قصتي مع كندا

[Torontotruk]

ما عنديش كيبورد عربي...ولا يهمك...انا بهرأ معاك...

اكيد ما حدش يقدر يعلق علي كلام مزجانجي...

:wub: :lol: :lol:

ما فيش مشاكل يا أخي الفاضل ... أنا كمان ما عنديش كيبورد عربي و باعمل غلطات املائية كتير :)

ما فيش مشكله يا اخي :lol: الفاضل

[pharaon]

تسجيل متابعة واعجاب لكل ما تكتبه يا د.هشام

ربنا ان شاء الله يجعله ف ميزان حسناتك على كل المعلومات الخالصة لوجه الله

لك جزيل الشكر يا أختي الفاضلة علي كلماتك الرقيقة و لكي بمثل ما دعيت و أكثر :wub:

د.هشام باشا ....

ميرسي لمعلوماتك الجامدة و سوري علشان ماعر فتش اتابع موضوعك امبارح ... طبعا حضرتك سمعت عن الوكسة بتاعة النت اللي في مصر اليومين دول ..!!!!

العفو يا باشا .... امبارح كنت حاسس إن مصر انفصلت عن العالم الخارجي ... حتي المواقع زاي مصراوي و يلا كورة كانوا واقعين .... موضوع الكابل ده في غاية الغرابة .... يا تري ممكن يحصل لتالت مرة كمان ؟!!!!!!

السلااااااام عليكم

د.هشام

تسجيلات متابعات ......و تشكرات للحلقات افنذم!!!

منورة الموضوع دايما يا سيدتي الفاضلة و التيمة التركي ديه جت في الجول .... العبد لله نص صعيدي و نص تركي :lol:

على فكرة يا دكتور هشام انا برده نصى تركى من ناحية الام

بصرة يا دوك :lol:

[د هشام ابراهيم]

على فكرة يا دكتور هشام انا برده نصى تركى من ناحية الام

بصرة يا دوك :lol:

بصرة :wub:

ديه عبقرية مصر يا باشا خلطة أجناس و أعراق و ثقافات و حضارات انصهرت في بوتقة ... عرب على اتراك على مصريين على رومان على فرس على نوبيين .... إلخ ....

[pharaon]

:lol:فعلا يا دكتور كلامك صح

والله احنا منستاهلش الى احنا فيه خالص

بس الحمدالله رب العالمين على كل حال

[د هشام ابراهيم]

و نعم بالله .... الحمد لله على كل حال ....سواء نستاهل بقى اللي بيحصل و لا لأ ده موضوع كبير قوي .... :lol:

[casanooovaaa]

اكثر من رائع د.هشام و ربنا يحفظك لمصر اسلوبك اكثر من رائع ,تسجيل متابعة و زيارة دائمه لقهوتكم الرائعة :knight: :danger:

[nifro]

الواحد مش عارف يقول ايه...

عندى ميت تعليق و تعليق... مش عارف ليه...

تسدق عارف... لأنى قريت الموضوع من امبارح للنهارده كله مرة وحده... و فى كل حته كنت عايز اقول تعليق

اهمهم ربنا يبارك فى كل اللى ساهم فى الموضوع ده... و ربنا يرزقنا كلنا السعادة و الرضا

مبسوط ان فى ناس بتساعد اخوتها اللى متعرفهومش زى د. هشام بضمير قوى كده (حابب اقولك ان ده سبب من اسباب كرم ربنا على الواحد... مساعدة الناس)

مبسوط اوى انى بشوف تعليقات ايهاب... لأنى بجد بحبه...

ايهاب انا عايز اكلمك من زمان بس هيه دى ضريبة اللى يدخل المحاوارات متأخر :knight:

تقعد تقرى فوق الميت صفحة و نفسك تتفاعل مع الناس... بس انت عايش فى البلاى باك... :danger:

ربنا يكرمكو جميعا و يكرمنا كلنا

اسلام

[د هشام ابراهيم]

اكثر من رائع د.هشام و ربنا يحفظك لمصر اسلوبك اكثر من رائع ,تسجيل متابعة و زيارة دائمه لقهوتكم الرائعة :closedeyes: :lol:

الله يخليك يا أخي الفاضل و يكرمك .... حضرتك تنورني و تشرفني .... متابعتك تسعدني دوما

الواحد مش عارف يقول ايه...

عندى ميت تعليق و تعليق... مش عارف ليه...

تسدق عارف... لأنى قريت الموضوع من امبارح للنهارده كله مرة وحده... و فى كل حته كنت عايز اقول تعليق

اهمهم ربنا يبارك فى كل اللى ساهم فى الموضوع ده... و ربنا يرزقنا كلنا السعادة و الرضا

مبسوط ان فى ناس بتساعد اخوتها اللى متعرفهومش زى د. هشام بضمير قوى كده (حابب اقولك ان ده سبب من اسباب كرم ربنا على الواحد... مساعدة الناس)

مبسوط اوى انى بشوف تعليقات ايهاب... لأنى بجد بحبه...

ايهاب انا عايز اكلمك من زمان بس هيه دى ضريبة اللى يدخل المحاوارات متأخر wst::

تقعد تقرى فوق الميت صفحة و نفسك تتفاعل مع الناس... بس انت عايش فى البلاى باك... :lol:

ربنا يكرمكو جميعا و يكرمنا كلنا

اسلام

آمين يا رب العالمين

مشاعر حضرتك الطيبة ديه وصلتني و أسعدتني .... جزاك الله خيرا

و أهلا و سهلا بحضرتك و أي تعليق يتراءي لك قوله حتي لو بلاي باك wst::

[د هشام ابراهيم]

الحقيقة النهارده ما نزلتش تورنتو زاي ما كان مفروض .... كلمت المستشفي و قدمت على عارضة :closedeyes:

كان فيه سبعميت ألف مشوار و حاجات لازم اشتريها لسانت كاترين فنزلت البلد .... خدت بالي من المنظر ده قلت أصوره ليكم .... الأخوة القائمين على الجامع كانوا ذكروا إن عمدة سانت كاترين قرر يعلن شهر ديسمبر شهر الأديان باعتبار إنه حيشهد أربع أعياد .... عيد الأضحي للمسلمين و عيد دوالي للهندوس و هانوكه لليهود و الكريسماس للمسيحيين ... و أقام احتفال لاهل المدينة و الجاليات الأربعة تقدم تقاليدها و مأكولاتها ...إلخ ....للاسف أنا ما كنتش فاضي أحضر الأحتفال ده بس و أنا معدي من قدام البلدية النهارده شفت التماثيل ديه و اللافتات ديه فافتكرت الحدث اللي أعلن عنه في الجامع

طبعا التلج مغطي نص التماثيل بس صراحة أنا كنت فرحان من المنظر wst::

[hazemtara]

......

يارب يخليك يا دكتور هشام مش تنسانى من صورك الجميلة من داخل مستشفى الاطفال وبعدين كلمنى بتفصيل اكثر يعنى قسم الحضانات فية اية وقسم قلب الاطفال قسم غسيل كلى الاطفال pedia oncology , gastro, endocrine, pedia ortho, pedia neurology pedia nephrology,pedia infection, genitcs وتشكر على الصورة العسل دى بس هم عندهم 6 حضانات مش ممكن الناس دى مش بتولد بقاة wst:: داة انا فى منطقة صغيرة جدا فى السعودية وفية يجى 30 حضانة NICU wst::

العفو يا دكتورنا العزيز بس بصراحة أنا ما أشتغلتش في مستشفي الاطفال فما مش حاقدر أفيدك قوي .... اللي أعرفه إنه من أكبر الميستشفيات مساحة و مكانة .... و بيعتبر من أحسن المستشفيات في العالم (دائما من أول خمسة على العالم كله ) أنا باروح ساعات أحضر محاضرات عن منهج البحث العلمي و الاحصاء بتنظمها الجامعة بالتعاون مع قسم التخدير فيه (The Hospital for Sick Children Toronto) أو اختصارا Sick kids زاي الموقع بتاعه

Sick Kids

الحقيقة المستشفي مبهر فعلا و فخر لكل قاطني تورونتو و طبعا من أكبر الأماكن تلقي للتبرعات

ال-٦ حضانات دول موجودين في مستشفي النساء مش في مستشفي الاطفال .... أنا ما عنديش فكرة صراحة ال-NICU في Sick Kids قد إيه بس أتصور انها كبيرة جدا و الله أعلم

٣٠ حضانة ده رقم كبير جدا .... أبو الريش كان فيها ٢٤ حضانة و ٦ Cot في ال-Surgical NICU انما بصراحة مش عارف ال-Medical NICU كانت قد إيه .... مع اني قعدت في أبو الريش أكتر من ٥ سنين متصلة !!!! wst::

:lol: :closedeyes: :lol: wst:: :lol:

[hazemtara]

عزيزتي New Comer النت اتقطع عن مصر Mainly و ماكانش في دول متأثرة في أوروبا و لا الخليج و لا شمال افريقيا .... السودان و اليمن اتعطلوا شوية بس مش زينا

....

ع العموم انا بحب البلد دي فعلا و ان كنت نفسي اسافر لكندا, و نفسي تبقى احسن و احسن

شكرا ....

استاذ / جيمى

حب كل المصريين لبلدهم .....حاجة مافيهاش شك

و انا زى حضرتك.......ماعنديش تعارض بين رغبتى فى السفر لكندا و حبى لبلدى

يا ريت حضرتك تكون فهمتنى صح.....يمكن الواحد لما بيكون بره مصر بيبقى حساس

لأى كلمة بتتقال عن البلد..... ويكون بيسمعها عادى لما يكون فى مصر

على الفكرة الخدمة اتأثرت فى الامارات ..... ولحد النهاردة

السرعة مش هية اللى متعودين عليها

no hard feelings !! wst:: :roseop:

الاخت نيو قمر والخ جيمى زى ما ذكر الشيخ العلامة ابن عثمين هنك فرق بين حب الوطن وحب الدولة اكاد اجزم اننا كمصرين لا يختلف من اثنان على حب مصر( الوطن) :closedeyes: لكن معظمنا يكرة مصر (الدولة يعنى= الحكومة المصرية الحالية ونظام الحكم الحالى لمصر wst:: :lol: )

[د هشام ابراهيم]

wst:: wst:: wst:: :D :lol:

خير يا دكتورنا زعلان ليه بس wst::

الاخت نيو قمر والخ جيمى زى ما ذكر الشيخ العلامة ابن عثمين هنك فرق بين حب الوطن وحب الدولة اكاد اجزم اننا كمصرين لا يختلف من اثنان على حب مصر( الوطن) :closedeyes: لكن معظمنا يكرة مصر (الدولة يعنى= الحكومة المصرية الحالية ونظام الحكم الحالى لمصر :lol: :lol: )

كلام يستحق التأمل و التفكير سواء موافقين أو .....موافقين برضه ;)

[hazemtara]

:lol: wst:: :lol: wst:: wst::

خير يا دكتورنا زعلان ليه بس :closedeyes:

لانى حسيت ان حضرتك ممكن تكون معلومات قليلة شوية عن الأطفال وللاسف دة تخصصى الى انا بحبة جدا ولا اتخيل نفسى خارج جدران مستشفى الأطفال لانى انا اشتغلت فترة نيابة فى (MUCH) مستشفى الأطفال الجامعى فى المنصورة ودى كانت احلى ترة اتعلمت فيها شغل الأطفال ومعظم الخبرات الى حصلت عليها اثناء هذة الفترة الى انا شغال بيها للأن , ومع الفارق بين نظافة وجمال البلد عندك فى كندا والمنصورة الا ان (MUCH) تعتبر تقليد للى فى الغرب طبعا مع فارق النظافة والاهتمام بكل التفاصيل الى لا تهم المسؤلين عندنا فى مصر مثل ( الطبيب والمريض والممرضة وكل شيئ متعلق بصحة الناس).

وانا بصراحة كنت عشمان فى شوية صور ومواقع عن مستشفيلت الاطفال عندك بس باين خت بمبة wst:: :lol:

[د هشام ابراهيم]

:lol: wst:: :lol: wst:: wst::

خير يا دكتورنا زعلان ليه بس :closedeyes:

لانى حسيت ان حضرتك ممكن تكون معلومات قليلة شوية عن الأطفال وللاسف دة تخصصى الى انا بحبة جدا ولا اتخيل نفسى خارج جدران مستشفى الأطفال لانى انا اشتغلت فترة نيابة فى (MUCH) مستشفى الأطفال الجامعى فى المنصورة ودى كانت احلى ترة اتعلمت فيها شغل الأطفال ومعظم الخبرات الى حصلت عليها اثناء هذة الفترة الى انا شغال بيها للأن , ومع الفارق بين نظافة وجمال البلد عندك فى كندا والمنصورة الا ان (MUCH) تعتبر تقليد للى فى الغرب طبعا مع فارق النظافة والاهتمام بكل التفاصيل الى لا تهم المسؤلين عندنا فى مصر مثل ( الطبيب والمريض والممرضة وكل شيئ متعلق بصحة الناس).

وانا بصراحة كنت عشمان فى شوية صور ومواقع عن مستشفيلت الاطفال عندك بس باين خت بمبة wst:: :lol:

فاهم كلامك تماما يا دكتورنا الغالي ... نفس أحاسيسك ديه كنت باحسها في CUSPH أو Cairo University Specialized Pediatric Hospital ما أعرفش ظبطوها تبقى كزبه ازاي :D أبو الريش يعني

و فعلا كنت مش عارف ازاي حاستحمل أبطل تخدير أطفال ... من ساعة ما جيت تورنتو ما نيمتش أي طفل طبعا ... الدنيا بتمشي يا دوك

على العموم احتمال كبير لو جالي نيابة أبقى أعدي على ال-Sick Kids و ساعتها مش حانساك طبعا ;)

[newcomer]

الاخت نيو قمر والخ جيمى زى ما ذكر الشيخ العلامة ابن عثمين هنك فرق بين حب الوطن وحب الدولة اكاد اجزم اننا كمصرين لا يختلف من اثنان على حب مصر( الوطن) :closedeyes: لكن معظمنا يكرة مصر (الدولة يعنى= الحكومة المصرية الحالية ونظام الحكم الحالى لمصر wst:: wst:: )

استاذ حازم

مرسى لتعليق حضرتك و احترامى الكامل ليه

بس خلينى اعلق تعليق بسيط

لو فيه كره فى الموضوع ..... هايكون لحاجات كتير فى نفسنا احنا الاول

لازم نكرهها و نغيرها ....قبل اى حاجة

بافكر كتيير اوى فى الحديث اللى معناه : ان ربنا بيولى على كل امه ناس شبههم و يستاهلوهم

و لو حضرتك فكرت ان ناس كتير فى الحكومة دى .....كانوا من 5 ، 6 سنين

ناس زينا كدة ..... اقصد رجال اعمال و مالهومش فى السياسة

و بعدين .... هى ايه المسطرة اللى المفروض نقيس عليها

يعنى مين فى البنى ادمين ( مش الملايكه المفترضين ) هو المرجع

يمكن انا واقعية شوية

بس باحب لما اقول حاجة كويسة او وحشة

اسأل نفسى كويسة بالنسبة لأيه .... ووحشة برضة بالنسبة لأيه

من شهرين ..فى 6 اكتوبر

قريت تعليقات ناس كتير بيترحموا على الرئيس السادات و بيوصفوه برجل الحرب و السلام

مع انه فى عهده اتقال عليه اللى كلنا عارفينه... و اغتيل فى الاخر

و فى ازمات كتير..... بيرفعوا صور الرئيس عبد الناصر

و بيوصفوه بزعيم الامة العربية

مع انه برضة ماسلمش من الكلام اللى احنا برضة عارفينة

فى رأيى المتواضع..... ان مافيش نظام 100% و لا 0%

فى مزايا و عيوب و مجمل اعمال بالنسبة للمتاح

ملحوظة: انا لا انتمى لأى حزب ..... علشان حضرتك ما تفكرش فى اى احتمالات

[bent misr]

د/ هشام

بجد يجب أن أرفع لك القبعه تقديرا و احتراما لمجهودك الكبير

في هذا التوبيك الرائع wst::

كم من المعلومات مفيد جدا خصوصا لاخواننا الاطباء

كان لي استفسار لاني صيدلانيه

كان نفسي أعرف هل يوجد صيدليات داخل المستشفيات زي عندنا هنا

في مصر ؟ وهل تعتبر نوع خاص في مجال الصيدله مثل صيدله المستشفيات

Hospital Pharmacy

أم هي لصرف الدواء للمرضى عادي ( inpatient & outpatient )

وطبعا لك الشكر

ياريت المزيد من الصور عن المستشفيات و ياريت لو فيه

صيدليه كده و انتى معدي في الشارع :)

تم تعديل 23 ديسمبر 2008 بواسطة bent misr

[ايناس احمد]

حقيقى يادكتور هشام ربنا يكرمك على المعلومات القيمة اللى بتقدموها لنا سواء حضرتك او الدكتور الشامى او دكتور تهامى

حقيقى جمايلكم كترت علينا بس احنا مبننساكوش فى شوية دعوات كويسيين

واللة دعيت لكم كلكم وانا فى الحج يوم عرفة

ربنا يجازيكم خير ويوفقنا جميعا

[ام بلال]

ربنا يجعله في ميزان حضرتك يادكتور ما تنساش الحاجات اللي طلبت تزود عليها الكلام حبتين : التعليم و المراكز الإسلامية بالتفصيل الممل

[د هشام ابراهيم]

د/ هشام

بجد يجب أن أرفع لك القبعه تقديرا و احتراما لمجهودك الكبير

في هذا التوبيك الرائع wst::

كم من المعلومات مفيد جدا خصوصا لاخواننا الاطباء

كان لي استفسار لاني صيدلانيه

كان نفسي أعرف هل يوجد صيدليات داخل المستشفيات زي عندنا هنا

في مصر ؟ وهل تعتبر نوع خاص في مجال الصيدله مثل صيدله المستشفيات

Hospital Pharmacy

أم هي لصرف الدواء للمرضى عادي ( inpatient & outpatient )

وطبعا لك الشكر

ياريت المزيد من الصور عن المستشفيات و ياريت لو فيه

صيدليه كده و انتى معدي في الشارع :)

العفو يا دكتورة ... و شكرا جزيلا لكلمات الأطراء الرقيقة ... ربنا يكرمك يا رب .... شوفي حضرتك داخل المستشفيات الصيادلة ليهم دور كبير جدا ... من أول الصيدلية المركزية اللي بتطلع الأدوية بكافة هيئاتها لكل مريض في المستشفي لحد الصيدلية الخارجية اللي بتشتغل زاي أي صيدلية خارج المستشفي مرورا بالمشاركة في العديد من الانشطة

علي سبيل المثال لا الحصر

- عيادة التخدير اللي بنناظر فيها المرضي ما قبل الجراحة لازم معانا صيدلاني (ية) أو أكثر بيظبط جرعات الادوية و مواعيدها و أمتي تقف قبل العملية و أمتي ترجع .... مثلا مريض بياخد مضاد للتجلط علشان مغير صمام في القلب و داخل يعمل عملية جراحية .... أستئصال ورم مثلا ينظم أدويته ازاي .... مريضة بتاخد أعشاب طبية متعددة إيه اللي يقف قبل العملية بكذا أسبوع و إيه اللي يقف قبل العملية بيوم ..إلخ

- العناية المركزة في المرور اليومي فيه صيدلاني(ية) بيمر مع الأطباء و أخصائي تغذية للمشاركة في اختيار الدواء الموصوف للمريض و ظبط الجرعة و المتابعة و الابدال .... مثلا مريض عنده فشل كلوي و اصابة بتسمم بكتيري ...إيه المضاد الحيوي و الجرعة المناسبة لوظائف الكلي و اثارها على بقية الجسم و ازاي نتابع الاثار ديه

- خدمة معالجة الألم الحاد ( جزء من مهام قسم التخدير Acute Pain Service) فيه برضه صيدلاني(ية) بيمر مع الفريق و يساعد في اختيار الدواء المناسب و تحديد الجرعة و متابعة المريض حتي بعد خروجه من المستشفي

و غيره و غيره

أوعد حضرتك اني أجيب شوية صور من داخل المستشفيات و لو إن الناس هنا مجانين خصوصية المريض و مستحيل تصوري أي مريض دون أذنه و إلا تعرضت للمسائلة

علي العموم ديه تصبيرة كده لحد ما اتصرف :flr1:

Shoppers Drug Mart

[د هشام ابراهيم]

حقيقى يادكتور هشام ربنا يكرمك على المعلومات القيمة اللى بتقدموها لنا سواء حضرتك او الدكتور الشامى او دكتور تهامى

حقيقى جمايلكم كترت علينا بس احنا مبننساكوش فى شوية دعوات كويسيين

واللة دعيت لكم كلكم وانا فى الحج يوم عرفة

ربنا يجازيكم خير ويوفقنا جميعا

حج مبرور و ذنب مغفور و دعاء مقبول باذن الله يا أختي الفاضلة .... كل ما كتبته او حاولت اجابته لا يسوي دعوة مخلصة يوم عرفة ...مشاركة حضرتك ديه أثلجت صدري ... جزاك الله كل خير و تقبل منا صالح الأعمال