قصتي مع كندا

[Mercedes]

يا أفندم الله يخليكي أخجلتم تواضعنا يا آيس باشا .....

بصي سعادتك .......سنة الأمتياز طوييييلة قوي و في نفس الوقت بتخلص فجأة ....بارادوكس من الأول و هو ده الطب يا عبلة (وش محمود ياسين ) :lol:

حتي لو مكملة في مصر حاولي تلاقي تخصص في الطب تكملي فيه .....أعتبريه plan B-لو موضوع الاعلام ده ما نفعش

لو حضرتك من النوعية اللي بيبقى عندها كمان plan C أنصحك تشوفي موضوع ال-USMLE .....مجرد نصيحة مبنية علي تجربة شخصية ....لو الزمن رجع بيا كنت عملت كده

ربنا يوفقك يا رب و تحققي كل ما تصبو إليه نفسك

السلام عليكم و رحمة الله و بركاته :lol:

ازيك يا دكتور هشام باشا :wub:

والله انت باشا و مش أقل من كده, دا حتى الباشوات جمبك ولا حاجة

اسمحلى أن أقف و أرفع القبعة و أحييك تحية كبييييييييييييييييرة اوى صادرة من أعمااااااااااااااااااااق قلبى.

انا فعلا لو الزمان يرجع بى ورا كنت و الله العظيم smk: :sad: بدأت فى موضوع المعادلة الأمريكية ولا أرضى لها بديلا

والله يا دكتور هشام يا كبير, انت عمرك اطول من عمرىو كأنك بتقرأ كل أفكارى.

أنا أختى هتبدأ ان شاء الله الامتياز بتاعها فى شهر مارس الجاى و أنا ناقص أبوس رجليها عشان تبدأ تداكر المعادلة الأمريكية لكن هى واخدة على الكسل و النوم.

والله كل مل أشوفها و هى بتضيع فى الوقت الثمين ده, يبقى نفسى أعيط.

الى الدكتورة ICE, أرجو منك رجااااااء حارا جدا جدا جدا , أنك تسمعى و تعملى بنصيحة الدكتور هشام, لأنه أكيد يعرف أكتر منك فى الأمور دى و خصوصا أنه اشتغل كتييييير و سافر كتيييييير و عارف أن الشهادات المحلية بتاعتنا بتاع مصر أنها أصبحت بلا أى قيمة للأسف.

و انا اوعدك وعد رجالة أننى على استعداد تاااااااام لتقديم أى استفسار بخصوص المعادلة الأمريكية الجزء الأول لأنى كنت بدأت أداكرها بس للأسف اضطريت أوقف المداكرة عشان أجهز نفسى لامتحان الجزء التالت بتاع الزمالة البريطانية فى الجراحة - ربنا يوفقنى يا رب - بس ان شاء الله , أنا ناوى بعد كده أكمل تانى.

بصى يا دكتورة , على رأى الجماعة الأمريكان و الجماعة المهاجرين الأطباء اللى راحو أمريكا بيقولوا ايه, It does worth

و سيبك من أعدااااااااء النجاح اللى يقولولك أن من الصعب أن يجيلك نيابة هناك وأن مصاريف الامتحان كبيرة و أن ممكن ماعرفش اخد تأشيرة أمريكا و الكلام الفاضى ده,كل ده ببساطة كلام فاضى و هلس و هكا هيقولولك الكلام ده كتير لأنهم نفسهم يعملوا الموضوع ده و مش عارفين, ببساطة أعملى اللى عليكى و سيبى الباقى على ربنا و مستحيل ربنا هيخيب تعبك و يكسر بخاطرك.

و اوعى بقه تقعدى تجرى ورا نيابة فى الصحة أو حتى فى الجامعة, أنا كنت نايب جراحة أوعية دموية و لو كنت لقيت حد قالى الكلام ده, كنت هسيب النيابة بتاع جراحة الأوعية اللى فى الجامعة و كنت داكرت المعادلة الأمريكية , حتى الدكتور هشام لو الزمن رجع بيه لورا, كان هيسيب النيابة بتاع التخدير اللى بعده هيبقى ستاف جامعة و يداكر المعادلة الأمريكية.

و أنا متأكد أصلا أنك هتلاقى كتييييييير أوى فى دفعتك بدأوا الموضوع ده, ممكن تشوفى أى واحدة من زميلاتك, تكون واحدة كدة عندها اصرار و مجتهدة و تبدأوا تداكروا سوا, و ادا ربنا يسر و الموضوع مشى معاكى, هتفتكرى الكلام ده كويس أوى و هتتأكدى أننا كنا على حق و احنا بنقولك الكلام ده, بس ساعتها ابقى ادعيلنا.

أرجو يا دكتورة ان الرسالة و المعنى المطلوب يكون وصلك

أخوكى فى الله

MERCEDES S430

[د هشام ابراهيم]

السلام عليكم و رحمة الله و بركاته

ازيك يا دكتور هشام باشا bv:-

والله انت باشا و مش أقل من كده, دا حتى الباشوات جمبك ولا حاجة

اسمحلى أن أقف و أرفع القبعة و أحييك تحية كبييييييييييييييييرة اوى صادرة من أعمااااااااااااااااااااق قلبى.

انا فعلا لو الزمان يرجع بى ورا كنت و الله العظيم :aslam: :king: بدأت فى موضوع المعادلة الأمريكية ولا أرضى لها بديلا

والله يا دكتور هشام يا كبير, انت عمرك اطول من عمرىو كأنك بتقرأ كل أفكارى.

.................

يا أفندم كتر ألف خيرك ...... هو الواحد ما ينفعش ياخد كريديت علشان أتعلم من غلطاته .....الباشا اللي بجد هو اللي يتجنب الغلط من الأساس

أنا شلتي كلها راحت عملت المعادلة في الأمتياز و هجوا بدري بدري ....أنا اللي قاوحت و قلت ما سابش مصر .....استاهل بقي

مبروك لاخت حضرتك و ربنا يوفقها بفضله

[د هشام ابراهيم]

بروفيسور هشام استمتعنا على مدار الصفحات السابقة بتوبيك رائع ربنا يكرمك عليه

سؤالى الآن

بعد السنوات اللى فاتت دي فى كندا

ما سلبيات تجربتك فى كندا على المستوي الشخصي؟

وما سلبيات الهجرة الى كندا بشكل عام؟

لأنى مؤمن أن لكل شيئ جانبيه الايجابي والسلبي

ولك منى كل تحية

دكتورنا العزيز ...تجربة العبد لله لسه في بدايتها و صعب استخلص منها دروس حاسمة أو أمسك المايك و ارتدي ثوب الواعظ ...صحيح هما حوالي خمس سنين انما صعب أقيم التجربة كلها في خلال مدة قصيرة كده (مساء الفل يا معلم Z :aslam:)

علي قد تجربتي الشخصية القصيرة نوعا أقدر أذكر بعض السلبيات

- نمرة واحد و لغاية مية ...البعد عن الاهل و الأصحاب ....ما لهاش حل ....سعادتك بتسيب جزء من نفسك في بلدك و صعب إذا ما كانش مستحيل تعوضه ....... أهلي أنا شخصيا مبسوطين في مصر و مش شايفين فيها ما يستدعي انهم يسيبوها ...الامر كان مختلف تماما بالنسبة لي ...علي الاقل في المرحلة ديه

محاولات تعويض الاصحاب باصحاب جداد بتاخد وقت طويل و بتستنزف طاقة مشاعر ......محاولات اقناع الاصحاب بالهجرة لنفس المكان بتبقى ساعات مثيرة للشفقة ...pathetic يعني

- ييجي بعد كده لعنة الغراب الابيض ....مش عارف حضرتك قريتها في الموضوع ده من شوية و لا لأ ......لا بتعرف تندمج كاملة في المجتمع الجديد و لا بتعرف تنتمي أو تتوائم مع المجتمع القديم .....برضه استنزاف لطاقة المشاعر

- الأستقرار الاسري أو تكوين أسرة خاصة في الأول بيعاني جامد ..... لو مش متجوز أو متجوز من غير أطفال أو متجوز باطفال ...كل حالة من دول ليها مشكلتها

- الفترة الأولانية بالذات حيبقى فيها خسارة مادية لا بأس بها ...... لو التجربة كلها ما نجحتش لا قدر الله حتبقى خسارة لا تعوض

- اللغة العربية و حتي العامية الدارجة بتتأثر طرديا كلما بعدت متابعتك لاعلام بلدك ....مقروء أو مسموع أو مرئي أكيد برضه بيتأثر

دول اللي علي بالي دلوقتي ........بالرغم من كل ده أنا شايف الايجابيات أكتر كتير رغم كل الصعوبات ....علي رأي الكنادوة

You can never have it all

[د هشام ابراهيم]

أكتر من ٢٠٠ صفحة و فوق ال-٣٠٠٠ مشاركة و زيادة عن ٢٢٠ ألف مشاهدة

الحمد لله أولا و أخيرا ...... و الشكر و العرفان ليكم جميعا .....كل من شارك سواء كتابة أو قراءة .......... ممكن استسمحكم في اجازة مفتوحة من التوبيك ده ...... مع وعد بمعاودة الكتابة أول ما يتيسر الحال

تحياتي و تقديري و احترامي و محبتي للجميع

[icehearted girl]

أنا أختى هتبدأ ان شاء الله الامتياز بتاعها فى شهر مارس الجاى و أنا ناقص أبوس رجليها عشان تبدأ تداكر المعادلة الأمريكية لكن هى واخدة على الكسل و النوم.

حضرتك قلتلي اختك اسمها ايه :aslam: :king:

لا والله الموضوع مش كسل انا كمان هستلم امتيازي فمارس معاها

الموضوع اننا حصلنا exhausion الفترة اللي فاتت دي ومحتاجين مرحلة من الانتخة

بس ممكن بس تفهمني مزايا المعادلة الامريكية في بوينتس ممحددة الله يكرمك

علماااااااااا باني رافضة خالص موضوع اني اسيب مصر عشان فرصة عمل

لو سياحة معنديش مانع غير كدا نو bv:-

ممكن استسمحكم في اجازة مفتوحة من التوبيك ده ...... مع وعد بمعاودة الكتابة أول ما يتيسر الحال

لايفندم مش مسموح

[znaty]

دكتورنا العزيز ...تجربة العبد لله لسه في بدايتها و صعب استخلص منها دروس حاسمة أو أمسك المايك و ارتدي ثوب الواعظ ...صحيح هما حوالي خمس سنين انما صعب أقيم التجربة كلها في خلال مدة قصيرة كده (مساء الفل يا معلم Z :aslam:)

لووووو سمحت

من فضلك ..كل في تخصصه

انا ماجيستير سلبيات ...اي زبون تباصيهولي على الهيد من فضلك

اي خائن عميل متفائل ..هازحلقهولك با ريس

[Mercedes]

أنا أختى هتبدأ ان شاء الله الامتياز بتاعها فى شهر مارس الجاى و أنا ناقص أبوس رجليها عشان تبدأ تداكر المعادلة الأمريكية لكن هى واخدة على الكسل و النوم.

حضرتك قلتلي اختك اسمها ايه :rolleyes: :rolleyes:

لا والله الموضوع مش كسل انا كمان هستلم امتيازي فمارس معاها

الموضوع اننا حصلنا exhausion الفترة اللي فاتت دي ومحتاجين مرحلة من الانتخة

بس ممكن بس تفهمني مزايا المعادلة الامريكية في بوينتس ممحددة الله يكرمك

علماااااااااا باني رافضة خالص موضوع اني اسيب مصر عشان فرصة عمل

لو سياحة معنديش مانع غير كدا نو :sad:

ممكن استسمحكم في اجازة مفتوحة من التوبيك ده ...... مع وعد بمعاودة الكتابة أول ما يتيسر الحال

:rolleyes: لايفندم مش مسموح

السلام عليكم و رحمة الله و بركاته

ببساطة جدا , لو سيادتك عاوزه تتعلمى طب صح, اجرى ورا الشهادات الأجنبية اللى هتخليكى تتعلمى فى مكان كويس و محترم و تاخدى شهادة ليها قيمة مهما الموضوع ده كلفك من مجهود أو فلوس لأن فى الىخر هيبقالك سعر عالى فى سوق العمل سواء فى أوروبا أو أمريكا أو الخليج أو حتى مصر و بلاش و النبى تضيعى عمرك هباء ورا شهادة من مصر, بعد ما تخديها تكتشفى للأسف أم فى منها كتير و أن السوق مليان و أن كتيييير معاهم الشهادة اللى معاكى بصرف النظر ادا كانوا فعلا بيعرفوا طب ولا لأ, لأن غالبا اللى بيدوا الشهادات دى ما بيشترطوش أن الCandidate يكون اتعلم كويس و بيعرف فى تخصصه صح.

و لو كنتى اتفرجتى على الحلقة بتاع القاهرة اليوم أمس الثلاثاء بتاع عمر أديب, كنتى عرفتى أنا قصدى ايه و كنتى عرفتى مستوى التعليم و الشهادات المصرية تدهور لحد فين.

و ربنا يوفقك و يكرمك و ييسرلك أمرك

MERCEDES S430

[Mercedes]

دا حتى يا دكتورة ICE, فى أمريكا , العربيات رخيصة و لو المارش بتاعها عطل, ارمى العربية و هاتى غيرها و خلاص

لكن لسه هتستنى حد يزقلك العربية !!!!!!!!!

[icehearted girl]

هههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههه

ياخبرررررررررررررررر

والله فطستني ملضحك :rolleyes:

هوا حضرتك فكرك لو رحت اخر العالم هستغني عن باكينام؟؟؟

ولو... معايا معايا ياما شالتني..جه الدور عليه اشيلها شوية

وبخصوص الشهادات الاجنبية انا متفقة مع حضرتك بس مش لدرجة معادلة امريكية

انا بس فكرت فزمالة بريطانية

متهيألي مدتها اقل

وتكلتها اقل

وكمان بتعلي سعري زي محضرتك قلت هنا جوا مصر لاني مبفكرش اسافر نهائيا

انما المعادلة الامريكية 90% من مزاياها بتكون خارج مصر

تم تعديل 17 فبراير 2010 بواسطة icehearted girl

[Mercedes]

السلام عليكم رحمة الله و بركاته

طااااااااااااااااااااايب , حضرتك حرة :rolleyes: :sad:

اعملى حضرتك أنتى شايفاه صح :rolleyes: :rolleyes:

بس, على مدار مشوارك العملى اللى سيادتك هتبدأيه, خلى هناك دايما UTURN أقصد طريق للرجوع , عشان لو مشيتى فى سكة و لقيتيها مش قد كده, يكون دايما عندك بديل قبل فوات الأوان.

ألا هى الست ( بااااكينااااام ) ماركتها ايييييه؟؟؟

MERCEDES S430

[icehearted girl]

FIAT 128

:rolleyes: :rolleyes: :sad:

سعة 128 راكب :rolleyes:

[Mercedes]

FIAT 128

wst:: wst:: wst::

سعة 128 راكب :sad:

السلام عليكم و رحمة الله و بركاته :rolleyes:

تصدقى فعلا والله , ليكى حق ما تسيبيش مصر خاااااااااااااااااالص :rolleyes:

لأن أكيد أمريكا و كندا و دول العالم التالت ديييييييييييييى :rolleyes: , مش فيها عربيات 128 خالص

و عشان كده أنت مش بتحبى تسافرى بره الا يدوووووب سياحة, عشان مش هتقدرى تبعدى عن العربية بتاعتك مدة طويلة :sad:

ربنا يباركلك فيها و يرزقك خيرها و يكفيكى شرها

MERCEDES S430 :sad:

[icehearted girl]

بحس بنوزيا لما تجيبوا سيرة الدول دي

اعمل ايه بس

حتي لو اضطرررررررريت اغير ال 128 فمش هغير الفيات نيفر ايفر

بحس اني مصفحة جواها

داغير انها مصدر الالهام :rolleyes:

لو قولتلك نمشى وقولتلى لأه

ياريت بلاش تتعب لو قولتلك .. زقه

متخافش صوت الماتور هيدق كام دقه

بعدين أكيد هتدور

بعدين

تبوظ

فجـــأه

كرك طاخ أو بوم عادى ولا سامعبن

اصل الماتور عندى فيه ناس وبنى ادمين

لو تفتح الكبوت

خلق وبــــــــشر عايشين

لكــــن نخاف ؟؟ لأه

واصــــــــــــــلين أكيد واصــــــــــــلين

:rolleyes:

[Mercedes]

السلام عليكم و رحمة الله و بركاته

لأ , بالشكل ده فعلا , أنتى لازم تفضلى فى مصر , ماينفعكيش غير مصر :hearts:

بالتوفيق

MERCEDES S430

[ibrahimeisa]

mfb: .....

أنصحك تشوفي موضوع ال-USMLE .....مجرد نصيحة مبنية علي تجربة شخصية ....لو الزمن رجع بيا كنت عملت كده

د:هشام

إحنا لسه فى أول الطريق والزمن لسه هيمشى بينا :)

فدلوقتى أنا إحترت من قرائتى للموضوع كندا تمام وزى الفل وبعدين راى حضرتك فوق بيرجح الامريكيه

فيا ريت حضرتك تحطلنا عيوب أى معادله قبل مميزاتها لان كدا كدا الواحد بادىء من الاول وسواء دى أو دى مش هتفرق كتييير

فيا ريت تفيدنا بتجربه حضرتك فى الموضوع ده

وجزاك الله خيرا

[د هشام ابراهيم]

:wub: .....

أنصحك تشوفي موضوع ال-USMLE .....مجرد نصيحة مبنية علي تجربة شخصية ....لو الزمن رجع بيا كنت عملت كده

د:هشام

إحنا لسه فى أول الطريق والزمن لسه هيمشى بينا :)

فدلوقتى أنا إحترت من قرائتى للموضوع كندا تمام وزى الفل وبعدين راى حضرتك فوق بيرجح الامريكيه

فيا ريت حضرتك تحطلنا عيوب أى معادله قبل مميزاتها لان كدا كدا الواحد بادىء من الاول وسواء دى أو دى مش هتفرق كتييير

فيا ريت تفيدنا بتجربه حضرتك فى الموضوع ده

وجزاك الله خيرا

حاضر يا دكتور سين ....نجاوب و بعدين نواصل الاجازة

الموضوع شخصي بحت يا دكتور اللي ينفع لحد ما ينفعش للتاني ...لو بتفكر تهاجر كندا ما فيش مفر من المعادلة لو عايز تشتغل دكتور (الجملة ديه أنا شفتها فين قبل كده )

لو مش ناوي تهاجر كندا ..المعادلة الامريكية أسهل و الماتشينج بتاع النيابات أسهل و عليه مشقة المعادلة الكندية مش حتفيدك في حاجة

[SoSo R]

طيب عشان أقولكاجة تسعدك قبل ماتقفل الدكان و تجيب ضرفه...

من شوية كان فيه 23 زائر بيقرواالموضوع

للأسف ماليش فى برينت سكرين

كنت عملتها وفرجتك

بس طبعا كلامى ثقة :wub:

تحياتى ليك يا دكتور وربنا يجزبك خير على المعلومات اللى فادت ناس كتييييييييير

[resalah]

طيب عشان أقولكاجة تسعدك قبل ماتقفل الدكان و تجيب ضرفه...

من شوية كان فيه 23 زائر بيقرواالموضوع

للأسف ماليش فى برينت سكرين

كنت عملتها وفرجتك

بس طبعا كلامى ثقة :wub:

تحياتى ليك يا دكتور وربنا يجزبك خير على المعلومات اللى فادت ناس كتييييييييير

السلام عليكم ورحمة الله

خير يا دكتور هشام فى الحقيقة بقالى فترة بعيدة وفاتتنى كام صفحة بس أتخضيت من كلام دكتورة سوسو .

فى الحقيقة أن حضرتك من الناس اللى مجرد الواحد يشوف اسمهم فى المنتدى ده بيحس ان الدنيا لسه بخير .

وفى الحقبقة بردة صعب جدا الواحد يتخيل المنتدى من غير الأسماء الكبيرة أوى دى . ربنا يهدينا جميعا الى سبيل الرشاد .

[Mercedes]

السلام عليكم و رحمة الله و بركاته :happy:

أنا رأى أن الدكتور هشام لو ناوى يبطل يكتب فى باب ( قصتى مع كندا ) , فهو ممكن فعلا يتوقف عن الكتابة كام يوم أو كام أسبوع بالكتيييييير أوى و بعد كده هيلاقى أن فى حاجة ناقصاة و هيرجع يكتب تانى :) :) .

فأنا رأى أننا نسيبه ياخد فترة استجمام و يروح يتفسحله يومين فى جزر الكاريبى ;) و لما يرجع, أنا بعتقد أن ايده هتاكله على الكتابة و هيرجع ينغمش معانا تانى فى المنتدى.

ربنا يوفقك يا دكتور هشام يا غالى. bv:-

MERCEDES S430

[Mercedes]

السلام عليكم و رحمة الله و بركاته

هيييييييه, استعنا عالشقا بالله.

أنا بس جيت عشان أقولكم أن الدكتور هشام ابراهيم الحمد لله بألف صحة و عافية لأنى كنت شفته من شويه و هو بيكتب فى مواضيع تانية و هى ( عمار يا كندا - هموم مهاجر ) :wub: :wub:

فقلت أطمن الناس اللى فى باب ( قصتى مع كندا ) لأنكم أكيييييد قلقانين زيى.

أنا قلت أكتب الكلمتين دول بالدات عشان نشد التوبيك ده و نرجعه للصفحة الأولى تانى و أهو كله بثوابه . :)

الظاهر ان الدكتور هشام ابراهيم بعد ما أسس التوبيك ده و التوبيك بتاع العربيات, ناوى يتبرع بيهم للجمعيات الخيرية و مايبقاش ليه دعوة بيهم تانى , زى رجل الأعمال فرج عامر ما وقف تلت ثروته لمصر, و الله حاجة عظيمة. :lol:

MERCEDES S430