قصتي مع كندا

[samehelassad]

كل حضرتك بتقول كل مابعدت هن وسط تورونتو كل ماكان الاسعار اقل, طب اقل بقد اية؟ واية هي الضواحي دية؟ هل سكاربرو وميسيساجا ضواحي؟

سكاربرو حي في مدينة تورنتو

إنما مسيساجا مدينه أخرى ملاصقه لها

و كلاهما ضواحي

سكاربرو سمعتها وحشه جدا و فيها مشاكل مخدرات و جريمه و مدارسها سيئه

مسيساجا مناسبه جدا للعائلات و ممتازه للعرب و المسلمين

يمكنك الإطلاع بنفسك على طبيعة الإيجارات هنا

Toronto Area

Mississauga

Scarborough

متنساش تبوس لي قطر

وتضرب واحد فول بالحمص الناعم من مطعم بيروت و سندوتش كبده من عش البلبل

اولا:موضوع ضرب الفول وسندوتش الكبدة دة موضوع كبيييير. انا وزني زاد في قطر بشكل ملحوظ خلال الفترة الاخيرة ومن احد الاسباب وجود الاماكن القوية اللي زي دي.

ثانيا: الف شكر على ردك. والحقيقة انا باخد رائيكو سواء حضرتك او دكتور هشام بمصداقية متناهية ومفيش اي مجال للشك. بس الوجود على ارض الواقع يختلف كثيرا من النت وانا مش فاهم حتى الان الفرق في اية.

يعني مثلا الموقع المحترم اللي حضرتك حطيت الرابط بتاعة view ti ومواقع تانية زي toronto rentals ودة اداهولنا اخونا ياسر في مداخلاتة القديمة. بلاقي فية شقة اوضة وصالة في عمارة يعني (مش basment appartment) بمبلف 870 و 845 وهكذا في مسيساجا وسكاربو. وحاجات من الصور الموضحة بتكون كويسة جدا واليوتيليتز انكلوديد كمان. ومش عارف لية ماافكرش فيها وادور على اللي ب 1500. (لية ارض الواقع بتقول ان متوسط الايجار 1500 بينما في شقق في المواقع دي بنفس المقاييس و 850)؟؟!!!

[د هشام ابراهيم]

لاء بلاش غلق الموضوع .. رجاء من الاشراف الموضوع ده مفيد جدا للأطباء .. وللمهاجرين عموما ..

انا ما شفتش المشاركات الخارجه .. بس يا ريت يا د/هشام ما تكونش زعلت .. لأن حضرتك شخص محترم و تستاهل كل خير ..

يا ريت تتجاهل اي خروج عن النص و تكمل الموضوع و تحتسب اجرك عند ربنا .

ثم كانت نتيجة المهاترات أن فقدنا تجربة ثرية كان يرويها أخ فاضل....

بصراحة نتيجة محزنة جدا

أتمنى أن يتراجع الاخ الدكتور هشام وان يتعالى عن ما جرى رغم أني لا أدري خلفية ما حدث

إحترامي

ما حدث كان متعمد

و يحدث في مواضيع أخرى في محاوله لإفسادها

جزاكم الله خيرا جميعا و أرجو أن أكون عند حسن ظن الجميع دائما

[د هشام ابراهيم]

معلش دكتور هشام هاتعب حضرتك و اسالك لو عنك معلومات بخصوص شراء العقارات و الهجرة............ فى حد قاللى انى ممكن اخد ال P R لو باشترى عقار و قالى انه مش لازم ادفعة كلة كاش ..... يعنى 20% و الباقى على وقت...... اظن 10 سنين.......فهل حضرتك سمعت فيه حاجة كدة؟؟؟ حد من المصريين او العرب اللى حضرتك بتعرفهم عمل كده او سمع عن الحكاية دى؟؟؟؟؟

للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

هل تقصد يااستاذ/ ايهاب انه الشخص العربي والغير مواطن كندي لن يسمح له شراء بيت أو شقة؟؟؟

مع الشكر

بصراحة يا أخي الفاضل لا علم لي بقواعد شراء العقار كاش علما بان أي عقار محترم في أي مكان في تورنتو و ما حولها لن يقل عن ٣٠٠ ألف دولار للشقة

في حالة القسط أو الرهان العقاري لازم ضمانات للبنك خصوصا بعد أزمة سوق العقارات الأمريكية و كما تفضل الأخ ايهاب بدءا من أكتوبر الماضي اختفت حكاية Zero downpayment من السوق

و عليه وجود اقامة و جنسية و وظيفة بدخل مناسب للقسط و تاريخ ائتماني ....إلخ كلها ضروريات للبنك لكي يضمن حقوقه عند تمويل الشراء

و كما قلت من قبل الأيجار متاح حتي تستقر الأمور

[د هشام ابراهيم]

دكتوري العزيز الف شكر على هذة المداخلة المهمة جدا عن الحياة في تورونتو. لكن حضرتك مش شايف ان 1500 دولار كتير على شقة اوضة وصالة. الحقيقة انا مش عايش في تورونتو. لكن بخطط اني استقر انشاء الله فيها. والحقيقة شقة اوضة وصالة في عمارة محترمة فيها كل الامكانيات وشاملة الكهرباء والمياة وفي حمام سباحة كمان في المبنى سهل اوي انك تلاقيها ب 1000 دولا؟

ثانيا: كل حضرتك بتقول كل مابعدت هن وسط تورونتو كل ماكان الاسعار اقل, طب اقل بقد اية؟ واية هي الضواحي دية؟ هل سكاربرو وميسيساجا ضواحي؟

الحقيقة يا أخي الفاضل ١٥٠٠ دولار كتير علي شقة أوضة و صالة بس وسط تورنتو غالي جدا يعني لو عايز تسكن ٥ أو ١٠ دقائق من المستشفيات الكبيرة اللي في وسط تورنتو يبقى الأسعار عالية كده انما لو بعدت ٥ كيلو مثلا من دائرة نصف المدينة ديه و بالذات لو اتجهت شرق شارع يونج الأسعار بتقل ... خلي بال حضرتك كمان إن الموقع مهم جدا .... يعني الأسعار في الأحياء الفقيرة أو البعيدة عن خطوط المترو أو في مبني قديم إلخ بتقلل السعر

يعني مثلا زميلي الفاضل دكتور المنصورة كان ساكن في نورث يورك .... حوالي ٤٥ دقيقة بالمترو من وسط المدينة حيث المستشفي التي نعمل بها و لان أولاده كبار قام بايجار شقة كبيرة نسبيا و كانت ب-١٢٠٠ دولار شهريا

[د هشام ابراهيم]

بصفتي مقيم في تورونتو مثل الفاضل د / هشام

أحب أبصم على صحة كل حرف في هذه المشاركه

بس كده مش هتسيبلي حاجه أحكيها في قهوتي

الله يخليك يا أخي الفاضل ... سعادتك تأمر يا باشا حضرتك الخير و البركة و أنا نفسي استفدت من مداخلات حضرتك لأن برضه فيه حاجات كتير ما أعرفهاش..... و يا باشا ما فيش مشاكل نفتح القهوتين على بعض :)

[د هشام ابراهيم]

السلام عليكم،

اهني حضرتك دكتور هشام على موضوعك الممتاز و على المعلومات المفيدة ، جزاك الله كل خير و يسرلك امرك و ان شاء تدخل السيستم عم قريب و ربنا يوفقك.

ممكن اسأل حضرتك سؤالين، هل ماجستير في الصحة العامة من جامعة امريكية محترمة (دفعة 2000) ممكن يكون في فرصة للعمل ام يحتاج الى ريفريشمنت كورسس و لا ايه؟ اعني هل ماجستير من امريكا معترف بيه؟ و هل فرص الصحة العامة جيدة في كندا. اعرف ان هناك مواقع للوظائف و لك أكيد لحضرتك رأيي بما انك على ارض الواقع.

تاني سؤال هل الجبنة الرومي في lawrence ave لان موضوع الجبنة الرومي ده مهم جدا بالنسبة لي.

الأخت الفاضلة ... كندا لا تعترف باي شهادات من خارجها و لابد من المعادلة ... لكن شهادة من دولة محترمة زاي الولايات المتحدة أو المملكة المتحدة إلخ ... بتفرق كتير ... بتعمل Fast tracking زي ما بيقولوا هنا .... للخبر اليقين من الأفضل مراسلة الكلية الملكية .rcpsc.medical.org حضرتك تقولي أسم الجامعة المانحة للدرجة و منهج الدراسة و هما يردوا حتختصر قد إيه في الطريق

لورنس افنيو في سكاربورو و مناطق كتير في مسيسوجا زاي هيرونتاريو ستريت فيهم الجبنة الرومي و البراميلي و الفول و العدس أبو جبة و الطعمية المصري و العسل الأسود و الطحينة و الملوخية و البامية و عصير بست ....إلخ :)

[د هشام ابراهيم]

كبير يا دكتور هشام

انا توقعت تسامحك

سؤالي الاناني هو ايه اخبار تخصص الجلدية عندكم ونياباتها وشكرا

أخي الفاضل لك جزيل الشكر و الامتنان على أدبك و ذوقك العالي ... تخصص الجلدية من التخصصات النادرة و مش مطلوب بكثرة في محيط عملي ... و بصراحة ليست لدي معلومات كافية عن حاجة سوق العمل له ... أستميحك عذرا

[qenawy]

ولا يهمك يا دكتور اشكرك . بل سعدت جدا بعودتك اكثر من الرد علي السؤال لان طريقي طويلة جدا دعواتك

بس ايه يعني ما فيش حد بيهرش في كندا؟

[د هشام ابراهيم]

كل

اولا:موضوع ضرب الفول وسندوتش الكبدة دة موضوع كبيييير. انا وزني زاد في قطر بشكل ملحوظ خلال الفترة الاخيرة ومن احد الاسباب وجود الاماكن القوية اللي زي دي.

ثانيا: الف شكر على ردك. والحقيقة انا باخد رائيكو سواء حضرتك او دكتور هشام بمصداقية متناهية ومفيش اي مجال للشك. بس الوجود على ارض الواقع يختلف كثيرا من النت وانا مش فاهم حتى الان الفرق في اية.

يعني مثلا الموقع المحترم اللي حضرتك حطيت الرابط بتاعة view ti ومواقع تانية زي toronto rentals ودة اداهولنا اخونا ياسر في مداخلاتة القديمة. بلاقي فية شقة اوضة وصالة في عمارة يعني (مش basment appartment) بمبلف 870 و 845 وهكذا في مسيساجا وسكاربو. وحاجات من الصور الموضحة بتكون كويسة جدا واليوتيليتز انكلوديد كمان. ومش عارف لية ماافكرش فيها وادور على اللي ب 1500. (لية ارض الواقع بتقول ان متوسط الايجار 1500 بينما في شقق في المواقع دي بنفس المقاييس و 850)؟؟!!!

طب أعمل حسابك حضرتك على زيادة في الوزن هنا كمان في كندا لما تيجي اذا شاء الرحمن :)

زاي ما حضرتك تفضلت أرض الواقع مختلف عن الأعلان ... في حالتي أنا راسلت سمسار عقارات من مصر قبل ما أسافر و قولتله على كل متطلباتي من الشقة و هو جابلي ٤ شقق اخترت منهم واحدة .... طبعا كنت أنا و المدام هاريين النت قبل كده بحث و مقارنة و تفضيل فلما شفنا الشقق عرفنا نختار

مثلا الشقة على بعد أقل من عشر دقائق مشي من المستشفي ... ما تتخيلش الراحة النفسية من كده قد إيه ... مثال اليوم التالي للنبطشية و انت مش شايف قدامك و الدنيا تلج (حرفيا ) و إنت مش هامك ... برضه المكان في جراج للعربية و لا لأ ... قريب من أماكن العبادة و التسوق و الحدائق العامة و دور رعاية الأطفال .... فيه غسالة و مجفف داخل الشقة نفسها و لا عمومي للمبني كله .... حجم التلاجه و نوعية الأجهزة الطبية ... أماكن التخزين الأضافية حاجات كتير قوي عليها بتاخد القرار الاخير في حدود امكانياتك ....

[د هشام ابراهيم]

ولا يهمك يا دكتور اشكرك . بل سعدت جدا بعودتك اكثر من الرد علي السؤال لان طريقي طويلة جدا دعواتك

بس ايه يعني ما فيش حد بيهرش في كندا؟

:)

الله يخليك يا أخي الفاضل و ربنا يديم المعروف

لا فيه طبعا ... و ظروف الجو بتخليي الجلد يعاني جدا من البرد و الجفاف و التكييف المركزي إلخ .... لكن أغلب الحاجات ديه بيتعامل معاها طبيب العائلة (family doctor) حتي علاج حب الشباب و ازالة الزوائد الجلدية و التهابات الجلد إلخ .... التحويل إلي أخصائي جلدية بتبقى للحالات المتقدمة أو النادرة أو المستعصية

[moheltohamy]

التحويل إلي أخصائي جلدية بتبقى للحالات المتقدمة أو النادرة أو المستعصية

يا راااااجل! :) (طب بعد إذنك نـ tease د. قناوي شويّة)

أمّال كنا بنسمع المقولة الشهيرة:

Internal Medicine: Knows everything and does nothing!

Surgeon: Knows nothing but does everything!

Dermatologist: Knows nothing and does nothing!

وفيه مقولة أشهر منها برضه... عيّان الجلدية لا بيموت... ولا بيخف

مساء الفل يا د. قناوي

معلش بأه هيه النكتة حكمت ، وانتا عارف أنا باعزّك أد إيه

[د هشام ابراهيم]

التحويل إلي أخصائي جلدية بتبقى للحالات المتقدمة أو النادرة أو المستعصية

يا راااااجل! :) (طب بعد إذنك نـ tease د. قناوي شويّة)

أمّال كنا بنسمع المقولة الشهيرة:

Internal Medicine: Knows everything and does nothing!

Surgeon: Knows nothing but does everything!

Dermatologist: Knows nothing and does nothing!

وفيه مقولة أشهر منها برضه... عيّان الجلدية لا بيموت... ولا بيخف

مساء الفل يا د. قناوي

معلش بأه هيه النكتة حكمت ، وانتا عارف أنا باعزّك أد إيه

تكملة للنكتة بقى

Pathologists = know everything and do everything .....but too late

[ايهاب سالم]

Internal Medicine: Knows everything and does nothing!

Surgeon: Knows nothing but does everything!

Dermatologist: Knows nothing and does nothing

Pathologists = know everything and do everything .....but too late

طب ممكن تشرحو لواحد مهندس غلبان ملوش في التيب

الكلام ده شرحه ايه و جه منين

[الأهلاوي الأصيل]

Internal Medicine: Knows everything and does nothing!

Surgeon: Knows nothing but does everything!

Dermatologist: Knows nothing and does nothing

Pathologists = know everything and do everything .....but too late

طب ممكن تشرحو لواحد مهندس غلبان ملوش في التيب

الكلام ده شرحه ايه و جه منين

طبيب الباطنة : بيعرف كل حاجة وما بيعملش أي حاجة

الجراح: ما بيعرفش حاجة وبيعمل كل حاجة

الجلدية: ما بيعرفش حاجة وما بيعملش حاجة

الطبيب الشرعي: بيعرف كل حاجة وبيعمل كل حاجة بس بعد فوات الأوان

[ايهاب سالم]

Internal Medicine: Knows everything and does nothing!

Surgeon: Knows nothing but does everything!

Dermatologist: Knows nothing and does nothing

Pathologists = know everything and do everything .....but too late

طب ممكن تشرحو لواحد مهندس غلبان ملوش في التيب

الكلام ده شرحه ايه و جه منين

طبيب الباطنة : بيعرف كل حاجة وما بيعملش أي حاجة

الجراح: ما بيعرفش حاجة وبيعمل كل حاجة

الجلدية: ما بيعرفش حاجة وما بيعملش حاجة

الطبيب الشرعي: بيعرف كل حاجة وبيعمل كل حاجة بس بعد فوات الأوان

شكرا يا اهلاوي

بس يا راجل يا طيب انا مكنش قصدي الترجمه

انا طلبت شرح و ليه بيقال كده من وجهة نظر الاتباء

طبعا باستثناء الطبيب الشرعي

دي واضحه

[moheltohamy]

بص يا إيهاب... أشرحلك ؛ وإن كان الموضوع كله هزار مع د. قناوي (على الله ما ياخدهاش بجد!)

طبيب الباطنة: مذاكر كويّس وعارف كل حاجة ، ويجيبلك التايهة اللي جوّه من غير لغوصة في بطن العيّان (المريض يعني wst:: )! ويطلب تحاليل وأشعّة وفحوصات وبلا أزرأ ، من غير ما ييجي ناحية العيّان! وبالتالي آخره بيوصف أدوية ؛ من غير تدخّل جراحي... يعني م الآخر - من وجهة نظر العيّان - كشف وكتب كلمتين على ورأة ، وخد الفيزيتا!

الجرّاح: فيه انتفاخ في بطن العيّان ؛ مش مهم ؛ يفتح يشيله ، وبعدين نبقى نشوف هوّه إيه... إيده جاهزة ع المشرط على طول! ودايماً داخلين بمناخيرهم في كل حاجة ، ومؤمنين ببيت الشعر بتاع (المشرط أصدق أنباءً من الكتب *** في حدّه الحد بين الجد واللعب)، وشايفين إنهم همّه أحسن تخصص (بالذات بتوع الجراحة العامة) ، دول شايفين إن استئصال الرحم همه أولى بيها من دكاترة النسا!

الجلدية بأه (د. قناوي): غالباً عيّان الجلدية بتلاقيه زبون مستديم عن دكاترة الجلدية... معظم الأمراض الجلدية بيكون ليها علاقة بشكل أو بآخر بالمناعة (Autoimmune) ؛ بمعنى إن الجسم بيهاجم نفسه (أجسام مضادة ضد بعض أنسجة الجسم نتيجة خلل في الجهاز المناعي مؤقت أو مستديم).

وكتير من الأمراض الجلدية بتكون بحاجة لعلاج يومي لمدة 4-6 أسابيع (زي التينيا مثلاً) ، والعيّان من دول يدهن يومين تلاتة ، ويلاقي الحالة بقت آخر ألسطة وميت فل واربعتاشر... يوقف العلاج ، وكلها كام أسبوع ولاّ شهر ويرجع الموضوع تاني!

وأمراض تانية بتختلف درجة الإستجابة من مريض للتاني...

يعني الخلاصة... نسبة قليلة من الأمراض الجلدية هيه اللي بتوصل للشفاء التام Full Recovery ، وبعد مدة طويلة كمان!

وبتاع الباثولوجي (التحاليل المرَضيّة): بيجيبلك م الآخر (عيّنة الأنسجة اللي بعتّوها دي الراجل عنده الورم الفلاني العلاّني ، وآديني شايف تحت الميكروسكوب أدامي السيتوبلازم بقى بيزوفيليك وكلامبيد كروماتين ومايتوتيك فيجارز... إلخ)...

لكن العيّان نفسه لمّا بيروح يشتكي - خصوصاً في بلادنا الغلبانة - بيكون الموضوع تطوّر ، والورم انتشر! وبالتالي نتيجة التحليل الباثولوجي بتكون متأخرة ، و ف أحيان كتيرة بيكون من الصعب التدخل واستئصال الورم بعد انتشاره في جسم المريض! وطبعاً ما عندناش حتت نروح نعمل تشيك أب! دي مياصة ودلع (من وجهة نظرنا وثقافتنا طبعاً)

خد النكتة دي على الدكاترة... طالما النكتة حكمت بأه... نكمّلها فضايح wst::

وصلت كده يا ريّس؟ ولاّ نئول كمان؟! :)

تم تعديل 3 ديسمبر 2008 بواسطة moheltohamy

[bent misr]

بص يا إيهاب... أشرحلك ؛ وإن كان الموضوع كله هزار مع د. قناوي (على الله ما ياخدهاش بجد!)

طبيب الباطنة: مذاكر كويّس وعارف كل حاجة ، ويجيبلك التايهة اللي جوّه من غير لغوصة في بطن العيّان (المريض يعني wst:: )! ويطلب تحاليل وأشعّة وفحوصات وبلا أزرأ ، من غير ما ييجي ناحية العيّان! وبالتالي آخره بيوصف أدوية ؛ من غير تدخّل جراحي... يعني م الآخر - من وجهة نظر العيّان - كشف وكتب كلمتين على ورأة ، وخد الفيزيتا!

الجرّاح: فيه انتفاخ في بطن العيّان ؛ مش مهم ؛ يفتح يشيله ، وبعدين نبقى نشوف هوّه إيه... إيده جاهزة ع المشرط على طول! ودايماً داخلين بمناخيرهم في كل حاجة ، ومؤمنين ببيت الشعر بتاع (المشرط أصدق أنباءً من الكتب *** في حدّه الحد بين الجد واللعب)، وشايفين إنهم همّه أحسن تخصص (بالذات بتوع الجراحة العامة) ، دول شايفين إن استئصال الرحم همه أولى بيها من دكاترة النسا!

الجلدية بأه (د. قناوي): غالباً عيّان الجلدية بتلاقيه زبون مستديم عن دكاترة الجلدية... معظم الأمراض الجلدية بيكون ليها علاقة بشكل أو بآخر بالمناعة (Autoimmune) ؛ بمعنى إن الجسم بيهاجم نفسه (أجسام مضادة ضد بعض أنسجة الجسم نتيجة خلل في الجهاز المناعي مؤقت أو مستديم).

وكتير من الأمراض الجلدية بتكون بحاجة لعلاج يومي لمدة 4-6 أسابيع (زي التينيا مثلاً) ، والعيّان من دول يدهن يومين تلاتة ، ويلاقي الحالة بقت آخر ألسطة وميت فل واربعتاشر... يوقف العلاج ، وكلها كام أسبوع ولاّ شهر ويرجع الموضوع تاني!

وأمراض تانية بتختلف درجة الإستجابة من مريض للتاني...

يعني الخلاصة... نسبة قليلة من الأمراض الجلدية هيه اللي بتوصل للشفاء التام Full Recovery ، وبعد مدة طويلة كمان!

وبتاع الباثولوجي (التحاليل المرَضيّة): بيجيبلك م الآخر (عيّنة الأنسجة اللي بعتّوها دي الراجل عنده الورم الفلاني العلاّني ، وآديني شايف تحت الميكروسكوب أدامي السيتوبلازم بقى بيزوفيليك وكلامبيد كروماتين ومايتوتيك فيجارز... إلخ)...

لكن العيّان نفسه لمّا بيروح يشتكي - خصوصاً في بلادنا الغلبانة - بيكون الموضوع تطوّر ، والورم انتشر! وبالتالي نتيجة التحليل الباثولوجي بتكون متأخرة ، و ف أحيان كتيرة بيكون من الصعب التدخل واستئصال الورم بعد انتشاره في جسم المريض! وطبعاً ما عندناش حتت نروح نعمل تشيك أب! دي مياصة ودلع (من وجهة نظرنا وثقافتنا طبعاً) :blink:

خد النكتة دي على الدكاترة... طالما النكتة حكمت بأه... نكمّلها فضايح wst::

وصلت كده يا ريّس؟ ولاّ نئول كمان؟! :rolleyes:

بجد مش ممكن يا د/ تهامي دا انتى ضيعت الدكاتره خالص

الحمد لله أنا صيدلانيه :lol: :lol: ايه أولك با :blink:

[ايهاب سالم]

خد النكتة دي على الدكاترة... طالما النكتة حكمت بأه... نكمّلها فضايح :rolleyes:

وصلت كده يا ريّس؟ ولاّ نئول كمان؟!

يا خبر ابيض

مين اللي ألف النكته دي يا تهامي

في الجون فعلا

أنا مفهمتش حاجه من كلامك الأولاني ... سيتوبلازم و توكسافين و الدوده الشريطيه

بس لما قريت النكته

مفهمتش حاجه برضه

أصل انا كنت ادبي

[ايهاب سالم]

الجلدية بأه (د. قناوي): غالباً عيّان الجلدية بتلاقيه زبون مستديم عن دكاترة الجلدية... معظم الأمراض الجلدية بيكون ليها علاقة بشكل أو بآخر بالمناعة (Autoimmune) ؛ بمعنى إن الجسم بيهاجم نفسه (أجسام مضادة ضد بعض أنسجة الجسم نتيجة خلل في الجهاز المناعي مؤقت أو مستديم).

وكتير من الأمراض الجلدية بتكون بحاجة لعلاج يومي لمدة 4-6 أسابيع (زي التينيا مثلاً) ، والعيّان من دول يدهن يومين تلاتة ، ويلاقي الحالة بقت آخر ألسطة وميت فل واربعتاشر... يوقف العلاج ، وكلها كام أسبوع ولاّ شهر ويرجع الموضوع تاني!

وأمراض تانية بتختلف درجة الإستجابة من مريض للتاني...

يعني الخلاصة... نسبة قليلة من الأمراض الجلدية هيه اللي بتوصل للشفاء التام Full Recovery ، وبعد مدة طويلة كمان!

:rolleyes:

كده عرفنا الدكتور / قناوي عملهم إزاي

العيان رايح جاي

و فيزيتا رايح و فيزيتا جاي

و ما بيخفش

جتنا نيله في حظنا الهباب

[د هشام ابراهيم]

نيجي لسؤال أتسألته عن موضوع شائك ... تربية الأولاد وسط مجتمع مختلف في قيمه و تقاليده .... التعليم في المدارس و حاضيف كمان التعليم الجامعي ....و دور المراكز الدينية في مساعدة المهاجرين

أولا دعونا نتفق على بعض النقاط الهامة

أطفالنا ليهم حق علينا في توفير حياه أفضل ليهم .... تعليم و رعاية صحية و بيئة نظيفة و حياة ديمقراطية في بلد تحترم سيادة القانون

خصائص العصر اللي احنا عايشينه بتحتم علينا بذل مجهود مضاعف في التربية لحماية اولادنا من المغريات و مسببات الأنحراف اللي موجودة حوالينا في كل حتة سواء كنا في مصر أو في كندا أو في الخليج

الأطفال خاصة في سن المراهقة أكتر فئة عمرية ممكن تتعرض لهزات نفسية مع الهجرة و تغيير نمط الحياة

طب ما الحل

رأيي الشخصي المتواضع إن تربية الأطفال في كندا قد تكون أسهل من مصر لكن الموضوع عايز تركيز شديد من الأبوين و مجهود مضاعف و ساعات كمان تضحيات .... ما حدش قال إن الولاد مش مسئولية

كندا عموما بلد محافظة بالنسبة لكتير من بلاد العالم الغربي ( لا تقارن مثلا بدول وسط أوروبا المفرطة في الاباحية ) برامج التلفزيون كلها ليها تقييم هي تنفع لأي فئة عمرية ... أي مناظر أو كلام أو أفكار غير مناسبة للاطفال الفيلم بيتعلم عليه .... و بالمثل أفلام السينما .... جمعيات أهلية كتير مهتمة بالمحتوى الموجود في مواقع النت و مدي ملائمتها للاطفال و بتنشر تقارير دورية عن المواقع الآمنة و غير الآمنة .... طبعا تبقى أفكار و ممارسات مقبولة في مجتمع غربي انما غير مقبولة لنا و هنا يجي المجهود المضاعف اللي اتكلمنا عليه من جانب الأهل .... أعتقد اني تكلمت عن قصة المهاجرين المصريين و غيرهم كتير اللي ربوا ولادهم هنا في كندا و ما شاء الله الجيل التاني من المصريين المهاجرين فيه نماذج كتير مشرفة .... طبعا فيه نماذج عادية و نماذج دون المقبول بس أعتقد ده الحال حتي في الأولاد المتربين في مصر إن لم يكن أسوأ

و برضه هنا بتبرز النقطة اللي قلناها قبل كده عن اختيار مكان السكن .... وسط مدينة تورنتو مثلا غير مناسب لسكن العائلات بسبب المناظر اللي ممكن تتشاف في الشارع من سكر و تشرد و شذوذ ... انما الضواحي و خصوصا المناطق اللي فيها عائلات محافظة و ملتزمة دينيا سواء مسلمين أو مسيحييين تختفي فيها المناظر ديه تماما .... و بالمثل المدن خارج تورنتو .... لي زملاء سبقوني في الهجرة و الأمتحانات و مستقرين حاليا في مدن زاي كيتشنر و جويلف و الدنيا هناك أهدي من وسط تورنتو بمراحل و الجو العام جو محافظ

بالنسبة للمدارس فالتعليم في كندا من أحسن ما يمكن و في خلال بضع شهور تلقوا العيال حالهم اتبدل و لسانهم قلب انجليزي و تفكيرهم أتغير .... طبعا من المهم أن الوالدين يتابعوا الأولاد يوميا و يخلوا بالهم من الأفكار اللي ممكن تتسرب ليهم ... طبعا العملية مش سهلة لكن الأمر يستحق

اللغة العربية لازم لها اهتمام مخصوص حتي لو تطلب الأمر دروس خصوصية في البيت ... ما هو ما فيش دروس خصوصية تانية :rolleyes: .... و بالمثل القرآن الكريم .... و هنا ييجي دور المراكز الأسلامية

تورنتو مليانة جوامع ما شاء الله و أغلبها ليها نشاط محترم .... دروس دينية و تحفيظ قرآن و حلقات دراسة للسيرة و التاريخ الاسلامي .... و منها مراكز بتنظم مؤتمرات اسلامية بتدعو فيها شخصيات بارزة من العالم الاسلامي لالقاء محاضرات و خطب ... و أيضا رحلات لفريضة الحج

بالمثل الكنيسة الأرثوذكسية ليها تواجد قوي أماكن تجمع المصريين و نشاط قوي كنسي و اجتماعي و حياتي

نيجي للتعليم الجامعي طبعا كندا فيها جامعات من أفضل جامعات العالم و الناس بتتنافس على الألتحاق بيها ... فيه طلبة كتير بييجوا من أنحاء العالم للدراسة في كندا ... طبعا التعليم الجامعي غالي و ساعات الموضوع بيتطلب قرض من البنك لتمويل المصاريف خاصة كلية الطب ... عادة الخريج بيقضي كذا سنة بعد التخرج يسدد فيه .... طريقة تانية و شفتها فعلا الأبن رجع مصر درس الطب في عين شمس و رفع قدم في ال-IMG و دخل نيابة من سنة أولي و هو الآن على اعتاب التخرج إن شاء الله