قصتي مع كندا

[د هشام ابراهيم]

خلاص بلاش أبيض و أسود :sad:

الصراحة أنا كنت مستني د تهامي هو اللي يحكي النهارده بس شكله تعبان و جعان نوم .... الله يكون في عونه

[د هشام ابراهيم]

المستشفي اللي أنا شغال فيه مكانها في وسط تورنتو قصدي وسط البلد يعني ... المربع العمراني اللي بتقع فيه يوجد فيه عدة مستشفيات منها مستشفي تورنتو العام تورنتو جنرال هوسبيتال أو اختصارا TGH و مستشفي الاطفال و ديه نمرة ٤ علي العالم في لسته أحسن مستشفيات الأطفال .... كل المستشفيات ديه تحت رعاية جامعة تورنتو و بالاضافة إلي كام مستشفي كمان بتشكل مستشفيات جامعة تورونتو (علي غرار مستشفيات جامعة القاهرة ) أو ما يعرف بي University Health Network أو UHN .....ال-UHN بقالها كذا سنة بتاخد موقع كويس في أحسن أفضل أصحاب عمل في كندا أو Canada'sTop employer

طبعا غنيا علي القول إن المستشفيات ديه بتقدم خدمة على أعلي مستوي و إن كان طبعا فيه قصور لان الكمال لله وحده

المستشفي اللي شغال فيها لحد يونيو ٢٠٠٩ إن شاء الله لما عقدي يخلص ... بيميزها تخصصها في حالات النساء و الولادة المتقدمة و الصعبة و بتعتبر المركز الأساسي للحالات ديه في تورنتو كلها و علشان كده فيه دور بحاله مخصص للحالات ديه ... حاجة معتادة مثلا إن سيدة تكون اتولدت بعيب خلقي في القلب (للاطباء Transposition of the great vessels أو Tetralogy of Fallot مثلا ) و عملت عملية لتصحيح العيب ده و هي طفلة و بعدين تحمل فتتابع في مركز رعاية الحمل (مبني كبير مستقل عن المستشفي علي بعد بتاع ٤٠٠ متر ) و بعدين تيجي تولد في المستشفي

بجانب كده فيه جراحة عامة و جراحة أورام و جراحة وجه و فك و رمد و عظم ومسالك و قولون و أنف و أذن

للحديث بقية

[newcomer]

اعمل نسكافيه و ارجع ؟؟؟!!

متابعين يا دكتور...

[الدك]

الأخوة الأفاضل ... أخوكم طبيب مصري مغترب في كندا حاليا

الصراحة ده أول يوم لي في المنتدى انما طلب مني حكاية قصتي كلها في كندا للاستفادة .... أرجو أن يتسع صدركم لي و بسم الله توكلنا على الله

عزيزي الدكتور المصري والذي اعتبرك مثلا مشرفا لكل المصريين والعرب والله دائما يوفقك في طريقك

اود ان اسألك عنشيء هام بالنسبة لي وقد يكون هام ايضا بالنسة لغيري من الزملاء الافاضل في المنتدى

انا لدي خبرة كطبيب مقيم جراحة و طوارئ ، وفي نفس الوقت لدي خبرة بنفس الفترة كمدير لمركز طبي

عندما علمت المشوار الطويل من ناحية الجراحة رفضت الهجرة

لكن احد زملائي همس في اذني بالتقدم كمدير طبي

على الرغم من عدم حصوليعلى اي شهادات دراسية في الادارة ولكن شهادات خبرة فقط ، فهل هذا يفيد؟

وشكرا لتحملك كل افكارنا وآراءنا المتفارقة و المتفرقة

جزاك الله كل الخير على مساعدة المحتاجين الى كلماتك

[د هشام ابراهيم]

بما أني أغلب شغلي في العمليات فحاتكلم عليها شوية .... جناح العمليات الرئيسي في الدور الخامس فيه ١٢ حجرة عمليات منها اتنين مجهزين بمعدات للجراحة الألية (Robotic surgery ) يعني فيه انسان اللي بيعمل خطوات معينة في الجراحة تحت أشراف كامل من الجراح البشري طبعا .... الحجرتين دول كمان مجهزين بشاشات و كاميرات لبث الجراحة علي شبكة المستشفي للعالم الخارجي أو لقاعات المؤتمرات أو الأجتماعات ..... في أي من الظروف خصوصية المريض لازم تحترم طبعا

فيه حجرات تجهيزها عادي بالمقاييس الكندية طبعا و فيه حجرات أقل من العادي .... حجرة جراحات العيون مثلا (رقم ٩ :sad:) فيه الآت متطورة بتاعة الجراحة انما بقية الحجرة أقل من العادي في كل حاجة حتي جهاز التخدير

الدور الأول (الأرضي ) فيه حجرتين لعمليات جراحة اليوم الواحد و الدور السابع بتاع النساء و الولادة فيه ٢٢ حجرة ولادة مجهزة و حجرتين عمليات

قسم التخدير في المستشفي بيغطي كمان يوم واحد في لست عمليات مستشفي الأورام .... أغلب الأيام بابقي مكلف بواحده من الحجرات ديه تحت أشراف طبيب كندي ... في الاول طبعا كانوا بيلازموني طول الوقت و يشوفوا أنا باعمل إيه و يساعدوا و يعدلوا ... حاليا نادرا ما باشوف حد أصلا في الاوضة

بجانب العمليات فيه عيادتين للتخدير ... واحدة للنساء في المبني بتاع رعاية الحمل ده ... و ديه بتشتغل ٣ أيام في الأسبوع و فيه حجرتين للكشف ... و فيه العيادة العامة و ديه كل يوم و فيها ١٦ حجرة كشف

كتير من الجراحين بيحولوا حالات لعيادة التخدير للكشف و المناظرة و الأعداد للعمليات و بتبقى فرصة للشرح للمريض عن كل ما يخص التخدير

فيه حجرة من بتوع الكشف ديه مجهزة بمعدات بث تلفزيوني .... ساعات كل إلي بنحتاجه متابعة المريض أو التحدث معاه لو المريض من بره تورونتو بدل ما يدب المشوار للمستشفي يتوجه لاقرب مركز طبي و تتم المقابلة عن طريق دائرة تلفزيونية مغلقة

للحديث بقية

[د هشام ابراهيم]

اعمل نسكافيه و ارجع ؟؟؟!!

متابعين يا دكتور...

بالهنا و الشفا يا باشا ... بس يا رب الماج يكون كبير yamli.com ده هايل بس بطيء جدا :sad:

[د هشام ابراهيم]

الأخوة الأفاضل ... أخوكم طبيب مصري مغترب في كندا حاليا

الصراحة ده أول يوم لي في المنتدى انما طلب مني حكاية قصتي كلها في كندا للاستفادة .... أرجو أن يتسع صدركم لي و بسم الله توكلنا على الله

عزيزي الدكتور المصري والذي اعتبرك مثلا مشرفا لكل المصريين والعرب والله دائما يوفقك في طريقك

اود ان اسألك عنشيء هام بالنسبة لي وقد يكون هام ايضا بالنسة لغيري من الزملاء الافاضل في المنتدى

انا لدي خبرة كطبيب مقيم جراحة و طوارئ ، وفي نفس الوقت لدي خبرة بنفس الفترة كمدير لمركز طبي

عندما علمت المشوار الطويل من ناحية الجراحة رفضت الهجرة

لكن احد زملائي همس في اذني بالتقدم كمدير طبي

على الرغم من عدم حصوليعلى اي شهادات دراسية في الادارة ولكن شهادات خبرة فقط ، فهل هذا يفيد؟

وشكرا لتحملك كل افكارنا وآراءنا المتفارقة و المتفرقة

جزاك الله كل الخير على مساعدة المحتاجين الى كلماتك

العفو يا سيدي الفاضل .... بص حضرتك لو عايز تشتغل دكتور في كندا ما فيش غير سكة المعادلة .... باختلاف الطرق و الوسائل العنصر المشترك لازم معادلة

شغل حضرتك كاداري في منشأة طبية خاضع لقوانين العرض و الطلب و الأفضلية ما بين المتقدمين ... غني عن القول إن المنافسة شرسة جدا ... في حالة عدم وجود شهادات معترف بيها الفرصة بتقل جدا طبعا

آسف لاحباطك و لكن القاعدة العامة إن ما فيش حاجة كويسة سهلة .... أي حاجة ليها قيمة لازم يبذل امامها الكثير من الجهد و الوقت و الفلوس و بعد كل ده لا تيجي لا ما تجيش

[د هشام ابراهيم]

نرجع تاني ليومي في المستشفي ... عادة أنا باعرف جدول اليوم من اليوم اللي قبليه ... بعد ما أخلص الشغل أروح قسم التخدير اللي جوه العمليات و أشوف إيه تكليف اليوم التالي .... زاي ما قلت الأغلب العمليات .... بشوف لسته العمليات المحجوزة للغد و بعدين باخش على الكمبيوتر على الملفات الطبية الالكترونية و أشوف كل عيان بياناته إيه .... سنه ، تاريخه المرضي ، المعامل ، التحاليل ، الأشعة ، الأستشارات الطبية .... الدخول على النظام ده بيبقى ب-username و password و لضمان خصوصية المرضي فيه اجراءات كتير قوي تانية مش مجالها دلوقتي

أغلب المرضي بييجوا المستشفي قبل ميعاد عملياتهم بساعتين ... طبعا التزام كامل بالمواعيد .... في بعض الأحيان العيانين بيبقوا محجوزين في المستشفي و ساعتها لازم أروحلهم و أتكلم معاهم و اكشف عليهم قبل ما أروح

لو فيه ترتيبات معينة أو أجهزة أو أدوية محتاجها للغد بابتدي أحضر أو اطلب فيها

يوم العمليات باروح علي ٧ و ربع صباحا بابتدي أحضر الحجرة و اطمن علي كل الأجهزة و المعدات اللي حاستخدمها لضمان عدم حدوث أخطاء ... جهاز التخدير بالذات بيتعمله Check up كامل في بداية اليوم للتأكد من كل المعايير و ضمان العمل بصورة صحيحة

أول مريض بيبقى موجود في جناح العمليات على ٧ و نص ... التمريض و التخدير و الجراحة لازم يمروا علي المريض و يشيكوا علي كل حاجة من أول البيانات الشخصية مرورا بالتفاصيل الطبية و نوع العملية ...إلخ ...أول مريض بيدخل حجرة العمليات الساعة ٨ و اليوم كده بيبتدي

ما زال للحديث بقية

[د هشام ابراهيم]

يمكن أكتر حاجة لواحد خد باله منها هناك العيانين الكبار في السن صحتهم زاي الفل ... يعني تلاقي المدام ٧٥ و لا ٨٠ سنة و جاية تعمل عملية تغيير مفصل و تضايق أوي انها مش حتعرف تجري كل يوم زاي ما متعودة لحد ما الجراح يأذن لها ....

كتير من العيانين ما بيتكلموش انجليزي و علشان كده في خدمة ترجمة في المستشفي .... أوقات العمل الرسمية ممكن تستدعي مترجم علشان يبقى وسيلة التفاهم مع المريض لو ما فيش حد من أهل المريض يقوم بالموضوع ده ... ساعات بنستعين بحد من العاملين لو ما فيش أهل أو مترجم ... مرة جابوني أنا علشان أترجم لسيدة مصرية الكلام اللي بيتقال .... مش عايز اقولكم الست أتبسطت قد إيه انها تلاقي حد بيكلمها عربي و مصري كمان

الحقيقة إن كتير قوي الواحد بيتكلم عربي في المستشفي اللي أصلا مليان أطباء عرب .... مصريين و لبنانيين و عراقيين ... لكن الأغلبية من السعودية و الامارات .... حكومات الدول ديه بتبعت النواب يخلصوا نيابتهم كلها في كندا و يمتحنوا البورد الكندي بشرط الرجوع لبلدهم بعد كده .... الكل مستفيد إلا احنا المصريين ... كندا مستفيدة من الايدي العاملة و الفلوس اللي بتتدفع للجامعات علشان طلاب العلم دول ..... دول الخليج بتعلم الأطباء بتاعتها على أعلي مستوي و بتضمن انهم يرجعوا ليها تاني (استثمار بشري ) ... الأطباء نفسهم مستواهم بيعلي جدا و بلدهم بتدلهم فرصة ذهبية لدعم مستقبلهم ... المشكلة بقى للدكاترة المصريين .... الشباب العرب دول بيرجعوا بلدهم يبقوا خبراء اجانب .... مع سوء سمعة الشهادات المصرية و من ضمنها الدكتوراه معاملة الأطباء المصريين المهنية و المادية و التقديرية اتغيرت كتير كام السنة اللي فاتوا دول

[hamdy farag]

يمكن أكتر حاجة لواحد خد باله منها هناك العيانين الكبار في السن صحتهم زاي الفل ... يعني تلاقي المدام ٧٥ و لا ٨٠ سنة و جاية تعمل عملية تغيير مفصل و تضايق أوي انها مش حتعرف تجري كل يوم زاي ما متعودة لحد ما الجراح يأذن لها ....

كتير من العيانين ما بيتكلموش انجليزي و علشان كده في خدمة ترجمة في المستشفي .... أوقات العمل الرسمية ممكن تستدعي مترجم علشان يبقى وسيلة التفاهم مع المريض لو ما فيش حد من أهل المريض يقوم بالموضوع ده ... ساعات بنستعين بحد من العاملين لو ما فيش أهل أو مترجم ... مرة جابوني أنا علشان أترجم لسيدة مصرية الكلام اللي بيتقال .... مش عايز اقولكم الست أتبسطت قد إيه انها تلاقي حد بيكلمها عربي و مصري كمان

الحقيقة إن كتير قوي الواحد بيتكلم عربي في المستشفي اللي أصلا مليان أطباء عرب .... مصريين و لبنانيين و عراقيين ... لكن الأغلبية من السعودية و الامارات .... حكومات الدول ديه بتبعت النواب يخلصوا نيابتهم كلها في كندا و يمتحنوا البورد الكندي بشرط الرجوع لبلدهم بعد كده .... الكل مستفيد إلا احنا المصريين ... كندا مستفيدة من الايدي العاملة و الفلوس اللي بتتدفع للجامعات علشان طلاب العلم دول ..... دول الخليج بتعلم الأطباء بتاعتها على أعلي مستوي و بتضمن انهم يرجعوا ليها تاني (استثمار بشري ) ... الأطباء نفسهم مستواهم بيعلي جدا و بلدهم بتدلهم فرصة ذهبية لدعم مستقبلهم ... المشكلة بقى للدكاترة المصريين .... الشباب العرب دول بيرجعوا بلدهم يبقوا خبراء اجانب .... مع سوء سمعة الشهادات المصرية و من ضمنها الدكتوراه معاملة الأطباء المصريين المهنية و المادية و التقديرية اتغيرت كتير كام السنة اللي فاتوا دول

واللهي معلومات قيمة وانا متاكد ان كثير من الاخوة استفادوا منها,انت رجل محترم...وكل هذا الفيضان من المعلومات ربنا سوف يجعله في ميزان حسناتك.كتر الله من امثالك. :sad:

[alsaher]

لكن الأغلبية من السعودية و الامارات .... حكومات الدول ديه بتبعت النواب يخلصوا نيابتهم كلها في كندا و يمتحنوا البورد الكندي بشرط الرجوع لبلدهم بعد كده

حسب ما فهمت يا دكتور من حضرتك ومن ناس حكولي برضو

إن الأطباء دول ما بيخدوش رواتب من كندا خالص , حكوماتهم بتدفع للمستشفى رسوم وجودهم وبتدفع لأبناءها رواتبهم

السؤال اللي حضرني بقى >> حلوة حضرني دي :sad:

هل الأطباء دول لهم مكانة بالمستشفى

وممكن يفيده أطباء عرب ولا الحكاية دي نادرة

يعني واحد مهاجر مثلا ومعاه المعادلة , هل في النيابة والإنتقال والدخول بالأبحاث العلمية , هل ليهم دور ممكن يفيده بيه المهاجر العربي

وشكرا جزيلا على مجهودك الرائع يادكتور

[AL MUHAGER]

تسجيل اعجاب ومتابعة يا دكتور

ازيك يا دكتور هشام اخبارك ايه.. وايه الكلام الحلو ده

[samehelassad]

اية ياعم الحاجات الجامدة دية. واية التفاصيل التحفة اللي بتقولها دية. دا الواحد زي مايكون بيتفرج على مسلسل جرايز اناتومي.

الف الف شكر على المعلزمات دية. وربنا يوفقك ويهديك الي سواء السبيل وبياركلم في صحتة ويسهلك معادلتك.

تسجيل متابعة حارة واعجاب ياريس. عشت يادكتور ورفعت دايما سعة المصريين لفوق. زي ماكانت.

[الأهلاوي الأصيل]

تسجيل متابعة يا دكتور هشام...ألف شكر ليك على سردك رائع

ودعواتك بلقاء قريب في تورنتو إن شاء الله

[ايهاب سالم]

تسجيل اعجاب و شكر للرفيق د / هشام على مجهوده الكبير و معلوماته الغزيره

جزاك الله خيرا

تم تعديل 19 ديسمبر 2008 بواسطة ايهاب سالم

[د هشام ابراهيم]

طبعا النهارده عاصفة ثلجية معتبرة .... مش مجرد تلج ... التلج نزل كذا مرة الموسم ده قبل كده ...لأ عاصفة ... رياح و تلج و جليد و ظروف سيئة يعني ... أسوأ حاجة بتبقى حكاية ال-white out ديه ....الدنيا بتبييض و ما بتشفش قدامك .... عارفين الخماسين لما الدنيا بتقلب برتقالي .... الدنيا بتقلب أبيض و ما بتبقاش شايف قدامك ...طبعا مدي الرؤية بيبقى على حسب شدة العاصفة

الكويس بقى إن احنا عارفين إن فيه عاصفة .... أنا شخصيا سمعت التنبؤ من ٣ أيام و الايام اللي فاتت ديه ما فيش كلام غير عن العاصفة و الاستعدادات ليها البلدية و الأسعاف و البوليس ...إلخ

قناتي التلفزيونية المفضلة اللي ما بيعديش يوم غير ما أشوفها اسمها CP24

citypulse في ال-٢٤ ساعة يعني و بتيجي على قناة ٢٤ في تورونتو

شاشة القناة متقسمة لكذا مربع ... واحد بث حي من قناة city TV .... و مربع الأرصاد الجوية المتوقعة لليوم صبح و ضهر و عصر و ليل بالتبادل مع توقعات ٣ أيام لقدام .... و فيه مربع بث حي من الشوارع عن طريق الكاميرات المثبتة .... فوق و نص و أسفل الشاشة شريط أخبار و ساعة و معلومات عن كل حاجة ... الأخبار ... البورصة ... مواعيد عروض المسرح و الحفلات الموسيقية ...إلخ ....لما أروح إن شاء الله حاصورها و أحطها هنا

المهم القناة ديه ما بتتكلمش غير عن العاصفة بقالها يومين .... ضيوف من البوليس و الأسعاف و المستشفيات و للارصاد .... إلخ و الكلام كله تحذيرات و ارشادات ... البلدية كلها في حالة طوارئ و الكل مستعد

[د هشام ابراهيم]

واللهي معلومات قيمة وانا متاكد ان كثير من الاخوة استفادوا منها,انت رجل محترم...وكل هذا الفيضان من المعلومات ربنا سوف يجعله في ميزان حسناتك.كتر الله من امثالك.

الله يخليك يا أخي الفاضل .... حضرتك انسان ذو حس عالي و ذوق و أدب جم و تعليقات حضرتك دائما ما تكون في غاية اللطف ... بارك الله فيك :amb:

[د هشام ابراهيم]

حسب ما فهمت يا دكتور من حضرتك ومن ناس حكولي برضو

إن الأطباء دول ما بيخدوش رواتب من كندا خالص , حكوماتهم بتدفع للمستشفى رسوم وجودهم وبتدفع لأبناءها رواتبهم

السؤال اللي حضرني بقى >> حلوة حضرني دي

هل الأطباء دول لهم مكانة بالمستشفى

وممكن يفيده أطباء عرب ولا الحكاية دي نادرة

يعني واحد مهاجر مثلا ومعاه المعادلة , هل في النيابة والإنتقال والدخول بالأبحاث العلمية , هل ليهم دور ممكن يفيده بيه المهاجر العربي

وشكرا جزيلا على مجهودك الرائع يادكتور

المعلومة صحيحة ... حكومات الدول ديه بتدفع للمستشفيات مصاريف تعليم و تدريب الاطباء دول بالاضافة إلي مرتب شهري للطبيب و بيزيد لو معاه أسرته .... المرتب مش هايل بس كافي جدا (أصلهم ساعات بيشتكوا من الحكاية ديه و أنا طبعا بيبقى هاين علي أطبق في زمارة رقبتهم :amb: )

النواب دول علي راسهم ريشة طبقا لكلام النواب الكنديين .... هما ملتزمين برنامج معين قدام الحكومة بتاعتهم و قدام الجامعة الكندية فلازم ينفذوه ... طبعا ظروف العمل الطبي متغيرة بمعني إن كل دقيقة فيه متغيرات بتجد فصعب انك تنفذ برنامج بحذافيره و علشان كده التدريب بياخد سنين ... المهم الجامعة بما إنها ملتزمة بتعاقد و الموضوع فيه فلوس لازم تعمل اللي تقدر عليه لتطبيق برنامج التدريب و كتير بتبدي النواب دول علشان كده

بالنسبة ليهم الموضوع شخصي بحت .... يعني فيه ناس زاي الفل و محترمة و نموذج مشرف و فيه ناس خسارة فيهم كل حاجة ... ممكن يساعدوا المهاجرين طبعا في حدود حسب المتاح .... أنا شخصيا ما قابلتش حد من التخدير فما أقدرش أحكم اللي قابلتهم و أحتكيت بيهم كتير كان نايب جراحة فك و وجه من السعودية ... مكة تحديدا و ده راجل ذي الفل .... نايب عظم من السعودية برضه و ده أجارك الله .... نايب جراحة مسالك من السعودية و كان هايل ... فيه ناس من الكويت والأمارات انما بره نطاق العمل و ما جتليش الفرصة أتعرف عليهم .... أطفال و باطنة و أشعة .... زاي ما قلت قبل كده أنا يومي كله في الأغلب الأعم بيبقى داخل حجرة العمليات

[د هشام ابراهيم]

تسجيل اعجاب ومتابعة يا دكتور

ازيك يا دكتور هشام اخبارك ايه.. وايه الكلام الحلو ده

الحمد لله يا أخي الفاضل النهارده أن شاء الله ممكن يبقى فيه أخبار جديدة ...أدعولي :amb:

متابعة حضرتك تشرفني و تسعدني

[د هشام ابراهيم]

اية ياعم الحاجات الجامدة دية. واية التفاصيل التحفة اللي بتقولها دية. دا الواحد زي مايكون بيتفرج على مسلسل جرايز اناتومي.

الف الف شكر على المعلزمات دية. وربنا يوفقك ويهديك الي سواء السبيل وبياركلم في صحتة ويسهلك معادلتك.

تسجيل متابعة حارة واعجاب ياريس. عشت يادكتور ورفعت دايما سعة المصريين لفوق. زي ماكانت.

العفو يا سيدي الفاضل و جزاك الله كل خير و أثابك بمثل ما دعيت لي بظهر الغيب

ربنا يصلح أحوال مصر و المصريين ... احنا فعلا مفروض نبقى احسن من كده بكتير ... ربنا يهدي الجميع و يرفع الغمة اللي اصابتنا ديه

الحقيقة يا باشا جرايز اناتومي و مكدريمي و بتاع ده كله تمثيل و مبالغة

المسلسل اللي بجد كان ناقل صورة حقيقية كان ER بس الأجزاء الأولي أيام جورج كلوني ...