قصتي مع كندا

[د هشام ابراهيم]

ايوه يا دكتور انا اخوك فى الله وفى تضييع المستندات :flr1:

الله يخليك يا أخي الفاضل ... حنعمل إيه بقى في الزهايمر المبكر ده .... ربنا معانا :blink:

الله ينور عليك ويكرمك يادكتور هشام. الف الف الف شكر على كم المعلومات الزاخر دة. ربنا يوفقك ويكرمك ويهون عليك غربتك.

العفو يا صديقي الفاضل .... الدعوات و كلمات التشجيع ديه فعلا غالية عندي جدا ربنا يكرمك إن شاء الله

[د هشام ابراهيم]

......

يارب يخليك يا دكتور هشام مش تنسانى من صورك الجميلة من داخل مستشفى الاطفال وبعدين كلمنى بتفصيل اكثر يعنى قسم الحضانات فية اية وقسم قلب الاطفال قسم غسيل كلى الاطفال pedia oncology , gastro, endocrine, pedia ortho, pedia neurology pedia nephrology,pedia infection, genitcs وتشكر على الصورة العسل دى بس هم عندهم 6 حضانات مش ممكن الناس دى مش بتولد بقاة :blink: داة انا فى منطقة صغيرة جدا فى السعودية وفية يجى 30 حضانة NICU :flr1:

العفو يا دكتورنا العزيز بس بصراحة أنا ما أشتغلتش في مستشفي الاطفال فما مش حاقدر أفيدك قوي .... اللي أعرفه إنه من أكبر الميستشفيات مساحة و مكانة .... و بيعتبر من أحسن المستشفيات في العالم (دائما من أول خمسة على العالم كله ) أنا باروح ساعات أحضر محاضرات عن منهج البحث العلمي و الاحصاء بتنظمها الجامعة بالتعاون مع قسم التخدير فيه (The Hospital for Sick Children Toronto) أو اختصارا Sick kids زاي الموقع بتاعه

Sick Kids

الحقيقة المستشفي مبهر فعلا و فخر لكل قاطني تورونتو و طبعا من أكبر الأماكن تلقي للتبرعات

ال-٦ حضانات دول موجودين في مستشفي النساء مش في مستشفي الاطفال .... أنا ما عنديش فكرة صراحة ال-NICU في Sick Kids قد إيه بس أتصور انها كبيرة جدا و الله أعلم

٣٠ حضانة ده رقم كبير جدا .... أبو الريش كان فيها ٢٤ حضانة و ٦ Cot في ال-Surgical NICU انما بصراحة مش عارف ال-Medical NICU كانت قد إيه .... مع اني قعدت في أبو الريش أكتر من ٥ سنين متصلة !!!! :lol:

[اسكندرية تانى]

الاخ الفاضل د. هشام

الف شكر و تحية على المعلومات القيمة و روح التعاون التى تبديها مع كل الزملاء هنا

حقيقى جزاك الله خيرا

:flr1: :blink: :lol:

 اتمنى الا اكون ثقيلا فى اسئلتى:

ممكن تقول لنا حقيقة الفرصة فى الحصول على وظيفة 

سواء مؤقتة ك fellowship

أو  نيابة  و هل فرصة الحصول على وظيفة طبيب الاسرة اسهل ام البداية من اول السلم فى النيابة فى مجال تخصصك من pgy1

او حتى البداية من clerckship?

هل يمكننى ان اجد  fellowship فى فترة اللاندنج ؟ ام ان الفرصة صعبة و اقرب الى المستحيل؟؟؟

سامحنى على عدم ترتيب افكارى و لك جزيل الشكر مقدما

:lol: :lol: :lol:

[د هشام ابراهيم]

الاخ الفاضل د. هشام

الف شكر و تحية على المعلومات القيمة و روح التعاون التى تبديها مع كل الزملاء هنا

حقيقى جزاك الله خيرا

:flr1: :blink: :lol:

 اتمنى الا اكون ثقيلا فى اسئلتى:

ممكن تقول لنا حقيقة الفرصة فى الحصول على وظيفة 

سواء مؤقتة ك fellowship

أو  نيابة  و هل فرصة الحصول على وظيفة طبيب الاسرة اسهل ام البداية من اول السلم فى النيابة فى مجال تخصصك من pgy1

او حتى البداية من clerckship?

هل يمكننى ان اجد  fellowship فى فترة اللاندنج ؟ ام ان الفرصة صعبة و اقرب الى المستحيل؟؟؟

سامحنى على عدم ترتيب افكارى و لك جزيل الشكر مقدما

:lol: :lol: :lol:

العفو يا أخي الفاضل و حاحاول أرد علي اسئلة حضرتك في حدود معلوماتي

- فرص الحصول على Fellowship صعبة و لكن مش مستحيلة .... لن أمل من تكرار الجملة ديه

You miss 100% of the shots you don't take

يبقى نحاول مرة و اتنين و عشرة لحد ما تيجي .... أنا شخصيا قدمت في ٤ أو ٥ مستشفيات من و أنا في مصر .... فيه إلي أصلا ما رادش علي .... مستشفي زاي Sickkids ديه ردت و قالتلي انها محجوزة ٣ سنين لقدام ... المستشفي اللي أنا فيها لحد النهارده قالت في الاول انهم حياخدوني من يناير ٢٠٠٦ و بعدين جد في الأمور أمور و بعتولي قالوا إن فيه مكان فضي من يوليو ٢٠٠٥ و قد كان .... من وقت التقديم لوقت ما سافرت فعليا كان عدي سنة

الوظيفة ديه بتخضع لمنطق العرض و الطلب و التنافس ما بين الطلبات المقدمة و أولا و أخيرا توفيق ربنا .... لو تورونتو ما نفعتش غيرها ينفع إن شاء الله

- فرص الحصول على نيابة في نفس المجال موجودة و لكن صعبة و قليله .... الفرص حتبقى أحسن كتير لو ابتديت المعادلة من بدري ( واحدة من غلطاتي اني اتأخرت في خطوات المعادلة ) ..... تاني حاجة مهمة انسي خالص إنت إيه و مين .... يعني أنا كنت باتعامل مع الموضوع و الفرص اني دكتور مدرس في القصر العيني و يا أرض اتهدي ما عليكي قدي .... أكبر غلط .... سعادتك بتبتدي من أول و جديد فانسي التاريخ و أنا كنت و أنا عملت و وضعي ما يسمحش و بتاع ...لو تقدر طبعا

الحقيقة أنا لو كنت استغليت الفرص اللي كانت موجودة و ما تكبرتش كان زماني في نفس موقفي الحالي ده من سنتين على الأقل (يعني كنت اختصرت المشوار سنتين ) لكن الحمد لله الحمد لله الحمد لله

تاني حاجة إنت مش لوحدك كل الناس بتكافح من أول الناس اللي بيشتغلوا بره الطب أصلا علشان يوصلوا لحد اللي اكبر منك و بيقبلوا يبتدوا النيابة من الأول ...و أنا قلت قصص كتير حقيقية بتثبت كده

- نيابات طب الأسرة و وظائف طب الأسرة أكتر من أي تخصص تاني فبالمنطق و الأرقام أسهل من بقية التخصصات ..... و المقاطعات الشرقية كمان عنها نقص شديد في طب الأسرة فبيسهلوا الموضوع أكتر و أكتر ( مع الوضع في الأعتبار إن البرد في المناطق ديه من أقصي ما يكون .... تورنتو و لا حاجة مقارنة ببرد الاماكن ديه

يا رب أكون عرفت أرد على تساؤلاتك يا دكتورنا العزيز و لو ما كانش فضلا لا تردد في سؤالي مرة أخرى

[اسكندرية تانى]

شكرا يا دكتور هشام

الحقيقة حاسس ان عندى اسئلة كتيرة بس باحاول اجمع افكارى كل فترة على شكل اسئلة لو تسمح لى

طبعا انت عارف القلق بيخلى الواحد عامل ازاى و قلقان من  اصغر اصغر التفاصيل

اشكرك من كل قلبى :flr1: :blink:

[د هشام ابراهيم]

شكرا يا دكتور هشام

الحقيقة حاسس ان عندى اسئلة كتيرة بس باحاول اجمع افكارى كل فترة على شكل اسئلة لو تسمح لى

طبعا انت عارف القلق بيخلى الواحد عامل ازاى و قلقان من  اصغر اصغر التفاصيل

اشكرك من كل قلبى :flr1: :blink:

العفو يا أخي الفاضل و رفقا بنفسك ... ما حدش قال إن الموضوع بتاع الهجرة و الغربة ده سهل و لا ما فهوش قلق و كده .... أكاد أجزم اننا كلنا كنا قلقانين كده قبل ما نيجي و بعد ما جينا برضه الواحد دايما يراجع نفسه و يسأل إذا كان قراره صح و لا لأ .... ديه طبيعة بشرية يا دكتورنا :lol:

النصيحة البسيطة اللي أقدر أقولهالك و اللي أنا شخصيا باتبعها ... جرب طريقك و أقعد فيه و حاول فيه على قد ما تقدر و زود كمان شوية فوق أقصي مجهودك ..... لو مشي يبقى ربنا رايد لك الخير فيه .... ما مشيش يبقى الخير في حتة تانية بس احنا اللي مش فاهمين ....

[newcomer]

عزيزتي New Comer النت اتقطع عن مصر Mainly و ماكانش في دول متأثرة في أوروبا و لا الخليج و لا شمال افريقيا .... السودان و اليمن اتعطلوا شوية بس مش زينا

....

ع العموم انا بحب البلد دي فعلا و ان كنت نفسي اسافر لكندا, و نفسي تبقى احسن و احسن

شكرا ....

استاذ / جيمى

حب كل المصريين لبلدهم .....حاجة مافيهاش شك

و انا زى حضرتك.......ماعنديش تعارض بين رغبتى فى السفر لكندا و حبى لبلدى

يا ريت حضرتك تكون فهمتنى صح.....يمكن الواحد لما بيكون بره مصر بيبقى حساس

لأى كلمة بتتقال عن البلد..... ويكون بيسمعها عادى لما يكون فى مصر

على الفكرة الخدمة اتأثرت فى الامارات ..... ولحد النهاردة

السرعة مش هية اللى متعودين عليها

no hard feelings !! :flr1: :roseop:

[newcomer]

.... العبد لله نص صعيدي و نص تركي :blink:

صعيدى يا دكتور....... يبقى اكيد جرايب يا خوى!!

انا كمان نصى صعيدى...... احسن ناس والله.

طب على كدة.... يا دكتور ..... اخبار الحمام بالفريك و الكشك الصعيدى ايه!!!

طيب بهذة المناسبة .....نبقى نعمل برانش للGen X er و نسميه صاعيديان ايجيبشين كاندين جيناكسترز

بس غالبا هانعين د. قناوى رئيس شرفى ( اصله 100%) :flr1:

مبروك على الصورة و التوقيع الجديد !!

تم تعديل 21 ديسمبر 2008 بواسطة newcomer

[newcomer]

... أنا متأكد إنه ما ضاعش و إنه موجود في حتة بس أنا اللي مش لاقيه ... قلبت عليه البيت و ما فيش فايدة ... أنا فاكر كويس اني بعد اللاندنج حطيته في مكان في البيت علشان ما يضعش لاهميته ....

طيب جرب تدعى " اللهم ذكرنى ما نسيت "

و تقرا سورة الضحى و حضرتك بتدور على اى حاجة

ان شاء الله ....هاتلاقيها!!

تم تعديل 21 ديسمبر 2008 بواسطة newcomer

[Torontotruk]

... أنا متأكد إنه ما ضاعش و إنه موجود في حتة بس أنا اللي مش لاقيه ... قلبت عليه البيت و ما فيش فايدة ... أنا فاكر كويس اني بعد اللاندنج حطيته في مكان في البيت علشان ما يضعش لاهميته ....

طيب جرب تدعى " اللهم ذكرنى ما نسيت "

و تقرا صورة الضحى و حضرتك بتدور على اى حاجة

ان شاء الله ....هاتلاقيها!!

هي دي الوصفات ايلي تورم العضم بصحيح... :flr1:

[د هشام ابراهيم]

صعيدى يا دكتور....... يبقى اكيد جرايب يا خوى!!

انا كمان نصى صعيدى...... احسن ناس والله.

طب على كدة.... يا دكتور ..... اخبار الحمام بالفريك و الكشك الصعيدى ايه!!!

طيب بهذة المناسبة .....نبقى نعمل برانش للGen X er و نسميه صاعيديان ايجيبشين كاندين جيناكسترز

بس غالبا هانعين د. قناوى رئيس شرفى ( اصله 100%) :lol:

مبروك على الصورة و التوقيع الجديد !!

الله يبارك في حضرتك و يا أفندم ده أنا اتشرف بالقرابة يا سيدتي الفاضلة :lol: ...الحقيقة أنا عيلة أبويا من أسيوط .... الله يرحمه هو كان مولود هناك ... ابنوب تحديدا ... بس جه القاهرة علشان يدخل طب قصر العيني في الخمسينات من القرن الماضي .... و من ساعتها استقر بها ....

أنا موافق ١٠٠ في ال-١٠٠ على اختيار د قناوي رئيس شرفي لجمعية "صعيديان ايجيبشين كاندين جين اكسرز " :)

الراجل الفاضل ده صراحة مجهوده وافر جدا و يستاهل كل خير :wub:

حنيني للحمام المحشي بيبان لما باحقد على حمام الشوارع في تورنتو ... بينطبق عليه المثل المصري .... أكل و مرعى و قلة صنعة :lol:

طيب جرب تدعى " اللهم ذكرنى ما نسيت "

و تقرا سورة الضحى و حضرتك بتدور على اى حاجة

ان شاء الله ....هاتلاقيها!!

باذن الله أجرب تاني لما أنزل تورنتو ألف شكر على التذكرة

[د هشام ابراهيم]

هي دي الوصفات ايلي تورم العضم بصحيح... :lol:

يعني إيه يا أخي الفاضل ؟!!

[Torontotruk]

هي دي الوصفات ايلي تورم العضم بصحيح... :lol:

يعني إيه يا أخي الفاضل ؟!!

يعني يا اخي الفاضل تذكرة تستحق التجربة...

حبيبك يبلعلك الظلط ...وعدوك يتمنالك الغلط...

:wub:

[newcomer]

هي دي الوصفات ايلي تورم العضم بصحيح... :lol:

يعني إيه يا أخي الفاضل ؟!!

يعني يا اخي الفاضل تذكرة تستحق التجربة...

انا بيتهيأ لى الاستاذ تورونتو يعنى توروم العضم make it stronger

بس لما ال واو جت قبل الراء بقت شكلها مختلف بقت tumor

صح يا استاذ تورونتو؟؟؟

[Torontotruk]

هي دي الوصفات ايلي تورم العضم بصحيح... :lol:

يعني إيه يا أخي الفاضل ؟!!

يعني يا اخي الفاضل تذكرة تستحق التجربة...

انا بيتهيأ لى الاستاذ تورونتو يعنى توروم العضم make it stronger

بس لما ال واو جت قبل الراء بقت شكلها مختلف بقت tumor

صح يا استاذ تورونتو؟؟؟

تصدقي انا لسة واخد بالي ...فعلا انااقصد تروم العضم.. *****************

تم تعديل 22 ديسمبر 2008 بواسطة أبو محمد
حذف استطراد فى قالب مزاح أسئ فهمه .. وتم الإبلاغ عنه

[د هشام ابراهيم]

\/ \/ \/ \/

أنا مش عدوك و لا حاجة يا أخي الفاضل بس كلامك فعلا كان غير مفهوم و طلع فعلا فيه غلطات إملائية .... مش كده و لا إيه !!

*****************

تم تعديل 22 ديسمبر 2008 بواسطة أبو محمد
حذف تعليق على جزء محذوف

[Torontotruk]

هي دي الوصفات ايلي تورم العضم بصحيح... :lol:

يعني إيه يا أخي الفاضل ؟!!

يعني يا اخي الفاضل تذكرة تستحق التجربة...

حبيبك يبلعلك الظلط ...وعدوك يتمنالك الغلط...

:wub:

أنا مش عدوك و لا حاجة يا أخي الفاضل بس كلامك فعلا كان غير مفهوم و طلع فعلا فيه غلطات إملائية .... مش كده و لا إيه !!

****************

http://www.youtube.com/watch?v=Vyoz1LiHvVU...feature=related

http://www.youtube.com/watch?v=5LrxM76ZA-k...feature=related

ما عنديش كيبورد عربي...ولا يهمك...انا بهرأ معاك...

اكيد ما حدش يقدر يعلق علي كلام مزجانجي...

:lol: :lol: :)

تم تعديل 22 ديسمبر 2008 بواسطة أبو محمد
حُذف من الاقتباس ما تم حذفه من الأصل

[شاب مصري]

هو الموضوع دا انا سبته في صفحة 24 تقريبا وانقطعت مدة عن المنتدى

***************

اتمنى للأسرة الكرمية الشفاء من اثار الحادث يا د.هشام .

تم تعديل 22 ديسمبر 2008 بواسطة أبو محمد
حذف تعليق على أجزاء محذوفة

[د هشام ابراهيم]

ما عنديش كيبورد عربي...ولا يهمك...انا بهرأ معاك...

اكيد ما حدش يقدر يعلق علي كلام مزجانجي...

:lol: :wub: :lol:

ما فيش مشاكل يا أخي الفاضل ... أنا كمان ما عنديش كيبورد عربي و باعمل غلطات املائية كتير :lol:

[د هشام ابراهيم]

هو الموضوع دا انا سبته في صفحة 24 تقريبا وانقطعت مدة عن المنتدى

اتمنى للأسرة الكرمية الشفاء من اثار الحادث يا د.هشام .

شكرا يا أخي الفاضل