قصتي مع كندا

[Basilisk]

الأخ الفاضل د.هشام ابراهيم بارك الله فيك وجزاك خير الجزاء على سعة صدرك و على ماقدمته لنا من معلومات قيمة أفادتنا نحن شباب الأطباء المصريين والكثيرين من غير الأطباء.

للأمانة أقول لك ماأشعر به تجاهك من راحة نفسية شديدة ومعزة أخوية و أتمنى ان تعتبرني أخا صغيرا لك ان لم يكن في صدرك حرج من ذلك , بارك الله لك.

أنا طبيب شاب أبلغ من العمر 27 عاما و أعمل حاليا كطبيب مقيم بقسم الطب الحرج والرعاية المركزة باحدى المستشفيات الجامعية المصرية وفي طريقي باذن الله لأكمال درجة الماجستير وكان لي عند حضرتك بعض الأسئلة بخصوص المعادلة و البورد الكندي :

1.هل هناك تخصص مستقل معروف باسم الطب الحرج (critical care medicine/intensive care medicine) ,و ليس له علاقة بتخصص التخدير و العناية المركزة الجراحية أو تخصص صدرية أو أمراض باطنة ( سبب السؤال هو ان بورد الطب الحرج كتخصص مستقل ليس شائعا و غالبا ما يكون مكملا للتخدير او الصدرية أو الباطنة)

2.أذا كان موجودا , فهل من الممكن ان اعرف معلومات عنه ( مستقبله العلمي , مدى توفره او الحصول عليه , fellowship , الحوافز المادية)

3. اذا لم يكن موجودا هل ماجستير الطب الحرج سيكون له قيمة اذا فكرت أن اكمل باذن الله في تخصص كصدرية أو باطنة ( هل له قيمة في كندا )

4.هل (MRCP) سيكون لها قيمة في كلا الحالتين.

5. هل البورد الكندي كقيمة علمية يعتبر أفضل من البورد الأمريكي و هل يسمح بالعمل به في امريكا

6. ماهي الكلفة المادية تقريبا اذا أردت أن اكمل لأجزاء الأولى من المعادلة في مصر.

آسف لأن اسئلتي كثيره , بارك الله فيك وأدام لك و لزوجك الصحة والعافية

[د هشام ابراهيم]

الف شكر لحضرتك يا دكتور

احنا فعلا بدأنا نراسل الجامعات ده وربنا يكتب لنا الخير ان شاء الله

تسجيل متابعه واعجاب كمان وكمان

العفو يا سيدتي الفاضلة و إن شاء الله نسمع أخبار كويسة جدا قريب

[د هشام ابراهيم]

متابعين يا دكتور

:wub:

[Balooshy]

سؤال غريب شويه يا د/هشام .. مالوش علاقه مباشره بكندا .. بس يهمني جدا اجابتك عليه .. لأنها هتفيدني كتير في مستقبلي بره مصر .. و لأنك اكتر حد ممكن يفيدني فيها ..

مقدمه لابد منها .. انا هستلم نيابة في الجامعه في شهر 8 اللي جاي .. عيني على بره مصر ..

عارف جدا اهمية الأبحاث و الـ Publications و بالذات في Indexed Journals كـ First Author or Second or even Assistant ..

لكن مش عارف ايه سكتها من مصر .. ازاي ممكن ابتدي من النهارده .. آخد موضوع معين و اعمل عليه ابحاث بمجهودي الخاص و بتكلفه شخصيه و بعدين انقل بحثي ده لمجلات معروفه .. وازاي اعمل Case reports لحالات نادره ممكن تقابلني ..

انا عارف ان الحاجات دي ممكن تيجي بعدين .. بس انا نفسي ابدأ فيها قريب و من مصر ..

انا عارف السؤال عايم شويه .. و الاجابه عليه محتاجه شرح كتير .. بس لو حضرتك تقول نقط رئيسيه او معلومات انا ادور عليها يبقى جزاك الله كل خير .

بالعكس السؤال مش غريب و لا حاجة بس للاسف الشديد البحث العلمي بمفهومه الحقيقي غير موجود تقريبا

في مصر

في مجال الطب الدافع الوحيد للبحث العلمي في الأغلب الأعم هو الترقيات الجامعية ... عادة الناس اللي عليها الدور في الترقية بتحاول تعمل أبحاث و ورق و بتاع .... حسب القسم اللي حضرتك حتعمل فيه البحث ممكن تشارك بحث قائم فعلا أو تعرض خدماتك مقابل وضع اسمك على البحث وقت النشر

فيه أقسام البحث فيها نشط شوية ...المعامل ....الميكرو بيولوجي .... الجينات و الوراثة ..إلخ فالفرص فيها أقوي

النشر ده حدوتة تانية طبعا

لو حضرتك من قاطني القاهرة ...معهد الأورام برضه نشط في موضوع البحث العلمي ده

بالتوفيق إن شاء الله

الف شكر على المعلومات الجميله يا د/هشام .. طيب بفرض اني عايز اشترك في ابحاث .. ممكن من امته ( بصفتك جامعي عريق ) .. يعني هل ممكن و انا في النيابه ( بفرض ان الوقت يسمح ) ولا لازم من بعد ما ابقى مدرس مساعد ؟

و يا ترى النشر بيكون ازاي .. يعني لو عايز انقل بحث معين اتعمل لمجله معروفه بحيث يدرسوه و يحددوا ينشر ولا لاء .. ازاي ممكن اعمل ده ؟ و ده بيتم عن طريق مواقع ولا مراسلات بريديه ولا ايه .. يعني لو ممكن حضرتك خطوات بسيطه مش لازم مفصله عن الموضوع يبقى جزاك الله خيرا ..

معلش تقلت على حضرتك .

[د هشام ابراهيم]

الأخ الفاضل د.هشام ابراهيم بارك الله فيك وجزاك خير الجزاء على سعة صدرك و على ماقدمته لنا من معلومات قيمة أفادتنا نحن شباب الأطباء المصريين والكثيرين من غير الأطباء.

للأمانة أقول لك ماأشعر به تجاهك من راحة نفسية شديدة ومعزة أخوية و أتمنى ان تعتبرني أخا صغيرا لك ان لم يكن في صدرك حرج من ذلك , بارك الله لك.

أنا طبيب شاب أبلغ من العمر 27 عاما و أعمل حاليا كطبيب مقيم بقسم الطب الحرج والرعاية المركزة باحدى المستشفيات الجامعية المصرية وفي طريقي باذن الله لأكمال درجة الماجستير وكان لي عند حضرتك بعض الأسئلة بخصوص المعادلة و البورد الكندي :

.........

آسف لأن اسئلتي كثيره , بارك الله فيك وأدام لك و لزوجك الصحة والعافية

أهلا و سهلا بك يا دكتورنا الفاضل أخ كريم و كل التمنيات بالتوفيق إن شاء الله

1.هل هناك تخصص مستقل معروف باسم الطب الحرج (critical care medicine/intensive care medicine) ,و ليس له علاقة بتخصص التخدير و العناية المركزة الجراحية أو تخصص صدرية أو أمراض باطنة ( سبب السؤال هو ان بورد الطب الحرج كتخصص مستقل ليس شائعا و غالبا ما يكون مكملا للتخدير او الصدرية أو الباطنة)

فيه تخصص بس ما فيش نيابة مستقلة و علي حسب علمي ما فيش بورد .... كل اللي قابلتهم شغالين في العناية المركزة لا إما تخدير لا إما باطنة

2.أذا كان موجودا , فهل من الممكن ان اعرف معلومات عنه ( مستقبله العلمي , مدى توفره او الحصول عليه , fellowship , الحوافز المادية)

تخصص مطلوب و شغله حلو و دخله كويس جدا ... ال fellowships موجودة و تخضع برضه للعرض و الطلب و التوفيق من ربنا أولا و اخرا

3. اذا لم يكن موجودا هل ماجستير الطب الحرج سيكون له قيمة اذا فكرت أن اكمل باذن الله في تخصص كصدرية أو باطنة ( هل له قيمة في كندا )

أي شهادة مصرية حتدعم ال-CV بتاعك انما غير معترف بيها و مش حتساعد مباشرة في التقديم لأي حاجة

4.هل (MRCP) سيكون لها قيمة في كلا الحالتين.

الشهادات البريطانية بتسرع الطريق انما لا تغني عن المعادلة و لا أمتحان الكلية الملكية الكندية ....لمزيد من التفاصيل راجع الموضوع ده النقطة ديه شرحتها تفصيلا كذا مرة قبل كده يا دكترة

5. هل البورد الكندي كقيمة علمية يعتبر أفضل من البورد الأمريكي و هل يسمح بالعمل به في امريكا

علي حسب علمي أيوه لكن صراحة أنا عمري ما فكرت أروح أمريكا و ما عنديش معلومات عنها كفاية

6. ماهي الكلفة المادية تقريبا اذا أردت أن اكمل لأجزاء الأولى من المعادلة في مصر.

من قال لا أعلم فقد أفتي ...أنا لما جيت كندا ما كانش متاح أصلا اني امتحن ال-EE في مصر .... أعتقد إن فيه مواضيع كتير في المنتدى الثري ده فيه معلومات أحدث أكيد ممكن يبقى فيها رد لسؤالك

بالتوفيق إن شاء الله

[د هشام ابراهيم]

الف شكر على المعلومات الجميله يا د/هشام .. طيب بفرض اني عايز اشترك في ابحاث .. ممكن من امته ( بصفتك جامعي عريق ) .. يعني هل ممكن و انا في النيابه ( بفرض ان الوقت يسمح ) ولا لازم من بعد ما ابقى مدرس مساعد ؟

و يا ترى النشر بيكون ازاي .. يعني لو عايز انقل بحث معين اتعمل لمجله معروفه بحيث يدرسوه و يحددوا ينشر ولا لاء .. ازاي ممكن اعمل ده ؟ و ده بيتم عن طريق مواقع ولا مراسلات بريديه ولا ايه .. يعني لو ممكن حضرتك خطوات بسيطه مش لازم مفصله عن الموضوع يبقى جزاك الله خيرا ..

معلش تقلت على حضرتك .

العفو يا باشا ...لو الهدف النشر بالخارج و الاستفادة من وجود تاريخ بحث يبقى ممكن تبتدي إن شا الله لو طالب طب

لو الهدف الترقيات الجامعية في مصر لازم تبقى مدرس !!

موقع كل مجلة علمية فيه رابط للمراسلة بتبعت ليهم البحث بتاعك و هما بيقيموه و يشوفوه صالح للنشر و لا لأ .... طبيعي جدا إن المجلات الكبيرة ترفض نشر بحث لانه غير مطابق للمعايير بتاعتها .... شيء بيحصل للكل حتي عتاة البحث العلمي و لا ينقص من حد شيء

فيه مجلات النشر فيها انجاز في حد ذاته ذي ال-NEJM و ال-BJM و ال-BJA مثلا ....بس دول صعب قوي النشر فيهم ..... الأسهل تحاول مع مجلات مصرية الأول لحد ما تتقن فنون البحث العلمي و بعدين تحاول بره .... زاي أي حاجة تانية ما فيش حاجة سهلة و لازم تعب و مجهود

[YUSY]

جزاك الله عنا كل الخير ووفقك لما يحب ويرضىوكثر الله من امثالك فالله فى عون العبد مادام العبد فى عون اخية

[د هشام ابراهيم]

جزاك الله عنا كل الخير ووفقك لما يحب ويرضىوكثر الله من امثالك فالله فى عون العبد مادام العبد فى عون اخية

حقا يا أخي الفاضل .... لك جزيل الشكر علي مديحك و دعائك

[Balooshy]

الف شكر على المعلومات الجميله يا د/هشام .. طيب بفرض اني عايز اشترك في ابحاث .. ممكن من امته ( بصفتك جامعي عريق ) .. يعني هل ممكن و انا في النيابه ( بفرض ان الوقت يسمح ) ولا لازم من بعد ما ابقى مدرس مساعد ؟

و يا ترى النشر بيكون ازاي .. يعني لو عايز انقل بحث معين اتعمل لمجله معروفه بحيث يدرسوه و يحددوا ينشر ولا لاء .. ازاي ممكن اعمل ده ؟ و ده بيتم عن طريق مواقع ولا مراسلات بريديه ولا ايه .. يعني لو ممكن حضرتك خطوات بسيطه مش لازم مفصله عن الموضوع يبقى جزاك الله خيرا ..

معلش تقلت على حضرتك .

العفو يا باشا ...لو الهدف النشر بالخارج و الاستفادة من وجود تاريخ بحث يبقى ممكن تبتدي إن شا الله لو طالب طب

لو الهدف الترقيات الجامعية في مصر لازم تبقى مدرس !!

موقع كل مجلة علمية فيه رابط للمراسلة بتبعت ليهم البحث بتاعك و هما بيقيموه و يشوفوه صالح للنشر و لا لأ .... طبيعي جدا إن المجلات الكبيرة ترفض نشر بحث لانه غير مطابق للمعايير بتاعتها .... شيء بيحصل للكل حتي عتاة البحث العلمي و لا ينقص من حد شيء

فيه مجلات النشر فيها انجاز في حد ذاته ذي ال-NEJM و ال-BJM و ال-BJA مثلا ....بس دول صعب قوي النشر فيهم ..... الأسهل تحاول مع مجلات مصرية الأول لحد ما تتقن فنون البحث العلمي و بعدين تحاول بره .... زاي أي حاجة تانية ما فيش حاجة سهلة و لازم تعب و مجهود

ربنا يكرمك يا د/هشام .. انا هدفي مش الترقيات .. هدفي تدعيم السي في بأبحاث تسهلي الدنيا بره ..

جزاك الله خيرا على مجهودك اللي بتعمله ده .

[د هشام ابراهيم]

ربنا يكرمك يا د/هشام .. انا هدفي مش الترقيات .. هدفي تدعيم السي في بأبحاث تسهلي الدنيا بره ..

جزاك الله خيرا على مجهودك اللي بتعمله ده .

و أياكم يا دكتورنا الفاضل و بالتوفيق إن شاء الله

[د هشام ابراهيم]

الحقيقة لقيت موضوع هايل صدفة و أنا بادور على مواضيع الأخ الفاضل ياسر .... فيه معلومات قيمة جدا بخصوص مصاريف المعيشة قبل ما أتكلم عن تجربتي مع الاسعار في تورنتو ....الرابط

الميزانيه الشهريه للمهاجر لكندا

[د هشام ابراهيم]

عودة لموضوع الأسعار ... فيه كام محل كده صديق للمهاجرين الجدد خصوصا في الاول خالص .... طبعا كلنا عارفين إن أول سنة بتبقى الأصعب و أول كام شهر فيها بتبقى أصعب ما فيها ... المحلات ديه بتقدم جودة معقولة باسعار منخفضة

ملحوظة مهمة ....كندا زايها زي الكتير من دول الغربية فيها ميزة ...الاسعار مؤشر جيد للجودة ....بمعني إن الغالي تمنه فيه لو جبت حاجة بدولار يبقى تسوي دولار و ما تعتقدش انها حتبقى بنفس جودة مثيلتها اللي بعشرة

أولا :Wal-mart

لستة المنتجات و الاسعار

سلسلة السوبر ستورز الأمريكاني الاشهر و الأكبر و بتبيع كل حاجة من الأبرة للصاروخ فعلا ....الأسعار مهاودة جدا ...الجودة مش كويسة قوي ... تجربة التسوق سيئة في رأيي للفروع اللي في وسط البلد و بتتحسن كل ما تطلع بره .....أحسن واحد في حكاية تجربة التسوق ديه بالنسبة لي علي الأطلاق الفرع اللي في سانت كاترين ٤ كم من البيت ....فاضي لحد كبير ...مفتوح لوقت متأخر ٧ أيام في الأسبوع ...فيه كل حاجة ... و مثالي لو عايز حاجة رخيصة ....أخر حاجة جبتها منه كان DVD high definition لفيلم باتمان الاخير ..... نفس الموجود بره و أرخص ...و قيس علي كده حاجات كتير

أغلب البضايع في wal-mart بتبقى صيني و هندي و بنجلاديشي .... (لأنه أمريكاني و بيبيع حاجات صيني و ديه عليها علامات استفهام كبيرة بخصوص حقوق العمال ....كتير من الكنديين ما بيحبوش wal-mart )

ثانيا Nofrills

لستة المنتجات و الاسعار

سلسلة محلات مخصوصة للبقالة و اللحوم و الخضار و الفاكهة ....اسعاره معقولة و فيه فروع بتبيع لحمة حلال .... حتلاقي قسم مخصوص في التلاجات عليه علامة حلال بالعربي و الانجليزي و بيبيع لحوم و دواجن حلال

عمري ما حبيت no frills ....باحسه مهرجل في ترتيب العرض و ما بيقبلش فيزا ( ماستر بس ) و بيحاسبك علي الاكياس البلاستيك ( قريب جدا كل المحلات حتبقى كده ....الحكومة عايزة تقلل استهلاك الشنط البلاستيك لاقل درجة علشان مضرة للبيئة و صعب التخلص منها )

ثالثا Dollarama

سلسلة محلات بتبيع كل حاجة بدولار .... الحقيقة فيه نقطة مهمة و بتضايقني ...الأسعار المعلنة هي الأسعار من غير ضريبة المبيعات .... يعني لازم تضيف عليها الضرايب و أنت بتدفع ... في الاول طبعا كان فيه مواقف محرجة بسبب الموضوع ده الضرايب كانت ١٥ ٪ ساعتها فالحاجة اللي بميت دولار مثلا تبقى ١١٥ دولار و هكذا .... هي الناس اتعودت علي كده و مش مضايقين بس أنا لحد النهارده نفسي يكتبوا السعر النهائي علي الحاجة

مشكلة دولاراما بقي انك داخل تشتري حاجة بسيطة ....فوط مطبخ ال-٣ بدولار مثلا أو أكياس ورق للسندوتشات ...تلاقي نفسك جايب حاجات بخمسين ستين دولار و مش عارف تعمل بيهم إيه

[د هشام ابراهيم]

استاذنك يا دكتور هشام لو تحكيلنا شويه عن الاسعار

يعنى اسعار الاكل سواء الجاهز او الى لسا هيتعمل

اسعار السيارات

اسعار المنازل

اسعار الملابس

الموبيلات

اللاب توب

تكلفة صياتة العربيات وتغير الزيت

لتر البنزين

الاسعار عموما يا دكتور كل حاجة

والف شكر يا دكتور مقدما

مش ناسي يا باشا و إن شاء الله بالتفصيل كمان .... للموضوع بقية إن كان في العمر بقية

[ايهاب سالم]

أول ما جيت كندا ..يونيو ٢٠٠٥ كنت حاسس إن كندا غالية جدا ... طبعا كنت باحسب كل حاجة بالجنيه المصري و عقلي بيحول السعر أوتوماتيكيا يعني القهوة اللي ب-٢ دولار تبقى بعشرة جنيه علي طول ( الدولار مقابل الجنيه بيتأرجح حوالين ه جنيه بقاله كام سنة ...وصل ل ٥ و ربع و حاليا حوالي ٤ جنيه و ٦٠ قرش )

أتفق مع د/ هشام

هذا خطأ كبير وقعت فيه شخصيا و يقع فيه كل المهاجرين في الفترة الاولى من حياتهم في كندا

لا تحسبها بالجنيه او بالريال لأنك لا تقبض بالجنيه او بالريال و لا تعيش في مصر أو الخليج

كل بلد و لها ظروفها

١ - أحسب الأسعار بوحدة نقد مش مهم اسم العملة ... يعني لو في كندا كباية القهوة ب-٢ دولار ... تبقى مفروض ب-٢ جنيه في مصر و ٢٠٠ ين في اليابان و ٢ يورو في أوروبا .... إلخ

:wub:

مظبوط مائه بالمائه

وحدة المقارنة المثالية سندوتش البيج ماك بتاع مكدونالدز ... بغض النظر عن أي اعتبارات ...مكدونالدز منتج عالمي موجود في أغلب دول العالم و تقريبا نفس المنيو wst::

معلش مش هأقدر أتفق معاك في دي يا دوك

مكدونالدز ده أنا بأعتبره مثال لل junk food و waste of money .... لو أعرف إنه موجود في شارع ممشيش منه

و كذلك كل محلات البرجر

معلش البطون فيما تعشق مذاهبو

المهم قعدت سنتين مثلا باطبق النظرية الأقتصادية الهشامية ديه و بيها كندا أرخص من مصر .... زيارتي الأخيرة لمصر رمضان و العيد اللي فات نسفوا النظرية ...خلاص ما لهاش لازمة .... بأي مقاييس مصر بقت أغلي من كندا ....قهوة إيه اللي ب-٢ جنيه .... راجع أسعار كوستا أو بينوز أو ستارباكس أو ألان دي نوتر أو كافيتريا أي نادي في القاهرة زاي الاهلي أو الصيد ....تجيبها يمين تجيبها شمال مصر بقيت أغلي من كندا .... علما بان الجودة مختلفة و مش حاقول لكم مين الجودة اللي أحسن :)

دي حقيقه لا جدال فيها حاليا يا دوك

مصر أغلى من كندا ... بيريود

[Torontotruk]

طبعا انا ماعرفش اسامي المحلات اللي آل عليها د/هشام ...كوستا او بينوز اوبارباكس..لاني انا أخري ائعد علي قهوة بلدي...واحد شاى علي مية بيضة ـ سكر برة...وحجرين معسل قص البرج طبعا ده بعد الاصتباحة او الاستمورنينج...اللي في الغالب بيبئوا سندوتشين واحد فول بالبيض مع واحد فلافل...بس اكيد مصر بأت غالية جدا...انا فاكر اني اشتريت طبق مكرونة بالباشميل مع شوية مخلل بتسعة جنيه من عند فلفلة في طلعت حرب...اكلت طبق كشري دبل و طبأت بواحد كمالة وحبست بطبق رز بلبن ...ب 12 جنيه..الكلام ده السنة اللي فاتت ...فعلا مصر بأت مولعة..

[pharaon]

اولا انا اسف يا دكتور على التاخير فى الرد وتسجيل المتابعة

بس حضرتك حطيت لينك للبشمهندس ياسر وموضوعه عن الاسعار (يا رب يرجع للمنتدى تانى مع انى مش عارف سبب زعله ) وانا غرقت فيه بصراحة وانا من النوع اذا ابتديت اقرى حاجة مسيبهاش الا لما اخلصها

والموضوع فعلا رائع جدا (يعنى حضرتك السبب فى تأخيرى على الرد عليك )

حضرتك بجد لخصتلنا اهم الاسواق الكندية وقسمتها حسب الاحتياجات والجودة والشهرة بجد الف شكر

بس انا عاجبنى دولارما ده شبه محلات ابو ريالين الى عندنا فى السعودية ( واقل حاجة تصرفلك برده ميت ريال وانتا خارج منه بحاجات تندم انك اشترتها اول ما تخرج من المحل :lol: :lol: )

وبنسبة لموضوع ضرايب المبيعات الواحد يخلى فى جيبه كلكلويتور وخلاص ويريح دماغة :lol:

الف شكر يا دكتور لاهتمام حضرتك باستفساراتى ونردهالك فى الافراح انشاء الله

وانا فى انتظار باقى الموضوع عن الاسعار وتجربة حضرتك الشخصية مع التسوق

و

و

و

و

متابعييييييييييييييييييين (يجعله عامر )

[pharaon]

طبعا انا ماعرفش اسامي المحلات اللي آل عليها د/هشام ...كوستا او بينوز اوبارباكس..لاني انا أخري ائعد علي قهوة بلدي...واحد شاى علي مية بيضة ـ سكر برة...وحجرين معسل قص البرج طبعا ده بعد الاصتباحة او الاستمورنينج...اللي في الغالب بيبئوا سندوتشين واحد فول بالبيض مع واحد فلافل...بس اكيد مصر بأت غالية جدا...انا فاكر اني اشتريت طبق مكرونة بالباشميل مع شوية مخلل بتسعة جنيه من عند فلفلة في طلعت حرب...اكلت طبق كشري دبل و طبأت بواحد كمالة وحبست بطبق رز بلبن ...ب 12 جنيه..الكلام ده السنة اللي فاتت ...فعلا مصر بأت مولعة..

على فكرة يا تورنتو باشا انا اكتر حاجة مكرهانى فى الاسقرار فى مصر هو الغلاء الدائم والمستمر

بجد حاجة مقرفة

كل مالاقى شغلانة كويسه واقدر اضبط نفسى على المرتب والحياة على قدر دخلى الاقى البنزين غلى والسجاير والاكل واللبس وكل حاجة بجد

اقوم راجع السعودية وادور على شغل وابتدى تانى

ازهق من الحياة هنا ومللها اكلم العيال فى مصر (صحابى ) يدورلى على اوفر فى بنك ولا شركة مالتى ناشونال

ارجع مصر واشتغل (بتوفيق من ربنا والله ) الحياة تغلى والاقى نفسى مش قادر اعيش

ارجع السعودية تانى وهكذا

عملت الموضوع ده مرتين لغاية دلوقتى فى 3 سنين من ساعة ما اتخرجت

بجد الغلاء ده عقدنى

[casanooovaaa]

الله الله الله متابعين يا دكتور , و انا مش عارف كنا هنعمل ايه من غيرك يا دكتور و بالتوفيق إن شاء الله :winner:

[ام بلال]

ربنا يوفقك يا دكتور هشام و كل اللي بيساعد الناس و يوقفله ولاد الحلال زي ما بيقفوا يساعدوا الناس ، و يكتب لنا نساعدهم زيكم في يوم من الأيام .

ربنا يجعله في ميزان حسناتك

[samehelassad]

الله ينو عليك يادكتور هشام.

ايوة كدة خش على تفاصيل الحياة هناك ونافش التهامي هورتونز بشدة.

سوال على الماشي وعشان تعرف برضة اني مزاكر.

حضرتك كنت قلت زمان انك كنت بتراسل سماسرة عقارات على النت عشان تدور على شقة قبل ماتيجي. والراجل كان محضرلك شقق تنقي منهم وهكذا. السوال هنا

هل السماسرة دول بفلوس ولا ببلاش واية الفايدة ليهم لو ببلاش؟ واية رائيك فيهم واية والسايت بتاعهم؟ وياسلام لو تكلمنا عن خبرتك في السكن في كندا وشروطة وعقباتة على المهاجر الجديد وكيفية التغلب عليها؟ وياترى عملت اية انت والمدام في الفترة الاولي قبل ماتستلموا الشقة بتاعتكم؟؟ مستني حلقتك الدسمة الجديدة اللي هتلاقيعليها اكيد اقبال جماهيري شرس؟