قصتي مع كندا

[ehabtaher]

كويس عرفنا ان السيستم الكندى ميه ميه ( احنا عارفين ده) وحا يعرفوا يعالجونا ( طبعا) والتامين الصحى كويس (اكيد) وده اللى احنا عايزينيه

اما ان احنا ندخل السيستم من عدمه

انت وشطارتك يا دوكتور

وعموما الورشه مستنيه اللى مايحبش يكمل فى المعادله بس لازم الخبره الكندى

وخطاب توصيه من صعيدى فى مونتريال

[د هشام ابراهيم]

ما فيش سيستم في الدنيا مية مية يا دكتور و اللي عايز يوصل لازم يتعب ...ما فيش حاجة ليها تمن بتيجي بالساهل ....أنا حاسس اني باعيد في أسطوانة مشروخة :rolleyes:

[ehabtaher]

ما فيش سيستم في الدنيا مية مية يا دكتور و اللي عايز يوصل لازم يتعب ...ما فيش حاجة ليها تمن بتيجي بالساهل ....أنا حاسس اني باعيد في أسطوانة مشروخة :rolleyes:

لا يا دكتور هشام

انا عارف انك مش بتقول اسطوانه مشروخ والا حاجه

بس عايز الحق

انت شكلك بتتنرفز بسرعه

يعنى اكيد كنت مطلع روح الطلبه فى مصر

لان اكيد الطلبه بيعملو معاك زى مانا باعمل كده

وانت على طول تروح قايل لهم

طيب

السؤال ده جاى فى الامتحان

انتم احرار بقى

[moheltohamy]

و شكلك سعادتك كمان محتاج تقرا الموضوع ... يعني ينفع تبقى صاحبي و ما تعرفش حاجة عن الكافيه ديه .... و تبقى بتتفاجأ بحاجات جاوبت عليها كذا مرة قبل كده :rolleyes:

يبقى على قولك... الواد Z ده مش عاوز أعرفه! حد يشوفلي طوبة أحدفه بيها :lol:

الأفندي عامل صاحبي ، وما قراش موضوع الهاند أوفر اللي صوابعي ورمت وانا باكتب فيه! :lol:

ع الأقل إنتا جيجي قرأت موضوعك بالكامل

[أكسيلانس]

ألأخ الفاضل د/ هشام

ربما تكون هذه هي المره ألاولي لي للكتابه في قهوتك الرحبه - حيث يجتمع عندك كل ألاحبه ,, وضاح أن حضرتك هتشيل عبأ كبير العيله أذا أحتمعنا كلنا في كندا علي خير ,,

وددت أن أبدي أعجابي بكتابتك المبسطه ,, و المفيد ه ,, رغم أن رائحه ألقهوي كلها بنج و حاسس أن المشارط حولي فكل حته ,, و أنا قلبي خفيف من المواضيع ده ,, لكن سعدت بما قرأت و أتمني لك التوفيق --

و أنا علي فكره ليسه فاتح قوه جنبك هنا علي طول - بس أنا موضوعي عن الموظفين الي قربوا يتجننوا من مدرائهم و رأيهم أيه -- يا ريت لو عند وقت - تفدني برأيك خصوصا و أنت خير من يمثلنا في المجتمع الكندي

وع خالص تحياتي

:sad:

:lol:

بعد صباح الخير

شاكر لرد حضرتك ,, أما بالنسبه للتحدث عن المدراء المصرين فأحنا كفلاء بالتحدث عنهم حتي الثماله ,,, لكن نريد أن نعرف بيئه االعمل بكندا و هي من المواضيع التي لم ألحظ أن أحدا قد تعرض لها ,, في أي مداخله أو في عرض لتجربته ,,, ربما لأن ألغالبيه لم تكن قد بدأت في ألانخراط الفعلي في بيئه عمل ثابته ,,,

لذلك نحن نعول عليك يا دكتور ,, في أنتظارك

:hang:

الأول لازم أحيي حضرتك علي الصورة الشخصية و علي إسم التعريف ......جامدين جدا يا اكسلانس ....

يمكن حضرتك تبقى أول واحد مش محتاج أناديه بالقاب ...اكسلانس باشا مش حتنفع :lol: ...

شاكر لحضرتك المديح و الثناء ...أوعدك اشارك في قهوة المدراء بس أتكلم علي الكنديين و لا المصريين ؟

تحياتي يا باشا ...قصدي يا اكسلانس :rolleyes:

[znaty]

عزيزي د هيتش

الرسالة دي جت لي على الخاص من اخ اسمه الزعيم

وبما اني ولا انا دكتور ولا انا قاعد في كيبيك :lol:

فرديت عليه ان تم تحويل سؤالة للعضو المختص في الشلة

بس مبدئيا كدة ..صاحبة ده شكله موش في كيبيك ..شكله في ميت سملح العرس

Z باشا قول لصاحبك يقرا الموضوع بتاع العبد لله ده فيه رد علي كل الاسئلة و أكتر ...... يعني علي الأقل الواحد ما يحسش إن كل اللي بيكتبه بقاله أكتر من سنة ده في الفشنك :sad:

و شكلك سعادتك كمان محتاج تقرا الموضوع ... يعني ينفع تبقى صاحبي و ما تعرفش حاجة عن الكافيه ديه .... و تبقى بتتفاجأ بحاجات جاوبت عليها كذا مرة قبل كده :rolleyes:

بس بقي يا صديقي ..... الاكليشيه اياه برضه جاهز ...لا كندا الجنة و لا مشروع الهجرة ينفع كل واحد ...اللي مستريح مكانه يخليه مكانه ...إللي عنده استعداد يخاطر و يتعب و يكافح في سبيل فرصة أحسن لنفسه و لولاده يبقى يتكل علي الله ....الكلام ده سمعته قبل كده فين يا باشا يا دكتور يا هشام :lol:

علي العموم أنا برضه طلعت مشاركة قديمة عن مشاكل التأمين الصحي و موجودة قبل المشاركة ديه 2712 علشان خاطرك يا سيدي

وكتاب الله المجيد يا باشا ولا صاحبي ولا اعرفة :sad: :hang:

انا متبري منه ليوم الدين :lol:

اانا معدي يا باشا لقيته في الرسائل الخاصة بتاعتي ..دة حتى فاكرني دكتور في كيبيك ..برئ يا باشا

باهزر يا اخ زعيم والله اوعي تزعل

هاقرا والله هاقرا ..بس المسكلة اني عند ضغط فزييع ( بالزين ) اليومين دول

افوق بس وانا هادوس على طول

صباحك زي القشطة يا بروف

[znaty]

و شكلك سعادتك كمان محتاج تقرا الموضوع ... يعني ينفع تبقى صاحبي و ما تعرفش حاجة عن الكافيه ديه .... و تبقى بتتفاجأ بحاجات جاوبت عليها كذا مرة قبل كده :rolleyes:

يبقى على قولك... الواد Z ده مش عاوز أعرفه! حد يشوفلي طوبة أحدفه بيها :sad:

الأفندي عامل صاحبي ، وما قراش موضوع الهاند أوفر اللي صوابعي ورمت وانا باكتب فيه! :lol:

ع الأقل إنتا جيجي قرأت موضوعك بالكامل

مبسوط يا هيتش ؟؟؟

اديك سخنته عليا اهو

انا بس اطلع اول طله يا تومي وانا هافوت علطول

وابقي سمعلي

والله يابني انا اللي فعلا محتاج اقراه ..بس الوقت بس

ادوني اخر فرصة :lol:

[حسام يوسف]

معلش يابروف

عارف ان أسئلتى كتير

ودايما س س يقوللى اسلئتك مابتخلصش

بس لو وقت حضرتك لما يسمح

أكون سعيد بالتنويه عن الهموم المشتركة بين الناس في كندا

سؤالنا قبل كدة عن الهم العام واللى كان عن علاقات كندا بالعم سام

وأطماع روسيا

انما أنا قصدي ايه الهم أو الحاجة اللى واخدة ذهن أغلب الأفراد في كندا

يعنى احنا فى مصر الكل بيشتكي من الارتفاع المتوالى وبدون سبب في الأسعار

وأغلب المستويات الاقتصادية بتشتكي من فقير لمتوسط لميسورى الحال

أرجو مكونشي بتقل على حضرتك بأسئلتي

وانا مش مستعجل

لما وقت حضرتك يسمح ان شاء الله

تحياتى من اسوان الحر مووووووووووووووووت حتى فى الشتا

[goodfaith]

على فكرة يا دكتور هشام هيا على لورنس ومكاون :sad: بس مش فاكرة برضو اسمها

سكاربورو جينرال هوسبيتال يا باشا ...أكبر مستشفي كوميونتي في تورنتو :wub:

جزاك الله كل خير يا سيدتي الفاضلة و ألف حمد الله علي السلامة :) :happy:

تمام هيا دي سكاربرو جينرال هوسبيتال

يا رب افضل فاكرة اسمها بقى مسقط راس ابني حبيبي

الله يسلمك يا دكتور وجزانا الله واياكم كل خير

:ninja:

[goodfaith]

معلش يابروف

عارف ان أسئلتى كتير

ودايما س س يقوللى اسلئتك مابتخلصش

بس لو وقت حضرتك لما يسمح

أكون سعيد بالتنويه عن الهموم المشتركة بين الناس في كندا

سؤالنا قبل كدة عن الهم العام واللى كان عن علاقات كندا بالعم سام

وأطماع روسيا

انما أنا قصدي ايه الهم أو الحاجة اللى واخدة ذهن أغلب الأفراد في كندا

يعنى احنا فى مصر الكل بيشتكي من الارتفاع المتوالى وبدون سبب في الأسعار

وأغلب المستويات الاقتصادية بتشتكي من فقير لمتوسط لميسورى الحال

أرجو مكونشي بتقل على حضرتك بأسئلتي

وانا مش مستعجل

لما وقت حضرتك يسمح ان شاء الله

تحياتى من اسوان الحر مووووووووووووووووت حتى فى الشتا

في الشتاء حالة الجو بتشغل العديد من الناس وعموما الناس بتشتكي من ارتفاع الضرائب كل سنة

طبعا هنا عشان اختلاف الجنسيات والعرقيات هتلاقي اهتمامات وهموم مختلفة ومتشعبة وكتير جدا

بس الجو والضرائب على الكل وكمان حالة سوق العمل يعني فترة الازمة لما كان فيه تسريح للعمالة بالآلاف واغلاق لمصانع ومحلات ده كان حديث المدينة واكيد كان حديث العالم كله

كمان بيحبوا الهوكي واللوتري اوي

عارف باشمهندس زناتي لما كان بيعلق على الاخبار وكان بيقول غزالة اتعكبلت وكده هو مكانش بيبالغ على فكرة :)

اول ما جيت كنت باستنى الاخبار ومطلعش منها بحاجة تقريبا او وقتها كنت باحس كده كلها اخبار عن الصحة والبيئة وحاجات حلوة اوي ترفيهية وفن ورياضة

المهم بعد شوية بقيت احب الاخبار واستناها كل يوم الساعة 11 بالليل

[د هشام ابراهيم]

البتاعة ديه جتلي علي الميل .....في الجول الصراحة bsh:)

الشريحة المفترسة

(الأفندي نائب التخدير الاتصال بالعمليات)

دائما مايستيقظ احمد على نداء من هذا النوع من عامل السويتش المزعج دون أن يلتقط منه سوى أواخر الحروف

(....ئب ..... يير ... آل ... مات)

يافتاح ياعليم يارزاق ياكريم .. هكذا صبّح على السويتش ... ثم اتصل بالعمليات وهو يشعر بانتفاخ غريب في مثانته دعا ربه مخلصا كي يجد الوقت الملائم لافراغها قبل أن تأتيه حالة طارئة في هذا الوقت المريب من الليل

بضع كلمات مع التمريض ليدرك أنهم يحتاجونه ... هو بالذات ..لم يكن يملك خيارا سوى النزول للعمليات حالا ..انه قدره

لأنه الرجل ..

رجل الفنتانيل..

_______________

(استرح يا 1916 .. فلدي مهمة من اجلك)

نفض رأسه من العبارة الوهمية ليعود الى عالم الواقع وهو يجتاز باب العمليات ويدلف الى الردهة المثلجة المثيرة للقشعريرة .. لماذا يصرون على تشغيل التكييف في عز يناير ؟! .. ولماذا لايعمل التكييف صيفا ... ؟!! .. الجواب الجاهز .. لأن التكييف يتعطل من فرط التشغيل في فصول الشتاء

اتجه الى الكاونتر وهو يبذل جهدا جبارا لفتح عينيه .. حسنا هذا استشاري العظام .. ونائب العظام .. وآلات العظام ... أحدهم يلقي له بتذكرة العمليات .. يطالع التحاليل دون حماس ... الاستشاري يؤكد له أنه مريض (زي العسل) في سن الشباب .. وسليم ..... الخ

-"احنا هنرفع شريحة صغيرة ....ربع ساعة بس"

تنهد وهو يتذكر الحسابات القديمة التي وعاها عن فارق التوقيت بين عالم الجراحين وعالم الواقع

اذا كان نائبا جديدا .. فهو لن يخبرك ارقاما لأنه أصلا لايعلم وسيتركها عائمة

اذا كان استشاري جراحة عامة اضرب الرقم في اتنين

اذا كان استشاري مسالك اضرب الرقم في ثلاثة ... واضف للناتج نصف ساعة لكاعة

اذا كان استشاري عظام ... لاتضرب شيئا وابعت هات هدومك من البيت

على كل.. الموضوع شريحة وسيرفعها نائب العظام غالبا حتى يفرغ الاستشاري من شرب كوب الشاي .. ربما ليس الموضوع بهذا السوء.. هنا سمع صوت سعال شنيع .. فدار على عقبيه بسرعة مذهلة ليطالعه وجه مريض شاب يافع في أواخر السبعينات من عمره ...نعم نعم... شاب ... لاتوجد اخطاء هنا لأن جراحي العظام كديدن الجراحين عموما يؤمنون أن الشباب شباب القلب ... وأن جيلا تربى على السمنة البلدي والفطير المشلتت خير من شباب هذه الأيام الذين تربوا على السريلاك و المربى والهامبورجر ... خير وأصح وأصبى برغم أنف التحاليل والموجات الصوتية على القلب

(انا اعلم انك لها يا 1916)

اتصل باستشاري التخدير ليعلمه بالحالة فأخبره بأن يتوكل على الله .. ثم دعا على المستشفى والجراحين ووزارة الصحة , وتامر حسني كذلك (لايدري العلاقة لكنه صار يعتبر تامر حسني من قوى الشر الطبيعية في العالم ..تماما كالزلازل والطوفان والجراد والقمل والضفادع والدم)

اغلق الخط واطلق تنهيدة طويلة وبدأ يتحضر للمعركة ... ثم نظر للعامل في حزم ليقول

-"جهزلنا سباينال يا(ر)"

ثم بدأ يعبث في جيوبه ليخرج منها أمبوله الأثير وتطلع له في صمت

أمبول الفنتانيل....

لهذا اثبت انه يستحق عن جدارة هذا اللقب ..

لقب ... رجل الفنتانيل

_________________

يامسهل يارب ...

هاهي ساق المريض مفتوحة على مصراعيها أمام النائب الذي احمر وجهه وتعرق من فرط الحك والتكسير ...

- " شريحة بنت ....... صحيح "

قالها نائب العظام ثم غاص في عرقه مرة أخرى محاولا استئصال تلك الشريحة الخبيثة ... نظر احمد الى ساعته في تعاسة... يالها من ليلة سوداء ... هل ستخرج تلك الشريحة في سنتها قبل ان ينتهي مفعول البنج النصفي ؟ ... ينقل مخاوفه الى النائب الذي مازال منهمكا في محاولة اغتصاب الشريحة ..فأجابه وهو يلهث بعنف :-

- " هف .. هف .... ادعيلنا بس يانجم .."

كان احمد دوما يكره هذا النائب (ك.ك) بالذات .. ويدعوه ب (كبير ظباط الموساد) .. وفي رواية أخرى.. ب (موشي دزرائيلي) ..ياساتر ... نفس الأتامة وثقل الظل ... ونفس التعصب المجنون لقسم الموساد ... طبعا مفهوم من هو الموساد

بدأت الدماء تملأ المكان فأشاح (أحمد ) بوجهه بعيدا لأنه يكره اراقة الدماء دون داع

...تنهد ثم تناول كانيولا رمادية عظيمة وبسرعة البرق أدخلها في عروق المريض وبدأ ينقل له المزيد من المحاليل بسرعة ... بعد فترة بدأ المريض يشكو من الدوار والغثيان .. طبعا لأن ضغطه ينخفض .. عقد حاجبيه في صرامة ... لابد هنا من وقفة .. ووقفة حازمة ...

يقول المريض في ملل :-

- " هوة لسة كتير يادكتور ؟!! "

هنا قرر (أحمد) ان وقت الاستنجاد باستشاري العظام قد حان ..

_________________

وأخيرا تعقم الاستشاري وتناول عدة الشغل من (ك.ك) ... وبدأ في ممارسة فن النحت في ساق المريض .. ماحكاية هذه الشريحة بالظبط ...؟

- "الشريحة كأنها بقت حتة من رجله .."

- "ويخلق مالا تعلمون ياأخي"

مرت نصف ساعة دون جدوى ... هنا بدأ (أحمد) في طلب وحدة دم للمريض رغم أنه - نكرر – يكره الدماء دون داع ... لكن الأمور تطورت بشكل غير سعيد... هل هؤلاء القوم يمزحون؟!! ... ان عملية رفع الشريحة تكاد تتحول الى عملية بتر أسفل الركبة

- "ياسواد السواد يامحاميحو "

يقولها الممرض (ح) وقد بدأت ساقيه تؤلمانه من طول الوقفة..

- " ماتنشف ياض ماتبقاش خرع "

يجاوبه (ك.ك) بغيظ وقد زاد عرقه وتوتره

بعد ربع ساعة توقف الاستشاري عن التفعيص فتوقف (ك.ك) عن النهجان ... تطلعا الى الأشعة المعلقة امامهما على الحائط قبل أن يتساءل الاستشاري :-

- " ماداهية لتكون الأشعة دي مقلوبة ياواد يا (ك)؟!"

- " باين فتحنا الرجل الغلط يافندم "

هنا أغمى على (ح) فسارعا بالاستنجاد باحدى الممرضات لتبديله ...

اخذا يتكلمان عن الصدفة العجيبة التي جعلت للمريض شريحة أخرى في الساق الغلط .. واتضح أنها كانت لعملية قديمة منذ عشر سنوات...

- " عيان بشريحتين؟!! ...هوة الراجل دة صيني ؟!"

- "أنا لو مكانه , اخلي واحدة منهم (اتصالات) ...نياهاهاهاهاهاهاه "

فتحا الساق الثانية ولم تجف دماء الأولى بعد ... وبدآ في الحفر والتنقيب حتى ظهر لمعان الشريحة ... فعاودا الطرق من جديد ... بعد ربع ساعة قال الاستشاري في قرف :-

- " ياخبر ..دي أنشف من اختها ..."

- " يادكتووووووووووووووور "

كان المريض يتوجع من احساس الحرقان الفظيع الذي يشعر به في ساقيه ... واضح ان مفعول البنج النصفي بدأ ينتهي ...

شد (أحمد) قامته ... وقرر أن وقت القرارت الحاسمة قد اتى ...يجب أن يثبت أنه يستحق لقب (رجل الفنتانيل) ...

يجب أن يفعل شيئا .. يجب

نظر للجراحين في غيظ ... وأخذ شهيقا عميقا ..

ثم بدأ في منح المريض تخديرا كليا...

_________________

مرت حوالي الساعتين قبل أن يقرر استشاري العظام .. ان العيان ليس بحاجة لرفع الشريحة .. وأن تركها في ساقه سيكون أشيك كثيرا ... والعملية ككل يمكن تبريرها أمام المريض وأهله بأنها كانت لتسليك عصب أو (ترييح ) وتر أو عمل فتحات تهوية... أو أي كلام فاضي معقول.

- " تسلم ايدك ياوحش .."

يقولها الاستشاري ل (ك.ك) وقد اعجبته خياطة الجرح الممتازة .. وعاد لتأمل الساقين من جديد ويقارنهما ببعض ..

- " كدة بقوا سوا بعض ... عفارم عليك يا (ك) "

- "تلميذ في مدرسة سعادتك يافندم "

بدأ (أحمد) في افاقة المريض وهو يدعو على الخاين وابن الحرام وجهاز الموساد بأكمله ... وعندما كح المريض وبدأ في التأوه والتفتفة .. اطمأن (احمد) بالا ...

لقد تمت تلك المهمة بنجاح ...

(أحسنت يا 1916)

لم يكن يريد شكرا من أحد .. او نيشانا ...أو تصفيقا ...

لقد اعتاد القيام بواجبه دون كلل ...ودون اعتراض ..

لأنه الرجل .. (رجل الفنتانيل)

ولأنه يريد النوم الآن ..وبشدة

_________________

كان (أحمد) في مطعم المستشفى يقشر برتقالة حمضانة دون شهية عندما أتاه (ك.ك) .. في ظهر اليوم التالي ... وضع صينية الغداء امامه وبادره قائلا :-

- " عيان الشريحة بتاع امبارح ..."

- " ايه ؟!..طلعله شريحة في رجله التالتة ؟"

- " لاياريس ... احنا فتحنا العيان الغلط أصلا "

- "يعني ايه؟"

- " بتاع امبارح دة كان المفروض يخرج.. العيان بتاعنا في السرير اللي جنبه ,هنعمله النهاردة بالليل الساعة واحدة"

ابتعد عن المائدة وصدى صوت (ك.ك) يتردد في اذنه .. لكنه لم يهتم ..

لقد اعتاد هذا القرف اليومي ..

سيوقظونه ... سيثيرون ملله ...سيطيرون النوم من عينيه ..

لكنه يجب أن يحتمل ...

لأنه ليس مجرد طبيب عادي ..

او حتى طبيب تخدير عادي ...

لقد كان الرجل ...رجل الفنتانيل

[د هشام ابراهيم]

لا يا دكتور هشام

انا عارف انك مش بتقول اسطوانه مشروخ والا حاجه

بس عايز الحق

انت شكلك بتتنرفز بسرعه

يعنى اكيد كنت مطلع روح الطلبه فى مصر

لان اكيد الطلبه بيعملو معاك زى مانا باعمل كده

وانت على طول تروح قايل لهم

طيب

السؤال ده جاى فى الامتحان

انتم احرار بقى

أيوه الظاهر اني أنا اللي بتنرفز بسرعة يا دكتورنا ....الله يكون في عون طلابي اللي كانوا في مصر bsh:)

كل ما أجي أتنرفز منك يا باشا ألاقي صورة الأخ ألفين ديه و ابتسم .....تحياتي يا باشا wst::

[د هشام ابراهيم]

و شكلك سعادتك كمان محتاج تقرا الموضوع ... يعني ينفع تبقى صاحبي و ما تعرفش حاجة عن الكافيه ديه .... و تبقى بتتفاجأ بحاجات جاوبت عليها كذا مرة قبل كده bsh:)

يبقى على قولك... الواد Z ده مش عاوز أعرفه! حد يشوفلي طوبة أحدفه بيها :wub:

الأفندي عامل صاحبي ، وما قراش موضوع الهاند أوفر اللي صوابعي ورمت وانا باكتب فيه! :sad:

ع الأقل إنتا جيجي قرأت موضوعك بالكامل

جي تهدي نفوس يا كابتشين wst:: ....

بالمناسبة سعادتك قريت و شاركت في القهوة ديه قد إيه يا عم الحاج ...قالك إيه "اللي بيته من أزاز ........ ما يغيرش هدومه في الصالون " :ninja: :ninja:

و قريب جدا حنسمعك واحد فبراير اتنين فبراير :sad:

[د هشام ابراهيم]

شاكر لرد حضرتك ,, أما بالنسبه للتحدث عن المدراء المصرين فأحنا كفلاء بالتحدث عنهم حتي الثماله ,,, لكن نريد أن نعرف بيئه االعمل بكندا و هي من المواضيع التي لم ألحظ أن أحدا قد تعرض لها ,, في أي مداخله أو في عرض لتجربته ,,, ربما لأن ألغالبيه لم تكن قد بدأت في ألانخراط الفعلي في بيئه عمل ثابته ,,,

لذلك نحن نعول عليك يا دكتور ,, في أنتظارك

wst::

علم يا اكسلانس و يتم التنفيذ في أقرب فرصة إن شاء الله bsh:)

[د هشام ابراهيم]

وكتاب الله المجيد يا باشا ولا صاحبي ولا اعرفة bsh:) wst::

انا متبري منه ليوم الدين

اانا معدي يا باشا لقيته في الرسائل الخاصة بتاعتي ..دة حتى فاكرني دكتور في كيبيك ..برئ يا باشا

باهزر يا اخ زعيم والله اوعي تزعل

هاقرا والله هاقرا ..بس المسكلة اني عند ضغط فزييع ( بالزين ) اليومين دول

افوق بس وانا هادوس على طول

صباحك زي القشطة يا بروف

صباح العسل يا معلم Z ...خلاص براءة يا باشا و الله يكون في العون ....خد وقتك و علي مهلك خاالس (غلطة املائية مقصودة :ninja: )

[د هشام ابراهيم]

مبسوط يا هيتش ؟؟؟

اديك سخنته عليا اهو

انا بس اطلع اول طله يا تومي وانا هافوت علطول

وابقي سمعلي

والله يابني انا اللي فعلا محتاج اقراه ..بس الوقت بس

ادوني اخر فرصة

ماشي كلامك يا باشا ...ندي سعادتك فرصة .... ما تسمعش كلام تومي هو نفسه ما بيشاركش في القهوة ديه كتير .... مشغوليات بقي ما بين المهام المخضرة و سندوتشات الجبنة اللي مستنينها .....إيييه bsh:)

بس بجد لازم تقرا موضوعين مهمين جدا ...... سعادتك لو ما قريتش موضوع تومي و موضوع د الشامي حنسحب منك الجنسية المحاوراتية و ما فيش لا معلم و لا Z كمان wst:: .....

[د هشام ابراهيم]

معلش يابروف

عارف ان أسئلتى كتير

ودايما س س يقوللى اسلئتك مابتخلصش

بس لو وقت حضرتك لما يسمح

أكون سعيد بالتنويه عن الهموم المشتركة بين الناس في كندا

سؤالنا قبل كدة عن الهم العام واللى كان عن علاقات كندا بالعم سام

وأطماع روسيا

انما أنا قصدي ايه الهم أو الحاجة اللى واخدة ذهن أغلب الأفراد في كندا

يعنى احنا فى مصر الكل بيشتكي من الارتفاع المتوالى وبدون سبب في الأسعار

وأغلب المستويات الاقتصادية بتشتكي من فقير لمتوسط لميسورى الحال

أرجو مكونشي بتقل على حضرتك بأسئلتي

وانا مش مستعجل

لما وقت حضرتك يسمح ان شاء الله

تحياتى من اسوان الحر مووووووووووووووووت حتى فى الشتا

غالي و الطلب رخيص يا دكتورنا ....سعادتك تؤمر ..... في أقرب فرصة باذن الله

تحياتي من تورنتو الدافية جدا الشتا ده bsh:)

[د هشام ابراهيم]

في الشتاء حالة الجو بتشغل العديد من الناس وعموما الناس بتشتكي من ارتفاع الضرائب كل سنة

طبعا هنا عشان اختلاف الجنسيات والعرقيات هتلاقي اهتمامات وهموم مختلفة ومتشعبة وكتير جدا

بس الجو والضرائب على الكل وكمان حالة سوق العمل يعني فترة الازمة لما كان فيه تسريح للعمالة بالآلاف واغلاق لمصانع ومحلات ده كان حديث المدينة واكيد كان حديث العالم كله

كمان بيحبوا الهوكي واللوتري اوي

عارف باشمهندس زناتي لما كان بيعلق على الاخبار وكان بيقول غزالة اتعكبلت وكده هو مكانش بيبالغ على فكرة wst::

اول ما جيت كنت باستنى الاخبار ومطلعش منها بحاجة تقريبا او وقتها كنت باحس كده كلها اخبار عن الصحة والبيئة وحاجات حلوة اوي ترفيهية وفن ورياضة

المهم بعد شوية بقيت احب الاخبار واستناها كل يوم الساعة 11 بالليل

كلام جميل جدا و موزون جدا جدا bsh:)

ممكن اطلب من سعادتك طلب ....يا ريت حضرتك تشاركينا بتجربتك مع كندا .....لو كان فتح موضوع جديد مش مناسب لحضرتك ممكن تشرفيني هنا أبقي في غاية السعادة و العرفان .....و طبعا أولا و أخيرا تكسبي ثواب النصيحة

و يا ريت حضرتك تكملي الكلام عن الناس في كندا كمان ....حضرتك واضح إن بقالك مدة عايشة متواصل في كندا و أكيد ليكي تجربة ثرية

خالص التحية و الأحترام يا سيدتي الفاضلة

[اسكندرية تانى]

البتاعة ديه جتلي علي الميل .....في الجول الصراحة :ninja:

الشريحة المفترسة

(الأفندي نائب التخدير الاتصال بالعمليات)

دائما مايستيقظ احمد على نداء من هذا النوع من عامل السويتش المزعج دون أن يلتقط منه سوى أواخر الحروف

(....ئب ..... يير ... آل ... مات).

او حتى طبيب تخدير عادي ...

لقد كان الرجل ...رجل الفنتانيل

جامدة قوى يا د. هشام  انت حطيت ايدك اللى مليانة ملح على الجرح..........

يا رجل الفنتانيل :ninja: :sad: :sad: !!!!!!!!!

ما فكرتش صحيح تعد كام امبول فنتانيل استخدمته فى مشوارك الطبى؟؟؟؟ bsh:)

اعتقد ان الفنتانيل فعلا بقى  جزء لا يتجزأ من البروتوكول اليومى لحياتنا  wst::

ضحكتنى فعلا قبل ما ادخل انام  ..... شكرا و تصبح على خير

[goodfaith]

- " ماداهية لتكون الأشعة دي مقلوبة ياواد يا (ك)؟!"

- " باين فتحنا الرجل الغلط يافندم "

- " لاياريس ... احنا فتحنا العيان الغلط أصلا "

- "يعني ايه؟"

- " بتاع امبارح دة كان المفروض يخرج.. العيان بتاعنا في السرير اللي جنبه ,هنعمله النهاردة بالليل الساعة واحدة"

بجد شر البلية ما يضحك انا كمان ضحكت من قلبي