قصتي مع كندا

[maksoof]

الفاضل الدكتور هشام

الحمدلله على سلامة زوجتكم و عموما أنا ماعرفش أى شخص هنا ما عملش حادثة بسبب الثلج و لكن الحمد لله ربنا بيستر.

فى الحقيقة أنا عايز أشكرك لأنى إستمتعت جدا بقراءة مداخلاتك كما إستمتعت بمواضيع الفاضل إيهاب سالم و أشكركم كمان لأنكم بتبذلوا مجهود كبير للتيسير على القادمين الجدد.

و عندى تعليقين: واحد للأخ اللى بيسأل عن إمتلاك عقارات فى كندا: فأى شخص ممكن يشترى ممتلكات فى كندا سواء كان مقيم أو غير مقيم بس طبعا لو غير مقيم فلازم يدفع الثمن بالكامل لأن البنوك لا تعطى قرض إلا لشخص مقيم قى كندا و لديه دخل ثابت. و كنت كتبت مرة من زمان عن قرية كندية كانت معروضة للبيع فى British Columbia ب 7 مليون دولار و هى كانت مبنية لمنطقة مناجم و لما المنناجم أغلقت كانت معروضة لمستثمرين لتحويلها إلى قرية سياحية.

http://www.egyptiantalks.org/invb/index.ph...&hl=maksoof

الحاجة اللى مش ممكن تشتريها إلا لو كنت مقيم فى بعض المقاطعات هى الأراضى الزراعية.

التعليق التانى لحضرتك عن البرد فى تورونتو: حضرتك ممكن تزورنا هنا فى وينيبج و تقرر بعدها لو تورونتو برد واللا حر! :blush2:

[newcomer]

واحد للأخ اللى بيسأل عن إمتلاك عقارات فى كندا: فأى شخص ممكن يشترى ممتلكات فى كندا سواء كان مقيم أو غير مقيم بس طبعا لو غير مقيم فلازم يدفع الثمن بالكامل لأن البنوك لا تعطى قرض إلا لشخص مقيم قى كندا و لديه دخل ثابت. و كنت كتبت مرة من زمان عن قرية كندية كانت معروضة للبيع فى British Columbia ب 7 مليون دولار و هى كانت مبنية لمنطقة مناجم و لما المنناجم أغلقت كانت معروضة لمستثمرين لتحويلها إلى قرية سياحية.

http://www.egyptiantalks.org/invb/index.ph...&hl=maksoof

السوءال بقى يا فندم.......

لو انا اشتريت و انا مش مقيمة ( بكامل القيمة )......... هاخد PR ؟؟؟

لانى سمعت من حد ان فيه محامى بيعرض عليه شراء بيت فى كندا و بعد كده هايعمله هو و عيلتة اجراءات الاقامة و الهجرة .

مرسى لاهتمام حضرتك.

[سافو]

اخيرا خلصت 27 صفحه

وصدقنى يادكتور هشام اانا زعلان انهم خلصو

وزعلان اكتر انى بكتب تعليقى على الموضوع مع خبر الحادثه الى حصلت للمدام

الف حمد الله على السلامه يادكتور والحمد لله إن ربنا سترها

انا شوفت اكتر من فيديو زمان للحوادث اللى بتحصل بسبب النوع ده من التلج وفعلا بيبقى موضوع بشع جدا لانك بتفقد السيطره على السياره تماما حتى لو كانت نوعها ايه وقمة التكنولوجيا اللى بتبقى فيها برضه مبتقدرش تسيطر عليها

الف حمد الله على السلامه

عموما انا بسجل إعجابى بقصة كفاحك ونجاحك يادكتور ومتابع جيد لحضرتك ان شاء الله

[hazemtara]

الف حمد لله على سلامة الدكتوره وان شاء الله تكون بخير وسلام (قل لن يصيبنا الا ما كتب الله لنا )ولا حول ولا قوة الا بالله العلى العظيم

[د هشام ابراهيم]

عدنا .... الحمد و الشكر لله كثيرا احنا الاتنين أحسن كتير دلوقتي كان فيه كام سؤال أتسألوا قبل موضوع الحادثة ده فحاجاوب عليهم الأول

د.هشام......

انا كنت عايز استشير حضرتك و باقي السادة في حاجة...

انا الوظيفة بتاعتي مذكورة في اللستة بتاعة الفيدرال و الحمد لله سكوري كويس ... هل الاحسن اني اقدم في الهجرة دلوقتي ولا اقدم على تأشيرة دراسة و من هناك اجرب اعمل الهجرة بعد مااستقر هناك مع العلم اني مش متجوز و اني طبيب باشتغل في مجال الادارة الطبية و ان موضوع الدراسة ده لو مشي ... يبقى هيبدأ على شهر 9 اللي جاي ....

لو قدمت على الهجرة الاول (دلوقتي) و موضوع الدراسة ده مشي و بعتولي خطاب قبول في الجامعة .. هل ده هيسرع لي اجراءات الهجرة ؟ و لو لأ..... هل هيرضوا يدوني تأشيرة دراسه بعد كده ؟

شكرا جزيلا

بناء على تجربتي الشخصية يفضل التسريع بتقديم طلب الهجرة ... القوانين و اللوائح بتتغير بسرعة و عادة إلي الأصعب ... و حسب اعتقادي الوقت ما بين التقديم و القبول ممكن يطول .... في حالتي أنا وجود عقد عمل سرع بالقبول لطلب الهجرة انما كانت مشكلة كبيرة و ما تحلتش غير بتدخل جامعة تورونتو في الموضوع

فيه اتنين زمايلي أعرفهم جم الأول على عقد عمل و لما شافوا الحياة على طبيعيتها و عجبتهم قدموا على الهجرة ....في الحالة ديه بتقدم من خارج كندا ( زمايلي دول قدموا من بافالو في أمريكا باعتبارها قريبة .... واحد مصري و الموضوع خد حوالي سنتين ما بين التقديم و القبول و التاني باكستاني و ده الطلب أتأخر و اضطر يسافر باكستان لأن عقده خلص و كان لسه ما جالوش رد )

زاي ما حضرتك شايف التجارب شخصية و ما ينفعش نطلع منها قاعدة واضحة ...ربنا يوفقك

[maksoof]

السوءال بقى يا فندم.......

لو انا اشتريت و انا مش مقيمة ( بكامل القيمة )......... هاخد PR ؟؟؟

لانى سمعت من حد ان فيه محامى بيعرض عليه شراء بيت فى كندا و بعد كده هايعمله هو و عيلتة اجراءات الاقامة و الهجرة .

مرسى لاهتمام حضرتك

ماعتقدش إن الملكية تكفى للحصول على الهجرة أو الإقامة الدائمة - إلا لو كانت ملكية لبزنس و فى الحالة دى يبقى الشخص مستثمر.

[د هشام ابراهيم]

أخواني الافاضل samehelassad و hamdy farag ألف ألف شكر على كلماتكم الطيبة اللي بجد وسام على صدري افتخر به و يا رب أكون عند حسن الظن دائما ... جزاكم الله خيرا

الاخوة و الأخوات الأعزاء الأفاضل

- د. qenawi

- أ. madzoro

- أ. pharaon ،

- د. أسكندرية تاني

- أ. الأهلاوي الاصيل

- أ. Gimie

- أ.alsaher

- أ. samehelassad

- أ. jessika

- أ.أم بلال

- أ. دعاء

- أ. precanadian،

- أ. newcomer

- أ. bent misr

- د. الشامي

- أ.شاب مصري

- أ. ايناس أحمد

- أ. canadawy

- أ.Mutasem

- أ.mkhozamy

- أ.maksoof

- أ.سافو

- أ.hazemtara

لا أجد كلمات كافية للتعبير عن عميق امتناني و شكري لكافة المداخلات الطيبة و الدعوات الصادقة التي تكرمتم و غمرتوني بها ...لكم جميعا عظيم احترامي و تقديري و محبتي الخالصة ... و فعلا رب ضارة نافعة .... حادثة سيارة تتسبب لي و للمدام في كل هذه المشاعر الطيبة و الدعوات الصالحة .... أكيد احنا اللي كسبانين إن شاء الله

أسمحولي ببعض التعليقات في المداخلات القادمة

[newcomer]

كلك ذوق يا دكتور

ادام الله عليك نعمة الرضا و الشكر لله فى السراء و الضراء

[newcomer]

معلش يا دكتور

اعذر جهلى

what's A true Gen X er ????

فضول !!

[د هشام ابراهيم]

الف الف الف حمدالله على سلامة المدام يا دكتور هشام والحمدالله ان ربنا قدر ولطف والحمدالله ان كان فى تعاون من البوليس هناك معاكوا

ومتزعلش نفسك كده وعيد سعيد وكل سنة وانتوا كلكم طيبين

الحقيقة النقطة ديه بالذات تستاهل أني أكررها ... بعد ما المدام حركت العربية كلمت البوليس و بعدين كلمتني ما فيش دقيقتين و عربية البوليس كانت جنبها و على أهبة الأستعداد لمساعدتها .... و لا كلمة عن رخصة و لا بطاقة و لا أي حاجة .... السؤالين اللي أتسألوا أنت كويسة ؟ ... محتاجة أي مساعدة ؟ .... و لما أتأكدوا انها بخير سابوها تمشي و طلبوا بادب الأبلاغ عن الحادثة في مركز البوليس في خلال ٢٤ ساعة .... مركز البوليس ده شغال ٢٤ ساعة كل يوم طول الأسبوع ... علي بال ما رحنا كانت بعد الساعة ٥ و ما كانش فيه غير ٢ ظباط نبطشيين .... قمة الأدب و الأحترام و كمان تعاطف كامل و دعوات بالسلامة

وقت الحادثة حصلت كذا حادثة في نفس الوقت و بقية الطريق كان فيه كام حادثة تانية .... كل موقع فيه عربية بوليس على الأقل زائد عربية تانية أو عربية اسعاف أو مطافيء أو ونش بيجر عربية .... الكلام ده كله الساعة ٧ الصبح و الشمس أصلا لسه ما طلعتش

[د هشام ابراهيم]

معلش يا دكتور

اعذر جهلى

what's A true Gen X er ????

فضول !!

العفو يا باشا من أحلي الكلام اللي قرأته "كلما ازدت علما ازداد علمي بجهلي "

بصي حضرتك Generation X ده مصطلح يطلق علي جيل المولدين ما بين منتصف الستينيات إلي أخر السبعينيات في أغلب التعاريف .... المنتمين إلي هذا الجيل بيتمتعوا بخصائص جمعية تميزهم عن بقية الأجيال أجدها كلها في شخصيا .... خاصة العلاقة بين هذا الجيل و الجيل السابق و اللاحق له .... الفرد من هذا الجيل هو Generation Xer ...أو اختصارا Gen Xer و تنطق هكذا جين اكسر

[د هشام ابراهيم]

فيه حد قالى زمان .... لما تقول بسم الله توكلت على الله

بيرد ملك و يقول وقيت و كفيت .

و يوكل الملك ده بحراستك بتكليف من المولى سبحانه و تعالى

و من ساعتها باقول الدعاء دايما قبل مااشغل الكونتكت

و قول للمدام علىشان تبطلى تمشى على جلاث و تدوبى فى قلوب الناث ( مع الاعتذار للاغنية)

الف الف سلامة

أهي المداخلة ديه و الأغنية بالذات مع لدغة عبد الوهاب كانت أول ابتسامة من المدام بعد الحادثة ... جزاكي الله خيرا يا أختي الفاضلة و ألف شكر على التذكرة

[د هشام ابراهيم]

الف سلامة

ربنا يحفظكم

مش المفروض تطالبوا بتعويض من الدولةعن عدم ازالة التلج دا؟ والأضرار التي لحقت بكم بسببه؟

ممكن طبعا نرفع قضية لو فيه مشكلة في تصميم الطريق أو تقصير في خدمات الشرطة مثلا أو تقصير في خدماته من رصف و علامات إلخ ( جنط أتعوج في بلاعة مفتوحة .. أو كوبلين أتقطم في حفرة ... او عفشة بتتبهدل في كل حتة )... انما الصراحة ما كانش فيه أي حاجة من دول .... الطريق زاي الفل و الرصف دوري خصوصا مع تأثير التلج و الملح على الطرق .... و زاي ما قلت أداء الشرطة في رأيي مثير للاعجاب ...

ما كانش فيه تلج بمعني تلج على الطريق ... الصراحة كاسحات التلج سواء في تورونتو أو في نياجرا ما بتبطلش شغل انما ال-Black ice ده ما لوش حل .... تخيل طبقة من الماء ...مطر أو حتي ندى موجود على الطريق ( بالذات في المنازل و تحت الكباري العلوية ) الطبقة ديه الجو برد فتحولت إلي طبقة من الثلج الشفاف اللي ما بيتشفش أصلا و مش ممكن ازالته بالكساحات الحل الوحيد التدفئة و طبعا غير ممكن تدفئة الشوارع كلها (لحد الآن على العموم ... مين عارف ممكن يحصل إيه بكره ). حركة العربيات المتكررة ممكن تسيحه انما الصباح الباكر جدا بيبقى حركة العربيات أقل ..... ديه كانت الظروف المحيطة و تخلي الحادث قضاء و قدر مش غلطة حد

و فعلا السواقة على التلج ما لهاش كبير .... عربية مجهزة و سرعة قليلة و ستر ربنا أولا و أخيرا

[د هشام ابراهيم]

DR. Hesham

I do not know you and i am happy in Egypt, but really hope you all the best as i am sure a lot of people had good lessns of your trials

Hopw you all the best again

ألف شكر لحضرتك على الكلمات الطيبة و دعواتي المخلصة بدوام الرضا عن الحال سواء في مصر أو أي مكان آخر ... فعلا الرضا من أغلي النعم و الحمد لله كثيرا على كل حال

[د هشام ابراهيم]

الفاضل الدكتور هشام

الحمدلله على سلامة زوجتكم و عموما أنا ماعرفش أى شخص هنا ما عملش حادثة بسبب الثلج و لكن الحمد لله ربنا بيستر.

فى الحقيقة أنا عايز أشكرك لأنى إستمتعت جدا بقراءة مداخلاتك كما إستمتعت بمواضيع الفاضل إيهاب سالم و أشكركم كمان لأنكم بتبذلوا مجهود كبير للتيسير على القادمين الجدد.

.........

التعليق التانى لحضرتك عن البرد فى تورونتو: حضرتك ممكن تزورنا هنا فى وينيبج و تقرر بعدها لو تورونتو برد واللا حر!

ده فعلا الكلام اللي الكل بيقولوه لينا ... ما فيش حد ما أتزحلقش أو اختلت عجلة القيادة في أيده أو عمل حادثة على التلج ... الصراحة السواقة في تورونتو كانت دلع ... كل المشاوير قصيرة و لو ما لكش مزاج تسوق في الشتا كله ما فيش مشاكل

الله يخليك يا أخي الفاضل و يجازيك خير ... وينبيج طبعا ديه قصة و مناظر كمان ... برد برد بجد يعني زايها زي نوفا سكوتشيا و نيو برونسويك و شمال أونتاريو إلخ ... حضرتك عارف بقى الدلع بتاع الناس اللي في تورونتو اللي فاكرين نفسهم بيشوفوا برد :yahoo: الله يكون في العون يا باشا و ألف شكر مرة تانية

[د هشام ابراهيم]

اخيرا خلصت 27 صفحه

وصدقنى يادكتور هشام اانا زعلان انهم خلصو

وزعلان اكتر انى بكتب تعليقى على الموضوع مع خبر الحادثه الى حصلت للمدام

الف حمد الله على السلامه يادكتور والحمد لله إن ربنا سترها

انا شوفت اكتر من فيديو زمان للحوادث اللى بتحصل بسبب النوع ده من التلج وفعلا بيبقى موضوع بشع جدا لانك بتفقد السيطره على السياره تماما حتى لو كانت نوعها ايه وقمة التكنولوجيا اللى بتبقى فيها برضه مبتقدرش تسيطر عليها

الف حمد الله على السلامه

عموما انا بسجل إعجابى بقصة كفاحك ونجاحك يادكتور ومتابع جيد لحضرتك ان شاء الله

بالظبط يا أخي الفاضل.. هي ديه المشكلة مع النوع ده من التلج ال-Black ice .... الجليد الأبيض ده ممكن التعامل معاه (بحرص طبعا ) لكن مشكلة البلاك ده أنه على خوانة فجأة تلاقي نفسك فقدت السيطرة على العربية ... اللي ممكن يتعمل لو حد قدر يركز هو فصل الحركة عن الموتور ... وضع الفتيس في المور لو العربية مانويل أو نيوترال لو أوتوماتيك ... طبعا لو قدرت تفكر في اللحظات ديه

متابعة حضرتك تسعدني و تشرفني

[alsaher]

السوءال بقى يا فندم.......

لو انا اشتريت و انا مش مقيمة ( بكامل القيمة )......... هاخد PR ؟؟؟

لانى سمعت من حد ان فيه محامى بيعرض عليه شراء بيت فى كندا و بعد كده هايعمله هو و عيلتة اجراءات الاقامة و الهجرة .

مرسى لاهتمام حضرتك.

على حد علمي لا يمكن اخذ إقامة على شراء منزل كاش

ولكن الطريقة الأخرى وهي هجرة الإستثمار وهي أكتر من نوع

حاليا أعرف كتير مقدمين على هجرة إستثمار وهم مقربين جدا وربنا يسهل إن شاء الله

ولو حضرتك لك إستفسار عنها ممكن احاول أفيدك

لكن مش عايز أقطع كلام الدكتور هنا

ولكم تيحياتي

وسلامي للدكتور طبعا

[hgalal]

العفو يا باشا من أحلي الكلام اللي قرأته "كلما ازدت علما ازداد علمي بجهلي "

بصي حضرتك Generation X ده مصطلح يطلق علي جيل المولدين ما بين منتصف الستينيات إلي أخر السبعينيات في أغلب التعاريف .... المنتمين إلي هذا الجيل بيتمتعوا بخصائص جمعية تميزهم عن بقية الأجيال أجدها كلها في شخصيا .... خاصة العلاقة بين هذا الجيل و الجيل السابق و اللاحق له .... الفرد من هذا الجيل هو Generation Xer ...أو اختصارا Gen Xer و تنطق هكذا جين اكسر

.

ألف سلامة يا دكتور للمدام. وفعلاٍ دي من اجمل الكلام اللي سمعتة "كلما ازدت علماً ازدت علما بجهلي" ربنا يحفظك والعائلة الكريمة جميعاً. ويجزيك خيراً.

[newcomer]

أهي المداخلة ديه و الأغنية بالذات مع لدغة عبد الوهاب كانت أول ابتسامة من المدام بعد الحادثة :blink: ... جزاكي الله خيرا يا أختي الفاضلة و ألف شكر على التذكرة

مبسوطة جدا جدا ان ربنا جعلنى سبب فى ابتسامة المدام ربنا يخليهالك و يرضيها دايما

و طالما احنا لسة فى فيلم عبد الوهاب ده

فلازم نقول للمدام و هى بتبتسم الابتسامة الحلوة دى:

" ...... انا مش شايف غير ثفين لولى"

[newcomer]

بصي حضرتك Generation X ده مصطلح يطلق علي جيل المولدين ما بين منتصف الستينيات إلي أخر السبعينيات في أغلب التعاريف .... المنتمين إلي هذا الجيل بيتمتعوا بخصائص جمعية تميزهم عن بقية الأجيال أجدها كلها في شخصيا .... خاصة العلاقة بين هذا الجيل و الجيل السابق و اللاحق له .... الفرد من هذا الجيل هو Generation Xer ...أو اختصارا Gen Xer و تنطق هكذا جين اكسر :lol:

و الله احسن ناس !

يا يا يا يعيش يعيش يعيش

هو احنا ممكن نعمل جروب نسمية " ايجيبشين جين اكسرز "

لحد ما ربنا يسهل نعمل برانش نسميه " ايجيبشين كانيدين جين اكسرز"

بس طبعا هايكون الستات الاعضاء من مواليد اخر التسعينات...... اقصد السبعينات

المهم اقل رقم ممكن :blink: