قصتي مع كندا

[madzoro]

عندي واحدة سودة نفس اللي في الصورة دي تشارجر ار تي مسميها : خناقة علشان و شها اللي تحس انه بيجر شكل ( بفتح الشين و الكاف )

اسمها الحكي المتداول في السوق american muscles

تخيل يا باشمهندس ايهاب بعد ما اشترتها اكتشفت ان بلد الصنع كندا و هما فعلا ابدعوا في قوة هذه السيارة .... ده هي احد الاسباب اللي مخلياني عايز اهاجر كندا :blink: :lol: :wub:

بأموت فيها يا مديح

و انا ماشي من قطر كانت لسه نازله و لو مكنتش ماشي كنت جبت واحده

بس في كندا كان لازم أجيب فان ..

عشان عندي تلات عيال ما شاء الله

يا دوب تاخدهم بعجلهم و لعبهم

بقيت بأسوق ميكروباظ يا بشر

ربنا يباركلك في عيالك يا هندسة .... بس اوعى تاخد منهم اجرة :lol: :lol:

[ELSHAMY]

لماذا لا يجرب أحدنا أن يكظم غيظه احتسابا لله....و الله سبحانه و تعالى يقول "و الكاظمين الغيظ"

لماذا لا يعفو أحدنا عن الأخر........." و العافين عن الناس"

لماذا لا نترك الجدال و قد قال الرسول صلى الله عليه وسلم "أنا زعيم ببيت فى الجنة لمن ترك الجدال و هو محق"

ثم كانت نتيجة المهاترات أن فقدنا تجربة ثرية كان يرويها أخ فاضل....

[bent misr]

فعلا يا د / الشامي عندك حق و كلك أدب و أخلاق

و أتمنى الا نكون قد خسرنا فعلا د / هشام

و الدين المعامله

[أسد]

الأخوة الأفاضل ..

تم حذف كافة المداخلات الخارجة عن الموضوع ..

والتي تحوي إتهامات بين الأعضاء ..

وننبه ..

أن تكرار مثل تلك النوعيةمن المداخلات سيعرض صاحبها للإنذار أو للإيقاف ..

أي كان .. ومن كان ...

من يريد المشاركة في الموضوع يشارك بإضافة ..

ومن لا يريد .. ياريت يوفر على نفسه وعلينا ..

ياريت محدش يقول رأيه في التاني ..

كل واحد يكتب اللي هو عايز يكتبه في الموضوع .. وبدون اتهامات وتلاسن متبادل ..

أتمنى أن تكون الرسالة واضحة ...

قد نضطر لإغلاق الموضوع إذا استمر الموضوع هكذا ..

لقد قمت بحذف عشرات المداخلات من هذا الموضوع .. كلها تلاسن بين الأعضاء

أسد

فريق الإشراف

[Balooshy]

لاء بلاش غلق الموضوع .. رجاء من الاشراف الموضوع ده مفيد جدا للأطباء .. وللمهاجرين عموما ..

انا ما شفتش المشاركات الخارجه .. بس يا ريت يا د/هشام ما تكونش زعلت .. لأن حضرتك شخص محترم و تستاهل كل خير ..

يا ريت تتجاهل اي خروج عن النص و تكمل الموضوع و تحتسب اجرك عند ربنا .

[haythammustafa]

معلش دكتور هشام هاتعب حضرتك و اسالك لو عنك معلومات بخصوص شراء العقارات و الهجرة............ فى حد قاللى انى ممكن اخد ال P R لو باشترى عقار و قالى انه مش لازم ادفعة كلة كاش ..... يعنى 20% و الباقى على وقت...... اظن 10 سنين.......فهل حضرتك سمعت فيه حاجة كدة؟؟؟ حد من المصريين او العرب اللى حضرتك بتعرفهم عمل كده او سمع عن الحكاية دى؟؟؟؟؟

للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

هل تقصد يااستاذ/ ايهاب انه الشخص العربي والغير مواطن كندي لن يسمح له شراء بيت أو شقة؟؟؟

مع الشكر

[newcomer]

معلش دكتور هشام هاتعب حضرتك و اسالك لو عنك معلومات بخصوص شراء العقارات و الهجرة............ فى حد قاللى انى ممكن اخد ال P R لو باشترى عقار و قالى انه مش لازم ادفعة كلة كاش ..... يعنى 20% و الباقى على وقت...... اظن 10 سنين.......فهل حضرتك سمعت فيه حاجة كدة؟؟؟ حد من المصريين او العرب اللى حضرتك بتعرفهم عمل كده او سمع عن الحكاية دى؟؟؟؟؟

للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

هل تقصد يااستاذ/ ايهاب انه الشخص العربي والغير مواطن كندي لن يسمح له شراء بيت أو شقة؟؟؟

مع الشكر

لو معاه PR ممكن يشترى...... هوه ده اللى انا فهمته من ردود الزملاء الفاضل :closedeyes:

[alsaher]

ثم كانت نتيجة المهاترات أن فقدنا تجربة ثرية كان يرويها أخ فاضل....

بصراحة نتيجة محزنة جدا

أتمنى أن يتراجع الاخ الدكتور هشام وان يتعالى عن ما جرى رغم أني لا أدري خلفية ما حدث

إحترامي

[ايهاب سالم]

ما حدث كان متعمد

و يحدث في مواضيع أخرى في محاوله لإفسادها

تم تعديل 3 ديسمبر 2008 بواسطة ايهاب سالم

[om reham]

الأخوة الأفاضل ..

تم حذف كافة المداخلات الخارجة عن الموضوع ..

والتي تحوي إتهامات بين الأعضاء ..

وننبه ..

أن تكرار مثل تلك النوعيةمن المداخلات سيعرض صاحبها للإنذار أو للإيقاف ..

أي كان .. ومن كان ...

من يريد المشاركة في الموضوع يشارك بإضافة ..

ومن لا يريد .. ياريت يوفر على نفسه وعلينا ..

ياريت محدش يقول رأيه في التاني ..

كل واحد يكتب اللي هو عايز يكتبه في الموضوع .. وبدون اتهامات وتلاسن متبادل ..

أتمنى أن تكون الرسالة واضحة ...

قد نضطر لإغلاق الموضوع إذا استمر الموضوع هكذا ..

لقد قمت بحذف عشرات المداخلات من هذا الموضوع .. كلها تلاسن بين الأعضاء

أسد

فريق الإشراف

مع كل إحتراماتي لك لكن لم تكن في مداخلتي أي تلسين أو إستهتار بل مع هذا فسختها حتي لم تترك سآلي أو معايدتي لأخواني ,أنا أرا أنه ظلم , يقول الرسول صلي الله عليه وسلم(انصراخاك ظالما او مظلوما قالوا يارسول ننصره مظلوما فكيف ننصره ظالما قال ان ترده عن ظلمه),أرجو أن لا تراه تطاول تعلمت هنا أن تقول رأيك وتأخذ حقك بكل لياقه .

[samehelassad]

نيجي لمصاريف المعيشة في تورنتو .... طبعا تورنتو هي أغلي مدينة في كندا في كل الأحصائيات في كل المجالات فاي حتة تانية المصاريف حتبقى أقل ... بس ساعات و في وظائف معينة الدخل كمان بيبقى أقل

أكبر جزء في المصاريف هو السكن سواء ايجار أو رهن أو قسط .... طبعا يفضل الأول الأيجار لحد ما الأمور توضح ... أنا عن نفسي مأجر من يوليو ٢٠٠٥ الحقيقة لو رجع بي الزمن كنت يمكن أخد قرار مختلف انما ظروفي إن كل سنة بابقي أملي اني اجتاز أمتحان و أخش السيستم لكن ما كانش فيه توفيق

زميل لي من جامعة القاهرة ... مدرس بالجامعة برضه بس أصغر مني بسنة هاجر من مصر بقاله سنة و نصف ... ده بقى قرر إنه يقتني بيت بنظام الرهن العقاري بعد ٦ شهور من وصوله و فعلا عمل كده

الفكرة إن الأيجار فلوس رايحة لكن الاقتناء كل مليم ....قصدي سنت بتدفعه بيقعد في تمن البيت ...

نرجع لمرجوعنا ايجار شقة في وسط تورنتو حجرة نوم واحدة و رسبشن ممكن يكون في متوسط ١٥٠٠ دولار في الشهر ... تطلع أو تنزل حسب المكان و امكانيات العمارة و موقعها من الخدمات .... مترو ..مراكز تسوق ...إلخ .... كل ما بعدت عن وسط البلد الرقم ده في الأغلب الأعم بينزل

الحجرة الأضافية ممكن تزود الأيجار ٣٠٠ ٤٠٠ دولار .... أغلب الناس الجديدة اللي عندها أطفال بتفضل تبعد شوية عن وسط البلد لكذا سبب

أولا الأيجار أقل .... بتمن ايجار شقة في وسط تورونتو ممكن تأجر شقة أكبر أو حتي بيت

ثانيا الضواحي أفضل لتربية الأطفال .... المدارس أحسن و نوعية الناس اللي ساكنة أحسن و المناظر المؤذية اللي ممكن تبقى في الشارع أقل كتير

طبعا تبرز مشكلة المواصلات لذلك يفضل لو حتسكن بعيد عن وسط البلد تبقى قريب على قد ما تقدر من محطة مترو ... و ده موجود بكثرة الحقيقة و فيه عمارات كتير متوصلة بانفاق تحت الأرض توصلك لمحطة المترو مباشرة من غير ما تطلع للشارع ( في الشتا ديه ميزة كبيرة )

ما دام جينا للمواصلات نجيب بقية تفاصيلها ... زاي ما قلت قبل كده مقارنة بمدن تانية كتير زاي باريس مثلا مواصلات تورنتو محتاجة تطوير ... انما هي مش بطالة ... فيه شبكة مترو و اوتوبيس و ترام (street car) و اسعارها معقولة جدا و مواعيدها مظبوطة ..... يوم ما بيحصل مشكلة بسبب الجو أو أي عطل أو اضراب أو أي سبب الموضوع بيبقى متذاع على الراديو و التلفزيون و التأخير عن الشغل بيبقى متوقع و ما حدش بيلومك عليه

بالنسبة لاقتناء سيارة خاصة سعر السيارات أرخص من مثيلاتهم في مصر مثلا ... انما المصاريف الدورية كتير ... صيانة و تأمين و مصاريف ركن خصوصا في وسط البلد إلخ .... أغلب الوقت مش حتحتاج العربية غير في الويك اند علشان التسوق .... أنا قضيت أول كام شهر من غير سواقة خالص و كانت ماشية بعد كده سنة و شوية بأجر عربية في الويك اند اللي محتاج فيه عربية و دمتم

على ذكر التسوق تورنتو من أكبر المراكز الاقتصادية في العالم و كمان مليانة أسواق متعددة و منها كتير ليها طبيعى اثنية ... يعني ممكن قوي تلاقي مطعم تركي جنبه معرض سجاد ايراني جنبه بقال طلياني جنبه عطار صيني و هكذا .... مراكز التسوق العملاقة موجودة بكثرة طبعا و فيه منها كتير مصمم برضه انك ما تخرجش للشارع من محطة المترو

مصاريف الأكل و اللبس و ما شابه لا تقارن بمصاريف السكن ... لو قلنا انك حتصرف نصف مرتبك على السكن و النص على الباقي يبقى الدنيا أخر رحرحة .... مثلا حتأجر شقة ب-١٥٠٠ دولار و تصرف أنت و مراتك ١٥٠٠ كمان يبقى أنت كده عايش كويس أوي .... كل طفل طبعا بييجي بمصاريفه الأضافية .... مستريح ٥٠٠ دولار لكل طفل أكتر أو أقل حسب التساهيل ... مرتب نايب التخدير في سنة أولي نيابة ٤٥ ألف دولار في ألسنة .... غير التسهيلات و الخصومات اللي بياخدها تبع الجامعة و اتحاد النواب و ما يوازي نقابة الأطباء (CMA)

طبعا المصاريف ديه تقربية و مش ملزمة و الناس بتختلف في طريقة صرفها انما أكيد الأطباء من أعلي الدخول في كندا و مرتب نايب حتي كافي كبداية

محلات الجزارة و البقالة و مطاعم الأكل الحلال موجودة .... عادة بتنقسم لقسمين ... محلات مملوكة لعرب أو لغير عرب ... باكستان و هنود و افغان الخ .....الحاجات الرفيعة اللي ساعات بتفرق مع الواحد موجودة برضه ...أنا حكاية الجبنة الرومي ديه كانت عاملة لي أزمة لحد ما لقيتها ....

أكبر منطقتين فيهم نسبة عرب هما ميسيسوجا و سكاربورو ... طبيعى قوي تلاقي يفط المحلات مكتوبة بالعربي و الناس اللي فيها ما بيتكلموش غير عربي

و للحديث بقية

دكتوري العزيز الف شكر على هذة المداخلة المهمة جدا عن الحياة في تورونتو. لكن حضرتك مش شايف ان 1500 دولار كتير على شقة اوضة وصالة. الحقيقة انا مش عايش في تورونتو. لكن بخطط اني استقر انشاء الله فيها. والحقيقة شقة اوضة وصالة في عمارة محترمة فيها كل الامكانيات وشاملة الكهرباء والمياة وفي حمام سباحة كمان في المبنى سهل اوي انك تلاقيها ب 1000 دولا؟

ثانيا: كل حضرتك بتقول كل مابعدت هن وسط تورونتو كل ماكان الاسعار اقل, طب اقل بقد اية؟ واية هي الضواحي دية؟ هل سكاربرو وميسيساجا ضواحي؟

[ايهاب سالم]

نيجي لمصاريف المعيشة في تورنتو .... طبعا تورنتو هي أغلي مدينة في كندا في كل الأحصائيات في كل المجالات فاي حتة تانية المصاريف حتبقى أقل ... بس ساعات و في وظائف معينة الدخل كمان بيبقى أقل

أكبر جزء في المصاريف هو السكن سواء ايجار أو رهن أو قسط .... طبعا يفضل الأول الأيجار لحد ما الأمور توضح ... أنا عن نفسي مأجر من يوليو ٢٠٠٥ الحقيقة لو رجع بي الزمن كنت يمكن أخد قرار مختلف انما ظروفي إن كل سنة بابقي أملي اني اجتاز أمتحان و أخش السيستم لكن ما كانش فيه توفيق

زميل لي من جامعة القاهرة ... مدرس بالجامعة برضه بس أصغر مني بسنة هاجر من مصر بقاله سنة و نصف ... ده بقى قرر إنه يقتني بيت بنظام الرهن العقاري بعد ٦ شهور من وصوله و فعلا عمل كده

الفكرة إن الأيجار فلوس رايحة لكن الاقتناء كل مليم ....قصدي سنت بتدفعه بيقعد في تمن البيت ...

نرجع لمرجوعنا ايجار شقة في وسط تورنتو حجرة نوم واحدة و رسبشن ممكن يكون في متوسط ١٥٠٠ دولار في الشهر ... تطلع أو تنزل حسب المكان و امكانيات العمارة و موقعها من الخدمات .... مترو ..مراكز تسوق ...إلخ .... كل ما بعدت عن وسط البلد الرقم ده في الأغلب الأعم بينزل

الحجرة الأضافية ممكن تزود الأيجار ٣٠٠ ٤٠٠ دولار .... أغلب الناس الجديدة اللي عندها أطفال بتفضل تبعد شوية عن وسط البلد لكذا سبب

أولا الأيجار أقل .... بتمن ايجار شقة في وسط تورونتو ممكن تأجر شقة أكبر أو حتي بيت

ثانيا الضواحي أفضل لتربية الأطفال .... المدارس أحسن و نوعية الناس اللي ساكنة أحسن و المناظر المؤذية اللي ممكن تبقى في الشارع أقل كتير

طبعا تبرز مشكلة المواصلات لذلك يفضل لو حتسكن بعيد عن وسط البلد تبقى قريب على قد ما تقدر من محطة مترو ... و ده موجود بكثرة الحقيقة و فيه عمارات كتير متوصلة بانفاق تحت الأرض توصلك لمحطة المترو مباشرة من غير ما تطلع للشارع ( في الشتا ديه ميزة كبيرة )

ما دام جينا للمواصلات نجيب بقية تفاصيلها ... زاي ما قلت قبل كده مقارنة بمدن تانية كتير زاي باريس مثلا مواصلات تورنتو محتاجة تطوير ... انما هي مش بطالة ... فيه شبكة مترو و اوتوبيس و ترام (street car) و اسعارها معقولة جدا و مواعيدها مظبوطة ..... يوم ما بيحصل مشكلة بسبب الجو أو أي عطل أو اضراب أو أي سبب الموضوع بيبقى متذاع على الراديو و التلفزيون و التأخير عن الشغل بيبقى متوقع و ما حدش بيلومك عليه

بالنسبة لاقتناء سيارة خاصة سعر السيارات أرخص من مثيلاتهم في مصر مثلا ... انما المصاريف الدورية كتير ... صيانة و تأمين و مصاريف ركن خصوصا في وسط البلد إلخ .... أغلب الوقت مش حتحتاج العربية غير في الويك اند علشان التسوق .... أنا قضيت أول كام شهر من غير سواقة خالص و كانت ماشية بعد كده سنة و شوية بأجر عربية في الويك اند اللي محتاج فيه عربية و دمتم

على ذكر التسوق تورنتو من أكبر المراكز الاقتصادية في العالم و كمان مليانة أسواق متعددة و منها كتير ليها طبيعى اثنية ... يعني ممكن قوي تلاقي مطعم تركي جنبه معرض سجاد ايراني جنبه بقال طلياني جنبه عطار صيني و هكذا .... مراكز التسوق العملاقة موجودة بكثرة طبعا و فيه منها كتير مصمم برضه انك ما تخرجش للشارع من محطة المترو

مصاريف الأكل و اللبس و ما شابه لا تقارن بمصاريف السكن ... لو قلنا انك حتصرف نصف مرتبك على السكن و النص على الباقي يبقى الدنيا أخر رحرحة .... مثلا حتأجر شقة ب-١٥٠٠ دولار و تصرف أنت و مراتك ١٥٠٠ كمان يبقى أنت كده عايش كويس أوي .... كل طفل طبعا بييجي بمصاريفه الأضافية .... مستريح ٥٠٠ دولار لكل طفل أكتر أو أقل حسب التساهيل ... مرتب نايب التخدير في سنة أولي نيابة ٤٥ ألف دولار في ألسنة .... غير التسهيلات و الخصومات اللي بياخدها تبع الجامعة و اتحاد النواب و ما يوازي نقابة الأطباء (CMA)

طبعا المصاريف ديه تقربية و مش ملزمة و الناس بتختلف في طريقة صرفها انما أكيد الأطباء من أعلي الدخول في كندا و مرتب نايب حتي كافي كبداية

محلات الجزارة و البقالة و مطاعم الأكل الحلال موجودة .... عادة بتنقسم لقسمين ... محلات مملوكة لعرب أو لغير عرب ... باكستان و هنود و افغان الخ .....الحاجات الرفيعة اللي ساعات بتفرق مع الواحد موجودة برضه ...أنا حكاية الجبنة الرومي ديه كانت عاملة لي أزمة لحد ما لقيتها ....

أكبر منطقتين فيهم نسبة عرب هما ميسيسوجا و سكاربورو ... طبيعى قوي تلاقي يفط المحلات مكتوبة بالعربي و الناس اللي فيها ما بيتكلموش غير عربي

و للحديث بقية

بصفتي مقيم في تورونتو مثل الفاضل د / هشام

أحب أبصم على صحة كل حرف في هذه المشاركه

بس كده مش هتسيبلي حاجه أحكيها في قهوتي

[newcomer]

مع كل إحتراماتي لك لكن لم تكن في مداخلتي أي تلسين أو إستهتار بل مع هذا فسختها حتي لم تترك سآلي أو معايدتي لأخواني ,أنا أرا أنه ظلم , يقول الرسول صلي الله عليه وسلم(انصراخاك ظالما او مظلوما قالوا يارسول ننصره مظلوما فكيف ننصره ظالما قال ان ترده عن ظلمه),أرجو أن لا تراه تطاول تعلمت هنا أن تقول رأيك وتأخذ حقك بكل لياقه .

العزيزة ام ريهام...

احنا بنقول فى مصر " ماتخديش على خاطرك" ...... اكيد انتى مش مقصودة ......

و يا ستى .... كل سنة و حضرتك و ريهام و اخوات ريهام و ابو ريهام و كل معارف ريهام بالف خير و صحة و سعادة .....

تم تعديل 3 ديسمبر 2008 بواسطة newcomer

[ايهاب سالم]

كل حضرتك بتقول كل مابعدت هن وسط تورونتو كل ماكان الاسعار اقل, طب اقل بقد اية؟ واية هي الضواحي دية؟ هل سكاربرو وميسيساجا ضواحي؟

سكاربرو حي في مدينة تورنتو

إنما مسيساجا مدينه أخرى ملاصقه لها

و كلاهما ضواحي

سكاربرو سمعتها وحشه جدا و فيها مشاكل مخدرات و جريمه و مدارسها سيئه

مسيساجا مناسبه جدا للعائلات و ممتازه للعرب و المسلمين

يمكنك الإطلاع بنفسك على طبيعة الإيجارات هنا

Toronto Area

Mississauga

Scarborough

متنساش تبوس لي قطر

وتضرب واحد فول بالحمص الناعم من مطعم بيروت و سندوتش كبده من عش البلبل

[Queen]

السلام عليكم،

اهني حضرتك دكتور هشام على موضوعك الممتاز و على المعلومات المفيدة ، جزاك الله كل خير و يسرلك امرك و ان شاء تدخل السيستم عم قريب و ربنا يوفقك.

ممكن اسأل حضرتك سؤالين، هل ماجستير في الصحة العامة من جامعة امريكية محترمة (دفعة 2000) ممكن يكون في فرصة للعمل ام يحتاج الى ريفريشمنت كورسس و لا ايه؟ اعني هل ماجستير من امريكا معترف بيه؟ و هل فرص الصحة العامة جيدة في كندا. اعرف ان هناك مواقع للوظائف و لك أكيد لحضرتك رأيي بما انك على ارض الواقع.

تاني سؤال هل الجبنة الرومي في lawrence ave لان موضوع الجبنة الرومي ده مهم جدا بالنسبة لي.

[د هشام ابراهيم]

عدنا :)

توضيح بسيط ... ما حدث كان خروج عن قواعد الحديث و اداب اللياقة و ما قامت به الأدارة أشبه باستئصال ورم من جسد مريض .... ضروري جدا للمنفعة العامة بالرغم من اضراره الجانبية و أحسب انها بسيطة ..... ادعوكم جميعا لمواصلة الحوار و النقاش و لا مانع من الاختلاف على الأطلاق و لكن لا و ألف لا للخلاف و المشاحنة ..... أواصل الآن الرد على الاسئلة

[qenawy]

كبير يا دكتور هشام

انا توقعت تسامحك

سؤالي الاناني هو ايه اخبار تخصص الجلدية عندكم ونياباتها وشكرا

[د هشام ابراهيم]

جميل يا دكتور هشام وضحتلنا امور كتير؟ بس يعنى اية كل طفل بييجى بمصاريفة 500 دولا ؟ تقصد كل طفل بيصرف 500 دولا بالشهر ولا بياحد معونة 500 دولا

أختي الفاضلة ... قصدت مصاريف الطفل ... أكل و شرب و ملبس و خلافه .... طبعا الرقم تقديري تقريبي و كمثال فقط .... لو عايزة تصرفي أكتر لا مانع طبعا :)

[د هشام ابراهيم]

الف شكر لك يا د / هشام على المعلومات القيمه

والمفيده التي تمدنا بها و جعلها الله في ميزان حسناتك

يوم لا ينفع مال و لا بنون الا من أتى الله بقلب سليم

وكل سنه وانت والاسره بألف خير و سلام :)

كل سنة و حضرتك و كل المصريين بالف خير و صحة و ربنا يوفق الجميع لما يحب و يرضي

[د هشام ابراهيم]

لماذا لا يجرب أحدنا أن يكظم غيظه احتسابا لله....و الله سبحانه و تعالى يقول "و الكاظمين الغيظ"

لماذا لا يعفو أحدنا عن الأخر........." و العافين عن الناس"

لماذا لا نترك الجدال و قد قال الرسول صلى الله عليه وسلم "أنا زعيم ببيت فى الجنة لمن ترك الجدال و هو محق"

ثم كانت نتيجة المهاترات أن فقدنا تجربة ثرية كان يرويها أخ فاضل....

جزاك الله خيرا يا أخي الفاضل على التذكرة و باذن الرحمن ساواصل كتابة هذا الموضوع ما أستطعت ...و الله من وراء القصد