قصتي مع كندا

[د هشام ابراهيم]

الموضوع اللي شاغل تفكيري بقاله مدة العلاقة بين الشرق و الغرب

هل الحق و الخير و الجمال و الفضيلة حكر علي الشرق ؟

هل الارهاب و الظلم و الفساد السياسي حكر علي الشرق ؟

هل الغرب مصدر كل الشرور و الأثام ؟

هل الغرب كله انحلال أخلاقي و فساد و برود في المشاعر الأسرية مقابل الدفء و الترابط الأسري اللي بيرفل فيه الشرق ؟

إيه رأيكم ؟ ....اسئلة بديهيية مش محتاجة نقاش ؟ .....لو محتاجة نقاش نكمل في الموضوع ده و لا نفتح موضوع تاني و لا الموضوع مش مستاهل أصلا ؟

ف انتظار الردود ......طبعا لو مفيش ردود يبقى طبيعي جدا أنسي يا عم الدكتور و نشوف حاجة تانية نتكلم فيها

[ramyfathalla]

موضوع فعلا محتاج نقاش

بس أنا لى رأى ألا و هو

الحب الخير الشر الحقد الارهاب الديموقراطية السلطة الديكتاتورية حب المال و غيره.....

كل القيم دى موجودة عند كل البشر لسبب واحد كلنا من بنى أدم يعنى كلنا أخوان من أب واحد و أم واحدة

المشكلة يا د/ هشام ان الناس اللى فى الغرب استطاعوا أن يتغلبوا على مشاكلهم اللى هى الحقد و الكراهية و غيره و طبعا بما اننا لسنا فى الجنة فلازم يكون فيه شوية شر اللى هم الفساد الاخلاقى و التفكك الأسرى اللى الحمد لله مش موجود عندنا و اللى هو أيضا الميزة الوحيدة عندنا و لو ان فيه بعض من الظواهر تشير الى عقوق الوالدين قد بدأت فى بلادنا منذ أكثر من عقد من الزمن هناك مشاكل كثيرة فى المحاكم بين الأباء و الأبناء و الأخوة بعضهم البعض و هذا يبدو غريبا علينا

السؤال هو لماذا لا نستطيع التغلب على هذه المشاكل فى بلادنا بل بتزداد سوءا ليه مش عارفين نحب بعض أو نغفر أخطاءنا لبعض أو نساعد بعض ؟

تم تعديل 24 يناير 2010 بواسطة ramyfathalla

[حسام يوسف]

الموضوع اللي شاغل تفكيري بقاله مدة العلاقة بين الشرق و الغرب

هل الحق و الخير و الجمال و الفضيلة حكر علي الشرق ؟

هل الارهاب و الظلم و الفساد السياسي حكر علي الشرق ؟

هل الغرب مصدر كل الشرور و الأثام ؟

هل الغرب كله انحلال أخلاقي و فساد و برود في المشاعر الأسرية مقابل الدفء و الترابط الأسري اللي بيرفل فيه الشرق ؟

إيه رأيكم ؟ ....اسئلة بديهيية مش محتاجة نقاش ؟ .....لو محتاجة نقاش نكمل في الموضوع ده و لا نفتح موضوع تاني و لا الموضوع مش مستاهل أصلا ؟

ف انتظار الردود ......طبعا لو مفيش ردود يبقى طبيعي جدا أنسي يا عم الدكتور و نشوف حاجة تانية نتكلم فيها

بعض المتعصبين ع الجانبين هيحتكروا الخير

واللى يخالفهم يبقي الشر

الفكر اليميني هوة اللى سايد يا دكتور فى كل حتة دلوقتى

تحياتى على مناقشة فكرة مهمة جدا خصوصا لمحتكرى الحقيقة المطلقة

[LORIL]

بسم الله الرحمن الرحيم

انا اسمي ابراهيم محمد عضو جديد محاسب في المنتدي مقدم كيبيك والحمد الله نجحت في مقابله الكيبيك يوم 1/11/2009 وحصلت علي CSQ و قدمت فيدرال يوم 12/11/2009 و ملفي in process من يوم 16/11/2009 و الوقتي منتظر الكشف الطبي طبعا انا عارف انه لسة شوية وقت علي لما ميعا الديكال يوصل , انا عايز الاخوة اعضاء المنتدي ميبخلوش علي باي نصيحه هحتجه منهم في المستقبل

الله معاكم

[Mercedes]

الموضوع اللي شاغل تفكيري بقاله مدة العلاقة بين الشرق و الغرب

هل الحق و الخير و الجمال و الفضيلة حكر علي الشرق ؟

هل الارهاب و الظلم و الفساد السياسي حكر علي الشرق ؟

هل الغرب مصدر كل الشرور و الأثام ؟

هل الغرب كله انحلال أخلاقي و فساد و برود في المشاعر الأسرية مقابل الدفء و الترابط الأسري اللي بيرفل فيه الشرق ؟

إيه رأيكم ؟ ....اسئلة بديهيية مش محتاجة نقاش ؟ .....لو محتاجة نقاش نكمل في الموضوع ده و لا نفتح موضوع تاني و لا الموضوع مش مستاهل أصلا ؟

ف انتظار الردود ......طبعا لو مفيش ردود يبقى طبيعي جدا أنسي يا عم الدكتور و نشوف حاجة تانية نتكلم فيها

السلام عليكم و رحمة الله و بركاته

أوباااااااااااااااااااااا mfb: :lol:

بدأنا أهه بقى ................... بدأنا

طاب ليه ؟؟؟

ما كنا ماشيييين كويس

بدأنا فى المواضيع الصعبة و المكلكعة و بتاع الناس اللى بتقرى كتب كتييييييير بقى و كده يعنى .

ماشى يا دكتور هشام باشا

والله لولا أنك غالى علينا !!!!!!! :lol:

المهم , ياريت حضرتك و أى من السادة الأفاضل اللى هيتفضلوا و يكتبوا رأيهم فى الموضوع الصعب ده , أنهم يراعوا مستويات الناس اللى زينا و يكون أسلوب الكتابة سهل و بسيط عشان نفهمه بسرعة .

ماشىىىىىىىى؟؟؟؟ ;)

ماشىىىىىىى؟؟؟

طاب , أما نشوف

MERCEDES S430 :lol:

[المعلم عتريس]

المهم , ياريت حضرتك و أى من السادة الأفاضل اللى هيتفضلوا و يكتبوا رأيهم فى الموضوع الصعب ده , أنهم يراعوا مستويات الناس اللى زينا و يكون أسلوب الكتابة سهل و بسيط عشان نفهمه بسرعة .

ماشىىىىىىىى؟؟؟؟ md2:

ماشىىىىىىى؟؟؟ md2:

طاب , أما نشوف

MERCEDES S430 :lol:

انا ما بحبش اكلم في الكورة بس يلا بقى

انا هاقولكم وجهة نظري بكل سعة صدر ودم قراطية بعيدا عن التعصب والانحياز :rolleyes:

الشرق جدعان قوي واحسن ناس وما حدش زيهم wst::

هو كده

واللي مش عاجبه كلامي يطلعلي بره وراجل لراجل :blink: :blink: :rolleyes: md2:

وطبعا اختلاف الرأي لايفسد للود قضية :lol:

تم تعديل 24 يناير 2010 بواسطة المعلم عتريس

[د هشام ابراهيم]

موضوع فعلا محتاج نقاش

بس أنا لى رأى ألا و هو

الحب الخير الشر الحقد الارهاب الديموقراطية السلطة الديكتاتورية حب المال و غيره.....

كل القيم دى موجودة عند كل البشر لسبب واحد كلنا من بنى أدم يعنى كلنا أخوان من أب واحد و أم واحدة

المشكلة يا د/ هشام ان الناس اللى فى الغرب استطاعوا أن يتغلبوا على مشاكلهم اللى هى الحقد و الكراهية و غيره و طبعا بما اننا لسنا فى الجنة فلازم يكون فيه شوية شر اللى هم الفساد الاخلاقى و التفكك الأسرى اللى الحمد لله مش موجود عندنا و اللى هو أيضا الميزة الوحيدة عندنا و لو ان فيه بعض من الظواهر تشير الى عقوق الوالدين قد بدأت فى بلادنا منذ أكثر من عقد من الزمن هناك مشاكل كثيرة فى المحاكم بين الأباء و الأبناء و الأخوة بعضهم البعض و هذا يبدو غريبا علينا

السؤال هو لماذا لا نستطيع التغلب على هذه المشاكل فى بلادنا بل بتزداد سوءا ليه مش عارفين نحب بعض أو نغفر أخطاءنا لبعض أو نساعد بعض ؟

الله يفتح عليك يا رامي باشا

كلام صحيح و طالع من القلب .....

حكاية الفساد الأخلاقي و التفكك الأسري .....هل ديه ظاهرة غربية بحتة ؟ ....ده يمكن من أهم المحاور اللي عايز أتكلم فيها

تحياتي يا سيدي الفاضل

[goodfaith]

الموضوع اللي شاغل تفكيري بقاله مدة العلاقة بين الشرق و الغرب

هل الحق و الخير و الجمال و الفضيلة حكر علي الشرق ؟

هل الارهاب و الظلم و الفساد السياسي حكر علي الشرق ؟

هل الغرب مصدر كل الشرور و الأثام ؟

هل الغرب كله انحلال أخلاقي و فساد و برود في المشاعر الأسرية مقابل الدفء و الترابط الأسري اللي بيرفل فيه الشرق ؟

إيه رأيكم ؟ ....اسئلة بديهيية مش محتاجة نقاش ؟ .....لو محتاجة نقاش نكمل في الموضوع ده و لا نفتح موضوع تاني و لا الموضوع مش مستاهل أصلا ؟

ف انتظار الردود ......طبعا لو مفيش ردود يبقى طبيعي جدا أنسي يا عم الدكتور و نشوف حاجة تانية نتكلم فيها :rolleyes:

معلش يا دكتور اسمح لي اقتبس تساؤلات مشابهة من موضوع الاخ صعيدي كان فيه بعض التساؤلات المتشابهة عن الفروق بين الشرق والغرب وانا حسيت اني هاعيد نفس الكلام فقلت اقتبسه تاني وخلاص

الواحد عنده شوية استفسارات عن شخصية الكنديين ...

هل فعلا العلاقات الأجتماعية فى الغرب عموما تتسم بالبرودة الشديدة ؟؟ يعنى الواحد لو عاش فى وسطهم ممكن يعمل صداقات زى بتاعة مصر بالظبط ؟؟؟

ولا العلاقات بتكون رسمية جدا بين الجيران والأهل وزمايل العمل حتى بين الأصدقاء ؟؟ ببساطة هل يوجد دفئ فى العلاقات زى عندنا ؟؟

هل صحيح ان عقوق الوالدين منتشر بشكل فظيع وان الصلة بين الأبناء وآبائهم تنقطع تماما بمجرد بلوغ الأبناء ؟؟

هل صحيح الدعارة شئ عادى جدا ومن الصعب ان تجد فتاة كندية ليس لها علاقات جنسية ؟؟

كل الأسئلة دى هى استفسارات عن الأفكار الموجودة فى دماغنا كعرب عن أهل الغرب عموما ... هل أفكارنا دى صح ولا غلط ؟؟؟ وهل منتشرة ولا لأ ؟؟

طبعا أنا بسأل لأن فى النهاية فى حالة الهجرة هتكون دى هى البيئة اللى هتعيش فيها وهتربى أبنائك فيها ..

أرجو الرد

الصراحة انا هاكتب ما اعرفه واتمنى من الاخوة يضيفوا وطبعا ده رأي شخصي بحت من خلال ما رأيته

هل فعلا العلاقات الأجتماعية فى الغرب عموما تتسم بالبرودة الشديدة ؟؟

كلمة برودة شديدة مش كلمة مناسبة بس ممكن تقول عملية شديدة يعني ناس عمليين جدا عندهم مشاعر بس من وهما صغيرين بيتدربوا يسيطروا على مشاعرهم

يعني تخيلوا اني لما باخد ابني لل early years center بيعملوا مرات سيشنز عشان تربية الاطفال وكده فكان مرة الموضوعن لما الطفل يتعصب الام او المدرسة بتاعته تقوله انت دلوقت عصبي وغضبان ومحتاج تاخد بريك وكوايت تايم تو ثينك يعني يقعد لوحده في ركن لحد ما يهدى خالص وبعدين المفروض يكون فيه حوار عن اسباب الغضب وكيف يتصرف مرة تانية اا شعر بنفس المشاعر يعني توجيه للسلوك

وعندي صديقة كتبت عن الموضوع بمنتدى ثاني عن روضة ابنها وهذا اقتباس من كلامها

الدرج في الاعلي للطفل عندما يكون حزين ,تطلب المعلمه منه الصعود للأعلي ..يوجد صور لجميع اسر الاطفال كامله..يأخذ الطفل كتابه المفضل و يصعد و لما يوسع صدره و تفك عنه الغيمه يخبر المعلمه انه افضل و يود المشاركه مع الاصدقاء,اما اسفل الدرج..فهو للمخطأ او المشاغب...يوجد مخده ,واضاءه زينه خافته و كتب كل عناوينها ,لماذا زعلت ماما,ماذا افعل عندما اغضب صديق,انا احب اصدقائي,انا اسف لن اكررها..الخ تطلب المعلمه اليه ان يذهب و يهدأ و يفكر فيما فعل,وعندما يجد الاجابه يخبرها لماذا تعاقب,وكيف سيعالج الخطأ

يعني الخلاصة بيتحكموا في مشاعرهم لكنهم مش باردين ومجاملاتنا احنا العرب عندهم غير موجودة علاقاتهم تتسم بالعملية والصراحة وهو شيء مريح جدا ويزيل اي عبء نفسي في اي علاقة

يعنى الواحد لو عاش فى وسطهم ممكن يعمل صداقات زى بتاعة مصر بالظبط ؟؟؟

صداقاتهم قوية ومتينة بس زي بتاعة مصر بالظبط دي مفهمتهاش يعني تستلفوا قمصان بعض وتقسموا الساندوتشات ولا تحكوا لبعض عن مشاكلكم واللي مضايقكم ولا تخرجوا في الويك اند سوا ... يا ريت توضيح

لو عشت وسطهم علاقتك بيهم هتعتمد على ردود افعالك وتصرفاتك معاهم يعني اذا احترمت نفسك واحترمتهم ممكن تكون صداقات كويسة جدا معاهم

ولا العلاقات بتكون رسمية جدا بين الجيران والأهل وزمايل العمل حتى بين الأصدقاء ؟؟ ببساطة هل يوجد دفئ فى العلاقات زى عندنا ؟؟

هو العلاقات في مصر بين الجيران دلوقت بقت دافية؟ انا كنت ساكنة في اسكندرية ومعرفش الشقة اللي جنبنا ساكن فيها مين بيت جدتي كنا نعرف كل الجيران نفر نفر بس بيوتنا احنا لا يعني الموضوع ده في سبيله للانقراض من مصر

هنا الناس ودودة وهتلاقي مثلا عادي ان الناس تقولك هاي لو اتقابلت في مدخل العمارة مع اي جار وممكن حد يقولك مثلا الجو النهاردة رائع او اي كلام من ده والبقية تعتمد عليك انت لو اخدت واديت في الكلام هتلاقي رد وتفاعل بس بشرط تعرف حدودك ومتتدخلش في خصوصياتهم مثلا ويا سلام لو عنهم كلب وانت قلت لهم انه الكلب ده ظريف يفرحوا اوي

انا كان ابني لما بيشوف اي كلب كان ينبسط ويجري على الكلب يحاول يمسكه كنت اخاف عليه كان عمره سنة تقريبا فكان صاحب الكلب لو معندوش مانع يقولي عادي خليه يلعب معاه ويخلي باله هو من ابني والكلب لكن مرة واحدة بس صاحبة الكلب قالت لي انها لسه شارياه من اسبوعين وتخاف انه الكلب يعمل حاجة لابني لانها متضمنوش

كنت مشتركة في سابورت جروب في تورنتو لامهات بترضع طبيعي وبيعملوا اجتماع شهري يتبادلوا فيه خبراتهم وطبعا فيه ناس كبيرة وخبيرة وليدرز للجروب لما عرفوا اني مسافرة اوتاوا عملوا لي حفلة صغيرة وجابولي هدية ليا ولابني وادوني كارت واحد كلهم موقعين لي فيه وكاتبين لي كلام تشجيع ... الصراحة الموقف اثر فيا جدا وانا كنت الوحيدة العربية في الجروب ده كلهم كانوا كنديين .. طيب مش تحس ان ده دفء في العلاقات اهو

كمان اكتر من مرة اكون تعبانة والاقي حد يقولي انتي كويسة في كوفي او في محل اكون باشتري حاجة مجرد تعابير الالم على وشك وانك مش مرتاح بتخلي الناس تسال عنك عشان لو محتاج مساعدة تساعدك

يعني فيه انسانية في التعامل مفيش عشم وخواطر بس فيه رحمة

هل صحيح ان عقوق الوالدين منتشر بشكل فظيع وان الصلة بين الأبناء وآبائهم تنقطع تماما بمجرد بلوغ الأبناء ؟؟

العقوق منتشر في كل مكان بس هنا الشاب او البنت لما بيبلغوا 18 سنة الاب والام بيفضلوا ان ولادهم يستقلوا بحياتهم وبيعتبروا ان دورهم تجاهم انتهى طبعا دي القاعدة وفيه استثناءات كتير طبعا الابناء بيزوروا بيت الاهل في الاجازات والمناسبات وبتستمر العلاقة بالتليفونات بس السابورت المادي من الاهل للولاد بينقطع ونفس الشيء الابن مش ملزم يصرف على ابوه وامه لان مفيش هنا ام بتضحي وتصبر وتستحمل عشان تربي عيالها وعشان العيال متتجوزش مثلا لو الاب مات ولا فيه اب يستحمل ان ابنه يبقى فوق العشرين سنة ولسه عالة عليه فطبيعي ان العلاقات تكون مختلفة شوية

هل صحيح الدعارة شئ عادى جدا ومن الصعب ان تجد فتاة كندية ليس لها علاقات جنسية ؟؟

الصراحة كلمة دعارة دي انا باعترض عليها لان الدعارة دي مهنة ولها مقابل مادي وهنا العلاقات قبل الزواج هما معندهمش دين بيمنعها زي ديننا الاسلامي مع العلم ان اليهود والمسيحيين الملتزمين عندهم العلاقات الجنسية قبل الزواج محرمة زي عندنا بالظبط بس هنا تلاقي ناس كتير اصلا مش مؤمنة بدين او تلاقيهم ليهم اديان غريبة كده فمفيش عندهم وازع في الامور دي

اذا كانت الفتاة الكندية مسلمة او يهودية ملتزمة ممكن جدا تكون بدون علاقات جنسية وللعلم الزوجة الكندية مخلصة جدا لزوجها وبتحترم رايه وبتقدره وبتستشيره في كل امور حياتها بس طبعا هو مش بيفرض عليها اي شيء ده بغض النظر عن ماضيها قبل الزواج

هل أفكارنا دى صح ولا غلط ؟؟؟ وهل منتشرة ولا لأ ؟؟

افكار العرب عن اهل الغرب زي افكار الغرب عن اهل العرب

يعني هما فاكرين ان العرب ارهابيين وعايشين في خيم وعلى جمال وكل الارض حوالينا صحراء وان الراجل بيضرب الست وبيعذبها والخ الخ الخ

هل الحاجات دي مش موجودة عندنا كعرب ؟؟؟

يعني عندنا ارهاب بس مش كل الناس ارهابيين وعندنا خيم في بعض المناطق بس اعلى برج في العالم حاليا موجود في دبي ومش ساكنين في خيم وفعلا احنا في بيئة صحراوية بس عندنا عربيات ووسائل معيشة حديثة وحدائق واخيرا فيه رجالة كتير بتضرب ستاتها وبتعذبها بس فيه ناس كتير بتحترم الست وبتعمل بآخر وصية لرسولنا الكريم وبيستوصوا بالنساء خيرا

اذن مما سبق نستنتج ان :rolleyes:

لكل عملة وجهين وكل واحد بيشوف من ناحيته وليس من راى كمن سمع وكل حاجة موجودة في كل بلد بس بنسب متفاوتة

اتمنى يكون ردي اجاب على القليل من تساؤلاتك واتمنى من الاخوة الاضافة

[dcfarouk]

goodfaith

تحليل انساني راقي

جزاكي الله خير

وشكرا يا دكتور هشام علي فتح الموضوع

وطبعا مستنيين رد حضرتك عي الاسئله اللي طرحتها goodfaith انت مهندس ايهاب

[MoeTdot]

موضوع فعلا محتاج نقاش

بس أنا لى رأى ألا و هو

الحب الخير الشر الحقد الارهاب الديموقراطية السلطة الديكتاتورية حب المال و غيره.....

كل القيم دى موجودة عند كل البشر لسبب واحد كلنا من بنى أدم يعنى كلنا أخوان من أب واحد و أم واحدة

المشكلة يا د/ هشام ان الناس اللى فى الغرب استطاعوا أن يتغلبوا على مشاكلهم اللى هى الحقد و الكراهية و غيره و طبعا بما اننا لسنا فى الجنة فلازم يكون فيه شوية شر اللى هم الفساد الاخلاقى و التفكك الأسرى اللى الحمد لله مش موجود عندنا و اللى هو أيضا الميزة الوحيدة عندنا و لو ان فيه بعض من الظواهر تشير الى عقوق الوالدين قد بدأت فى بلادنا منذ أكثر من عقد من الزمن هناك مشاكل كثيرة فى المحاكم بين الأباء و الأبناء و الأخوة بعضهم البعض و هذا يبدو غريبا علينا

السؤال هو لماذا لا نستطيع التغلب على هذه المشاكل فى بلادنا بل بتزداد سوءا ليه مش عارفين نحب بعض أو نغفر أخطاءنا لبعض أو نساعد بعض ؟

لو القصة وجهات نضر يبقي لا موجود و القصة ابتدت تكبر و تزداد سؤ هناك في الدول العربية ..عن نفسي انا مستني اشوف رد د.هشام علي النقطة دي

[EmanRasmy]

عزيزتي good faith ردك على التساؤلات أكثر من رائع.... و أنا مقتنعه جدا بأن مفيش مكان كله أسود و مكان تاني كله أبيض.... لازم الحياه يبقى فيها كل الاختيارات .... عشان تبقى قدامنا و نختار منها الصح ... و بعد كده نتحاسب عليه... و ده من كرم ربنا و عدله ... إنه يخلي الخير و الشر مجودين في أي مكان و كل مكان ... و على الإنسان البحث عن الخير و تجنب الشر و تصحيح نفسه باستمرار ...........

[ramyfathalla]

الأخت goodfaith و الأخت EmanRasmy كلام جميل و حوار أجمل

و أنا رأيى من رأيك يا د/ ايمان الخير و الشر فى كل مكان و احنا علينا نختار و ناخد المناسب

المشكلة هى ليه احنا تغيرنا و الناس بقوا صنفين ناس مهمومة قوى و مكشرة و ناس مرفهه قوى و معوجة قوى

أنا رأيى ان البعد عن الدين هو المشكلة مثال بسيط على ذلك (الابتسامة فى وجهه أخيك صدقة )حديث عن الرسول صلى الله عليه و سلم

دلوقتى لو واحد ما تعرفوش و ماشى فى الشارع و أول ما شفته رحت مبتسم له يا ترى ايه حايكون انطباعه عنك؟

لو هو من الصنف المهموم حايقول فى سره ايه العبيط ده مبتسم و فرحان كده ليه هو فيه حاجة تبسط فى الحياه دى؟

و لو هو من الصنف التانى المعوج حايقولك هو فيه حاجة يا بنى أنت عبيط و لا ايه أنت بتضحك على يعنى بتسخر منى أنت مش عارف أنت باتكلم مين؟

و أكيد فيه عيوب فى الغرب و فى كل حته على الأرض و فى كل انسان لأن الكمال لله وحده

[EmanRasmy]

الأخت goodfaith و الأخت EmanRasmy كلام جميل و حوار أجمل

و أنا رأيى من رأيك يا د/ ايمان الخير و الشر فى كل مكان و احنا علينا نختار و ناخد المناسب

المشكلة هى ليه احنا تغيرنا و الناس بقوا صنفين ناس مهمومة قوى و مكشرة و ناس مرفهه قوى و معوجة قوى

أنا رأيى ان البعد عن الدين هو المشكلة مثال بسيط على ذلك (الابتسامة فى وجهه أخيك صدقة )حديث عن الرسول صلى الله عليه و سلم

دلوقتى لو واحد ما تعرفوش و ماشى فى الشارع و أول ما شفته رحت مبتسم له يا ترى ايه حايكون انطباعه عنك؟

لو هو من الصنف المهموم حايقول فى سره ايه العبيط ده مبتسم و فرحان كده ليه هو فيه حاجة تبسط فى الحياه دى؟

و لو هو من الصنف التانى المعوج حايقولك هو فيه حاجة يا بنى أنت عبيط و لا ايه أنت بتضحك على يعنى بتسخر منى أنت مش عارف أنت باتكلم مين؟

و أكيد فيه عيوب فى الغرب و فى كل حته على الأرض و فى كل انسان لأن الكمال لله وحده

:blink: wst:: :) :lol:

[resalah]

الأخت goodfaith و الأخت EmanRasmy كلام جميل و حوار أجمل

و أنا رأيى من رأيك يا د/ ايمان الخير و الشر فى كل مكان و احنا علينا نختار و ناخد المناسب

المشكلة هى ليه احنا تغيرنا و الناس بقوا صنفين ناس مهمومة قوى و مكشرة و ناس مرفهه قوى و معوجة قوى

أنا رأيى ان البعد عن الدين هو المشكلة مثال بسيط على ذلك (الابتسامة فى وجهه أخيك صدقة )حديث عن الرسول صلى الله عليه و سلم

دلوقتى لو واحد ما تعرفوش و ماشى فى الشارع و أول ما شفته رحت مبتسم له يا ترى ايه حايكون انطباعه عنك؟

لو هو من الصنف المهموم حايقول فى سره ايه العبيط ده مبتسم و فرحان كده ليه هو فيه حاجة تبسط فى الحياه دى؟

و لو هو من الصنف التانى المعوج حايقولك هو فيه حاجة يا بنى أنت عبيط و لا ايه أنت بتضحك على يعنى بتسخر منى أنت مش عارف أنت باتكلم مين؟

و أكيد فيه عيوب فى الغرب و فى كل حته على الأرض و فى كل انسان لأن الكمال لله وحده

فعلا الغرب له عيوبه والشرق له عيوب وده طبيعة الحياة على الأرض زى ماالإخوة تفضلوا وقالو الحياة الفاضلة الخالية من كل العيوب والمشاكل هى الجنة .

أعتقد أن المشكلة الأساسية مشكلة أخلاق وقيم ومبادىء احنا فى الشرق مهد الديانات لو تلاحظو كل الرسل من الشرق والرسل هم الى نزلوا بالرسالات الى هى بتعلم الناس الأخلاق والخير ....... يعنى تقريبا احنا مصدرين هذه الأخلاق الى احنا منبهرين بها فى الغرب والحقيقة فعلا انهم اتعلموا منا حاجات كتير جدا ابسطها النظافة ( تاريخ الأندلس ) . طيب احنا مابنتعملش بالأخلاق دى ليه كله فى أديانا ياجماعة اللى لو تمسكنا بها وهنا المشكلة الأساسية احنا نقول الدين ولا نعمل به فاكرين قصة سيدنا عمر بن الخطاب لما قال نحن قوم أعزنا الله بلإسلام فمن أراد العزة فى غيره أذله الله وفعلا ده حالنا وعلى رأى أمير الشعراء إذا ضاع الإيمان فلا أمان ولا دنيا لمن لم يحى دينه طبيعى بقه يبقى فى فساد وعقوق و ..و..

[د هشام ابراهيم]

بعض المتعصبين ع الجانبين هيحتكروا الخير

واللى يخالفهم يبقي الشر

الفكر اليميني هوة اللى سايد يا دكتور فى كل حتة دلوقتى

تحياتى على مناقشة فكرة مهمة جدا خصوصا لمحتكرى الحقيقة المطلقة

حقيقة واقعة يا دكتورنا العزيز ...العالم كله متجه نحو اليمين و أقصي اليمين كمان للاسف الشديد .....حاجة تحزن و تخوف فعلا

تحياتي يا باشا

[د هشام ابراهيم]

بسم الله الرحمن الرحيم

انا اسمي ابراهيم محمد عضو جديد محاسب في المنتدي مقدم كيبيك والحمد الله نجحت في مقابله الكيبيك يوم 1/11/2009 وحصلت علي CSQ و قدمت فيدرال يوم 12/11/2009 و ملفي in process من يوم 16/11/2009 و الوقتي منتظر الكشف الطبي طبعا انا عارف انه لسة شوية وقت علي لما ميعا الديكال يوصل , انا عايز الاخوة اعضاء المنتدي ميبخلوش علي باي نصيحه هحتجه منهم في المستقبل

الله معاكم

ربنا يوفقك يا باشا ...جولة صغيرة في مواضيع منتدي كندا حتلاقي معلومات و نصائح حوالين كل حاجة و أي حاجة ...و أهلا و سهلا بيك طبعا

[ايهاب سالم]

المشكلة يا د/ هشام ان الناس اللى فى الغرب استطاعوا أن يتغلبوا على مشاكلهم اللى هى الحقد و الكراهية و غيره و طبعا بما اننا لسنا فى الجنة فلازم يكون فيه شوية شر اللى هم الفساد الاخلاقى و التفكك الأسرى اللى الحمد لله مش موجود عندنا و اللى هو أيضا الميزة الوحيدة عندنا و لو ان فيه بعض من الظواهر تشير الى عقوق الوالدين قد بدأت فى بلادنا منذ أكثر من عقد من الزمن هناك مشاكل كثيرة فى المحاكم بين الأباء و الأبناء و الأخوة بعضهم البعض و هذا يبدو غريبا علينا

السؤال هو لماذا لا نستطيع التغلب على هذه المشاكل فى بلادنا بل بتزداد سوءا ليه مش عارفين نحب بعض أو نغفر أخطاءنا لبعض أو نساعد بعض ؟

موضوع الفساد الأخلاقي في الغرب ده مفهوم غلط لأننا بنحكم عليه بقيمنا الثقافيه و اللي هي مختلفه عنهم

على سبيل المثال هنا الست و الراجل بيعيشوا مع بعض سنين بدون زواج

وده مش مقبول أخلاقيا عندنا .. لكنه في واقع الأمر زواج مثل الزواج القديم عندما كان يتم بدون عقد

يعني عائلة الطرفين و أصدقائهم و معارفهم عارفين إنهم عايشين مع بعض بصوره دائمه و بيخلفوا و الطفل بيطلعلوا شهادة ميلاد طبيعيه منسوبه للطرفين و بيتحاسبوا ضريبيا كعائله و ليس على أساس فردي

هو ده عين الزواج و اللي كان موجود زمان قبل توثيقه

كمان هنا محدش بيعاكس حد خالص و كمان محدش بيبص لحد و يبحلقله زي عندنا

قارن ده بحوادث التحرش الجنسي اللي بنسمع عنها في الشوارع

أنا مره زوجتي كانت بتكلم واحده صاحبتها في مصر في التليفون و كانت صاحبتها مستأه إن واحد لمسها متعمدا بطريقه بايخه في زحمة الشارع و عمل نفسه مش قاصد

وطبعا غني عن الذكر إن صاحبتها محجبه (طبعا لازم أقول كده لأن الحجاب هو العلامه المائيه للإحتشام و الإحترام في ثقافتنا )

وقالت لمراتي و إنتي بيحصل عندكو أيه و الستات ماشيين عريانيين كده

زوجتي قالت لها ولا حاجه محدش بيبص على حد أصلا مش يمد إيده

أنا عايز كمان أتكلم عن إرتفاع نسبة الجريمه في مصر

أنا يوميا أشاهد البرامج المصريه على الإنترنت و يوميا هناك حوادث بشعه جدا و في داخل الأسره الواحده كمان

http://www.arabtube.tv/viewVideo.php?video_id=5721

[Kitty]

للأسف اني بحس بالأمان و أنا في كندا و لما بروح مصر ببقى خيفة أمشي في الشارع كنت بركب تاكسي مع ماما و ابني علشان أنا مش بسوق في مصر و جيه طفل بجد ١٢ سنة و قال كلام بايخ قلتلو يا قليل الأدب بس ماما باءة ازاي تردي و سواق التاكسي يقول ممكن يضربك بمطوة يا بنتي مترديش. بجد حزينة على بلدي.

[حسام يوسف]

مش عارف انا هختلف شوية فى حتة الامان

مصر فيه حاجات كتير مزعلاني

بس حتة الامان دي نقطة تانية

كل ما كانت المدن كبيرة وزحمة

كل ما معدلات الأمان بتقل

في حين عندنا فى الأقاليم انزل الشارع أى وقت فى ال24ساعة بدون اى خوف

بس ده لحد امتى هيدوم؟

الله أعلم

وشوفوا رواية دكتور أحمد خالد توفيق يوتوبيا اللى كأبتنى أكتر ما أنا مكتئب

[kareemabdou]

مش عارف انا هختلف شوية فى حتة الامان

مصر فيه حاجات كتير مزعلاني

بس حتة الامان دي نقطة تانية

كل ما كانت المدن كبيرة وزحمة

كل ما معدلات الأمان بتقل

في حين عندنا فى الأقاليم انزل الشارع أى وقت فى ال24ساعة بدون اى خوف

بس ده لحد امتى هيدوم؟

الله أعلم

وشوفوا رواية دكتور أحمد خالد توفيق يوتوبيا اللى كأبتنى أكتر ما أنا مكتئب

و انا كمان معاك فى رأيك ده يا دكتور حسام .........

بس احنا هنا فى اسوان فى غلاسه كبيرة اوى من الشباب

للبنات و افتكر انه الشباب لو لقى ان الظروف سامحه كان

عمل اكتر من كده و خصوصا ان المدن الصغيرة معرض ان الانسان يلاقى حد يعرفه فى كل خطوة بيمشيها