قصتي مع كندا

[د هشام ابراهيم]

بمناسبة التقاليد الأجتماعية و الناس بتتكلم في إيه و الحاجات ديه :)

من يومين كده ...يوم ٢ فبراير ده كان ال-groundhog day ...أول مرة أسمع قصة الاخ ده من كام سنة قعدت أضحك و أتريق علي المجتمعات الطفولية الغريبة ديه .....ال-groundhog ده هو القندس ..... حيوان قارض أكبر من السنجاب ...... و الاخ ده بيفضل مختفي في جحره طول الشتا و بعدين يقرر يطلع علي أول فبراير يطل طلة .....لو طلع من الجحر يبقى الشتا خلص و الربيع علي الأبواب ...لو طل طلته و بعدين رجع الجحر تاني يبقى الشتا مكمل ... .عادي ٦ اسابيع .......فيه مدن بقي بتحتفل بالحدث و يطلعوا الصبح للحدائق و الغابات بالمئات و ساعات الالافات اغلبهم أطفال طبعا علشان يشوفوا الاخ القندس بسلامته حيعمل إيه ....الكلام ده في أمريكا و كندا .... تلاقي الناس كلها بتجيب السيرة و أصل القندس بتاع بنسلفانيا ما خيبتش معاه قبل كده انما القندس الخايب بتاع جورجيا ده في الضياع و هكذا ....حتي نشرات الاخبار بتجيب السيرة برضه ...في الفقرة بتاعة الاخبار الخفيفة

أول امبارح أغلب القنادس رجعت جحورها تاني ....يعني ٦ اسابيع كمان شتا و الله أعلم :)

[مازن أطرش]

ضحكتنس قوي بحكاية قندس جورجيا الضايع ...شكرا دكتور هشام ..يصراحة التوبيك بتاعك من اروع التوبيكات ..وانا بدخل بستمتع فيه ومابقدرش اكتب حاجة ..بحس لازم اكتب شيء عليه القيمة يتناسب طردا مع روعة الكلام اللي فيه ..بس ححاول ..وربنا مع الغلابة

[dodietman]

هي الفكرة بس اني باكتب أسرع ب-yamli مش أكتر و لا أقل .....حتي Maren جربت استخدمه و ما نفعش فشكلي مكمل مع Yamli .....بس خلاص

على فكره يا دكتور هشام maren عايز شوية تعود في الاول .يعني حضرتك ضايف العربي في الويندوز وبتنقل بينه وبين الانجليزي بـ الت شفت يمين وشمال .لما تستب maren يضاف نافذة عربي عن طريق maren في شريط المهمات تحت وتقدر تكتب عربي أحسن كتير من yamli .بالاضافه أن Maren ليه ميزه تانيه عن yamli أنك تقدر تكتب في الياهو مسنجر أو غيره مش بس في البروزر ..متفتكرش اني لا سمح الله بأعمل إعلانات l-maren :)

تم تعديل 4 فبراير 2010 بواسطة dodietman

[د هشام ابراهيم]

ضحكتنس قوي بحكاية قندس جورجيا الضايع ...شكرا دكتور هشام ..يصراحة التوبيك بتاعك من اروع التوبيكات ..وانا بدخل بستمتع فيه ومابقدرش اكتب حاجة ..بحس لازم اكتب شيء عليه القيمة يتناسب طردا مع روعة الكلام اللي فيه ..بس ححاول ..وربنا مع الغلابة

الله يخليك يا مازن باشا ...ده كفاية روح حضرتك الحلوة و أدبك و ذوقك ...لك و لكل اهلنا في سوريا أصدق تحية و احترام

[ايهاب سالم]

بمناسبة التقاليد الأجتماعية و الناس بتتكلم في إيه و الحاجات ديه wst::

قصدك ... وكدهوت

من يومين كده ...يوم ٢ فبراير ده كان ال-groundhog day ...أول مرة أسمع قصة الاخ ده من كام سنة قعدت أضحك و أتريق علي المجتمعات الطفولية الغريبة ديه .....ال-groundhog ده هو القندس ..... حيوان قارض أكبر من السنجاب ...... و الاخ ده بيفضل مختفي في جحره طول الشتا و بعدين يقرر يطلع علي أول فبراير يطل طلة .....لو طلع من الجحر يبقى الشتا خلص و الربيع علي الأبواب ...لو طل طلته و بعدين رجع الجحر تاني يبقى الشتا مكمل ... .عادي ٦ اسابيع .......فيه مدن بقي بتحتفل بالحدث و يطلعوا الصبح للحدائق و الغابات بالمئات و ساعات الالافات اغلبهم أطفال طبعا علشان يشوفوا الاخ القندس بسلامته حيعمل إيه ....الكلام ده في أمريكا و كندا .... تلاقي الناس كلها بتجيب السيرة و أصل القندس بتاع بنسلفانيا ما خيبتش معاه قبل كده انما القندس الخايب بتاع جورجيا ده في الضياع و هكذا ....حتي نشرات الاخبار بتجيب السيرة برضه ...في الفقرة بتاعة الاخبار الخفيفة

بما أن الشي بالشئ يذكر

فيه فيلم حلو قوي قوي إتعمل على الموضوع ده و هو

Groundhog Day (1993)

وعلى فكره إقتبسوا عنه أخر فيلم لأحمد حلمي

تم تعديل 4 فبراير 2010 بواسطة ايهاب سالم

[د هشام ابراهيم]

على فكره يا دكتور هشام maren عايز شوية تعود في الاول .يعني حضرتك ضايف العربي في الويندوز وبتنقل بينه وبين الانجليزي بـ الت شفت يمين وشمال .لما تستب maren يضاف نافذة عربي عن طريق maren في شريط المهمات تحت وتقدر تكتب عربي أحسن كتير من yamli .بالاضافه أن Maren ليه ميزه تانيه عن yamli أنك تقدر تكتب في الياهو مسنجر أو غيره مش بس في البروزر ..متفتكرش اني لا سمح الله بأعمل إعلانات l-maren wst::

أنا نزلته فعلا علي لابتوب ...و عجبني قوي فيديو ال-demo بس البرنامج نفسه مش شغال .... هو نزل في ال-language bar تحت Ar (Saudi Arabia حاولت أجيبه علي Ar (Egypt ما نفعش ...حاولت استخدمه في المنتدي مش شغال ...... أنا XP و firefox3.0 و Norton الله يهده :lol:

كمان كتير بادخل من لابتوب تاني أو كمبوتر في الشغل فمش حينفع أنزله في كل حتة .......دبرني يا جنرال ......بس عارف يا باشا أنا كفاية علي محاولتك للمساعدة بجد مقدرها جدا ..... و يا رب الناس اللي مش عارفة تكتب عربي تستفيد منه أو من yamli

[د هشام ابراهيم]

بمناسبة التقاليد الأجتماعية و الناس بتتكلم في إيه و الحاجات ديه wst::

قصدك ... وكدهوت

بما أن الشي بالشئ يذكر

فيه فيلم حلو قوي قوي إتعمل على الموضوع ده و هو

Groundhog Day (1993)

وعلى فكره إقتبسوا عنه أخر فيلم لأحمد حلمي

:lol: :lol:

كدهوت طبعا ازاي فاتتني ديه

ما شفتش الفيلم ده يا كنج ......ندعبس عليه دوت wst::

[ايهاب سالم]

بمناسبة التقاليد الأجتماعية و الناس بتتكلم في إيه و الحاجات ديه :)

قصدك ... وكدهوت

بما أن الشي بالشئ يذكر

فيه فيلم حلو قوي قوي إتعمل على الموضوع ده و هو

Groundhog Day (1993)

وعلى فكره إقتبسوا عنه أخر فيلم لأحمد حلمي

:lol: wst::

كدهوت طبعا ازاي فاتتني ديه

ما شفتش الفيلم ده يا كنج ......ندعبس عليه دوت wst::

موجود في المكتبه العامه يا مايسترو

أنا إستعرته و شفته كذا مره من حلاوته

ممكن تستعيره .... مع إني عارف إنك راجل فييس و بتحب تشتري ال media .... و كدهوت يعني :lol:

معلش إحنا بنتكلم مع بعض مفيش أي حاجه

معندكش حاجه بتعالج الجين إكس

تم تعديل 4 فبراير 2010 بواسطة ايهاب سالم

[ehabtaher]

السلام عليكم

انا كنت عاوز اسال دكتور هشام

هو ليه اللحمه الحلال غاليه

هل طريقه الدبح ديه مكلفه ولا ده استغلال من التجار

سؤال مهم يا دكتور فاروق

وانا معك فى انتظار الاجابة

الله أعلم

احساسي الشخصي إن جزء كبير منه فرصة للتربح ...الكلام إن المجازر العادية انتاجها كبير فممكن تبيع أرخص ( سعر أرخص x معدلات بيع عالية ) انما الحلال سوقه أقل فعلشان يحقق ربح لازم يبيع أغلي

الفرق مش ضخم علي فكرة و يستاهل .....كفاية الطعم

اللحمة هنا خرافة الصراحة .....سواء كندوز أو ضاني أو بتلو أو حتي النيفة ......اللي وحشة فعلا الفراخ ....مدهننة و زفرة مش عارف ليه

اكيد بيأكلوها مسحوق بروتين حيوانى من الدم او بقايا المذبوحات الاخرى (علشان كده زفره)

وكمان ما بتتحركش من البرد وبالتالى بتتخن وتحوش دهن

[جيمي]

بمناسبة التقاليد الأجتماعية و الناس بتتكلم في إيه و الحاجات ديه :)

قصدك ... وكدهوت

بما أن الشي بالشئ يذكر

فيه فيلم حلو قوي قوي إتعمل على الموضوع ده و هو

Groundhog Day (1993)

وعلى فكره إقتبسوا عنه أخر فيلم لأحمد حلمي

:lol: :lol:

كدهوت طبعا ازاي فاتتني ديه

ما شفتش الفيلم ده يا كنج ......ندعبس عليه دوت wst::

انا بصراحه نفسي ادخل التوبك بتاع حضرتك من زمان بس قولت ماينفعش ادخل وايدي فاضيه قولت اجيبلك رابط لمشاهدة الفيلم ولو انها مش قد المقام خالص http://video.z7mh.com/watch2717.html

والفيلم العربي اسمه الف مبروك لاحمد حلمي ...و بصراحه الحبكه الدرراميه بتاعت الفيلم العربي كانت افضل من الاجنبي وخصوصاا النهايه ... انصحك انك تشوف الفيلم العربي كمان .. مع انهم ماجبوش سيرة القندس .. بس حضرتك عارف اختلاف الثقافات وكده يعني .. بس على العموم احنا بنعرف ان الشتا خلص والصيف دخل لما الابراص جمع برص تخرج من مكامنها wst:: ...

هيه الحشره دي موجوده فى كندا؟؟ سؤال بجد والله لاني اطيق العما ولا اطيقوش

[د هشام ابراهيم]

موجود في المكتبه العامه يا مايسترو

أنا إستعرته و شفته كذا مره من حلاوته

ممكن تستعيره .... مع إني عارف إنك راجل فييس و بتحب تشتري ال media .... و كدهوت يعني

معلش إحنا بنتكلم مع بعض مفيش أي حاجه

معندكش حاجه بتعالج الجين إكس

لا طبعا ما فيش علاج غير انك تغير تاريخ ميلادك و خصائص جيلك كلها اللي اكتسبوها بسبب مجريات الأمور و كدهوت wst::

الحقيقة أنا كسلان أكتر من فيييس .....عندي اشتراك في شابترس انديجو و الكتب و الدي في ديز بتوصل لحد البيت .....يستلمها الكونسيرج و استلمها أنا لما أروح ....دلع الكوندوز في تورنتو حبيبتي ....لما ربنا يسهلها و انقل سانت كاثرين أكيد ساعتها حابقي استعير و أبقي إنسان جديد :lol:

[د هشام ابراهيم]

اكيد بيأكلوها مسحوق بروتين حيوانى من الدم او بقايا المذبوحات الاخرى (علشان كده زفره)

وكمان ما بتتحركش من البرد وبالتالى بتتخن وتحوش دهن

يا رااااجل ....و هما الفراخ بيسيبوها في الشتا كده منها لنفسها ....حرارة أبرد من الديب فريزر يعني يا راجل يا طيب

الله أعلم بياكلوها إيه بس الناس هنا مجانين صحة لو بياكلوها مخلفات و دم كانت الدنيا قامت و ما قعدتش

هي الفراخ هنا طعمها زي الفراخ البلدي في مصر ...فيه ناس غاويين الطعم ده و فيه ناس مش فارقة معاهم و فيه ناس زي العبد لله ما باحبوش

[د هشام ابراهيم]

انا بصراحه نفسي ادخل التوبك بتاع حضرتك من زمان بس قولت ماينفعش ادخل وايدي فاضيه قولت اجيبلك رابط لمشاهدة الفيلم ولو انها مش قد المقام خالص http://video.z7mh.com/watch2717.html

والفيلم العربي اسمه الف مبروك لاحمد حلمي ...و بصراحه الحبكه الدرراميه بتاعت الفيلم العربي كانت افضل من الاجنبي وخصوصاا النهايه ... انصحك انك تشوف الفيلم العربي كمان .. مع انهم ماجبوش سيرة القندس .. بس حضرتك عارف اختلاف الثقافات وكده يعني .. بس على العموم احنا بنعرف ان الشتا خلص والصيف دخل لما الابراص جمع برص تخرج من مكامنها wst:: ...

هيه الحشره دي موجوده فى كندا؟؟ سؤال بجد والله لاني اطيق العما ولا اطيقوش

عاش من شافك يا باشا ....يا أفندم ربنا يخليك و يكرمك ....شكرا جزيلا يا باشا بس سعادتك تنور و تشرف من غير حاجة .....أحمد حلمي فعلا متميز جدا في أفلامه الاخيرة و لما بانزل مصر باحرص اني اشتري أفلامه .....الديش كمان عليه ART أفلام غير تلت أربع محطات تانية بتعرض أفلام قديم و جديد ..... ده بقي دلع البيت في سانت كاترين

ما شفتش أبراص الصراحة بس أنا ماليش في الخروجات بتاعة التوحد مع الطبيعة و الكامبنج و الكلام دهوت .....فيه أخوة كنديين مجانين الحكايات ديه و بيرجعوا اللي قابل دب و اللي قابل وعل و اللي قابل تعبان ....ناس غربية

ما تطولش الغيبة بقي سعادتك

[Mercedes]

السلام عليكم

انا كنت عاوز اسال علي موضوع دراسه الطب البديل في كندا

لما دخلت لقيت ان الدراسه لمده ثلاث سنوات

بس اكيد في دبلومات مدتها قصيره

ياريت لو حد عند معلومه في الموضوع ده

من قال لا أعلم فقد أفتي

عايز رأيي أسهل طريقة تشتغل دكتور في كندا هو طب الأسرة ...family medicine ...نيابة سنتين و أماكن كتير و شغل جاهز و لو عايز ممكن تاخد سنة زيادة و تتخصص في حاجة ..منها التخدير!!

السلام عليكم و رحمة الله و بركاته :lol:

استنى...............استنى............. استنى كده لحظة

تانى........... تانى.............. تانى كده wst::

يعنى بعد ما اخد نيابة الFamily medicine ممكن أرجع و أتخصص فى حاجة تانية غير طب الأسرة و أكمل فى التخصص الجديد و هل يا ترى باخد نيابة فى التخصص الجديد ده ولا لأ, يعنى بتخصص فيه ازاى يعنى ؟؟

و هل الموضوع ده ممكن يحصل فى الجراحة زى مابيحصل فى التخدير !!!!!!!!

معلش تعبناك و أنا عارف أنك أول حاجة هتقولها فى الرد بتاعك- ( أنا قلت الكلام ده قبل كده كتير ) - بس معلش, يبقوا كتير و واحد و أهو كله ثواب عند ربنا واللى عند ربنا ما بيروحش ان شاء الله . :lol:

MERCEDES S430

[حسام يوسف]

اكيد بيأكلوها مسحوق بروتين حيوانى من الدم او بقايا المذبوحات الاخرى (علشان كده زفره)

وكمان ما بتتحركش من البرد وبالتالى بتتخن وتحوش دهن

يا رااااجل ....و هما الفراخ بيسيبوها في الشتا كده منها لنفسها ....حرارة أبرد من الديب فريزر يعني يا راجل يا طيب

الله أعلم بياكلوها إيه بس الناس هنا مجانين صحة لو بياكلوها مخلفات و دم كانت الدنيا قامت و ما قعدتش

هي الفراخ هنا طعمها زي الفراخ البلدي في مصر ...فيه ناس غاويين الطعم ده و فيه ناس مش فارقة معاهم و فيه ناس زي العبد لله ما باحبوش

استني بس يا بروف عشان حضرتك كنت هتقفلني قفلة جامدة من كندا :lol:

وكنت هتتسبب فى حاجز نفسي فشر اللي بيننا وبين الكيان الصهيوني

حضرتك قلت فى مشاركة سابقة ان فراخ كندا زفرة ومدهننة

والكلمة دي طعنتنى فى قلبي بسكين

لانى من عشاق الفراخ

ولو كلت فراخ ال3 طقات

أبقى فى أحسن مود وبتبقي الحياة لونها بمبي مسخسخ

ومبقتش عارف اعمل ايه

استورد فراخ معايا؟

ولا اروح سبت وحد مصر أمون فراخ وأرجع؟

لحد ما جيت حضرتك

وقلت الفراخ الكندي عاملة زي الفراخ البلدي

هوة وصف حضرتك لطعم الفراخ البلدي انه مدهنن؟وزفر؟

يعنى طعم الفراخ الكندي زي طعم الفراخ البلدي بتاعة مصر؟

بليز الموضوع يهم العبد لله جدا

والموضوع مسألة أمن غذائي قومي وطني wst::

تم تعديل 4 فبراير 2010 بواسطة حسام يوسف

[ramyfathalla]

د/ حسام يوسف أنت كبرت فى نظرى أكتر مما كنت كبير أصلا لأنك من عشاق الفراخ زيى

و طالما د/ هشام بيقول زفرة و دسمة = طعم الفراخ البلدى اللى فى مصر

يبقى ما فيش قلق ده كدة فل قوى

فراخ بلدى و فى كندا أحمدك يا رب

[dcfarouk]

السلام عليكم

انا كنت عاوز احط المراسله بتاعه الهيئه الدوليه للحجامه (نوع من الطب البديل)

الدوره بتاعه الحجامه حوالي اسبوعين او شهر

ده نص الرساله اللي ان بعتها

> i wanted to know

> how to become a licensed cupping therapist in canada

والرد في نفس اليوم

Dear Dr. Farouk,

The Canadian Board of Health does not currently recognize Cupping Therapy within the scope of practice for Health practitioners outside Acupuncturists. We are currently in the process of making this happen as we successfully accomplished in the United States in 2007. That does not mean that therapists of all modalities in Canada are not doing it - they are - very successfully and this helps to fortify establishing validation for the Canadian Board of Health. So, it is only a matter of short time before each provincial board will accept this therapy.

Until we can establish this, we recommend that therapists get their certification through the International Cupping Therapy Association, which is accepted worldwide as the regulatory body in Cupping Therapy (not Hijama) and use Cupping Therapy in your current or future practice.

You will already be a Certified Cupping Practitioner when the province you live in validates Cupping Therapy to fall within the scope of practice.

I hope this helps answer your questions.

Be well,

Dr. JD MacLean

انا قلت احطها يمكن تفيد حد

وانا بعت اميل تاني ليهم في شويه استفسارات تانيه ومستني الرد ولما يجي هحطه

وده موقعهم

http://cuppingtherapy.org/

وده اميلهم

info@cuppingtherapy.org

السلام عليكم

[حسام يوسف]

د/ حسام يوسف أنت كبرت فى نظرى أكتر مما كنت كبير أصلا لأنك من عشاق الفراخ زيى

و طالما د/ هشام بيقول زفرة و دسمة = طعم الفراخ البلدى اللى فى مصر

يبقى ما فيش قلق ده كدة فل قوى

فراخ بلدى و فى كندا أحمدك يا رب

من القلب للقلب رسول يا عم رامي

وياريت تقوللى حسام على طول

ولا دكتور ولاغيره

ربنا يعلم بقدرك قد ايه من مشاركاتك واسلوب تفكيرك

ولو طلعت كندا الاكلة القومية فيها فراخ بلدي

ياسلاااااااااااااااااااااااااااااااام

دي تبجي ليلة يا عمدة :lol:

محسوبك عايش فى أسوان

بس فلاح أصيل م المنصورة

وبحب الفراخ البلدي

والسمن البلدي

وأى حاجة بلدي

معلش يا بروفيسور هشام

الموضوع قلب على أكل وأمن غذائي

عذرنا أنها ثقافة مهمة خصوصا لينا كمصريين نقدر الاكل ونحترمه

تحياتى ليك يا بروف

وبانتظار النتيجة

تم تعديل 5 فبراير 2010 بواسطة حسام يوسف

[مازن أطرش]

لأ معليش..مادام الموضوع بقا فراخ ..فاسمحولي أنضم لجمعية عاشقي الفراخ ..مع أني من صغر سني معروف بالمجتمع المحلي أني عاشق للفراخ ..وللبطاطا المقلية ..لذلك وبتواضع مني وكون الدكتور حسام حبيبنا وحبيب الملايين سبقني فأنا بقترح نعمل حزب محبي الفراخ ويكون د.حسام الأمين العام وحسوبكم يبقى رئيس مكتب السياسات (وبكده نضمن التوريث ) ..على فكرة أنا سمعت من صاحب لي نزل حديثا من(ويسكونسن ) باميركا بزيارة سريعة انو الفراخ باميركا ارخص من العيش ...اذا كان كده بكندا كمان ..يبقى ليلتنا قشطة

[د هشام ابراهيم]

السلام عليكم و رحمة الله و بركاته

استنى...............استنى............. استنى كده لحظة

تانى........... تانى.............. تانى كده :waf:

يعنى بعد ما اخد نيابة الFamily medicine ممكن أرجع و أتخصص فى حاجة تانية غير طب الأسرة و أكمل فى التخصص الجديد و هل يا ترى باخد نيابة فى التخصص الجديد ده ولا لأ, يعنى بتخصص فيه ازاى يعنى ؟؟

و هل الموضوع ده ممكن يحصل فى الجراحة زى مابيحصل فى التخدير !!!!!!!!

معلش تعبناك و أنا عارف أنك أول حاجة هتقولها فى الرد بتاعك- ( أنا قلت الكلام ده قبل كده كتير ) - بس معلش, يبقوا كتير و واحد و أهو كله ثواب عند ربنا واللى عند ربنا ما بيروحش ان شاء الله . wst::

MERCEDES S430

مش كل التخصصات يا دوك .....بالنسبة للتخدير .... بعد سنتين النيابة بتاعة طب الاسرة بيعملوا سنة نيابة تخدير و بعد كده يتم تقييمهم و لو عدوا يسمح لهم بتخدير الحالات البسيطة بجانب نشاطهم الاساسي كاطباء أسرة ....النساء و التوليد و الطواريء و الجراحة فيها برامج مثيلة بس صراحة ما أعرفش تفاصيلها ....وحسب البرنامج التأهيلي برضه يسمح لهم بنشاط بسيط بجانب النشاط الأساسي ......في الجراحة بيشتغلوا مساعدين و لا يسمح لهم بالجراحة مستقلين ...النساء يولدوا بس ما يقدروش يعملوا قيصرية غير مساعدين للجراح الأساسي ....... و ياخدوا نبطشيات طواريء