قصتي مع كندا

[حسام يوسف]

بعيد عن الجد شوية يا بروف

أعتقد يا بروف

جايلكم كندا

وتحديدا تورنتو مشكلة جديدة ومهمة

جاية من الشرق الأوسط

ومن مصر تحديدا

اسمها

ابراهيم سعيد

اللى هينضم لنادي تورنتو الكندي اللى بيلعب فى دورى الولايات المتحدة الأمريكية

وطبعا صبغات الشعر هتنقص في السوق

ومشاكل مع كل واحد فى اشارات تورنتو وأهو بضاعتكم الاهلاوية ردت اليكم يا بروف

ودي لينك الخبر

http://www.yallakora.com/arabic/yk_news/de...d=1&region=

[dcfarouk]

http://www.islamway.com/?iw_s=Article&...article_id=1107

السلام عليكم

مذكرات طبيب مسلم في غزة

شريط بجد جميل جدا يحكي حكايه ضرب غزه

[د هشام ابراهيم]

موجود ياباشا ومتابع وبكل اهتمام والله

وياريت المزيد عشان نعرف الانسان فى كندا بيفكر ازاى وايه اللى شاغل تفكيره

غالي و الطلب رخيص يا دكتور

أنا كنت حاولت انقل نبض الشارع الكندي (وش مني الشاذلي في العاشرة مساء ) في موضوع الوقائع الكندية بس أنا فعلا مقصر فيه جدا

انما أحاول أتكلم هنا بصورة عامة ...... فيه جزء معين شاغل حضرتك أو قالقك ؟

[حسام يوسف]

بصراحة اللى قلقان منه قتل بحثا يا بروف على صفحات المنتدي

لكن لو أسمع رأيك

يبقي أكون ممنون لسعادتك(وش ممثلي جيل يوسف بيك وهبي)

الحاجة الاولى

حاسس ان البطالة وعدم وجود فرص عمل هية الوضع المسيطر فى كندا

لحد ما خلاص

بقت كنداعندي مرادف للشوماج

الحاجة التانية قلقاني شوية برضة هية الواحد يعرف يربي ولاده فى مجتمع غربي بشكل يرضي عنه قدام نفسي وربنا

لو الموضوعين حضرتك زهقت منهم ويبقي عندك حق على فكرة

يبقي المشاركة بتاعتي باس بلغة الاستيميشن

أو جلا بلغة الدومينو

خالص التحيات من اسوان الحر والسيول

[د هشام ابراهيم]

السلام عليكم و رحمة الله و بركاته

هو أنا ما كنتش قلتلكم قبل كدة ولا ايه؟؟؟؟

أنا جراح أوعية دموية و معاى ماستر من 2006 , حتى كان المحكم الخارجى بتاعى الأستاذ الدكتولا خالد الهنداوى بتاع جراحة الأوعية اللى عى طب عين شمس , دا حتى عيادته كانت فى شارع عبد الخالق شروت المتفرع من شارع رمسيس أما سفارة سويسرا ( حبيبة قلبى ) و معاى كماااااااااااان الجزئين الأول و التانى من الزمالة البريطانية و ناوى آخد نفس كبيبييييييير عشان أغطس و أذاكر الجزء التالت .

أنا داخل فى مارس الجاى ان شاء الله . ادعولى, مع أن أنا مش عارف الزمالة البريطانيى هتفيدنى فى كندا ولا لأ ؟؟؟؟

ألا ايبه أخبار جراحى VASCULAR SURGERY عندكم فى كندا؟؟؟؟؟؟

طبعا من تاسع المستحيلات أن الواحد يلاقى سبوبة فى جراحة الأوعية الدموية لما ييجى :lol:

اذا كان بتوع الجراحة العامة مش لاقيين , أنا اللى هلاقى !!!!!!!!!!!!

هى فى نيابة جراحة أوعية دموية من الأول و لا لازم تكون نيابة جراحة عامة و بعد ما أخلصها أبدأ جراحة الأوعية ؟؟؟؟؟

هو سؤال رذل شوية بس معلش , استحملنى , ما أنت يا باشا :lol: ياما استحملت

يالله , أهو الواحد يكون مجهز نفسه نفسيا قبل ما ييجى , عشان مايتخضش, مع أن أنا و الله عندى استعداد لما ربنا يكرمنى و آخد المعادلة , لو ممكن يعنى ،و المعجزة حصلت و لقيت أمامى نيابة , أن أنا أشتغل الكام سنة بتوع النيابة بربع الراتب أو من غير راتب خالص و أهو كام سنة و يعدوا بالطول ولا بالعرض , بس مش عارف ينفع ولا لأ.

MERCEDES S430

AMG باشا ...... أنا صراحة كنت عارف إن حضرتك طبيب بس ما خدتش بالي من حكاية الجراحة ديه غير لما سعادتك علقت علي قصة ال-ICU ديه ....جراح جراح يعني :D

بالتوفيق إن شاء الله يا دوك في الامتحان و باذن الله ناجح

متهيألي د خالد هنداوي عندنا في القصر العيني ...كان في وحدة د أمير ناصف لما كنت نائب ...مش عارف صراحة مين رؤساء الوحدات دلوقتي

لو ربنا أراد نيابة الجراحة بتبقى عامة الاول و بعدين التخصص ..سواء أوعية أو غيره .....الزمالة أكيد بتقصر الوقت للمعادلة و ممكن جدا ما يطلبوش منك قضاء سنوات النيابة كاملة ...بس صراحة ما عنديش تفاصيل دقيقة

نيابات الجراحة أكيد مش بكترة نيابات التخدير انما موجودة و ربنا الموفق يا باشا

[جبار سينج]

منور يا دكتور هشام

ربنا يكرمك بالصحه والعافيه

[د هشام ابراهيم]

بعيد عن الجد شوية يا بروف

أعتقد يا بروف

جايلكم كندا

وتحديدا تورنتو مشكلة جديدة ومهمة

جاية من الشرق الأوسط

ومن مصر تحديدا

اسمها

ابراهيم سعيد

اللى هينضم لنادي تورنتو الكندي اللى بيلعب فى دورى الولايات المتحدة الأمريكية

وطبعا صبغات الشعر هتنقص في السوق

ومشاكل مع كل واحد فى اشارات تورنتو وأهو بضاعتكم الاهلاوية ردت اليكم يا بروف

ودي لينك الخبر

http://www.yallakora.com/arabic/yk_news/de...d=1&region=

يا نهار مش فايت .....هي ناقصة ابراهيم أفندي

بس يا دكتور هو مش بضاعة الاهلي ....الأهلي طرده شر طردة و واضح إنه كان عنده حق ...و بعدين مش الزمالك أشتراه برضه و لا إيه

هو تورنتو إف سي ....فريقي المفضل في تورنتو ....محتاج دعم بالذات لخط الوسط و محتاج راس حربة كمان و صراحة كان نفسي في لاعب مصري ييجي هنا بس أكيد مش ابراهيم سعيد ......الشخص ده أنا ما باطيقهوش .....حتي و هو بيلعب في الاهلي و انبسطت جدا لما مشي .....نفسي أقولهم بلاش من الصفقة الفاشلة ديه لولا الملامة .....

[د هشام ابراهيم]

http://www.islamway.com/?iw_s=Article&...article_id=1107

السلام عليكم

مذكرات طبيب مسلم في غزة

شريط بجد جميل جدا يحكي حكايه ضرب غزه

الرابط لقصة عن واحد أسمه مازن طالب ثانوي فاشل

و بعدين يا دكتور علشان أفضالك علينا يعني حنجيب من الشرق و الغرب لموضوع عن كندا

مش قادر أقولك لأ ...خيرك سابق بس خلينا في كندا يا دوك الله يكرمك

[ehabtaher]

ممكن ترشحلهم جدو من الاسكندريه (اجدع ناس)

[د هشام ابراهيم]

بصراحة اللى قلقان منه قتل بحثا يا بروف على صفحات المنتدي

لكن لو أسمع رأيك

يبقي أكون ممنون لسعادتك(وش ممثلي جيل يوسف بيك وهبي)

الحاجة الاولى

حاسس ان البطالة وعدم وجود فرص عمل هية الوضع المسيطر فى كندا

لحد ما خلاص

بقت كنداعندي مرادف للشوماج

الحاجة التانية قلقاني شوية برضة هية الواحد يعرف يربي ولاده فى مجتمع غربي بشكل يرضي عنه قدام نفسي وربنا

لو الموضوعين حضرتك زهقت منهم ويبقي عندك حق على فكرة

يبقي المشاركة بتاعتي باس بلغة الاستيميشن

أو جلا بلغة الدومينو

خالص التحيات من اسوان الحر والسيول

مش حاقدر ما أردش بس مش حارد بالتفصيل ...المختصر المفيد يعني

فرص العمل : الازمة الاقتصادية مأثرة علي كندا ما فيش كلام و فرص العمل الجديدة أقل من ما كانت سنتين فاتوا مثلا ...انما الوضع مش أسود قوي كده ....فيه فرص عمل و فيه تغييرات علي قبول المهاجرين في المجال الطبي ......الطريق صعب و طويل لكن مش مستحيل و مئات القصص تشهد علي كده .......

فيه نسبة مخاطرة لا بأس بها ...... فيه سنين من الكفاح و التعب قد تطول أو تقصر لحد ما توصل لحاجة ........ فيه أيام حتعدي علي الواحد يسأل فيها نفسه إيه اللي أنا عملته في نفسي ده ....... الكليشيه المحفوظ .....إنت سبت مكانك و جيت هنا ليه ..... دوافع الهجرة لو كانت قوية حتصبرك

الاسرة : الموضوع في ايدك بصورة كبيرة .....تقدر تبذل مجهود مضاعف علشان خاطر ولادك في التربية حتلاقي نتيجة و نتيجة مرضية جدا كمان .....ما الشباب موجود حوالينا أهو و شايفينه و عارفينه ....فيه اللي فقد سواء تطرف أو تسيب و فيه اللي زي الفل و يخلي الواحد سعيد و منبهر .....الرك أساسا علي الابوين .....زيها زي أي مكان تاني يا دوك .....

الصراحة مافيش اجابات قاطعة للموضوعين يا دكتورنا و القلق طبيعي جدا طبعا ...بالعكس مطلوب كدافع قوي علي بذل الجهد

تحياتي من تورنتو المشمسة

[د هشام ابراهيم]

منور يا دكتور هشام

ربنا يكرمك بالصحه والعافيه

يا أفندم ده نورك .....ألف شكر علي الدعاء يا باشا و لك بالمثل يا رب

[د هشام ابراهيم]

ممكن ترشحلهم جدو من الاسكندريه (اجدع ناس)

يا ريت يا دكتور ......أنا كان نفسي في أحمد حسن و عمرو زكي .....

بس يا باشا أنا كل علاقتي بيهم اني باتفرج عليهم في التليفزيون يعني كلامي مش حايفرق معاهم ببصلة

[حسام يوسف]

وايه موضوع مظاهرة يوم الأحد ده يا بروف اللى عن تأجيل البرلمان؟

[د هشام ابراهيم]

وايه موضوع مظاهرة يوم الأحد ده يا بروف اللى عن تأجيل البرلمان؟

ده عمك هاربر يا سيدي عايز يأجل البرلمان لحد مارس ...... في أقوال علشان يعدي ألعاب فانكوفر الشتوية من غير مشاكل و أقوال تانية علشان يدي للاعضاء فرصة لدراسة الملف الأقتصادي و أقوال تالتة علشان يتفادي تساؤلات المعارضة حول مصير الكنديين المعتقلين في أفغانستان

الرأي العام و المعارضة ضد قرار هاربر و الكل متوقع مواجهة جديدة

[Mercedes]

وايه موضوع مظاهرة يوم الأحد ده يا بروف اللى عن تأجيل البرلمان؟

ده عمك هاربر يا سيدي عايز يأجل البرلمان لحد مارس ...... في أقوال علشان يعدي ألعاب فانكوفر الشتوية من غير مشاكل و أقوال تانية علشان يدي للاعضاء فرصة لدراسة الملف الأقتصادي و أقوال تالتة علشان يتفادي تساؤلات المعارضة حول مصير الكنديين المعتقلين في أفغانستان

الرأي العام و المعارضة ضد قرار هاربر و الكل متوقع مواجهة جديدة

السلام عليكم و رحمة الله و بركاته :yahoo:

و الله بقى هم حريين مع بعض , يعملوا فى هاربر اللى هم عاوزينه, المهم هاربر ده -أيا كان منصبه يعنى , ان شالله يكون وكيل نيابة؟؟- مايجيش ناحية قوانين الهجرة , الواحد ما صدق أنه فهم القانون الجديد و خلاص جالى الميدكال, اوعى ييجى بسلامته يغيرلنا حاجة تانية كده و لا حاجة ,أنا بتكلم بالدوق لأنى لسه هنا فى مصر لكن لما آجى هيكون فى كلام تانى , مش لعب عيال هو !!!!!!!!!!!!!!,احنا هنهرج !!!!! . wst:: :lol:

MERCEDES S430 :blink:

[المعلم عتريس]

خلاص يا عم الحاج قلبك ابيض :yahoo:

[Mercedes]

السلام عليكم و رحمة الله و بركاته :yahoo:

شوفتم بقى يا جماعة

كلمة من هنا و كلمتين من هناك , الموضوع بتاع ( قصتى مع كندا ) رجع للصفحة الأولى تااااااااااااااااااااااانى .

الدنيا هنا فى المنتدى سهلة خااااااااااااااااااالص wst:: .

MERCEDES S430 :blink:

[resalah]

السلام عليكم ورحمة الله

فينك يا دكتور هشام أرجو أن تكون كل أموركم بخير ؟

[جبار سينج]

السلام عليكم ورحمه الله وبركاته

اين ان يا دكتور هشام طمنا عليك

بعد اذنك يا دكتورنا الغالى حبيت اسالك شويه اسئله بما انى تايه هنا فى المنتدى ومحدش معبرنى

السؤال هو وركز معايا اوى

انا خريج علوم ميكروبيولجى ووظيفتى مش موجودة فى اللسته الفدرالى

فانا فكرت كذا حل ومش عارف صح ولا غلط وعايز النصيحه منك

1- طبعا حضرتك عارف انهم طالبيين فى لسته الوظائف Plumbers و welders فدى طبعا

موضوع الخبرة منها سهله اجيبها من اى شركه وكمان مضمونه خبرة مثلا ثلاث سنوات

بس المشكله الفدرالى المهنه لازم نفس الدراسه بس الدكتور قناوى ال عادى لان المهنه غير الوظيفه

وكمان مفيش كليه بتخرج المهن دى

فايه رايك

2- الاقتراح الثانى لو انى مثلا قدمت على دراسه سنه مثلا Graphic او welders او Plumbers هل ينفع

ولو حضرتك عارف ممكن تعرف بكام وفى اى مقاطعه وكدة

3- لو كل الكلام دة غلط طيب ما اقتراحك واوعى تقلى كمل وكدة علشان انا اصلا نفسى اغير Interests

اولا المهن دى مربحه جدا وثانيا انا عايز ابتدى من الاول خالص فى مجال مختلف نهائى

وشكرا لك

ودمت بود

[د هشام ابراهيم]

العزيز الفاضل دكتور AMG باشا

الفاضل المعلم عتريس باشا

الفاضلة رسالة باشا

فيكم الخير جميعا ...أنا موجود و كل حاجة الحمد لله كويسة ...... و تحت أمركم لو فيه أي تساؤل أقدر أرض عليه

العزيز الفاضل جبار سينج باشا

من قال الله أعلم فقد أفتي ...... صدقا يا أخي أنا مع أعرفش حاجة خالص عن اللستة المشار إليها و لا عن تفاصيل متطلبات العمل و الدراسة خارج مجال الطب ...التخدير تحديدا

فيه موضوعين في المنتدي ....موضوع الفاضل العزيز د قناوي و موضوع الفاضل صعيدي من مونتريال لو حد عنده رد يبقي هناك

ربنا معاك