قصتي مع كندا

[hazemtara]

:blush2:

نيجي بقى لل-CEHPEA دول إيه نظامهم ....ال-CEHPEA شغالة في أونتاريو بس ....كل مقاطعة تقريبا فيها هيئة مسئولة عن الأطباء المتخرجين من خارج كندا و محاولة ادخالهم داخل السيستم الكندي ....ده أول اختلاف مع ال-CaRMS اللي شغالين علي كندا كلها مش مقاطعة بعينها

مين اللي يقدم لل-CEHPEA .... في رأيي أي حد عنده خبرة في تخصصه و عايز يكمل في نفس التخصص ....في ال-CaRMS إنت ممكن تقدم على تخدير في بريتش كولومبيا يجيلك Family Medicine في أونتاريو مثلا .... (باعتبار نيابات طب الأسرة ديه بتبقى ألاكثر على الأطلاق ما بين النيابات و أونتاريو أكبر مقاطعة كندية )

حاليا يشترط النجاح في ال-Q1 للتقديم

ال-CEHPEA بتعقد امتحانات للمتقدمين المقبولين في كل تخصص .... يعني ممكن حد يقدم و ال-CEHPEA ما تقبلوش .... أيوه ممكن سعادتك بتقدم طلبك و هما بينظروا فيه و لو مش مستوفي الشروط الموضوعة في الموقع بتاعهم ممكن يرفضوا الطلب جملة و تفصيلا

بعد الموافقة على الطلب إن شاء الله تبتدي الأمتحانات ... في التخدير ٣ امتحانات ...MCQ و شفوي و عملي ... الأمتحانات بيوصلوا لبعض يعني اللي ينجح في التحريري يمتحن شفوي و هكذا

النظام الجديد اللي دخلوه إن نتيجة الأمتحان في سنة بتبقى valid لكذا مرة و الحكاية ديه فادتني شوية

أول مرة قدمت في ال-CEHPEA (كانت ساعتها اسمها IMG ) جبت سكور استشاري (Practice ready ) انما ما عدتش ال-Q1 و ما نفعش أكمل (طبعا حاجة بايخة جدا و أنا شايف انها مش عدل انما life is not fair و هي ديه قواعد اللعبة ...Take it or leave it wst::

تاني مرة جبت سكور أقل ١٠ نقط فقط من مستوي استشاري و ما ردتش أخد نيابة سنة تانية ( غلطة ما لهاش لازمة ...كنت مدفوع من غضبي من المرة اللي قبليها و التأخير اللي أتأخرته قبل كده في ال-EE خلاني اتكبر علي النيابة و تاخدني العزة .... يا رب ما حدش يعمل كده أبدا .... دراستك السابقة ...شهاداتك خبرتك مش معترف بيها هنا ....لو جت فرصة تبتدي و لو من أولي النيابة خدها .... فيه مزايا كتير للحكاية ديه حاقولها بعدين انما افتكر إن فيه ناس كتير نفسهم في نصف فرصة زاي ديه .... حد يقولي طب و أنا علي بايه ما خاليني في اللي أنا فيه و بكرامتي ...أقوله صح ...لو إنت شايف كده يبقى كندا مش المكان ليك .... انما اللي شايف إن كندا تستاهل تضحيات و تعب و مجهود يبقى يوافقني إن أنا ضيعت الفرصة في السنة ديه

آخر مرة بقى اتعلمت الدرس قدمت على نيابة في ال-CEHPEA بسكور السنة اللي فاتت (عالي جدا على نيابة .... ١٠ نقط بس أقل من استشاري .... لظروف خاصة ما أقدرتش أخش الأمتحان تاني ) بس امتحنت أمتحان عملي كان أول مرة يعملوه في ال-CEHPEA للتخدير (العبد لله كل مرة قدم لل-CEHPEA كانت بنظام شكل .... حتي اسمهم أتغير !!) و الحمد لله جالي نيابة سنة تانية أبتديها من يوليو ٢٠٠٩ باذن الرحمن

ألف ألف مبروووووووووووووووووووك يا دكتور هشام وعقبال الدكتوراة يا رب :happy: :lol: wst::

[newcomer]

الاخت نيو كمر

معنى نيابه

ان الدكتور هشام كده ان شاء الله هيشتغل طبيب رسمى فى كندا

يعنى دخل السيستم الطبى الكندى خلاص ودى حاجه مش سهله خالص

لكن الحمد لله ربنا وفقه

مرسى يا استاذ Kaplanللتوضيح و الافادة....افادكم الله

طب كده..... اقول الف مبروك و انا فاهمة الحكاية

سؤال بقى.....كده يبقى الشوكولاته مش كفاية

دى عايزه هديه جامده ؟؟؟؟.... :blush2:

.ان شاء الله دايما اخبار مفرحة....

[د هشام ابراهيم]

الف الف مليون مبروك يا دكتور هشام الموضوع ده عايزله عزومه كبيره ياباشا .سبحان الله الذي قدر وجودك معانا في المنتدي .اتمني من الله ان يكتب لنا رؤيتك والتعرف عليكم.

الله يبارك في حضرتك ..... حضرتك صاحب بيت مش محتاج عزومة.... الحقيقة إن فيه عزومة موجودة النهارده.... جمع من العرب أهو قاعدين في تورنتو مفروض علي عشاء علشان الأخبار الحلوة و قاعدين كلنا متسمرين قدام التلفزيون نشوف أخبار غزة

مش عارف و الله أفرح يا أخي الفاضل حاسس بغصة في حلقي مش قادر أبلعها

ما عنديش حاجة أقولها غير يا رب

إن شاء الله يا أخي الفاضل ربنا يكرمك و أتشرف بمقابلتك و معرفتك وجه لوجه و نسمع عنك أخبار كويسة قريبا جدا و ألف شكر علي كل التهنئات المصورة .... بجد أثرت فيا جدا ربنا يجازيك كل خير

تم تعديل 3 يناير 2009 بواسطة د هشام ابراهيم

[د هشام ابراهيم]

الف مليون مبرووووووووووووووووك يادكتور.......والله انت ابن حلال وتستاهل كل خير وربنا يعطيك من فضله وكرمه......انت بتدى لكل الناس اللى هنا امل كبير جدا ولازم ربنا يكرمك ويساعدك زى مابتساعد الناس ....الف الف مبروك والله انا فرحتلك جدا ياباشا

الله يبارك في حضرتك و يجازيك كل خير و الحمد لله كثيرا أولا و اخرا و أبدا .... مشاعر حضرتك و السادة الأعضاء مست قلبي و أسعدتني رغم كل الظروف

الف الف مبروك..... وان شاء الله ياتي اليوم الزي تحقق فيه كل ما تريد

:blush2:

الله يبارك في حضرتك و اللهم تقبل دعائك يا رب ... بالفعل لم تكن الأخبار هي ما أصبو اليه و لكنها خطوة في الطريق الصحيح إن شاء الله .... ألف حمد و شكر لله

تم تعديل 3 يناير 2009 بواسطة د هشام ابراهيم

[znaty]

الخنازير يهاجمون غزة

اخوان لكم الان وعلى بعد كيلومترات قليلة منك يقاتلون تحت الليل عنكم وعن اسلامكم وعن شرفكم وعزتكم

مسلحين بلا اله الا الله محمد رسول الله

خزلتهم حكوماتكم وحكومات العرب والمسلمين

فلا تخزلوهم وتنسوهم حتى بالدعاء والبعد عن معصية الله

ادعوا لهم لعل الله يستجيب لدعائنا ويتجاوز عما فعلناه بهم بمعاصينا

اللهم يا ودود يا ودود يا ودود

ياذا العرش المجيد

يا فعال لما تريد

يا ذا الجلال والعزة

انصر اهلنا في غزة

اللهم انهم فقراء ..جوعي ...مرضي ...محاصرون قد انهكهم الجوع والبرد ...وارعبهم الخوف

تسلط عليهم اليهود الفاجرون ..اللهم فانصرهم ...اللهم فاكرمهم بنصرك وتأييدك ومعيتك وحفظك ورعايتك وتمكينك

اللهم امدهم بجند من عندك كجند يوم الاحزاب واقذف في قلوب اليهود الرعب

اللهم كثر نيران حماس في قلوبهم واسماعهم وابصارهم واضرب منهم الاعناق واضرب منهم كل بنان

امين امين امين

اقرؤا سورة الفتح الليله بالله عليكم واكثروا من قرائتها كل ليلة بنية نصرة اخوانكم في غزة

اذا كنت لا تستيطعون القتال الان ..فقط افعلوا شيئا تردوا به على ربكم يوم يسالكم اين كنتم

ولا حول ولا قوة الا بالله

[د هشام ابراهيم]

الف مبروك يا دكتور والله العظيم تستاهل ربنا يبارك كمان وكمان وتبقى وزير الصحة الكندى كمان :closedeyes: :blush2: :blush2:

وتعمل اتفاقية تعاون مشترك لتحسين الخدمة الطبية فى مصر :unsure:

ولو احتجت مدير اعمال يا ريت تفتكرنى

هعملك دعاية جامدة جدا جدا

مع تحيات

مدير اعمال وزير الصحة الكندى (دكتور هشام ابراهيم )

محمد علي

اللي يخلي حضرتك و يكرم أصلك ...وزير صحة مرة واحدة :lol: ... ربنا يكرمك و يحقق لك كل الاماني الطيبة بما فيه الخير لك و لمن تحب إن شاء الله

[د هشام ابراهيم]

Mabroooooooooooooooooooooook ya Dr Hesham

الف الف مبروك يا دكتور

فعلا انت انسان خير وتستحق بالتالي الخير الكثير

يا دكتور واحد بإصرارك ده و بعزيمتك دي لازم يكون شخص ناجح .. وده سر احساسي بإن نهاية الرحله دي ( اللي هي بدايه لرحله تانيه ) لازم تكون سعيده

الأخوة الأفاضل Gimie , qenawy, Balooshy

لكم جزيل الشكر و عظيم الامتنان و الله يبارك فيكم جميعا

[د هشام ابراهيم]

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ"

الانبياء ٨٧ ، ٨٨

هو دا السر يا باشا . ربنا يوفقك

الله يخليك يا دكتورنا الغالي ... القران طبعا كله درة القلب و العقل انما الايتين دول بالذات من سورة الأنبياء قلما قرأتهم و تدبرت معانيهم و لم تدمع عيني .... جزاك الله كل خير

[د هشام ابراهيم]

ألف ألف ألف مبروك ليك يادكتور هشام ..............والى الأمام

دائما ......وربنا هايكافئك كتير مش بس علشان أصرارك لأ كمان علشان روحك الحلوة ومساعدتك دايما لينا ودى الحاجة الرئيسية اللى

بيبقى عايزها المصرى المغترب فى الخارج ولو كل المصريين زى حضرتك عمرنا ماهنسميها غربة وهانبقى مثال يحتذى للمجتمعات

الأخرى .

الله يبارك في حضرتك .... كلام حضرتك أثلج صدري و أسعدني.... أنا باحاول علي قد ما أقدر و الله ... يعلم الله اني ما كنتش عايز أجيب أي سيرة دلوقتي خصوصا إن حالتي المزاجية مش تمام بسبب الأحداث الجارية انما هدفي كله المساعدة و الله من وراء القصد

طبعا الموضوع مش محتاج منى اى مدح لان وجود دكتور هشام فيه يعتبر اكبر مدح للموضوع نفسه :blush2:

انا طبعا قرات الموضوع حتة حتة وهو فعلا موضوع شيق جدا جد ا( المفروض يتعمل كتيب ارشادى )

ولى طبعا بعض الاسئلة :lol:

طولت عليك اعذرنى :closedeyes:

الله يخلي حضرتك و مشاركتك شرفت الموضوع ...اسئلة حضرتك مهما حاخليها في رد منفصل

الف مبروك يا دكتور هشام

تستحق كل خير  فعلا

نتمنى لك المزيد من التوفيق و النجاح

و اشكرك على سردك لخبراتك فى التقديم افدتنا كتير

الله يكرمك :blush2: :unsure:

الله يبارك في حضرتك يا دكتورنا العزيز و شكرا جزيلا على كلماتك و ذوقك ... إن شاء الله ربنا يوفقك لما يحب و يرضي

تم تعديل 3 يناير 2009 بواسطة د هشام ابراهيم

[د هشام ابراهيم]

اولا انا فهمت ان الزمالة البريطانية لا تغنى عن المعادلة الكندية فهل ده صحيح ؟

بالظبط الزمالة البريطانية حتسرع الطريق انما لا غني عن المعادلة و بعدها أمتحان الكلية الملكية

ثانيا هل الافضل الحصول على المعادلة الكندية قبل القدوم الى كندا (حاليا امتحانتها فى مصر biggrin.gif )

أكيد ... بتسهل الأمور جدا و تختصر الوقت ... لو كانت متاحة وقت ما جيت كنت أكيد حاولت اعملها قبل ما أجي هنا

ثالثا هل اذا تم الحصول على المعادلة من الممكن مخاطبة العديد فى المستشقيات الكندية كما فعلت حضرتك ؟

لا مش مظبوط ... الحصول علي المعادلة ضروري لمواصلة العمل كطبيب انما ما لهاش دعوة بالتقديم إلي المستشفيات .... بعد الحصول علي المعادلة تبقى في درجة ممارس عام و ديه ما لهاش فرص عمل كتير .... لازم كمان تعادل التخصص علشان تكمل .... الطريق لا إما ال-CaRMS لا إما ال-CEHPEA ... انظر عاليه :closedeyes:

رابعا ايه اللى يخلى طبيب انه يشتغل سواق تاكسى بالرغم من انه معاه المعادلة الكندية قبل ما يوصل كندا؟

لا إما لسه ما كملش المعادلة (٣ خطوات ) لا إما كمل بس ما لقاش مكان في ال-CaRMS أو ال-CEHPEA

يتبع :blush2:

[د هشام ابراهيم]

...........

خامسا هل الافضل عدم القدوم الى كندا قبل الحصول على سنوات خبرة من وزارة الصحة المصرية مثلا ؟

سادسا انا بحب الباطنة (لسه فى سنة خامسة ) والرعاية الحرجة(نظرا لحبى لدكتور حسام موافى :wub: )

اما مسألة طب الاسرة فاعتقادى الشخصى انها شبيهة بالباطنة العامة فهل فرص الحصول على وظيفة لهذه الاقسام

سهلة ولو نسبيا فى كندا؟

سابعا :حضرتك المبلغ اللى المفروض يكون فى رصيد الواحد قبل ما يسافر كندا كام سواء المطلوب اثباته فى السفارة

او المطلوب للمساعدة على العيش فى بادىء الامر

طولت عليك اعذرنى :blush2:

عدنا

بالنسبة لخامسا .... سنوات الخبرة بتقوي طلب الالتحاق بال-CaRMS أو بال CEHPEA لكن في رأيي هي سنوات ضايعة و لو الزمن رجع بي كنت قدمت على كندا بدري بدري .... يعني العبد لله خريج ١٩٩٥ و معاه دكتوراه من جامعة القاهرة ...يمكن ما تساويش حاجة دلوقتي .....بس الحقيقة سهلت حصولي على وظيفة Fellow لمدة ٣ سنين و سهلت طلب تقديمي لل-CEHPEA .... في نفس الوقت ناس حبايبي خريجين ٢٠٠٠ خلصوا امتياز و جم كندا هما دلوقتي نايب سنة رابعة و أنا من يوليو ٢٠٠٩ إن شاء الله نايب سنة تانية

سادسا ...ياااه د حسام موافي الراجل ده افضاله كتير علي الكل رغم كل حاجة و بغض النظر على حاجات تانية

الحقيقة الباطنة و الرعاية مش سهلين انما مش مستحيلين يعني بس أكيد مش بسهولة طب الأسرة و لا التخدير مثلا

سابعا .... أيام ما جيت السفارة كانت طالبة ١١ ألف دولار كندي أو ما يعادلهم في البنك بس الكلام ده من بتاع أربع سنين و لطلب الهجرة بتاعي ....أعتقد إنه بيفرق من شخص لاخر حسب حاجات كتير

و بالتوفيق إن شاء الله يا دكترة

[د هشام ابراهيم]

مبروك د هشام والله تستاهل كل الخير لطيبة قلبك

سؤال

هل هناك family medicine fellowship وبالنسبة internal medicine fellowship سهل الحصول عليها

شكرا

الله يبارك في حضرتك ... بصراحة ما عنديش معلومات عن fellowship طب أسرة .... انما فيه باطنة و الحصول عليها صعبة نسبيا

الحصول على fellowship يخضع للتوفيق بنسبة كبيرة و الشروط و الأماكن المتاحة بتتغير سريعا ... أسهل حل و اللي نفع معايا شخصيا البحث علي النت و التقديم المباشر و إن شاء الله ربنا يوفقك

[د هشام ابراهيم]

بما انى مش من ملائكة الرحمة ( مش طبيبة يعنى.....لحسن حد يفهم غلط....انى شريرة مثلاااااااا) wst::

فانا مفهمتش اوى ....يعنى ايه نيابة.....بس واضح انها حاجة كويسه

بدليل التهنيئات اللى بتتكتب لحضرتك

و بدليل ان حضرتك مبسوط

فبالتالى انا كمنسق عام للاجيبشيان كنديان اكسرز......لازم اهنى حضرتك....و بشده :blush2: :wub:

هابعت لحضرتك علبة شوكلاتة باتشى ....علشان تبقى

تهنئة بالمكسرات....!!!

الف مبروك يا دكتور

الاخت نيو كمر

معنى نيابه

ان الدكتور هشام كده ان شاء الله هيشتغل طبيب رسمى فى كندا

يعنى دخل السيستم الطبى الكندى خلاص ودى حاجه مش سهله خالص

لكن الحمد لله ربنا وفقه

مرسى يا استاذ Kaplanللتوضيح و الافادة....افادكم الله

طب كده..... اقول الف مبروك و انا فاهمة الحكاية

سؤال بقى.....كده يبقى الشوكولاته مش كفاية

دى عايزه هديه جامده ؟؟؟؟....

.ان شاء الله دايما اخبار مفرحة....

ألف شكر للاخ الفاضل Kaplan علي التوضيح و كل ما قاله صحيح ....

بصي يا سيدتي الفاضلة أولا الله يبارك فيكي و يكرمك و يجازيك خيرا و كفاية علي هدية دعواتك الصالحة و مشاعرك الصادقة

النيابة عادة بتبقى فترة تدريب بعد التخرج لعدة سنين تبعا للتخصص ( في كندا بالنسبة للتخدير ٥ سنين ) في اخرها يسمح للطبيب التقدم لامتحان الكلية الملكية الكندية .... اذا نجح في الامتحان ده (المشهور بالبورد الكندي) بيبقى استشاري كامل

للدخول في السيستم الكندي من خلال هيئة تسمي CEHPEA مسئولة عن استيعاب الاطباء الاجانب يجب اجتياز عدة امتحانات و بعدين يصنف المتقدم تبعا للسكور بتاعه إلي

- غير لائق

- نايب سنة تانية

- استشاري تحت الأختبار

العبد لله حاول كذا مرة يدخل من خلال المستوي الأعلي و لاسباب كتير لم يصادفني التوفيق .... مرة من مرات التقديم رفضت مستوى نايب سنة تانية ( غلطة كبيرة و سبب أساسي اني باكتب الموضوع ده اني حسيت إن التكفير عن الغلطة ديه ما لوش حل غير تحذير الناس من الوقوع في نفس الغلطة )

عيب النيابة إن الواحد حيرجع يشتغل تحت أشرف أستشاريين ... نسبة منهم حتبقى أصغر منه سنا .... المرتب برضه حيقل شوية عن fellow ... و بالنسبة لي حيفضل عندي احساس بالذنب اني رفضت الفرصة ديه قبل كده .... النيابة في تورنتو و شغل المدام في نياجارا علي بعد ١٢٠ كم

المزايا ان الواحد كده دخل جوه السيستم الطبي الكندي و ديه فعلا حاجة مش سهلة .... كتير من زمايلي و منهم اللي أكبر مني سنا عملوا كده و الكلية الملكية اختصرت ليهم سنين التدريب لما أطمنوا إن مستواهم أعلي من مستوى اقرانهم ..... جزء من التدريب بيبقى على الأمتحانات و كيفية النجاح فيها ..... حافضل في تورنتو و هي فعلا مدينة جميلة و أنا باحبها جدا

[د هشام ابراهيم]

ألف ألف مبروووووووووووووووووووك يا دكتور هشام وعقبال الدكتوراة يا رب :wub: wst::

الله يبارك في حضرتك يا دكتورنا الغالي و ألف شكر علي كلماتك المشجعة دائما :blush2: ....

[د هشام ابراهيم]

.......

اللهم يا ودود يا ودود يا ودود

ياذا العرش المجيد

يا فعال لما تريد

يا ذا الجلال والعزة

انصر اهلنا في غزة

........

كل التقدير لمشاعرك الصادقة و تفاعلك مع الأحداث الجارية و أخلص الدعوات لاهلنا في غزة ....و يا ريت نعمل أكتر من مجرد الدعاء .... رغم أهميته انما لازم نحاول نساعد بصورة عملية حتي لو كان مجرد التبرع المادي

تم تعديل 4 يناير 2009 بواسطة د هشام ابراهيم

[AL MUHAGER]

الف مليون مبروك يا دكتورنا الكبير هشام وعقبال ما تبقي اكبر دكتور في كندا

[ايناس احمد]

الف الف مبروووووووووووووووك يادكتور هشام :wub: :blush2:

حقيقى انت تستاهل كل خير ربنا يوفقك

[casanooovaaa]

الف مبروووووووووووووووك يا د/هشام واللهى فرحتلك جدا جدا كانى عارفك من 100 سنة و ربنا يكرمك و يناولك كل اللى تتمناه اميين اميين :hearts: :wub:

[pharaon]

الف مبروك يا دكتور والله العظيم تستاهل ربنا يبارك كمان وكمان وتبقى وزير الصحة الكندى كمان :hearts: :wub:

وتعمل اتفاقية تعاون مشترك لتحسين الخدمة الطبية فى مصر :lol:

ولو احتجت مدير اعمال يا ريت تفتكرنى

هعملك دعاية جامدة جدا جدا

مع تحيات

مدير اعمال وزير الصحة الكندى (دكتور هشام ابراهيم )

محمد علي

اللي يخلي حضرتك و يكرم أصلك ...وزير صحة مرة واحدة :) ... ربنا يكرمك و يحقق لك كل الاماني الطيبة بما فيه الخير لك و لمن تحب إن شاء الله

[Alazhar]

طبعا يجب على انى اشكر حضرتك لسعة صدرك :hearts: وارجو ان حضرتك تستحمل اسئلتى

بالظبط الزمالة البريطانية حتسرع الطريق انما لا غني عن المعادلة و بعدها أمتحان الكلية الملكية

هتسرع الطريق ازاى

بعد الحصول علي المعادلة تبقى في درجة ممارس عام و ديه ما لهاش فرص عمل كتير .... لازم كمان تعادل التخصص علشان تكمل .... الطريق لا إما ال-CaRMS لا إما ال-CEHPEA ... انظر عاليه

هل حضرتك زظيفة الممارس العام وظيفة مش موجودة اساسا فى كندا وهل دى الفترة اللى فيها العمل بمهنة اخرى غر الطب غسيل اطباق

حضرتك بتقول لازم اعادل التخصص ده فى حالة لو انا عملت ماستر فى مصر هنا ؟

إما لسه ما كملش المعادلة (٣ خطوات ) لا إما كمل بس ما لقاش مكان في ال-CaRMS أو ال-CEHPEA

طب وايه التخصص اللى يخلى نسبة الفرص اعلى ؟

الحقيقة الباطنة و الرعاية مش سهلين انما مش مستحيلين يعني بس أكيد مش بسهولة طب الأسرة و لا التخدير مثلا

يافندم هل الصعوبة فى نسبة الفرص بالنسبة لجميع كندا ام بالنسبة للمدن الكبيرة فقط

طب انا لى رجاء بفرض ان واحد خلص الامتياز فى مصر وحصل على ال MCCEE الموجود فى مصر اتمنى ان حضرتك تكتب لى 1 يعمل كذا 2 يعمل كذا

واخيرا هل طب الاسرة بمفهومه الظاهرى زى قسم الباطنة العامة يعنى او اشبه الى الممارس العام ؟

انا قرات عنه وعن انه فى 2012 النظام هيطبق فعلا فى مصر وان كل دول الخليج بتطلب القسم ده

هو طبعا فى امريكا من 1970

احب يا دكتور ان حضرتك تكلمنى عنه (من وجهة النظر الكندية ) وعن فرصته ؟

وليه مافيش اقبال عليه فى كندا (هل لان اغلب الاطباء بكونوا جايين بعد ما اتخصصوا اساسا )؟

وشكرا :wub: