قصتي مع كندا

[newcomer]

و منسق عام جمعية صعديان ايجبشيان كانيديان جين أكسرز :)

مرسى للمنصب الجديد يا دكتور....... بس ايه بالنسبة للمرتب ؟؟!!

... بس يعني هما مش الدكاترة مواطنين برضه و لا إيه

لا يا فندم دول ملايكة الرحمة !!

أظن حلوة دى :lol:

[د هشام ابراهيم]

و منسق عام جمعية صعديان ايجبشيان كانيديان جين أكسرز :)

مرسى للمنصب الجديد يا دكتور....... بس ايه بالنسبة للمرتب ؟؟!!

... بس يعني هما مش الدكاترة مواطنين برضه و لا إيه

لا يا فندم دول ملايكة الرحمة !!

أظن حلوة دى

:lol: wst::

مش قوي كده كفاية عليهم بني أدمين الرحمة :)

و بالنسبة للمرتب حضرتك تأمري .... ٥٠ ٪ من ريع الجمعية ...و ال-٥٠ ٪ الباقيين لدكتور قناوي الرئيس الشرفي و دمتم :o

تم تعديل 23 ديسمبر 2008 بواسطة د هشام ابراهيم

[ايهاب سالم]

مبسوط اوى انى بشوف تعليقات ايهاب... لأنى بجد بحبه...

ايهاب انا عايز اكلمك من زمان بس هيه دى ضريبة اللى يدخل المحاوارات متأخر :)

اسلام

أحبك الله الذي أحببتني فيه يا إسلام :lol:

[hazemtara]

مشكور د/ هشام وربنا يوفقك وتكون سعيد ومبسوط

ممكن سؤال صغير هونيابة الاطفال دى عندك صعبة انك تخدها ومحتاجة اسكور عالى وكدة ولا العبد لله ممكن يأخذها وشكرا جزيلا لك :)

بصراحة ما عنديش معلومات كفاية عن نيابة الأطفال ..... بس أحسب انها صعبة قياسا على تجربة شخصية وحيدة لزميل طبيب أطفال مصري قابلته في مستشفي النساء و كان منتدب من مستشفي الأطفال .... كان قضي سنتين تقريبا ك Fellow و ما عرفش ياخد نيابة في تورنتو و أعتقد إنه اضطر يسيب تورنتو لمقاطعة من المقاطعات الشرقية .... بس ديه حكاية واحدة بس مش عارف نقدر نعمم عليها و لا لأ

يعنى مفيش فيدة هو انا مرزق والا اية انا كل بلد احط رجلى فيها لازم اروح ( الوادى الجديد الى فيها & او حلايب وشلاتين بتعتهم يا رب عفوك ورضاك

سؤال يا باشا هى حلايب وشلاتين بتعتكم دى برد قوى wst:: بردو ها روح جيلك يا كندا مدد يا اهل البلد :lol:

[hazemtara]

شوية صور كده عن المستشفي

الصورة الاولي متاخدة في الربيع :)

المبني الزجاجي ديه مبني اداري .... المستشفي واخدة فيه دور كامل مخصص لرعاية الحوامل Prenatal Care ... التخدير ليه عيادة بتشتغل ٣ أيام في الأسبوع زاي ما قلت قبل كده .... المبني اللي جنبه ده مستشفي الأورام و احنا بنغطي يوم في لستة العمليات هناك.... و بعدين المبني اللي بعديه ده المستشفي إللي أنا شغال فيه

صورة من زاوية تانية للمستشفي بس المرة ديه في الشتا :o

الصور القادمة ديه متاخدة من كاميرا هاند هلد (Pocket PC ) فباعتذر عن إن الجودة مش كويسة و اعتذار باعتذار بقي أول صورة كمان حتبقى للعبد لله wst::

ياعم زبط الكاميرا شوية.

ايوة حبة يمين كدة , بص الناحية دى , ايوة ابتسامة , وبعدين شيل FACE MASK بس عسل كدة

متهيألي برضه إن بالنسبة للاجهزة أعتقد إن دول الخليج كلها ماشية على النظام الأمريكاني و كندا بالمثل

:)

المستشفى عندى وخداها شركة DRAGER الألمانية من بابها كل شيئ حتى السراير, جهاز التخدير وتجهيز غرفة العمليات والولادة والمناظير وطرابيزات العمليات والحضانات وجهاز الغازات و WARMER ,SUCTION ناقص الأبواب والشبابيك بس :lol:

[د هشام ابراهيم]

يعنى مفيش فيدة هو انا مرزق والا اية انا كل بلد احط رجلى فيها لازم اروح ( الوادى الجديد الى فيها & او حلايب وشلاتين بتعتهم يا رب عفوك ورضاك

سؤال يا باشا هى حلايب وشلاتين بتعتكم دى برد قوى :lol: بردو ها روح جيلك يا كندا مدد يا اهل البلد :)

من جهة برد فهي برد .... بس يا باشا خليك متفائل ... تجربة الدكتور زميلي ديه تجربة فردية غير صالحة للتعميم wst::

اعم زبط الكاميرا شوية.

ايوة حبة يمين كدة , بص الناحية دى , ايوة ابتسامة , وبعدين شيل FACE MASK بس عسل كدة idea.gif

الله يخليك يا باشا ده أنت اللي عسل و الله ....أخوك أصلا ما لوش في التصوير قوي .... كاميرا هاند هلد و كمان بيصور نفسه الحمد لله انها طلعت كده

[د هشام ابراهيم]

متهيألي برضه إن بالنسبة للاجهزة أعتقد إن دول الخليج كلها ماشية على النظام الأمريكاني و كندا بالمثل

:)

المستشفى عندى وخداها شركة DRAGER الألمانية من بابها كل شيئ حتى السراير, جهاز التخدير وتجهيز غرفة العمليات والولادة والمناظير وطرابيزات العمليات والحضانات وجهاز الغازات و WARMER ,SUCTION ناقص الأبواب والشبابيك بس :lol:

شركة دراجر ليها فرع كبير في أمريكا و هو المسيطر عليها حاليا ...كان زمان إسمه North American Draeger و كنت بتلاقي علامة NAD علي الأجهزة كلها .... بعد عصر الأندماجات الكبري شالوا العلامة و أعتقد كمان انهم اشتروا سيمنز مديكال

[bent misr]

شكرا لك يا د / هشام على المعلومات الجميله

عن الصيادله و دورهم في المستشفيات

طبعا ده مختلف تماما عن دور الصيدلي هنا :blink:

بس طبعا حاجه تفرح ان الواحد على الاقل يطبق

الدراسه الي درسها في الكليه خمس سنين بدل

ما شغلنا هنا نسانا كل الي درسناه

ربنا يكرمك يا دكتور ويوفقك في مشوارك في كندا و يكتبلك أعلى

المناصب ان شاءالله وتقبل تحياتي :)

تم تعديل 24 ديسمبر 2008 بواسطة bent misr

[sherifhfm]

ايه الحلاوه دى يا دكتور لا والله دكتور دكتور يعنى مش اى كلام :)

[canadawy]

الى الدكتور هشام بيه أباهيم : الحقيقة الواحد معجب جدا بحضرتك و بكتاباتك وأرائك فى المنتدى وأنا شخصيا

شايف أنها مفيدة جدا فربنا يكتر من أمثال حضرتك ...أنا الحقيقة لى سؤالين لو حضرتك تجاوبنى عليهم أكون شاكر :

1 - أنا مقدم للهجرة فيدرال وفات على أكتر من سنة وبرغم أنى دائم فى عمل الأستخارة لكن أرجو الأستفادة من

نقطة المجتمع هناك و تأثيره على الأولاد لأن عندى ولدين عندهم 11 و 7 سنوات ....وأنا عايز أسأل من الناحية

الدينية هل هانقدر كأسرة نقدم لهم الحماية من بعض الأنحرافات اللى موجودة فى المدرسة و المجتمع ولا

الموضوع ده مبالغ فيه لأنى بسمع أن الأولاد فى الدرسة كل واحد بيكون عنده ال girl friend بتاعته ولا

الأفضل الواحد يدخلهم مدارس أسلامية ولا أيه رأى حضرتك .. ماعليش ياجماعة ماحدش يأخذنى السؤال واجب

من أهل الثقة زى الدكتور هشام والناس الجميلة الموجوده فى المنتدى ده وده من الأهداف الجميلة فى هذا المنتدى .

2 - سهولة الحصول على عمل وبدخل جيد : أنا بشتغل Line sales Manager فهل مجال ال sales مطلوب

هناك وهل الأجور مجزية ......وشكرا وأسف جدا لأطالتى على حضرتك .

[د هشام ابراهيم]

شكرا لك يا د / هشام على المعلومات الجميله

عن الصيادله و دورهم في المستشفيات

طبعا ده مختلف تماما عن دور الصيدلي هنا :blink:

بس طبعا حاجه تفرح ان الواحد على الاقل يطبق

الدراسه الي درسها في الكليه خمس سنين بدل

ما شغلنا هنا نسانا كل الي درسناه

ربنا يكرمك يا دكتور ويوفقك في مشوارك في كندا و يكتبلك أعلى

المناصب ان شاءالله وتقبل تحياتي :)

الله يخلي حضرتك و يكرمك و يوفقك لما يحب و يرضي .... يمكن من أكتر الحاجات اللي لفتت انتباه الواحد هنا حكاية روح الفريق ديه اللي موجودة في الممارسة الطبية ... الأطباء و الصيادلة و أخصائين التغذية و العلاج الطبيعي و التمريض .... فريق واحد و ما حدش بيستنكف يطلب مساعدة من زميل سواء في نفس التخصص أو في تخصص تاني ... حكاية الأنا و ما فيش غير أنا ديه أقل كتيييير من عندنا

[د هشام ابراهيم]

ايه الحلاوه دى يا دكتور لا والله دكتور دكتور يعنى مش اى كلام :)

:blink:

هذا شرف لا أدعيه و جريمة لا أنكرها يا باشا

[د هشام ابراهيم]

الى الدكتور هشام بيه أباهيم : الحقيقة الواحد معجب جدا بحضرتك و بكتاباتك وأرائك فى المنتدى وأنا شخصيا

شايف أنها مفيدة جدا فربنا يكتر من أمثال حضرتك ...أنا الحقيقة لى سؤالين لو حضرتك تجاوبنى عليهم أكون شاكر :

1 - أنا مقدم للهجرة فيدرال وفات على أكتر من سنة وبرغم أنى دائم فى عمل الأستخارة لكن أرجو الأستفادة من

نقطة المجتمع هناك و تأثيره على الأولاد لأن عندى ولدين عندهم 11 و 7 سنوات ....وأنا عايز أسأل من الناحية

الدينية هل هانقدر كأسرة نقدم لهم الحماية من بعض الأنحرافات اللى موجودة فى المدرسة و المجتمع ولا

الموضوع ده مبالغ فيه لأنى بسمع أن الأولاد فى الدرسة كل واحد بيكون عنده ال girl friend بتاعته ولا

الأفضل الواحد يدخلهم مدارس أسلامية ولا أيه رأى حضرتك .. ماعليش ياجماعة ماحدش يأخذنى السؤال واجب

من أهل الثقة زى الدكتور هشام والناس الجميلة الموجوده فى المنتدى ده وده من الأهداف الجميلة فى هذا المنتدى .

2 - سهولة الحصول على عمل وبدخل جيد : أنا بشتغل Line sales Manager فهل مجال ال sales مطلوب

هناك وهل الأجور مجزية ......وشكرا وأسف جدا لأطالتى على حضرتك .

الله يكرم حضرتك و يجازيك خير و ألف شكر على كلمات الأطراء الرقيقة ... يا رب أكون أهل لها فعلا

بص يا سيدي الفاضل سؤالين حضرتك أصعب من بعض .... و أعتقد إن ما فيش حد عاقل يقدر يقول لحضرتك إن عنده اجابة مضمونة ١٠٠ في ال-١٠٠ ... انما حاحاول أجاوب عليهم علي قد اجتهادي الشخصي

الأولاد أمانة كبيرة جدا و لازم نكون أهل لها ... كندا زي أي مجتمع فيه الصالح و الطالح ... بالنسبة للدول الغربية كندا دولة محافظة انما بقيمنا احنا متحررة جدا .... دور الوالدين (ضروري الاتنين ) مصيري في حتة الدين و الأخلاق ديه .... لازم لازم مجهود مضاعف و متابعة دقيقة يومية ....الصراحة مش بس كندا .... حتي في مصر ( (باتكلم عن مصر لان ده المجتمع اللي أعرفه كويس في المجتمعات الشرقية انما قناعتي الشخصية إننا كلنا في الهم شرق ).... توافقني حضرتك إن تربية الأولاد دلوقتي صعبة في مصر .... المغريات كتير و الانحرافات كتير .... و التربية و التعليم في حالة سيئة .... حضرتك بتقول انك بتسمع إن في كندا كل ولد عنده الجيرل فريند و بالعكس بس طبعا ده مش حقيقي و مبالغة شديدة ... الأولاد و البنات المحافظين و المتمسكين بالدين مسلمين و مسيحيين أغلبية في دائرة المعارف اللي قابلتهم هنا .... فيه قصص فشل طبعا و انحرافات بس ده مش بس في كندا .... اللي الواحد بيسمعه عن الأجيال الجديدة في مصرنا ما يسرش ...و برضه ما ينفعش نعمم

بالنسبة للسؤال التاني فانا صراحة ما ليش خبرة في سوق العمل الكندي بره المجال الطبي ... انما حواليا ناس كتير في عمارة تورنتو و في الجامع و في دائرة المعارف اللي دكتور و اللي مهندس و اللي محاسب و اللي فاتح محل و اللي بيشتغل في غير تخصصه و اللي ساب تورنتو و راح مقاطعة تانية وراء عرض شغل أحسن ... قصدي أقول إن الكل شغال و الكل عايش كويس ..... طبعا الرزق بامر الله و ما تدري نفس ماذا تكسب غدا ..... لكن ما شفتش حد عايش وحش أو ما عندوش الحد الأدني من متطلبات المعيشة ... ده بالمقاييس الكندية و أجزم انها أعلي من غيرها .... و الله تعالي أعلي و أعلم

تم تعديل 25 ديسمبر 2008 بواسطة د هشام ابراهيم

[newcomer]

مساء الخير د. هشام

اخبار المواطنين ايه.....و طبعا ملايكة الرحمة

[د هشام ابراهيم]

مساء الخير د. هشام

اخبار المواطنين ايه.....و طبعا ملايكة الرحمة

سؤال حضرتك في وقته تماما يا سعادة المنسق العام

الحقيقة أنا كنت في الجامع النهارده باسأل عن النشاطات الدينية الموجودة هنا في سانت كاترين و ديه مقارنة بتورونتو مدينة صغيرة ....

دروس العربي و القرأن و الحديث أسبوعية و ده عادي :blink:

اللي لفت انتباهي قوي بقي كذا حاجة

- فيه اخصائية اجتماعية مسلمة دارسة للتربية متطوعة للقاء أسبوعي و متابعة دورية مع الفتيات المسلمات من سن ١٢ سنة فاكثر و محاولة حل الصراع النفسي اللي ممكن بعضهم يبقي فيه بسبب اختلافهم عن اقرانهم .... لقاء أسبوعي داخل المسجد قاصر علي الفتيات و "المرشدة" و متابعة دورية مع الأهالي .... الصراحة الحكاية ديه بسطتني جدا خصوصا إن القائمين على الجامع شباب زاي الورد من الجيل التاني للمهاجرين ... اغلبهم مولود في كندا أصلا و حاجة تفرح الصراحة

- الجامع بالاشتراك مع جمعية اسلامية أعلن عن أفتتاح صالة ألعاب رياضية خاصة بالسيدات بس و قاصرة عليهم

- رحلات الحج اللي نظمها الجامع السنة اللي فاتت أرخص من برامج رحلات مصر !!؟؟ ربنا يوعدنا جميعا إن شاء الله

- فيه سوبر ماركت صغير جانب الجامع كان فيه منتجات حلال و بضائع مستوردة من البلاد العربية و تركيا و باكستان ....و كمان بيعملوا حلويات شرقية و جبت منهم مشبك ... أينعم مشبك :) .... و فعلا حلو جدا

المحل صغير صحيح و ما يقارنش بمحلات تورنتو العربية بس الملاك بيكبروا فيه و ربنا يباركلهم معاملتهم ذي الفل ... المسجد و المحل ده على بعد ١٠ دقائق سواقة من بيت سانت كاترين و ما تتخيلوش الواحد بيستريح قد إيه لما بيصلي هناك ....موقع الجامع علي النت

Masjid Elnoor

[sherifhfm]

ايه ده مشبك فى كندا - دكتور هوه انته متأكد انك فى كندا الى هيا شمال امريكا ولا كندا الى هيا شمال طنطا

[AL MUHAGER]

ازيك يا دكتور هشام وكل سنة وانت والاخوة المسلمين بخير بمناسبة راس السنة الهجرية و للمسيحين بمناسبة راس السنة الميلادية ويارب كل ايامنا تبقى اعياد ومحبة وسلام

[samehelassad]

الى الدكتور هشام بيه أباهيم : الحقيقة الواحد معجب جدا بحضرتك و بكتاباتك وأرائك فى المنتدى وأنا شخصيا

شايف أنها مفيدة جدا فربنا يكتر من أمثال حضرتك ...أنا الحقيقة لى سؤالين لو حضرتك تجاوبنى عليهم أكون شاكر :

1 - أنا مقدم للهجرة فيدرال وفات على أكتر من سنة وبرغم أنى دائم فى عمل الأستخارة لكن أرجو الأستفادة من

نقطة المجتمع هناك و تأثيره على الأولاد لأن عندى ولدين عندهم 11 و 7 سنوات ....وأنا عايز أسأل من الناحية

الدينية هل هانقدر كأسرة نقدم لهم الحماية من بعض الأنحرافات اللى موجودة فى المدرسة و المجتمع ولا

الموضوع ده مبالغ فيه لأنى بسمع أن الأولاد فى الدرسة كل واحد بيكون عنده ال girl friend بتاعته ولا

الأفضل الواحد يدخلهم مدارس أسلامية ولا أيه رأى حضرتك .. ماعليش ياجماعة ماحدش يأخذنى السؤال واجب

من أهل الثقة زى الدكتور هشام والناس الجميلة الموجوده فى المنتدى ده وده من الأهداف الجميلة فى هذا المنتدى .

2 - سهولة الحصول على عمل وبدخل جيد : أنا بشتغل Line sales Manager فهل مجال ال sales مطلوب

هناك وهل الأجور مجزية ......وشكرا وأسف جدا لأطالتى على حضرتك .

الله يكرم حضرتك و يجازيك خير و ألف شكر على كلمات الأطراء الرقيقة ... يا رب أكون أهل لها فعلا

بص يا سيدي الفاضل سؤالين حضرتك أصعب من بعض .... و أعتقد إن ما فيش حد عاقل يقدر يقول لحضرتك إن عنده اجابة مضمونة ١٠٠ في ال-١٠٠ ... انما حاحاول أجاوب عليهم علي قد اجتهادي الشخصي

الأولاد أمانة كبيرة جدا و لازم نكون أهل لها ... كندا زي أي مجتمع فيه الصالح و الطالح ... بالنسبة للدول الغربية كندا دولة محافظة انما بقيمنا احنا متحررة جدا .... دور الوالدين (ضروري الاتنين ) مصيري في حتة الدين و الأخلاق ديه .... لازم لازم مجهود مضاعف و متابعة دقيقة يومية ....الصراحة مش بس كندا .... حتي في مصر ( (باتكلم عن مصر لان ده المجتمع اللي أعرفه كويس في المجتمعات الشرقية انما قناعتي الشخصية إننا كلنا في الهم شرق ).... توافقني حضرتك إن تربية الأولاد دلوقتي صعبة في مصر .... المغريات كتير و الانحرافات كتير .... و التربية و التعليم في حالة سيئة .... حضرتك بتقول انك بتسمع إن في كندا كل ولد عنده الجيرل فريند و بالعكس بس طبعا ده مش حقيقي و مبالغة شديدة ... الأولاد و البنات المحافظين و المتمسكين بالدين مسلمين و مسيحيين أغلبية في دائرة المعارف اللي قابلتهم هنا .... فيه قصص فشل طبعا و انحرافات بس ده مش بس في كندا .... اللي الواحد بيسمعه عن الأجيال الجديدة في مصرنا ما يسرش ...و برضه ما ينفعش نعمم

بالنسبة للسؤال التاني فانا صراحة ما ليش خبرة في سوق العمل الكندي بره المجال الطبي ... انما حواليا ناس كتير في عمارة تورنتو و في الجامع و في دائرة المعارف اللي دكتور و اللي مهندس و اللي محاسب و اللي فاتح محل و اللي بيشتغل في غير تخصصه و اللي ساب تورنتو و راح مقاطعة تانية وراء عرض شغل أحسن ... قصدي أقول إن الكل شغال و الكل عايش كويس ..... طبعا الرزق بامر الله و ما تدري نفس ماذا تكسب غدا ..... لكن ما شفتش حد عايش وحش أو ما عندوش الحد الأدني من متطلبات المعيشة ... ده بالمقاييس الكندية و أجزم انها أعلي من غيرها .... و الله تعالي أعلي و أعلم

يااخي ربنا يكرمك ويطمنك ويريح قلبك زي مابتطمنا وبتريح قلوبنا.

كلامك صح 100\100

النتيجة مش مضمونة والواحد لازم يبذل مجهود مضاعف ويعمل كل اللي يقدر علية علشان يحافظ على دين ولادة وعليهم. والاهم ياخد القرار السليم في الوقت السليم.

تحية طيبة وخالصة ليك ولاسرتك ربنا يباركلك فيها.

[Gimie]

بجد يا د.هشام .... باحس بحاجة غريبة لما باقرأ التعليقات اللي حضرتك بتكتبها عن الحياة الإسلامية في كندا ... باحس اني نفسي بجد اعيش اللحظات دي ... ده غير اني فعلا المنتدى ده خلاني ابقى عايز اجري اروح كندا علشان اقابل الناس اللي روحهم حلوة اللي زي حضرتك و د.الشامي و د. التهامي و م.ايهاب

ربنا يبارك لكوا و يكرمكوا

[newcomer]

الواحد بيستريح قد إيه لما بيصلي هناك ....موقع الجامع علي النت

Masjid Elnoor

انا بصيت بسرعة كده على موقع الجامع

ما شاء الله...... التنمية البشرية عامله شغل فى النشاطات

حسيت ان نشاط الجامع بيعكس تفكير المجتمع ...فى كندا...

بس خاطر كده فكرت فيه و انا بشوف ترجمة المعانى للقرأن....على الموقع ده

و غيره من المواقع الاسلامية .....ليه الترجمة تشبه روايات شكسبير الأصليه؟؟!!

يعنى ..زمان كان عندنا رواية ماكبث ....كانت بيشرحوا الانجليزى ده بانجليزى طبيعى يتفهم

يعنى هل الناس العاديين ( متحدثى الانجليزية كلغة اولى او تانية ) بيفهموا ترجمة معانى القرأن

بالانجليزى الضخم الفخم ده؟؟ّ!!! خاطر بس جه على بالى

اتفضل حظراتكم ....كمل افنذم