قصتي مع كندا

[د هشام ابراهيم]

ربنا يخليك يا دكتور الاول حضرتك تروح وترجع بالف سلامة انشاء الله

ولما حضرتك ترجع بالسلامة انشاء الله مفيش مشكلة

وبعدين السؤال ده محتاج مخمخة فعلا

كلك ذوق يا باشا شاكر لحضرتك سعة صدرك و حسن تفهمك

[somayasaleh]

الف الف الف مبروك يا دكتور هشام

الي الامام

عقبال يارب لما نبارك لك علي الاستشاري

عندي سؤال ياريت القي اجابه عند حضرتك؟

انا بنتي خلصت الشهاده الثانويه الانجليزيه من مصر IGCSE

وان شاء الله علي السنه الجايه نكون في كندا... هي عايزه تدرس طب زي باباها

السؤال هو.......ما هي المواد التي تؤهلها لدخول كليه من كليات الطب في كندا؟

وهل لو دخلت هنا في مصر السنه ده طب يتحسب لها المواد......

ولا الافضل تدخل علوم ؟ بصراحه انا مش فاهمه السيستم الطبي ماشي ازاي في كندا؟

يا ريت حضرتك تساعدني في الموضوع ده

الله يبارك في حضرتك و بالتوفيق إن شاء الله

دراسة الطب في كندا من أصعب ما يمكن و من أغلي ما يمكن .... احنا بنتكلم علي ٢٥ أو ٣٠ ألف دولار كندي في السنة مصاريف دراسة

كل كلية طب ليها النظام الخاص بها .... عادة الطالب بيخش كلية علمية الاول يدرس بيولوجي و كمياو ما شابههم ك Majors ( غالبا ٣ سنين ) و بعدين يقدم علي الألتحاق بكلية الطب و يدرسوا طلبه و يعقدوا مقابلة شخصية قبل القبول بعدين يخش كلية الطب لمدة ٤ سنين و بعدين يخش الامتحان الموحد علي مستوي كندا لجميع طلبة الطب

بعد النجاح في الامتحان بيقدم علي تنسيق النيابات و كثيرا ما ينتهي الحال به في مقاطعة مختلفة عن تلك التي درس الطب بها

لو حضرتك محددة الأقامة حتبقى فين في كندا إن شاء الله ممكن أقول لحضرتك أنهي كلية طب أقرب ليكي و نشوف شروطهم إيه

في القرارات المصيرية اللي زاي ديه أفضل التحدث مباشرة مع الجهة المسئولة .... يعني نخاطب كلية الطب الفلانية مباشرة بالمواد اللي بنت حضرتك درستها أو ناوية تدرسها باذن الرحمن و نسألهم مدي مناسبتها لتكملة الدراسة بالجامعة ديه و هكذا مع كلية الطب العلانية و الأخرون

دكتورنا اعزيز الف الف شكر علي سرعه الرد

جزاك الله كل خير

احنا ناويين علي اونتاريو ان شاء الله

وانا دخلت علي مواقع الجامعات هناك علي النت وعرفت شويه معلومات مفيده منها ماك ماستر

بس السؤال ياتري ح يقبلوا بالمواد اللي حتدرسها هنا في مصر ولا لا؟

وشكرا مره اخري علي الاهتمام

[basem mohsen]

خلصت ورق زوجتي الاول وهي في كندا دلوقت بتمتحن يوم 14 & 15 يناير2009 .أي خدمه من صيدله لجميع القراءعيون

اولا بالتوفيق ان شاء الله للمدام بس كنت عايز اسال حضرتك انت انت فيدرال ولا كيبيك ؟

تانى حاجه ايه اخبار شغل الصيادله هناك كويسه ولا لا؟ يعنى ممكن الواحد يلاقى شغل ولا هيشتغل حاجه تانيه غير الصيدله

[Balooshy]

سؤال غريب شويه يا د/هشام .. مالوش علاقه مباشره بكندا .. بس يهمني جدا اجابتك عليه .. لأنها هتفيدني كتير في مستقبلي بره مصر .. و لأنك اكتر حد ممكن يفيدني فيها ..

مقدمه لابد منها .. انا هستلم نيابة في الجامعه في شهر 8 اللي جاي .. عيني على بره مصر ..

عارف جدا اهمية الأبحاث و الـ Publications و بالذات في Indexed Journals كـ First Author or Second or even Assistant ..

لكن مش عارف ايه سكتها من مصر .. ازاي ممكن ابتدي من النهارده .. آخد موضوع معين و اعمل عليه ابحاث بمجهودي الخاص و بتكلفه شخصيه و بعدين انقل بحثي ده لمجلات معروفه .. وازاي اعمل Case reports لحالات نادره ممكن تقابلني ..

انا عارف ان الحاجات دي ممكن تيجي بعدين .. بس انا نفسي ابدأ فيها قريب و من مصر ..

انا عارف السؤال عايم شويه .. و الاجابه عليه محتاجه شرح كتير .. بس لو حضرتك تقول نقط رئيسيه او معلومات انا ادور عليها يبقى جزاك الله كل خير .

[hazemtara]

تسجيل متابعة واعجاب يا دكتور هشام :lol:

ربنا يوفقك وتفيد الناس اكثر وأكثر wst::

[samehelassad]

تسجيل متابعة يادكتور. تحية طيبة وعطرة ليك. :blink: :P

[مجبورة ان شاء الله]

السلام عليكم

كيف الحال يارب تكونو جميع فى احسن حال

اين باقى التجربة يادكتور هشام ؟

ونريد ممعرفة المزيد عن الاسعار واللذى منه عن الحياة اليوميه وما هو متوسط المصريف الاسرية بالنسية للاسرة ؟

وماهو المبلغ المالى الذى يجب احضاره معنا فى اول شهور ؟

وهل يجب اخذ نفس المبلغ اللى وقعنا عليه عند المقابلة ولا لاء ؟

وشكرا

عذرا على كثرة الاستفسارات

بس فى مقولة

اسال مجرب ومتسالش طبيب ؟

:blink: B) :lol: :lol:

اسال الله العفو والعافية فى الدنيا والاخرة لى ولكم جميعا

[د هشام ابراهيم]

الأخوة و الأخوات الافضل عذرا للتأخير .... يمكن الكتير يعرفوا إن المدام قاعدة في سانت كاترين و العبد لله قاعد في تورنتو و ديه ظروف الشغل و الدراسة ....المسافة ١١٥ كم بالظبط تاخد ساعة سواقة لو الطريق فاضي ...لو زحمة يبقى حسب ....ساعة و نص ....٢ ...٣ مرة خدت ٣ ساعات و نص كان فيه حادثة كبيرة و الطريق كان مقفول

المهم الويك اند ده نزلت سانت كاترين و انشغلت في أمور البيت هناك .... بيت تورنتو عبارة عن شقة في عمارة و الدنيا سهلة جدا ...لا ليك دعوة بتلج و لا ممشي و لا حاجة ....أي مشكلة صيانة تكلم أدارة العمارة و يبعتوا حد يتصرف .... جواباتك بتيجي جوه العمارة في صندوق خاص و لو فيه طرد بريدي الاستقبال (شغال ٢٤ ساعة ) بيستلمه نيابة عنك .....إلخ إلخ ...الصراحة أخر دلع

سانت كاترين بقى بيت إنت مسئول عن كل حاجة .... تشيل التلج من مدخل الجراج ....لو لمبة أتحرقت حاجة باظت أي حاجة إنت اللي شايل الليلة ....حتي الزبالة ليها نظام و لازم تفرز الزبالة لمواد عضوية و ورق و بلاستيك ..إلخ (الفرز موجود برضه في تورنتو بس مش بالصرامة ديه و كمان كل يوم تتخلص من الزبالة على صناديق العمارة .... سانت كاترين العربية بتيجي مرة واحدة في الأسبوع )

ما علينا المهم الويك اند ده كان كله شغل في بيت سانت كاترين ...احنا كمان لسه ناقلين من كام شهر و لسه البيت محتاج حاجات كتير و احنا محتاجين وقت علي بال ما نتعود ...ربنا يسهل

نواصل الارسال بقى :hi:

[somayasaleh]

الأخوة و الأخوات الافضل عذرا للتأخير .... يمكن الكتير يعرفوا إن المدام قاعدة في سانت كاترين و العبد لله قاعد في تورنتو و ديه ظروف الشغل و الدراسة ....المسافة 115 كم بالظبط تاخد ساعة سواقة لو الطريق فاضي ...لو زحمة يبقى حسب ....ساعة و نص ....2 ...3 مرة خدت 3 ساعات و نص كان فيه حادثة كبيرة و الطريق كان مقفول

المهم الويك اند ده نزلت سانت كاترين و انشغلت في أمور البيت هناك .... بيت تورنتو عبارة عن شقة في عمارة و الدنيا سهلة جدا ...لا ليك دعوة بتلج و لا ممشي و لا حاجة ....أي مشكلة صيانة تكلم أدارة العمارة و يبعتوا حد يتصرف .... جواباتك بتيجي جوه العمارة في صندوق خاص و لو فيه طرد بريدي الاستقبال (شغال 24 ساعة ) بيستلمه نيابة عنك .....إلخ إلخ ...الصراحة أخر دلع

سانت كاترين بقى بيت إنت مسئول عن كل حاجة .... تشيل التلج من مدخل الجراج ....لو لمبة أتحرقت حاجة باظت أي حاجة إنت اللي شايل الليلة ....حتي الزبالة ليها نظام و لازم تفرز الزبالة لمواد عضوية و ورق و بلاستيك ..إلخ (الفرز موجود برضه في تورنتو بس مش بالصرامة ديه و كمان كل يوم تتخلص من الزبالة على صناديق العمارة .... سانت كاترين العربية بتيجي مرة واحدة في الأسبوع )

ما علينا المهم الويك اند ده كان كله شغل في بيت سانت كاترين ...احنا كمان لسه ناقلين من كام شهر و لسه البيت محتاج حاجات كتير و احنا محتاجين وقت علي بال ما نتعود ...ربنا يسهل

نواصل الارسال بقى :hi:

الله ينور يا دكتور

تسجيل متابعة...... واستفادة ايضا

وفقك الله

[د هشام ابراهيم]

دكتورنا اعزيز الف الف شكر علي سرعه الرد

جزاك الله كل خير

احنا ناويين علي اونتاريو ان شاء الله

وانا دخلت علي مواقع الجامعات هناك علي النت وعرفت شويه معلومات مفيده منها ماك ماستر

بس السؤال ياتري ح يقبلوا بالمواد اللي حتدرسها هنا في مصر ولا لا؟

وشكرا مره اخري علي الاهتمام

العفو يا سيدتي الفاضلة و لك بمثل دعائك الطيب باذن الله

الحقيقة مكماستر جامعة هايلة و قوية جدا ... يا رب تكون من نصيبكم باذن الرحمن .... هما بس شروطهم صعبة شأنهم كشأن كل الجامعات الكبري فمهم تقدمي في كذا جامعة لتحسين فرص القبول ... فيه كمان تورنتو و كوينز و وسترن أونتاريو و أوتاوا و غيرهم ....ربنا يقدملك الخير

مهم جدا الأتصال المباشر بيهم علشان حكاية المواد المؤهلة .... الحكاية ديه مش حتنفع فيها أراء شخصية لازم الرد يكون من الجامعة مباشرة منعا لأي لبس

[pharaon]

متسانيش يا دوك :hi:

[د هشام ابراهيم]

خلصت ورق زوجتي الاول وهي في كندا دلوقت بتمتحن يوم 14 & 15 يناير2009 .أي خدمه من صيدله لجميع القراءعيون

اولا بالتوفيق ان شاء الله للمدام بس كنت عايز اسال حضرتك انت انت فيدرال ولا كيبيك ؟

تانى حاجه ايه اخبار شغل الصيادله هناك كويسه ولا لا؟ يعنى ممكن الواحد يلاقى شغل ولا هيشتغل حاجه تانيه غير الصيدله

للرفع ...

أعتقد إن السؤال موجه لاخ فاضل كان شارك هنا قبل كده .... العبد لله جاوب علي سؤال مشابه برضه قبل كده .... اللي يقدر يجاوب برضه أهلا و سهلا ... المهم الأستفادة للكل

[د هشام ابراهيم]

سؤال غريب شويه يا د/هشام .. مالوش علاقه مباشره بكندا .. بس يهمني جدا اجابتك عليه .. لأنها هتفيدني كتير في مستقبلي بره مصر .. و لأنك اكتر حد ممكن يفيدني فيها ..

مقدمه لابد منها .. انا هستلم نيابة في الجامعه في شهر 8 اللي جاي .. عيني على بره مصر ..

عارف جدا اهمية الأبحاث و الـ Publications و بالذات في Indexed Journals كـ First Author or Second or even Assistant ..

لكن مش عارف ايه سكتها من مصر .. ازاي ممكن ابتدي من النهارده .. آخد موضوع معين و اعمل عليه ابحاث بمجهودي الخاص و بتكلفه شخصيه و بعدين انقل بحثي ده لمجلات معروفه .. وازاي اعمل Case reports لحالات نادره ممكن تقابلني ..

انا عارف ان الحاجات دي ممكن تيجي بعدين .. بس انا نفسي ابدأ فيها قريب و من مصر ..

انا عارف السؤال عايم شويه .. و الاجابه عليه محتاجه شرح كتير .. بس لو حضرتك تقول نقط رئيسيه او معلومات انا ادور عليها يبقى جزاك الله كل خير .

بالعكس السؤال مش غريب و لا حاجة بس للاسف الشديد البحث العلمي بمفهومه الحقيقي غير موجود تقريبا

في مصر

في مجال الطب الدافع الوحيد للبحث العلمي في الأغلب الأعم هو الترقيات الجامعية ... عادة الناس اللي عليها الدور في الترقية بتحاول تعمل أبحاث و ورق و بتاع .... حسب القسم اللي حضرتك حتعمل فيه البحث ممكن تشارك بحث قائم فعلا أو تعرض خدماتك مقابل وضع اسمك على البحث وقت النشر

فيه أقسام البحث فيها نشط شوية ...المعامل ....الميكرو بيولوجي .... الجينات و الوراثة ..إلخ فالفرص فيها أقوي

النشر ده حدوتة تانية طبعا

لو حضرتك من قاطني القاهرة ...معهد الأورام برضه نشط في موضوع البحث العلمي ده

بالتوفيق إن شاء الله

[د هشام ابراهيم]

تسجيل متابعة واعجاب يا دكتور هشام :hi:

ربنا يوفقك وتفيد الناس اكثر وأكثر

تسجيل متابعة يادكتور. تحية طيبة وعطرة ليك. :lol: :lol:

الله ينور يا دكتور

تسجيل متابعة...... واستفادة ايضا

وفقك الله

الله يخليكم و يباركلكم جميعا ....متابعتكم تشرفني و تسعدني دوما ... جزاكم الله كل خير علي كلماتكم المشجعة

متسانيش يا دوك :hi:

العفو يا باشا ...أنساك ازاي بس .... بامخمخ أهو :lol:

[د هشام ابراهيم]

السلام عليكم

كيف الحال يارب تكونو جميع فى احسن حال

اين باقى التجربة يادكتور هشام ؟

ونريد ممعرفة المزيد عن الاسعار واللذى منه عن الحياة اليوميه وما هو متوسط المصريف الاسرية بالنسية للاسرة ؟

وماهو المبلغ المالى الذى يجب احضاره معنا فى اول شهور ؟

وهل يجب اخذ نفس المبلغ اللى وقعنا عليه عند المقابلة ولا لاء ؟

وشكرا

عذرا على كثرة الاستفسارات

بس فى مقولة

اسال مجرب ومتسالش طبيب ؟

:hi: :hi: :lol:

اسال الله العفو والعافية فى الدنيا والاخرة لى ولكم جميعا

و عليكم السلام و رحمة الله و بركاته ...جزاكي الله كل خيرا على الدعاء الصالح .... ربنا يتقبل باذن الله و يثيبك بالمثل و أكثر من فضله

طبعا مسألة المصاريف الشهرية ديه حتفرق جامد من واحد للتاني ... لعيشة كريمة تجربتي الشخصية ٢٥٠٠ ال-٣٠٠٠ دولار كندي في الشهر مناسبين كبداية ... عيشة كريمة من غير بحبحة يعني

علي أيامي ما كانش شرط تجيب الفلوس معاك كندا بس اعذريني سيدتي لو الشروط اتغيرت صراحة أنا مش عارف الوضع الحالي إيه

تقرير مفصل عن الأسعار من طبيب و مجرب بعد الفاصل :lol:

[pharaon]

تسلم والله يا دكتور على زوقك :hi: :hi:

[د هشام ابراهيم]

أول ما جيت كندا ..يونيو ٢٠٠٥ كنت حاسس إن كندا غالية جدا ... طبعا كنت باحسب كل حاجة بالجنيه المصري و عقلي بيحول السعر أوتوماتيكيا يعني القهوة اللي ب-٢ دولار تبقى بعشرة جنيه علي طول ( الدولار مقابل الجنيه بيتأرجح حوالين ه جنيه بقاله كام سنة ...وصل ل ٥ و ربع و حاليا حوالي ٤ جنيه و ٦٠ قرش )

طبعا الحكاية ديه تعبتني لحد ما استخدمت أسلوب كنت باستخدمه و أنا في اليابان و أوروبا :hi:

لمقارنة ألاسعار بين دول مختلفة (في مستوى المعيشة و الدخول و الضرايب إلخ ) :

١ - أحسب الأسعار بوحدة نقد مش مهم اسم العملة ... يعني لو في كندا كباية القهوة ب-٢ دولار ... تبقى مفروض ب-٢ جنيه في مصر و ٢٠٠ ين في اليابان و ٢ يورو في أوروبا .... إلخ

٢ - وحدة المقارنة المثالية سندوتش البيج ماك بتاع مكدونالدز ... بغض النظر عن أي اعتبارات ...مكدونالدز منتج عالمي موجود في أغلب دول العالم و تقريبا نفس المنيو (ملحوظة جانبية .... ما فيش ماك أرابيا في كندا ....و تركيا كان فيها ماك كيفته ...كفتة يعني :lol: ما لقيتيوش في حتة تانية )

المهم قعدت سنتين مثلا باطبق النظرية الأقتصادية الهشامية ديه و بيها كندا أرخص من مصر .... زيارتي الأخيرة لمصر رمضان و العيد اللي فات نسفوا النظرية ...خلاص ما لهاش لازمة .... بأي مقاييس مصر بقت أغلي من كندا ....قهوة إيه اللي ب-٢ جنيه .... راجع أسعار كوستا أو بينوز أو ستارباكس أو ألان دي نوتر أو كافيتريا أي نادي في القاهرة زاي الاهلي أو الصيد ....تجيبها يمين تجيبها شمال مصر بقيت أغلي من كندا .... علما بان الجودة مختلفة و مش حاقول لكم مين الجودة اللي أحسن :hi:

[د هشام ابراهيم]

تسلم والله يا دكتور على زوقك :hi: :hi:

الله يسلمك من كل أذي يا باشا

تابعونا بعد صلاة المغرب (توقيت تورنتو )

[somayasaleh]

دكتورنا اعزيز الف الف شكر علي سرعه الرد

جزاك الله كل خير

احنا ناويين علي اونتاريو ان شاء الله

وانا دخلت علي مواقع الجامعات هناك علي النت وعرفت شويه معلومات مفيده منها ماك ماستر

بس السؤال ياتري ح يقبلوا بالمواد اللي حتدرسها هنا في مصر ولا لا؟

وشكرا مره اخري علي الاهتمام

العفو يا سيدتي الفاضلة و لك بمثل دعائك الطيب باذن الله

الحقيقة مكماستر جامعة هايلة و قوية جدا ... يا رب تكون من نصيبكم باذن الرحمن .... هما بس شروطهم صعبة شأنهم كشأن كل الجامعات الكبري فمهم تقدمي في كذا جامعة لتحسين فرص القبول ... فيه كمان تورنتو و كوينز و وسترن أونتاريو و أوتاوا و غيرهم ....ربنا يقدملك الخير

مهم جدا الأتصال المباشر بيهم علشان حكاية المواد المؤهلة .... الحكاية ديه مش حتنفع فيها أراء شخصية لازم الرد يكون من الجامعة مباشرة منعا لأي لبس

الف شكر لحضرتك يا دكتور

احنا فعلا بدأنا نراسل الجامعات ده وربنا يكتب لنا الخير ان شاء الله

تسجيل متابعه واعجاب كمان وكمان

[pharaon]

متابعين يا دكتور