قصتي مع كندا

[شاب مصري]

اسلوب كلامك جميل يا د.هشام

و ربنا يوفقك .

[ELSHAMY]

دكتور المنصورة في قمة البشاشة و الذوق .... على طول بيساعدني و بينصحني ....

ثـُكراً ... ثـُكراً

سمعت ان الدكتور ده اصوله اسكندرانية

:hi:

[د هشام ابراهيم]

د التهامي العفو يا سيدي الفاضل ... أهل المنصورة الكرام مش محتاجين شهادة من العبد لله ... ربنا يكرمهم و يكرمك

"شاب مصري " باشا .... شكرا لاطرائك و لك بمثل ما دعيت لي و أكتر

د الشامي .... دكتور المنصورة فعلا كانت ليه أصول اسكندرانية ....الله يمسيه بالخير و يوفقه إن شاء الله

أسمحولي بفاصل و حاكمل التجربة في أقرب فرصة إن شاء الله

[samehelassad]

الله ينور يادكتورنا اية الجمال دة. واية ياعم الدكتور تهامي باشا الناس الجامدة دية. ايوة كدة خللوا الواحد يحس كدة انة انشاء الله لما يروح تورونتو يبقى لية عزوة من الناس المحترمة هناك.

تسجيل متابعة واعجاب.

[precanadian]

الأخوة الأفاضل ... أخوكم طبيب مصري مغترب في كندا حاليا

الصراحة ده أول يوم لي في المنتدى انما طلب مني حكاية قصتي كلها في كندا للاستفادة .... أرجو أن يتسع صدركم لي و بسم الله توكلنا على الله

يا اهلا وسهلا يا فندم نورت المنتدي

تسجيل متابعه

اخوك د/ بريكانديان

أنا كنت مقرر اني ما أسافرش دولة عربية و اني أسافر دولة متقدمة اكمل فيها دراستي .....لازم طبعا تكون بتتكلم انجليزي مع استبعاد أمريكا و أستراليا .... فاضلت ما بين عرضين كندا و انجلترا و اخترت كندا .

اختيار سليم ان شاء الله

أسمحولي بفاصل و حاكمل التجربة في أقرب فرصة إن شاء الله

مستنين يادكتور ############ تجربتك سماعها مهم ربنا يجعل عملك هذا في ميزان حسناتك ان شاء الله.

تم تعديل 27 نوفمبر 2008 بواسطة precanadian

[Torontotruk]

دكتور المنصورة في قمة البشاشة و الذوق .... على طول بيساعدني و بينصحني ....

ثـُكراً ... ثـُكراً

سمعت ان الدكتور ده اصوله اسكندرانية

:hi:

اكيد...علشان كده انا متابع الكصة ...ون شاء الله حنصرك وكندا جميلة علشان خاطرك يابوسكندر...بس لو مطلعتش ابو اسكندر ماتزعلشي مني. :blink: :wub: :lol: :hi:

[alsaher]

أهلا وسهلا يا دكتور

متابعين مع حضرتك وربنا ييسر لك امروك دائما إن شاء الله

[medopharm]

بالتوفيق ان شاء الله

وكمان

متاااااااااااااااااااااااااااابع

[madzoro]

انا جيت اهه و بسجل متابعة ............ منور المحاورات يا دكتور هشام

و ربنا يبارك فيك و في صحتك .............

متابعيييييييييييييييييييين ( واخد بالك يا ابيه الشامي )

[د هشام ابراهيم]

ألف شكر لجميع الأخوة الأفاضل على الترحيب و كلمات الأطراء الرقيقة .... متابعتكم تشرفني و تسعدني

حتى هذا الجزء من تجربتي أبرز النقط التي أود أن أعيرها اهتماما هي

- قرار الهجرة قرار شخصي بحت ... لابد أن يتخذه المرء وفقا لما يراه و القرار في حد ذاته قد يكون صحيحا و لكن ما يترتب عليه من تجارب قد تكلل بالنجاح أو بالفشل لا قدر الله

- من الأفضل دائما استقصاء المعلومات و البحث عن الأمور بدلا من المجازفة .... كما أشرت سابقا أنا صادفت بعض التأخير في مشواري في كندا و جزء كبير من الأسباب ترجع لجهلي بطبيعة الأمور و ميل بعض من قابلتهم من المصريين إلي اخفاء الحقائق

- أول فترة في الهجرة دائما ما تكون صعبة .... في جميع النواحي ... الصبر و الجلد و وجود شريكة حياه متفهمة و مساندة تسهل الأمور إلي حد بعيد

- التأقلم مع الحياة الجديدة يتطلب وقتا كبيرا .... في بعض الأحيان العمر كله .....ليس المطلوب التصبغ الكامل بالشخصية الجديدة و لكن المطلوب هو التفهم و التأقلم مع الحفاظ على الدين أولا و الهوية ثانيا .... مسألة الهوية تلك قد يطول الحديث عنها مما لا يسمح به هذا المقال و لذلك سأتركها جانبا الآن

[om reham]

تنور المنتدا اخي علي حسب ضني اول اخت من اخواتك في الاسلام وكذالك من تونس الخضراء ترحب بوجودك ,اتمنا لك التوفيق وتحلي بصبر علي اخوانك

[د هشام ابراهيم]

شكرا جزيلا يا أختي الفاضلة بارك الله فيكي ....نرجع لسرد التجربة

بعد الفترة الأولانية الدنيا بقت أحسن كتير و الناس ابتدت تثق فيا في الشغل و ابتديت أعرف حاجات مهمة ... أقرب جامع ... جزار حلال ...بقال بيبيع جبنة رومي (كانت فارقة معايا قوي مش عارف ليه ) ...

الغلطة بقى اني فوت ميعاد أول أمتحان و ديه أخرت مشواري حوالي ٦ شهور ....ال-MCCEE .... أو اختصارا ال-EE evaluating exam ....و ده أمتحان أولي يخضع له كل الأطباء المتخرجين خارج كندا و يعتبر أول خطوة في سكة المعادلة ... الأمتحان على هيئة MCQs .... ورقتين من ٩ إلي ٤ على ما أتذكر بينهما ساعة راحة .... الأمتحان في جميع مجالات الطب ....مصدر المذاكرة الأساسي Toronto Notes و الاهم حل الأسئلة .... فيه اسئلة موجودة على النت .... فيه اسئلة بتتباع في محلات التصوير اللي حوالين الجامعة (جامعة تورونتو ) .... و فيه اسئلة مع ناس.... و منهم أعضاء الجالية المصرية بس دول ايدك منهم و القبر..... مش حيدوك الاسئلة لغرض ما في نفوسهم.... ما علينا ..... نفس الكلام ده ينطبق على ال-MCCQ1 أو اختصارا ال-qualifying exam بس ده بقى بتحله على شاشة كمبيوتر و كل عدد معين من الأجابات بتدوس enter و ما بتقدرش ترجع لاجاباتك تاني

الفرق الاساسي برضه إن ال-EE أمتحان للمغتربين و المهاجرين و دول منهم كتير مش مستعدين كفاية للامتحان فسهل نسبيا النجاح فيه أما ال-Q1 أمتحان لكل طلبة الطب في كندا .... و دول وحوش بجد ....أغلبهم داخل الطب بقرض محترم من البنك و متغرب أو متغربة عن أهلهم و ما عندهمش أي استعداد يضيعوا دقيقة من حياتهم .....ده سبب من أسباب إن ال-Q1 صعب النجاح فيه .... فيه ناس بتعدي من أول مرة ...مش مستحيل يعني بس العبد لله ما نجحش غير تاني مرة و ديه أخرتني سنة بحالها و التأخير ده كان بسبب الجهة المسئولة عن استيعاب الأطباء المهجرين ال-IMG المعروفة حاليا باسم CEHPEA

و للحديث بقية باذن الرحمن

[samehelassad]

من الأفضل دائما استقصاء المعلومات و البحث عن الأمور بدلا من المجازفة .... كما أشرت سابقا أنا صادفت بعض التأخير في مشواري في كندا و جزء كبير من الأسباب ترجع لجهلي بطبيعة الأمور و ميل بعض من قابلتهم من المصريين إلي اخفاء الحقائق

الله ينور عليك يادكتور تسلم ايدك على المعلومات الممتازة دية. ربنا يحفظك ويخليك لاولادك.

وعجبتني اوي اوي كلمتك اللي هية ( ميل بعض من المصريين) عشان الحقيقة انا مابحبش اطلاقا التعميم. كل حتة فيها الكويس والوحش. والدليل القاطع جدا على كدة وجودك معانا. والنصايح التي لاتقدر بمال اللي اخدناها من اعضاء المنتدى المصريين الافاضل اللي عايشين في كندا زيك. المصريين الكنديين اللي بياخدو من وقتهم الغالي هناك وقت عشان يساعدو فية اخواتهم المصريين اللي ناويين على الهجرة. مع احترامي وحبي الشديد لكل الوطن العربي بس مصر تكسب. تحياتي.

[ناجى فاروق تاوضروس]

صباح الخير

على فكرة انا متابع الموضوع من الاول ويارايت كل الا عنده تجربة يشرحها علشان كلنا نستفيد منكم وعلى فكرة لما يكون عندى تجربة زيكم اوعدكم اشرحها بس لما اسافر الاول

[safar]

د.: هشام جزاك الله خيراً

تسجيل متابعة واعجاب

وتابع وكلنا أعين ناظرة

مع تحياتي

تم تعديل 28 نوفمبر 2008 بواسطة safar

[newcomer]

يا اهلا يا دكتور نورت......

و ان شاء الله فى اقرب فرصه هنبحث الصلة بين الطب و الدراما. wst:: ......

يعنى اكيد فيه حاجة بتربط بين كتاب المحاورات...... د. الشامى......د. التهامى .....و كمان اخيرا د.هشام .....و الكتاب الاطباء clp:: يوسف ادريس...... علاء

الاسوانى......لميس جابر...... و بين الكتابة و الدراما

ملحوظة : عاجبنى اوى تقطيع الحلقات..... wst:: شغل مسلسلات بجد

متابعيين يا دكتور :closedeyes:

[ايناس احمد]

اهلا وسهلا بك يادكتور هشام ونورت المنتدى بين اخوانك واخواتك

متابعين حضرتك جزاك اللة خير

تجربة شيقة

:closedeyes: ا

[precanadian]

فوت ميعاد أول أمتحان و ديه أخرت مشواري حوالي ٦ شهور ....ال-MCCEE

و ديه أخرتني سنة بحالها

لو سمحت يا دكتور : الطبيب المهاجر الجديد ايه الشغل الي ممكن يشتغله لو كان معه بكالوريوس او ماجستير او دكتوراه او زماله بريطانيه الي ان ينهي امتحان EE & QE . يعني ازاي الواحد يصرف علي نفسه لمده سنتين علي الاقل؟

فيه اسئلة بتتباع في محلات التصوير اللي حوالين الجامعة (جامعة تورونتو )

لو الاسئله دي مهمه ومن امتحانات سابقه كيف الحصول عليها قبل الذهاب لكندا؟

يعني بس العبد لله ما نجحش غير تاني مرة و ديه أخرتني سنة بحالها و التأخير ده كان بسبب الجهة المسئولة عن استيعاب الأطباء المهجرين ال-IMG المعروفة حاليا باسم CEHPEA

ما هي علاقه CEHPEA ودخولك امتحان Q1 ?############

اشكرك اخي الفاضل حقيقه المنتدي كان ينقصه خبرات وتجارب حقيقيه لطبيب بدأ هذه الرحله وعاشها بحلوها ومرها . سبحان الله الذي جمعنا في هذا المنتدي ### ربنا ييسر لك امورك وينور لك طريقك .

[شاب مصري]

الموضوع دا

http://www.dvd4arab.com/showthread.php?t=885003

احد اخواننا هنا اشار اليه

هو ملخصه انه دكتور مصري خريج المنصورة (تبع التهامي بك) وهاجر كندا ودخل في دوامة المعادلات ومحاولة الحصول على عمل الخ

لحد ما زهق ويأس وتأكد ان الحصول على وظيفة طبيب في كندا لشخص درس الطب خارج كندا هو امر صعب جدا جدا جدا

وقرر التوجه للولايات المتحدة وربنا كرمه هناك وخد نيابة عصبية وشغال الحمدلله

(لو حضرتك حبيت تتصفح الموضوع اقرأ مشاركات صاحب التوبيك فقط توفيرا للوقت)

اتمنى يكون مفيد للاخوة

وياريت تعليقك حضرتك على التجربة دا يا دكتور هشام

شكرا

تم تعديل 28 نوفمبر 2008 بواسطة شاب مصري

[MoHaMMeD EgYpT]

اهلا و سهلا يا دكتور هشام و انا متابع موضوعك الروعه و بصراحة انت انسان محترم

يا ريت تكمل لنا المسلسل علشان كلنا متشوقين لباقي القصة و كلنا اذان صغية :closedeyes: clp:: wst::