قصتي مع كندا

[د هشام ابراهيم]

تسجيل متابعة يا دكتور هشام...ألف شكر ليك على سردك رائع

ودعواتك بلقاء قريب في تورنتو إن شاء الله

العفو يا أخي الفاضل و إن شاء الله تعالي ييسر الأمور و يوفقك لما يحب و يرضي .... باذن الرحمن نتقابل في تورنتو ...٢ أهلوية اصليين

[د هشام ابراهيم]

تسجيل اعجاب و شكر للرفيق د / هشام على مجهوده الكبير و معلوماته الغزيره

جزاك الله خيرا

الباشا الكبير ...الهيد كوتش

الله يخليك يا جميل .... حاكلمك النهارده إن شاء الله علشان نرتب العملية الجاية يا كماراد :amb:

[ebregi]

بصراحة و بدون مجاملة موضوع و لا أروع و ألا أفيد من كدة

تسجيل شكر و إعجاب و إحترام و أنبهار بطريقة العرض

الأصل في الأعجاب هو الرغبة في نقل تجربة ناجحة

للتبشيير للأخوة و الأخوات الراغبون في الهجرة و العمل

بكندا و خصوصا في القطاع الطبي الجراحي و عموما مرة

أخي الأخ الفاضل د هشام ابراهيم تحياتي و إحتراماتي و إعجابي

تم تعديل 19 ديسمبر 2008 بواسطة ebregi

[د هشام ابراهيم]

بصراحة و بدون مجاملة موضوع و لا أروع و ألا أفيد من كدة

تسجيل شكر و إعجاب و إحترام و أنبهار بطريقة العرض

الأصل في الأعجاب هو الرغبة في نقل تجربة ناجحة

للتبشيير للأخوة و الأخوات الراغبون في الهجرة و العمل

بكندا و خصوصا في القطاع الطبي الجراحي و عموما مرة

أخي الأخ الفاضل د هشام ابراهيم تحياتي و إحتراماتي و إعجابي

الله يخليك يا أخي الفاضل و يكرمك و كلام حضرتك ده شرف لي و وسام اعتز به ... قناعتي الشخصي غير الرد على الأسئلة و الاستفسارات هدف الموضوع ده في رايي إن ما حدش يعمل الغلطات اللي أنا عملتها و اللي كان ممكن تفاديها .... جزء كبير من الغلطات ديه طبعا أنا مسئول عنها بصورة تامة انما فيه جزء لا يستهان به كان إما نقص معلومات أو اخفاء متعمد ..... و الجزء ده اللي نفسي اساهم مع الاخوة الافاضل أصحاب التجارب الرائعة في معالجته

[د هشام ابراهيم]

خاطرة صغيرة كده بمناسبة المشي علي التلج النهارده

حد فيكم جرب يمشي علي شاطيء رملته ناعمة جدا و سعادتك حافي القدمين و كل شوية تغرز و تضطر ترفع رجلك كلها علشان تاخد خطوة و كل ما تمشي تحس بالمجهود و بعد ١٠ دقايق تكون بتنهج (بالنسبة للشباب ده مستقبلكم لو ما واظبتوش على الرياضة و اتبعتم أسلوب حياة صحي )

اهو النهارده ده كان احساسي بس كنت ماشي على تلج ناعم و رجلي بتغرز فيه بتاع ١٠ ١٥ سنتي و كنت لابس لبس تقيل و جزمة تقيلة داهية دبابة مدرعة و درجة الحرارة الفعلية - ١٥ :amb:

[samehelassad]

خاطرة صغيرة كده بمناسبة المشي علي التلج النهارده

حد فيكم جرب يمشي علي شاطيء رملته ناعمة جدا و سعادتك حافي القدمين و كل شوية تغرز و تضطر ترفع رجلك كلها علشان تاخد خطوة و كل ما تمشي تحس بالمجهود و بعد ١٠ دقايق تكون بتنهج (بالنسبة للشباب ده مستقبلكم لو ما واظبتوش على الرياضة و اتبعتم أسلوب حياة صحي )

اهو النهارده ده كان احساسي بس كنت ماشي على تلج ناعم و رجلي بتغرز فيه بتاع ١٠ ١٥ سنتي و كنت لابس لبس تقيل و جزمة تقيلة داهية دبابة مدرعة و درجة الحرارة الفعلية - ١٥ :amb:

بمناسبة موضوع التلج دة بقى يادكتور انا عندي سوال

طبعا انا خلاص انا قررت ماشتريش اي احذية (اعزكم الله) الا من كندا حيث ان الاحذية هناك بيتكتب عليها درجة الحرارة التي تقاومها فمثلا هناك احذية تقاوم حتي -15 واخرى حتى -30 وهذا كلام منطقي لاكن ماذا عن بني ادم؟؟ يعني اية الفرق في الاحساس مابين -15 و -30 كلة اسقع من الفريزر والواحد لو فتح الفريزر ووقف قدامة 5 دقايق ممكن يروح فيها؟ فياترى اية الفرق في الاحساس وما هو الاختلاف في مقاومة -30 عن مقاومة -15؟

[د هشام ابراهيم]

بمناسبة موضوع التلج دة بقى يادكتور انا عندي سوال

طبعا انا خلاص انا قررت ماشتريش اي احذية (اعزكم الله) الا من كندا حيث ان الاحذية هناك بيتكتب عليها درجة الحرارة التي تقاومها فمثلا هناك احذية تقاوم حتي -15 واخرى حتى -30 وهذا كلام منطقي لاكن ماذا عن بني ادم؟؟ يعني اية الفرق في الاحساس مابين -15 و -30 كلة اسقع من الفريزر والواحد لو فتح الفريزر ووقف قدامة 5 دقايق ممكن يروح فيها؟ فياترى اية الفرق في الاحساس وما هو الاختلاف في مقاومة -30 عن مقاومة -15؟

بص يا سيدي الفاضل درجة الحرارة أو البرودة بمعني أصح مش هي أهم عامل في الموضوع .... أنا بالنسبة لي أسوأ حاجة سرعة الرياح يعني -٣٠ و لا -٤٠ أحسن من -١٥ و الرياح سريعة .... يعني فوق ٢٥ كم / س ببتدي أتضايق كل ما تعلي كل ما درجة الصعوبة بتزيد بطبيعة الحال

البرد في حد ذاته حله معروف ... لبس متعدد الطبقات ... multilayer من أول غطاء الرأس لحد أصابع القدمين لازم تكون لابس كذا طبقة .... يعني غطاء الرأس يبقى فيه طبقة عازلة من الداخل غير طبقة خارجية ما تتبلش بسهولة .... فيه غطاء للوجه كمان و ده عادة باحتاجه لو الحرارة أقل من - ٢٠ بس طبعا الموضوع مختلف من شخص لاخر .... نفس النظرية بتاعة كذا طبقة ديه في بقية اللبس لحد الجزمة اللي لازم تبقى مخصوصة للجو

أنا شخصيا لحد - ٢٠ بالنسبة لي محتمل ... أقل من كده مناخيري بتنشف

الأنف هي صراحة اللي بتعاني باعتبارها الجزء المكشوف اللي صعب تخليه متغطي كتير

يفضل في الحالات ديه ما تعدش في الشارع كتير ....يعني مثلا أنا جيت الصبح مشي انما غالبا حاروح دلوقتي بتاكسي .... كل التاكسيات و وسائل المواصلات العامة و المباني مكيفة ...هي بس الفقرة بتاعة الخروج للشارع ديه فحاول تقللها علي قد ما تقدر و الحقيقة الحكاية ديه من أسهل ما يمكن .... الحياة في تورونتو بالذات مصممة للمعيشة في درجات الحرارة ديه

أول ما تخش أي مبني حتخفف هدومك جدا لأن الجو بيبقى سخن .... البيوت ...المباني الحكومية .... العمل .... المولات .... المستشفيات ...المطاعم كل الأماكن ديه بيبقى فيها مكان تسيب فيها الهدوم التقيلة لانك مش محتاجها

تم تعديل 19 ديسمبر 2008 بواسطة د هشام ابراهيم

[pharaon]

السلام عليكو ااا

ازيك يا دكتور هشام

طبعا تسجيل متابعة واعجاب وفخر وتهنئة لمصر

لوجود مصريين محترمين زى حضرتك بيشرفوها فى كندا

مش بس كندا بيتهألى اى مكان حضرتك ممكن تروحه :amb:

[د هشام ابراهيم]

السلام عليكو ااا

ازيك يا دكتور هشام

طبعا تسجيل متابعة واعجاب وفخر وتهنئة لمصر

لوجود مصريين محترمين زى حضرتك بيشرفوها فى كندا

مش بس كندا بيتهألى اى مكان حضرتك ممكن تروحه :amb:

و عليكم السلام و رحمة الله و بركاته

ألف شكر يا أخي الفاضل علي كلماتك .... بالفعل تعني لي الكثير ... جزاك الله خيرا

[د هشام ابراهيم]

عدنا .... الحقيقة رجعت ماشي و أدي شوية صور من وكالة أخبار دروب جو

واضح إن الناس عايشة حياتها ... الطريف بقى إن المولات و المحلات زحمة على الأخر علشان الناس بتشتري هدايا و حاجات الكرسماس

[د هشام ابراهيم]

قناتي المفضلة من حوالي ٤٥ دقيقة

[pharaon]

:amb: كليك يمين وسيف اميدج اس

تسلم ايه يا دكتور على الصور

صور جامدة

[د هشام ابراهيم]

:amb: كليك يمين وسيف اميدج اس

تسلم ايه يا دكتور على الصور

صور جامدة

الله يسلمك يا باشا ... آ فوتر سرفيس مسيو :ninja:

[om reham]

تسجيل متابعه واعجاب بما تكتب واخذ معلومات لمساعدتنا لما يريد الله ونكون معاكم علي حكايت الثلج اليوم اول مره تثلج عندنافي New York.

[د هشام ابراهيم]

تسجيل متابعه واعجاب بما تكتب واخذ معلومات لمساعدتنا لما يريد الله ونكون معاكم علي حكايت الثلج اليوم اول مره تثلج عندنافي New York.

بارك الله فيكي يا أختي الفاضلة و وفقك إلي ما يحب و يرضي ... متابعة حضرتك تشرفني و تسعدني .... أمريكا الشمالية كلها تتعرض لموجة برد قارسة .... من يومين بس كان فيه أخبار عن ثلج و جليد في كاليفورنيا و لاس فيجاس !!!!

[hazemtara]

المستشفي اللي أنا شغال فيه مكانها في وسط تورنتو قصدي وسط البلد يعني ... المربع العمراني اللي بتقع فيه يوجد فيه عدة مستشفيات منها مستشفي تورنتو العام تورنتو جنرال هوسبيتال أو اختصارا TGH و مستشفي الاطفال و ديه نمرة ٤ علي العالم في لسته أحسن مستشفيات الأطفال .... كل المستشفيات ديه تحت رعاية جامعة تورنتو و بالاضافة إلي كام مستشفي كمان بتشكل مستشفيات جامعة تورونتو (علي غرار مستشفيات جامعة القاهرة ) أو ما يعرف بي University Health Network أو UHN .....ال-UHN بقالها كذا سنة بتاخد موقع كويس في أحسن أفضل أصحاب عمل في كندا أو Canada'sTop employer

طبعا غنيا علي القول إن المستشفيات ديه بتقدم خدمة على أعلي مستوي و إن كان طبعا فيه قصور لان الكمال لله وحده

المستشفي اللي شغال فيها لحد يونيو ٢٠٠٩ إن شاء الله لما عقدي يخلص ... بيميزها تخصصها في حالات النساء و الولادة المتقدمة و الصعبة و بتعتبر المركز الأساسي للحالات ديه في تورنتو كلها و علشان كده فيه دور بحاله مخصص للحالات ديه ... حاجة معتادة مثلا إن سيدة تكون اتولدت بعيب خلقي في القلب (للاطباء Transposition of the great vessels أو Tetralogy of Fallot مثلا ) و عملت عملية لتصحيح العيب ده و هي طفلة و بعدين تحمل فتتابع في مركز رعاية الحمل (مبني كبير مستقل عن المستشفي علي بعد بتاع ٤٠٠ متر ) و بعدين تيجي تولد في المستشفي

بجانب كده فيه جراحة عامة و جراحة أورام و جراحة وجه و فك و رمد و عظم ومسالك و قولون و أنف و أذن

للحديث بقية

يا باشا يا باشا احنا بقى فى مصر بنتبع سيادة التطهير يعنى كدة زى الواد دارون ما بيقول العضو المستخدم ينمو ويكبر والعضو الىما بيستخدمش اقطعوه خالص انا ابوية حسنى موصنى اخلص على النا س اول بأول TOF. TGA.CHD. شوشة شوية هتقولى انهم عندهم DAWEN SUNDROM وحامل يا عم طهر المجتمع من دول زينة فى المحروسة بلا وجع دماغ clp:: :winner: عينى عليكى مصر والمصرين مساكين

[hazemtara]

السلام عليكم ورحمة الله لكل اعضاء المنتدى الرائع واخص بالذكر د/ هشام و د/ الشامى الكندى

الفاضل د/ هشام فى سؤال بصراحة حيربى وحاولات احله بمعرفتى وعلى طريقة المصرين التى لا تخلوا من الفهلوة اظن نفسى غير مقتنع بما وصلت الية من نتيجة.

سؤالى هو كيفية الحصول على نسخه من تورونتو نوتس وتكون اصلية مع وجود السي ديهات معاها؟

..............................

فما كان منى الا ان شديت الرحال على الرياض وفعلا حصلت نسخة حلوة مصورة تصوير جيد لكن اولا مفيش معاها السي ديهات.

ثانيا فى الصفحة الثانية من النوت وجدته راسم لمبة والة حسبة و صورة اشعة وجات غريبة وكلتب بجانبها go to the web site طبعا لما بدأت اقرأ النوت فهمت انة فية زى الباسورد كدة فى اول صفحة حضرتى لازم ادخل بية علشان اشوف ECG,X-RAY,CT,MRI,وصور الخاصة بجزء الجلدية يعنى النوت الى معاية يادوب فيها 60% من المعلومات والباقى من الى سي دىهات وموقع النوت يعنى خدت بمبة لثانى مرة .

طبعا انا اظن انه اى واحد فينا طبيب ومهاجر لازم يعرف يعنى اية تورونتو نوتس ويكون بدأ ينأنئ فيها كدة علشان الأمور هناك تكون قريبة شوية يا ريت حضرتك تتكلم فى الموضوع دة بشئ من التفصيل الكبير شوية واهم حاجة موضوع الموقع الرسمى.

:winner: سلام يا عسل

و عليكم السلام و رحمة الله و بركاته

بص يا باشا أنا صراحة ما أعرفش حكاية المواقع بتاعة النت ... أنا أصلا جيل الحاجات ديه جديدة عليه شوية .... أنا اشتريت التورنتو نوتس مرتين ... مرة من القاهرة من الأكشاك إلي موجودة داخل كلية طب قصر العيني .... من واحد أسمه عم صابر تحديدا (بالتفصيل أهو clp::) .... النسخة كانت منسوخة مش أصلية و كان فيه فيه سي دي معاه بس برضه مش أصلي و كان فيه حاجات كتير مش شغالة بالذات ال-interactive features ..... المرة التانية كانت من تورونتو ... مكتبة جامعة تورنتو اللي في كولاج ستريت تحديدا و كان معاها السي دي الأصلي و اطلس صور كمان ... بس طبعا كانت بشيء و شويات .....

رأيي الشخصي النسخة العادية أكتر من كفاية لامتحان ال-EE بجانب حل الأسئلة طبعا .... و ربنا يوفقك

شكرا لرد حضرتك

بس النسخة سعرها كام ؟

وممكن نشتريها من موقع الجامعة يعنى عن طرق النت ولا اية ؟

والأسئلة نحصل عليها الزى ولا فية فى مصر عند عم صابر ومستحمل الاسية اسئلة؟

clp:: سلام ويا ريت تستحمل اسئلتى

[hazemtara]

يمكن أكتر حاجة لواحد خد باله منها هناك العيانين الكبار في السن صحتهم زاي الفل ... يعني تلاقي المدام ٧٥ و لا ٨٠ سنة و جاية تعمل عملية تغيير مفصل و تضايق أوي انها مش حتعرف تجري كل يوم زاي ما متعودة لحد ما الجراح يأذن لها ....

كتير من العيانين ما بيتكلموش انجليزي و علشان كده في خدمة ترجمة في المستشفي .... أوقات العمل الرسمية ممكن تستدعي مترجم علشان يبقى وسيلة التفاهم مع المريض لو ما فيش حد من أهل المريض يقوم بالموضوع ده ... ساعات بنستعين بحد من العاملين لو ما فيش أهل أو مترجم ... مرة جابوني أنا علشان أترجم لسيدة مصرية الكلام اللي بيتقال .... مش عايز اقولكم الست أتبسطت قد إيه انها تلاقي حد بيكلمها عربي و مصري كمان

الحقيقة إن كتير قوي الواحد بيتكلم عربي في المستشفي اللي أصلا مليان أطباء عرب .... مصريين و لبنانيين و عراقيين ... لكن الأغلبية من السعودية و الامارات .... حكومات الدول ديه بتبعت النواب يخلصوا نيابتهم كلها في كندا و يمتحنوا البورد الكندي بشرط الرجوع لبلدهم بعد كده .... الكل مستفيد إلا احنا المصريين ... كندا مستفيدة من الايدي العاملة و الفلوس اللي بتتدفع للجامعات علشان طلاب العلم دول ..... دول الخليج بتعلم الأطباء بتاعتها على أعلي مستوي و بتضمن انهم يرجعوا ليها تاني (استثمار بشري ) ... الأطباء نفسهم مستواهم بيعلي جدا و بلدهم بتدلهم فرصة ذهبية لدعم مستقبلهم ... المشكلة بقى للدكاترة المصريين .... الشباب العرب دول بيرجعوا بلدهم يبقوا خبراء اجانب .... مع سوء سمعة الشهادات المصرية و من ضمنها الدكتوراه معاملة الأطباء المصريين المهنية و المادية و التقديرية اتغيرت كتير كام السنة اللي فاتوا دول

متابع ومستمتع الله يبارك لك يا دكتور مفيش عندك قسم أطفال ولا حضانات تحكى لى علية شوية لو وقتك يسمح :blink: clp:: gra:- clp:: clp:: ادية حبة على العيال والله يخليك :winner:

[qenawy]

http://www.amazon.ca/Toronto-Notes-Medical...8/dp/0968592880

شكرا جزيلا د هشام وانا كثيرا لا اتداخل منعا للازعاج ولكن شكرا ملا السموات وارض

الرابط اللي فوق فيه يا د حازم رابط لتورنتو نوتيس علي موقع امازون

لا دري راي د هشام ايه في النسخة تلك بس بكم يا ريس

250 دولار كندي

حوالي 1200 جنيه مصري

قولتلي عم صابر موبايله كام

[hazemtara]

http://www.amazon.ca/Toronto-Notes-Medical...8/dp/0968592880

شكرا جزيلا د هشام وانا كثيرا لا اتداخل منعا للازعاج ولكن شكرا ملا السموات وارض

الرابط اللي فوق فيه يا د حازم رابط لتورنتو نوتيس علي موقع امازون

لا دري راي د هشام ايه في النسخة تلك بس بكم يا ريس

250 دولار كندي

حوالي 1200 جنيه مصري

قولتلي عم صابر موبايله كام

حبيبى قناوى شكرا للمساعدة ويا رب تكون بخير وسلام انت والاسرة الكريمة ومتزعلش من مناواشاتى لك قبل كدة لكن فعلا موضوع TORONTO NOTES دة عزبنى جدا لنى بأقولك اشتريت نسخة جميلة ورخيصة وطبعا مصورة من الرياض لاكن موضوع PASSWORD دة الى طلع مشكلة حيث ان كل موضوع مشروح بس مفيش ECG,X-RAY-CT- PICTURES-MRI يعنى شرح فقط مفيش CD ولا فيديو كل شيئ يقولك روح WEB SITE مش عارف اجبها الزى

:winner: تحياتى لك