قصتي مع كندا

[د هشام ابراهيم]

بسم الله ما شاء الله صور رائعة ...مش باقولك يا باشمهندس سعادتك زعيم الفريق و الهيد كوتش كمان wst:: ....

أدي اللي فاضل مراجيح في العيد كمان .... يعيش الفك المتدلي :rolleyes:

[hamdy farag]

صور اكثر من رائعة ...شوقتني ان ازور تورونتو...

[pampino]

صورة اكتر من ممتازة الف شكر ليك استاذ ايهاب وشكر اخر ليك دكتور هشام

[د هشام ابراهيم]

صورة اكتر من ممتازة الف شكر ليك استاذ ايهاب وشكر اخر ليك دكتور هشام

العفو يا أخي الفاضل

[alsaher]

والله يا جماعة أنتم أدخلتم السرور في قلوبنا

كل سنة وأنتم طيبين

وشكرا ألف مرة للدكتور هشام والبش مهندس إيهاب

وأتمنى يكون في فانكوفر وباقي المدن نفس الأجواء

تحياتي ليكم

[د هشام ابراهيم]

والله يا جماعة أنتم أدخلتم السرور في قلوبنا

كل سنة وأنتم طيبين

وشكرا ألف مرة للدكتور هشام والبش مهندس إيهاب

وأتمنى يكون في فانكوفر وباقي المدن نفس الأجواء

تحياتي ليكم

و حضرتك طيب يا أخي الفاضل و ربنا يوفقك إن شاء الله

[شاب مصري]

كل سنة وانتم طيبين :unsure:

[jessika]

كل سنة وكل الاخوة المسلمين بخير وصحة صور جميلة يا بشمهندس ايهاب هاتعجب بنتى قوى وهاتزود رغبتها فى انها تركب الطيارة وتروح كندا هى اصلا من غير الصور الجميلة دى وكل يوم تقف فى الشباك تبص على الطيارة وتشاورلها علشان تقف وتركبها وتسافر لكندا وتخيل بتقول للطيارة اية ( تاكسى تاكسى ) فاكرة انها هاتقف كدة زى ما بنادى على التاكسى :unsure: مش عارفة لما تشوف الصور دى هاتعمل فينا اية شكرا مرة تانية وعيد سعيد

[samehelassad]

ياجماعة الف الف الف شكر على المجهود الاكتر من رائع دة. شكر خاص لصاحب الموضوع دكتورنا هشام باشا. وشكر خاص للراجل اللي زاد الموضوع بتاع الصور اثراء مهندس ايهاب. تسلم الايادي ياجماعة وكل سنة وكل الناس طيبين.

[samehelassad]

كل سنة وكل الاخوة المسلمين بخير وصحة صور جميلة يا بشمهندس ايهاب هاتعجب بنتى قوى وهاتزود رغبتها فى انها تركب الطيارة وتروح كندا هى اصلا من غير الصور الجميلة دى وكل يوم تقف فى الشباك تبص على الطيارة وتشاورلها علشان تقف وتركبها وتسافر لكندا وتخيل بتقول للطيارة اية ( تاكسى تاكسى ) فاكرة انها هاتقف كدة زى ما بنادى على التاكسى :unsure: مش عارفة لما تشوف الصور دى هاتعمل فينا اية شكرا مرة تانية وعيد سعيد

وانتي بالصحة والسلامة ياجيسيكا. وكل سنة وانتي طيبة. وشكرا على المعايدة الرقيقة دية.

[meyo]

ألف شكر على الصور الجميلة وكل سنة وانتم طيبيين

[Gimie]

فعلا صور حلوة اوي

ربنا يكرمكوا

[hazemtara]

بص يا إيهاب... أشرحلك ؛ وإن كان الموضوع كله هزار مع د. قناوي (على الله ما ياخدهاش بجد!)

طبيب الباطنة: مذاكر كويّس وعارف كل حاجة ، ويجيبلك التايهة اللي جوّه من غير لغوصة في بطن العيّان (المريض يعني bk: )! ويطلب تحاليل وأشعّة وفحوصات وبلا أزرأ ، من غير ما ييجي ناحية العيّان! وبالتالي آخره بيوصف أدوية ؛ من غير تدخّل جراحي... يعني م الآخر - من وجهة نظر العيّان - كشف وكتب كلمتين على ورأة ، وخد الفيزيتا!

الجرّاح: فيه انتفاخ في بطن العيّان ؛ مش مهم ؛ يفتح يشيله ، وبعدين نبقى نشوف هوّه إيه... إيده جاهزة ع المشرط على طول! ودايماً داخلين بمناخيرهم في كل حاجة ، ومؤمنين ببيت الشعر بتاع (المشرط أصدق أنباءً من الكتب *** في حدّه الحد بين الجد واللعب)، وشايفين إنهم همّه أحسن تخصص (بالذات بتوع الجراحة العامة) ، دول شايفين إن استئصال الرحم همه أولى بيها من دكاترة النسا! wst::

الجلدية بأه (د. قناوي): غالباً عيّان الجلدية بتلاقيه زبون مستديم عن دكاترة الجلدية... معظم الأمراض الجلدية بيكون ليها علاقة بشكل أو بآخر بالمناعة (Autoimmune) ؛ بمعنى إن الجسم بيهاجم نفسه (أجسام مضادة ضد بعض أنسجة الجسم نتيجة خلل في الجهاز المناعي مؤقت أو مستديم).

وكتير من الأمراض الجلدية بتكون بحاجة لعلاج يومي لمدة 4-6 أسابيع (زي التينيا مثلاً) ، والعيّان من دول يدهن يومين تلاتة ، ويلاقي الحالة بقت آخر ألسطة وميت فل واربعتاشر... يوقف العلاج ، وكلها كام أسبوع ولاّ شهر ويرجع الموضوع تاني!

وأمراض تانية بتختلف درجة الإستجابة من مريض للتاني...

يعني الخلاصة... نسبة قليلة من الأمراض الجلدية هيه اللي بتوصل للشفاء التام Full Recovery ، وبعد مدة طويلة كمان!

وبتاع الباثولوجي (التحاليل المرَضيّة): بيجيبلك م الآخر (عيّنة الأنسجة اللي بعتّوها دي الراجل عنده الورم الفلاني العلاّني ، وآديني شايف تحت الميكروسكوب أدامي السيتوبلازم بقى بيزوفيليك وكلامبيد كروماتين ومايتوتيك فيجارز... إلخ)...

لكن العيّان نفسه لمّا بيروح يشتكي - خصوصاً في بلادنا الغلبانة - بيكون الموضوع تطوّر ، والورم انتشر! وبالتالي نتيجة التحليل الباثولوجي بتكون متأخرة ، و ف أحيان كتيرة بيكون من الصعب التدخل واستئصال الورم بعد انتشاره في جسم المريض! وطبعاً ما عندناش حتت نروح نعمل تشيك أب! دي مياصة ودلع (من وجهة نظرنا وثقافتنا طبعاً) :baby:

خد النكتة دي على الدكاترة... طالما النكتة حكمت بأه... نكمّلها فضايح wst::

وصلت كده يا ريّس؟ ولاّ نئول كمان؟!

بس يا ابنى انت وهو العبوا بعيد هو انتم سبتم تورونتو وريحين تتسلوا على جناوى هو علشان الراجل صعيدى ومجدع تعملوا فية كدة الحمد لله مجبوش سيرة تب الأطفال لا بحلو ولا وحش كل سنة وانتم طيبين يا استاذ ايهاب والاهلاوى وتهامى ود هشام ودالشامى وبعدين عيب كدة هو بردة pathologisit يعنى طبيب شرعى يا راجل اطلع من هدومى B) bnd5::

[hamdy farag]

في الواقع قصة الدكتور هشام هي قصة نجاح يحب ان يحتذي بها كل الاخوة المهاجرين وان ياخذوه قدوة ومثل يحتذي به..وفقكم الله.

[د هشام ابراهيم]

الاخوة و الأخوات الأفاضل شاب مصري ، jessika ، samehelassad، meyo ، Gimie ، hazemtara الشكر ليكم على المتابعة و الأطراء و الثناء ....كلكم ذوق..... بارك الله فيكم جميعا

hamdy farag باشا الله يخلي حضرتك و يكرمك و يجازيك خير .... أنا مش قد الكلام الحلو ده ... ربنا يوفقنا جميعا لما يحب و يرضي

[samehelassad]

الاخوة و الأخوات الأفاضل شاب مصري ، jessika ، samehelassad، meyo ، Gimie ، hazemtara الشكر ليكم على المتابعة و الأطراء و الثناء ....كلكم ذوق..... بارك الله فيكم جميعا

hamdy farag باشا الله يخلي حضرتك و يكرمك و يجازيك خير .... أنا مش قد الكلام الحلو ده ... ربنا يوفقنا جميعا لما يحب و يرضي

قد الكلام وقدود يادكتور.

[pharaon]

دكتور هشام يا جاااااااااااااااااااااااااااااااااااااااااااااااااااااااااااااااااااااااااااااام

د جداااااااااااااااااااااااااااااااااااااااا

الف الف الف شكر ليك وللمهندس ايهاب على الصور الجامدة والموضوع الهايل جدا ربنا يباركلكوا فى حياتكوا

زى ما انتوا بتسعدونا وبساعدونا بالموضيع الجامدة جدا جدا ديه

وكل سنة وانتم بكل خير

انا اخوكم الصغير محمد على ويا ريت تقبلوا مشاركتى الصغيرة ديه معاكوا

وببعت سلام كبير اوى اوى اوى للدكتور شامى والدكتور تهامى

والله انتوا ناس زى الفل وربنا يكتير من امثالكوا

وكل سنة وكلكم بالف هنا وخير اجمعين انشاء الله

سلااااااااااااااااااااااااامو عليكوااااااااااا

[Gimie]

د.هشام......

انا كنت عايز استشير حضرتك و باقي السادة في حاجة...

انا الوظيفة بتاعتي مذكورة في اللستة بتاعة الفيدرال و الحمد لله سكوري كويس ... هل الاحسن اني اقدم في الهجرة دلوقتي ولا اقدم على تأشيرة دراسة و من هناك اجرب اعمل الهجرة بعد مااستقر هناك مع العلم اني مش متجوز و اني طبيب باشتغل في مجال الادارة الطبية و ان موضوع الدراسة ده لو مشي ... يبقى هيبدأ على شهر 9 اللي جاي ....

لو قدمت على الهجرة الاول (دلوقتي) و موضوع الدراسة ده مشي و بعتولي خطاب قبول في الجامعة .. هل ده هيسرع لي اجراءات الهجرة ؟ و لو لأ..... هل هيرضوا يدوني تأشيرة دراسه بعد كده ؟

شكرا جزيلا

[hamdy farag]

الاخوة و الأخوات الأفاضل شاب مصري ، jessika ، samehelassad، meyo ، Gimie ، hazemtara الشكر ليكم على المتابعة و الأطراء و الثناء ....كلكم ذوق..... بارك الله فيكم جميعا

hamdy farag باشا الله يخلي حضرتك و يكرمك و يجازيك خير .... أنا مش قد الكلام الحلو ده ... ربنا يوفقنا جميعا لما يحب و يرضي

قد الكلام وقدود يادكتور.

مثلما قال اللاستاذ/سامح ادها وأدود لانك بالفعل مثال ناجح في كندا وقصتك مليئة بالكفاح والصمود..اتمني بالفعل ان تكون قدوة لكل الشباب المقبل علي الهجرة...

[د هشام ابراهيم]

قدر الله و ما شاء فعل ... و الحمد لله الحمد لله إنه قدر و لطف .... عذرا اخواني على التأخير و لكن الأيام اللي فاتت كانت ملخبطة جدا و انتهت بحادثة لسيارة المدام ... ألف حمد و شكر لله هي بخير لكن العربية اصابتها بعض التلفيات

ملابسات الحادث المدام كانت سايقة على طريق سريع ال-406 ما بين سانت كاترين و ويلاند حوالي السابعة صباحا ... فيه منحدر على الطريق كانت نزلاه لما العربية أتزحلقت بسبب ال-Black ice و فقدت السيطرة عليها .... فالعربية لفت حوالين نفسها لفة كاملة و خبطت من الأمام و لفت لفة تانية و خبطت مرة تانية من الجانب اليمين الخلفي ..... كان فيه وراها عربية نقل كبيرة تفادتها باعجوبة و خبطت في جانب الطريق الآخر ....الراجل سواق النقل الله يبارك له نزل يطمن على مراتي و يشوف اذا كانت محتاجة أي مساعدة ....هي كانت كويسة بس مخضوضه طبعا من الموقف ...الراجل نصحها تحرك عربيتها بعيد عن المكان اللي العربية واقفة فيه علشان ممكن تتخبط و فعلا ما فيش ٥ دقائق بعد ما العربية حركتها بعيد عربية تانية خبطت في نفس المكان .... يعني لو كانت لسه واقفة كان أتخبطت لا قدر الله

المدام كلمت البوليس و ما كنتش متأكدة من المكان اللي هي فيه بالظبط .... و بعدين كلمتني في تورنتو تقولي اللي حصل و أنا معاها على التيلفون البوليس وصل !!!! سألوها اذا كان فيها أي اصابات أو محتاجة أي مساعدة قالتلهم لا و هما بيتكلموا عربية تالتة و لا رابعة عملت حادثة في الطريق المعاكس و انتهت في الحفرة اللي ما بين الطريقين (ditch) .... الطريق ده حصلت عليه حوالي ١٥ حادثة في اليوم ده لظروف الجو و التلج .... ظابطة البوليس قالتلها انها ممكن تمشي بس تبقى تعمل تقرير في مركز الحوادث بتاع نياجرا و أدتها العنوان .....بعد ما خلصت الشغل روحتلها من تورونتو ( حوالي ١٢٠ كم ) و رحنا مع بعض لمركز البوليس ده في نياجرا ....استقبلنا الظابط و خد أقوالها و كان لطيف و متعاطف إلي أقصي درجة ....و طلع عاين العربية و رجعنا كملنا التقرير و أدالنا رقم "المحضر" علشان التأمين و الأصلاح و كده

لما الظابط عرف إن احنا مصريين قعد يقول إن نفسه ييجي مصر و إن ليه أصحاب شغالين في القاهرة في المدرسة الكندية ..... و وصلنا لحد باب المبني وسط أمنيات بقيادة آمنة

الدرس المستفاد أولا طبعا ربنا رحيم و ستار و لطيف ...الحمد لله كما ينبغي لجلال وجه و عظيم سلطانه و فضله

ثانيا ما فيش كبير على السواقة على التلج خصوصا التلج الأسود ده (طبقة من التلج الرفيع بتبقى فوق الأسفلت فما بتبنش من على بعد و بتبقى زلقة لابعد درجة ) الاخوة الأفاضل كانوا اتكلموا في الموضوع ده قبل كده خاصة الأخين الفاضلين د تهامي و د الشامي .... أحب بس أضيف لو لا مفر من السواقة على التلج لازم توخي أقصي درجات الحذر .... و السرعة ما تزدش على ٧٠ ٨٠ كم /س بالكتير ....يا ريت أقل حتي .....العربية لازم تكون مناسبة للسواقة على التلج ..... عربية تقيلة وزنا و موتور قوي و فيها ABS و EBD و TC و AWD و لازم لازم عجل مجهز للقيادة على الجليد = winter tires ..... طبعا كل ده أخذ بالسباب انما أولا و أخيرا رحمة ربنا و ستره

و ربنا يستر على الجميع و يكفينا جميعا شر الطريق