قصتي مع كندا

[د هشام ابراهيم]

ربنا يجعله في ميزان حضرتك يادكتور ما تنساش الحاجات اللي طلبت تزود عليها الكلام حبتين : التعليم و المراكز الإسلامية بالتفصيل الممل

تقبل الله من الجميع يا أختي الفاضلة ... باذن الله أنا رايح الجامع في سانت كاترين يوم الأربعاء و حاسأل على حاجات كتير و إن شاء الله أوافيكم بمعلومات جديدة و كافية .... الحديث الأسلامي الأكبر في أونتاريو هو المؤتمر الأسلامي السنوي اللي حيعقد في تورنتو في الفترة من ٢٩ ديسمبر ال-٢ يناير ... ده مؤتمر بيعقد كل سنة و بيستضيف شخصيات اسلامية من أنحاء العالم لالقاء محاضرات و بيبقى فرصة لمسلمي أونتاريو انهم يتجمعوا و يتقابلوا ... ده برنامج السنة ديه إن شاء الرحمن

RIS 2009 Program

بالنسبة للتعليم الصراحة ما فيش حاجة أقدر أقولها أكتر من كلام د الشامي و الباشمهندس إيهاب في المواضيع السابقة ... الصراحة ما بينهم هما الاتنين ما سابوش حاجة تتقال في الموضوع ده انما برضه لو لقيت حاجة جديدة لازم أقولها طبعا .... بالمناسبة أنا كمان طمعان في دعوات حضرتك يا سيدتي الفاضلة wst::

[Gimie]

عزيزتي New Comer النت اتقطع عن مصر Mainly و ماكانش في دول متأثرة في أوروبا و لا الخليج و لا شمال افريقيا .... السودان و اليمن اتعطلوا شوية بس مش زينا

....

ع العموم انا بحب البلد دي فعلا و ان كنت نفسي اسافر لكندا, و نفسي تبقى احسن و احسن

شكرا ....

استاذ / جيمى

حب كل المصريين لبلدهم .....حاجة مافيهاش شك

و انا زى حضرتك.......ماعنديش تعارض بين رغبتى فى السفر لكندا و حبى لبلدى

يا ريت حضرتك تكون فهمتنى صح.....يمكن الواحد لما بيكون بره مصر بيبقى حساس

لأى كلمة بتتقال عن البلد..... ويكون بيسمعها عادى لما يكون فى مصر

على الفكرة الخدمة اتأثرت فى الامارات ..... ولحد النهاردة

السرعة مش هية اللى متعودين عليها

no hard feelings !! :) :roseop:

الاخت نيو قمر والخ جيمى زى ما ذكر الشيخ العلامة ابن عثمين هنك فرق بين حب الوطن وحب الدولة اكاد اجزم اننا كمصرين لا يختلف من اثنان على حب مصر( الوطن) wst:: لكن معظمنا يكرة مصر (الدولة يعنى= الحكومة المصرية الحالية ونظام الحكم الحالى لمصر )

انا هاقول لحضراتكم حاجة ... انا عشت في الخليج 14 سنة و سافرت اوروبا و اسيا .... البلد دي مش وحشة و مش محبطة (بالكسرة) زي مالناس جوة مصر متصورة ... الناس هنا بتقارن الاوضاع في مصر بالاوضاع في يوتوبيا ....و بيفتكروا ان يوتوبيا دي هي اي حتة برة .... وده بيخلي الناس مش طايقة نفسها و مش طايقة بعض .... انا تعليقي على موضوع النت اللي اتقطع انه فعلا وكسة ... ان بلد فيها العدد ده من الناس اللي ليهم مصالح قد كده ع النت و كله متعطل ... و لأسباب مش مفهومة .... و يمكن حكاية الاسباب اللي مش مفهومة دي هيه اللي بتخلي الناس دايما في حالة عدم ثقة في المسئولين و الحكومة... انا متفق مع نيو كمر على ان الصح و الغلط ده محتاج مسطرة واضحة و ان كل واحد لازم يبدأ من نفسه في الاصلاح .....

ع العموم اعنذاري ل د. هشام علشان ده موضوع جانبي مش عايزه ياخد وقت من التجربة الغنية اللي هو بيحكيهالنا ... و جزاكم الله جميعا كل خير

[hazemtara]

الاخت نيو قمر والخ جيمى زى ما ذكر الشيخ العلامة ابن عثمين هنك فرق بين حب الوطن وحب الدولة اكاد اجزم اننا كمصرين لا يختلف من اثنان على حب مصر( الوطن) :) لكن معظمنا يكرة مصر (الدولة يعنى= الحكومة المصرية الحالية ونظام الحكم الحالى لمصر :happy: :P )

استاذ حازم

مرسى لتعليق حضرتك و احترامى الكامل ليه

بس خلينى اعلق تعليق بسيط

لو فيه كره فى الموضوع ..... هايكون لحاجات كتير فى نفسنا احنا الاول

لازم نكرهها و نغيرها ....قبل اى حاجة

بافكر كتيير اوى فى الحديث اللى معناه : ان ربنا بيولى على كل امه ناس شبههم و يستاهلوهم

و لو حضرتك فكرت ان ناس كتير فى الحكومة دى .....كانوا من 5 ، 6 سنين

ناس زينا كدة ..... اقصد رجال اعمال و مالهومش فى السياسة

و بعدين .... هى ايه المسطرة اللى المفروض نقيس عليها

يعنى مين فى البنى ادمين ( مش الملايكه المفترضين ) هو المرجع

يمكن انا واقعية شوية

بس باحب لما اقول حاجة كويسة او وحشة

اسأل نفسى كويسة بالنسبة لأيه .... ووحشة برضة بالنسبة لأيه

من شهرين ..فى 6 اكتوبر

قريت تعليقات ناس كتير بيترحموا على الرئيس السادات و بيوصفوه برجل الحرب و السلام

مع انه فى عهده اتقال عليه اللى كلنا عارفينه... و اغتيل فى الاخر

و فى ازمات كتير..... بيرفعوا صور الرئيس عبد الناصر

و بيوصفوه بزعيم الامة العربية

مع انه برضة ماسلمش من الكلام اللى احنا برضة عارفينة

فى رأيى المتواضع..... ان مافيش نظام 100% و لا 0%

فى مزايا و عيوب و مجمل اعمال بالنسبة للمتاح

ملحوظة: انا لا انتمى لأى حزب ..... علشان حضرتك ما تفكرش فى اى احتمالات

لكى منى كل تحية واحترام

اتفق معكى فى هذا الكلام :P :dirol: :D

[hazemtara]

:dirol: :happy: :P :sail: :P

خير يا دكتورنا زعلان ليه بس :D

لانى حسيت ان حضرتك ممكن تكون معلومات قليلة شوية عن الأطفال وللاسف دة تخصصى الى انا بحبة جدا ولا اتخيل نفسى خارج جدران مستشفى الأطفال لانى انا اشتغلت فترة نيابة فى (MUCH) مستشفى الأطفال الجامعى فى المنصورة ودى كانت احلى ترة اتعلمت فيها شغل الأطفال ومعظم الخبرات الى حصلت عليها اثناء هذة الفترة الى انا شغال بيها للأن , ومع الفارق بين نظافة وجمال البلد عندك فى كندا والمنصورة الا ان (MUCH) تعتبر تقليد للى فى الغرب طبعا مع فارق النظافة والاهتمام بكل التفاصيل الى لا تهم المسؤلين عندنا فى مصر مثل ( الطبيب والمريض والممرضة وكل شيئ متعلق بصحة الناس).

وانا بصراحة كنت عشمان فى شوية صور ومواقع عن مستشفيلت الاطفال عندك بس باين خت بمبة :shs:

فاهم كلامك تماما يا دكتورنا الغالي ... نفس أحاسيسك ديه كنت باحسها في CUSPH أو Cairo University Specialized Pediatric Hospital ما أعرفش ظبطوها تبقى كزبه ازاي :) أبو الريش يعني

و فعلا كنت مش عارف ازاي حاستحمل أبطل تخدير أطفال ... من ساعة ما جيت تورنتو ما نيمتش أي طفل طبعا ... الدنيا بتمشي يا دوك

على العموم احتمال كبير لو جالي نيابة أبقى أعدي على ال-Sick Kids و ساعتها مش حانساك طبعا :)

مشكور د/ هشام وربنا يوفقك وتكون سعيد ومبسوط

ممكن سؤال صغير هونيابة الاطفال دى عندك صعبة انك تخدها ومحتاجة اسكور عالى وكدة ولا العبد لله ممكن يأخذها وشكرا جزيلا لك :)

[د هشام ابراهيم]

......

ع العموم اعنذاري ل د. هشام علشان ده موضوع جانبي مش عايزه ياخد وقت من التجربة الغنية اللي هو بيحكيهالنا ... و جزاكم الله جميعا كل خير

العفو يا باشا ... أنا مش عارف إيه حكاية الاعتذارات المتكررة ديه ... ده المنتدى ده و لا الكنديين في دوام الأعتذار :)

هونا يا اخواني و اخواتي الموضوع أبسط من كده ... البيت بيتكم و القهوة ديه لكم و بيكم .... بجد من غير هزار .... اللي عايز يتكلم يتكلم ... الموضوع أبسط من كده .... أنا عمري ما حاقول لحد إنت خرجت عن الموضوع و لا حاجة زاي كده

قناعتي الشخصية إن كل كلمة بتتحط في الموضوع إضافة ليه .... و أنا ما أقدرش احتكر الكلام كله أو افرض مسار للحوار أو احدد هوية المشارك .....مرحبا بالجميع من اتفق معهم أو اختلف معهم ...و أهلا و سهلا بأي كلام عن كندا و لا عن مصر و لا عن أي حاجة تختاروها و توافقوا عليها...... بالمناسبة ديه ..... فعلا من غير الاضافات بتاعة الافاضل دكتور تهامي و باشمهندس ياسر و دكتور قناوي و غيرهم كتير أنا ما كنتش حاعرف أرد على اسئلة كتير ما لهاش عندي اجابة و لا كان الموضوع كله بقاله قيمة

الملخص طالما الحوار في الأطار الجميل اللي بيمتاز به المنتدي ده أنا ما عنديش أي مانع من detour كل حين و الآخر :D

[د هشام ابراهيم]

مشكور د/ هشام وربنا يوفقك وتكون سعيد ومبسوط

ممكن سؤال صغير هونيابة الاطفال دى عندك صعبة انك تخدها ومحتاجة اسكور عالى وكدة ولا العبد لله ممكن يأخذها وشكرا جزيلا لك :)

بصراحة ما عنديش معلومات كفاية عن نيابة الأطفال :D ..... بس أحسب انها صعبة قياسا على تجربة شخصية وحيدة لزميل طبيب أطفال مصري قابلته في مستشفي النساء و كان منتدب من مستشفي الأطفال .... كان قضي سنتين تقريبا ك Fellow و ما عرفش ياخد نيابة في تورنتو و أعتقد إنه اضطر يسيب تورنتو لمقاطعة من المقاطعات الشرقية .... بس ديه حكاية واحدة بس مش عارف نقدر نعمم عليها و لا لأ

[ام بلال]

أسأل الله العظيم رب العرش العظيم أن يوفقك و عائلتك الكريمة لما يحب الله و يرضى و أن يحفظكم في غربتكم و يرزقكم حيرها و يكفيكم شرها و ينير بصيرتكم بنور الحق و قلوبكم بنور الإيمان و جوارحكم بنور الطاعة و ينفع بكم الإسلام و المسلمين ، و يرزقنا و إياكم الفردوس الأعلى دون سابقة حساب أو عذاب كلنا أجمعين يارب العالمين اللهم آميييييييييييييييييييين

[د هشام ابراهيم]

شوية صور كده عن المستشفي

الصورة الاولي متاخدة في الربيع :D

المبني الزجاجي ديه مبني اداري .... المستشفي واخدة فيه دور كامل مخصص لرعاية الحوامل Prenatal Care ... التخدير ليه عيادة بتشتغل ٣ أيام في الأسبوع زاي ما قلت قبل كده .... المبني اللي جنبه ده مستشفي الأورام و احنا بنغطي يوم في لستة العمليات هناك.... و بعدين المبني اللي بعديه ده المستشفي إللي أنا شغال فيه

صورة من زاوية تانية للمستشفي بس المرة ديه في الشتا :happy:

الصور القادمة ديه متاخدة من كاميرا هاند هلد (Pocket PC ) فباعتذر عن إن الجودة مش كويسة و اعتذار باعتذار بقي أول صورة كمان حتبقى للعبد لله :)

[د هشام ابراهيم]

أسأل الله العظيم رب العرش العظيم أن يوفقك و عائلتك الكريمة لما يحب الله و يرضى و أن يحفظكم في غربتكم و يرزقكم حيرها و يكفيكم شرها و ينير بصيرتكم بنور الحق و قلوبكم بنور الإيمان و جوارحكم بنور الطاعة و ينفع بكم الإسلام و المسلمين ، و يرزقنا و إياكم الفردوس الأعلى دون سابقة حساب أو عذاب كلنا أجمعين يارب العالمين اللهم آميييييييييييييييييييين

بسم الله ما شاء الله ... بارك الله فيك يا أختي الفاضلة .... و لك بالمثل إن شاء الله

[د هشام ابراهيم]

صور متفرقة من داخل حجر العمليات برضه الجودة مش قد كده أنا أسف :)

[د هشام ابراهيم]

و علشان مش كله تخدير .... للجراحة نصيب :)

[samehelassad]

الله ينور عليك يادكتور هشام ويديك على قد نيتك.

تسجيل متابعة ياباشا.

[jamalpody]

عظمه علي عظمه علي عظمه يا دكتور كمل واحنا معاك

جزاك الله خيرا ورزقت طيرا وزوجت بكرا وانجبت جيشا جرارا

يقوده فارس مغوار تفتحون به البلاد والامصار

وانت تتقدم الصفوف راكبا ............................ رولزرويس

[د هشام ابراهيم]

الله ينور عليك يادكتور هشام ويديك على قد نيتك.

تسجيل متابعة ياباشا.

الله يخليك يا أخي الفاضل ... دايما جابر خاطري كده :)

[د هشام ابراهيم]

عظمه علي عظمه علي عظمه يا دكتور كمل واحنا معاك

جزاك الله خيرا ورزقت طيرا وزوجت بكرا وانجبت جيشا جرارا

يقوده فارس مغوار تفتحون به البلاد والامصار

وانت تتقدم الصفوف راكبا ............................ رولزرويس

:) :lol:

آمييين .... احنا و السامعين إن شاء الله

[اسكندرية تانى]

شكرا يا دكتور هشام على الصور 

بس لفت نظرى حاجتين:

الاولى  ان فيه اتنين دكاترة محجبات فى اخر صورة و اتوقع انك تعرف حد منهم

wst::

و التانية خاصة بى   ان نفس anesthesia machine & camera

هى نفس اللى موجودين فى مكان عملى

تحياتى يا باشا :) :lol:

تم تعديل 23 ديسمبر 2008 بواسطة اسكندرية تانى

[newcomer]

... البيت بيتكم و القهوة ديه لكم و بيكم ....

كلك ذوق يا دكتور

و مرسى على القهوة التركى المظبوطة اللى بوش

و البامية الويكة ( مبحبهاش اوى..... بس منظر يعنى علشان صعايدة زى بعض)

[newcomer]

ياااااااااااا دكتور

هو كله دكاتره ...دكاتره

مفيش مواطنين ( وش علاء ولى الدين)

بس .... بجد مرسى على الصور

متابعيين....افنذم !!

[د هشام ابراهيم]

شكرا يا دكتور هشام على الصور 

بس لفت نظرى حاجتين:

الاولى  ان فيه اتنين دكاترة محجبات فى اخر صورة و اتوقع انك تعرف حد منهم

و التانية خاصة بى   ان نفس anesthesia machine & camera

هى نفس اللى موجودين فى مكان عملى

تحياتى يا باشا :) :lol:

العفو يا دكتورنا الغالي wst::

الحقيقة يا صديقي العزيز انهم مش محجبات و لا حتي مسلمين :o

واحدة منهم من جنوب أفريقيا ... هما بس بيحبوا يلبسوا ايشارب داخل اوضة العمليات علشان يلم شعرهم :)

جهاز التخدير اللي في الصورة ده موجود في مستشفيات كتير في مصر و لما ابتديت شغل في ٢٠٠٥ كنت مبسوط جدا إن الجهاز عارفه و اشتغلت عليه قبل كده .... انما طبعا الأختلاف في نظام الشغل مش في الأجهزة و للاسف الشديد الأختلاف كبير جدا

متهيألي برضه إن بالنسبة للاجهزة أعتقد إن دول الخليج كلها ماشية على النظام الأمريكاني و كندا بالمثل

ربنا يخليك يا رب و يكرمك بفضله

[د هشام ابراهيم]

... البيت بيتكم و القهوة ديه لكم و بيكم ....

كلك ذوق يا دكتور

و مرسى على القهوة التركى المظبوطة اللى بوش

و البامية الويكة ( مبحبهاش اوى..... بس منظر يعنى علشان صعايدة زى بعض)

ياااااااااااا دكتور

هو كله دكاتره ...دكاتره

مفيش مواطنين ( وش علاء ولى الدين)

بس .... بجد مرسى على الصور

متابعيين....افنذم !!

سيدتي الفاضلة ...القمر الجديد على رأي دكتور الشامي ...و منسق عام جمعية صعديان ايجبشيان كانيديان جين أكسرز :lol:

الله يكرمك يا رب و يجازيكي كل خير :) ...

صور المستشفي كانت بالطلب يا باشا .... ما هي القهوة كده ...حضراتكم بس اطلبوا و العبد لله يحاول يلبي و الله المستعان .... بس يعني هما مش الدكاترة مواطنين برضه و لا إيه wst::