقوم الشركة تلغيه برضه من غير مقدمات و لما تتصل بيهم يقوموا يقولولك , احنا والله يا فندم لغينا الخط ده لأن صاحب الخط مالهوش بيانات عندنا. لأن المفروض أنك أول ما تشترى الخط من عند عم عبده البقال!!!!! wst:: , تقوم تتصل طواعية بالشركةو تمليهم بياناتك . wst::

و هو أصلا ينفع عبد البقال يبيع خطوط موبيلات يا بااااااااااااااااااس ؟؟؟ :lol: po::

أخوكم MERCEDES S430

[د هشام ابراهيم]

يعنى ايه اللى خلانا وكتير غيرنا يفكر انه يتقلع من جذوره واهله والبلد اللى اتربى فيه

1- لما تلاقى ان احترامك بره اكتر من جوه بلدك اكيد حتسيب البلد اللى انت بتبعتر فيها كرامتك

2- لما تلاقى ان حتى مستواك العلمى والعقلى مش عاملك اى قيمه وكل التعليم اللى انت اتعلمته بيتمسح بيه البلاط من حته واحد امين شرطه مش عارف ازاى يعاملك بآدميه ان مكانش علشان خاطر العلم اللى مالى دماغك طيب علشان الانسانيه

3- لما تبقى حاسس ان مهما تعبت وعمل فلوس مابيبقالهاش قيمه فى بلدك اللى فى يوم وليله ممكن تلاقى كل فلوسك بقت بح

وده مش مشكله طيب وبعدين ... معاش السادات يعنى (60 جنيه)

لما تبقى وانت قاعد تشتغل طول عمرك بره مصر ومتغرب مش عارف تشترى شقه لحياتك الباقيه ويكون عليها القيمه ومافيش اى سبيل الا ان يكون والدك جابهالك انما مجهود الخاص وتعليمك و تعبك لم يؤت ثماره

لما تكون مهما كان عندك من فلوس مش متأكد انك ممكن تحافظ على تعليم محترم لاولادك فى ظل اوضاع متغيره ومش مضمونه

لما تلاقى بلد تانيه بتقولك مرحب لو كان عندك شويه مقومات بدايه الحياه هناك وهما ياخدوا بالهم من اولادك وصحتك وانت عليك الباقى

لما تلاقى البلد التانى حتى لو حا تشتغل بواب (سكيوريتى) حتعيش كويس وممكن تدبر حالك

انما فى مصر لو اشتغل بما يرضى الله وماتعبتش نفسك الصبح وبعد الضهر وعملت بهلوان علشان تجيب القرش و كل يوم ترجع مهدود الساعه 12 ليلا وتقولهم صحونى الساعه 6 علشان عندى عمليه قبل الشغل

ولو ماتعبتش نفسك واكتفيت بشغل الحكومه يبقى مش حيكفى الا لفاتوره الكهرباء .. اما الباقى فعلشان دوله ديموقراطيه يبقى مش حنسألك حتجيبه منين

وسلملى على المترو

الأسباب كتير قوي يا دكتور أكتر من أنها تتعد ;)

[د هشام ابراهيم]

أزيك يا دكتور هشام ؟؟

عامل أيه ،،،

أنا قلت أمسي عليك في موضوعك الموسوعي ده ،،

وحشني صراعات الياباني و الكوري و الأوربي

(طبعا ده كود محدهش هنا هيفهمه )

بص يا باشا ،،

أنا عارف اني في مجال بعيد تماما عن مجالك

و مع ذلك هاستفسر من حضرتك علي حاجة رغم اني عارف ان صعب علي حضرتك الرد فيها

بس يمكن تسأل حد عندكم عنها فيفيدنا

عندي استفسار و اتمني كل أصحاب الخبرة في موضوع الهجرة يردوا عليا فيه

و لأي بلد سواء كندا أو استراليا أو نيوزيلندا

[وسط][/وسط]

الباشمهندس أحمد أبو الذوق كله :wub:

يا باشا يا ريت تنورنا في كندا ده يبقى من حسن حظنا

صراحة مش حاقدر أفيدك قوي .......فيه مشاركات في الموضوع ده كان حوار ما بين الباشمهندس ايهاب و دكتور الساهر و مدام نيوكمر حوالين هجرة رجال الأعمال و المستثمرين ....الحوار ابتدي في صفحة 17 و كمل من أول صفحة 28 و كان فيه روابط مباشرة لمواقع مفيدة

يا ريت حضرتك تقراهم و النصيحة خش علي موقع السفارة الكندية علي طول و هات المعلومات منهم ...... و أبعد عن محامين الهجرة تماما

[د هشام ابراهيم]

يا هشام يا حبيبي من الواضح إن عيشتك في بلاد بني الأبيض بوّظت لك أخلاقك ، وخلّتك نسيت بلدك!

......................

عاشت كندا حرة مستقلة يا عم :wub:

و الله أبدا يا تومي يا أخويا .....أنا طول عمري أخلاقي بايظة كده و ما يعجبنيش الحال المايل و تقدر تقول محبكها حبتين ..... obsessive شويتين يعني

و للاسف الواحد ما عرفش يتأقلم مع أحوال بلدنا و أهو شكله حيفضل هاجج شوية حلوين ...بس ساعات كتير الواحد كان بيحاول يعمل حاجة يغير بيها من الواقع الأليم اللي حواليه ...أبقي فكرني احكيلك علي لعنة المواطن اوندين ..... لعنة أغريقية تانية ما دام الغراب الأبيض سمعت قوي كده

[د هشام ابراهيم]

السلام عليكم و رحمة الله و بركاته :wub:

ازيك يا دكتور هشام يا غالى :waf:

و ازى الناس السكر اللى فى المنتدى كلهم

ان شالله تكونوا كلكم بخير

انت بس ايه اللى خلاك تروح المؤتمرات دى ؟؟؟؟؟؟؟؟؟؟؟؟ :aslam:

و بعدين عجبتنى اوى الحتة بتاع ( يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي 30 سنة ) , الواحد حاسس أن الريس مبارك, الله.......... بيته, عامل CV كويس , لو اتقدم بيه لرئاسه أى دولة فى المنطقة هيوافقوا عليه . :blink:

لنا تنزل يا باشا مصر المرة الجاية , ابقى انزل على مطار العين السخنة عالطول أو بورتو مارينا , هناك هتلاقى مصر بقى ليها شكل تانى خالص , هتحس أن الناس هناك كلهم مبسوطيييييييين و مرفهين و محش عنده مشاكل . wst::

ده رأيى , لأنى بصراحة م روحتش هناك قبل كدة خاااااااااااالص .

المخلص جدا / MERCEDES S430

و عليكم السلام و رحمة الله و بركاته

صديقي العزيز AMG :sad:

هو الراجل عمل اللي عليه و فعلا CV مبهر علي الورق لكن كفاية بقي .....الراجل ممكن يدخل التاريخ من أوسع أبوابه لو سمح بانتقال سلمي للسلطة ...من غير توريث طبعا ......طب يعين نائب رئيس بس ...ده كل المطلوب ...شايف اليأس اللي احنا فيه ...قمة الأماني يبقى فيه نائب رئيس علشان لما المقدر يحصل البلد ما تقعش أو تتعرض لاي خطر

صراحة أنا فقدت أي أمل في أي تغيير من قاعدة الهرم ...... و لا من قمته

[د هشام ابراهيم]

.دموع القهر و الحزن علي حالنا ...ده رئيس دولة .....الراجل مش قادر يقول كلمتين علي بعض و اجاباته علي الاسئلة اللي مفروض تلقائية ...بطيئة جدا و ميكانيكية جدا جدا .....إيه اللي يخلي راجل زي ده يشيل الهم ده كله ...يعني عمل اللي عليه خلاص مقاتل طيار و مدير الكلية الجوية و نائب رئيس و رئيس داخل علي 30 سنة أهو ...ما كفاية بقي .....بس كفاية ليه .... ما الناس قاعدة تهلل ليه أهو و ما فيش غيرك يا مبارك و احنا من غيرك و لا حاجة....

http://www.youtube.com/watch?v=54lCOkfs8tE

مين الراجل المحترم ده ....ربنا يحميه

بالمناسبة ...النيو لوك جامد جدا يا دكتورنا العزيز

[د هشام ابراهيم]

بنتي في الاجازه الطويله بتاعة الكريسماس قعدت تبعت في رسايل لصاحباتها في مصر و دبي من موبايل مامتها

و طبعا صاحباتها ردوا عليها كلهم

المهم الرسايل الرايح جاي دي اتكلفت في الفاتوره 42 دولار

راحت مراتي مكلمه روجرز و شرحتلهم الموضوع

راحوا لاغيين ال 42 دولار :blink:

منور يا مايسترو

مش ممكن كده يعني سعادتك و لو كابتين تومي مصورين كندا سكلمان خالص :wub:

[د هشام ابراهيم]

والله يا باشا كن فى اسكندرية فى رمضان وحاجز فى مطعم XXXXX مشهور جدا ووصلت قبل المدفع ب 30 دقيقة

وتصدق مالقتش مكان لغاية لما المدفع ضرب ومشنا حته تانية

التحفنة كانت فى راجل حاجز دلفرى من قبل الفطار ب 7 ساعات كاملة وكان فى المطعم ساعة المدفع بيسأل على الاكل وكان ياعينى عازم ناس فى بيته

مش حتعرف اتخانئنا الذاى عشان ناخد مقدم الحجز اللى دافعينه قبليها باسبوع - وانت تقولى قاعدت واكلت - بالهنا والشفا - ورجعولك 35 دولار كمان

تعيش مطاعم كندا حرة مستقلة

والله انا شايف الموضوع مش موضوع سياسه دوله

الموضوع في مصر هو استمرار لمسلسل الغباء وعدم القدره علي المنافسه سواء في السوق المحلي (بس ديه مشكله كبيره لانه كله بيمارس الغباء) او الدولي

دكتور تهامي لما المطعم لغي قيمه الفاتوره اكيد كان صاحب المحل مش مبسوط يعني بس هوه عنده بعد نظر لانه متاكد لما بعمل كده ان دكتور تهامي هيرجع تاني له وياكل كزا مره عنده بعد كده وده هيعوض ال ال 35 دولار بعد كده يعني انا واحد من الناس يشرفني اني اكل في مطعم بيقدر قيمه البني ادم اللي جايله ويحترم انه بيدفعله فلوس ويحرص انه يرجعله تاني

انا كنت مره في مطعم انا وصحابي وطلبت كزا طلب المهم الولد يادوب ساب الترابيزه روحنا نادهينه عشان نغير حجات في الطلبات فوجئت بالبيه بيقول مينفعش لانه عمل اوردر خلاص وكتبه ولو عاوز حاجه تانيه اطلب فوق الللي فات انا قلت يعني انت كتبته في البي بي سي

طبعا انا اسكندراني ومفتكرش مره سيبت حقي

صراحه انا غسلته

بس طبعا نفسيتي ومودي اتغير والقعده باظت

مسلسل الغباء مستمر في مصر

أمثلة تانية علي "عدم الاحترافية " اللي بقيت متغلغلة في جنبات الحياة المصرية ...حتي و إنت بتدفع فلوس و فلوس كتير كمان برضه مظلوم و مهضوم حقك كمستهلك ....

[adamdec]

حبيت اضيف الفيديو ده هنا فالتوبيك ده بجد ربنا يحميه و يحمى اطفالنا جميعا

http://arabtube.tv/viewVideo.php?video_id=..._______________

تم تعديل 14 يناير 2010 بواسطة adamdec

[د هشام ابراهيم]

حبيت اضيف الفيديو ده هنا فالتوبيك ده بجد ربنا يحميه و يحمى اطفالنا جميعا

http://arabtube.tv/viewVideo.php?video_id=..._______________

بسم الله ما شاء الله ...ربنا يحميه و يكمله بالخير ...... صراحة برضه والديه يستحقوا كل تحية و احترام و كذلك د زويل

يا رب فعلا يفوز بجوايز دولية سواء نوبل أو غيرها

الصراحة قرار سفره للولايات المتحدة لتكملة الدراسة قرار صحيح ١٠٠ ٪ ...كل الأمل بس إنه لما يرجع باذن الله يقدر يصمد قدام المعوقات و الصعاب لا إما أحسن له يفضل بره و يساعد مصر من بعيد ...علي شاكلة د زويل كده

عجبني جدا رده ليه مش عايز يصيب المدرسة و يخش الجامعة علي طول

ربنا يحميه و شكرا لحضرتك يا سيدتي الفاضلة علي رابط الفيديو

[د هشام ابراهيم]

تبقى لزيارة مصر كلمة بسيطة أخيرة ...الاهل و الأصحاب و الأحباب و الذكريات الحلوة و أمل يتضائل تدريجيا في غد أفضل ...أكتر من كده أبقي كداب

أستئذنكوا بقى نرجع لكندا و نشوف حالنا و محتالنا wst::