قصتي مع كندا

[اسكندرية تانى]

د.هشام باشا

كل سنة و انت و الاسرة بخير

اتمنى لك عيد سعيد و ربنا يسعدك زى ما بتسعدنا بمشاركاتك

احتراماتى :) ;)

[د هشام ابراهيم]

د.هشام باشا

كل سنة و انت و الاسرة بخير

اتمنى لك عيد سعيد و ربنا يسعدك زى ما بتسعدنا بمشاركاتك

احتراماتى :) ;)

و أنت بالف خير و صحة يا دكتورنا الفاضل

كلامك أسعدني أنا يا زميلي العزيز

لك جزيل الشكر و العرفان و أدام الله المعروف

[اسكندرية تانى]

أخى الفاضل د.هشام

لى سؤال من فضلك بعد 3 سنوات فى fellowship فى اونتاريو

هل يمكننى ان احصل على فترة fellowship أخرى ام لا؟

و يا ترى قدمت على الجنسية و لا لسه؟

تحياتى :) ;)

[Torontotruk]

كل سنة وانتم طيبين جميعا...عيد سعيد. :rolleyes:

[د هشام ابراهيم]

أخى الفاضل د.هشام

لى سؤال من فضلك بعد 3 سنوات فى fellowship فى اونتاريو

هل يمكننى ان احصل على فترة fellowship أخرى ام لا؟

و يا ترى قدمت على الجنسية و لا لسه؟

تحياتى

بص يا سيدي الفاضل ... عادة ال-fellowship تبقى لمدة سنة واحدة قابلة للتجديد (.... مش بالضرورة ... يعني حصلت لناس انهم جم سنة fellowship و اجتازوا فترة التقييم الاولية بس في أخر السنة لما أرادوا المد لسنة تانية ما نفعش .... مستوى ادائهم و معاملاتهم لم تكن مرضية ) .... قليل قوي ممكن تبقى ال-fellowship لسنتين و قابلة للتجديد لسنة اضافية ( برضه مرهونة بقبول طلب المد )

أقصي مدة لل-fellowship في أونتاريو ٣ سنين انما ممكن ناس تقدم على مد ال-fellowship و الطلب عرضة للقبول أو الرفض .... الصراحة قبول طلب المد هو الأستثناء مش القاعدة انما حصلت قبل كده و بتحصل

أنا على وشك التقديم للجنسية .... اللي أخرني اني مش لاقي ورقة ال-Landing .... فاضطريت أقدم على بدل فاقد و مستني استلمه لأنه طبعا مطلوب للتقديم

[دعاء]

كل سنة وانت طيب يا دكتور هشام

الحقيقة انت شرفتنا فى المنتدى فى ايام مفترجة وموضوعك جميل جدا واسلوبك جدير بالاحترام والتقدير

اعاد الله عيد الاضحى المبارك عليك وعلى اسرتك الكريمة بالخير واليمن والبركات

[madzoro]

كل سنة و انت طيب يا دكتور هشام و كل الاعضاء طيبين

[د هشام ابراهيم]

كل سنة وانت طيب يا دكتور هشام

الحقيقة انت شرفتنا فى المنتدى فى ايام مفترجة وموضوعك جميل جدا واسلوبك جدير بالاحترام والتقدير

اعاد الله عيد الاضحى المبارك عليك وعلى اسرتك الكريمة بالخير واليمن والبركات

و حضرتك طيبة يا سيدتي الفاضلة

الحقيقة إن سعدت بمعرفة جميع الأعضاء و العضوات و أرجو أن أكون أفدتهم بأي شيء و لو صغير و الله من وراء القصد

عيد سعيد على حضرتك و أسرتك الكريمة و الأمة كلها و ربنا يوفقك :waf:

كل سنة و انت طيب يا دكتور هشام و كل الاعضاء طيبين

و حضرتك و كل الأخوة و الأخوات بالف خير و صحة

[اسكندرية تانى]

دكتور هشام باشا

بمناسبة ليلة العيد ايه رأى سعادتك تحكى لنا الاجواء فى العيد عندك السنة دى و خلال السنوات الماضية؟

عاملين ايه؟ بتروحوا فين؟

تحياتى

[ايهاب سالم]

كل عام و انت بخير يا د / هشام

و كل عام و كل الأخوه في باب كندا بخير و سلام

و إن شاء الله العام القادم تكونوا حققتم كل أمالكم

سأوافيكم بصور صلاة العيد غدا بإذن الله

www.gtaeid.com

[د هشام ابراهيم]

دكتور هشام باشا

بمناسبة ليلة العيد ايه رأى سعادتك تحكى لنا الاجواء فى العيد عندك السنة دى و خلال السنوات الماضية؟

عاملين ايه؟ بتروحوا فين؟

تحياتى

كل سنة و أنت طيب يا دكتورنا العزيز ... طبعا الوقفة و العيد مش اجازة رسمي في كندا فالعاتق بيبقى علينا إن احنا "نحتفل " بالعيد بمجهودنا

أولا تاخد اجازة من الشغل ... و ديه سهلة تظبط جدول النبطشيات من بدري علشان تبقى فاضي و تحجز الأجازة من بدري علشان تعييد ....أول ما بيعرفوا انها اجازة دينية الموضوع بيبقى ليه أولوية ( الحق يتقال أنا اتعلمت الحكاية ديه من زميلة طبيبة هندية ... وقفت الدنيا كلها و لخبطت الجداول كلها علشان عيد عندهم إسمه دوالي باينmfb: )

طبعا ده عيد الأضحي فلازم نجيب سيرة الأضحية .... ما فيش طبعا نظام مصر انك تجيب الخروف و تخليه معاك كام يوم و بعدين تدبحه في البيت و كده .... النظام هنا انك بتتفق مع الجزار بتاعك قبليها و بتستلم اللحمة بتاعتك جاهزة و متقطعة في ميعاد واضح ....

أول سنة كان الجزار باكستاني في ميسيسوجا و الحق يتقال كان أصلا بتاع ناس مصريين أتعرفنا عليهم هنا .... أنا ما عملتش حاجة سنتها غير اني دفعت الفلوس لمعارفنا و هما اتولوا كل حاجة .... الاستلام و التوزيع و توصيل نصيبنا لينا .... وصلوه لغاية البيت في وسط تورنتو الحقيقة

تاني سنة كنا في مصر فكل حاجة كانت هناك

تالت سنة اتعاملت مع جزار هندي مسلم في تورنتو و كان معقول (لقاطني تورونتو هو إسمه اقبال في ثورن كليف بارك ) بس أتأخر جامد في تسليم اللحمة علشان الضغط اللي عليه .... كمان تقطيع اللحمة ما كانش عاجبني ... الأخوة الهنود و الباكستانيين بيقطعوا اللحمة قطع صغيرة جدا .... لازم تبقى واقف على أيديهم علشان تاخد اللي أنت عايزه .... عادة كنت باعمل كده لما كنت باشتري لحمة عادي منهم .... لحد ما غيرتهم و بقيت اتعامل مع جزار لبناني في سكاربورو

المهم السنة اللي فاتت إتأخرنا علي بال ما استلمنا اللحمة زاي ما قلت و استلمناها بالخناق تاني يوم ...بس أول يوم صممت اني أكل لحمة ضاني فرحنا مطعم لبناني إسمه تبولة ...

بعد استلام اللحمة خدنا نصيبنا و وزعنا جزء و هدينا جزء لكن الخروف كان كبير قوي فاستعنت بعامل أفغانستاني و ممرضة هندية مسلمة على توزيع الجزء المتبقى

السنة ديه أنا في سانت كاترين .... لو رجعت في الموضوع ده لورا شوية حتلاقي سيرة الجامع بتاع سانت كاترين ... القائمين على الجامع كانوا فاتحين باب الحجز للاضحية لغاية يوم ٤ ديسمبر ... بالمناسبة الخروف وقف على ٢٥٠ دولار .... لسه بقي مش عارف نظام السنة ديه حيبقى إيه ... أول ما أعرف حاقول علي طول :D

صلاة العيد بتقام في الجوامع و كتير قوي حسب الجو ممكن يخصصوا أماكن تانية للجالية المسلمة لاداء الصلاة .... عادة كمان عمدة تورنتو لازم يقدم التهنئة لاعضاء الجالية كلها زاي ما بيعمل مع كل الجاليات ...السنة ديه جامع سانت كاترين حيعمل الصلاة مرتين ....الثامنة و النصف صباحا أول صلاة و العاشرة للي ما لحقش أول مرة .... لو ربنا أراد ممكن أبقى أصور صور للصلاة بكره إن شاء الله

طبعا و من قبل ليلة العيد المعايدات بتبقى شغالة من و إلي و وسط كندا .... تيليفونيا و إلكترونيا .... ثورة الأتصالات دلوقتي مخلية الموضوع سهل .... و كتير بيبقى الأتصال صوت و صورة

و طبعا العزومات بيبقى ليها دور كبير يمكن السنة ديه أول سنة ما نبقاش عازمين أو معزومين .... بس في تورنتو كان لازم بيبقى فيه عزومة لاصحابنا المقربين ..... زوجين مصريين كنديين و زوجين لبنانيين .... و عزومة أو أكتر لينا من حد من معارفنا مصريين و غير مصريين

لبس العيد بقى بنحاول بس مش كل مرة :D.... بس على الأقل نجيب أي حاجة جديدة بس علشان الفرحة clp::

[د هشام ابراهيم]

كل عام و انت بخير يا د / هشام

و كل عام و كل الأخوه في باب كندا بخير و سلام

و إن شاء الله العام القادم تكونوا حققتم كل أمالكم

سأوافيكم بصور صلاة العيد غدا بإذن الله

www.gtaeid.com

باشمهندس إيهاب باشا ....و أنت طيب يا أخي الفاضل و يا رب السنة الجاية نبقى جماعة في عرفات الله

في انتظار الصور يا زعيم بس فكر في موضوع فريق الهوكي بتاع ال-Drop Jaw ده clp:: mfb:

[ايهاب سالم]

في انتظار الصور يا زعيم بس فكر في موضوع فريق الهوكي بتاع ال-Drop Jaw ده :D :lol:

أضحك الله سنك يا دوك

بس عشان الإخوه يفهموا

يا جماعه انا و الدكتور هشام تحدثنا على التليفون في الويك إند و لم نستطع أن نتقابل لظروف عمله في سانت كاثرين

و قال لي عايزين نعمل فريق هوكي نسميه فريق الفك المتدلي clp:: mfb: :D

بس إنت عارف المشكله أيه

مش هنلاقي خوذات على مقاسنا عشان دي معموله للناس اللي فكها طبيعي :lol:

[samehelassad]

كل سنة وانتم طيبين جميعا...عيد سعيد. clp::

عيد سعيد عليك وعلينا وعلى جميع الامة الاسلامية ياتورونتو. كل سنة وانت طيب. وحشتنا. mfb:

[canadawy]

[font="Arial"]الى الأخ العزيز جدا .....دى أول مرة بشترك فى المنتدى الرائع ده وأنا

سعيد جدا بحضرتك و بمشاركاتك الجميلة جدا و الحقيقة أنا أتعلمت حاجات كتيرة جدا من مشاركات حضرتك ودى فرصة أقول لحضرتك

كل سنة و أنت طيب وكل أعضاء المنتدى طيبين و بخير و أحسن حال .

[hazemtara]

معلش دكتور هشام هاتعب حضرتك و اسالك لو عنك معلومات بخصوص شراء العقارات و الهجرة............ فى حد قاللى انى ممكن اخد ال P R لو باشترى عقار و قالى انه مش لازم ادفعة كلة كاش ..... يعنى 20% و الباقى على وقت...... اظن 10 سنين.......فهل حضرتك سمعت فيه حاجة كدة؟؟؟ حد من المصريين او العرب اللى حضرتك بتعرفهم عمل كده او سمع عن الحكاية دى؟؟؟؟؟

للأسف شراء عقار لا يمنحك حق الإقامه حتى لو قيمته ملايين

الإقامه هي التي تمنحك حق شراء عقار

الطريقه الوحيده للهجره لكندا بالفلوس بعيدا عن قائمة الوظائف هو ان تهاجر كمستثمر

يا سلام يا باشا خير الكلام ما قل ودل :lol:

[hazemtara]

إستكمالا لموضوع العقار

كان زمان ممكن تشتري بيت في كندا بدون مقدم و تقسيط حتى 40 سنه

بعد اللي حصل في أمريكا الحكومه عدلت القانون من شهور و رفعت الحد الادنى للمقدم إلى 5 % و التقسيط بحد اقصى على 35 سنه

لكن ده مش معناه إن أي حد ممكن يمتلك بيت ب 5 % مقدم فقط

موافقة البنك و تحديد الحد الادنى للمقدم و الحد الأقصى لمدة التمويل يعود لعوامل كثيره مثل دخل المشتري و طبيعة وظيفته و مدى إستقراره فيها و تاريخه الإئتماني

عموما أنا أشتريت بيت جديد بفضل الله

و ناوي أسرد التجربه بالتفصيل في قهوتي الجديده اللي ناوي أفتتحها قريبا

إشمعنى دكاترة المنتدى فاتحين قهاوي :lol:

يا باشا عندى دكان محندق وعلى الأد وواخد ناصية بحرى ما يغلاش عليك واليافطة جاهزة ومكتوبة قهوة المهندسين

[hazemtara]

الأخوة الأفاضل ..

تم حذف كافة المداخلات الخارجة عن الموضوع ..

والتي تحوي إتهامات بين الأعضاء ..

وننبه ..

أن تكرار مثل تلك النوعيةمن المداخلات سيعرض صاحبها للإنذار أو للإيقاف ..

أي كان .. ومن كان ...

من يريد المشاركة في الموضوع يشارك بإضافة ..

ومن لا يريد .. ياريت يوفر على نفسه وعلينا ..

ياريت محدش يقول رأيه في التاني ..

كل واحد يكتب اللي هو عايز يكتبه في الموضوع .. وبدون اتهامات وتلاسن متبادل ..

أتمنى أن تكون الرسالة واضحة ...

قد نضطر لإغلاق الموضوع إذا استمر الموضوع هكذا ..

لقد قمت بحذف عشرات المداخلات من هذا الموضوع .. كلها تلاسن بين الأعضاء

أسد

فريق الإشراف

لا اله الا الله محمد رسول الله & حسبنا الله ونعم الوكيل

[hazemtara]

ولا يهمك يا دكتور اشكرك . بل سعدت جدا بعودتك اكثر من الرد علي السؤال لان طريقي طويلة جدا دعواتك

بس ايه يعني ما فيش حد بيهرش في كندا؟

smk:

wst::

الله يخليك يا أخي الفاضل و ربنا يديم المعروف

لا فيه طبعا ... و ظروف الجو بتخليي الجلد يعاني جدا من البرد و الجفاف و التكييف المركزي إلخ .... لكن أغلب الحاجات ديه بيتعامل معاها طبيب العائلة (family doctor) حتي علاج حب الشباب و ازالة الزوائد الجلدية و التهابات الجلد إلخ .... التحويل إلي أخصائي جلدية بتبقى للحالات المتقدمة أو النادرة أو المستعصية

واضح ان الموضوع جاب معاك للخلف يا جناوى يا عم الناس دى بتستحمة نسوا الهرش والجرب والحصبة والجدرى المائى خلاص راجع نفسك يا بنى وممتتهورش :lol: :lol:

[د هشام ابراهيم]

في انتظار الصور يا زعيم بس فكر في موضوع فريق الهوكي بتاع ال-Drop Jaw ده wst:: smk:

أضحك الله سنك يا دوك

بس عشان الإخوه يفهموا

يا جماعه انا و الدكتور هشام تحدثنا على التليفون في الويك إند و لم نستطع أن نتقابل لظروف عمله في سانت كاثرين

و قال لي عايزين نعمل فريق هوكي نسميه فريق الفك المتدلي :lol: :lol: smk:

بس إنت عارف المشكله أيه

مش هنلاقي خوذات على مقاسنا عشان دي معموله للناس اللي فكها طبيعي :lol:

:lol: :lol:

ده الموضوع طلع كبير يا باشا .... الأسم متاخد ...مجلة و فرقة موسيقية و مرض عصبي .... خيرها في غيرها بقى ندور على إسم تاني