قصتي مع كندا

[د هشام ابراهيم]

\/ \/ \/ \/

الله يخليك يا أخي الفاضل كلك ذوق

الجو برد تلج md2: بس مش حاقدر اشتكي لان برد تورنتو لا يقارن ببرد أماكن تانية وينيبيج مثلا (تحياتي ل maksoof باشا )

جدولي اليومي يتمحور حوالين الشغل .... لو ما فيش نبطشية اليوم العادي بيبتدي لما اصحي الصبح حوالي السادسة صباحا .... المسافة إلي شغلي في وسط تورنتو حوالي ١٠ دقايق مشي ....طبعا ديه ميزة من مزايا انك تسكن جانب الشغل زاي ما رئيسي المباشر في الشغل نصحني قبل ما أجي كندا (الدكتور البرازيلي اللي جبت سيرته قبل كده )

في أيام التلج بادي لنفسي ٥ دقايق زيادة علشان بامشي أبطئ من العادي و طبعا الجزمة بتبقى مختلفة .... هاف بوت لو مش بوت كامل و النعل بيبقى مدعم و فيه تقل و مضاد للزحلقة .... الجزم ديه موجودة بكثرة هنا و متوفرة طبعا ....

بابقي في الشغل عادة علي ٧ و ربع تقريبا .... الشغل بيبقى حسب لسته العمليات بس عادة بيستمر ل-٤ أو ٥ مساء يتخلله نصف ساعة راحة على الاقل ... حسب الظروف .... تكتر أو تقل أو تختفي خالص ... وقت الراحة بيبقى فيه كمان فرصة للصلاة .... جوه المستشفي فيه قاعة كبيرة مخصصة للصلاة .... هي الحقيقة لكل الأديان انما أغلب الأوقات بيبقى جواها مسلمين بيصلوا .... ساعات كتير بنقيم صلاه الجمعة بداخل القاعة ديه .... عمري ما حانسي خطبة ارتجلها مرة طبيب فاضل من الصومال ... هاجر بسبب ظروف بلده و ابتدي السلم من أوله ... يمكن من قبله كمان لانه اشتغل فني أجهزة الأول لحد ما عادل شهادته .... و ابتدى النيابة من الأول خالص مع إنه كبير نسبيا في السن .... الخطبة بتاعته على بساطتها أدمعت عنين كل المصلين يوميها

ما علينا .... بعد الشغل بارجع البيت في عشر دقايق (برضه :wub:) ... بأكل و باذاكر و أقرا و أخش على النت و أشوف التلفزيون و أتكلم في التليفون و أسمع مزيكا و العب بالبلاي ستاشين ( كتير قوي باعمل كذا حاجة مع بعض .... multitasking :blink:)

كتير نقرر ما نرجعش البيت و نروح السينما أو نشتري حاجة من المحلات بعيد عن الويك اند ....أو نزور حد من معارفنا ...مصريين و عرب و كنديين .... أكتر اسرتين قريبين منا طبيب لبناني و زوجته و طبيبين مصريين كنديين و الاتنين الحمد لله قريبين من البيت جدا و كثيرا ما نتزاور

الويك اند بيبقى أساسا للراحة و شغل البيت و للتسوق و التزاور و الفسحة بشرط ما حدش فينا يبقى نبطشي .... بعد بحث و تغيير كذا مرة تسوقنا الأساسي للاطعمة من سكاربورو ... لورنس افنيو ده ...محل إسمه أرز و جزارة اسمها الغدير .... كل حاجة عايزينها بتبقى هناك .... الزيارة التانية الاساسية بتبقى لجامع .... فيه جامع جنب البيت حوالي ٥ دقايق مشي باصلي فيه بعض الفرائض كلما سنحت الظروف لكن أنا بحب أصلي في جامع ISNA اللي في ميسيسوجا قرب أوكفيل (صورته موجودة في نفس الموضوع ده ).... مش عارف ليه لكن عادة بحب أصلي في جامع ليه مئذنة .... المشوار حوالي ٣٠ كم من مكان ما أنا موجود لكن باحس براحة نفسية عجيبة لما باروح هناك .... أكتر ٣ حاجات فرقت معايا جدا في تجربة كندا ديه .... الجامع ده .... رخصة القيادة ... و الجبنة الرومي في أرز :)

استخدمت المترو كتير لكن صراحة ما باحبوش .... أنا باقارنه بمترو باريس و مترو طوكيو .... دول كانوا وهم في رأيي .... مترو تورنتو كويس مش وحش لا يقارن طبعا بالقاهرة انما لو طلعت رخصة قيادة تأجير عربية أحسن طبعا .... المترو معقول نضيف و مواعيده مظبوطة لكن ما بستخدموش كتير خاصة اني مش بحتاجه للشغل .... لو الجو وحش قوي باخد تاكسي من قدام البيت و بياخد بتاع ٦ دولار بالبقشيش

لو عندي مشوار لحتة جنب محطة مترو بيبقى المترو اختيار هايل خصوصا لو المشوار بعيد أو ما فيش أماكن ركن و اختارت وقت بعيد عن ساعات الذروة

ده اللي جه في ذهني دلوقتي لو أفتكرت حاجة تانية حاقول و لو حد من حضراتكم عنده أي أستفسار فليتفضل :)

تم تعديل 17 ديسمبر 2008 بواسطة د هشام ابراهيم

[Gimie]

د.هشام بقالي كتير عايز ابعت لك اي حاجة ... بس مش لاقي حاجة اقولها md2:

ع العموم ده تسجيل متابعة

شكرا !!

[د هشام ابراهيم]

د.هشام بقالي كتير عايز ابعت لك اي حاجة ... بس مش لاقي حاجة اقولها md2:

ع العموم ده تسجيل متابعة

شكرا !!

العفو يا أخي الفاضل ..... يا باشا كفاية تسجيل المتابعة ده .... بالنسبة لي أحلي تحية :wub:

[newcomer]

بقى اليوم ال 24 ساعة ..... يعدى كده

كده يا دكتور !!

دا مخدش شفتيتين نسكافية !!

[newcomer]

د.Gen Xer

مش لازم افكر سعادتك ان الضغط هايكون على الكافيه هنا( علشان قهوه دى طلعت خطر ) زيادة شوية

لحد ما يجيوا بالسلامة ان شاء الله زملاء المهنة ... اصحاب الكافيهات التانية md2:

فامينفعش الشغل كده....يا فندم ..... بعد اذنك!!

البلاى ستايشن يتأجل ..... لكن الزباين ....لأ

( على فكرة .... ايه رأيك فى ال Wi :: :wub:

تم تعديل 17 ديسمبر 2008 بواسطة newcomer

[د هشام ابراهيم]

د.Gen Xer

مش لازم افكر سعادتك ان الضغط هايكون على الكافيه هنا( علشان قهوه دى طلعت خطر ) زيادة شوية

لحد ما يجيوا بالسلامة ان شاء الله زملاء المهنة ... اصحاب الكافيهات التانية md2:

فامينفعش الشغل كده....يا فندم ..... بعد اذنك!!

البلاى ستايشن يتأجل ..... لكن الزباين ....لأ

( على فكرة .... ايه رأيك فى ال Wi :: :wub:

يا أفندم أنا ما أقدرش أتأخر على حضرتك أو حد من زباين الكافيه ... أنا تحت أمركم جميعا و الله يعلم .... لكن رحم الله امرئ عرف قدر نفسه .... أنا ما عنديش الملكة اللي عند الأساطين اللي زي د تهامي و د الشامي .... يعني صعب أتقارن بيهم .... إن شاء الله يرجعوا و ينوروا مواضيعهم تاني ... دول ناس بسم الله ما شاء الله محترفين كتابة أنا غلبان :blink:

بالنسبة لل-Wii بقى فده الخطوة القادمة ان شاء الله ..... لكن لازم الأول طبعا أمهد للمدام و اقنعها :) .... و بعدين ألاقي Console لانه شحيييح شوية و بيتخطف أول باول .... يا سلام بقى لو عرفت أجيب واحد في ال-Boxing day ده بيبقى يوم ٢٦ ديسمبر و الأكازيونات بتبقى غير طبيعية يوميها .... يفضل بقى رفع اللياقة البدنية علشان كتير من الألعاب بتطلبها :)

[newcomer]

هوه انا لسه مااشتريتش واحد...... بس عجابنى اوى لما جربته فى التنس

طيب ...... عموما انا مش مستعجلة

هاشوف بقى لما حضرتك تجيبه ..... رأيك فيه اية؟؟

اه.... هاقولك سر يا دكتور علشان تقنع المدام

خليها تجربة باللعبة بتاعت الايروبكس

أو البوكسينج md2:

[newcomer]

يا أفندم أنا ما أقدرش أتأخر على حضرتك أو حد من زباين الكافيه ... أنا تحت أمركم جميعا و الله يعلم .... لكن رحم الله امرئ عرف قدر نفسه .... أنا ما عنديش الملكة اللي عند الأساطين اللي زي د تهامي و د الشامي .... يعني صعب أتقارن بيهم .... إن شاء الله يرجعوا و ينوروا مواضيعهم تاني ... دول ناس بسم الله ما شاء الله محترفين كتابة أنا غلبان md2:

اوعى تكون زعلت يا دكتور...... ده هزار!!

كل اللى حضرتك بتكتبه مفيد......حتى لو سطرين...

[د هشام ابراهيم]

....

اه.... هاقولك سر يا دكتور علشان تقنع المدام

خليها تجربة باللعبة بتاعت الايروبكس

أو البوكسينج

علم و جاري التنفيذ يا باشا

بس حضرتك متأكدة من حكاية البوكسينج ديه :wub: مش عارف كده مش مستريح ليها ليه md2:

[د هشام ابراهيم]

اوعى تكون زعلت يا دكتور...... ده هزار!!

كل اللى حضرتك بتكتبه مفيد......حتى لو سطرين...

الله يكرم حضرتك ... ما فيش زعل خالص إن شاء الله md2:

[newcomer]

بس حضرتك متأكدة من حكاية البوكسينج ديه :wub: مش عارف كده مش مستريح ليها ليه md2:

امااااال يا دكتور

الحكاية كلها كأن

فى الهوا يعنى

و اهو تنفيث... ..... و رياضة طبعا !!

[د هشام ابراهيم]

بس حضرتك متأكدة من حكاية البوكسينج ديه :wub: مش عارف كده مش مستريح ليها ليه md2:

امااااال يا دكتور

الحكاية كلها كأن

فى الهوا يعنى

و اهو تنفيث... ..... و رياضة طبعا !!

الحقيقة اني كنت ناوي على التنس الاول بس لو كده ما فيش مانع من البوكس كمان :blink:

[alsaher]

الفاضل alsaher

ارجو ارشادي الى النص الذي يحتوي على معلومة 120000 دولار على موقع الهجره

حيث اني لم اجده

ولك جزيل الشكر

أستاذ إيهاب

حضرتك أنا قلت قبل ردي

حاليا أعرف كتير مقدمين على هجرة إستثمار وهم مقربين جدا وربنا يسهل إن شاء الله

ولو حضرتك لك إستفسار عنها ممكن احاول أفيدك

فمش أنا اللي مقدم , لكن أقرب مقدم للإستثمار هو والدي حاليا

فبالنسبة لي مش عارف مكانها بالموقع الرسمي لكن الكلام أكيد بالنسبة لي لسببين :blush2:

إنه والدي عمال بيخوض التجربة فمعلوماته جديدة

ثانيا إنه أعرف أكثر من أسرة هناك على نفس النظام ودفعه ال 120

ومنهم أخذ الجنسية خلاص

ومنهم لسة بيقضي فترة الإقامة هناك

وإن شاء الله لما اقابل والدي على الإيميل أحاول أعرف منه مصدر رسمي للمعلومة دي

[samehelassad]

تسجيل متابعة واعجاب يادكتور. وزي ما اختنا القمر الجديد قالت عاوزين حلقات اكبر من كدة ياباشا.

[Gimie]

د. هشام .....

ايه رأي حضرتك تدينا فكرة عن نظام المستشفيات هناك في المستشفى اللي حضرتك بتشتغل فيهافي كندا.... نظام الشغل؟... النوبتجيات بتتحط ازاي؟ ....اللسته بتتحضر ازاي؟ ....

غير المستشفيات الدكاترة ممكن يشتغلوا في ايه تاني؟ هل ممكن فتح عيادة بسهولة ولا ايه؟

[اسكندرية تانى]

شكرا يا د.هشام

نزل يا بنى هنا واحد حلبة حصى :sad:

للدكتور هشام و صلحه

n2&(

[د هشام ابراهيم]

سامح باشا ، جيمي باشا و دكتور اسكندرية تاني باشا .... الله يخليكم جميعا و يكرمكم .... المشاركة الجاية إن شاء الله حاحكي عن المستشفي بس النهارده نتطمن و نبارك لدكتور تهامي ....

تم تعديل 18 ديسمبر 2008 بواسطة د هشام ابراهيم

[newcomer]

مستشفى..... بالعيانين اللى فيها يا دكتور

اه.... اللى اوله شرط .....اخره نور يا دكتور( وش توفيق الدقن)

علشان الموضوع مايقلبش ......لموضوعات طبية و نقابه و كده يعنى :sad:

مساء الخير..... حضرتك. :roseop[/size]:

[د هشام ابراهيم]

مستشفى..... بالعيانين اللى فيها يا دكتور

اه.... اللى اوله شرط .....اخره نور يا دكتور( وش توفيق الدقن)

علشان الموضوع مايقلبش ......لموضوعات طبية و نقابه و كده يعنى :sad:

مساء الخير..... حضرتك. :roseop[/size]:

حضرتك تأمري يا سيدتي الفاضلة .... ححاول علي قدر الامكان اني ما خليش الموضوع طبي صرف ... احنا حنعمل اللي علينا و الباقي على ربنا (وش سراج منير ) n2&(

[newcomer]

الموضوع قلب ابيض و اسود كده يا دكتووور ( وش محمود المليجى و هو بيغمز بعينه فى نظره شريره )

ربنا يخليك .....( وشى أنا بقى)