قصتي مع كندا

[د هشام ابراهيم]

[font="Arial"]الى الأخ العزيز جدا .....دى أول مرة بشترك فى المنتدى الرائع ده وأنا

سعيد جدا بحضرتك و بمشاركاتك الجميلة جدا و الحقيقة أنا أتعلمت حاجات كتيرة جدا من مشاركات حضرتك ودى فرصة أقول لحضرتك

كل سنة و أنت طيب وكل أعضاء المنتدى طيبين و بخير و أحسن حال .

و حضرتك طيب يا أخي الفاضل ... سعدت جدا بمشاركتك و ادعو الله أن يوفقك إلي سواء السبيل

[د هشام ابراهيم]

كما وعدت صور صلاة العيد حصريا من سانت كاترين أونتاريو :lol:

الجامع من بره و التلج على الرصيف

-----------------------------------------------------------

وصلت بدري و ركنت العربية جوه الباركينج بتاع الجامع ....

--------------------------------------------------------------

الحمد لله لحقت أول صلاة ... تاني صلاة ديه ما بستريحلهاش لا في الجمعة و لا في العيد .... و الله أعلم

-------------------------------------------------------------

أحلي حاجة إن التكبير كان بالصيغة الأطول اللي بتفكرني بذكريات الطفولة ... مش عارف ليه بقالي كذا سنة ما بسمعهاش لا في مصر و لا في كندا ... ما تتخيلوش اتبسط قد إيه إن التكبير كان بالصيغة ديه .... القائمين على الجامع وزعوا الورقتين دول على المصلين علشان الكل يشارك عرب و غير عرب

-----------------------------------------------------------

داخل الجامع بالاضافة إلي العربية و الانجليزية القرأن متوفر باللغات ديه

----------------------------------------------------------

بعد الصلاة و الخطبة و المصلين بيسلموا على بعض .... الناس .... أنا لقيت المصلي اللي جانبي بياخدني بالحضن بعد الصلاة (شكله كده من الجمهوريات الأسلامية اللي كانت في الأتحاد السوفيتي السابق و الله أعلم و كان معاه ابنه حوالي ٤ ٥ سنين و لابس بدلة و كرافتة شيك جدا ) و بعدين لقيت الناس كلها بتحضن بعدها و بيهنوا بعض بالعيد .... احساس رائع

-----------------------------------------------------

[د هشام ابراهيم]

بعد الصلاة في الباركينج و الناس بتتبادل التهنئة ...و ال-email :lol:

-----------------------------------------------------

اضطريت استني شوية بعد الصلاة لغاية ما العربيات تمشي .... ما شاء الله الباركينج كان مليان على الآخر و كان فيه عربيتين على الأقل قافلين علي .... أول مرة في حياتي ما أتضايقش من الموقف ده

----------------------------------------------------

في طريق العودة عديت على حبيبي تيم هورتنز علشان الفرنش فانيلا كبتشينو قبل اللحمة الضاني :lol:

الدنيا كانت برد قوي فطلبت القهوة من العربية Drive through

[newcomer]

كل و سنة و حضرتك و المدام بالف خير.....

كلام حضرتك عن التكبير بالصيغة اللى احنا عارفينها و كنا بنرددها و تهزنا ( ايام المسيرات اللى كانت بتمشى فى الشارع قبل صلاة العيد........ ) هزنى أوى......فىه فى مصر بعض الجوامع ( قليلة ) اللى مش تحت سيطرة اى جماعات ...... لسة بتقول التكبير بالطريقة دى..... لكن طبعا فى البلاد العربية بيقولوه مختصر او اصغر ..... المهم مختلف

اما عن الراجل المسلم اللى هنأ حضرتك بالأحضان....... فده شىء مؤثر اوى .......

كل سنة و حضرتك و كل الناس و كل المسلمين و المصريين طيبين

تم تعديل 9 ديسمبر 2008 بواسطة newcomer

[precanadian]

كل عام وانتم بخير تقبل الله طاعتكم

تم تعديل 9 ديسمبر 2008 بواسطة precanadian

[Gimie]

د.هشام ..... بجد جزاك الله خيرا ....

انا طبيب شاب ... متخرج من 4 سنين و معايا شهادات ادارة طبية و ادارة جودة طبية من الجامعة الامريكية و من امريكا نفسها و خبرتي في المجال ده

و كنت عايز اعرف اذا كان ممكن الاقي شغل في كندا؟ و ازاي؟ اقدم على الهجرة دلوقتي (مع العلم ان نقطي كويسه) و لا اجي كندا على شغل الاول و من هناك ابقى ادور على موضوع الهجرة؟

شكرا ليك

[د هشام ابراهيم]

كل و سنة و حضرتك و المدام بالف خير.....

كلام حضرتك عن التكبير بالصيغة اللى احنا عارفينها و كنا بنرددها و تهزنا ( ايام المسيرات اللى كانت بتمشى فى الشارع قبل صلاة العيد........ ) هزنى أوى......فىه فى مصر بعض الجوامع ( قليلة ) اللى مش تحت سيطرة اى جماعات ...... لسة بتقول التكبير بالطريقة دى..... لكن طبعا فى البلاد العربية بيقولوه مختصر او اصغر ..... المهم مختلف

اما عن الراجل المسلم اللى هنأ حضرتك بالأحضان....... فده شىء مؤثر اوى .......

كل سنة و حضرتك و كل الناس و كل المسلمين و المصريين طيبين

و حضرتك طيبة يا سيدتي الفاضلة و أنت و من تحبين في خير و صحة ... حقيقة يا أختي الفاضلة التكبير بالصيغة الطويلة ديه هزني من الأعماق ... الصيغة ديه اللي كنا بنقولها طول عمرنا من ساعة ما وعيت على الدنيا و باروح أصلي العيد مع أبويا الله يرحمه ...و فجأه اختفت تماما .... من سنين في مصر .... حتي كندا .... في تورونتو برضه الصيغة الأقصر هي اللي كانت موجودة ....السنة ديه كانت أول مرة أصلي العيد في سانت كاترين و الحمد الله قلبي انشرح لما سمعت التكبير من المصلين ... كافة الأعراق و الأعمار ....حاجة تفرح فعلا ....

على فكرة بعد الأخ الفاضل اللي كان جانبي ما حضني في طريقي إلي الخارج كان ٢ أو ٣ أخوة تانيين حضنوني و هنئوني بالعيد .... طبعا أنا لا أعرفهم و لا هم يعرفوني و لكنها مشاعر أخوية خالصة ....علي بال ما وصلت العربية كانت عينيا بتدمع فعلا :rolleyes:

[د هشام ابراهيم]

كل عام وانتم بخير تقبل الله طاعتكم

و اياكم و المسلمين يا أخي الفاضل و بالله تعالي التوفيق

د.هشام ..... بجد جزاك الله خيرا ....

انا طبيب شاب ... متخرج من 4 سنين و معايا شهادات ادارة طبية و ادارة جودة طبية من الجامعة الامريكية و من امريكا نفسها و خبرتي في المجال ده

و كنت عايز اعرف اذا كان ممكن الاقي شغل في كندا؟ و ازاي؟ اقدم على الهجرة دلوقتي (مع العلم ان نقطي كويسه) و لا اجي كندا على شغل الاول و من هناك ابقى ادور على موضوع الهجرة؟

شكرا ليك

العفو يا أخي الفاضل .... ممكن تلاقي شغل في كندا باذن الله خاصة إذا كانت خبرتك أمريكية كما فهمت ؟

و لكن لا علم لي بالفرص المتاحة لادارة المنشأت الطبية و المقابل المادي لهذه الوظائف ... الطريقة هي مراسلة المستشفيات و المراكز الطبية و البحث عن الوظائف الشاغرة سواء على النت أو الصحف للعمل في القطاع الاداري للمنشأت الطبية سواء مستشفيات أو مراكز أو عيادات

الحقيقة الهجرة مع وجود عمل تجعل الأمور أسهل كتير خاصة في البداية و اللي هي حقا من أصعب الأوقات حتي تتعود على البلد و الناس .... من الأفضل التقديم على الهجرة لأن الطلب ياخذ وقت كتير علي بال الموافقة و في خلال الوقت ده ممكن إن شاء الله تلاقي شغل أو طريقة للصرف حتي تحصل علي المعادلة أو تؤمن مصدر للرزق إن شاء الله

[د هشام ابراهيم]

خاطر صغير علي بالي اليومين اللي فاتت دول ...أول جليد السنة ديه نزل و استقر خلاص ... أنا في كندا من صيف ٢٠٠٥ تورنتو تحديدا .

في تورنتو، بالذات وسط البلد و الطرق السريعة ، البلدية ما بتستناش على تلج ....التلج ينزل من هنا و تلاقي كاسحات التلج ما بتونش تشيل التلج من على الطريق و الأرصفة .

لظروف عمل المدام أنا كنت في منطقة نياجارا الأسبوع اللي فات كله .... سانت كاترين و ويلاند و نياجرا أون ذا لايك .... برضه البلديات ما بتسكتش ... أنا كنت فاكر الموضوع تورنتو و بس لكن الحقيقة لا .... طبعا الشوارع الداخلية الكاسحات ما بترحهاش لكن الشوارع الرئيسية و كل الطرق السريعة كبيرة و صغيرة و حوالين المسشفيات و المنشأت المهمة الكاسحات ما بطلتش نهار و ليل و حتي في السبت و الأحد .... مش عارف ليه مجرد إن الناس شايفة شغلها بيفرحني :rolleyes:

[Gimie]

للمرة الثانية جزاك الله خيرا على سرعة الرد ...

أنا خبرتي في المجال ده كويسة ... مش من امريكا نفسها لكن من مؤسسات معروفة في امريكا ....

الحقيقة انا بافكر اجي على دراسة لكندا في المجال ده و من هناك ادور على شغل و ان شاء الله الاقي حاجة كويسة

1000 شكر ليك و بجد انا باشجع حضرتك انك تتكمل كتابتك في الموضوع ده لأننا بجد محتاجينه جدا ... و ان شاء الله يتكتب لك في ميزان حسناتك و يكون من الصدقة الجارية و العلم الذي ينتفع به

[د هشام ابراهيم]

للمرة الثانية جزاك الله خيرا على سرعة الرد ...

أنا خبرتي في المجال ده كويسة ... مش من امريكا نفسها لكن من مؤسسات معروفة في امريكا ....

الحقيقة انا بافكر اجي على دراسة لكندا في المجال ده و من هناك ادور على شغل و ان شاء الله الاقي حاجة كويسة

1000 شكر ليك و بجد انا باشجع حضرتك انك تتكمل كتابتك في الموضوع ده لأننا بجد محتاجينه جدا ... و ان شاء الله يتكتب لك في ميزان حسناتك و يكون من الصدقة الجارية و العلم الذي ينتفع به

الله يخليك و ربنا يوفقك يا أخي الفاضل بس طبعا علشان تيجي كندا و تدور على شغل بعد ما تيجي مغامرة لازم تعمل حسابها وقت و فلوس ... و الدنيا ممكن تبقى صعبة قوي خصوصا في الأول

[newcomer]

مش عارف ليه مجرد إن الناس شايفة شغلها بيفرحني :rolleyes:

لأن هوه ده لب الموضوع يا دكتور ........

كل يوم بتتأكد المقولة مسلمين بلا إسلام و إسلام بلا مسلمين.

[ايهاب سالم]

الصور جميله جدا يا دكتره

إنت هتنافسني و الا أيه wst::

أنا هانزل بالصور بتاعتي

بس بأحنتف فيهم شويه

في طريق العودة عديت على حبيبي تيم هورتنز علشان الفرنش فانيلا كبتشينو قبل اللحمة الضاني :wub:

برضه

مش قولنالكم قهوته منتهية الصلاحيه و عنده فيران ميته

إنتو مبتسمعوش الكلام ليه

و بعدين صور صلاة عيد أيه دي اللي إنتو فرحانين بيها

يعني هو مفيش صلاة عيد غير في كندا

طب ما كل البلاد التانيه بتصلي العيد برضه

و كل البلاد التانيه عندها تلج و بتكسحه

صحيح عالم فكها متدلي :rolleyes:

تم تعديل 10 ديسمبر 2008 بواسطة ايهاب سالم

[ايهاب سالم]

أنا قلت مش معقول أفتح موضوع جديد لصور صلاة العيد

هأنزلهم عندك بعد إذنك يا دوك لحد ما افتح قهوتي

نظم الصلاه منظمة Muslim Association of Canada

تقوم المنظمه بتنظيم صلاة عيد الفطر في Rogers Centre

و هو عباره عن إستاد كبير مغطى

و قد قمنا بنشر صور هذه الصلاه من قبل

دي صوره واحده فقط للتذكره

أما صلاة عيد الأضحى فتقام في Canadian National Exhibition

أو مركز المعارض

قامت المنظمه بتأجير قاعتين ... واحده للصلاه وواحده للألعاب

دي أول صوره من الباركنج

درجة الحراره كانت - 7 و الناس متوجهون إلى مكان الصلاه و مفيش مشكله

[د هشام ابراهيم]

الصور جميله جدا يا دكتره

إنت هتنافسني و الا أيه smk:

أنا هانزل بالصور بتاعتي

بس بأحنتف فيهم شويه

في طريق العودة عديت على حبيبي تيم هورتنز علشان الفرنش فانيلا كبتشينو قبل اللحمة الضاني :)

برضه

مش قولنالكم قهوته منتهية الصلاحيه و عنده فيران ميته

إنتو مبتسمعوش الكلام ليه

و بعدين صور صلاة عيد أيه دي اللي إنتو فرحانين بيها

يعني هو مفيش صلاة عيد غير في كندا

طب ما كل البلاد التانيه بتصلي العيد برضه

و كل البلاد التانيه عندها تلج و بتكسحه

صحيح عالم فكها متدلي :rolleyes:

wst:: :wub:

العفو يا باشمهندس احنا نيجي إيه جنبك ... أنا باحب التصوير اه بس طريقتي حط يا عم الكاميرا قدام المشهد و خد الصورة و زاي ما تطلع ...ما ليش بقى في ظبط الكاميرا و الفوكاس و الزوم و الشاتر و الأيزو و الكلام ده

و بعدين يا باشا سعادتك زعيم و مدرب فريق الفك المتدلي لهوكي الجليد أنا يا دوبك مشجع للفريق و بالاضافة طبعا لكوني مستهلك أساسي لمنتجات القهوة و الدونت و الكوكيز و التيمبيتز المخالفة ديه بتاعة المواطن المذكور أعلاه :D

أنا قلت مش معقول أفتح موضوع جديد لصور صلاة العيد

هأنزلهم عندك بعد إذنك يا دوك لحد ما افتح قهوتي

يا باشا ده احنا نتشرف بالصور بتاعتك واضح جدا أنها في منتهي الجمال :)

تم تعديل 10 ديسمبر 2008 بواسطة د هشام ابراهيم

[ايهاب سالم]

سيارة قناه إخباريه

صندوق جمع التبرعات لتغطية تكلفة الصلاه بجانب المصور

تكلفة الصلاه 90000 دولار

الدخول مجانا للجميع و التبرعات إختياريه طبعا

[ايهاب سالم]

[ايهاب سالم]

مكان السيدات

ثم أقيمت الصلاه

و الصور التاليه بعد إنتهائها

المذيعه بتعمل لقاء مع واحد ... شكله شخصيه مهمه

طبعا انا معرفش ده مين

ثم صعد مسؤول منتدب من حكومة أونتاريو لتهنئة المسلمين

تسليم شهادة تهنئه بالعيد من حكومة اونتاريو لرئيس Muslim Association of Canada

تم تعديل 10 ديسمبر 2008 بواسطة ايهاب سالم

[ايهاب سالم]

مسؤول اخر ينتظر دوره للتهنئه و إلقاء كلمه

كفايه كده مسؤولين

إنتقلنا بعد ذلك للقاعه الاخرى المخصصه كمنطقة ألعاب للأطفال

و القاعه كان بها ملاهي و مطاعم لتقديم الماكولات و ألعاب فيديو و face painting و مكان مخصص للصلاه

بحيث لا يحتاج أحد ان يخرج للخارج

هناك شخصيتين كرتونيتين مشهورتين هنا ولد إسمه دييجو و له اخت إسمها دورا

لهم حلقات تلفزيونيه تعليميه يوميه .... بيموت فيها الاطفال

ده دييجو

و دي اخته دورا

[ايهاب سالم]

تم تعديل 10 ديسمبر 2008 بواسطة ايهاب سالم