قصتي مع كندا

[pharaon]

فهمت يا فرعون باشا

واتمنى انك مزعلتش من كلامي عشان انا مكنتش قاصد اي حد بالتعقيب اللي كتبتو :roseop:

إن شاء الله ما فيش زعل و لا حاجة :)

عشان خاطرك انتا بس يا دكتور

:) :D

كلامك اوامر يا دوك

[د هشام ابراهيم]

:) د.هشام كل سنة و حضرتك طيب و ارجو ان تكون سنة 2009 سنة خير عليك و علينا امين و ان يحمى الله الامة الاسلامية من العدو المحتل

و حضرتك بالف خير و صحة يا أخي الفاضل و اللهم تقبل صالح دعائك و دعائنا بفضلك يا مجيب

بس انا زعلان من حضرتك جدا , كل ده يا دوك و مافيش حلقات جديده :cry: ايه يا دوك انت ناستنا ولا ايه ولا بتعطش السوق من الصنف علشان عارف اننا بقينا مدمنيين :) على العموم ده حقك بس برضوا احنا هنعدى كل يوم على القهوه اهو يمكن نلاقي المطلوب :D

:)

الله يجازيك خير يا أخي الفاضل و يديم فضله عليك ..... ربنا ما يجيب زعل أبدا يا سيدي الفاضل و إن شاء الله حواصل سرد تجربتي الشخصية في أقرب فرصة .... الحق يتقال مزاجي الشخصي مفروض ما يدتخلش في محاولة مساعدة الاخرين إذا كان فعلا هدف الموضوع مساعدة الناس لوجه الله .... و هو ما أحاول فعله و تذكير نفسي به دوما حتي لا أنسي أو أتناسي انما ما فيش فايدة في بني آدم ابدا .... دائما ما تصارعه الأهواء :o.....

[د هشام ابراهيم]

فهمت يا فرعون باشا

واتمنى انك مزعلتش من كلامي عشان انا مكنتش قاصد اي حد بالتعقيب اللي كتبتو :roseop:

إن شاء الله ما فيش زعل و لا حاجة :D

عشان خاطرك انتا بس يا دكتور

:) :)

كلامك اوامر يا دوك

:)

الأمر لله من قبل و من بعد يا سيدي الفاضل

كنت واثق من كرم أخلاقك و من سعة صدرك و الحمد لله لم تخيب ثقتي :cry:

[pharaon]

الف شكرا ليك يا دكتور

ومن بعض ما عندكم

[د هشام ابراهيم]

عدنا :blush2:

كان فيه سؤال مهم أتسأل عن الفرق ما بين التقديم لل-CaRMS و ال-CEHPEA حاحاول أرد عليه

نقط لازم نتفق عليها الأول ... المعلومات اللي باقولها كلها بناء على تجربة شخصية ... غير ملزمة لاحد و كمان عدي عليها وقت و ممكن جدا يكون فيه حاجات اتغيرت .... أنا قدمت في ال-CEHPEA (سابقا =IMG ) ٣ مرات كل مرة كانت القواعد فيها حاجة مختلفة

تجيبها يمين تجيبها شمال لازم تمتحن المعادلة لو عايز تكمل حياتك في كندا كطبيب مؤهل ...الفرق ما بين الشهادة اللي معاك من مصر أو اللي مع غيرك من أمريكا و لا انجلترا هو الوقت و الطريق المتبع لغاية ما تمتحن أمتحان الكلية الملكية الكندية انما في الأخر أي طبيب من خارج كندا لازم يمتحن المعادلة و بعدين الكلية الملكية

أنا باحاول علي قد ما أقدر أوصل المعلومة لكن فيه مشكلتين ... ما عنديش كي بورد عربي و ممكن أكون باكتب لغة مش مظبوطة قوي ...لو فيه أي نقطة مش مفهومة الرجاء السؤال

نخش على المفيد و حاتكلم أكني لا شرحت حاجة قبل كده و لا فيه حد تاني حتي شرح :lol:

[د هشام ابراهيم]

نبتدي من الأول خالص لو عايز تدرس طب في كندا إيه النظام

دراسة الطب في كندا من أصعب ما يمكن .... الدراسة صعبة و غالية جدا و بتنقسم لقسمين ... كلية ما قبل الطب ٣ سنين دراسة لمواد مؤهلة و بعدين ٤ سنين في كلية الطب نفسها ....

كل كلية طب ليها النظام بتاعها و المنهج بتاعها انما في الأخر الخريجين كلهم بيمتحنوا أمتحان موحد علي مستوي كندا كلها .... الامتحان ده جزئين Q1 و Q2 و هما دول نفس الخطوتين نمرة ٢ و ٣ بتوع المعادلة الكندية

مصاريف الدراسة على ما أسمع بتخش في ٢٥ ٣٠ ألف دولار كندي في السنة غير مصاريف المعيشة .... أغلب الطلبة بتقدم على قرض من البنوك للدراسة و بتسدده على كذا سنة بعد التخرج ... الحصول علي القرض ده سهل نسبيا ... البنوك بتحب تتعامل مع الدكاترة و طلبة الطب باعتبارهم زباين كويسة كما اثبتت التجربة لحد دلوقتي

لو سعادتك بقي في كندا و نفسك ولادك إن شاء الله يدرسوا الطب هنا يبقى تبتدي تحوش بدري بدري .... الحكومة الكندية كمان بتساعدك و فيه طريقة إن الفلوس اللي حتتحط في وديعة لتعليم الأولاد تبقى معفاة من الضرايب

غني عن القول طبعا إن جامعات كندا كلها من أحسن الجامعات في العالم و اغلبهم ليهم ترتيب متقدم في لستة أفضل جامعات العالم

الحاجة التانية اللي ممكن تتعمل إن لما الولاد يكبروا يرجعوا مصر يخلصوا الطب هناك و بعدين يقدموا في كندا بعد ما ينجحوا في المعادلة

بعد الأنتهاء من الدراسة و النجاح في الأمتحان الموحد يتم التقديم في ال-CaRMS و ديه الجهة المسئولة عن "الماتشنج بتاع النواب في كندا

[اسكندرية تانى]

معاك يا د. هشام

جزاك الله خيرا :blush2:

[ناوية ع الهجرة]

عدنا :lol:

نخش على المفيد و حاتكلم أكني لا شرحت حاجة قبل كده و لا فيه حد تاني حتي شرح :)

معلهش يادكتور هشام ربنا يكرمك ان شاء الله ويجعله في ميزان حسناتك

وحسنة قليلة تمنع بلاوي كتيرة ويجعل قهاوي المحسنين عمار

من الأول عشان حضرة الناظر : :lol: : :blush2:

[د هشام ابراهيم]

طب نفرض انك مخلص طب في مصر أو أي دولة و عايز تيجي كندا تعمل إيه ؟

تخلص الدراسة و الأمتياز و تقدم علي أول خطوات المعادلة ... أمتحان إسمه ال-EE Evaluating exam

بعد النجاح في ال-EE حاليا يشترط كمان النجاح في ال-Q1 قبل التقديم لل CaRMS

لو سعادتك حديث التخرج و سنوات الخبرة قليلة أو معدومة التقديم من خلال ال CEHPEA ممكن بس فرص الحصول علي نيابة أقل .... سواء ال-CaRMS أو ال-CEHPEA الاتنين خاضعين لمنطق العرض و الطلب و الأختيار ما بين العروض المنافسة .... مؤخرا المنافسة بقت شرسة جدا و صعبة و الناس اللي مستواهم استشاريين بقوا يقدموا على نيابات مدعمين بسنوات خبرة كتيرة و منهم كمان سنوات خبرة كندية ..... سنوات الخبرة الكندية و جوابات توصية من أطباء كنديين و اقامة شرعية في كندا كلها عوامل بتقوي الطلب جدا

مش معني كده إن الحصول علي نيابة مستحيل ...لا ممكن و ممكن جدا كمان و كل سنة بنشوف أدلة كتير علي امكانية حدوثه ديه

ال-CaRMs مش شرط تديلك النيابة اللي أنت عايزها في المكان اللي أنت عايزه ....إنت بتكتب لستة اختيارات و هما بيدولك الأختيار المتاح طبقا للافضلية بتاعة الطلب بتاعك .... Matching

يعني لو طلب التقديم بتاعك قوي ... إقامة و خبرة و سنوات خبرة في كندا و خطابات توصية جامدة و طالب نيابة تخدير في تورنتو حتجيلك ....لو الطلب مش قوي أوي حيخدوا اللي أقوي و سعادتك غالبا حتاخد نمرة ٢ أو ٣ في لستة رغباتك اللي إنت كتبتها.... تخدير في فانكوفر .... باطنة في نوفا سكوتشيا ....إلخ

[newcomer]

طيب يا دكتور....اللى تشوفه....

علشان خاطر ملائكة الرحمة.....هانتابع ....لحد اليوميات اللى احنا(المواطنين) نفهمها :blush2: :lol: ما تتكتب!!

متابعين :lol: ....مستنيين

[د هشام ابراهيم]

طب لو لا قدر الله ال-CaRMS ما قبلتش الطلب تعمل إيه ....تقدم تاني و تالت لحد ما ربنا يكرم و في نفس الوقت تحاول تحسن من طلبك .... لو ما فيش سنوات خبرة كندي مثلا حاول تجيب Fellowship في كندا سنة و لا سنتين .... حتفرق جامد في الطلب بتاعك .... السنتين اللي حتشتغلهم دول حيجيبولك خبرة كندي و يعرفوك علي النظام ماشي ازاي و كمان جوابات توصية تدعم طلبك

الحصول علي ال-Fellowship ديه توفيق من ربنا أكيد انما سعادتك لازم برضه تعمل مجهود و تدور و ما تياسش ....العبد لله قدم ل ٦ مستشفيات .... واحدة بس هي اللي ردت و كان عندهم مكان فاضي بعد سنة ( ربنا كرم و السنة بقيت ٦ شهور و كلموني ساعتها لو ينفع آجي بدري و طبعا قولتلهم ينفع و نص و تلت أرباع كمان :blush2:

[د هشام ابراهيم]

معاك يا د. هشام

جزاك الله خيرا :blush2:

و اياكم و المسلمين يا دكتورنا الغالي إنت بس تؤمر يا باشا smk:

معلهش يادكتور هشام ربنا يكرمك ان شاء الله ويجعله في ميزان حسناتك

وحسنة قليلة تمنع بلاوي كتيرة ويجعل قهاوي المحسنين عمار

من الأول عشان حضرة الناظر : fty:: : :lol:

العفو يا سيدتي الفاضلة أنا تحت أمر حضرتك و الأعضاء الكرام

بس يا حضرة الناظر أنا مش ملواني (وش عبد الله فرغلي في مدرسة المشاغبين )

طيب يا دكتور....اللى تشوفه....

علشان خاطر ملائكة الرحمة.....هانتابع ....لحد اليوميات اللى احنا(المواطنين) نفهمها :lol: :) ما تتكتب!!

متابعين :wub: ....مستنيين

سعادة المنسق العام بنفسها ... لا أسكت الله لك حسا يا سيدتي الفاضلة .... معلهش يا باشا هما بني آدمين الرحمة كده .... عايز أقول لحضرتك اني أنا أصلا فيه حاجات مش فاكرها و مش فاهمها و كل شوية أسأل عنها ....

فاصل قصير لتناول العشاء ثم نواصل ....ابقوا معنا wst::

[precanadian]

والله يا دكتور هشام انت بتدي للناس تجربتك احنا بناخد منها خبره والاهم من كده ان الي حضرتك بتعمله ده هيكون نموذج الواحد يفتكره طول عمره ويعلمه لاولاده الا وهو حب الخير للاخر ،وحب التحرك الجماعي . يقال ان الاطباء الهنود نموذج في مساعدتهم لبعض لكن حضرتك بتثبت ان المصريين فيهم خير واتمني ان الروح دي تكون بين كل المصريين داخل وخارج مصر.

الي اي مدي ال سكور EE &QE1 ياثر في ال match

تحياتي وتقديري لكم وعام هجري وميلادي سعيد

[Balooshy]

متابعين يا د/هشام .. و في انتظار اخبارك الحلوه اللي وعدتنا بيها

تم تعديل 2 يناير 2009 بواسطة Balooshy

[newcomer]

سعادة المنسق العام بنفسها ... لا أسكت الله لك حسا يا سيدتي الفاضلة .... معلهش يا باشا هما بني آدمين الرحمة كده .... عايز أقول لحضرتك اني أنا أصلا فيه حاجات مش فاكرها و مش فاهمها و كل شوية أسأل عنها ....

فاصل قصير لتناول العشاء ثم نواصل ....ابقوا معنا :blush2:

ميل مرسى دكتور( وش حد شيك!!!)

معلش ....و لو انه يبقى فضول شويه.....هو العشا ايه النهارده( وش حد فضولى جدا)

بهزر ...الف هنا و شفا......و تحياتى للمدام.

[د هشام ابراهيم]

والله يا دكتور هشام انت بتدي للناس تجربتك احنا بناخد منها خبره والاهم من كده ان الي حضرتك بتعمله ده هيكون نموذج الواحد يفتكره طول عمره ويعلمه لاولاده الا وهو حب الخير للاخر ،وحب التحرك الجماعي . يقال ان الاطباء الهنود نموذج في مساعدتهم لبعض لكن حضرتك بتثبت ان المصريين فيهم خير واتمني ان الروح دي تكون بين كل المصريين داخل وخارج مصر.

الي اي مدي ال سكور EE &QE1 ياثر في ال match

تحياتي وتقديري لكم وعام هجري وميلادي سعيد

الله يكرمك يا باشا و كل سنة و حضرتك طيب

الحقيقة إن الأخوة الهنود نموذج في حكاية مساعدة بعض ديه .... دكاترة و غير دكاترة .... ده حتي شيالين الشنط في المطار و سواقين التاكسي بيساعدوا بعض ...الصراحة حاجة تجبرك على أحترامهم سواء حبتهم أو لا

بالنسبة للسكور فطبعا عامل مرجح وسط العوامل الأخري انما مش هما الأساسيين يعني لو فرضنا أنا و حضرتك مقدمين على نفس البوست و ذي بعض في كل حاجة بس سكور حضرتك أعلي يبقى حيختاروا حضرتك انما لو أنا معايا سنوات خبرة أكتر و خبرة كندي و جوابات توصية إلخ يبقى حياخدوني أنا .... الوزن النسبي لكل عامل من دول غير معروف لي انما ممكن أسأل عليه

[د هشام ابراهيم]

متابعين يا د/هشام .. و في انتظار اخبارك الحلوه اللي وعدتنا بيها

الله يخليك يا باشا .... الأخبار هي اني جالي نيابة في تورنتو ....الحقيقة اني مبسوط جدا و بحمد ربنا ليل و نهار .... صحيح كان نفسي في أحسن من كده انما الحق يتقال أنا أحسن من ناس كتير من أول دكاترة شغالين سواقين تاكسي مرورا بدكاترة لسه بيحاولوا يخشوا السيستم من جوه و مش عارفين ذي ما أنا كنت بالظبط ال-٣ سنين اللي فاتت .... إن شاء الله ساواليكم بالاخبار :blush2:

[د هشام ابراهيم]

ميل مرسى دكتور( وش حد شيك!!!)

معلش ....و لو انه يبقى فضول شويه.....هو العشا ايه النهارده( وش حد فضولى جدا)

بهزر ...الف هنا و شفا......و تحياتى للمدام.

جو فزمبغيه مادام (وش حد ما اعرفوش :blush2:)

الله يهنيك و يسعدك دايما

الحقيقة إن النهارده كنا في زيارة لارز و ملحمة الغدير (إسم السوبر ماركت اللبناني و الجزار الحلال في سكاربورو.. تورنتو ) فالعشاء كان شهي فعلا و الحمد لله .... المدام بترد لحضرتك السلام و التحية :lol:

[Balooshy]

متابعين يا د/هشام .. و في انتظار اخبارك الحلوه اللي وعدتنا بيها

الله يخليك يا باشا .... الأخبار هي اني جالي نيابة في تورنتو ....الحقيقة اني مبسوط جدا و بحمد ربنا ليل و نهار .... صحيح كان نفسي في أحسن من كده انما الحق يتقال أنا أحسن من ناس كتير من أول دكاترة شغالين سواقين تاكسي مرورا بدكاترة لسه بيحاولوا يخشوا السيستم من جوه و مش عارفين ذي ما أنا كنت بالظبط ال-٣ سنين اللي فاتت .... إن شاء الله ساواليكم بالاخبار :blush2:

الف مبروووووووووووووووك يا د/هشام ..

والله تستحقها و كنت حاسسها من اول ما بدأت حضرتك كتابة الموضوع ..

كفايه حبك لمساعدة الناس .. لازم ربنا يكرمك آخر كرم ..

ربنا يوفقك و مستنيين حكايات اكتر و تفاصيل اكتر .. احنا طماعين و حضرتك خلتنا نطمع اكتر

[somayasaleh]

متابعين يا د/هشام .. و في انتظار اخبارك الحلوه اللي وعدتنا بيها

الله يخليك يا باشا .... الأخبار هي اني جالي نيابة في تورنتو ....الحقيقة اني مبسوط جدا و بحمد ربنا ليل و نهار .... صحيح كان نفسي في أحسن من كده انما الحق يتقال أنا أحسن من ناس كتير من أول دكاترة شغالين سواقين تاكسي مرورا بدكاترة لسه بيحاولوا يخشوا السيستم من جوه و مش عارفين ذي ما أنا كنت بالظبط ال-٣ سنين اللي فاتت .... إن شاء الله ساواليكم بالاخبار :blush2:

الف مبروك يا د هشام

ربنا يوفقك.....

كل عام وانت والمدام بخير