قصتي مع كندا

[د هشام ابراهيم]

السلام عليكم دكتور هشام

مش عارف اقول لحضرتك إيه .. أنا متابع باب كندا من حوالي سنه ونص وبخاصه قهوتك وقهوة دكتور تو ومهندس إيهاب ودكتور الشامي و دكتوره سوسوراني وتورونتو(ربنا يجعل كلامنا خفيف عليه) .تصدق إني كنت بسيف (من الفعل save) .الحكاوي دي على اللابتوب واخدها معايه الجيش عشان مفيش نت هناك .الحمدلله خلصت الجيش دلوقت bngn:: فقلت آجي اسلم عليك أقولك وحشني يا دكتورنا يا جميل على فكره في برنامج أحلى من yamli وانا باستخدمه دلوقتي البرنامج دوتـ اسمه Microsoft Maren وممكن تحمله من هنا. http://www.softpedia.com/progDownload/Micr...oad-132329.html

و عليكم السلام و رحمة الله و بركاته ...كفارة يا باشا

جزيل الشكر علي كلماتك و ذوقك

وعد أجرب البرنامج و أقول رأيي كمان

[د هشام ابراهيم]

مبرووووووك ع العربيه الجديده يا دوك .... هي التويوتا دي سيدان و لا 4×4؟

دا عقبال عندك, الظاهر أن الدكتور هشام استغل فرصة الأزمة بتاع الشركة و شكله كده, اشترى أغلب الأسهم :lol: بسعر واقع لأنه لو كان اشترى عربية جديدة كان زمانه حط صورة العربية لكن زى مابقول لحضرتك لأنه اشترى أغلب الشركة تقريبا فهو حاطط صورة الشعار بتاع الشركة wst:: wst:: .

ماشاء الله

واضح من صورة ملف حضرتك يا بروف

انك سبت طب تورنتو

و رحت اعارة لطب تويوتا

مبروووووووووووووووك على تويوتا بجد

الصيت و لا الغني

الله يبارك في حضرتك يا دكتورة إيمان و يسمع من بقوكم يا دكاترة حسام باشا و AMG باشا bngn::

أنا ما جبتش عربية جديدة و أكيد أكيد ما أشترتش أسهم في تويوتا مع إن ده الوقت المثالي انما العين بصيرة إييييه

الحكاية و ما فيها إن تويوتا بتتعرض لازمة عنيفة الأيام ديه و هجوم ضاري من منافسيها بسبب موقف خدته أنا شايف إنه متوافق مع الأخلاق اليابانية الأصيلة ....صحيح شكله حيقلب هاراكيري انما برضه موقف يستاهل الاحترام و التضامن كمان

يعني مثلا زي جماهير الزمالك الأصيلة لما وقفت جنب فريقها لما كان مهدد بالهبوط

[د هشام ابراهيم]

بلادي .. بلادي .. بلادي ... لك حبي وفؤادي ...

مصر يا أم البلاد ... أنت غايتي و المراد ... و على كل العباد.... كم لنيلك من أيادي

ألف مليووووووووووووووون مبروووووووووووووووووووووووووووووووووووووووووووووووووووووووووووووووووووك يا مصر و يا مصريين

bngn:: :lol:

الله يبارك في حضرتك يا دكتورة و دايما فرحانين يا رب

[myusername]

معلش يا بروف

عارف ان أسئلتى كتير

وغريبة

عايز أعرف البني آدم الكندي مشاكله الخاصة ايه

همومه الفردية يعنى زي ما طلبت وحضرتك اديلتنا بعض الأفكار قبل كدة

المرة دي بطلبها بصيغة تانية

فيه هناك فى الجرائد والاذاعة والتليفزيون حاجة زي برامج المشاكل زي حياتي فايزة واصف وبريد جمعة عبد الوهاب مطاوع وكدة؟

بحيث ان الواحد يعرف الهموم الفردية للانسان الكندي

عشان يقرب من الناس دي أكتر ويفهمهم أكتر

مرة تانية

بعتذر لو السؤال غريب أو دمه تقيل

ولو السؤال سيئ

حضرتك ممكن تعديه عادي مفيش مشاكل

لا يا دوك السؤال عادي و مش غريب و لا حاجة bngn::

أنا فاهم حضرتك و كمان موافقك علي تفكيرك ...حضرتك عايز تعرف الكنديين طباعهم إيه و طبيعتهم إيه علشان تقدر تتفاعل معاهم سواء ايجابا أو سلبا حسب الموقف

بص يا سيدي أنا ما شفتش حاجة زي برنامج حياتي .....الحقيقة لما باشوف التليفزيون بابقي مركز علي حاجات تانية مش منها البرامج الأجتماعية ..... باب عبد الوهاب مطاوع الله يرحمه موجود زيه انما أكيد ما فيش ردود طويلة زي بريد الجمعة كده ..... بتبقى حسب الجرنال أو المجلة .....يعني مثلا : كلاتش العربية مش شغال بعد ٥٠٠ ألف كيلو ...ماذا تفعل لو كنت مكاني يا بابا ضياء .....غير العربية .......و علي نفس الشاكلة مشاكل عاطفية ...طبية .... صيانة بيت ..... أزمات اقتصادية إلخ

فيه كمان نقطة مهمة .... الناس هنا مجانين خصوصية .....ما ينفعش تبقى كتاب مفتوح قصاد أي حد و برضه اللي قدامك متوقع انك ما تفرضش نفسك علي خصوصياته ....يعني لو لسه مقابل حد ما ينفعش تسأله عن مسقط رأسه و لا حالته الأجتماعية و لا دخله ...... كلها بيعتبروها خصوصيات ....تقدر تتكلم عن الجو و عن الحيوانات الاليفة ....ده في الاول ...بعدين لما العلاقة تتوطد تقدر تسأل عن الحاجات التانية

بالمثل ما حدش متوقع منك في الاول انك تتكلم علي خصوصياتك ... يعني قصة الانسة خديجة اللي اسمها بقي هنا ديه ما تقولهاش في الأول خالص

فيه قاعدة ذهبية ممكن تستخدمها لحد ما تبتدي تفهم المجتمع اللي حواليك ..... ما تتطوعش بمعلومات إلا لو إتسألت ....و لو إتسألت سؤال ما تكدبش ولا تخبي

في انتظار مزيد من الاسئلة يا دوك

الموضوع ده بيضايقنى جدا...

واحد لسه يعرفك اول امبارح, تلاقيه بيكلمك عن مشاكله مع مراته!! او تلاقيه بيتصل بيك فى نص الليل و كإنه اشتراك

بس فيه حاجة انا لاحظتها... ان الناس الاجانب فى الاول بيبقوا حذرين.. بس بعد مرتين او 3 مرات مقابلة تلاقيهم بقوا ايزى قوى مع الواحد.. و حتى ممكن مثلا يحضنوك و هما ماشيين.. (طبعا مفيش احضان بين رجالة برة.. لكن بين رجالة و ستات)..

يعنى لما بيتطمنوا للواحد.. بيبدأوا ياخدوا راحتهم... لكن طبعا مفيش كلام عن اسرار مثلا.. الموضوع ده بياخد وقت.. مش زى عندنا كده.. العملية سايب فى السايب.

و كمان الخصوصية ليها أبعاد اخرى.. يعنى مثلا مينفعش انك تقول معلومات شخصية عندى - حتى لو بسيطة - لاى حد...

بس طبعا الموضوع بيختلف بين الشباب و الكبار.. يعنى اعتقد ان الشباب اجتماعيين اكتر من الكبار.. و بيبقى فيه روح اجتماعية و احتفالات بتبقى جميلة قوى..

تم تعديل 2 فبراير 2010 بواسطة myusername

[اسكندرية تانى]

اخونا فى الله دكتور هشام

ما حبيتش ادخل المنتدى بدون ان القى السلام

تحياتى لك و للاسرة الكريمة و الى ان نلتقى ذات يوم فى ارض ال Ginger al lovers

:sad: :sad:

تحياتى

تم تعديل 2 فبراير 2010 بواسطة اسكندرية تانى

[dcfarouk]

السلام عليكم

انا كنت عاوز اسال علي موضوع دراسه الطب البديل في كندا

لما دخلت لقيت ان الدراسه لمده ثلاث سنوات

بس اكيد في دبلومات مدتها قصيره

ياريت لو حد عند معلومه في الموضوع ده

[د هشام ابراهيم]

السلام عليكم و رحمة الله و بركاته

يا سلااااااااااااااااااام يا باشا على الروقان !!!!!! kis)-

فول.............و..............طعمية.............و.............زكمان شاى بالنعناع :closedeyes:

و الله عااااااااااااااال أوى , دا أنتوا فى مصر بقه مش فى كندا !!!!!!!

المهم ألف مبروك على النصر لمصر و ربنا يجعل مصر دايما متقدمة فى جميع المجالات مش فى الكورة بس .

MERCEDES S430 :lol:

آمين يا رب

الصراحة يا AMG باشا المكان ده طلع حكاية ...صاحبه مصري و كل العاملين فيه مصريين و أول مرة من ساعة ما جيت كندا أفطر في مطعم فول و طعمية مصري ..... مش لبناني ...وسط جو مصري خالص .....هي بس حكاية الشيشة ديه اللي كانت بايخة بس الواحد ما كانش مركز معاها

[د هشام ابراهيم]

هى ايه المشكله ان الواحد يكتب عربى

كل ال انظمه التشغيل تدعم العربيه

يمكن المشكله فى الكي بورد ان ما يبقاش عليها الحروف مكتوبه

بس اعتقد الإستيكرز بتبقى موجوده

ولا ايه المشكله بالضبط

انا من زمان نفسى اسأل السؤال ده ل د هشام

من اول ما ابتديت اقرا مذكراتك يا دوك

غالبا بتبقى مشكلة انك تغير الكيبورد.. خصوصا لو شغال على لابتوب زى حالاتى kis)-

مع انى انا فى مصر.. بس الكيبورد بتاعتى مش عربى.. بس طبعا لانى حافظ اماكن الحروف العربى, قمت مزود اللغة العربى للوندوز, و بقيت بكتب عربى عادى.. (يعنى انا بكتب من غير ما ابص عالكيبورد.. لانى حافظ اماكن الحروف - كاتب محترف يعنى :lol:)

شاكر الأهتمام يا باشا و يا باشا :closedeyes:

الحقيقة أنا كنت جاوبت علي السؤال ده قبل كده بس معلهش نقول تاني علشان غلاوتكم عندي بس

بدل الاستيكر عندي اتنين منهم واحد هدية من كابتشين تهامي من كتر ما باقعد أقول معنديش كيبورد عربي .....و غير الاستكرز عندي foldable keyboard عربي كمان ...هي الفكرة بس اني باكتب أسرع ب-yamli مش أكتر و لا أقل .....حتي Maren جربت استخدمه و ما نفعش فشكلي مكمل مع Yamli .....بس خلاص

[د هشام ابراهيم]

يا مجرم يا شيكو

أيه الجو ده

هشام عمل اللي عليه يا جماعه و دعاني ... بس أنا مش لبيته لحد باب بيته

أنا بصراحه قلت أقعد في بيتنا متدفي و أتفرج على النت

شكرا يا شيكو ع الدعوه و الفيديو و الصور

صراحة كانت عايزاك يا كنج :closedeyes: ... اللمة كانت حلوة بجد و الفرحة كمان كانت حلوة قوي ...تتعوض باذن الله

[dcfarouk]

السلام عليكم

انا كنت عاوز اسال دكتور هشام

هو ليه اللحمه الحلال غاليه

هل طريقه الدبح ديه مكلفه ولا ده استغلال من التجار

[حسام يوسف]

السلام عليكم

انا كنت عاوز اسال دكتور هشام

هو ليه اللحمه الحلال غاليه

هل طريقه الدبح ديه مكلفه ولا ده استغلال من التجار

سؤال مهم يا دكتور فاروق :closedeyes:

وانا معك فى انتظار الاجابة

[د هشام ابراهيم]

ألف شكر يا بروف على الاجابة دي

بجد أنا بسأل لسببين

الأولى أهمية فردية اجتماعية فى التعامل مع أفراد المجتمع

والتاني أحاول أفهم طبيعتهم ولو بشكل موجز لان ده بيفيدنى جدا فى شغل السيلز بتاعنا

ولأن نفسي أشتغل فى السيلز هناك

تحياتى يا بروف

وربنا يخليك لينا

ربنا يوفقك يا دوك kis)-

اللي ممكن تعمله تحاول تعصر علي نفسك لمونة و تهتم بالهوكي ...... الكنادوة مجانين هوكي زي ما احنا مجانين كورة كده

قبل ما أجي تورنتو قريت كتير عن الهوكي عموما .....هوكي الجليد يعني ...... و علشان كنت عارف اني رايح تورنتو قريت بالذات عن ال-Maple leafs .......... كمان اشتريت لعبة كمبيوتر اسمها NHL من سلسلة ألعاب EA sports .....بتعرفك علي أسماء اللعيبة و الفرق و الرانكينج و القواعد ..... و اسمك بتلعب .....من غير تريقة بس :closedeyes: ......

عارف يا باشا لحد النهارده الحكاية ديه بتفيدني لما بافتكر إسم فريق و لا إسم لعيب في فرقة بتفرق قوي معاهم و بتفتح مجالات للحوار خصوصا في الأول

[د هشام ابراهيم]

السلام عليكم يا دكتور هشام

انا كنت عاوز اسال حضرتك بخصوص الموبايل

انا باذن الله عاوز اشتري موبايل جديد هل ممكن اجيب موديل معين يشتغل معايا هنا في مصر وفي كندا كمان يعني بمعني اخر ايه المواصفات اللي اعرف بيها لاني اعرف في كندا مفيش شريحه زي مصر انا عارف انه سؤال فني شويه ومش عارف لو حضرتك عارف له اجابه ولا لا

وكمان هو موضوع ال 40 دولار في الشهر بتوع فاتوره الموبايل اللي قال عليها بشمهندس ايهاب انك تتكلم 24 | 7 بتكون في كل مقاطعات كندا زي البرتا ولا في حتت معينه

وجزاك الله خير

و عليكم السلام و رحمة الله و بركاته يا دكتورنا العزيز :wub:

بص يا سيدي مش كل الشركات زي بعضها ...فيه منهم اللي بيستخدموا SIM card عادي زي روجرز و فيدو ......أنا استخدمت Nokia N95 هنا عادي خالص و ما كانش فيه مشكلة ...بس أنا مع فيدو....

Telus اللي تليفوناتهم مقفولة و لو حتشترك معاهم يبقى ما لهاش لازمة تجيب تليفون معاك ....أنا موبايلي جبته من دبي كان أرخص من مثيله هنا بكتير

الشبكة الواعدة المتوعدة اللي أعلن عنها كنج هوبا حتغطي تورنتو بس و ٢٠١١ حتوصل نياجارا ...يعني قدامها شوية علي بال ما تغطي كندا كلها

[د هشام ابراهيم]

السلام عليكم و رحمة الله و بركاته :wub:

يا دكتور هشام باشا, ده كله من ذوقك و أخلاقك العالية

المهم أنا جت لى على الايميل بتاعى من صديق عزيز على الرسالة دى :

قلت أما أحطها عشان نعرف الدستور الجديد بتاع مصر و بالتالى ماحدش يقع فى الغلط بعد كدة md2:

لأن واضح من الدستور الجديد أن اللى هيغلط بعد كده هيروح ورا الشمس

..............

:lol: :lol:

مش باقولك مالكش حل يا دوك :wub:

أهو أنا كل خوفي يا دكترة إننا نبوظ كندا بافكارنا الجهنمية ديه ...... نطبق بعض أو كل من الدستور الجهبذ ده و ثقافة الفوضي و الفهلوة تنتشر ..... مش عارف أروح فين تاني لو ده حصل ...ربنا يستر

[د هشام ابراهيم]

الموضوع ده بيضايقنى جدا...

واحد لسه يعرفك اول امبارح, تلاقيه بيكلمك عن مشاكله مع مراته!! او تلاقيه بيتصل بيك فى نص الليل و كإنه اشتراك :wub:

بس فيه حاجة انا لاحظتها... ان الناس الاجانب فى الاول بيبقوا حذرين.. بس بعد مرتين او 3 مرات مقابلة تلاقيهم بقوا ايزى قوى مع الواحد.. و حتى ممكن مثلا يحضنوك و هما ماشيين.. (طبعا مفيش احضان بين رجالة برة.. لكن بين رجالة و ستات)..

يعنى لما بيتطمنوا للواحد.. بيبدأوا ياخدوا راحتهم... لكن طبعا مفيش كلام عن اسرار مثلا.. الموضوع ده بياخد وقت.. مش زى عندنا كده.. العملية سايب فى السايب.

و كمان الخصوصية ليها أبعاد اخرى.. يعنى مثلا مينفعش انك تقول معلومات شخصية عندى - حتى لو بسيطة - لاى حد...

بس طبعا الموضوع بيختلف بين الشباب و الكبار.. يعنى اعتقد ان الشباب اجتماعيين اكتر من الكبار.. و بيبقى فيه روح اجتماعية و احتفالات بتبقى جميلة قوى..

سعادتك اللي بتحط حدود العلاقة و طبيعتها .....بهدوء خالص بتوصل للي قدامك طبيعتك و ثقافتك .....من أهم مميزات كندا .....تورنتو بالذات ..حكاية التنوع الثقافي الاثني ده ....الناس فاهمة جدا يعني إيه مسلم و يعني إيه شرقي محافظ و يعني إيه متدين .....أكيد بتاخد مجهود منك جامد جدا في الأول ...ازاي توصل للي قدامك انك متمسك بدين و أخلاق معينة بس في نفس الوقت مندمج مع المجتمع و مش معزول عنه بالعكس فاعل و متفاعل .....الصعوبة بتزيد طبعا علشان الصورة السلبية عنا في الدول اللي بتاكل طحينة مع الكباب و الكفتة ....و جزء كبير من سبب الصورة السلبية ديه احنا المسلمين ...كفاية خبر زي طالبان اللي بتنسف مدارس البنات علشان تعليم المرأة حرام ....حسبي الله و نعم الوكيل في اللي مشوه صورة الاسلام بالشكل ده

ما علينا ...كل الكلام ده علشان بس أقولك إن القواعد اللي بتحطها في الأول بتستمر بعد كده فلازم تكون حريص جدا خصوصا في الأول انك ترسم حدود دينك و ثقافتك داخل اطار أي علاقة اجتماعية

[د هشام ابراهيم]

اخونا فى الله دكتور هشام

ما حبيتش ادخل المنتدى بدون ان القى السلام

تحياتى لك و للاسرة الكريمة و الى ان نلتقى ذات يوم فى ارض ال Ginger al lovers

:lol: :wub:

تحياتى

ربنا يقرب البعيد يا دكتورنا العزيز ......ربنا يكتر من أمثالك يا رب ....بجد الواحد بيفرح لما يشوف اسمك منور المنتدي كده :lol: ...ما تغبش كتير :wub:

[د هشام ابراهيم]

السلام عليكم

انا كنت عاوز اسال علي موضوع دراسه الطب البديل في كندا

لما دخلت لقيت ان الدراسه لمده ثلاث سنوات

بس اكيد في دبلومات مدتها قصيره

ياريت لو حد عند معلومه في الموضوع ده

من قال لا أعلم فقد أفتي

عايز رأيي أسهل طريقة تشتغل دكتور في كندا هو طب الأسرة ...family medicine ...نيابة سنتين و أماكن كتير و شغل جاهز و لو عايز ممكن تاخد سنة زيادة و تتخصص في حاجة ..منها التخدير!!

[د هشام ابراهيم]

السلام عليكم

انا كنت عاوز اسال دكتور هشام

هو ليه اللحمه الحلال غاليه

هل طريقه الدبح ديه مكلفه ولا ده استغلال من التجار

سؤال مهم يا دكتور فاروق :wub:

وانا معك فى انتظار الاجابة

الله أعلم

احساسي الشخصي إن جزء كبير منه فرصة للتربح ...الكلام إن المجازر العادية انتاجها كبير فممكن تبيع أرخص ( سعر أرخص x معدلات بيع عالية ) انما الحلال سوقه أقل فعلشان يحقق ربح لازم يبيع أغلي

الفرق مش ضخم علي فكرة و يستاهل .....كفاية الطعم

اللحمة هنا خرافة الصراحة .....سواء كندوز أو ضاني أو بتلو أو حتي النيفة ......اللي وحشة فعلا الفراخ ....مدهننة و زفرة مش عارف ليه

[المعلم عتريس]

السلام عليكم

انا كنت عاوز اسال علي موضوع دراسه الطب البديل في كندا

لما دخلت لقيت ان الدراسه لمده ثلاث سنوات

بس اكيد في دبلومات مدتها قصيره

ياريت لو حد عند معلومه في الموضوع ده

في دبلومات PHYSIOTHERAPIST ASSISTANT

مدتها سنتين

http://www.ontariocolleges.ca/portal/page/...etaTagParam=nil

لكن ما اظنش عليها طلب

الافضل بكالوريوس فرصه اكثر

هاحاول اشوف بيتعمل فين في اونتاريو

لان انا كمان بقلبها في دماغي

شغلانة الكهربا دي باينها مش نافعه

العمر مش بعزقه :wub:

[المعلم عتريس]

السلام عليكم

انا كنت عاوز اسال علي موضوع دراسه الطب البديل في كندا

لما دخلت لقيت ان الدراسه لمده ثلاث سنوات

بس اكيد في دبلومات مدتها قصيره

ياريت لو حد عند معلومه في الموضوع ده

معلش المسائل دخلت في بعضها عندي :wub:

الطب البديل ALTERNATIVE MEDICINE

مالقيتش حاجه عنه